رواية غفلة شاب الفصل الثالث 3 بقلم لمياء فرحان

   * الصلاة يا عزيزي*

نام الشاب عبدالرحمن وراحت عيناه في النوم من كثرة التفكير ، و إذا وهو نائم..يرن جرس التليفون ، ذهبت أخته هاجر لترد 

المتصل: السلام عليكم

هاجر: وعليكم السلام مين معايا

المتصل: أنا علي صاحب عبدالرحمن في الجامعة كنت عاوزه في حاجه وقولت ألحقه قبل ما يروح يصلي🌕♥️.

هاجر: يصلي!! عبدالرحمن يصلي!!

هههههههه صلي على النبي😹

علي: عليه الصلاة والسلام طيب هو موجود

هاجر: هو نايم

علي: تمام لما يصحي قوليله أني اتصلت عليه 

هاجر: تمام

ومرت أربع ساعات وقام صاحبنا من النوم...

عبدالرحمن: ماما عاوز آكل

الأم: حاضر هصلي و احطلك

عبدالرحمن: ياريت مطوليش

عبدالرحمن: وأنتي مش وراك حاجة🙂

هاجر: لأ أنا قاعدة في مانع🌚

عبدالرحمن: روحي ذاكري

هاجر:  خلصت مذاكره ، صحيح في واحد اسمه علي إتصل عليك

عبدالرحمن: علي!!! وكان عايز ايه؟

هاجر: مقالش لكن قالي أنه كان عايز يلحقك قبل ما تصلي ، 

أنت بتصلي من ورانا ولا ايه، وبعدين من أمتي وأنت بتصاحب الأشكال دي💛🚶🏻‍♀️..؟

عبدالرحمن: أنتي هتفتحيلي محضر ولا ايه، وبعدين أنتي فكراني كافر على شأن مصليش..

هاجر: طيب كويس أنك عارف إن الي مبيصليش بيبقا كافر🙂.

ثم جاء من الخلف صوت والد عبدالرحمن😐

عبدالرحمن: يوووه أنا رايح أفتح الكمبيوتر

الأم: مش هتاكل

عبدالرحمن: مليش نفس

الأب: ربنا يهديك يا بني

دخل عبدالرحمن حجرته وهو في غضب شديد!

هي الغبية هاجر دي قال يعني مقطعه نفسها في قيام الليل وهتعملي فيها شيخة 🙂.

عدي اسبوع  و عبدالرحمن حابس نفسه و مراحش الجامعة 

وفي صباح يوم جديد☀️💙

ذهب عبدالرحمن إلي الجامعة

أول ما دخل المدرج لقي علي في وشه

حاول أنه يتجاهله..

"علي" و كأن شيئاً لم يكن

قرب منه 

علي: ما تيجي نصلي الضحى

عبدالرحمن: ( بصوت مرتفع) يووه بص يا أخ أنت أنا مبصليش

ابتسم علي وقاله: و ايه المشكلة مش انت مسلم و اسمك عبدالرحمن

عبدالرحمن: أيوه

علي: يا حبيبي الصلاة دي فرض علينا مش خايف من عذاب القبر والنار أنا عاوز مصلحتك🥺♥️

شعر عبدالرحمن بالاحراج أمام صاحبه...

علي: أنا رايح اتوضي تيجي معايا.. أصلا المحاضرة اتلغت😂

عبدالرحمن بضحك: ماشي يلا بينااا

ذهب الأثنين إلي مسجد الجامعة و بدأ كل واحد منهم بالوضوء،

لاحظ علي بعض الأخطاء في وضوء عبدالرحمن.

علي: ممكن أقولك على حاجه ولا هتزعق زي ما زعقتلي بره !

عبدالرحمن بضحك: قول في ايه

علي: بص يا غالي أنا عايزك ترتب أركان الوضوء لأن الترتيب فرض

ولو حد مرتبش يبقي الترتيب غير صحيح وبالتالي هتبوظ الصلاة🤍.

عبدالرحمن: تمام ارتبهم ازاي يعني؟

علي: سهلة ، أول حاجة تقول بسم الله ( ودي سنة ) ، وبعد كده تغسل كفك 3 مرات 

وخلي بالك كفك مش إيدك كلها،

وبعدين تتمضمض 3 مرات و تستنثر 3 مرات 

وبعد كده تغسل وشك 3 مرات وخلي بالك خلي المياه تيجي على وشك كله، لأن بعض البنات تغسل وشها وتبقا خايفه تبل الطرحه والمياه لا تصل لكل الوش و ده كله غلط.

عبدالرحمن: تمام خلينا في الولاد وكمل👌🏻💙

علي: وبعدين تغسل إيدك لغاية الكوع ويستحسن تبدأ باليمن 3 مرات

وبعد كده تبل إيدك لتمسح رأسك من الأمام للخلف ومعاها أذنك من الظاهر والباطن ( ودي سنة)

وفي الآخر تغسل رجلك للكعبين ثلاثآ ٠

عبدالرحمن: شكرا ليك بس ايه وجع القلب ده أنا رايح اتوضي

علي: اتفضل

انتهت معركة الوضوء التي كانت تشبه معركة استيقاظ عبدالرحمن😂🚶🏻‍♀️♥️

وذهب الإثنين للمسجد.

أول ما دخل عبدالرحمن وقعت عينه على " معاذ" الذي كان يصلي .

المهم دخلوا وسأل عبدالرحمن " علي" 

عبدالرحمن: هو الشاب ده مقيم في المسجد دايما

علي: لا أصل سمعت إن في درس انهارده بعد الصلاة

ادي كل منهم الصلاة وطبعا صاحبنا عبدالرحمن" نقرعم نقر الديك وخلص أول واحد فيهم😂"

معاذ: السلام عليكم ورحمه الله وبركاته

عبدالرحمن: وعليكم السلام

معاذ: وحشتني اوي أنت لسه فاكرني؟

عبدالرحمن في نفسه: أنا أقدر أنساك يا بتاع الكهربا أنت😂♥️..

عبدالرحمن: آه فاكرك أنت الأخ الي صليت جنبي لما جيت المسجد

معاذ: اخبار الجامعة 

عبدالرحمن: الحمد لله

معاذ: في درس هنا في المسجد ما تيجي تحضره معايا

عبدالرحمن: تمام هشوف

قام معاذ من جنب عبدالرحمن فتعجب عبدالرحمن هو مش قال هيحضر الدرس قام ليه؟!

وفجأة معاذ مسك المايك و التف الشباب حوله وبدأوا بالجلوس

هناك علم عبدالرحمن أن معاذ هو الي هيدي الدرس✨

بدأ معاذ بالكلام " بسم الله الرحمن الرحيم والصلاة والسلام على حبيبنا محمد صلى الله عليه وسلم أشرف الأنبياء والمرسلين أما بعد"

أول شيء عايز أقول حاجه إن كل الناس الي موجوده في المسجد الآن الله عز وجل اختارهم على شأن يسمعوا الدرس ده، 

في ناس كتير برة المسجد لم يرد الله لهم المجيء هنا

وكذلك في ناس من الجلوس معانا ربنا هيختارهم على شأن يهديهم وناس تانيه هتسمع وتنفض..