رواية حقد النساء الفصل الأول 1 بقلم حنو

تـعريف عـن العـائلة💓👇🏻

.

أولاً الأم فَـاطِـمَة إمـرأة مكـافـحة ربـت صـغارهـا عـلى الحـلال وعمـرها مـانـذلـت لشـخص حـبت تـربي صـغارهـا بـعرقـ جبـينها وبـالحـلال راجـلها تـوفـى وخـلالـها ولادهـا صغـيريـن وكـانت مـجبـورة إنـها تخـدم وتصـرف علـيهم وبـما إنـ مـاعنـدهاش شـهادة💔 قـررت إنـها تـشتغـل فـي الحـوش وصـغارهـا جنبـها حـبت تخـلي سمـعتها طيـبة زي مـامعـروفـة زمـان وقـت كـان راجـلها حـي

خـدمت الفـطيرة و البـوريك والحـار والحـلو كـان نفـسها طيـب عـلى كـل شـي وكـل النـاس تحـبها وتحـب مـاكـلتها كـانت مضـحية بـكل شـي بـس عـ خـاطر بـاش يـكبرو ولادهـا ويعيـشو زي مـايـبو وأحـسن❤

.

الإبـن الأول مُـحَـمَّـدْ 86م مـتـخرج مـهنـدس نفـط ويخـدم فـي شـركـة ومـن بـعد مـاهـوا خـدم مـعش خـلا أمـه تخـدم بـكل💗كـان يـحب أمـه بـدرجـة لاتـوصـف لـدرجة لـمـا يـسمع حـد مـن خـوته معلـي صـوته علـيها يـضربـه ويـمنـع علـيه المـصروف وكـل شـي خـاطـب خـطوبة تقـليـدية وعنـده قـصـة حـنعرفوهـا مـع الـوقت

.

الإبـن الثـانـي أَحْـمَـدْ 88م مـتخـرج مـن It ويخـدم فـي شـركة طـيب هلبـاااا وخـلوق هلـبااا وديـما عـلى حـاله أعـزب ومـايبـيش يـتزوج🖤لسـبب مـا حنعـرفـوه اكـيد😘وحـنشوفو هـل حـتطلعله قـصة او لا

.

الإبـن الـثـالـت مُـعْـتَـزْ 90م مـتخرج مـن التقـنية الـطبيـة مخـتبـرات ديـما يـضحك وفـرحان يحـب أمـه وخـوته هلبـا وخـاطـب عـلى حـب❤

.

الإبـن الـرابـع عُـمَـرْ 92م مـهـندس مـعمـاري ويـقـري فـي الـجـامـعة و عنـده مكـتب يـخدم فـي يمـوت فـي أمـه ويـحب بـنت ونـاوي يتـزوجـها💓

.

الإبـن الخـامـس كَـرِيـمْ 95م يـقـرا فـي أخـر سـيمسـتر فـي كـلية الصـيدلة💗يـحب قـرايـته هلبـاااا ومـدمن علـيها💗وكـل مـاينـادوه يـلقوه يقـرا ديـما مـاشي عـلى حـاله ويحـب الهـدوء ومـايحـبش الـدوشة ويـوم يلقـى حـوشهم زحمـة مـعش يـروح للحـوش لـين يفـضى ومـش بايـن فـي الـرواية هلـبا

.

الإبـن السـادس مُـعَـادْ 97م يقـرا الإقـتصاد بـس مـايخـدمش تنـبال هلـبا لكـن ديـما هيـاجة مـع صـحابه اعـطيه صـحابه وبـس وقـرايـته ديـما هـاملـها وديـما يـاخد فـي طـرايح مـن مـحمـد وحـنشوفو قـصته شـنو

.

.

.

نبـدو فـي روايـتنا💗 ونقـولو بـسم الله قـرأة ممـتعة حبـايبـي

.

