لقاء صحفي مع الكاتبة جنى عمرو
النهاردة جبنا الكاتبة جنى عمرو وحابينا نسألها شوية أسأله بالنيابة عنكوا يالا بينا نشوف سألناها اي؟
 |
| لقاء صحفي مع الكاتبة جنى عمرو |
اسمك ثلاثي؟
ملكيش اسم شهرة؟
عندك كام سنة؟
منين؟
عايشة فين؟
بتدرسي اي؟
مين اللي بيشجعك للكتابة وبيدعمك؟
مفكرتيش تنمي موهبتك بأنك تدرسي عن الكتابة وطرق السرد؟
بتكتبي خواطر او شعر؟
ليكي كام عمل؟
بتحبي تقرأي لمين من الكتاب؟
افضل عمل كتبتيه؟
اي الموقف اللي خلاكي تكتبي؟
اول حاجة كتبتيها؟
اكتشفتي موهبتك امتى وازاي؟
اي اكتر رواية بتحبيها؟
ومين الكاتب اللي كتبها؟
ليكي روايات ورقي؟
هتروحي معرض الكتاب الدولي 2022؟
لو هتروحي هتبقي فين عشان لو حد حابب يقابلك؟
ودي كانت إجابات الكاتبة جنى عمرو
اسمك ثلاثي؟
جنى عمرو محمد
ملكيش اسم شهرة؟
لا بصراحه حابه اتعرف باسمى
عندك كام سنة؟
١٤
منين؟
الجيزه
عايشة فين؟
الهرم
بتدرسي اي؟
٣ اعدادى
مين اللي بيشجعك للكتابة وبيدعمك؟
عائلتى و طبعا اصحابى ربنا يديمهم ليا♥️
مفكرتيش تنمي موهبتك بأنك تدرسي عن الكتابة وطرق السرد؟
اخدت كورسات قبل كده و كنت دائما بقرأ روايات لكتاب كبار عشان احسن من كتابتى وسردى
بتكتبي خواطر او شعر؟
بكتب خواطر بس مش دايما
ليكي كام عمل؟
تقريبا ٧ غير الاسكريبتات
بتحبي تقرأي لمين من الكتاب؟
عمرو عبد الحميد والكاتب الراحل احمد خالد توفيق
افضل عمل كتبتيه؟
الاميره الجاريه
اي الموقف اللي خلاكي تكتبي؟
كانت بنوته اسمها نشوه كانت بتكتب روايات بس اتأخرت فى البارت فى مره فمعرفش ليه وقتها فكرت ليه مجربش اكتب انا كمان و فعلا بدأت من هناك
اول حاجة كتبتيها؟
أحببتها صدفه
اكتشفتي موهبتك امتى وازاي؟
اكتشفتها لما كان عندى ١٣ سنه وبسبب الموقف اللى قولته
اي اكتر رواية بتحبيها؟
ثلاثيه قواعد جارتين
ومين الكاتب اللي كتبها؟
عمرو عبد الحميد
ليكي روايات ورقي؟
اه هتنزل معرض الكتاب إن شاء الله بس عمل جماعى والكتاب باسم نوڤمر وقصتى اسمها زواج خاطئ وليا كتاب فيه خاطره ليا باسم كالدرون
هتروحي معرض الكتاب الدولي 2022؟
إن شاء الله
لو هتروحي هتبقي فين عشان لو حد حابب يقابلك؟
لا هبقى بلف عشان اشترى كتب😂♥️
ومن اعمال الكاتبة جنى عمرو الموجودة عندنا علي الموقع
رواية لعبة زواج : (اضغط هنا)
 |
| رواية لعبة زواج بقلم جنى عمرو |
ومن اسكريبتات الكاتبة ايضا
 |
| اسكريبت اميرة ولا بقلم جنى عمرو |
"انتى ضعيفه"
"انتى خياليه"
"ايه الوهم دا"
"ايه الهبل دا"
كلام كتير بيتقالى من النوع دا يمكن عشان طريقه تفكيرى مختلفه شويه.. اعرفكم بنفسي انا ندى، عندى ٢٢ سنه متخرجه من كليه اعلام وبشتغل صحفيه.. الكلام اللى فوق دا نبذه صغيره عن اللى بتعرضله لما اتكلم مع حد بعفويه، بدأت اتصنع عشان اعجب اللى حواليا وكانت النتيجه رهيبه.
