مسابقات مدونة نادي الكتاب

يعنى اى طيارتى بكره؟! 

- زى ما سمعتى جهزى نفسك

- ‏انت لى بتعاملنى كدا انت ابويا المفروض تبقى أحن واحد عليا فالدنيا دى ، ليه من ساعة ماما ماتت وانت بتعاملنى بقسوة لى دايما بتدى أوامر واجب تنفيذها من غير حتى ما تاخد رأيى ودلوقتى بتتحكم ف دراستى كمان كدا حرام والله حرام تعمل فيا كدا انا عايزة اعيش هنا وأدرس وسط صحابى لو سافرت مش هيبقى ليا حد هناك هتنبسط ساعتها يعنى وانا لوحدى كدا 

- ‏بكره تفهمى إنى بعملك الصح دايما يا ندى .

- ‏انت شايف إن دا صح ! 

- ‏بلاش كتر كلام يادوب تحضرى كتبك وهدومك يلا

- ‏ماشى تمام يا بابا بس اوعدك إن المرة دى هسافر ومش هرجعلك تانى عشان تعيش نفس الإحساس اللى هعيشه وانا لوحدى يمكن لما بتحس ب دا تفتكر ان ليك بنت كل معاملتك معاها عبارة عن قسوة وبس انا همشى ودى آخر مرة هتشوف وشى فيها يا بابا 

- ' مش عارفه لى دايما يعاملنى كدا دايما بيدى أوامر ومطلوب منى أوافق بدون رد دايما بشوف إن الأبهات لو ولادهم جالهم منحه بره مصر او شغل أو غيره بيمنعوهم يسافروا عشان خايفين عليهم لكن أنا عكسهم أنا اللى بيتفرض عليا السفر لأنه مش خايف عليا ولا فارقه معاه أصلا  دايما بوافق على أوامره لكن المره دى صعبه فكؤه إنى أبقى لوحدى صعبه عليا  '

- ‏ندى خلى بالك من نفسك 

- اشوف وشك بخير يا بابا

- ‏ندى عايز اقولك حاجه مهمه.

- ‏نعم يا بابا !

- ‏انا والله عمرى م كنت قاسى يمكن قساوتى دى من كتر خوفى عليكى انا بخاف عليكى لدرجه إنتى ممكن تشوفيها قسوة بس والله يا بنتى إنتى أغلى حاجه عندى  ف الدنيا دى انا مليش غيرك يا ندى ولو موضوع السفر دا مش مناسب ليكى متسافريش أهم حاجه عندي راحتك 

- ‏ولما أهم حاجه عندك راحتى يا بابا حجزت التذكرة لى أصلا! 

- ‏عشان تدرسى وتجيبى تقدير عالى عشان تنجحى ف حياتك عشان أبعدك عن أصحاب السوء اللى هنا وكلهم يتمنولك الشر وإنتى مش واخده بالك وعشان كمان ازرع جواكى الثقة بالنفس و تحمل المسؤليه 

- ‏بس كدا انا هبقى لوحدى هناك كدا مش هيبقى ليا حد لما أحتاجك أبقى أعمل لما أحتاج أتكلم مع حد اتكلم مع مين 

- ‏فى واحد هنلاقيه مستنيكى فالمطار أما توصلى هياخدك هيعرفك على مكان جامعتك ومكان سكنك وهيبقى معاكى خطوة بخطوة

- ‏واحد مين وإزاى تآمن عليا مع واحد غريب لا واضح الصراحه إنك بتخاف عليا اوى

- ‏'ببرود' ابن صاحبى بيدرس ف نفس الجامعه وهيبقى معاكى هناك وهيعرفك على كل حاجه 

- ‏أنا مش عايزة حد ياريت تخليه ميستنانيش 

- ‏إنتى هتكسرى كلمتى يعنى يا ندى؟! 

فى حاجه كمان نسيت اقولك عليها.

- ‏حاجه اى يا بابا ! 

- ‏أنا قريت فاتحتك عليه 

- ‏انت بتهزر صح  ! 

- ‏انا عمرى هزرت معاكى يا بنت

- ‏صح انت طول عمرك سى السيد وأنا أمينه وعليا الطاعه والاستجابه انا بنى آدم لحم ودم مش لعبه تحركها وتعمل فيها اللى انت عايزه يعنى اى قريت فاتحتى وأنا آخر من يعلم طب ياترى حددتوا معاد كتب الكتاب كمان ولا اى ولا يمكن كانت فاتحه وكتب كتاب وأنا معرفش

- ‏الزمى حدودك مش عشان ساكتلك هتتمادى

- ‏ولما اشوف مستقبلى بيضيع تجوزنى بمزاجك وتعلمنى بره مصر بمزاجك دى تبقى عيشه دى حرام عليك انا تعبت من معاملتك دى ياريتك كنتى عايشة يا ماما انا بقيت بتمنى الموت عشان اجيلك 

- ‏قومى اجهزى واغسلى وشك والراجل هنلاقيه مستنيكى فالمطار أما توصلى وياريت تعامليه كويس متنسيش انو بقى خطيبك 

- ‏لو ماما كانت عايشة مكنتش عملت كل دا فيا انا بنتك لى بتعمل فيا كدا لى تدمرلى مستقبلى وتجبرنى أتجوز واحد معرفوش كل دا عشان ابن صاحبك 

- ‏اه صحيح نسيت اقولك ! 

- ‏نسيت اى تانى يا بابا نسيت تكتب القايمه!؟

- ‏'بجمود' نسيت اقولك ان اسمه خالد 

- ‏مش عايزة اعرف عنه حاجه وانا مش هقابله اصلا 

- ‏يعنى اى مش هتقابليه عايزة تصغرى رقبتى قدامه

- ‏طب عالاقل كنت خد رأيى انا مش سلعه بتتباع لأول جزار كدا دا جواز يعنى المفروض تاخد رأيى دى حياتى مش حياتك عشان تختارلى وفوق كل دا هو أنت مسفرنى عشان أدرس ولا عشان اتعرف على عريس الغفلة

- ‏يلا عشان هتتأخرى على ميعاد الطيارة

- ‏مع السلامه 

- ‏خلى بالك من نفسك 

- ‏

- ‏مبترديش كمان ! 

- ‏

- ‏' لنفسه' بكره تفهمى إن بعمل كل دا لمصلحتك عشان اتطمن عليكى قبل ما أموت عايز احميكى من كل الذئاب اللى حواليكى مستنين موتى عشان تبقى فريسة لهم عايز أخليكى لكى راجل قبل ما أموت عشان محدش يقربلك أبدا صعب عليا تشوفينى وانا ف آخر أيامى 

- ‏

- ‏  ركبت الطيارة وبالرغم من أنى بخاف جدا وعندى فوبيا من المرتفعات إلا أنى مكنتش حاسه أنى راكبه فالطيارة وبيتطلع بينا كان شاغل تفكيرى ابويا واللى بيعمله فيا من يوم ماما ما ماتت وسابتنى معقوله حاله قلب يسفرنى بره لأ وكمان يقرا فاتحتى على واحد غريب وبدل ما يحمينى بيسلمنى لواحد غريب ويقولى هيبقى معاكى خطوة بخطوة لا بجد ونعم الابوة فوقت من سرحانى وبصيت من شباك الطيارة خفت جدا من ارتفاع الطيارة

 ‏يارب والنبى انا بخاف من المرتفعات يارب  

- ‏اهدى يا آنسة متخافيش 

-'مختش بالى انى ماسكه ايده ومكلبشة فيها' احم انا آسفه انا بس بخاف اوى 

-‏ متخافيش اشغلى نفسك بحاجه او حطى الهاند فرى اسمعى اى حاجه او اقراى كتاب لحد ما نوصل الوقت هيعدى بسرعه.

-‏ماشى حاضر

-‏بس إنتى صغيرة إنك تسافرى لوحدك 

-‏'بحزن' ياريتك تفهم بابا كدا 

-‏هو باباكى اللى مسفرك غصب عنك

-‏'بتنهيدة' ايوا 

-‏يبقى أكيد مسافرة تتعلمى صح !

-‏مالو التعليم ف مصر يعنى مطلعش علماء!

-‏ممكن يكون عايزك تبقى حاجه كبيرة بعيد عن اصحاب السوء.

-‏انت كنت حاضر معانا الموقف؟!

-‏لى؟!