فـاطـمة..حميـدا روحـت ولـيدي😘

مـحمد..ايـه يـام روحـت شـن اديـري بـروحك يـام

فـاطمة..نحـطلكم فـي الغـدي يـاولـيدي

مـحمد خـدي مـن يـدها وحـط ع الطـاولة..ويـن عـمر والا البـاقـي

فـاطمـة..راقـدين عمـر روح تـاعب ينـاري رقـد طـول وكـريـم يقـرا فـي داره هـونا ومعـتز كيـف روح خـش لـداره يـبدل ويـجي وأحـمد قـال متغـدي عـند صـاحبه

مـحمد..ومـعاد زي العـادة صـحابه والشـارع🙂

فـاطـمة..شـن بنـديرلـه ياولـيدي انـي غلـبت فـيه دونـگ ليـه انـت صحـابه هـدم دهبـوله شـيرته بيـهبلـني

مـحمـد..تـو نفـضالـه تـو نعـرف شـن نـديرلـه الـمهم انـتِ يـام مـاتشـغليش روحگ انـي نحـل كـل شـي بـإذن الله

فـاطـمة..ربـي يحـفظك ويـنجيـگ ويـعليـك عـلى كـل مـن يـعاديـك ياولـيدي

مـحمد بـاس راس أمـه..المـهم انـتِ امـيمـتي البـاقـي كـله زايـد

فـاطـمة..سـلمه ولـيدي يـارب😍

مـحمد..هـي يـام قـعمزي خلـي نمشـي انـادي علـيهم

فـاطمـة..بـاهي

مـحمد..مـعتتتز عـمررررر كـرييييم هـيااا انـزلو الغـدييي

مـعـتز..هـيا جـيت انـي لكـن عمـر راقـد مبـاش يـنوض

مـحمـد خـدي فـوطـة يمـسح فـي يـديه ووجـهه مـن المـيا..خلـيگ تـو نمـشيلـه

كـريـم..أهـو نـوضتـه انـي تـو يجـي

مـحـمد..بـاهي

قـعمـز مـحمد وقـعمـزو أمـه وخـوتـه قـعدو يسـتنو فـي عمـر شـوية وجـي قـعمـز مـعاهم

تغـدو كـلهم بـفم سـاكـت هكـي أمـهم مـعودتـهم وأول مـاكمـلو الغـدي

فـاطـمة..صـحيحة

كـلهم..سـلمگ يـام

فـاطمـة نـاضت..خلـي نقـيم السـفرة

نـاض مـعتـز..قـعمـزي يـام انـي نـقيمـها

فـاطـمة..امـالا سـلم ولـيدي قـلم دلـيلـيعة وبـطيخة وجـيبهم

معـتز..نـوض سـلم عمـر مـعاي انـي بنغـسل الإمـاعـين

عمـر لـوح المـخدة بـعد مـا اتكـى اتـأفف ونـاض

مـحمـد..يـما

فـاطـمة..نعـم

مـحمـد شـاف لكـريم..بـرا جيـبلنـا شـاهي

كـريـم فـهمهـا تـوزيـعة..بـاهي

فـاطـمة..تـلقى الحـلاوات فـي الـدولاب فـي الفـردة الأخـيرة اللـي مـن تـالا الـروشن

كـريـم هـز راسـه بـي بـاهي ومـشي

فـاطـمة..شـنو ولـيدي

مـحـمد..شـن رايـگ فـي أخـت هـالـة لـي عـمـر!؟

فـاطـمة..مـني مـنهم همـا مـاشـاءالله سـتة

مـحمـد..هـناء

فـاطـمة..همـا مـاشاءالله علـيهم لكـن نـسئلـو وخـيك الأول

.

هـالـة🐍 تكـون خـطيبـة مـحمـد 93م مـش حنقـول علـيها شـي السـمايـل هـدا بـروحـه يـوصفـها🐍🐍

.

