رواية اولاد المدينة الفصل الخامس 5 بقلم حسن الجامعي

.

.

ايهاب : بنقولك حاجه لكن متزعلش انت راجل وانت لازم تعرف بكل شي يصير من وراك

فاروق : خيرك شن في اتكلم

ايهاب : حبيبتك نور تكدب عليك

فاروق : كيف يعني

مراد : ؟؟ 😶

ايهاب : نور متحبكش بكل وتكلم في واحد تاني

فاروق مصدقكش كلامه : تي برا روح بلا كدب

ايهاب : والله العظيم والرصيد اللي انت تبعت فيه ليها هي تبعت فيه اللي تكلم فيه غيرك

فاروق : 😧😧

مراد : 😶😶😶💔 حي عليها حي

فاروق : من وين عرفت انت

ايهاب : بنت عمتي قالتلي كل شي لأن صحبتها هي

فاروق انحرج : اهاا به تمام تشاو بنمشي

ايهاب : اتعالا يا فاروق وين ماشي

فاروق : تعبان بنرقد هي تشاو

مراد : غير خليك قاعد

مراد : علاش قتله كان سكتت خير خلي يعرف هو بروحه

ايهاب : كان مقتلاش مكانش يعرف وحتقعد ديما تضحك عليه

مراد : ايه صحح ... تي وينه هدا وليد معاش جي 🤦‍♂️ ...

.

.

.

*فاروق خش للحوش وصكر على روحه الدار ومش عارف شن يدير يهزبها او يسيبها مش عارف شن يدير *

حنان : خير بلاك انت مصكر الدار لا سلام ولا كلام

فاروق ف دار : نبي نرقد نعسان

حنان : تبي ترقد وساعه 6 العشية

فاروق : ايه خلوني نرقد وخلوني في حالي شويه

حنان : ااااه توا عرفت ههههه حبيبت قلبك سيباتك

فاروق : خلوني نرقد منسمعش فيك

حنان : توا فترة وتمر ههههه ضحكت عليك من الاول قتلك اني انها تضحك عليك 😂💔

.

.

.

* عند وليد *

وليد محبوس ف دار : واااك لولاد توا بيتعفلقوا مني على خاطر مجيتهمش وواك ... * لقي تلفونه لقديم في الدولاب وطلعه *

وليد : اللله توا نكلمهم ونقوللهم ان منيش جاي ... وووك تلفون مزال يخدم خلي نتصل ...

ايهاب : الوو مني معاي

وليد : اني وليد

ايهاب : يا خراا لينا ساعتين نستنوا فيك وينك اززفت

وليد : امي عرفت ان جايب صفر وحبستني في دار

ايهاب : تي وااااك منك ... تي مني قاللها

وليد : اني نعرف من هو بس تعالا طلعني

ايهاب : كيف بنطلعك 🤦‍♂️

وليد : تعالا وتوا نقولك ...

ايهاب : اهوا جايك اني ومراد ...

.

.

.

*عند نورية حناه ايهاب *

نوريه : الووو

ديانا : الووو نورية

نورية : صوتك مش غريب عليا مني انتي

ديانا : اني ديانا

نورية : شن تبي انتي توا ... وشن اللي خطرلك تكلميني بعد سنين الزفته هادي كلها

ديانا : محتاجه فلوس ضروري

نورية : وشن بيني وبينك لاش تعطيني فلوس يا ماما

ديانا : عطيني فلوس والا نطلع ونقول لي ايهاب ان امه عايشه

نورية : اتحشمي على وجهك انتي اللي سيبتيه يا كلبه وتوا تهدديني بيه بري امشي قوليله

ديانا : خلاص خلي يعرف وهو حيكرهك اكيد لأن مقلتيلاش ان امه عايشه يا روحي

نورية : اول شي احترمي نفسك وانتي تتكلمي معاي تاني شي قداش تبي فلوس

ديانا : ايوا خليك شطورة هكي ...

.

.

.

