رواية ملكتني طفلة الفصل الرابع 4 بقلم سرو

أصيل: شعلت فيااا نااار 🔥💔 غمضت عيوني ورجعت فتحتهم وكلمت ب قهر...... من امتى تحبيه?!!!!

رؤى: تشوفله ومش قادره تترجم ردت فعله واطت راسهاا وبصوت حزين..... وربييي ما يعرف صدقني مفيش حددد يعرف يدي حول 🥺

اصيل: حذفتهاا عالسرير وحطيت يدي على راسي حسيت روحي مش مسؤول ع التصرفات اللي طلعت مني هبلت جنيت من وراهااا 💔تعذبتتت سنيييين واخرتهاا ل غيري?!!!!

رؤى: قاعده مش مستوعبه حاولت تنوض .... مش انت قلتلي عادي نعتبرك كل شي ف حياتي واني من كتر ما تعلقت بيك نقلك بابا ونحكيلك فكل شي يصير معاي ومش عاساس انت تفهمني من عيوني ليش انفعلتتت ودرت هكيي 💔عمري ما نحطيت فالموقف هذا ☹️

اصيل: جيتهاا للسرير وكلمتها ب عصبيه...... ني مش بووووك اخرررر مره تناديني هكيي فاهمه?!!!!! 😡

رؤى: ناضت ووقفت قدامه وشذت ايده ..... 😢قلي شن صار ب...... قاطعها بصوت حاد

اصيل: شاذ على سنونه لصقتها ع حيط وجيت قدامهااا ..... رؤى اااااا افهمييي ني اصيللل نكون ولد عمككك وغريييب علييك والكلام من زمان قلتلك عليه بس لان صغيره سايرتك لكن توااا خلاص تعبتتتتتت 🤨

رؤى: قلبهاا بيوقف من الخوف واصيل اللي لاصق فيهااا وصوته الحااد اللي عمرها مسمعاته ..... 🥺💔 بدت تبكي وتشهق 😭

اصيل: ياربي شن درتتت 😳💔..... حطيت يدي ع خدها بنمسح دموعهاا

رؤى: صداته..... بكيييتني وجايي تراضيني! !!!! يا صدمتي فيك ☹️معش نبي نشوووفك انت خسرتني مش عارفه ليش انفعلتتت هكييي ومديت يدك عليااا الشي هذا عمره ماصار ولا توقعت يصير 💔انت جرحتنيي

اصيل: حضنتهااا بكل قوتي ..... رورو اسف 💔مش قصدي والله

رؤى: تضرب فيه وتبيه يفك يديه ...... قلتلك حووووللللل 🥺☹️💔😭

اصيل: بصوت هادئ..... رورو قلتلك اسف مش قصدي سامحيني مش عارف شن درتتت 😞

رؤى: بصوت حزين وهادئ......كرهتتتك اصييييل هذا التحديث الجديد ووجهك الثاني اللي وعدتني بييه ولاه????? بس قلتلي وقت ندير الغلط من ورااااك مش وقت نطلب نصيحتكك انتتت مناافققق حوللل سيبنييي مش قلت انت ولد عمي وغريب عليااا تمااام انت مش باباااا ومفيش بيني وبينك اي شي 😔

اصيل: مبيتش نسيبهااا.... مش مسيبك لين تسامحيني 🔥

رؤى: وربي ننادي ماما ره

اصيل: 💔

رؤى: بصوت عالي...... ماماااااا??!!! يااا مااامااا

اصيل: سيبتهاا وحطيت يديااا على وجهها ..... انتي نفسها رورو اللي كانت تهرب من امهااا بش ندافع عليك ونخليك ورااي ???? اليوم تنادي فيهاا هي بش تحميك مني ???!!! 🥺💔

رؤى: خدت نفس ب قهر..... لانك مجنووون اني غالطه درتلك قيمهه وخليتك غالي علياااا طلعتتت منافق ومعيشني ف وهممم وكذب اليوم بابا غدوا ولد عمي وغريب وبعد غدوا منعرفش شن السيناريو اللي بتطلع بيه انت خسرتنيييي ☹️

اصيل: كلمتهااا زي الرصاصه فالقلب 💔..... قاطعني صوت عمتي

سميه: وقفت فالباب..... بسم الله خييركم شن فييي رؤى علاش تعيطي! !!!

