رواية اولاد المدينة الفصل السادس 6 بقلم حسن الجامعي

بوي شاف رساله تهديد : يا ناااديه يا نااااديه تعالي بسرعه

امي : خيرك شن في شن في

بوي : في حد كاتب الحقيقة لي ولدنا من اللي كتب هكي

امي : لا اله الا الله متي اللي كتب الرساله وخلاه ينتحر هكي من هو صاحب الورقه هادي وكيف عرف ان اني مش امه وانت مش بوه كيف

بوي : الولد انتحر لأن امه كانت ...

♤ زعما شن حيصير في عثمان اللي خدي هزايب هلبا وطرايح ... وشن حيصير في نسرين وولدها وهل ولدها عايش فعلا ام لا ... وعلاش انتحرت اني ترا قولولي علاش امي شن كانت ادير زمان باش متت ... اني حكيتلكم قصتي بس بي تقاطع نتمنى ان تحلوا هذا اللغز ❤👀

♡ روآيات الكاتب الليبي ♡

👀❤

بوي : لأن ام عمر كانت

امي : مدمنة مخدرات مخدرااات

بوي : ايه مدمنة مخدرات ...

__ قبل 19 سنه ...

صفاء قدام باب الحوش : اسمعي اسمعي نادية نادية خودي ولدي وعطيني فلوس بس نبي فلوس

نادية : شن تقولي انتي خيره منضرك هكي وعيونك سود

صفاء : شي شي خودي ولدي وسميه زي ما تبي انتي

نادية : ووين بوه

صفاء : بوه بوه انا قتلته وسيبته في الحوش ينقط دم

نادية : ووووك حوووووي 😱😱😱 شن درتي

صفاء : خوديه منبيش منبيش

نادية : خودي ولدك وخلي عندك علاش قتلتي الراجل لااااش

صفاء : هو هو ه مد ايده عليا هو خوديه هيا وعطيني فلوس بنشري مخد شي شي

نادية : شن الكلمه اللي قلتيها توا مخدرات ولاه انتي مدمنة مخدرات يا صفاء متوقتعكش هكي

صفاء : خلاص خلاص بناخد ولدي معاي بس انتي متجيبيش في ولاد ف هادي فررصتككك وراحت ت ع عليك

نادية : هاتيه جاي هاتيه جاي وخودي فلوس اللي في جزدان كله واهربي مش حنقول شي ع ناصر

صفاء : ش ش شكرا .. مشت تجري

وامي قعدت في حظنها اني وكنت صغير وحبتني وخلتني ولدها وسمتني عمر ع اسم بوها .

... ف ال حاضر

امي : ياربي مني قاله بس مني قاله

بوي : توا نعرفه وحنمحيه ع وجه الارض

امي : اااااخ يا وليدي اااخ رحت مني وسيبتني معنديش حظ ان نكون ام بكل ووك عليا

_______________________ تاني يوم 💁‍♂️

نسرين : بعتتهملك الكروت هيا قولي ولدي وين

مجهول : منيش مقايل ههههه

مراد : هاتي التلفون جاي

نسرين : يا نصااب يا حقير وين ولدي

مراد : تعرف واقسم بالله كان نعرف مكانك لما نقطعك

مجهول : صكر الخط على وجوهم

مراد : مش قتلك اني هادا واحد نصاب خيرك هكي اززفت

______________________________

عند فاروق 💁‍♂️

حنان : اسمع يا روح الماما باش تبدا تخدم في العطله فهمت وتبدا تعتمد على نفسك

فاروق : وشني بنبدا نخدم 😂

حنان : تخدم في محل ولد خالك محل ملابس وقفاطين تساعدهم فيه

فاروق : ههههه وووك شني بنقيسلهم القفاطين يعني 😂

حنان : تعرف بيجيك كف راه منتسهوكش لازم تعتمد على نفسك

فاروق : خلاث هو اخر اسبوع في الامتحانات وبعدين نبدا نخدم 🙂

حنان : ايه ايه ع اساس بنصدق توا هي برا لحق على مدرستك ...

____________________________

ترن ترن ترن

مريم : الو السلام عليكم يا ابلة خديجة

الابلة : وعليكم السلام اني كنت بنقولك حاجه امس وقلتيلي توا نتصل بيك ونرد عليك

مريم : ااااه ايه سامحيني نسيتك

الابله : اني اسفه بس ولدك مصكر الدرجة وولد تاني بدل بين الاوراقي

مريم : انهااار احرف كيف صار

الابلة : حكتلها القصه كلها

مريم : حست بذنب على خاطر ضلمت وليد في الكلام 🔥 ...