مـحمـد..شـن بيـقول يـعني أكـيد حيـوافـق

عـلى خـشة الأولاد

عمـر..وهـدا الـدلاع والبـطيخ يـام هـي قـربـي كـولي

معـتز..مـنو اللـي حيـوافـق شـن تـوشـوشـو😊

كـريـم..وهـدا الشـاهـي

فـاطمـة..منـين طـلعتها البـكلاوة هـدي انـي داستـها🙂يجـينا حـد

كـريـم..يـام تـوا الحـد خيـر منـنا والا شـنو خلـينا نـاكلـو الله يـربحگ

فـاطمـة..كول كـول تـو نعـرف ويـن ندسـها فـي جـديد🙂

مـحمـد..كـنا نـهدرزو فـي مـوضوع عمـر😊

عمـر..شـن فـي مـوضوع شـني😳

فـاطـمة..بـما ان أحـمـد مـايبيـش يـتزوج مـن القـصة اللـي صـارتلـه هـديكا قـلنا نـزوجـوك انت

عمـر..بـاااه!؟؟

مـحـمد..ايـه فـ قلـنا نـاخـدولـگ أخـت خـطيـبتي

فـاطـمة..ايـ والله مـاشاءالله علـيها🤗

عمـر..وانـتم كـيف تقـررو مـن راسـكم هكـي!!؟

كـريـم و مـعتز كـانو يـعرفو إنـ عمـر يـحب وحـدة ويبـيها سكـتو وقـعدو يـشوفو

مـحمـد..تكـلم زيـن بـلا دوة فـاضيـة قـدام أمـگ

فـاطـمة اسـتغربت مـن ردة فـعل ولّدها..يـاولـدي انـي مـاقـررتش قـاعـدة نـعطـي فـيك فـي علـم ونـاخدو فـي رايـگ

عمـر..أوگ اسـف يـام مـش مـوافـق انـي وبمـا انگ قـررتـي تخـطبـيلي انـي فـي وحـدة نبـيها وتمـشي تخـطبيهالـي

محمـد..ومنـي هـدي اللـي تـبيها!؟ بـنت منـي؟ وشـن أصـلها؟ وفـصـلها؟

عـمـر..مـش مـهم هـدا كـله المـهم إنـها بـننت نـاس وبـنت عيـلة ومـتربـييية😊مـش زيـ هلبـا نـاس

مّعتـز تلفـتله وفـنص فـيه..ضـم فّمگ شـن دخلـگ فـيه انـت

مـحـمد تعـفلق..شـن قـصدككك انـت اااه تكـلممم شـن قصـدككك

عمـر..قـصدي ان نـعاود ونـكررلـگ البـنت اللـي رافـع راسك بـيها وجـو عيـلتها فـلوس وادلل بـخواتـها لـينااا هـدي راهـي مـش بـنت نـاس ومـش بنـت عيـلة وبـوهاا مـش مربـيها اصـلااا

مـعتـز..عممممـررر امگ تحـشم قـدامـها واحـترم نفـسگ تعلـي فـي صـوتگ قـدامـها

مـحمـد..تـعرف مـزااال تجـببببد سيـرتهاااا عـلى لـسانگ والله مـانـي رااااحـمگگ

فـاطـمة تشـوفـلهم حـطت يـديها علـى بعـضهم..كملـتو خـلاص يعنـي هكـي ربـيتكـم عـلى خـاطـر بـنت تتـعاركـووو هكـييي ربـيتتتكـممم؟؟؟مـاتحـترمـوش فـي اللـي قـدامكـم بـككل!؟؟ وانـي رافـعة راسـي بيـكم ونقـول ولادي مـاشاءالله علـيهم ولادي مـافيـش زيـهم هكـي اديـروو هـدا عمـل اديـروه؟؟

مـحمد..يـام شـهادة مـن ديـنگ شـن الغـلط اللـي قلـتهوله!!؟؟ هـوا طـول بـدي يـغلط فـي الدوة وطـق حـتى فـي البـنت اللـي بـتولـي مـرتـي وحـلالي قصـدي شـن مـزال فـيها سكـوت يـام!؟؟ انـي غصـبت علـيه قتـله بـتاخـدها بالسـيف؟؟ قـاعديـن ندوو فـجأة نـط