-‏ عشان هو قالى كدا فعلا عايز يبعدنى عن صحابى بيقول انهم حقودين عليا بس انا مش شايفه كدا.

-‏ بيبقوا قدامك حبايبك وف ضهرك يطعنوكى.

-‏ بعد اذنك مش قادره اتكلم أكتر من كدا لو سمحت!

-‏انا آسف لو طولت عليكى.

-‏لا أبدا مفيش حاجه.

عدى ساعات كتير وانا لسة بفكر فكلام بابا وافعاله وكل اما افكر شلال دموع بينزل من عينى لقيت الطيارة وصلت المطار ولقيت شاب جاى عليا

- ازيك إنتى ندى بنت صاحب بابا صح؟!

- ‏ايوا انا 

- ‏أهلا بيكي عاملة اى !

- ‏كويسه.

- ‏انا خالد خط.....

- ‏أهلا

- ‏احم انا هبقى معاكى هنا علطول لحد فترة دراستك ما تخلص هعرفك ان شاءلله على الأماكن هنا وهتنبسطى بيها أوى

- ‏معتقدش

- ‏كنت عايز اقو...... 

- هو المسافه للسكن  بعيدة؟!

- ‏احم لا مش قوى 

- ‏تمام لو سمحت انا تعبانه مش قادرة اتكلم مع حد 

- ‏طب انا آسف لو كلامى ضايقك انا بس بحاول اتعرف عليكى أكتر

- ‏اممممم عشان كدا قريت فاتحتك على واحدة متعرفهاش ولا هيا تعرفك 

- ‏بابا قالى إنك محترمه واختارك ليا وانا واثق فاختياره

- ‏وانت صغير عشان تسيب والدك يختارلك؟!

- ‏مرفضتيش لى طالما مش عيزانى

- ‏ياريت بابا يفهم انى مش عايزاك ولا عايزة حد انا عايزة أعيش لوحدى انا هعرف اتأقلم هنا مش محتاجه مساعدة حد 

- ‏تمام انا هوصلك السكن واعرفك مكان جامعتك وهسيبك تتأقلمى لوحدك 

- ‏كلك زوق والله

-' وصلنى السكن  وتانى يوم ودانى الجامعه وعرفت مكانها وعدى يومين ومحاولش حتى يسأل عليا يوم ورا يوم بيعدى وانا بقيت اتاقلم على الحياة هنا مش راجل اللى يمشينى انا بعرف اعتمد على نفسى كويس.

-‏ازيك يا ندى؟!

-‏كويسة قبل متيجى 

-‏ ندى إنتى ىى مش طايقانى انا راجل واهم حاجه عندى كرامتى مش هسمحلك تهينيها

-‏طيب

-‏طيب!

-‏خير يا خالد فى حاجه

-‏مفيش عمى كلمنى وقالى اطمنه عليكى عشان بيرن عليكى مش بتردى. 

-‏قوله كويسة اوى. 

-‏طيب تمام

-‏' مشى من غير اى كلمه زيادة  بقى هو دا الراجل اللى بابا مآمن عليا معاه بقى هو دا اللى هيحمينى من الذئاب دا يرمينى لأول حد أصلا بنى آدم عجيب دا لو واحد غريب شاف حد من بلده بيخاف عليه حتى لو مفيش بينهم صلة عدت شهور وأنا بدرس وخالد بيجيلى الجامعه كل شهر يسأل عليا وجه يوم التخرج وخلاص خلصت دراستى وهنزل مصر لكن حاسه بحاجه وفيوم جالى رسالة من بابا محتواها 

-‏" عارف أنى كنت شادد عليكى قوى بس صدقينى عشان بخاف عليكى أنا قريت فاتحتك عشان يبقى ليكى راجل من بعدى انا مريض يا ندى وحالتى ميئوس منها وكل الدكاترة أجمعوا على كدا وسفرتك بره مصر بصفتك تدرسى وتتعلمى بس سفرتك عشان متشوفنيش وانا بموت قدامك وقلبك يتقطع عليا انا عمرى م كنت قاسى انا دايما حنين بس مش ببين دا سامحينى يا قلب ابوكى لو حسيتى ف مره أنى بقسى عليكى سامحينى على كل لحظة نزلت فيها دمعه من عينك ومفكرانى معنديش قلب سامحينى " 

-‏مكنتش عارفه اعمل اى لقيت نفسى بلم هدومى و جهزت شنطتى وحجزت اول طيارة نازله مصر ولقيت خالد عارف إن بابا تعبان ومستنينى ف المطار هى دى وظيفته  أصلا فحياتى يوصلنى وبس  .. ركبت الطيارة ودموعى نازلة على خدى مش عارفه بعيط عشان كنت بعامله وحش لما يزعقلى ولا أنى حرمته منى ف آخر ايامه والوقت اللى كان محتاجلى فيه وانا كنت محتجاله أكتر عالاقل أشبع منه ولا إنى فهمت خوفه الزيادة على لحمه ودمه دى قسوة انا اللى بطلب منك تسامحنى يا بابا" نزلنا م الطيارة وسبت خالد بيجيب الشنط وعرفت عنوان المستسفى من خالد ورحتله بس للأسف مشى قبل ما اشوفه وأسمع صوته مشى ما اودعه مشى قبل ما اسلم عليه واقوله هتوحشنى اوى يا بابا سابنى وراح لماما سابونى لوحدى.

- هتفضلى كدا لحد امته يا ندى؟!

- ‏

- ‏عدى شهرين على وفاة عمى وانتي على نفس الحال لا بتخرجى ولا بتتكلمى مع حد.

- ‏عايزني اعمل اى يعنى؟!

- ‏تعالى نخرج نغير جو 

- ‏غير انت جو 

- ‏لازم تخرجى ماللى إنتى فيه.

- ‏طب خلاص ماشى  استنانى تحت على ما اغير هدومى واحصلك

- ‏ماشى

- ‏قمت وحاسه الدنيا بتلف بيا احساس الوحده دا صعب اوى صعب لما تكون عايش فدنيا ومحدش حواليك معندكش عيله معندكش ونس معندكش حد تحكيله معندكش حد تشكيله وتعيط وتحكيله همومك بالرغم إن خالد معايا إلا أنى مش حاسه بوجودة وقعت عالارض

- خير يا دكتور؟!

- ‏متقلقش هنعمل شويه تحاليل وآشعه مقطعيه وهنتطمن بعدها

- ‏هيا كويسة يعنى

- ‏التحاليل هتبين كل حاجه 

- ‏ تمام يا دكتور  .

- ‏فتحت عنيا بالراحه وكنت اتمنى مفتحهاش كنت عايزة اروحلهم وحشونى لى سابونى ومشيوا لى مخدونيش معاهم لى سامحني يارب سامحنى مليش غيرك يارب مليش غيرك

- ‏حمدالله بالسلامه

- ‏الله يسلمك هو اى اللى حصل.

- ‏اتاخرتى اوى طلعت اشوفك مجتيش لى لقيتك واقعه عالارض جبتك المستشفى والدكتور طلب شويه تحاليل واشعه مقطعيه

- ‏'بخوف' لى كل دا انا فيا أى

- ‏مش عارف الدكتور قال التحاليل هتبين كل حاجه

- ‏طب هعمل التحاليل امته

- ‏دلوقت لو حبيتى

- ‏ياريت عشان اتطمن 

- ‏طب قومى يلا.

- ‏عملت تحاليل وقعدت يومين على ما ظهرت وفضلت اليومين دول قاعدة فاوضتى وحاضنه صورة بابا وماما وفضلت افتكر زكرياتى معاهم وطفولتى ولقيت دموعى خانتنى نمت ونا حضناهم وبصبر نفسى بوجودهم صحيت على رنه تلفونى.

- ‏ايوا 

- ‏ايوا حضرتك آنسه ندى؟!

- ‏ايوا انا 

- ‏انا سكرتيرة فى معمل التحاليل ونتيجه التحليل طلعت والدكتور طلب يقابل حضرتك ضرورى 

- ‏طب هيا نتيجه التحليل اى

- ‏مش عارفه والله يا فندم أكيد الدكتور هيبلغ حضرتك هو فى انتظار حضرتك دلوقت.