رؤى: جري لامهااا حضنتهااا وتبكي...... 🥺😞

اصيل: ضغطت على يديااا وحسيت كل شي حلمت بيه خسرته ف لحظه 💔

سميه: حاضنه رؤى و تشوف ل اصيل ومتوتره ..... ا اصيل خيركم شن في شن صار مع رؤى?!!!!!

اصيل: مبيتش نرد علاهاا طلعت وخليتههم 🔥

رؤى: 💔

سميه: متلبكه.... رورو شن في خوفتيني ?!!!

رؤى: لا شي 🥺

سميه: كيف شييي واصيل منظره مقلووب ومتعصببب شن دايره من عمله????🔥

اصيل: واني طالع رنيت على صقر ..... ميردش ... ركبت سيارتي وطلعت

👑روايـات الكاتبـة سرو👑

بعد نص ساعـة 🔥

رؤى:مسكره على روحهااا ف دارهااا ومتبيش ترد على حد 💔

سميه: قاعده هي وعلي ف دارهم يهدرزوا ..... علي نبي نقلك على موضوع !

علي: مقعمز ع السرير ..... نعم شن فيي حسك متوتره! !!!

سميه: تدور فالدار ..... اللي خفتتت منه صار 💔

علي: ناضلهاا .... شن تحكي خير?!!!!

سميه: بصوت واطي..... اصيل 😥

علي: تغيرت ملامحه .... خيره اصيل!???

سميه: مش عارفه كيف نحكيلك علي متفهمنيش غلط بس ياريت ولدك يبعد على بنتي ومعش يضايقهاااا 💔

علي: قابلهااا .... سميه شن تحكي ?!!! قلتي ولدي يبعد على بنتك???? اول شي من امتى بديتي تفرقي بينهم وتاني قلتي اصيل يضايقها?!!! هههه اصلا هو ميتحملش حد يوصل فيهااا كيف حيضايقها?!!

سميه: عليييي حني تفاهمنااا ان همااا حتربطهم علاقه الاخوه مش الحب فهمتتتت عليااااا ولدك من يوومه يحبهااا وعمره ما اعتبرهاا اختتتت هو معتبرها لتوا بنت عمه وفوقهااا يحبهااا واني مستحيييل نرضى بالشي اللي قاعد يصييير العلاقات ليهااا حدود واني شايفه انهم كل شويه يحاولو يتخطوهااا مش خايف يغلطوا????💔

علي: بصدمه..... ههههه سميه انتي عاطيتها اكتر من حقهااا اني عارف اصيل يحبهااا بس حبه ميوصلش للي خايفه منه اهديي ❤️

سميه: بصوت حاد..... مستحيييل نهداااا لين نلقا حلللل رؤى مسكره رااسهاا وانت تساير فيهااا همااا يرقدوا ف دار وحده اني مبيتش نحكي ل اصيل خفته يتحسس مني وهو خلاهااا تتعود على دارهااا بس هي تمشيله فالليل ومتتحملش فراقه ... عليي اصيل ورؤى مستحيل يربطهم شي غير الاخوه تمام??!!!!

علي: قعد سااكت

سميه: شافتله انزعج حطت يدها ع كتفه...... اني مش قصدي ان اصيل واحد مش كويس لااا بس شن حيكون التاثير على وسيم?! متنساش ان هو خوهاا وخو اصيل 🥺

علي: رد بهدوء...... فاهم علييك سميه حقك تخافي عليهااا وحتى ني نخاف عليهااا بس منين جاايبه الدوه وكييف متأكده للدرجه هذه?!