*عند نسرين *

نسرين : الوووو اهلين سلمى قتلك اني توا بنرجع نخدم في المصرف تمام بس نبي طلب ضروري بكل

سلمى : بترجعي تخدمي معانا قصدك

نسرين : ايه بنخدم معاكم لأن مضطره ونبي للوس منغير ما راجلي يعرف

سلمى : خير شن فيك

نسرين : نبي 5000 ضروري

سلمى : خلاص تعالى غدوا وتوا نكلم المدير يعطيهملك مقداما بس علاش

نسرين : تعرفي قصه طويله توا نحكيهالك لما نتلاقوا

سلمى : تمام سلامات

نسرين : صحيتي ... سلام

.

.

.

ايهاب يتصل : الوووو

وليد : اسمع حط طاوله او حاجه عالية باش بننزل من الروشن

ايهاب : وكيف بتنزل يا فالح

وليد : تي حط اي حاجه بسرعه

ايهاب : مفيش طاولات توا نحطلك سطل لكناسه

وليد : في عينك تبي امي تقتلني شورك

ايهاب :ايه نبيها تقتلك انزل اشحط روحك

وليد : باهي ضم فمك اني بنشد الفوطه وبنربطها كويس باش نعرف ننزل وكان طحت شدوني انت ومراد

مراد : مهبولييين انتم ولا شني

ايهاب : هيا انزل بسرعه ازززفت

وليد : اشهد ان لا اله الا الله

مراد : وااااك انزل درهتلنا كبدنا 😂😂😂🤦‍♂️💔

ايهاب : انزززل

وليد : تي باااااهي

* وليد قدر ينزل منغير ما تشوفه امه *

مراد : واخيرااا

وليد : ايه واخيرا وتوا خلوني نمشي نعطي واحد طريحه

ايهاب : من هو اللي بتعطية طريحه

وليد : اللي اسمه عثمان هدا هددني ان لو معطيتاش فلوس بيقول لي امي وتوا بنمشي نعطيه طريحه لأن قاللها

ايهاب : حيييي علييييه هدااا قصدك فلوس يبي 😱

مراد : حوووووو 😱😱😱😱

ايهاب : فوووته توا خلينا نمشوا لي فاروق

وليد : خيرره فاروق شن فيه

ايهاب : حبيبته خاينه وهو توا مضايق خلي نمشوا نشوفوه

مراد : امشي وتوا نحكولك القصه في طريق هيااا ...

* عند الابلة متع وليد ... اتراجع في اوراق الامتحانات متع الطلبه لكن اكتشفت شي غريب *

الابلة : ايااه شن هدا مستحيل اتكون صدفه

الطالبة : خيرك يا ابلة

الابلة : روحوا الطلبه ولاه

الطالبة : ايه روحوا كلهم من امبكررري

الابلة : شوفي مش هدي ورقة وليد

الطالبة : ايه ورقت وليد

الابلة : بس وليد مش هكي خطه

الطالبة : ايه صح بس بلكي هكي تغير خطه بسرعه

الابلة : اعطيني اوراق الطلبه كلهم نشوف خط وليد في اما ورقة

الطالبة : قصدك بالك مبدلين الورقه

الابلة : ايييه شايفه منهم هلبا اشكالات هادي وعجنتهم وخابزتهم بس اعطيني نتأكد بالورقه

الطالبة : حاضر هي هاكي الورقه هادي

الابلة : لالا هدا خط فاروق بروحه لالا مش هادي

الطالبة : وهادي

الابلة : لالا مش هادي

الطالبة : باه هادي

الابلة : انهاااار احرف 😱😱😱

الطالبة : خيرك يا ابلة 😳😳😳 ...