- ‏طب تمام انا جايه حالا

- ‏قومت استجمعت قوتى وحاولت أبان قويه لكن جوايا متدمر انا زى البركان أبان هاديه لكن جوايا نار طول الطريق رجلى بحس انها بترجع لورا خايفه احساس الخوف متملك منى مش عارفه خايفه من اى بس قلبى مقبوض وصلت معمل التحاليل  دماغى بتخيلى الف حاجه وحاجه بس متخيلتش ان دى النتيجه.....

- ‏ازى حضرتك ى دكتور

- ‏كان بيكلمنى وباصص فالورق ورفع عنيه وقال...

- ‏ازيك يا ندى 

- ‏'بصدمه' هو انت؟!

- ‏عمر اسمى عمر نسيت اعرفك بنفسى يومها 

- ‏حضرتك الدكتور؟!

- ‏تعالى اقعدى يا ندى.

- ‏هيا نتيجه التحليل كويسة صح 

- ‏احم بصى يا ندى إنتى مؤمنه بقضاء ربنا وعارفه ان سبحانه وتعالى بيحطلنا اختبارات كتيرة فالدنيا وفى اختيارات ننجح فيها واختيارات لأ 

-'بخوف' ‏قول يا دكتور انا عندى اى؟!

-‏قبل أى حاجه عايز اقولك إنى هعالجك متخافيش وهفضل جنبك انا عارفف إنك عايشه لوحدك ملكيش حد 

-‏يعنى عندى اى؟!

-‏عندك.....

-‏قول يا دكتور قلبى مش مستحمل

-‏ عندك كانسر فالرحم 

-‏' بصدمه' ااااااى

-‏كل داء وله دواء يا ندى 

-‏ انت بتهزر صح قول إنك بتهزر طب يعنى اى يعنى مش هبقى ام ابدا 

-‏ متخافيش هنعالج الورم وهتبقى زى الفل صدقينى 

-'مشيت والدنيا بتلف بيا بالرغم أنى مقهورة على حالتى بس الحاجه الوحيده اللى مصبرانى أنى هروحلهم وحشووونى وجه اليوم اللى هنتجمع فيه تانى !!!!!

-‏رنيت على خالد قولت اقوله الخبر دا وجه جرى يشوف اى النتيجه بس متوقعتش منه كدا

-‏يعنى اى عندك كانسر؟!

-‏زى ما سمعت يا خالد 

-‏إنتى متأكده من التحاليل دى طيب

-‏ايوا والاسبوع الجاى أول جلسة كيماوى هتيجى معايا؟!

-‏هشوف كدا

-‏يعنى اى هتشوف كدا

-‏يعنى هشوف مواعيدى تسمح اجى ولا لا 

-‏طب تمام 

-' رده كان قاسى اوى عليا افتكرت أنى لما اقوله هيزعل لزعلى هيتوجع لوجعى لكن للأسف كان قلبه حجر وحسيت أنى عبء عليه كنت مفكراه هيهون عليا تعبى ووجعى لكن برده زودهم لأنى ملقتش منه أهميه ولا حنيه'

-جه اول جلسة فالعلاج ومستحملش يشوفنى كدا كنت مفكراه اول واحد هيقف جنبى فى مشوار علاجى بس احساسى طلع غلط جلسة ورا جلسة والايام بتفوت ويعدى ولاحظت عدم الاهتمام الزيادة فالفترات الأخيرة وجلسة ييجى وجلسة يتهرب منى وكنت بروح لوحدى 

وجه فمرة وانا فالمستشفى لقيت الدكتور جايبلى جواب وجاى.

-‏ الأستاذ اللى كان معاكى سابلك الجواب دا؟!

-‏جواب اى

-‏انا عرفت انو خطيبك والظاهر انو ميستاهلكيش انتى تستاهلى احسن منه يا ندى 

-‏ فتحت الجواب لقيت محتواه جملة واحدة " انا آسف بس مش هقدر أكمل اتمنالك حياة سعيدة "

-‏ بصراحه مزعلتش لأنى كنت متوقعه الرد دا من لحظه ما قولتله 

-‏متزعليش عليه هو اللى يزعل عليكى مش إنتى إنتى  تستاهلى تتحبى بطريقه يستغربها الناس..تستاهلى شخصية تشوف جمالك تستاهلى تتشبهى بكل حاجه جميله.تستاهلى احسن شخص فالدنيا دى اوعى تزعلى عليه 

-‌‏مش شرط أكون زعلانه بسبب حد ! ممكن أكون زعلانه على نفسي ، على كل حاجه عاوزاها ومبتحصلش ، على كل وقت بحس فيه اني لوحدي ومحدش حاسس بيا ، على مواقف كتير محطوطه فيها ومش بمزاجي ، على الخذلان اللي بحسه من أقرب الناس ليا ، على حياتي اللي متلغبطه ، ممكن أكون زعلانه على نفسي عادي !

- زعلك الحاجه الوحيده اللي مابتهنش عليا  انتى مش هتبقى لوحدك من النهاردة يمكن تستغربى كلامى بس أنا هحكيلك كل حاجه انا بحبك من زماااان ولما حسيت ب دا طلبت ايدك من باباكى الله يرحمه ورفضنى وقالى إنك مخطوبة لابن واحد صاحبه كنت بشوفك وانتى رايحه الكليه واستناكى وانتى جايه وأراقبك من بعيد لبعيد وكنت عارف إنك مش ليا بس مبقدرش أمنع نفسى وعارف إنو غلط ولازم أبعد بس حاجه جوايا بتقولى ندى من نصيبك بس أصبر كنت متابع كل

تحركاتك وفيوم عرفت إنك هتسافرى تكملى تعليمك بره حولت شغلى ف نفس البلد اللى فيها كليتك ولما

شوفتينى فالطيارة مكنتش صدفه وكنت عارف برضو

- إنك بتخافى من المرتفعات وقعدت جنبك عشان اول متخافى كنت هتمسكى اللى جنبك عشان كدا قعدت جنبك عشان تمسكى ايدى انا مش حد تانى وفضلت أراقب طول فترة الغربة وكنت بشوف خالد معاكى ف أوقات كنت بمسك نفسى بالعافيه من أنى أضربه مكنتش اعرف إن دا خطيبك كنت مفكره قريبك وانا اتكلمت مع خالد وهو بيدينى الجواب وقالى انت بتحبها وباين ف عنيك يوم ما جبتها وهيا مغمى عليها

Flash Back

- ‏انت بتحبها؟!

- ‏من زمان يا خالد وعلفكرة باين ف عنيك إنك مش بتحبها 

- ‏بس هيا مريضه؟!

- ‏هعالجها

- ‏هتكون عبء عليك؟!

- ‏هقف جنبها

- ‏ ممكن متكونش  أب؟!

- ‏هكون أبوها وهى بنتى

- ‏هتموت وتسيبك؟!

- ‏هنموت سوا

- ‏لى كل دا؟!

- ‏عشان انا راجل وبحبها وهيا  تستاهل كل خير وفعلا انت متستاهلهاش.

End Flash Back

- ‏انا جنبك يا ندى من النهاردة متخافيش انتى مش لوحدك انا هكون ليكى سندك وضهرك وعيلتك وكل حاجه 

- ‏بس انا معرفكش كل اللى اعرفه إنك الدكتور بتاعى!

- ‏هتعرفى عنى كل حاجه مع الوقت.

- ‏تمام ماشى

- حاولت اسمح لقلبى المرة دى يتفتح بعد م كنت قفلاه مفتحتوش حتى لخالد لكن حسيت إنو لازم يفتح لعمر شخص واضح صريح فكلامه لقيته عارف حاجات عنى أنا ذات نفسى معرفهاش يوم ورا يوم وبقينا نقرب لبعض، بيطمن عليا بالتلفون ويوم الجلسة ييجى ياخدنى مالبيت ويروحنى آخر اليوم لأنى ببقى تعبانه.

- ‏بيقولوا إن الحب الحقيقى مبيجيش للإنسان غير متأخر ، بعد ما الدنيا تجيبه و توديه، تسوحه فمشاعره، يتكعبل ف علاقات تستنزفه صحياً ونفسياً، فيقرر ميحبش تاني ، بس الدنيا وقتها بتبدأ تستخدم أساليبها الثُعبانيه وترميه ف طريق حد مش متوقع بالمره حد ف الغرب وهو ف الشرق ، حد مستحيل يكون هو ده ، بس فجأة قلبك بيعاندك ويشبط فيه وكإن مفيش غيره ع الكوكب تستسلم لقلبك بكامل إرادتك.

