رواية اولاد المدينة الفصل الثالث 3 بقلم حسن الجامعي

عثمان : وتبي تعرف مني اللي قالي انك على علاقة

فاروق : مني اللي قالك اتكلم بسرعه

عثمان : عطيني 10 جنيه نقولك

فاروق طلع فلوسه من جيبه : هااك وقولي بسرعه

عثمان : هو واحد من اصحابك الثلاته

فاروق : قصدك وليد وايهاب ومراد

عثمان : ايه واحد منهم قالي انك على علاقه مع نور

فاروق : تي قووووول من هووو

عثمان : إيهاب قالي انك على علاقة انت ونور

فاروق انصدم : شنيي كيف ترا عاود اللي قلته

عثمان : اييه هو اللي قالي صاحبك اللي مداير عليه

( فاروق تعصب وخش للفصل متعفلق من ايهاب وصدق ان هو اللي قال )

* عند ايهاب *

مراد : ايهااااب

ايهاب : خيرك شن تبي مني

مراد :تي خلاص خيرك هكي انت خليك قوي

ايهاب : مراد برا اقلب وجهك مش ناقصك

مراد : خليك قوي ومعاش تسمع كلام حد

ايهاب : تحسابها ساهله ما انت مش مجرب

مراد : ايه صح مش مجرب شعور ان بوي وامي

يسيبوني ويتوفوا لكن مجرب شعور شخص غالي عليك توفى ومشي

ايهاب : به

مراد : ايهاب اني خوي متوفي انت صاحبك لكن اني خوي فهمت وكان بتقعد هكي ضعيف حتفسد حياتك بالضعف هدا لا حتقرا ولا حتنجح ولا حتتقدم ولا حتحقق حلمك وتوا تشاو ... ( مراد دار ضهره ومشي )

ايهاب : مراد خلاص تعالى اني أسف

مراد : خلاص معاش تتأسف حط ايدك بأيدي

ايهاب : شني به

مراد : تبي تحقق حلمك او لا

ايهاب : ايه اكيد نبي نحقق حلمي

مراد : تقدر تتغلب عن شعور الحزن نعم او لا

ايهاب : ايه نقدر اكيد

مراد : حنققوا احلامنا اني وياك اني حنحقق حلمي وانت حتحقق حلمك ورجلي على رجلك

ايهاب : تمام حنقعد قوي

مراد : وعد الاخوة والصحبه

ايهاب : وعد ...

* في الثانوية *

المدير شبح مراد خش للتانوية : شني تحسابه مقهى ولا مول باش تخش وتطلع امتى ما تبي يا استاد مراد

مراد : شنيي ؟ كنت نشوف في ايهاب

المدير : ايه عارف بس وينه ايهاب خوك

مراد : حطيته في الحوش وجيت

المدير : ااااه قتلي خوك صار

مراد : ايه خوي خيرك

المدير : تي وتكدب عيني عينك هكي يا كلب

مراد : شن درت

المدير : اتقولي خوي يا واطي وانتم مش نفس اسم الاب ولا نفس اللقب

مراد انصدم ويبي يدوخ الاستاد 😂 : تي ايه عارف يا استاد اني قتلك خوي يعني زي خوي لكن انت سمعت غلط شورك

المدير : كيف مفهمتش

مراد : قصدك تحسابه خوي رسمي ههه خيرك استاد

المدير : ااااه كان قصدك زي خوي وهو صاحبك

مراد : اييه هكي قصدي ههه

المدير : باهي خش فصلك هي

مراد : تمام ... ( في سر مراد قال هههه شيباني مخرف )

* في الفصل *

مراد خش للفصل : السلام عليكم

الأبلة : وين كنت حضرتك

مراد : المدير بعتني يا ابله بعدين نحكيلك

فاروق : حي عليك من المدير

مراد : خلاص حليتها المشكلة اسكت

فاروق : واللهي نوريه ايهاب الكلب اهوا

وليد : خيره ايهاب شن مدايرلك

مراد : اززفت خيرك شن في

فاروق : يعاود في الدوه للناس يقوللهم ان اني مداير علاقة مع نور

مراد : حي حي مستحيل نصدقها

وليد : 😱😱😱 بالله عليك

فاروق : غير يجي وتوا نوريه

مراد : ضم فمك مستحيل يديرها ايهاب وبعدين من

اللي قالهولك الكلام هذا

فاروق : الخرا عثمان

مراد : هههههههه وانت صدقته عثمان

فاروق : ايه امالا من وين عرف

مراد : تي يا راجل انت حمار الله بالله

الابلة : ضم فمك انت وياه قاعده نشرح اني

وليد . فاروق . مراد : باااااااهي 🤦‍♂️

* بعد ما تم الدوام المدرسي *

فاروق : كمل كلامك شن كنت بتقول

مراد : يا غبي يا غبي عثمان ميحبش ايهاب على خاطر ايهاب ضربه يوم ما مات عمر وهو توا يبينا نتعاركوا في بعض خليك اذكى منه وخليك صاحب ايهاب

