رواية ملكتني طفلة الفصل الثاني 2 بقلم سرو

رؤى: تيي معششش تكذب عليا 😭 علاش اللي فالمدرسه ينادولي رؤى حفيظ علاش تكذبوو عليااا من هوااا بابا 🥺🥺 علاش مينادونيش رؤى علي! !! زي وسيم 🥺 ولا رؤى اصيل لو انت حق بابا 🥺😭!!! علاش قلي علاش !!!! انتتت منووووو ......🥺💔

اصيل: كنت ع اركابي قدامها وتعاتب فيااا عيونهاا كلهم قهر واضح مكسوره هي تحبني لدرجه واثقه ان مستحيل يوم نكذب عليهااا

.....رورو اهديي منين جايبه الكلام هذا!???

رؤى: عيونها مليانه دموع شويه وشافت للارض ونزلت دمعتها ... بصوت حزين..... قلي اني شن بالنسبه ليك 🥺😭💔

اصيل: جبدتهااا ل حضني ...... انتي كل شي بالنسبه لياااا رؤى انتي حياتي قلبي روحي وبنتي اللي نحبهااا اني تغيرتت للاحسن بسبب وجودك ف حياتي ❤️💔

رؤى: هدت شويه .... به قلي من هوا بابا!!!!

اصيل: ب عفويه .... اني ب...... قاطعاته رؤى

رؤى: حاولت تفك يديه ...... خلاااااص تحسابني صغيره!!!! علاش تضحكوا عليااا ني نعرف ان انت مش بابا ☹️اصلا لو انت بابا فعلاا علاش بابا علي هو اللي متزوج ماماا! ???

اصيل: انصدمتتت يجديااات ليشش الكذبه من الاساس فعلااا رؤى كبرت وبدت تفهم شويه شويه رغم هي لسانها اكبر من عمرهااا 💔لامتى هي حتقعد متعرف شي! !!! يمكن لو حكيتلهاا ف عمرهاا هذاا حتتقبلني احسن لان لو اجلته يمكن يتغير مجرى الامور ☹️

رؤى: قامت راسهاا شافتله..... علاش سكتت!??? حول يديك

سميه: تسمع فيهااا وقلبهااا متكسررر رؤى ذكرتهااا ب هلبااا حجات حاولت تنساهااا مقدرتش تدخلل للدار انسحبت وخدت وسيم معاها للمنور 💔.

اصيل: خديت نفس ..... اه تمااام قررت نحكيلك بس اسمعيني ومتقاطعينيش باهي!!!

رؤى: به ☹️

اصيل: قعمزتهاا عالسرير واني قدامهاا ..... رورو انتي بوك اسمه حفيظ واني بوي اسمه علي عرفتي يعني اني وانتي صغار عم ! !!! بس بسبب الظروف اللي صارت اني من زمان خاسر امي من لما صغير توفت الله يرحمهااا اماا بوك مات ف الحرب الله يرحمه 💔.... بعدهاا ب فتره بسبب جدي وحناي تزوجوا بوي وامك ع خاطر مستقبلك ومستقبلي وكان الاكتر انتباه عليك لان حبو يقعد اللقب نفسه ☹️

رؤى: مش كل شي فهماته بس هدت بعد معرفت القصه .... به سؤال تاني"!

اصيل: قولي!

رؤى: به و وسيم????

اصيل: ابتشمتلها...... امممم وسيم يكون خوك وخوي 😂

رؤى: 😅اي

اصيل: روروو انتي توا عرفتي كل شي يعني انتي ورايك واحساسك كيف متبي اعتبريني لانك كل حياتي مستحيل نستغنى عليك بوك خوك صاحبك ولد عمك بس حتقعدي ف عيوني دنيتي كلهاا ❤️

رؤى: نزلت من السرير وحضناته ..... نحبك بابا ❤️☹️

اصيل: ارتاحت نفسيتي ومشت القصه ع خير ❤️.... نموت فيك روريتي 💙

رؤى: اسفه

اصيل: علاش!!

رؤى: ماهو زعلتك

اصيل: لا لااا عادي حقك

رؤى: والصوره 🥺!!!

اصيل: هههههه ي عمرييي نعيشو ونصورو غيرهاا متكبريهااش 😂

رؤى: بش تشوف براءتي 😌👋

اصيل: بستها ع راسهاا .... ههههه ابتسامتك هذه شريره مش بريئه سراحه

👑روايـات الكاتبـة سرو👑

بعد ساعه 🔥

علي: فالصاله ورؤى قاعده تهدرز عليه ..... تقدريهاا!!!!!