سميه: قدااش لياا مش مرتااحه بس مبكريي رؤى حكتلي شن الهدرزه اللي صارت بينهاا وبينه وكيف تعصب وقاللها ان هو ولد عمها وغريب عليهااا .... شن معناهاا ترا!???

علي: 💔 وينه هوا تواا

سميه: طالع 😥

علي: رؤى فهمت قصده????

سميه: لااا مبيتش نوضحلهااا اني ضروري ندزهاا لحوش جدهاا تقرا غادي معش نبيهاا تقعد هني ... اصلااا اصيلل مشاءالله مناقصه شي ومتخرج شن تفسيرك ان لتوااا مفتحش موضوع الزواج?????? ..... يمكن كان يستنى فيها توصل ل عمر معين ويحكيلهااا بس مستحيل نخليله فرصه عليي انت تعرفني مش نوعيتي ندير فتنه بس اني ام ونخاف على بنتي ومستقبلهااا شن حيحكوا الناس عارفه مش حرام تصير علاقه بينهم لان اهلها غير اهله بس وسيم معنداش علم شن حيكون رد فعله وناس شن حتقوول ????

💔اني اللي خليتهم يوصلوا لهني مفروض من بدايتهاا حطيت حد بينهمم رؤى توااا على ابسط شي بتتحاسب لان خلاص وصلت ل سن النضج ..... خدت نفس.... اففف طلعت من موضوعنااا 😔

علي: قوليلي شن اللي بنديره ني تواا ?????

سميه: تقنع اصيل ان رؤى حتقعد عند جدهااا قالخمس وبتدير بالهاا عليه وتقراا غادي عارفه مش حيقتنع بس لازم تقعد وتفهمه وتذكره ان رؤى اخته ومفيش علاقه غيرها حتربطهم اني نشوف لمصلحتهم مهماا كان☹️

علي: تضاايق وحس ب كميه القصه اللي حتصير .... تماام سميه اهديي بس تو نشوف كيف نحلهااا

وسيم: بعد محاولات رؤى اقتنعت وفتحتله الباب وقعد جنبهاا ..... خيرهااا الغيوره 🤭

رؤى: مسحت دموعهاا..... جاي تتشمت فيااا ?!!!!

وسيم: ههههه علاش بنتشمتت باللهي 😂ريحي جمالك

رؤى: 🥺 تعرف مخاطريش ندوي مع حد قلي لشن جييت! !!???

وسيم: حكايه كساد قلت نضايقك شويه 😁

رؤى: كلكم عندكم فيهااا جووو وقتت تضايقوني معرفتش شن دايرتلكم 💔..... اني كرهتكم معش نبي نقعد معاكم وحتى بابا اصيل معش نبي نشوفه 😞☹️

وسيم: من امتى رورو نكديه 🤭 هه تو نشوووف على فكره بروحك معترفه ان متقدريش نقعدي ومتشوفيشي ومتكلميشي عادي الخلافات تصيير وخصوص بيني وبيك لما نفصل عليك النت قريب تقتليني عادي زي ما نتعاركوا ني وانتي ونتصالحوا ح تصالحيه 😅

رؤى: مبتش ترد عليه 💔

وسيم: تعرفيي فاضي اللي جيت نغيرلك جوك 😑

رؤى: وسيم خليني بروحي باللهي عليك منبي حددد 😔

وسيم: به راحتك

علي: يحاول يرن على اصيل مقفل...... خيره??

سميه: دخلت للدار وسكرت الباب.... رؤى مبتش تعدل على وسيم بكل ... شن صار معاك انت?!!!!

علي: مقفل 😥

سميه: اكيده هاتفه شحن عادي مش مشكله تو لمااا يروح ☺️

أصيل: مقعمز ف مربوعه صقر نهدرزوو ومسر هاتفي ..... 😔

صقر: اصيييل خيرك وين عقلك نكلم فيك!!!! انت طلعتت من حااادث يمكن يخسرك حيااتككك وين كنت سارح ?!!! ف شن تفكررر وليش متعصبب! !!