- ‏ازيك يا ندى عامله اى؟!

- ‏بخيرالحمدلله

- ‏وراكى حاجه النهارده بعد العصر؟!

- لا فى حاجه ولا اى

- ‏لا متقلقيش عايز اتكلم معاكي شويه

- ‏تمام ماشى 

- ‏هنتقابل فالكافيتريا اللى قدام المستشفى 

- ‏تمام ماشى ي عمر

- ‏خلى بالك من نفسك 

- ‏حاضر 

- ‏الاهتمام مش بس بيخلق فوق العشق عشقين، الاهتمام بيخلى الرّوح فرحانة انها عرفت تختار صح، بيحلي الملامح وينورها. الاهتمام أهم ألف مرة من الحُب، لأن كتير بيعرفوا يحبوا لكن نادرين اللى بيقدروا يهتموا ، نادرين اللى بيقدروا ينشغلوا بيك بجد

- ‏نزلت ولقيته مستنينى فالكافيتريا ابتسامه اترسمت على وشه اول ما لمحنى من بعيد قعدت وطلبلى مشروبى المفضل اللى طبعا هو عارفه من قبل ما اتكلم 

- ‏عامله اى يست البنات؟!

- ‏'بابتسامه'بخيرالحمدلله

- ‏يارب دايما

- ‏ندى انتى كويسة؟!

- ‏الحمدلله 

- ‏اتكلمى طيب مش احنا اتفقنا اننا واحد 

- ‏انا زعلانه على نفسى مكنتش اتخيل ان كل دا يحصلى  انا صابرة الحمدلله على كل حال بس...

- ‏هو انتِ صابرة ولا راضيه ؟! 

- ‏

- ‏طب عارفة اصلا ايه الفرق بين الرضا والصبر !؟ طب انتى عارفة اى افضل واعلى منزلة الرضا ولا الصبر !؟ لو كنتِ مبتليه ومهمومة وحزينة يبقى انتِ صابرة بس ! إنما لو كنتِ فى عز همك و تعبك بس قلبك مرتاح وحاسه إن دا خير من عند الله الذى يعلم وأنتِ لا تعلمين...يبقى انتِ كده  راااضيه !

- ‏سيدنا عمر بن الخطاب كان بيقول

- ‏ "اعلم ان الرضا هو خير الامور كلها ؛ فان لم تستطع ان ترضى فاصبر "

-هقولك قصة قصيرة توضحلك معنى الرضا كان فيه صحابى اسمه عمران بن حصين ، كان قوى الجسم وكان دائم التنقل والترحال ، ربنا ابتلاه بمرض خلاه قعيد الفراش لمدة 20 سنه !! تخيلى 20 سنه مش عارف حتى يخدم نفسه ! فكانت الناس كل ما تدخل عليه تفتكر أمجاده وتبكى ! فكان بيقولهم : على اى شئ تبكون ؟! "هذا شئ أحبه الله فأحببته"...! شوفتِ الجمال و الرضا والتسليم التام لامر الله ! السعادة فى الرضا ارضى بحالك انتِ احسن من ملايين والله !

-‏'بدموع' الحمدلله على كل حال انا راضيه بقضاؤه 

-‏بتعيطى لى دلوقتي؟!

-‏حاسة أنى بظلمك معايا حاسة أنى عبء عليك وخايفه تسيبنى زى خالد لكن أنت مش زيه أنت غيره صح؟!

-‏هتسيبنى؟!

-‏'مسك ايدى' انا ببعد عن دوشة العالم بيكى 

-‏هتمل؟!

-‏حتى لو مليت هجرى عليكى بحب جديد

-‏هتسيبنى لو لقيت الأجمل؟!

-‏إنتى الأجمل اللى سبت الكل عشانها

بتحبينى؟!

-‏كونك شخص حنين عليا ده يخليك كسبان قلبي طول العمر.

-‏يا وعدى قلبها مال.

 

-‏" ⁣أحسن حاجه ممكن تحصلك إنك تلاقي حد يحبك زي مانت بالظبط، مزاجك حلو، مزاجك وحش، شكلك حلو، شكلك وحش، بيحب الوحش اللي فيك قبل الحلو، بيحبك بجد..⁣"

-‏⁣ اليوم عدى وروحنا ويوم بيفوت ورا يوم وبنقرب لبعض يوم عن يوم بقيت اقضى يومى كله معاه مبقاش فاضى يروح بيته نص اليوم فالمستشفى وببقى معاه والنص الباقى بيخرجنى ويهون عليا  وجت أخر جلسة فالكيماوى  وعملت بعدها تحاليل عشان اشوف اتحسنت ولا لا والحمدلله اتعافيت وبقيت كويسة والورم اتعالج وبقيت كويسة واحسن من الاول كان احلي يوم عندى حسيت بفؤحه محستهاش قبل كدا 

-‏انا فرحان أكتر منك بجد.

-‏انت عملت عشانى حاجات كتيرة اوى انا بجد ممتنه ليك بكتير اوى ي عمر 

-‏ " أجمل حاجه فى الحياه هى الحب إنك تلاقى حد يحبك بدون شروط وبدون مصلحه ،إنه يحبك بعيوبك قبل مميزاتك ،يحب يشوفك مبسوط الحب أن تكون متطمن معاه مش خايف أنه يسيبك أو يبعد عنك أو يفهمك غلط  الحب مش شرط يكون هو الحب الأول أما الحب هو الحب اللى يدوم لآخر عمرك من غير بعد أو وجع حب الشخص اللى قدر يلملم جروحك ويرجعلك ثقتك بنفسك، الشخص اللى كان لك العوض بعد الوجع والخيبة وفقدان الأمل، الشخص اللى شال معاك همومك وحاول يصلح اللى اتكسر جواك، الشخص اللى شاف فيك الحلو فى الوقت اللى أنت كنت شايف فيه الدنيا كلها وحشة ‏الشخص اللى حبك وأنت مستهلك ومستنزف الشخص اللى اتمسك بيك بالرغم من كل الظروف مش اللى سابك فى أول محطة  ‏كل الحب لمن يتقبلنا كما نحن دون تصنع أو تكليف،لمن يختارنا وسط الزحام ليكون لنا سندا ،لمن خلق لنا الاعذار كى لا يخسرنا ولمن هون علينا قساوة الدنيا ومرارتها.

-‏ جه اليوم اللى مستنيه انا عايز اتجوزك يا ندى.

-‏بالسرعه دى طب يعنى فترة خطوبة بالأول؟!

-‏الخطوبة للتعارف واحنا اتعرفنا بما فيه الكفايه يبقى لى؟!

-‏

-‏متفكريش كتير انا هعزم أصحابى وهنكتفى بكتب الكتاب مش عايز أعمل فرح اى رأيك!؟

-‏اللى تشوفه

-‏تؤ الى تشوفيه 

-‏الللى تشوفه بقى 

-‏ خلاص ماشى يا ست البنات

-‏عدى يومين بنجهز فيهم لكتب الكتاب حسيت إن ليا حد احساس حلو لما حد يحسسك إنك اهم  واغلى حاجه طلع بيها من الدنيا الاختيار الصح بيحلي الروح وبينور الملامح فعلا جهزنا كل حاجه والماذون وصل ودقات قلبى بدات تعلى قلبى فرحان لا طاير م الفرح ♡ بارك الله لكما وبارك عليكما وجمع بينكما فى خير ♡

-‏مبروك عليا انتى 

-‏الله يبارك فيك ي عمر 

-‏ربنا يقدرنى واكون سند صالح لكى يا ست البنات.

-‏ويقدرنى واكون زوجه صالحه ليك

-‏بحبك يا ست البنات  ♡

"اذا كان الحب قدر فـ  أنت قدري  وإذ كان إختيار فـ انت اختياري  🌺💙"

تمت

الجد / أنا قررت إن آسر يتجوز مريم

آسر (بصدمه و زعيق) / نعم ازاي مريم 

                                 مين دي اللى اتجوزها 

مريم (بصدمه ودموع من كلام آسر) / أنتَ بتقول ايه يا جدو...... مش هينفع 

الجد (بصرامه) / هو ايه اللي مش هينفع يا مريم.... وأنتَ يا أستاذ آسر ياريت تحترم اني جدك وصوتك ميبقاش عالي

آسر / أنا آسف يا جدي..... أكيد مش قصدي اني صوتي يكون عالي 

الجد / خلاص اللي عندي اتقال...... والكلام هيتنفذ ومن غير نقاش........ والكلام واضح للجميع... 