رؤى: عادي 😌👋

علي: يساير فيها.....مشاءالله 🤭

رؤى: هياا وينهااا اللي قتلك عليهااا شكلاطه الصغيره جبتهالي!!!!

علي: اكييده حتى هي رؤى جبتلهاا طلباتهااا ❤️

رؤى: محلاك 😍

علي: 😂❤️عيون بابا تعالي اقعدي هني

اصيل: كنت قاعد مع عمتي نهدرز عليهاا.....اي

سميه: بصوت حزين..../وتوا شن حيصير?!!!

اصيل: لا لا متخافيش رؤى بدت تعرف كللل شي 😊

سميه: 😔

اصيل: عارفك مضايقه ع خاطرهااا بس.... قاطعاته

سميه: لا لاا اصيل متدور شي بس كنت خايفه ياثر الموضوع ع نفسيتهاا مش اكترر فاهم عليا!!!

اصيل: اي وصدقيني ني مش حنقصررر بكللل حنعوضها على هلباا حجاتتت تعالي عمتي بنقلك شن خططت 😂❤️

سميه: ابتسمت وقت شافت ضحكه اصيل ❤️.... اي قلي 😅

اصيل: امممم مستقبليااا نفكر نكون استااذهااا بتع الرياضيات فالمدرسه 😁

سميه: نعم??!!! 😳😂

اصيل: اي ايي طبعاا كله بش متقعديش خايفه عليهاا يعني ني جنبهاا وفوق هكي نقعد نراقب ف دراستهااا ومستواهاا 😌👋

سميه: بعفويه .... حبيبي متنساش رؤى ان اختك تماام 💔

اصيل: مش عارف شن الشي اللي شفته ف عيونهااا ليش كل فتره تفكرني ان رؤى اختي! !! هي من شن متوتره ?..... اهاا اكييد بدوون متقوليلي عمتي ☺️

سميه: متفهمنيش غلط بس اصيلي ..... قاطعها

اصيل: حاولت نغير الموضوع...... ههههه لا عادي عمتيي متدوري شي 😊

وسيم: 😭😭

علي: قام وسيم.....رؤى خيييرنااا علاش هكي ?!!!

رؤى: ☹️خدي شكلاطه بتعي

وسيم: 🥺🥺

علي: رؤى ي بنتي هذاا خوك الصغير سايريه وتاني شوفي عندك هلبااا شن بيصير كان عطيتيه وحده 🤨🤨🤨

وسيم: ف حضن بوه ينابش فاها..... ☹️امشي اش

رؤى: قاتلتها الغيره.... ماشيه ل بابا اصيل. وانت اقعد مع بابا علي وهذه شكلاطه معش نبيهاااا صحيت 😕

علي: رؤى بنتي تعالي خوك صغير سايريه متغاريش منه مفروض تحبيه وتعاوني امك وتقعدي معااه وتلعبيه مش هكيي

اصيل: تضايقت من تصرفاتهااا ممتفاهمش مع خوها بكل ..... 🤨رررورو شننن قلنااااا! ???

رؤى: خافت من اصيل ..... مفي شي

اصيل: امشي راضيه هي واقسموهم الحجات

رؤى: نبيش ☹️

اصيل: رورو شن اتفقنى فالدار!!!!

رؤى: تنهدت ومشت ل وسيم حضناته وباساته .... اسفه ❤️☹️خودهم هي

علي: رورو هياا نبيكم تطلعوا معاي انتي ووسيم بناخدكم تلعبوا شويه مع بعض 😂الحرب تمت!!

سميه: اصيل!

اصيل: التفتت.... ااممم نعم 💛

سميه: رؤى بتركبلي الظغط عندك علم مستحيل نخليها هي وخوها حتى دقيقتين براحهمم مش عارفه خيرهاا معاه

اصيل: ردي بالك تضربيهااا 😂شوري راهووو شوفيهاا كيف تسمع ف كلامي 😁لان تحبني ونساير فيها هلبااا بالنسبه ليهااا تحب خوهاا بس نوعيتها من اللي قاتلتهم الغيره شويه شويه يمشي تمام ❤️

علي: مقعمز وف حضنه وسيم ورؤى يهدرز عليهم .... تمام هكي!???