فـاطـمة..انـي القـصة هـدي نبـيها تنـحل الـيوم قـعمـزو

عمـر..يـام سـامحـيني خـليني نطـلع بـالله علـيگ

فـاطـمة..قـللللت قـعمممز

قـعمـز عمـر وقـعمزو البـاقـيين

فـاطـمة..عمـرر ممـكن نفـهم شـن مشـكلتگ مـع عيـلة هـالة!؟ كـل مـانـجيبو سيـرتها تطـلع وتقـربع الحـوش والا تعـلي صـوتك واديـر مـشكلة زي تـوا وتقـول عـلى بـنت النـااس كـلام غـلط نقـولوه مـش كـانا مـاعنـدكش خـوات هـدا يعنـي انگ تقـول اللـي تبـيه فـي بـنت النـاس!! فـي عنـدك بـعد سنـين تتـزوج وتـجيب بنـات واللـي درتـه تلقـاه لـيه علـيگ يـاولـيدي الغـلط اللـي اديـر فـيه

عمـر..يـام انـي اللـي انقـول فـيه مـش طعـن فـي شـرفهـا او شـي تـانـي ولـو هـيا متـربـية وبـنت نـاس والله مـانقـول علـيها حـرف خـيرا مـعتـز مـاعمـري جـبدت حـتى سيـرتها خـطيـبته!؟؟بنـحط راسـي مـن راس خـوي الكـبير وبنـدوي علـى خـطيبته هكـي بـدون سـبب!؟؟

مـحمـد..بـاه لنـفرض كـلامگ صـح شـن هـوا السـبب هـي!؟؟

عمـر..انـت اسـئلـها هـيا مـاتسـئلنـيش انـي عـلاش اخـتارتـني انـي لأخـتهـا مـن دون خـوتـي!!!؟؟

فـاطـمة..انـي المـوضوع هـدا نبـيه يتـسكر ومـعش ينـجبد ومـافيـش حـد طـالع مـن هنـي لـين نقـتنعـو هـي اقـنعنـي زي مـا انـت مقـتنع!!

عمـر..يـام صـعب علـيا نقـولگ صـعببببب

مـحمـد..تـي شـني صـعب شـنيييي!؟؟ادوي بـلا جـو مفـرخخ ادوووي

مـعتـز..وووووه مـن الأخـييييير أخـت خـطيبـتگ هـددي كـانت تجـري ورا عمـر فهـمت تـواا!؟؟فـهمت عـلاش هـوا مـايبـيهاش!؟ وكـانت تحـاول تفـرق بـينه وبـين اللـي يكـلم فـيها تـوا ودارتـله هلبـا مشـاكـل واخـر شـي تـوصـلتله انـ يـدفـولگ اليـبرا انـت لـعلا وعـسى انـك تقـدر تجـبر عمـر عـلى زواج بـيها

فـاطـمة..يارسـوله هـدا شـني اللـي تسـمع فـيه ودنـي

عمـر سـاكـت ويغـلي

مـحمـد..بـاه شـن دخـل هـالة فـي قصـته مـرات هـيا مـاتنـدريش بـاللـي صـاير🙄وقـالتـها بحـسن نيـة

عمـر..والنـبي انـت دوة مـعاك زايـدة خـلاص انـسى اللـي قلـتهولـك اتزوجـها وديـر اللـي تبـيه🙂لـكن مـاتـجيـش يـوم وتقـولي يـاريـتني🙄

نـاض عمـر بـاس راس امـه..سـامحـيني يمـي رعـشناگ ووتـي روحگ غـدوا نـرفعك تخـطبيـلي

فـاطـمة هـزت راسـها بـمـعنى بـاهـي وسـكتت وهـيا تفـكر فـي ولادهـا اللـي بـدت مـشاكلـهم اكـتر مـاتكبـر

طـلع مـحمـد مـتعفـلق اول مـرة يـتعارك مـع خـوته هكـي ويتنـاقـش مـعاهـم فـي مـواضـيع زي هـدي

كـريم جـي قـعمز جـنب أمـه..امـيمـتي مـاتخـافيش تـو بعـدين يـروحو تلقـيهم يهـدرزو ويضـحكو مـاتغـشيـش روحگ

مـعـتز بـدي يـدربگ..امـيمة يـاوداااادة امـيمـة يـاودااادة امـيمة يـا وداااادة يـاضـي الحـوش ومـيعااااده

كـريـم بـدي يصـفق..امـيمة يـا الحـنوونـة امـيمة يـالـحنونـة امـيمة يالحـنووونـة يـاضـي الحـوش وكـانوونـه👏🏻👏🏻

فـاطـمة ضـحكت..ربـي يحـفظكـم لـيـا يـارب

مـعتـز..امـيمتي مـاتضـايقيـش روحگ تـو يـتصـالحـو خـلاص هـيا عـاد غيـري جـوك نـوضـي بـدلي نـدهـور بـيك والا نـرفعك لـي خـالتـي

فـاطـمة..لا يـاولـيدي خـليني مـرتاحـة هكـي انـتم كـان بتطـلعو بـرو

مـعتـز..بـاه امـالا كـريـم انت قـاعد!