اصيل: عندها كان عقلي عندهااا 💔

صقر: مستغرب .... عند منوو!???

اصيل: عند اللي حبتتت غيري عندهااا هيي

صقر: اهدااا اصيلل

اصيل: نبي نعرف ف شنو هو احسسنن مني?!!!! معقوله تحب طالب عندي! ?? ولا وقالت هو ميعرفش مدواااهااا تصارحا وربي نكسر راسه 🤨

صقر: عرفه يقصد بنت عمه..... اصيلل حتى حني كناا ف عمرهااا وانعجبنااا وحبينااا وعارفينهااا مراهقه متلومهااش لانهااا مغلطتش تو لو كلماته ولا اتصلت بيه ولا متلا هكي عندك حق تعاقبهاا بس هي لااا ودليل ع تربيتك الكويسه ليهااا متنساش ان هي متدس عليك ف شي عطيها وقتت 💔

اصيل: بصوت حاد..... اما مراهقه اللي تحكي عليهااا ليش لما ني كنت ف عمرهاااا مصارش هكي لا حب ولا اعجاب هي صدمتنيي وطلعت من الحوش لان لو قعدت احتمال نغلط وتكرهني البعد افضل حل ليين نهدا 🔥

صقر: تعرف ليش?!!!

اصيل: شفتله باشتغراب.... ليش?!

صقر: لان انتتت من يوم دخلت حياتك وانت تحبهاااا وتنازلت على هلبااا حجاات عخاطرهااا مع ان غلط تشوفلهااا بنظرات زي هذه وهي طفله لكن هذا تحليلي انت مفكرتش ف حد ولا حتى كميه المشاكل اللي حتواجهااا كيف حتتعب حتى تقنعهاا وحتى فرق العمر اللي بينكمم وكيف كنت تعامل فيها ك اب ??!!! كيف متوقع تشوفلك توا ك ولد عم????? تبي وقت🔥

اصيل: مفيش حل غير نقتلها ونقتل روحي لان امها وبوي مستحيللل يوافقووا لانهممم ديما يذكروا فيااا ب اخوتناااا 🔥

صقر: اصيللل متهبلنيش متبداش نكد زي البناتتت اسمع كلامي وعطيهاا وقت مزال لانها قاعده تعتبر صغيرهاا خل تكبر شويه وتوصل ل عمر مناسب

اصيل: طووول السنيين هذه كلهااا ما كبرتش معرفتش امتى ح تكبررررر ..... خديت نفس.... استغفر الله العظيم واتوب اليه

صقر: تعبتني يا برو ني معنديش خبره ف مواضيع هذه الحق 😂😂🌚ولا نبي نجربه احسن شي تخلي الامور عاديه وافتح هاتفك متخليهمش مشغولين عليك ☺️

اصيل: الليله مش مروح للحوش يا بنقعد عندك هني يا بنمشي ل فندق هكي احسن بش ناخد وقت نهداا ونقنع روحي ونفس الشي هي تنسى كلامهااا وزعلهاا مني 🤙

صقر: تفضل ي عشيري معندكش مشكله اقعددد معااي هني احسن نسهروا ع بلستيشن 😁😁مشاءالله عندك حق ارتاح بس هاتفك افتحه بلاش تمرعشهم

اصيل: خل يقعد مسكر 💔

صقر: مباش يجبره ..... هي دير سوفت وير بش تركز معااي وتلعب صح 🙂

اصيل: جاملته..... هههه

صقر: تجربتك نادره 😂قصتك غريبه شويه واول مره نسمع هكي ربي يعيينك 🙂

اصيل: 🌚

👑روايـات الكاتبـة سرو👑

الساعه 8:00 فالليل 🔥

علي: نبي اصييل وين مشي?!!!!