رؤى: اي 😑

وسيم: يشوف ل رؤى وخايف ..... 😕اابب بابا

سميه: امم تماام مداما بوك بيطلعهم نبي نطلع معاهم نغير جوي شويه هنيني رد بالك تطلع من الحوش لين نروحوا متجيش نخلوه فاضي باهي!!!

اصيل: تمام ميه ميه اصلا نبي شويه هدوء نراجع محاضرتي

سميه: انشاءالله

علي: ينادي..... اصيييل! !!

اصيل: اول مسمعته مشيتله....ايواا!!!

علي: ولع السياره البراا احني طالعين ودخل سيارتك للسور الداخل

اصيل: حاضر بوي هي

سميه: بتغيرلهم .....رؤى وسيم نبيكم شويه ف الدار

رؤى: بابا علي!!!

علي: عيون بابا ❤️

رؤى: بابا اصيل بيمشي معانا?!!!

علي: لا 😁

رؤى: بنقعد معاه يخاف بروحه ☹️

علي: ههههههه رورو هو كبيير ميخافش بروحه هيااا بش ناخدوله هديه متعاوديش 🤭

رؤى: حقا 😍

علي: اي اي ردي بالك تقوليله

رؤى: فرحت ناضت تجري لامهاا بتلبس وخدت معاها وسيم تصاحب ففيه 😅🤭

بعد دقائق 🔥

اصيل: جهزو رواحهم وطلوا وقتها رؤى ركبت قبلهم فالسياره 😂باعتني المهم حسيت روحي مش تماام 💔دخلت للدار نرتااح وغفيت

علي: رفعهم للمحلات ملابس والاكسسوار بعدين بياخدهم للمول بش يلعبوا فالالعاب بتع الاطفال وهو يتسوق دارلهم جوو ورؤى متعاركتش هي ووسيم وكل شي تمام 😂😭

👑روايـات الكاتبـة سرو👑

مع المغرب 🔥

اصيل: راسي ثقيللل مخاطريش ننوض حسيت بحد يده ع خدي ينوض فياا فتحت شويه شويه لقيتهاا رؤى ..... 💔

رؤى: تتلمس ف اصيل ..... خيرك قعدت رااقد نووض ☹️مستاحشتنيش! !

اصيل: بصوت تاعب.... رورو جيبيلي ميه

رؤى: خايفه..... هي ☹️

سميه: تضم فالحجات اللي جابوهاا وتحط ف كل شي ف مكانه .... اي قنينات تو نقول ل اخواتي ع المحل مشاءالله الحق 🤭

علي: اي حتى وسيم طلعت عليه حلوه

رؤى: جايبه طاسه الميه نادت امها...... ماماااا! !!!

سميه: سمعتهاا..... ايوااا! ?

رؤى: كيف بتدخل للدار..... تعالي شوووفي بابا اصيل 🥺

سميه: شافت ل علي.... خيره!!??? تعالى معاي

اصيل: قعدت رؤى جنبي خديت نشرب ..... هههه غيرتي جو

رؤى: لا معاك احلا جوي ☹️

اصيل: انبعتت فيا طاقه مش طبيعيه..... 💛

رؤى: حراره! ???

اصيل: لا

رؤى: حول نمسك 💔.....

اصيل: مفياا شي

سميه: واقفه فالبااب..... اصييل خيرك خوفتني رؤى كويس?!!!

علي: معقوله ل توا نومم مش متعود هكي انت!!!

اصيل: لا اني كويس خيركم خايفين 😅بس ترا كييف راسي شويه يوجع فياا

علي: كله منن السيااره طالع تغسل فاها من فجاري ربييي عرفتك بتمرض ... نوض معاي كان تبي ناخدك لدكتور ولا نمشي نجيب دوا

اصيل: ههههه تشمت فيااا

سميه: خلاص مفيش داعي توا اللي صار صاار هههه تو نمشي ندير قهوة تمشي الامور اصيل مشربش قهوتي بتع العصر اليوم 😂💔

اصيل: ضحكت بعفويه هي فهمتني.... 😅😅😂اي والله اكتر احتمال هكي

رؤى: ني نديرله قهوه 😁

اصيل: ههههه

سميه: 😑رؤى

علي: رؤى تعالي معاي

رؤى: دخلت ف بطانيه اصيل..... انننلاااا بنقعد معاه ☹️❤️

اصيل: عاجبني الجو 😅..... خيركم متوترين اني بخيير تو نتعدل بعد قهوتك عميمه متخافوش علياا رؤى جنبي لو احتجت شي نبعتها ☺️

علي: تمام

سميه: 5 دقائق هي وتجي القهوة ☺️..... وطلعووا

اصيل: اول مطلعوا التفتت ل رؤى ..... احمممم 🤨

رؤى: ناضت وحطت يداها ع جبهة اصيل..... مش سخون 🤭

اصيل: 😂دكتوره

رؤى: خيرك تغيرت علياا معش تحبني! !!!