* عند فاروق *

حنان : اسمع افتح الباب واحكيلي خيرك را نكلم بوك

ايهاب دق الباب : هيا افتحوااا

حنان : مننننني ؟

ايهاب : اني ايهاب

حنان : اهلين ايهاب اهلين مراد وليد كيف الحال

ايهاب : نبوا فاروق

حنان : مصكر على روحه الباب ميبيش يفتحلي

ايهاب : توا اني نكلمه

حنان : تفضلوا خشوا هي

ايهاب : فاروووق افتح الباب

فاروق: شن تبي اززفت جاي للحوش

ايهاب : افتح توا نقولك شن نبي

فاروق فتح الباب : خيركم كلكم جايين 🤦‍♂️💔

وليد : كان مش عاجبك خلي نطلعوا

فاروق :قعمز واسكت انت

مراد : تي انساها يا فاروق فوتها خلاص

فاروق : انا حبيتك وجرحتيني

مراد : انا صنتك لكن خنتيني

ايهاب : انتي اكيد مش بتحبيني لية من الاول عشمتيني😂

وليد : انا في سنيني بيطلع عيني

فاروق : واجب عليك انك تضراضيني 😂

مراد : تيجي في الاخر و تفارقيني

وتروحي لغيري وتسبيني 😂😂😂💔🤦‍♂️

.

.

.

* ام وليد *

مريم : وليد افتح الباب يا بلي باش تاكل وليددد ؟

بوه وليد : سيبي الولد في حاله

مريم : تي مسمعنيش حتى صوووته

بوه وليد : افتح الباب يا وليد

مريم : ووووك عليا ميبيش يفتح الباب

بوه وليد : اكيد دار حاجه في روحه من وراك

مريم : مدرتش شي اني

بوه وليد كصر الباب : 😳😳😳😳

مريم : 😱😱😱😱💔

♡ روايآت الكاتب الليبي ♡

بوه وليد : اكيد دار حاجه في روحه من وراك

مريم : مدرتش شي اني

بوه وليد كصر الباب : انصدم ملقاش ولده في دار

مريم : ووووك عليا . تخبط في رجلها وتوكوك

بوه وليد : اني مليت منك ومن حركاتك وعياطك ودوشتك حتى ولدك هرب من الحوش في جرتك

مريم : يا حيي عليا بنطلع اندور عليه هيا اطلع دور عليه هيا بالله عليك

بوه وليد : اهووو طالع . طلع من باب الحوش طبقه بقوه

مريم : ربي يستر يارب

*عند الأبلة متع وليد *

الطالبة : خيرك يا ابلة شن في

الابلة : شوفي خط وليد في الورقة اللي جايب فيها درجة ممتازة وخط عثمان في ورقة وليد اللي جايب فيها صفر يا تهار اغبررر

الطالبة : اييه اييه مبدلين الاوراقي واحد منهم بدلهم

الابلة : اللي جايب ممتاز اكيد اللي بدلها باش تنحطله ممتاز يعني عثمان هو اللي حطها الورقة وبدل الاسماء بس كيف وليد ما انتبهش على ورقته !!

الطالبة : بس في نهاية طلعت الحقيقة

الابلة تتصل بمريم : الوووو

مريم : واللهي ماني فاضية يا ابله تهاني بعدين نتصل بيك .

الابلة : باهي لكن ضروري تتصلي بيا مريومه باهي

مريم : هي سلام

♡ روايات الكاتب الليبي ♡

👀❤

* حوش ايهاب *

ديانا : هيا نورية نبي فلوس ضروري نمشي بيهم اليامات هادي لين نحصل خدمه

نورية : صكري فمك اهو قاعد نطلع في فلوس ف شنطه

ديانا : هيا خلصيني قبل ما يجي ايهاب

نورية : صكري فمك وخودي فلوسك ودرقي وجك

ديانا : لحظة لحظة

نورية : شن تبي تاني يا مصيبه

ديانا : نبي نشوف دار ولدي قبل ما نمشي

نورية : لو تبي ولدك راه مسيبتيش اطلعي برا هيا

ديانا : قتلك نبي نشوف الدار مقلتش نبي نقوله ان امك عايشه فهمتي !