كـريم..ايـه قـاعد

مـعتـز..خلـي نطـلع انـي مـعناها وقـت بتطـلع قـولـي بـاش نـروح

كـريم..مـش طـالع قـاعد نقـرا

طـلع مـعتـز وقـعد كـريم يقـرا جـنب أمـه

.

.

عـنـد مـحـمد..أيـوا

هـالـة..اهلـين حمـودي كـيف حـاالك

مـحمـد..مـن ربـي الحمدلله🙂

هـالة..خيـرك حبـيبي

مـحمـد..شـي يـا هـالة فـوتينـي تـوا بـالله علـيك مـش نـااقصـگ

هـالة..معقـولة هكـي تدوي مـعاي شـن قـلتلك انـي🙁

مـحمـد..استـغفرالله هـالة اسـمـعينـي مـوضوع هنـاء أخـتگ وخـوي عمـر انسـيه طـلعيه مـن راسـگ وقـولـي لأخـتگ تـشد روحـها وتشـد مكـانهـا أحسـنلها لانـة خـوتي خـط أحـمرر فـاهممـة!!؟وانـتِ يـاهـالة ابـعدي علـيها وعلـى كـل شـي اديـر فـيه لانـة مـزاالگ كـرت واحـد لـو نـحرق كـرتك الأخـير مّعناها كـل واحـد فـي طريـقه مـستحيل نخـسر خـوتي ع خـاطرگ ديـريها فـي بـالگ هـدي خـوتي وامـي مـاتقـدريـش تجـي فـي مكـانـهم الا لـو انگ عـاملـتيهم كـويس وحبـيتيهم وقـد أعـذر مـن إنذر

هـالة قـعدت تـرعش..ءءء مممحمممد شششنو فففـيهه عـلاااش تتتـدددوييي هكككـي انـي انـي مـمـااادرت ششـيي

مـحـمد..عـارفـك مـادرتـي شـي بـس حـذرتگ انـي وعطيـتك علـم هـي سكـري تـوا مـش فـاضي نكـلمك بـعدين

سكـر مـحمـد ونـزل مـن سيـارة لصـاحبـه

.

.

عنـد هـالة سكـرت منـه

هـالة..هنـااااااااااااااء يـا قـررررردة والله نـورييييييـگ

هنـاء جـت تجـري..تـيييي خـيييرك شـن فـييي

هـالة..مـحمـد عـرف بكـل شـي مـدايـرتيـه لّخوه عمـر

هنـاء حـطت يـديها عـلى خـدودهـا..نهـار اسـوود😳😱

هـالة..قـالك طلـعيه مـن راسـگ وانـسيه عمـر سمـعتيييني انـتِ كنتـي حـتخربـي بيـني وبـيننه

هنـاء شبـحتلها ع جـنب..عـلى اسـاس هـيا مـش خـاربـة بيـنكم🙄اخطـيني تـراه

هـالة..مـادخلـكش بيـني وبـينه نعـرف كـيف نخـدمهـاله المـهم انتِ اطلعـي منـها تفـهمي والا لااا!!؟؟

هنـاء..امـتى خـشيت بـينكم انـي تـرا فـوتيني

طـلعت هنـاء نـزلت لأمـها وخـواتـها

هـالـة وهـي اديـر فـي زمـالطـو..صـار امـك وخـوتك خـط أحمـر يـامحـمد إنـ مـاخلـيتگ تلـزهم كلـهم مـن الحـوش وتـحط أمك فـي دار العـجزة مـانكـونش هـالة بـنت الصـقـر😈

.

.