اصيل: رجعت تسطحت وهي جنبي تشوفلي ..... لا متغيرتش حياتي بس كنت نبي نرتاح

رؤى: ااامممبه

اصيل: قوليلي وسيم وين! !!!

رؤى: راقد 😁

اصيل: هههههه عارفك تكذبي

رؤى: ضحكت.... هههههه ماهو نبيكش تدلعه اكتر مني

اصيل: ي حليلي من كلااامك شن خليتي لبعدين مشاءالله 😍

رؤى: 🙈

معش في احداث ل ثاني اليوم الصبح 🔥

اصيل: مقعمزين العيله نفطرو ..... رؤى وين! ??

علي: مقغمز معاه وسيم .......هي وامها فالكوجينه شويه ويجوو

سميه: هيا رؤى

رؤى: كانت تخطط بتفكير طفولي تبي تضحك اصيل معرفتش كيف مشت خدت دحيه نيه وحطتها مع الطايبات ومشت لحقت امها 🔥

👑روايـات الكاتبـة سرو👑

بعد دقائق🔥

اصيل: هاتي نقشرهالك رورو 😊

رؤى: نعرف بروووحي 😂شوف كيف .....(ضربتها على جبهتها) هههههههه

اصيل: منين جبتيها لقطه! !!!

رؤى:تلفزيون

اصيل: به قشريها هي

وسيم: يشوفلهااا ويبي يديير زي ماهي دارت ..... 😭😭😭😭

سميه: بسم الله خييره

علي: خيرك وسومي! !!

وسيم: يشوف ل رؤى وتكلم بصوت طفولي .... نن نبي منهاا ☹️

رؤى: خدتله الدحيه اللي جابتها .... اي سومي جرب ب هذه 🙂

اصيل: مدورتهاش مخاطري ف شي

علي: 😂خل نضربها بش متجيش حاره عليه

رؤى: خافتت.... ء ء لا ديرها ليه 😰

علي: ضربها ع جبهته وتكسرت الدحيه لانهاا نيه مش طايبه وتلبز هو ووسيم اللي قاعد ف حضنه ...... 😳😤

سميه: انصدمت .... 😰

اصيل: معش عرفت نضحك ولا نبكي ..... هذاااا شنننننن!!??????

رؤى: مقدرتش تشد ضحكتها...... 😂😂😂😂هههههه

وسيم: بدي يبكي.......🥺🥺😭😭

علي: سمييييه هذا شننن???!!! كيف تغلطي غلطه زي هذه! !!!

سميه: مش متحمله ريحه الدحي .... 😤😤رؤى????!!!!!

رؤى: تضحك سكتت لما عصبت امها ...... مقلب 😁😰😳🥺

اصيل: معش عرفت كييف نتصرف .... نوض يا بوي تلبزتوو ديرو رواحكم ناجحين وهذه طقوس 😂😭😭شن درتي ي رؤى بتهبليييني

سميه: جت شذتلها وذنها......فيييك طريحه خيرلي من الحج 🤨🤨🤨تخيلي في حد فاطر معانا وصار هكي قدامه شن حيصير هاااا منين جبتيها لقطات هذه .... كان تطلع من المدرسه لماا نبطلك 😤

رؤى: توجعت...... اااااه 🥺 احح حولي حاره 😭

اصيل: خلاص عمتي تو نغيرله ني وسيم عارفك تحبيش ريحه الدحي 💔.... تعالى وسيم

علي: خلى سميه تتصرف معاهاا مباش يتدخل .... ماشي نغير عندي خدمه بنعطل عليهااا

رؤى: ني نغيرله وسيم ☹️المهم ميقعدش معاك

اصيل: وااااااكك والنبيي قوليلي منين اللقطه هذه وكيف قدرتي تديريهااا مش حاسه بروحك كبيره ب شكل صغير هبلتيني