___________________________

ايهاب : حنااي اسمعي اني طالع

نوريه : باهي جاوب كويس مزالك اخر اسبوع وتكمل

ايهاب : باهي حاضر ...

فاروق : صبااحوو

ايهاب : صباح الخير

مراد : شنجوو

وليد : هيا خلينا نمشوا بسرعه

ايهاب : ايه شن اخباركم شن مدايرين

وليد : تصدقوا طلعت مجاوب الورقه ههه وامي تأسفتلي ههه

ايهاب : وووك وورقة مني هديكا امالا 😂

وليد : مش عارف توا نمشي للابله ونشوف

مراد : تعرفوا الراجل اللي قال يبي الفلوس

وليد : ايه خيره

مراد : خدي مننا حق كروت 100 ومشي الكلب طلع كذاب تعارفوا مستحيل حد يعيش بعد الموت كيف تجي هادي 🤦‍♂️

ايهاب : مراد خلاص معاش تزعل روحك برا توا كمل طريقك مزال طريقك طوويله باش تكمل وتحقق اللي تبيه

وليد : خلونا نولعوا الاغاني هيا

فاروق : حطولنا انا حبيت وحده لكن طلعت قاسيه وقحده قلبها زي الفحمة 😂😂

وليد : يانااااري حبيبتك سيباتك 😂

عثمان : جي في طريقهم باش يضيقهم ... اوووه شلة الفساد كيف حالكم 😂

ايهاب : مفيش غيرك فاسد اهني بيناتنا 😊

عثمان : ووك ايهاب خيرك عليا تقول قتلك امك وبوك ههههه

ايهاب : هووي بديت تغلط راااه امي وبوي معاش تجيب سيرتهم على لسانك يا كلب

مراد : هيا طردح من قدامنا خلينا نمشوا

عثمان زلق بكلمة: شني مراد نصبوا عليك هههه 😂

مراد : وانت كيف عرفت ان نصبوا عليا 😑

عثمان توتر : ا قصدي نصبوا عليك اصحابك اهما حيقعدوا معاك شويه ويوفوتك ههههه

وليد : عثمان تعرف شاك فيك انت اللي مبدل اوراقي صح ولا

عثمان : هههه وووك اما وراقي اهما يا راس البطاطا

وليد : توا لما نمشي للتانويه ونكلم الابله توا نعرفوا اما ورقه هي طير من قدامنا

عثمان : تييي وووك انتم كل شي يصير معاكم معناها اني سبب احمار انت 😂

شيماء : هاااي شباب كيف حالكم 🤗🥰

الاولاد : 😳😳😳😳

عثمان : هههه كيف حالك اني اسمي عثمان

شيماء : نحي ايدك جايه نكلم فاروق اني

فاروق : هههههه ايه اكيد نكلمك ليش لا 🤤🤤

ايهاب : ههههه مصدقت انت عاد

فاروق : مشي مع شيماء يكلم فيها

عثمان : ماشي معانا يبي يقصقص شن في

الاولاد : وصلوا للتانويه بس ايهاب طلع من التانويه بيشري حاجه يكلها من اي دكان بس شاف حاجه مكانتش في حسبان 😳😳 ...

___________________________

شيماء : فاروق اني معجبة فيك وتقريبا نحبك

فاروق : ما صدق وقاللها حتى اني نحبك طبعا البنات كلهم يديرلهم هكي ويسيبهم بس هالمرة غير 🔥🔥💁‍♂️

شيماء : هيا خلينا نمشوا للتانويه هي

فاروق : ايه هي 😍

.

.

.

عند وليد 💁‍♂️

الابلة : سامحني ي وليدي النتيجة متعك كويسه بكل بس الورقة تبدلت

وليد : ومني بدالها 😊

الابلة : القليل الادب اللي اسمه عثمان

وليد : كنتتت نعررف اصلا حيي عليه حي مني

الابلة : شن بدير للولد سيبه

وليد : طلللع وهو ناووي عثمان

الابلة : الحقيه رااه يدير حاجه ومصيبه

الطالبة : حاضر يا ابلة

وليد : توا نوري ...امك 🤬🤬🤬

___________________________

ايهاب : شاف بوه وليد مع وحده تانيه راكبه مع في سيارة وكأن بوه قاعد يخون في امه 😳

فاروق : ايهاااب خيرك واقف برا

ايهاب : فاروق تشوف اللي اني قاعد نشوف فيه

فاروق : 😱😱😱