سميه: منعرفش بلكي مع صحابه

علي: اما صحاب معنداش غير صقر ولد جبران

سميه: مشكله هاتفه مقفلل 😥

علي: لا حول الله متكونيش مكلماته?!!!

سميه: خيرناا يا عليي وربي مدرت شي من راسي اني نادتني رؤى واول مشفتهم طلع بدون ميرد عليااا

رؤى: تسمع فيهم شويه وكلمتهم...... 🥺 اني اللي زعلته هو طلع متعصبب من كلامي 😥

علي: التفتلها.... ي بنتي بري ل دارك مفي شي

رؤى: مشت وخاايفه قريب تهبلللل

سميه: اتصل بجبران واساله مفيهاا شي يعني لو قلك علاش قول هاتفه مطفي مرات شحن وخفناا عليه بس يعني 💔

علي: خدي الهاتف بدون ميرد عليهاا بيتصل ب جبران محصلاش

مفيش احداث ل ثاني يوم الصبح 🔥

اصيل: نايض من ساعه 5 فجرر لقيت صقر راقد دخلت لحشاكم حمام المربوعه غسلت وتوضيت بش نصلي وني طالع لقيت صقر نايض.... صباحو ي صقري 🔥

صقر: يتكسل.... وين ماشي ?!?!! كنت بتطلع بدون متقلي 😒

اصيل: ضروري نروح عخاطر المدرسه تبيلي وقت غادي بندوش وبننظم روحي 🙂بارك الله فيك استضفتني عندك مقصرتش والله 🔥قددر ي عشيري ❤️

صقر: تفضل ف اي وقتت معندكش مشكله رفيق دربي 😂❤️تراهو اهلك مشغولينن عليك قلي عاي شي يصير معاك

اصيل: تمام انشاءالله ..... وطلعتت للسياره قعد واقف فالباب لين مشيت بش سكر الباب

👑روايـات الكاتبـة سرو👑

بعد نص ساعه 🔥

رؤى: مجاهااش نووم قعدت مقعمزه على عتبه الصاله زي زماان وقت تستنى ف اصيل يروح فالليل 🥺🥺 .... وكل ماتتفكر تبكي حست روحها زودتها ومقدرتش تقعد زعلانه منه 💔

اصيل: وصلت لحوشنااا نزلت من السياره طلعت مفاتيح الحوش اللي عندي بنفتح الباب كله واني ندعي بش منتعصبش على رؤى .... اكيده قاعدين راقدين لانهم ينوضو ال6

رؤى: حست بالباب يفتح مسحت دموعهااا ووخرت....💔

اصيل: فتحتت الباب وبندخل ..... رفعت عيوني شفت رؤى واقفه وواضح كانت تبكي 😳.... ء

رؤى: متفاجئه وفقلبهااا ارتاحت ان هو بخير ..... 🥺 ء اصيل!!!!!

اصيل: محسيتش غير جت تجري حضنتني وتعاتب فياااا ..... رؤى اهدي

رؤى: بصوت عتاب ..... ويننن كنتتتتت خوفتنااا عليييك 😭 اسسفه عارفه زعلان منييي بس ني نقدرش نزعل منك اصيل عارفاتك حتى انت متقدرش ولاه ?!!! 🥺🥺 لتواااا مقدرتش نرقد وين كنتتت??!!!!

اصيل: قعدت ساكت وجامد ف مكاني مش قادر ع شي ..... 💔

رؤى: بعدت عليه وشافتله نظره حاده ..... علاش متردش علياااا???

اصيل: رورو عارف جرحتك امس بمعاملتي وني معترف ب غلطيي طلعتت لان خفتت نزيد نضايقك لاني تعصبتت قلت نبعد لين نهداااا مش عارف شن صاارلي متحملتش الدوه بكللل اللي فات ماات انسي اعتبريه مصارش ❤️

رؤى: به وهاتفك 🥺علاش مسكر?!!