صحيت فى يوم من الايام ونزلت روحت شغلى عادى جدا بس جالى شغل و اتقالى إنى هروح اعمل حوار مع ظابط قبض على تجار مخد.رات.
نزلت وروحت وشوفت الظابط.. طويل، عريض، عيونه سودا، شعر اسود تقيل، دقن خفيفه،بدأت اتكلم معاه وانا بسجل لحد ما سألنى سؤال غريب:
- انتى ليه متصنعه؟
بصتله وانا مش فهمه حاجه وقولت:
- نعم!.. متصنعه ازاى يعنى
ابتسم وقالى:
- يعنى دى مش انتى الحقيقيه
جيت اتكلم بس الباب اتفتح مره واحده ودخلت بنت منهاره فى العياط وجريت على حضن الظابط اللى اتخض بدوره وقال:
- مالك يا دعاء فى ايه؟
بصتله دعاء من وسط دموعها وقالت:
- ادهم سابنى يا محمد
حضنها محمد وحاول يهديها وقال:
- طب وهو عمل كده ليه؟
ضحكت بسخريه وقالت:
- عشان انا مش فتاه احلامه.. عشان انا فاشله و عشان انا جبانه و عشان مش حلوه و كمان اقل من مستواه.. انا ضعيفه اوى يا محمد.. انا ضعيفه وجبانه.. يارتنى مكنتش نفسى.. ياريتنى زى الاميرات فى عالم ديزنى او زى الروايات انا فعلا معنديش اى ميزه ولا جمال ولا مستوى اجتماعى ولا حتى حققت حلمى ولا شخصيه حتى.
مستحملتش اكتر من كده وانفجرت بتلقائيتى المعتاده:
- هو ايه اللى مش حلوه طب ما سيندريلا اميرة بروحها الطيبة و موانا اميرة بشجاعتها وياسمين اميرة بتواضعها و رابونزل اميرة بحلمها و مولان اميرة باصرارها و بيل اميرة بروحها الجميلة الأميرة الحقيقية هى اللى قوتها نابعة من جواها مش شرط يكون عندك اصرار مولان أو شجاعة موانا ،وبرضه ماتنتظريش يوچين يخبط عليكم من الشباك... ولا لازم تكونى غنية ووالدك سلطان وتنقى أميرك... ولا الفقر عائق علشان تعيشى حياتك... ومش لازم يكون طريقك مفروش ورد وانتى بتحققى حلمك.. ببساطة اللى بياخد كل حاجة بيخسر كل حاجة... ميزتك موجودة جواكِ هتبان بس لما ترضى بيها وساعتها هتكونى أميرة حقيقية وسط اهلك وصحابك وقدوة لاخواتك وولادك فى المستقبل وهو كويس انه سابك عشان دا شخص ميستحقيش.
سكت وبصتلهم بتركيز لقيتهم باصين ليا وكأنى قولت حاجه غريبه.. هو انا فعلا قولت كلام غريب اووف انا لازم امشى.. اخدت التسجيل وشنطتى وجريت ومهتمتش لمحمد وهو بينادى.. انا كنت محرجه اوى من اللى قولته.. حتى لو صح بس مكنش ينفع اتكلم بتلقائيه كده.. روحت على البيت وعدى شهر على الموضوع ومفيش جديد بس كالعاده ماما دخلتى وقالتلى:
- ندى قومى البسى عشان جايلك عريس
بصتلها وانا زهقانه وقولت:
- تانى يا ماما عريس تانى
صرخت ماما فيا وقالتلى:
- قومى يا بت بدل ما اجوزك حسين جارنا
اتكلمت بسرعه وقولتها:
- بهزر معاكى يا زوزه ايه مش بتهزرى.. ثوانى وهكون جاهزه
خرجت ماما وهى عماله تحسبن وتستغفر وقومت انا لبست دريس زهرى وعملت شعرى ديل حصان و لبست الجزمه السكرى بتاعتى وحطيت زيده كاكاو بس حسيت انى كده مش حلوه فحطيت ميك اب عادى.
عدى ساعه وبعد كده عريس الغفله وصل.. بعد دقايق طلعت انا بالحاجه الساقعه وقعدت من غير ما ابصله وبفكر هطفشه ازاى.. شويه والكل قام وسابونا لوحدينا فبصتله واتصدمت لما لقيته وقولتله:
- انت.. انت بتعمل ايه هنا؟
ابتسم وقالى:
- حبيتك.. متستغربيش طريقه كلامك عجبتنى.. حبيت فيكى نضجك اللى انتى مخبياه ورا تصنعك.. اراهنك انك بتتصنعى عشان الناس بتتريق عليكى.. بس انا ملقتش احسن منك بنت اتجوزها.. دا غير انك مخرجتيش من دماغى طول الشهر.