فاروق : تي ماهوا عثمان

مراد : معاش تكمل دير اللي قتلك عليه وخلاص

* فاروق مقدرش يتكلم ويقوله على تهديدات عثمان لأن كان قال عثمان حيفضحه ويقول لي بوه ... اما ايهاب كل شويه يدكر في كلام مراد ان كيف يكون قوي وايهاب تفكر الكلام اللي اني كتبته في الورقه ان حيجيه شخص حيعوضه عليا اني وحيكمل معاه الطريق اما وليد توا مصيبته مصيبات 👇👇

الابلة : تعالى وليد تعالى

وليد : نعم

الابلة : درجتك صفرررر صفرر خيرك مش مجاوب في الكيمياء خيرك

وليد : والله ماقريتش يا ابله وصايرلي ظرف

الابلة : باهي لكن درجتك صفر

* عثمان يسمع فيهم ويعرف نقطه ضعف ام وليد 🤦‍♂️ *

وليد : خلاص توا امتحان الشهري الجاي نجاوب كويس

الابلة : باهي هي توا نشوفوا

عثمان : يا وليييد

وليد : من وين طلعت انت يا همي

عثمان : نستنى في بوي يجيني معاش جي

وليد : باهي خلاص نبي نروح اني تشاو

عثمان : لالا تعالى بتقول لي امك انك جبت صفر في الكيمياء

وليد : شني وانت كيف عرفت

عثمان : الابلة تهاني كانت تتكلم توا وسمعتها

وليد : مدخلكش بيا نقول لي امي ولالا

عثمان : توا انقوللها اني امالا ههههه

وليد : بلا بصارتك الباردة هادي

عثمان : منبصرش الحق اني

وليد : خيرك جلدك يحك فيك ولا شني انت

عثمان :تعرف ناقصني شحن وسماعات لي تلفوني ومعنديش فلوس

وليد :مهبول انت خيرك تلخبط في الموضيع في بعضها

عثمان : لا ماهوا نبيك تعطيني 50 جنيه

وليد : شنننني عااود

عثمان: واللهي يا غالي نمشي نقول لي خالتي انك جبت صفر وهكي حتاخد منك التلفون والبلاستيشن وتقول لي بوك ومعاش تطلع تتلاقى مع اصحابك هههه

وليد : تبتز فيا انت يا حقيررر انت

عثمان : افهمها زي ما تبي

وليد : وااااااك باهي توا نجمعهم ونعطيهملك غدوا

عثمان : ايوااا خليك شطور هكي

وليد : توا تشاو

عثمان : تشاااو نتلاقوا غدوا

♡ في ناس بتحس بالذنب على اخطاء هما مدروهاش او مكنوش يتوقعوا انهم يغلطوا فيها ومع ذالك يحسوا بالذنب وفي ناس تحاول ان هي تكون قويه وتحاول انها تنسى الفكره اللي مضايقته بس مجرد ما تحاول تنسى لي حتكون هي قاعده في نص الفكرة وترجع تحس بالضعف وفي ناس ماضيها مؤلم وتحاول اتخلي اولاد المستقبل ان ميحربوش الضعف زي ما صارلهم وفي ناس مترحمش وتحب نفسها ومصلحتها وبس ومستعدة ادير اي شي حتى لو كان شي يقلل من اصله ... ♡

❤ 🌈 يوم جديد وصباح جديد في حي الزهور كالعادة الصغار يلعبوا في الشارع والامهات ترفع لي ولادها في المدارس والشباب لي خدمتهم والطلاب في مدارسهم ❤ 🌈

ايهاب : حناي نوضي هيا

نورية : خيرك شن في شن في في حد صارتله حاجه في حد مات شن في

ايهاب : هههه لالا مفيش شي نوضي ديرلي فطور

نوريه بنضرة تعجب : ايهاااب

ايهاب : نعم

نوريه : انت ايهاب نفسه

ايهاب : امالا مني اللي قدامك 😂🤦‍♂️

نوريه : خيرك على صبح نايض بكري اول مرة تنوض وتنوضني معاك من بعد وفاة عمر صاحبك

ايهاب : شي بس نبيك ديرلي فطور باش نمشي للمدرسه

نوريه : هيا هي ...