اصيل: شحن 🙂

وسيم: كيف ناض سمعهم جي يجري ..... اصيللل?! 😳اووو كويس روحتتت بوي قلب الدنيااا معقوله! !!!

اصيل: هههه صباح الورد

رؤى: شافتله ب غيره ..... 😑😑مفيش غيري ورده👋😌🌚

اصيل: شفتلها ني ووسيم وضحكنا..... هههههه

وسيم: مش قلتلك متقدريش 😒🙂

اصيل: ههههه

رؤى: حنونه وطيوبه وقلبي رهيف بسلامتي 😒🙄😌👋

اصيل: كنتت فرحااان من استقبالهااا ليااا ❤️❤️الحمدلله متغير شي .....

وسيم: مشي ينوض ف اهله وخلاهم 🔥

اصيل: قعدت ساكت نشوفلهاا وسارح فيهااا بس رن ف بالي صوتها وقت قالت معتز اللي يقرا معاي 💔💔💔

رؤى: انتبهتله .... نبي نعرف شن جااك فجأة 😞خيرك متغيررر هكي مبردددك

اصيل: ههههه شكله في وحده مدايرتلي سحرر 🌚ماهوو مشاءالله عليااا عقل وشخصيه🙂❤️

رؤى: ايييييوه 🌚اكيده البنت اللي قلت انك تحبهااا نغرت مني وقالت خل نضمنه بطرق تانيه

اصيل: نفعلت..... تحركييي من مكانك بعيييد السووو اللهم احفظنااا مصدقتي 😳😰🤨🤨🤨

رؤى: صوله بنقلك ☹️!!

اصيل: نعم

رؤى: كيف جت بتتكلم جت سميه وعلي ووسيم ..... سكتت 🙂

سميه: صباح الخير ..... اصيييل وين كنت!

اصيل: هههه خيركممم مفياا شي حسستوني كنت مخطوف للدرجه هذه خفتو عليااا 🌚

رؤى: ماهو مبيتش نسكتتت 🙄😒

وسيم: لانك مش متعود تديرها يا راجل 🙂

علي: مجاوبتناش!

اصيل: نشوف ل رؤى ......كنت بايت عند صقر وشحن هاتفي مرفعتاش مقدرتش نشحن 🌚

رؤى: فنصت فيه ..... 😑يقرم فيااا

علي: توقعتك تكون عنده بس طلعتك من الحوش كانت مش طبيعيه هذا علاش خفناااا

اصيل: نكرت.....😂يا بوووي خل نتفكرلك عشي مبارح بش نتفكر اللي صار زهايمر من تواا .... استاذنكووو ي جماعه 🙂🙂وقت عليااا نبي نرتاح ربع ساعه قبل 🔥

وسيم: تمااام

سميه: بدت تفكرر ومشت للكوجينه بتوتيلهم فطور قبل ميطلعوا للمدرسه 😴

علي: رجع لداره بيدوش بش يطلع لخدمته حتى هو

اصيل: قعدت ف داري شويه 💔توقعت رؤى تلحقني بس مجتش 😥شويه حسيت باب دار بيفتح بس طلع وسيم ☹️

وسيم: قالتلك امي لو حصصك مش الاولات اقعد ارتاح وبوي يرفعناا ني ورؤى 🤭

اصيل: تجاهلته لان عارف عمتي قاصده شي غير ...... رؤى وين?!!!

وسيم: ف دارهااا هههه هذا وين بتنعس 😂😂شن بيكرها للمدرسه

اصيل: جاملته.... ههههه اي ..... طلع وخلاني استرخييت شفت ساعه لقيتها6 درت منبه ع 7 ونفكر ف رؤى لين غفيت

👑روايـات الكاتبـة سرو👑

بعد دقائق 🔥

رؤى: جت ل دار اصيل بخطوات خفيفه دخلت وردت وراهاا الباب ... شويه شويه ووقعدت جنب اصيل تشوفله وهو مغمض عيونه ..... اسفه مفروض مخليتكش تتعصب مني بس تعرفني صريحه ومندسش عليك ف شييي صح قاعده متضايقه شويه من كلامك بس اني نقدرش نستغنى على وجودك ف حياتي 💔.... انت بالنسبه ليااا بابا وخوي واستاذي 🥺 قبل متكون ولد عمي 🥺 ..... ومشت بتطلع

اصيل: كنت حاس بييهااا وسمعت كل شي وصوتهااا حنون وخفيف ❤️..... وين ماشيه! ??