«آسر ومريم ولاد عم وكلهم قاعدين في بيت عيلة»

بعد قرار الجد آسر خرج وهو مضايق جداً 

«لأنه بيحب واحدة تانيه (مين......🤷‍♀️)» 

"آسر بيتصل على مازن"

«آسر ومازن صحاب» 

آسر / أنتَ فين 

مازن / في البيت 

آسر / معاك حد 

مازن / لأ

آسر / طب أنا جاي في الطريق 

♡♡♡♡♡♡♡♡

"آسر وصل عند مازن" 

مازن / تشرب ايه 

آسر / أي حاجه 

مازن / طب هجيب عصير

"وبعد كده آسر حكي كل حاجه لمازن" 

مازن / طب أنتَ هتعمل ايه 

محدش عندك في العيله كلها يعرف إنك بتحب واحده تانيه 

آسر / مش عارف جدي مصمم اني الجوازه تتم.... ومش هينفع اقول لحد 

مازن / أنتَ لازم تتكلم لانك كده هتظلم مريم معاك 

آسر / عارف...... عارف بس أكيد هيكون في حل إن شاء الله 

♡♡♡♡♡♡♡♡♡♡♡

أبو آسر / أنا آسف يا حاج 

..... أنا عارف اللي عملوا آسر غلط 

الجد / عادي يا ولدي هو كان مصدوم 😳 

مفيش حاجه بس المهم اني الجوازه دي تتم على خير 

أبو آسر / إن شاء... 

~وقبل ما يكمل كلامه~

كانت مريم أغمّ عليها

وراحوا بيها على المستشفى 

ودخلوها على الاستقبال

~~~~وبعد فترة خرج الدكتور~~~~

الجد / خير يا دكتور

الدكتور / خير إن شاءالله 

مفيش أي حاجة ممكن يكون تعب عشان مش بتاكل كويس.... 

مين فيكم والدها

سعيد (أبو مريم ) / أنا يا دكتور

الدكتور طب اتفضل معايا لو سمحت

♡♡♡♡♡♡♡♡♡♡♡♡♡♡

آسر بعد ما رجع البيت

ومفيش أى حد خالص موجود فى البيت كلهم طبعاً راحوا مع مريم...... 

آسر سأل البواب

آسر / عم عبد السميع

عبد السميع / نعم يا أستاذ آسر

آسر / امُال مفيش حد فى البيت ليه 

عبد السميع / أصل الآنسة مريم أغمّ عليها وكلهم راحوا بيها على المستشفى

آسر(بقلق) / امتى الكلام ده حصل

عبد السميع / بعد ما حضرتك مشيت ع طول

~~~~~~~~~

سعيد(والد مريم) بعد ما راح مع الدكتور 

وهما موجودين فى طرقة المستشفى

سعيد / خير يا دكتور

بنتى مالها..... فيها ايه طمنى عليها

الدكتور / بصراحه أنا مش عارف اقول ايه

بس أنا شاكك لسه مش متأكد 

سعيد / خير يا دكتور أنتَ كده قلقتنى أكتر 

الدكتور / بصراحه الآنسة مريم عندها كانسر

سعيد(بصدمه) / ايه

فى نفس لحظه مجئ آسر وسمع كلام الدكتور

أسر(بصدمه وزعيق) / أنتَ بتقول ايه

الدكتور / أنا شاكك انو عندها

سعيد / يعنى ايه بنتى عندها سرطان طب ازاي

الدكتور / احنا هنعمل الفحوصات أللازمه عشان نتأكد 

♡♡♡♡♡♡♡♡♡♡♡

الجميع كانوا عند مريم 

وطبعاً متعلق لها المحاليل

مريم( بتعب واضح) / امُال فين بابا

والدتها: بره يا حبيبتي وجى ع طول

مريم: اكتفت بهز رأسها.......

~~~~~~ بعد فترة كان الدكتور بعت ممرضه تأخد مريم عشان تعمل الفحوصات

وبعد كده كلهم روحوا البيت ومريم طلعت أوضتها

واليوم خلص بدون اى أحداث تذكر

~~~~

بعد أيام كانت النتيجة ظهرت...... تانى يوم كانت مريم و والدها و والدتها وآسر اللى أصر أنو يروح معاهم

..... وصلوا المستشفى وقابلوا الدكتور وقالهم أن مريم

فعلاً عندها كانسر....... 

وانها المفروض ( تعمل العمليه لأن ده أحسن حل ليها)

وطبعاً الكلام كان صدمه للكل وخصوصاً مريم وآسر اللى حاسس بالذنب 😥😥

وانو المفروض دلوقتى يعمل ايه..... ينفذ كلام الجد.. 

بس كده الكل هيقول أنه واقف شفقه عشان مريم

وحالتها وهى مريم اصلاً هتوافق على حاجه زى كده و والد مريم اللي هيموت خلاص مش مصدق اني مريم ممكن تروح منه و ام مريم اللي الدموع نزله منها زي الشلال ومش عارفه تتكلم😢😢

رجعوا البيت والكل عرف كان الموضوع صدمه ليهم

ومريم في الاوضه بتاعتها مش عارفه هتعمل ايه هي كده هتموت وخلاص ولا ممكن تخف واني ده إبتلاء من ربنا بيختبرها هل عندها إرادة وتتحمل ولا لأ هتصبر علي الإبتلاء ولا هستسلم على طول 

---------قطع تفكيرها اتصال من صديقتها غادة 

(غادة ومريم من سن بعض وكمان ولاد خالة وصحاب جداً)...... 

غادة / مريم عامله ايه 

          طمنيني ايه الاخبار 

مريم (بدموع ومش عارفة تتكلم) / ط..... طلع عـ... عندي فعلاً يا غادة 

غادة (بصدمه) / اي يا بنتي أكيد في حاجه غلط 

مريم / لأ صح و هروح أعمل العملية 

          ‏أنا كده خلاص هموت صح

غادة (بدموع على صديقه عمرها) / أكيد لأ بعد الشر عنك يا حبيبتي يارب أنا وأنتِ لأ....... 

بصي أنا هاجي أقعد معاكي اليومين دول لحد ما تعملي العملية وإن شاء الله هتكوني كويسة وهنرجع نخرج ونعمل كل اللي احنا عاوزين نعمله

مريم / خلاص أنا مش قادره هموت..... هموت خلاص........ حتى مش هتجوز آسر 

غاده (بصدمه) / نـ..... نعـ...... نعم أنتِ هتتجوزي آسر ازاي 

«غادة مش عارفة انه جد مريم قرر انها تتجوز آسر»   مريم / أنتِ ما تعرفيش إن جدي قرر اننا نتجوز 

غاده /.........

مريم / روحتي فين 

غاده (بدموع) / معاكي بس ازاي 

                      وازاي أنتِ ما قولتليش 

غاده (فِـ سرها وازاي آسر مش ما عرفني حاجه زي كده) مريم / جدي هو اللي قرر كده 

وآسر كان مضايق جداً من الموضوع ده وكمان هو مش موافق 

غادة (بفرح لانها عرفت خلاص اني آسر مش هيتجوز مريم) / بجد يعني آسر مش هيتجوز 

مريم / يا بنتي أنا بكلمك في موضوعي.... سيبي موضوع آسر دلوقتي نبقى نشوفه بعدين 

غادة / خلاص يا مريم أنا هاجي أقعد معاكي 

           سلام 👋

مريم / هستناكي سلام 👋

♡♡♡♡♡♡♡♡♡♡♡

عند آسر قاعد لوحده حزين.. مهموم.. مش عارف يعمل ايه عَمال بيفكر في مريم... 

طب ايه أنا مش عارف أعمل ايه مريم ممكن تروح مني... تروح مني ايه بس هو أنا كنت بحبها....

بس هي برده بنت عمي وطول عمري بعتبرها أختي بس أحياناً بحس انها مش بتعتبرني أخوها.......

بس مش عارف.... طب كده هتجوزها هي ولا حبيبتي اللي طول عمري بحلم اني أكون معاها...... أنا بفكر في الجواز ليه دلوقتي..... أنا لازم اقرر أعمل ايه ممكن مريم ترجع زي الأول وكده هكون مُجبر اني اتجوزها..... 