نورية : به خفي روحك قبل ما يروح

♡ روآيات الكاتب الليبي ♡

👀❤

نسرين : الوووو خوي تفضل

مجهول : قتلك الفلوس جاهزات او لا ؟

نسرين ترعش : واللهي واللهي نخدم وناخد سلفه ويومين تاني نسلمهملك بس دير بالك على ولدي بالله عليك وخليه ياكل بالله عليك

مجهول : هيا خلصي روحك وولدك قبل ما نقتله

نسرين : لااااا لااااا اصبر عليا شويه سيوله والله ما عندي

مجهول : خفي روحك

نسرين بخوف : لحظة نبيك تبعتلي صورة ولدي على وتس اب تلقاني فاتحه بالرقم هدا بالله عليك

مجهول : تمام توا نبعتهالك بس ب 100 دينار رصيد

نسرين : تمام هي تمام عشر ادقايق ونبعتهملك

مجهول : صكر الخط في وجها ___

نسرين : تبكي وتقول ياارب احميلي ولدي

♡ روايات الكاتب الليبي ♡

❤👀

بوه وليد طالع في شارع ويسأل في كل شخص على ولده وليد .

بوه وليد : يا ولدي شفت صورة الولد هذا

الولد 1 : لالا عمي

الولد 2 : لالا مشفتاش عمي

بوه وليد : عيط بأعلى صوت . يا وليييييد

. الشارع كله يتفرج على بوه وليد كيف يعيط ويدور علي ولده بس صوته عالي ووليد واصحابه سمع صوت بوه من حوش فاروق .

.

.

وليد : يا شباب هدا صوت بوي ولاه

فاروق : حيييي والله الا صوته

ايهاب : حي عليناااا حيييي

مراد : واللهي لما يذبحنا الله

وليد : خلاص شباب خليكم انتم اهني وتوا ننزل نشوفه

مراد : تي را يضربك

وليد : توا ننزل عادي في كل الاحوال توا بننزل

ايهاب : توا ننزل معاك اني هي

وليد : لالا خليكم توا ننزل بروحي

حنان : يا وليد بوك ينادي في شارع برا شوفه

وليد : اهوا نازل نشوف فيه

.

.

بوه وليد : يا ولييييد

وليد : هاااا شن في خيرك تصيح

* والاولاد يتفرجوا من روشن شن يصير *

بوه وليد : *راح الخوف منه* تي وينك يا ولد وين كنت

وليد : كنت في حوش صاحبي وهربت منكم من روشن

بوه وليد : هيا هي تعالا للحوش ومعاش حنخلي امك تهزبك او تعاقبك

وليد : خلاص بوي نحي ايديك نبي نقعد ف حوش فاروق بعدين نرجع للحوش

بوه وليد : توا امك تنشغل عليك

وليد : خليها تحس بغلطها قبل هي باي

بوه وليد : واقف في شارع وسكت شويه وركب لحوشهم

.

.

فاروق : شباب معاش تخافوا عليا عادي جوي مليح راه

وليد : وااك نفاح هدا بوي

ايهاب : نحسابة قبل بيضربك ههه

مراد : ايه حتى اني هههه

فاروق : هيا طير انت وياه بنطلع وبنوتي روحي

مراد : وين ان شاء الله على وين

ايهاب : خزي بتطلع بدور وحده تانيه تكلمها

فاروق : لالا بندير اللي لازم يندار هي اطلعوا

حنان تسمع : تحشم على وجهك شن تلز ف اصحابك

فاروق : بو هما مش اصحابي راه ملزيتهمش 😂

ايهاب . مراد . وليد : ههههههه

فاروق : هي نتلاقوا غدوا في المدرسة

ايهاب : هي تشاو ودير بالك على روحك

وليد : هيا انزلوا ازززفت

مراد : هيااااا ايهاب تقول قاعد ف عزومه اطلع

ايهاب : مع سلامه خالتي حنان

حنان : هي بسلامه يا وليدي وقول لأمك غدوا في لمة نساوين اتعالي

ايهاب : تمام حاضر

حنان : مراد وليد انتم نفس الشي ... هي سلامات

فاروق : يمى بنطلع اني راه

حنان : وين طالع ساعه قريب المغرب

فاروق : شن تحسابوني فرخ صغير بنطلع نغير جو

حنان : باهي هي اطلع ومتعطلش

فاروق : صكري الدار وراك ...