رؤى: التفتتله ب خيبه وتفكرت كل كلام امهاا 💔 ..... بنخليك تترتاااح😔

اصيل: نضت قعمزت .... تعالي نبيك ❤️

رؤى: جاته وقعدت جنبه.... امم 🥺

اصيل: صدقيني تعذبت ومتحملتش اللي قلتهولك كان بغير قصددد منييي حاولي تنسيه

رؤى: حضناته وبعفويه منها ..... 🥺😭 بنستااحشك ومعش بنشوفك لو تعرف شن صاار ف الساعات اللي انت طلعت فيهمم علاش بس!!!

اصيل: قلبي وجعني..... كككيف ?!!!!! شن تحكي علاش معش بتشوفيني 😳!!!!

رؤى: انتبهت ..... لا مش قصدي بس انت مفكرتش شن بيكون شعوري 💔و و .... قاطعهاا

اصيل: عادي نسالك!!!

رؤى: قامت راسها.... شن!???

اصيل: هو ف شنو احسن مني ?!!!!

رؤى: مش فاهمه..... على من تحكي خيرك غيرت الموضوع وضحلي!!!!?

اصيل: كيف جاي بنقوللهاا قاطعنا الباب

سميه: فتحت الباب..... رؤى هيااا فطورك اطلعي 🤨

رؤى: ناضت من جنبه..... باهي مزلت منبيش نفطر💔

اصيل: كنت نشوف ف عيون عمتي ف كلااام مش عارف نترجمه في شي مضايقهااا مني مرات لان رؤى كانت جنبي معقوله فهمتها غلط????

سميه: قلتلك هيااا اطلعي 🤨

اصيل: شفتلها.... عمتي!

سميه: اول مطلعت رؤى شافتله بمجامله .......نعم!

اصيل: حسك تاعبه خير! ???

سميه: لا اصيلي ني كويسه ☺️💔هياا وليدي نوض اغسل وتعالى بش تفطر وقت راهو

اصيل: به هي 💔..... شويه طلعتلي ملابسي خديتهم ودخلت نغسل سبحان الله ساعات غبت عالحوش حاسهم كلهم متغيرين مش مطمن بكللل 😔

👑روايـات الكاتبـة سرو👑

بعد ربع ساعه 🔥

اصيل: جهزت روحي وواقف عالمرايه نمشط ف شعري وحطيت برفان وني واقف جنب باب الدار نلبس ف ساعتي سمعت صوت عمتي تتناقش هي ورؤى بصوت عالي 😳

سميه: متعصبه..... واطيي صووتك تسمعي فالجيران????

رؤى: خل يسمعوووو 💔

سميه: رؤى متجبرينيش نغير معاااك اسمعي كلامي خييرلك ومن اليوم دار اصيل خط احمرررر قاهمه ولاه !???

رؤى: نبييي نفهممم خييرك معااي علاش تضغطي عليااا شن اللي تغيرر! ???? علاش توا بس تقولي هكي!!! مغير الكلام اللي قلتيهولي امسسس 🥺💔😞

سميه: بصوت واطي..... انتي متعرفيش اللي ني نعرفه طيبه وعلى نياااتك معقوله سامحتييه حتى بعد كذب عليك مش عاساس هو خسرك وين كلامك اللي تراجعتي عليه ?!!!!

اصيل: 😳..

5 كومنتات وهننزل فصلين كمان