سكت ومتكلمتش فابتسم وقعد جنبى وقال:
- متتصنعيش انتى اجمل واحلى بكتير بطبيعتك.. حتى من غير المكياج دا انتى احلى.. انتى مخبيه الميزه اللى فيكى ورا خوفك من كلام الناس.. اظهرى ميزتك يمكن غيرك يتعلم منها.. زى بالظبط ما دعاء اتعلمت من كلامك و عملت بيه وقررت انها تعيش لنفسها وتبطل خوف وتقليل من نفسها.. انا عارف انه غريب انى اتقدملك بالسرعه دى بس اكيد هتعرفينى اكتر قريب.
بصتله وقولتله:
- طب وانت مش عايز تعرفنى؟
ضحك وقالى:
- لا انا اعرفك من زمان.. قبل كده جيتى القسم عندنا عشان تعملى حوار مع ظابط.. شوفتك هناك و اعجبت بيكى.. بقيت اروح مكان شغلك مخصوص عشان اشوفك.. بقيت امشى وراكى لحد ما تروحى من الشغل خايف لحسن حد يقربلك.. لحد ما لقيت الفرصه بعد ما قبضت على المجرمين وطلبت من الجريده اللى انتى شغاله فيها انهم يبعتوكى انتى مخصوص.. كنت عايز اقعد معاكى.. وكنت متأكد إنك مخبيه حاجه.. وفعلا طلعتى مخبيه اكبر مميزاتك ورا قناع البرود و التصنع.
بصتله وانا مش عارفه اقول ايه.. اقوله انى كنت ملاحظاه من يوم ما عملت حوار مع الظابط التانى ولا اقوله انه لما كان بيجى الجريده كنت ببقى فرحانه.. ولا اقوله انى عارفه كل حاجه عنه و عارفه انه يتيم و معندهوش غير قرايبه و دعاء دى تبقى بنت خالته و اخته فى الرضاعه.. سكت ومتكلمتش بس ابتسمت فضحك هو وقال:
- وعارف إنك بتحبينى
بصتله وضحكت بعد كده قولت:
- لا يا راجل وايه اللى مأكدلك دا
ابتسم وقالى:
- عنيكى.. بس بصراحه انتى ضعيفه.. اه ضعيفه ومجنونه شويه ومش قويه كده ومستحيل الناس تتقبل طريقه تفكيرك
استفزنى بعد ما كلامه اتعكس تماما فقولت:
- انا أقوى من اي خطر والاراده اللي عندي هاتخليني اعدي الصعب وهاقدر أحقق اللي كل الناس بتقول عليه مستحيل
- بس موانا استسلمت في نص الطريق
اتكلمت بتلقائيه وقولت:
-طبيعي ان اي حد فينا يحس بلحظه انكسار في نص السكه بس القوي بإرادته يقدر يقوم ويكمل ويدوس على الصعب ويعديه وساعتها هيحس بلذه الانتصار في لحظه الوصول لهدفه وموانا قدرت توصل للجزيره الام باصرارها ومجازفتها واصرارها على الوصول ونجحت وانقذت وطنها وشعبها من الخطر.
ابتسم وقال:
- هى دى فتاه احلامى.
******
- بارك الله لكما وبارك عليكما وجمع بينكما في الخير.
- لولولولولولولولى
بصتله فى حب شديد وقرب هو منى وقال:
- اميرتى الشجاعه خلاص بقت مراتى.
ضحكت وبصيت فى الارض بعد ما قررت انى ماتصنعش تانى ابدا لانى عمرى ما هقدر ارضى كل الناس.. دايما فى ناس مش هترضى بيا ولا بأسلوبى ولا بشكلى ولا بأى حاجه.. عشان كده قررت اكون نفسى ومتصنعش و نقول ايه نقول باى باى لرأى الناس لاان أكيد هنلاقى اللى يحبنا بطريقتنا وشكلنا وحياتنا دى.
*ماتتصنعيش لما ممكن تكونى أجمل بروحك ، كونى #أميرة_بذاتك*
*اسكريبت عامى*
تمت
للانضمام لجروب التليجرام : اضغط علي
مع تحيات فريق مدونة نادي الكتاب.
تعليقات
إرسال تعليق