رؤى: من تلفزيون بتع توم وجيري 🙁لقيتها حلوه وضحكتني جربت نديرهااا

سميه: اصيل عندك جامعه متشغلش روحك تو ندبرهااا وخليهاالي رؤى نتفاهم معاها معش بنساير هذه تربيه ولازم من البدايه تمشي صح

رؤى: شافت ل اصيل ب خيبه.... كله شفتك زعلان قلت ندير لقطه تضحكك بس 🥺

اصيل: رورو اني منقدرش نزعل منك صدقيني حتى لو نعصب عليك لمصلحتك يقولو بكيني ومتضحكش التاس عليا 🤭

سميه: متعصبه وراقيتلهاا هلبااا من رؤى ... خدت نفس وكلمت اصيل بصوت خفيف...... اصيل هيا للجامعه فامان الله

رؤى: تخلينيش بروحي بابا اصيل 🥺😭

اصيل: مبيتش ندير اي رد فعل لان عمتي امهااا وهي اللي تعرف تتصرف معااهاا منقدرش نتدخل لان عارف عمتي ح تتحشم مني .... عمتي وقت بناخد رؤى لمدرستها 🙂

سميه: مفيييش مدرسه اليوم لين تصلح من وضعهاااا 😡

رؤى: وخرت ووقفت ورا اصيل.... 🥺سامحيني ماما وعد معش نعاودهاا 😭

سميه: تمسح بالكلينكس ف وجه وسيم وهو يبكي ......ديما تقولي فاها وترجعيلي ب مصيبه عقلي طيرتيه لمن جابده منعرفش لسانك اطول من ظلي تصرفاتك هبال منعرفش الخلل فيااا ولا ف بوك و....... قاطعها

وسيم: 🥺☹️

اصيل: ولااا مني ?!!!

سميه: هدت......اصيلي اني فات فيااا تضايقتتت لان كل شي سكتت عليه الا لقطه زي هذه تخيل انت اللي خديتهااا شن حيصير وكان زدت سايرت ح تتمادى مش ناسي ان هي تنغر من وسيم وفوقهااا خلاته يبكي 😤

رؤى: تضايقت لان مش بقصد منهاا كل صار بعفويه ...... به 🙁منبيش نمشي للمدرسه

اصيل: عمتي هي سامحيهااا وعد معش يصير الموقف هذااا رؤى ف صف اول ابتدائي والحصه اللي تفوت بحسابهااا لانهاا قاعده مش متعوده كويس

سميه: قامتت وسيم وخداته للدار واقتنعت بكلامه كلماته وهي ماشيه....... ارفعهاا

رؤى: فرحت ...... 😍سامحتني

اصيل: مركز على ضحكتهاا ....... هههههه اي قلتلك مفيش حد يقدر يزعل منك وخصوص اني 🙈تعالي هي لحظه سعيده 😂

رؤى: بعفويه ......محلاك اصيل ☹️❤️

اصيل: ركزت ان هي نطقت اسمي بدون كلمه بابا فرحتتت محلاه ع لساانهاااا شن درتي فيا بس 😔💛...... لبستها كندرتهاا وطلعناا لانها لابسه وجاهزه

👑روايـات الكاتبـة سرو👑

تسريع بش نوصل للاحداث 🔥

بعد مروور سنوات ❤️

اصيل: فاااتتت الايام والسنين بسسرعه بسسرعه محسيناش بيهاا وكأنهاا امس رؤى صغيره طول فتره هذيكا السنوات متغير شي ف حياتنااا رورو تكبر كل يوم قدام عيوني والحق قاعده ف داري سريرين المهممم وفالاعدادي كنت ندير ف كورسات ل رؤى ومجموعه من اللي يقروا معاهاا كله بش نقعد قريب منهااا ونراقبهاا ف كل شي وخصوص فتره الاعدادي صعبه شويه كنت خايف عليها لانها فتره المراهقه 😂حاجه وحده خففت منهاا كلمه بابا اصيل ولتتت بخييله يادوب تقول صوله 😂شوهتني مره وحده شكلهاا بتجي بايره 🤦‍♂️😅..... هي تواا ف اولى ثانوي نهاية السنه ... واني ليااا زمان متخرج عمري تقريباا بنسكر28 مزال شهور بس 🤭 .... خديت بنقري حصص رياضيات فالمدرسه اللي تقرا فيها رؤى نبي نكون استاذهااا ونقعد مش بعيد عليها ☺️... المدرسه للتعليم الحر وفصل بنات بروحه والشباب بروحه بس ف حصة فاضيه وقت بندير مراجعه نجمع فيهم مع بعض 😁