...

سعاد : هيا دخلوا الدولاب داخل والتلاجه الداخل بسرعه

يوسف : يمى خشي الداخل ياسر عياط في شارع

سعاد : اسكت خير ما ننزلك بالشبشب

* عيلة جديدة خشت للحي الزهور وعندهم ولد اسمه يوسف ذكي بككل يحب يقرا وديما من الاوائل لكن ميحبش يخالط الناس وكل شخص يكلمه يفهم كلامه غلط ويهزبه 😂🤦‍♂️ *

فاروق : وااااك دووشه على صبح يا راجل

مراد : ايه اهما جيران جدد

ايهاب من الروشن : صباااح الخير

مراد : صباح النوووور 😍

وليد : تعرفوا اني خلاص من صوت الدوشه متع اهما

فاروق : جيراننا الجدد هادوا 😂🤦‍♂️

مراد : ولدهم اتقول اينشتاين 😂😂😂

😂

فاروق : ههههههه والله حق

مراد : هيا خلونا نمشوا للمدرسه

يوسف يكشخ من بعيد : 😑😑😑😑

ايهاب : خيره يشبحلنا هكي هدا

وليد : بالله عليكم امشوا تبونا نعطلوا هيا 😂🤦‍♂️

فاروق : تعالى كولني

يوسف : شننني 😒😒

فاروق : مشنشنه

يوسف : برا اقلب وجهك

فاروق تعصب وبيمد ايده عليه : تبي كفوف شورك

ايهاب شد ايده : خلاص فوته خلاص برا لمدرستك امشي

يوسف : 😒😒😒😏

ايهاب : سامحنا يا اخ

يوسف : باهي 🙄

عثمان طلع من الحوش : هااا شباب صباح الخير

ايهاب : وااااك واااك 🙄🙄🙄

فاروق : هيا خلونا نمشوا للمدرسه هيا

وليد : بالله مدرهوليش كبدي على صبح

عثمان : وليد تعالى نبيك في موضوع

وليد : توا انكلمك في الاستراحه تشاو

ايهاب : هيا هيا خلونا نمشوا هي

عثمان تعفلق : الحق عليا انصبح عليكم يا لهم

...

* في الثانوية *

نسيبه : ههههه ووك عليا اني منحبش انكلم لولاد زيك انتي

نور : لا حبيبتي من قالك انكلم في لولاد

عائشه : يا كداااااابه وفاروق اللي تكلمي فيه ليل ونهار

نور : اسمعي حبيبتي اني منحباش فاروق راه

عائشه : بلا برادتك يا مصيبه 😂

نور : اني منحباش بكككل وناخد في كروت منه بس

نسيبه : شني يعني تضحكي عليه

نور : هههه ايه امالا شني الاهبل هدا

عائشه : وشن اديري بيهن الكروت يا حنا

نور : نبعت فيهم لي حبيبي الحقيقي

عائشه : كيف يعني قصدك اتكلمي في واحد تاني

نور : ايه انكلم في واحد تاني

نسيبه : مش ساهله انتي يا فرخه

نور : وووك عليا حبيبتي خيرك توا الحال يبي تأمني مستقبلك وحياتك وتمشي امورك ميفدش الحب حتى اللي نكلم فيه مش حيدوملي واني عارفه

نسيبه : انتي مهبوله بري للطب النفسي

عائشه :رسمي بري للطب النفسي حبيبتي

نور : محد يدخل فيا يا حنا انتي وياها اني هكي عاجبتني حياتي ...

* عائشه بتكون بنت عمت ايهاب يعني اقارب وبنفس العمر *

اولاد الحي خشوا للتانويه ❤

عائشه : ايهاب ترا تعالى نبيك شويه

ايهاب : خيرك عائشه

عائشه : صاحبك فاروق يكلم في وحده اسمها نور ولاه

ايهاب : ايه وكيف عرفتي

عائشه : هي تحكي فيها امبكري المهم برا كلم صاحبك

ايهاب : شن نكلم صاحبي خيرك

عائشه : هي تضحك عليه وتاخد في كروته وتصرفله في فلوسه والكارته مش اهني الكارته انها اتكلم في واحد تاني غيره وقالت اتحبه هو بس وتبعتله في الكروت اللي هو يبعتلها فيهم ...

* ايهاب صاحبي انصدم صدمه قويه جاته ومش عارف كيف بيقول لي صاحبه وكان قاله حيضايق وعارف ان هو يحبها هلبا ويبيها بالحق ايهاب حصل بين ان هو يقول او لا 💔🔥🔥🔥.