رواية مختمرة في عائلة مودرن الفصل الثاني 2 بقلم رحمة

أدهم :اه اهلا نورتي انا ماشي

شهاب :انت لحقت رحبت ببنت عمك يا أدهم علشان تمشي

أدهم ببرود :معتقدش هتفرق كتير ما هي قاعده يعني هتمشي

شهاب :ليلي انا

ليلي :مفيش داعي تعتزر حضرتك كل شويه انا عارفه انهم اكيد مش هيتقبلوا وجودي في حياتهم بسهوله بس انا اكيد مش هطول وهحاول أدبر نفسي واسكن لوحدي

مليكه :يكون احسن برضو انا خارجه مع صحابي احسن البيت بقى مق؛ رف

ملك :وانا هروح لصاحبتي علشان نازله الجيم باي

شهاب :وانت يا سي آدم مش هتمشي انت كمان

آدم :لا عيب واسيب لوله لوحدها دي الناس تاكل وشي بس اي القمر ده مش بخمار بس عليكي جوز عيون يودي في داه؛ يه

ليلي بابتسامه :دي عيونك إلى حلوه يا ابن عمي بس انا كمان تعبانه وهطلع ارتاح بعد اذنك يا عمي

شهاب :اتفضلي اكيد يا بنتي يا ام سعد

ام سعد :نعم يا بيه

شهاب :خدي الهانم على اوضتها علشان ترتاح، وأول ما ليلي دخلت اترمت على السرير وفضلت تعيط هي عارفه ان عيله عمها مش هيتقبلوا وجودها في حياتهم بسهوله بس مش بالطريقه دي وحتى مرات عمها مرضيتش تستقبلها اصلا وافتكرت بابها ومامتها وحست انها يتيمه للمره التانيه لأنهم لو كانوا عايشين مكنتش هتواجه كل ده بعدها نامت من التعب 

//////////////////////////////////////////////

ليلي بابتسامه :صباح الخير، محدش رد باستثناء شهاب إلى رد بأحراج من تصرفات ولاده :صباح النور يا ليلى نمتي كويس مش كده

ليلي :اه الحمد لله

مليكه بتأفف :انا رايحه الجامعه عندي محاضرات

ليلي :استنى خوديني في طريقك انا كمان عندي محاضرات

مليكه بزعيق :انتي مجنونه انا امشي معاكي انتي ليه اتجننت اسمعي انتي تفضلي بعيد عني انتي فاهمه انا الي زيك دول مرضاش اشغلهم عندي مش امشي معاهم، بعدها مشيت

آدم :وانا كمان رايح كان نفسي اخدك معايا يا ليلى بس صحابي جاين معايا لو ينفع معاكي فاشطا،

ليلي بابتسامة :لا مينفعش علشان تاخد راحتك بالتوفيق، انا هروح يا عمي

شهاب :ايوا بس انتي متعرفيش الطريق هنا خالص

ليلي :احنا في عصر GPS يعني اكيد مش هتوه ابدا متخافش عليا يلا استودعتك الله الذي لا تضيع ودائعه

شهاب :واياكي يا بنتي

نيره :بونجور، اي ده انتي بتشتغلي اي هنا وازاي دخلتي من البوابه اصلا بلبسك ده

ليلي :انا ليلي بنت اخوه جوز حضرتك يا نيره هانم واه صحيح انتي بالذات مش من حقك تتكلمي معايا بالأسلوب ده نهائي تمام