عـند عـمـر

عمـر..أيـوتـي حـبيبي

أيـات..نـعم عمـر شـن تبـي هي🙂

عمـر..يـاقـلبي انـتِ قـاعـدة زعـلانة!

أيـات..ايـه لانـة فـي واحـد غبـي مـزعلـني مـن أمـس ولـعند توا نـاسـي يـرضـيني

عمـر..مـاهو كـنت نفـكر كـيف نـرضـيها الغبـية اللـي عنـدي

إيـات..وفكـرت ومـالقـيتش ولـه عـارف عمـلتگ مـافيـها مـايتـصلح🙂

عمـر ضـحك..والله يـاروحـي بـاش تبـي نحـلفـلگ إنـ مـانعـرفهـا ولا عمـري كـلمتـها وخـلاص أصـلا تسـكر مـوضوعهـا بكـل

أيـات وهـيا تـاكل..امممم وشـن درت

عمـر..غيـر شـن تـاكـلي ولـيتي دبـة راگ يـاسـرگ

أيـات..تفـاحـة تفـااااحـة والله

عمـر..😂🤣بـاه غـير اسّمعيـني تـوا

أيـات..اهـو نسـمع

عمـر..غـدوا أمـي جـايتـكم

أيـات بعـفوية..غـدوا طـالعـين🙂

عمـر..يا دبـببة نـدوي جـديات غـدوا أمـي جـايتكم

أيـات نـطت فـوق سـريـرهم..نعممممم تـدوي جـدياااات

عمـر..لا نبـصر امـالا شـن نخـرف

أيـات..وووووه سكـررر سـكرر خـلي نمـشي نقـول لـمامـا

عمـر يضـحگ..يـا مهبـولة مـاتعبـوش روحـكم هـيا أمـي بـس ووحـدة مـن خـالاتـي

أيـات..أم حبـيـبـي جـايـة ويقـولي مـاتعبـيش روحگـم تـي سكـر وراي سـتين حـاجـة

عمـر..بـاه نحـبگ

أيـات..نمـوووت فـيگ انـي😍

سكـرو مـن بـعض وعمـر قـعد مـبتسم ويـذكر فـي هبـال أيـات وفـرحـان بـيها وبـعفويـتها

أيـات حـضنت الفـون وهـي تنقـز عـلى السـرير وتـرقـص مـن الفـرحة خـشت علـيها أخـتها أمـانـي الحـامل وهـي حـاطـة يـدها علـى بطـنهـا..يـاحمـااارة هبـلللتـييي السـرير يـتكسسر يا بطـة

أيـات نقـزت وجـت حـضنت أخـتها عـلى طـول

أمـانـي..وووه علـيا مـشي البـيبي طـاح😂

أيـات..عـمـر غـدوا جـايب أمـه بـاش تخـطبننني

أمـانـي زادت حّضنت أخـتها..حييي جـدياات😍يـاقـلبي انـتم ربـي يتـمم عـلى خـير يـارب الـف مبـروووك😍❤تـستـاهـلو أكـتر مـن هكـي

أيـات..بـاه نبـيك تقـولـي لمـامـا

أمـانـي..ولا يـهمگ تـوا نقـوللـها

طـلعو أيـات وأمـانـي لأمـهم وقـعدو يهـدرزو علـيها

أمـانـي..مـامـا

أمـهـم حـمـيدة تقـشر فـي الفـواكـه وتعـطي لبـناتهـا..نـعم

أمـانـي شـبحت لأيـات وابـتسـمتلـها وتلفـتت لأمـها..غـدوا جـاييـن خـطابـة لِـأيـات

حـمـيدة..غـدواا!؟

أمـانـي..ايـه غـدوا يـا مـامـا

حـميدة..ومنـي هـدم النـاس!؟

أمـانـي..مـن الأخـير يـا مـامـا تعـرفـي نقـدروش نـدرقـو علـيگ وأيـات تحـشمت تحكـي ولـد يبـيها وتبـيه حـتى هـيا وتـوا كلـمها قـاللهـا أمـي جـايـة غـدوا