رؤى: كبرتتت وبدت باينه علييهااا ملامح الانووثه ... بدت تحب ستايلات وموضه وتكره الكوجينه والعوله 😂غر مكياج مدخلتش عليه بسبب اصيل طبعا😂بس فالمناسبات تدير وتطلع مشاءالله ❤️.... موديلهاا مش محدد كل مره تجديد بس مستووره والحمدلله 🔥

وسيم : قاعد يقرا فالاعدادي يقرا ف مدرسه ثانيه مع ولد عمه ههههه بدو يتفاهموا هو ورؤى شويه شويه 😂وكل ميفكروا فيه ف عمايل رؤى وكيف تغار منه ههههه هادئ وبسرعه يبكي بس توا كبر وبدي راجل 🙈😂

سميه: نفس حياااة اي ام وواجباتهاااا فالمنزل متغيرتش بين عيلتهااا وحوش اهلها واهل راجلهاا متغير شي ومنتبهه على صغارهاا وقرايتهم واخلاقهم ❤️

علي: حتى هو زي اي اب مثالي وواجباااته متغير شي ووقت يمشي للجامع ياخد ف وسيم معااه ويصاحب فيه لشيخ الجامع بش يدير باله عليه ويثقفه ويعلمه ويطلع ولد كويس 🔥

يوم السبت مع العصر 🔥

اصيل: كنت قاعد فالمربوعه هارب من رؤى لان نكتب ف اسئله الامتحان ومنبيهاش تشوفهااا نكتب وفنجال القهوه جنبي حطتها عمتي ومشت ❤️

رؤى: قامت شعرهاا قدام المرايا وساوت لبستهاا وحطت شويه عطر وطلعت لقت امهاا مقعمزه تصفح ف هاتف ...... هاي 😁

سميه: قامتلها عيونها...... اهلين 🙂

رؤى: ماماا بنقلك!

سميه: نسمع فيك

رؤى: اصيل وين!????

سميه: طالع من بكري

رؤى: كيف طالع ومفتاح سيارته فالدار 🤨

سميه: منعرفش معناها اكيده فالمربوعه ☺️

رؤى: اممممم تمام ...... وطلعت للمربوعه بتشوفه

اصيل: كنت مركز وفجأة الباب فتح ..... اوووو 🤦‍♂️..... طول حطيت كتاب فوق الاسئله 🙂

رؤى: جت وقعدت جنبه ..... 😌👋احم

اصيل: شن تبي قولي بسرعه واطلعي 😑😑من الصبح قلتلك متجيش شوري لبعد الامتحان ولاه ????

رؤى: بصوت دلع ..... به قلي ف شن مشغول علاش متبيش تشوفني 🙂😌👋

اصيل: على فكره عارفك اكيده تبي تطلبي مني شي عارف افكارك شيطانيه 🤨

رؤى: بلعكس متشوفش ف ابتسامتي البريئه 😌👋استاحشتك وجيت بنهدرز عليك شويه عندك مانع????

اصيل: اهاا عارفك بريئه المهمم عندي شغل نكمله ونلحقك تماام هي هي توكلي 😑

رؤى: فتحت كتاب الرياضيات الللي قدامه.... تكتب ف الاسئله 😁

اصيل: اي ويعني!!!

رؤى: نشوفهاا عادي ولاه 🙈

اصيل: تعصبتت منهاا.......روووورووو 😤اطلعيي خير منفقد اعصابييي اقلبي وجهك بسرعه من امتى الحركات هذه 😑🙂🙂

رؤى: خيرك انفعلللت سرك ف بيير نشوفهاا مش حنقول حتى ل ماما 😁عطيني!

اصيل: لااا يعني لا 😑

رؤى: مش اني بنتك وانت بابا اصيل اللي نحبه معقوله متبيش بنتك تنجح 🥺😌👋

اصيل:شذيت ف ملامحي...... اي صح نبيك تنجحي بس بجهدك وبدوون غش قاهمه!????

رؤى: هكي اخرتهاا 🙁

اصيل: حاولت نقلد نفس ابتسامتها....اي 😌👋

رؤى: وراسك مخاطريش نقرا عطيني المره هذه بس 🙁

اصيل: هكي ربيتك تغشي???