ولا اروح دلوقتي واكلمها و افهمها كل حاجه

♡♡♡♡♡♡♡♡♡♡♡

~ بعد فترة كان آسر قرر انو يروح لمريم ويشوفها ويشوف برضو هيعمل ايه 

~~~~بس قبل ما يروح رن الفون بتاعه 

آسر / الو 

..../ الكلام ده صح 

آسر / كلام ايه 

..../ إنك هتتجوز 

آسر / مين قال 

..../ آسر أخلص أنتَ فعلاً هتتجوز 

آسر (بارتباك) / آه..... لأ.. لأ 

بصراحة لسه مش عارف 

..../ نعم أنتَ بتقول ايه 

آسر / سلام دلوقتي 

وقفل لأنه مش عنده كلام يقوله

♡♡♡♡♡♡♡♡♡♡♡♡♡

آسر راح لمريم عشان يتكلم معاها 

«كانت بتعمل قهوة لأن مريم بتحب تشرب قهوة بليل وتكون مع نفسها كده.... بتحب تراجع نفسها يعني» 

آسر / احم احم 

مريم / آسر أنتَ بتعمل ايه هنا 

آسر / كنت جاي اتكلم معاكي شوية 

مريم / تمام 

ثانية بس ونروح نقعد برة في الجنينه 

آسر / ماشي 

مريم / أعملك معايا قهوة 

آسر / تمام 

هروح استناكي هناك ماشي 

مريم / ماشي 

وأنا هجيب القهوة واجي

~~~~~~~~~~

مريم جابت القهوة وخرجت عند آسر والاتنين قاعدين في صمت تام كل واحد عاوز التاني ببدأ بالكلام...... 

لحد ما آسر قرر ببدأ هو....... عشان هو عارف إن مريم مش هتبدأ ولا هتفكر تتكلم 

آسر / مريم 

مريم (سرحانه) /.........

آسر / مريم 

مريم / نعم 

كنت بتقول  حاجه

آسر / كنت عاوز اتكلم معاكى

مريم/ خير يا آسر اتفضل

آسر/ الصراحة أنا عارف اني ده مش وقته بس

مريم/ أنتَ عاوز تتكلم فى موضوع الجواز صح كده

آسر (اتفاجئ انها عارفة وقبل ما يتكلم كانت مريم كملت كلامها).... 

مريم/ من غير كلام كتير.....ومن غير مقدمات

أنا عارفة كويس أوي إنك مش بتحبنى ومش بس كده

أنا عارفة ومتاكده إنك بتحب غيرى

آسر حاول يتكلم بس مريم منعته

مريم لو سمحت سبني أكمل الكلام للآخر

بُص سواء أنا عشت أو مُت كده كده مفيش حاجه هتحصل أنا لو عشت  ‏صدقنى هحاول أقنع جدك انى احنا مش هننفع لبعض ولو مت هيكون خير..... 

لانك هتتجوز اللى أنتَ بتحبها وانا هيكون ربنا رحمنى

من اللى هشوفه بعد كده....ياريت بلاش نتكلم فى الموضوع ده تانى عن اذنك 

" ‏عدا اليومين بدون اى أحداث تذكر غير اني غادة جت

تقعد مع مريم ومعاها علطول ومريم مش عاوزه تخرج من اوضتها لأنها مش عاوزة تشوف آسر "

          

  «يوم العملية» 

  ‏الكل كان موجود مع مريم 

«مريم قبل ما تروح المستشفى طلبت من غادة انها لو ماتت تفتح الشنطة اللي كانت معاها غير كده لأ»

الكل بيكلم مريم بيحاولوا يطمنوها.... بس هي خايفة وبتعيط بِـ هستيريا و والدها و والدتها كذلك..... وآسر كان واقف بره كان خايف يدخل...... خايف يشوف مريم في حالتها دي....

"جاء وقت العملية"

-مريم خلاص هتدخل العمليات 

-‏-‏غادة قربت من مريم 

-‏مريم / زي ما قُلت يا غادة فاهمة 

-‏غادة / لأ أنتِ هتكوني كويسة و هتخرجي 

-‏مريم / غادة أنا بين إيدين ربنا افهمي 

-‏غادة (بدموع) / حا..... حاضر 

"وفعلاً مريم دخلت العمليات 

والكل واقف بره عمال يعيط.... الصغير قبل الكبير 

الكل بيحب مريم لأنها طيبة وحنينة جداً خصوصاً مع الأطفال"

~بعد مرور عدة ساعات 

خرج الدكتور وكانت تظهر عليه علامات الحزن ~

الأب / خير يا دكتور..... بنتي عامله ايه..... بنتي كويسة صح.... مريم بقت بخير مش كده... 

الأم / طمني يا إبني بنتي مالها... فيها ايه... جرالها حاجه الدكتور / البقاء لله

الكلام كان صدمه للجميع 

جدها كان بيفتكر لما دخل أوضتها قبل العمليه بيوم

FLASHBACK 

الباب بيخبط مريم قامت عشان تفتح الباب 

مريم / جدو

الجد / ايه يا حبيبتي 

 ‏         مالك قاعدة لوحدك ليه

ليه مش بتيجي تقعدي معايا زي الأول 

مريم(بدموع) / ما فيش يا جدو 

 ‏                      خايفة اوى 

الجد (حزين على حاله حفيدته) / خايفة ليه بس كده 

إن شاء الله خير ليه بس بتقولي كده 

مريم (بانهيار) / هموت خلاص مش قادرة 

الجد / بعد الشر عنك ليه بس بتقولي كده.... بكره حبيبتي تخف وترجع أحسن من الأول وهعمل لها أحلى فرح وهتبقى أحلى عروسة بس بلاش دموع عشان خاطر جدو مريم / خلاص ماشي وأنتَ كمان بلاش تعيط 

الجد / حاضر بس كده ست البنات تأمر 

يلا بقى اغسلي وشك وتعالي ننزل أنا وأنتِ المكتب هناكل وتعمليلي أحلى فنجان قهوة من ايدك الحلوين دول 

مريم / حاضر يا حبيبي 😍

BACK 

الأب / أول ما سمع الخبر وقع ع الارض.. رجله مش شايلاه

والأم أغمّ عليها ونقلوها في غرفه تانيه وجاء الدكتور وكشف عليها واخدت حقنة مهدئه لانها عندها انهار عصبي

ثاني يوم كان الدفن والجد قرر انه مفيش عزاء هيتعمل.. والكل حاسس انو في حلم....

غادة طلبت من الكل انهم يتجمعوا والكل كان رافض بس لما قالت إن دي رغبه مريم الله يرحمها فالكل وافق..

غادة جاءت وقالت إن مريم طلبت منها انها لو ماتت افتح الشنطة بتاعتها اللي كانت معاها واحنا هناك بس الشنطة دي مفيهاش حاجه غير الجواب ده.... 

آسر / جواب ايه 

غادة / الجواب ده المفروض هنعرف ايه اللي موجود فيه

الجد / طب افتحي يا بنتي.... شوفي ايه اللي مكتوب فيه 

«غادة فتحت الجواب و قرأت اللي فيه» 

السلام عليكم ورحمه الله وبركاته 

ازيكم عاملين ايه..... دلوقتي غادة هتقرأ الجواب بس الأول مش عاوزه حد يعيط عليا 

أنا دلوقتي في مكان أحسن وخير ليا.... كنت حابه اتكلم معاكوا بعد موتي.... عارفة انكم زعلانين مني.... 

محدش يزعل... محدش بيموت ناقص عمر زي ما بيقولوا أنا بحبكم جداً زي منا عارفة انكم بتحبوني جداً 

"جدو حبيبي اللي طلب من بابا يكون إسمي مريم على اسم تيتة الله يرحمها لأني شبهها جداً و عارفة هو بيحبني قد ايه وهو دلوقتي مش زعلان ولا بيعيط وعارفة ان هو هيسمع كلامي صح يا جدو" 

   «الجد مسح دموعه»

   ‏   ‏

"بابا وماما (اللي بحبهم جداً بس أكيد مش أكتر من جدو يعني واخد بالك يا جدو(بهزر😂))... الأول بس بلاش عياط يا ماما كفاية أبوس ايدكي صدقيني هيجي يوم ونتقابل كلنا في الجنة إن شاء الله..أنا عارفة اني بنتكم الوحيدة وده صعب عليكم جداً.. مع الوقت هتبقوا كويسين... بلاش حياتكم تقف عليا عايزاكم توعدوني إن الحياة ترجع طبيعية ماشي.. 

