رواية حياة بنت الفصل الثاني 2 بقلم ميسون عبدالمجيد

داليا:أطلق

رقية بصدمة:ي مصيبتي

خالد:ي بنتي ليه كدة بس انتي لسة داخلة علي حياة جديدة يعني لسة بتتأقلمي ولو كل بنت من اول مشكلة بينها وبين جوزها طلبت الطلاق مكنش فضل حد متجوز

داليا بعياط:بس دي مش مشكلة ي بابا اني حرقتله القميص وانا بكويه ولا زودة الملح في الاكل دا من اول يوم ي بابا بيهني وبيذلني وبيقولي انت عانس انت متخيل انتو ليه مش حسين بيا ولا صعبانة عليكم انا بنتكم

رقية بتقرب منها بحزن وحنية:ي بنتي انتي اغلي حاجة في حياتنا انتي واخواتك لكن صدقيني مش معقول عروسة تتطلق تاني يوم صباحيتها والله الناس مش هتسبنا في حالنا

داليا بعياط:الناس عمرها ما اجمعت علي حاجة وقالو انها صح دا سيدنا محمد عليه افضل الصلاة والسلام بنفسه لما بدأ بالرسالة اللي ربنا كلفه بيها في ناس اتهمته اني مجنون سيدنا محمد انتو متخيلين وربنا لغاية دلوقت في ناس مقتنعة ان مفيش حاجه كدة وبيعبدو البقر والشمس والقمر كل دا بسبب كلام الناس وعمر ما الناس هيعجبهم حاجة وزي ما هيمسكو سيرتنا النهاردة بكرة ولا اكن حاجة حصلت وهو دا حال الدنيا والناس ي ماما 

رقية بحزن:بس بردو م..

خالد قاطعها:مبسش ي رقية خلاص الكلام خلص وانتي ي جبيبة ابوكي هخليه يطلقك انتي تستاهلي سيد سيده

داليا بدموع:انا مش عيزاه ولا عيزا سيد سيده ي بابا انا عايزة اعيش حياة هادية وانا حثا بطمأنينة

خالد بيطبطب عليها:بأذن الله ي حبيبتي ارتاحي شوية وانسي كل حاجة 

__________________________________________________

بعد مرور اسبوعين

خالد بيمد ايده:اهو يستي كل حاجة خلصت وادي كل الاوراق اللي طلبتيها 

داليا بأبتسامة فرحة وامل:شكرا ي بابا ربنا يخليك ليا

وباست ايده

خالد حضنها بحب

خالد:بس انتي ليه طلبتي الاوراق دي وشهادة الميلاد ليه كل دا

داليا بأبتسامة:هسافر الغردقة قدمت في شركة هندسه كبيرة وعملت انترفيو اون لاين ووفقو بيا وهسافر أبدا حياتي هناك بعيد عن كل الناس اللي اعرفها أبدا حياة مفيهاش أي حد بيكرهني او بيغل مني ومن حقي بقي دا بعد اذن حضرتك طبعا

خالد بابتسامة:بعد كل دا بتقوليلي بعد اذنك دنتي ناقص تقوليلي معاد طيارتك امتي

داليا بأبتسامة:بكرة بليل بس والله ي بابا لو مش حابب انا مش هعمل أي حاجة

خالد بيبوس راسها بحب:لا ي بنتي سافري وشوفي حياتك وابدأي بدل السنين اللي ضاعت من عمرك علي الفاضي انتي لسة صغيرة وقدامك العمر ياما

داليا بصتله بحب

تاني يوم داليا ودعت اهلها بعد عياط وسلامات وركبت الطيارة

بعد مرور عدة ساعات وصلت داليا الاوتيل

داليا لاحد الاشخاص:لو سمحت بشمهندس ماجد فين

الشخص بيبص حواليه:ايوا هو كان لسة قاعد هنا مش عارف راح فين

:علي حضرت اللي قلتلك عليه

بص وراه:ايوا ي فندم اهو حضرتك بشمهندس ماجد

داليا بصت وراها اتفجأت افتكرت انها هتلاقي شاب في بداية العشرينات من عمره لكن لقيت راجل معدي مرحلة الشباب وبعض شعره ابيض

داليا:احم حضرتك انا داليا اللي عملت انترفيو و..