فاروق يتصل ب نور : الوووو

نور : الو حبيبي كيف حالك

فاروق : نور حبيبتي

نور : نعم حبي

فاروق : نبي نتلاقوا في القهوة اللي في نهاية الحي

نور : اعلاش حبيبي

فاروق : لأن استحشتك ونبي نشوفك

نور : ماهو عندي امتحان غدوا نبي نقراه

فاروق : مش حنعطل هيا

نور : امممم به تمام اهوا لابسة وطالعه

فاروق : نستنى فيك ...

♡ روآيات الكاتب الليبي ♡

👀❤

مراد : هيا شباب عندي واجبات بنكتبهم متبوش شي

ايهاب : لالا سلامتك اني بنمشي نلعب بوبجي

وليد : عندي مشوار بنمشيله ونروح للحوش

مراد : شن قصتكم مع المشاوير باللهي 🤦‍♂️

ايهاب : فوتهم فوتهم اني بنروح متبوا شي

مراد : سلامتك

الولد الجديد يوسف قاعد يتعارك مع عثمان في الحي ومراد وايهاب ووليد يشوفوا ف العركه . .

يوسف : نحي ايدك را نقطعهالك يا حيوان

عثمان : شن تحساب روحك انت كان جديد بتوريني فلاحتك نقدروا نطلعوك من الحي

يوسف : ضرب عثمان بونيه على خشمه

عثمان : يا فرخ الكلب تعالا جاي

ايهاب : نحي ايدك يا خرا اللي اسمك عثمان نحيها ايدك

مراد : برا اقلب وجك عثمان الولد كيف جاي جديد للحي اززفت

يوسف : قعد يستفز فيا يقولي نبيك اتقولي شن اسم امك وبوك وعيلتك شن هدا المختل العقلي للي عندكم

وليد : تبي الحق حتى احني منحبوشي بكل رااه

عثمان : نحي ايدك يا خرا نحي والله نوريك يا فرخ حطيتك في راسي

يوسف : تي برا ملح على اساس خفت توا اني

ايهاب : خلاص خلاص فوته كلام بس هدا

مراد : شن اسمك انت

يوسف : اسمي يوسف اني ليا يومين ساكن جديد عندكم وتوا بنقرا في تانويه اللي في شارع اللي ورانا

وليد : ايه ايه نفس التانويه اللي نقروا فيها احني

يوسف : ااه تشرفت بمعرفتكم الحق

ايهاب : هدا اسمه مراد وهدا اسمه وليد وعندنا صاحبنا التاني يسكن ف العمارة اهيا اسمه فاروق

يوسف : اااه منورين

ايهاب : تبي اي حاجه كلمنا واللي يجي شورك قولي

يوسف : تمام منورين هي تشاو ...

وليد : عثمان تعالا نبيك

عثمان : خيرك شن تبي يا فرخ

وليد : اتعالا يا حبي نبيك ف التانويه نهدرزوا ونلعبوا

عثمان : شنن تبي قول توا

وليد : ضرب عثمان على بطنه وعطاه طريحه بريب قتله

عثمان : ااااع ي بطني اااه وجعععععع

وليد : باش مرة تانية اتقول لي امؤ ان جبت صفر يا مصخ يا حقير

عثمان بصوت خوف : واللهي ماقلتلها حاجه

وليد : برا يا مصخ توا يبالك ...

.

.