   ‏و آسفه اني زعلتكم في يوم من الأيام... مش أنتم بس لأ كل اللي موجودين و بيسمعوا الكلام ده دلوقتي ماشي.." 

"عمي حبيبي ومراته حبيبتي اللي دايماً كانوا بِـ يعتبروني بنتهم.. اللي عمرهم مافرقوا في المعاملة بيني أنا وآسر عاوزه أقولكم اني بحبكم أوي واني انا اتعلمت منهم حاجات كتيره أوي بلاش عياط أنتم جامدين هاا" 

"نيجي بقاا لِـ آسر وغادة

معلش هتكلم عن الاتنين مع بعض 

آسر اللي دايماً بِـ يعتبرني أخته بس للأسف يا آسر أنا عمري ما اعتبرتك أخويا كنت صاحبي وسندي.. في ظهري دايماً وحبيبي محدش يستغرب ايوة بحب آسر اللي طول عمري كنت بحلم اني أنا وأنتً نتجوز وكنت فرحانه جداً يوم ما سمعت جدو بيكلم عمو وبابا في موضوع الجواز وكنت فاكره إن آسر هيكون فرحان بس استغربت من اللي عملوا على الأكل لما جدو فتح الموضوع لاني ساعتها اتأكدت إن آسر مش بس بيحب غادة لأ ده بيعشقها كمان.. محدش يستغرب أنا عارفة.. كنت بشوف آسر بِيقف مع غادة كتير ونظراتهم لِـ بعض كانت مختلفه 

بس كنت دايماً بقول إني دي نظرات إعجاب بس مش هتوصل لِـ حب... بس لأ دي وصلت لِـ عشق كمان 

أنا مش زعلانة من حد فيهم..... غادة أختي وصحبتي وحبيبتي مش بس بنت خالتي لأ انا أختها ولازم اتمنى لها الخير....♥️

واللي حصل ده خير لاني لو كنت عايشه دلوقتي آسر كان هيتجوز مين فينا أنا ولا غادة.... ولو آسر نفذ كلام جدو كنت هخسر غادة كاخت وأنا آسر مش هنكون مبسوطين مع بعض.... 

أنا بطلب منك يا آسر إنك تتجوز غادة 

أنا عارفة قد ايه أنتم بتحبوا بعض بلاش تضيعوا الحب ده و آسفه اني في يوم فكرت فيك زي ما أنتم عارفين الحب بيجي من غير استئذان....... كان نفسي أكون موجودة معاكم واشوفك يا غادة يا أحلى اخت في الدنيا كلها عروسة بالفستان الأبيض

آسفه اني طولت عليكم 

و آسفه اني مش معاكم دلوقتى..... بس صدقوني دا خير لينا كلنا 

آه يا آسر أنا عاوزه بنوته تكون حلوة ويكون اسمها مريم معلش بقى رخامه مني.....

يلا الكل يمسح دموعه وبلاش عياط كفاية كده 

وإدعولي لاني محتاجة دعواتكم 

تمت بحمد الله 🌿

َابراهيم : أناا أسف.... 

أناا بإبتسامه :بتتاسف على ايه يا حبيبي... 

إبراهيم : اناا أسف مش هقدر أكمل...

بدأت إبتسامتي تتلاشى تدريجياً وكملت واناا حبسه دموعي ال تكه كمان وهتنزل...

مش فاهمه انتاا تقصد ايه.... ؟؟

ابراهيم : اناا أسف ياا علياء مش هقدر اكمل معاكي انتي أنسانه كويسه جدا وتستهلي حد أحسن مني بس اناا مش هقدر اضحك على نفسي وأكمل مع إنسانه أناا مبحبهااش وانتي كمان حاولي تنسيني وكملي حياتك...

اناا بإبتسامه ممزوجه بدموع :متهزرش بقاا ياا إبراهيم اناا عاارفه انك بتعمل كدا عشان تختبرني وتشوفني بحبك قد ايه بس أحب أقولك انك فزت لاني بحبك اكتر حد في الدنيا...

إبراهيم :علياء اناا مبهزرش اناا بجد مبقتش أحبك...

اناا بدموع وصوت عالي وبدأت كل حصوني تنهار :يعني ايه هااااا رد علياااا يااا إبراهيم يعني ايه مبقتش تحبني رد علياااا ساااكت ليه ليه تعمل فياا كدا ليه تعلقني بيك وفي الاخر تكسرني بطريقه دي انا عملتلك ايه عشان تعلقني بيك وفي الاخر تجي بكل سهوله تقولي انتي تستهلي حد احسن مني ليه تعيشني تلت سنين في أوهام ليه تعيشني في أحلام وبعدين تفوقني منها على كابوس ليه علقتني فيك ليه يااا ابراااهييييم قلت آخر كلامي بعدين قعدت على الأرض واناا حرفيا مش قادره من كتر الوجع بس مش وجع في جسمي لا قلبي ال بيوجعني مش قادره أصدق أن اكتر شخص حبيته يكسرني بطريقه البشعه دي... 

إبراهيم ببرود :قومي يا علياء كفايه ايه ال انتي بتعمليه ده الناس بتتفرج علينا احناا مش ناقصين فضايح....

اناا بدموع :فضايح حبي ليك بقاا فضيحه ياا إبراهيم....

إبراهيم : اناا اسف مش قصدي بس صدقيني اناا مش هقدر أكمل مش هقدر اضحك على نفسي وعليكي اكتر من كده....

اناا واناا ببصله بسخريه : اسف واسفك ده بقاا هيعمل ايه هيصلحي قلبي ال اتكسر وبقاا عباره عن فتافيت ولاا هيرجعلي ال تلت سنين ال عيشتهملي في كدب وخداع ولاا هيرجعلي ثقه اهلي ال كسرتها عشان خاطر أفضل معااااك ولااا هيرجعلي قلبي ونفسيتي زي ماكانت ولااا هيرجعلي ثقتي في نفسي ال انكسرت بسببك هااا اسفك هيعمل ايه ولاااا حاجه فاسفك ده ميلزمنيش..... وبعدين قومت من على الأرض ومسحت دموعي واتكلمت بشجاعه واناا بقوله تمام يا ابراهيم واناا نسيتك وهكمل حياتي لأنك فعلاً متستهلنيش عشان اناا استاهل شخص احسن منك وهعيش حياتي وهحب تاني بس وحياه كسرتي وكسره قلبي ال اناا فيهاا بسببك مناا مسمحاك واتمنالك من كل قلبي حياه تعيسه وانك تمر بنفس الموقف ال خلتني أمر فيه ويوعدك بل تكسر قلبك زي منتي كسرتني.... بعدين سبتو ومشيت وبعد حوالي الساعة وصلت البيت ودخلت ساكته مبتكلمش مع حد على غير العادة كنت دايماً بهزر وبضحك مع الكل المرادي كنت داخله وعلامات الحزن باينه على وشي دخلت اوضتي وقفلت الباب علياا ودخلت الحمام وفتحت الدوش وقعدت اصرخ واعيط بصوت عالي هو ليه عمل فيا كدا دا اناا حبيته اكتر من نفسي ليه يخزلني ويكسرني بشكل ده ليه يعيشني في وهم تلت سنين بس اناا استاهل كل ال حصلي لاني كسرت ثقه اهلي فياا وقبل ده كله كسرت ثقه ربناا فياا بس انا مش هبكي عليه تاني ومن انهارده هبدا حياه جديده وهقرب من ربناا وان شاء الله ربناا هيجبرني وهيعوض كسره قلبي دي خير.... قومت غيرت وصليت العصر وقعدت قرأت قرآن والأذكار ودخلت المطبخ لماماا..

اناا بضحك... هلا هلا بست الحبايب المزه الله صحيح عمله اكل ايه انهارده ياا مز يام خدود حلوه وحمرا.....

أمينه (الأم) بضحك..... اه يا بكاشه انتي ههههه على العموم عمله طاجن سوبيط وسلطه ورز إنما ايه هتكلي صوابعك وراهم.....