حـميـدة..وانـي نقـوول عـلاش الضـحكة مـن الحـد للحـد والـ32 بـااايـنات😉

أيـات تحـشمت ووجـهها والا أحـمر

أمـانـي..ههههههههـ تحـشمت😂

حمـيدة..ومـن يكـون نسـيبنـا الجـديد هـدا شـن اسـمه ومـن عيـلة مـني؟

أيـات نخـصت أمـاني بـاش تتكـلم

حمـيدة..لالا نبـيك انتِ تتكلمـي😉هـيا احكـيلي اسمـه ولقـبه وامـه وبوه وخـوته وخـواته لـو عنـده و شـن يخـدم وشـن شكـله

أمـانـي..هـدا بـدي تحـقيق يـا مـامـا😂

حمـيدة..اسكـتي انتِ

أيـات..احـم ءء اسـمه عـمر الـ... بـوه مـتوفـي مـن لمـا همـا صـغار أمـه حـية وهـيا اللـي ربـتهم وكبـرتهـم اممم هـوا الـرابـع فـي خـوتـه همـا 6 خـوت مـاعنـداش خـوات وخـوه الكـبير إسـمه محـمد هـوا اللـي أكـتر شخـص يحـكي علـيه انـه زي بـوهـم وحـتى هـوا خـاطب وهـوا هـدا شـن مـزال تـاني

حمـيدة..مـاشاءالله ربـي يحـفظهم لإمـيمـتهم اي شـن يخـدم وعـنده حـوش!؟

أيـات..مـتخـرج مـهنـدس ويخـدم دكتـور فـي جـامـعة وعنـده مكـتب ايـه عنـده حـوش فـوق أمـه كـلهم بانيـين فـوق بعـض يقـدروش يخـلو امـهم بـروحها

حمـيدة..اهـا مـاشاءالله مـعناها يقـري فـي كلـيتگ😉

أيـات..ايـه قـرانـي هـوا أكـتر مـن مـرة😄

حـميـدة..امممم كـويس ايـه علـى بـركـة الله

أمـانـي..يعنـي حـضرة النـائبـة وافـقت🤣

حمـيدة..نـائبـة فـي عيـنك مـنين جبـتيها هـدي عمـومـاً مبـدئيـاً مـوافـقة انـي خلـي يجـو ونتعـرفو علـى بعـض ونحكـي لبـوك اللـيلة ويـن تلفـون كلـميـلي خـوك خلـي نـوصـيه يجـيب حجـات الضـيافـة لغـدوا

أيـات فـرحـت وخـشت تجـري لـدارهـا وهـيا قـلبـها يـدق بقـوة ومـن فـرحـتها مـش عَارفـة شـن اديـر

حمـيدة..اشـي هـالبـنت هـدي قـتلهـا تجـيب تلفـون مشـت تجـري للـدار

أمـانـي..عـادي تحـشمت هـاك تلفـوني اتصـلي بـيه منـي

حمـيدة..هـاتـي

اتـصلت حمـيدة بـولدهـا ووصـاته عـلى كـل شـي تبـيه وسكـرت ومـشت لـراجـلها تحكـيله

أيـات..ايـوا عمـوري

عمـر..حـبـيبـي شـن جـو

أيـات..الحمدلله وانـت

عمـر..تمـام الحمدلله شـن صـار حكـيتيلهم

أيـات..ايـه حكـيت لمـامـا وقـتلي يتفـضلو مـرحبـتين بـيهم

عمـر ابـتسـم..الحمدلله مـعناها سكـري وصـلت تـوا فـي الاولاد وخـلي نكـلم أمـي انأكـدلـها

أيـات..تمـام يـاروحـي

سكـرو مـن بـعض وقـعدت أيـات تكـلم فـي صحـباتها وتحكـيلهم

.

.

.

أمـا عنـد هنـاء

هنـاء خـشت لـدار أخـتها وصـلفـقتها..سـلفگ بـيخطببب أيـااات أنـي احلا منـها وفـلوووس أكـتر مـنها بمـليييون مـرررة وأرق وأنـعم مـنهااا شـن جيـبهااا ليـاااا بـاش يـرفـضني انـييي ويـاخدهااا هـيااا

هـالـة ببـرود..******

يتبع...