رؤى: ناضت ووقفت جنب الباب ..... به معش نحبك ني تمااام ومعش تكلمني اني زعلانه

اصيل: عخاطر مصلحتها ضروري نكون هكي معاها...... تمااام معش نبيك تحبيني يا مصلحجيه 🙂

رؤى: تنهدت وطلعت وسكرت وراها الباب ....🤨

👑روايـات الكاتبـة سرو👑

على سفرة العشا فالليل 🔥

اصيل: مقعمز مع العيله نتعشوا ويهدرزوا ... 🤭

رؤى: شافت ل اصيل باستفزاز وكلمت امها ..... ماماا وراسك معش تساليني عالقراايا كرهتهاااا نبي نوقف 😌👋

علي: رؤى شن تقولي ي بنتي مفيش شي ينفعك غير دراستك صدقيني وتاني لو عندك مشكله قوليلي مالا لشن نخدم اني والله عادي احتجتي كورسات كلميني وياريت معش تقولي كلام زي هذا مره تانيه فاهمه ولاه???? 🤨

اصيل: الماكله وقفت ف رقبتي عارفها تنابش فيااا ..... قعدت ساكت 😁

رؤى: قعدت تشوف ل اصيل مش ب مياشره ......الصراحه استاذ الرياضيات بتعناااا متعبناااا ومتشددد هلباااااا يحسابناا كلناا نفكروا زيه وعندنا من الذكاء بتعه وفوووقه حتى امتحاناته صعبه 😑

اصيل: قصدت نزعجهاا ونردلهاا ابتسامتها ..... 😌👋😌👋😌👋

سميه: خايفه على رؤى..... 💔مش عاساس اصيل استاذكم بتع الرياضيات ولا غيروه ☹️

رؤى: التفتت ل بوها..... تخيللل منهجج صعبب وميبيش يلخصلناا ويعطينااا اسئله يحساب عقلنااا وارثينه من انشتاين ☹️💔كرهني ف الرياضيااات

سميه: انزعجت..... خلاااص عيب تتعاركوا قدامناا 💔

علي: رؤى تبي ندللك ونجيبلك اي شي تبيه شذي ف قرايتك تسمعي فيااا ??!!!! والله كان مهذا نغير معااك وانتي ورايك بعدين 🤨

اصيل: همستلهاا جنبي بصوت واطي..... غشاشه 😌👋

رؤى: فنصت فيه وردت عليه بهمس .... تربييتك 😑

اصيل: مع الاسف😁

وسيم: يومهاا عند ولد جيرانهم يقروا مع بعض 🔥

رؤى: به بابا قولله معش يقرينااا خل ياخد فصول تانيه 🙂😑

اصيل: قاعد على قلبك ي حبي😌👋

علي: كيف جاي بيتكلم سبقاته سميه ......

سميه: خيييركم علاش هكي?!!!!!

رؤى: قاتلتها الغيره.....مامااا انتي مشفتيش بنات فصلي كيف يجروا ورااه والمشكله هو اكبر منهم بهلبا والصراحه اني متحملتششش عارفه الغيره تجري ف دمي 🙁 بس قلت ندير فلم القرايا المهم هذه الحقيقه واني اصلا قريت وجاهزه للامتحان 🙂

اصيل: حسيت قلبي تفتتترش نسيت كل كلامهاا ركزت على كلمة كبير!!!!!! ...... 💔

علي: وانتي علاش معقوله تغاري على اصيل 🙂

رؤى: بعفويه تستفز ف اصيل..... هه وعلااش بنغاار ?!!!! بس متحملتش قلت الادب بتعهمممم معقوله قريب 30 واحد يقرا معاهم ملقوش غير بابا اصيلل يجرو وراه مع ان اكبر منهم بس هذا اللي زاعجني 🙂🙁

👑روايـات الكاتبـة سرو👑

اصيل: انسدت نفسيتي على قد مقدرت نتجاهل كلامها مقدرتش 💔صح هي عفويه ومرات مكانش قصدهاا تتكلم بالطريقه هذه لكن هذا اللي صار مش مصدق البنت استنيتهاا وضيعت عمري ع خاطرها بش تكبر وميكونش حد ف قلبها غيري شافتني اليوم كبير وفي شباب احسن مني! !!!???..... الحمدلله اني شبعت هي تصبحوا ع خير 😔