رواية أماني الفصل الثالث 3 بقلم ملك أمير
 |
| رواية أماني الفصل الثالث 3 بقلم ملك أمير |
رواية أماني الفصل الثالث 3 بقلم ملك أمير
الباب خبط وبابا استقبلهم ومكنتش انا وحازم معاه كنا بنجيب العصير والكيك من جوا ولما دخلت شوفته شوفت محمد لقيته باصصلي ومبتسم وانا اتعاملت عادي وتجاهلته مكنتش مهتميه اوي بوجوده
(يااه بنتك دي يجمال
{اه بنتي يحسن يخويا
)الله واكبر عليها زي القمر تعالي اقعدي جمبي يحبيبتي
روحت قعدت جمب طنط حسناء واخت محمد الي اسمها يمني وكنت بتعامل عادي والي لاحظته ان محمد عايز يتصاحب عل حازم وعمال يتكلم معاه في اي حاجه وكل حاجه
=وانت في سنه كام ي يمني
»انا تانيه ثانوي
=بجد دا انت قريبه من سن حازم خالص يدوبك الفرق بينكو سنتين
»اها انا عارفه حازم كان بيجي اوائل طلبه السنه الي فاتت وكان السبب في خساره مدرستنا
«مش بحب اتكلم عن بطولاتي كتير
=يشيخ اتنيل يعني جبت جايزه نوبل
_مش جايزه نوبل بس كفايه انو خسر. البنات الدحيحه الي مبيسبوش الكتب دول
فهمت انو بيلمح عليا لاني بطلع ديما الاولي والدحيحه بتاعت دفعتي
=الثانوي مش مقدار لحاجه اصلا
_دي وجهه نظرك وانا بحترمها
=طيب
قضينا باقي اليوم وانا ساكته ومليش نفس اتكلم اصلا واول ما مشيو يدوبك شيلت كل حاجه ودخلت نمت عشان اروح الجامعه
صحيت تاني يوم نقيت طقم اسود في اسود حتي البندانه والشوز وروحت الكليه وكالعاده هو قاعد وحواليه ناس كتير بس المره دي بصلي وركز معايا بس انا لفيت وشي بسرعه عنه بس لقيته بينده عليا
_رونا يرونا
=ءءايوه
_ اي مبترميش عليا السلام ولا بتكلميني حتي
=والمفروض اكلمك لي
_عادي اعتبريني صاحبك
=امم ماشي
_ماشي يلا عن اذنك عندي محاضره
سابني ومشي وانا ابتسمت وكنت ماشيه لحد ما وقفتني واحده
›انت كنت واقفه مع محمد لي
=اي دا انت مين اصلا وازاي تتكلمي معايا كدا
›طيب انت متعرفيش انا مين بس انا ممكن اعرفك ولو شوفتك واقفه م محمد تاني متلوميش غير نفسك
كنت لسه هرد بس هي مشيت وانا كمان مشيت وروحت للمحاضره وبعدها السيكشن وكنت طالعه عادي لقيته قدامي مره واحده
_ الجميل رايح فين
=ابعد يعم مش ناقصه مشاكل انا
_مشاكل! مشاكل اي
=شوف يعم انت معجبينك دول بيهددوني عشان وقفتني الصبح
_بقلك اي سيبك من الهبل دول
=لا يباشا اخاف
_يواد يخواف انت
=احم يلا انا مروحه عايز حاجه
_اه
=عايز اي
_اوصلك
=احم ماشي
_طب يلا قدامي عل العربيه
روحت معاه وركبنا العربيه فضلنا ساكتين لحد ما قال
_رونا ينفع سؤال
=اسال
_هو انت لي بتقفي مع زياد المعيد دا كتير
=يخصك في اي معلش
_بسال عادي يعني اصل باين بيحبك اوي
كان بيقولها وهو بيضغط عل الدركسيون جامد وانا مش فاهمه بيعمل كدا لي
=مفيش حلجه بيني وبينه انا بقف معاه عشان بساله عن حجات تبع السكاشن والمحاضرات لا اكتر ولا اقل
_ممم انا هشغل اغنيه
=اوك
شغل اغنيه شوفي حالي بتاعت محمد سعيد وحقيقي انا بعشق الاغنيه دي فضل يبصلي ويبتسم انا كنت بتمني ان السرعه تعدي 180 عشان اروح بسرعه بدأ يغني مع الاغنيه من بدايه الكوبليه الي بيقول " ما تيجي نسيب كل دا ونمشي بس انا وانتي في عيون الغير مجانين ونتوه جوا حضن الليل ونقول مواويل حتي لو الناس سامعين انا وانتي بس"
بصلي بعد ما سكت وكنت متوتره اوي من الحركات دي كنت خايفه وابتدي يغني تاني مع كوبليه "انا حبيت ولا عمري هقول مليت تكوني الحضن زي البيت وتيجي كل ما تحني واقول اني ملكت الجنه فوق كفي ولو هتغيبي يوم عني هفضل بردو ما تيجي نسيب كل دا ونمشي بس انا وانتي في عيون الغير مجانين ونتوه جوا حضن الليل ونقول مواويل حتي لو الناس سامعين انا وانتي بس"
وشي كان عمال يجيب الوان ساعتها وكنت مبسوطه اوي لحد ما وصلنا وطلعت البيت جري وانا اصلا م عل بعضي بس الحمدلله ملقتش حد في البيت وحضنت المخده وفضلت الف بيها وبعدين سبتها ومسكت الفون لقيت رسال عل الفيس من اكونت فيك بيقولي
"الاسود يليق بك"
"كان هناك حبرا انسكب عل الثلج فاعطي جمالك"
استغربت من الجملتين وفي نفس الوقت كنت خايفه بس بعدها قمت كلت ونمت وصحيت تاني يوم وروحت الجامعه بس اول ما دخلت محمد ناداني
_روناا روناء يرونا
=ها ايوه
لقيت بينزل عل ركبته وبيقول
_تقبلي تتجوزيني
فضلت مبلمه بس هزيت راسي بالموافقه
بعدها قلم نفض هدومه وانا كنت منتظره يحضني زي الافلام بس قالي الي صدمني بجد
_مش قلتلكو اي بنت في الجامعه دي انا اقدر اخليها تحبني
تعليقات
إرسال تعليق