بوه وليد : ولدك قاعد ف حوش صاحبه

مريم : ب بس

بوه وليد : صكري فمك شويه ويجي للحوش مش صغير ولدك فهمتي

مريم : به توا نستناه

♡ روآيات الكاتب الليبي ♡

👀❤

ايهاب مروح للحوش وامه مزالت قاعده

ديانا : يا الله الحوش حلو وظريف بكل دودار ولدي حلوه

نورية : هي خلاص شبحتيها اطلعي هي بسرعه

ديانا : اهوا طالعه وفترة حنرجع لو استحقيت لي حاجه

نورية : هدا كان لقيتنا اهني هي اقلبي وجهك

ديانا : شن قصدك انتي

نورية : هيا اطلعي برا ووجهك هدا معاش بنشبحه

ايهاب : يا حناااي وينك

نورية : ووووك عليا وووك عليا حي عليا حي جي

ديانا : خشت للدار متع نورية تجري ولبدت ورا الباب

ايهاب : حناي نبي نكتب كان تبي اي حاجه قوليلي قبل ما نصكر الدار

نورية : هههه لالا منبيش شي خش لي دارك

ديانا : في دار فتحت الدولاب لقت خيمار ولابساته

نورية : هي خش لي دارك

ديانا : السلام عليكم

ايهاب : تفاجئ لقي مرا متخمرة ... وعليكم سلام

نورية : هادي صاحبتي قديمه جتني زيارة ههه

ديانا : ايه ايه كيف حالك وليدي ان شاء الله بخير

ايهاب : ايه الحمدلله هي اني بنخش داري

ديانا : اي اي اني ونورية لينا عشرة عمر وعندنا حساب قديم هههه

نورية : ايه هههه

ديانا : هي السلام عليكم اني ماشيه زوجي يستنى فيا

نورية : هي في امال الله مع سلامه

.

.

ايهاب استغرب : تي خيرها هكي متخمرة

نورية : لا راجلها متدين حتى لولاد اللي زيك تتحجب قدامهم

ايهاب : اااه به تمام ...

♡ روآيات الكاتب الليبي ♡

👀❤

نسرين نزلت تشري كروت : يااارب

مراد : ووين وين طالعه

نسرين : بنشري كروت يا ولدي شويه وجايه

مراد : تي عطيني نشريلك اني توا هاتي

نسرين : لالا توا ننزل اني اصلا بنمشي لي عمتك نورية توا

مراد : به به اني بنمشي نكتب واجباتي

نسرين : تمام هي وليدي شويه وجايه وكول حاجه ف تالجه تلقى

مراد : تم ...

.

.

نسرين : خشت للدكان وخدت الكروت وحطتهم في شنطتها ومشت لي نورية ف الحوش ...

♡ روآيات الكاتب الليبي ♡

👀❤

فاروق : نور خيرك عطلتي هكي

نور : حبيبي كنت نجهز في روحي ونلهي في امي باش نقدر نطلع

فاروق : اااه به قعمزي نبي نقولك حاجه

نور قعمزت : ايه قول حبيبي خيرك

فاروق : نبي 500 دينار توا

نور : شننني ؟

فاروق : بكل عين قوية قاللها : نبي فلوس الكروت

نور : لا حبيبي معنديش وعلاش تطلب مش اني حبيبتك

فاروق : ههههه حبيبتي قلتليلي صار ... حبيبتي اللي تكلم واحد غيري حبيبتي اللي تقول كلمة نحبك لي راجل تاني خبيبتي اللي تاخد ف الكروت مني وتبعتهم لحبيبها التاني اااه قوولي

نور : انصدمت صدمه قويه من لكلام وتفكر كيف عرف

نور : كك كيف كيف عرفتتتت

فاروق : اسمعي من اليوم وجهك هدا معاش بنشوفه تسمعي فيا ولالا

نور : غر استنى حبيبي خليتي نحكيلك

فاروق : لا تحكيلي ولا نحكيلك هي اقطعي علاقتك بيا واني بنسبه ليا قطتعها من قبل

فاروق : ناض دار ضهره وطلع وهو معصب وطلع

♡ روآيات الكاتب الليبي ♡

👀❤

بوي شاف رساله تهديد : يا ناااديه يا نااااديه تعالي بسرعه

امي : خيرك شن في شن في

بوي : في حد كاتب الحقيقة لي ولدنا من اللي كتب هكي

امي : لا اله الا الله متي اللي كتب الرساله وخلاه ينتحر هكي من هو صاحب الورقه هادي وكيف عرف ان اني مش امه وانت مش بوه كيف

بوي : الولد انتحر لأن امه كانت.