ماجد قاطعها بهدوء:ايوا ايوا فاكرك كويس جدا اهلا بيكي وأن شاء الله هترتاحي في الشغل معانا

داليا بأبتسامة هادية: أن شاء الله طب احنا هنبدأ شغل امتي انا مستعدة من دلوقت

ماجد:لالا اطلاقا انتي اطلعي ارتاحي النهاردة من تعب السفر وبكرة أن شاء الله نبدأ علي مع البشمهندسة لغاية اوضتها

علي:تمام ي فندم

ماجد:ياا..

داليا:داليا بشمهندس داليا

ماجد بأبتسامة:دا الكارت بتاعي عشان هتواصل مع بعض الفترة الجيا كتير

داليا: تمام

داليا طلعت اوضتها وقعدة علي كرسي واخدة نفسها براحة نفسية وحثا ان ربنا هيعوضها عن كل اللي شافته

داليا كانت تعبانة من الطيارة نامت كتير جدا

اشرقت شمس يوم جديد

داليا صحيت بنشاط اخدة شاور وصلت ولبست دريس باللون الابيض وعليه طرحة بينك وشوز بينك وحزام بينك

داليا بتقفل باب اوضتها لقيت ماجد خارج من اوضته بردو اللي قصادها

داليا بصاله بأحراج وتوتر

ماجد بأبتسامة:صباح الخير

داليا بهدوء:صباح الخير

ماجد: مبدأيا كدة انا المساعدة بتاعت حصلتلها ظروف وسابت الشغل وانا عايزك تكوني مكانها يعني هتكوني زي مديرة اعمالي بالظبط موافقة

داليا بأبتسامة: ايوا طبعا موافقة

ماجد:تمام تعالي دلوقت ننزل نفطر بعدها نروح علي مكان الشغل بتاعنا ونشوف اخر تصاميم الاوتيل

داليا:تمام

علي احدي الترابيزات

داليا وماجد بيفطرو

ماجد:اقلك علي سر انا مسميش ماجد

داليا بصاله بعدم فهم

ماجد بأبتسامة:اسمي الحقيقة مصطفى لكن اسم الشهره ماجد اسم ابويا بحب ديما افتخر بيه لان لولاه انا مكنتش هوصل لأي حاجة من اللي وصلتلها

داليا بصاله بأعجاب من كلامة

ماجد بضحك:انتي مالك قاعدة مكسوفة كدة ليه علي فكرة ميغركيش الشعريتين البيض دول وتفتكري اني راجل عجوز انا يدوب عندي ٣٩ سنة انا لسة شباب اوي علي فكرة

داليا ضحكت بأحراج:هو باين عليا اوي

ماجد ضحك:الصراحة جدا

وخلصو فطار وتجهو للمكان اللي بيصمموه في الاوتيل

بعد وقت كان عم الظلام

داليا خلصت شغل وكانت بتتمشي حوالين الاوتيل وبتتأمل جمال المنظر بس لفت نظرها طفل صغير قاعد جنب حمام السباحة وباين عليه بيعيط

داليا قربت منه:هشش مالك مالك ي حبيبي بتعيط ليه

الطفل رفع راسه وبصلها وكان عمال يعيط

داليا بطبطب عليه:بس بس ي حبيبي قلي مالك

الطفل بدموع:ماما وحشتني اوي

داليا بعدم فهم:طب هي فين انت تهت منها انا ممكن اساعدك 

الطفل بعياط:ي ريت يمكن كنت اقدر اشفها واحضنها تاني لكن بابا قلي انها راحت عند ربنا

داليا بصتله بحزن وهي كمان عنيها دمعت

داليا:طب خلاص بقي في رجالة بتعيط بعدين ماما لو شافتك كدة زعلان وبتعيط هي كمان هتزعل

الطفل بحزن:يعني هي شيفاني طب ليه مش بتكلمني ولا بتجيلي خالص

داليا بحزن:عشان هي خلاص راحت عند ربنا انت كل ما تلاقي نفسك تشوفها بص للسما وكلمها وهي هتكون شيفاك ماشي

الطفل ببراءة: ماشي

داليا بأبتسامة:قلي بقي اسمك ايه يا واد يا جميل انت

بأبتسامة:مالك اسمي مالك

داليا بأبتسامة:الله اسمك حلو اوي ي مالك متجيب بوسة بقي عشان نبقي اصحاب

مالك بصلها بحب وبسها

ماجد بقلق:انت كنت فين ي مالك خلتني كنت هموت من الرعب عليك

مالك بخضة:بابا انا اسف

داليا بتفجأ:.....