اناا بضحك وصوت عالي واناا بصفر.... أوووووو ياااا امينااا يااا جااااامده وربنا ياا وليه اناا بحبك اوييييي هههههه يلاا بقاا بسرعه عشان جعانه اوييي وكلاب بطني بتهوهو من الجوع هههههه....

أمينه بضحك... كلاب طب امشي يا علياء اطلعي براا واناا هجيب الاكل واجي...

اناا بضحك طب متزقيش بس خارجه اهو بس المهم متقطعيش الجوبات وتخرجي بسرعه هههه.....

مر إسبوع في الأسبوع ده حولت انسى إبراهيم بس الصراحه مقدرتش لاني كنت بحبه بجد وال بيحب بجد مبينساش بسهوله المهم واتقربت من ربناا اكتر الحمدالله.... كنت قاعده في اوضتي كالعادة بقرا روايه قطع تركيزي مع الروايه صوت تلفوني وهو بيرن برقم مريم صحبتي......

اناا... الو بدذمه ال مبتسالش....

مريم... اناا بردو ال مبسالش يا كلب البحر... المهم معرفتيش ال حصل...

اناا... لا ايه ال حصل....

مريم بحزن... انهارده خطوبه إبراهيم...

اناا بكسره وحاولت قدر الإمكان معيطش وقولت وانا متصنعه القوه... ميخطب ياستي وانا مالي وعلى العموم الف مبروك له...

مريم بحزن... يعني انتي منتيش زعلانه...

اناا... ازعل على ايه يا بنتي انتي هبله على فكره انا خلاص يا مريم نسيتو وهو كان عباره عن صفحي في حياتي بس الصفحه دي اناا خلاص قطعتها ورمتها ويلا بقا سلام عشان اصلي المغرب ليفوتني يلاا سلام..... قفلت مع مريم وقعدت على الأرض ابكي لدرجه دي اناا مفرقش معاه ياااا لدرجتي مكنش طيقني ولاا عايزين في حياتو بعدين قومت مسحت دموعي وقولت هو نسيني وكمل حياته انا كمان لازم انساه وأكمل حياتي وخرجت لماما...

اناا.. ماما هو انتي كنتي بتقولي أن أحمد ابن طنط رضا كان متقدملي..

أمينه.. اه بتسالي ليه...

اناا... ويا ترى لسه عايزيني ولاا غير رائيو...

أمينه.. لا لسه عايزك ومستني انك توفقي...

اناا.. طب اتصلي بطنط رضا وقولي لها اني موافقه وخليهم يجو انهارده....

جه الليل وأحمد وولدو وطنط رضا جم واتفقوا على كل حاجه وان الخطوبه وكتب الكتاب هيبقو بعد أسبوع والفرح بعد شهر......

.................. .............. ..........

(بعد مرور اسبوع)

فوقت من شرودي على صوت المائذون وهو بيقول كلمته الشهيره... بارك الله لكم وبارك عليكم وجمع بينكم في خير..... خلص المائذون كلامو ومحستش بنفسي غير وانا طايره في الهوا بين ايدين أحمد....

أحمد بابتسامه كلها فرح وعيونو كانت بتلمع وهو بيبصلي وبيقولي... مبروك عليا انتي يا نبض الفؤاد.....

اناا واناا سرحانه فشكلو الجميل وأول مره الاحظ إنو وسيم لدرجه دي هو انا كنت معجبه بيه زمان قبل معرف إبراهيم بس مكنتش بدقق في شكلو اول مره ادقق في ملامحه فهو عيونو لونها بني فاتح قالب على عسلي ووسعه وشعرو ناعم ولونه بني فاتح مدى على أشقر وبشرته بيضه وشفيفو مرسومه وفوقيها حسنه هو من الاخر كده يا جمااعه حاجه قمر اوي ومنكرش أن قلبي رجع يدقله تاني خلاص يا جماعه انا هعترف اني عمري محبيت إبراهيم يمكن كنت معجبه بيه بس ال حساه ومتاكده منو دلوقتي اني بعشق أحمد مش بس بحبو....

أحمد وهو بيبصلي وبيبتسم بسعاده... روحتي فين يا روحي...

انا واناا ببصله بفرحه وبقولو تعرف أني بحبك اويييييييي...

أحمد وهو بيبوسني من خدي وبيقول وانا مش بس بحبك لا انا متيم بكى يا لولتي....

............................................

(بعد مرور سنه)

كنت وقفه في الصالون وانا بعيط..

أحمد... طب انتي دلوقتى بتعيطي ليه.

اناا... عشان انتا زعقتلي

أحمد.. مش انا زعقتلك عشان انتي غلطانه

انا.. لا طبعا انتاا ال غلطان

أحمد... طب مش انا قولتلك تبقى تطولي الخمار شوية

اناا حصل.... أحمد..... وقولتلك متبقيش تضحكي وانتي ماشيه في الشارع...

انا... حصل.... أحمد. وقولتلك متبقيش تعيطي لاني مبحبش اشوف دموعك...

اناا... حصل... أحمد.. ومين مسمعش الكلام..

اناا..... اناا... أحمد.... يبقى مين ال غلطان دلوقتى....

اناا... انتاا.... أحمد.... نعم وده ليه أن شاء الله

اناا.... عشان زعقتلي... احمد.. خلاص ياستي اناا اسف..... تعرفي اني بحبك اوييييي يا لولتي

اناا.... ولولتك بتعشقك مش بس بتحبك....

(انا لگ وانتاا لي وسلاما على من حلم بگ وبي...)

#النهايه

جوزك فين؟ 

_هتلاقيه علي القهوه ولا في النادي مش عارفه ياماما. 

اتكلمت بزعيق=يابنتي سيبي الزفت اللي في ايدك ده وكلميني عدل جوزك فييين! ازاي قاعده كده وانتي متعرفيش جوزك فين ولا بيعمل ايه!. 

سيبت الموبايل او بمعني اصح رميته جمبي وحطيت ايدي علي راسي واتكلمت بألم =بصي ياماما دي حياتي انا وياسين ف ارجوكي بلاش تضغطي عليا في حاجه تاني حرام عليكي بقي سبوني اعيش اللي باقي من حياتي براحتي. 

اعتدلت في جلستها وهي تنظر إلي ابنتها بغضب 

_ وانا غصبتك علي ايه بقي ان شاء الله، طلعي اللي جواكي كل ده علشان قولتلك اعرفي مكان جوزك فين واحواله ايه؟ 

=معرفش ياماما هو فين، انتو مش جوزتوني وخلاص! في ايه تاني بقي كفايه أوامر حرام انا تعبت. 

صرخت بها والدتها في حنق =عملت ايه يابنتي؟كل ده علشان كنت عايزه اشوفك عروسه انتي اللي زيك بقي معاهم اطفال ياجميله فوقي كنتي هتفضلي عايشه معايا العُمر كله ولا ايه؟

لم تسطع جميله كَتم غضبها اكثر، اغمضت عينيها بألم ثم هتفت في غضب وهي تنظر إليها

_لا ياماما انتٍ جوزتيني لأول واحد يتقدملي علشان تخلصي من كلام الناس، تستريحي من كل واحده تيجي تقولك بنتي خلفت وبنتي اتجوزت كلامهم اللي مبيرحمش كل مره كنت بسمع نفس الجمله ولسه بتتردد جوايا"بقي عندك 25سنه ولسه متجوزتيش! وكأنها جريمه وكأني عملت حاجه غلط وعيب..ان انا مش مُطلقه ولا ارمله ولا معيوبه علشان كل شويه يتكلموا عني بالشكل ده ولأنك تعبتي يا أمي من كُتر الكلام قررتي تجوزيني لأول واحد وانا لازم اوافق علشانك، هو انا بس عندي سؤال بسيط لييييه العوض متمثل في شخصية الراجل ليييه بجد! مع ان انا اقدر اعيش واكمل لوحدي واي بنت تقدر تعمل كده بس لاا لازم يتقال عنها اي كلام وخلاص..بصي ياماما انا عملت اللي انتو عايزينه واتجوزت اهو وعايشه حياتي مع جوزي الحمدلله ياسين شخص كويس ف ارجوكي بلاش كل شويه تزرعي جوايا فكرة الشك في علشان انا واثقه في ياسين و.... 

قاطعت الأم كلامها وهيا تستعد للرحيل وتقول=يعني انا غلطانه انا غلط لما كنت عايزه اشوفك عروسه صح! انا مش جايه اخليكي تشكي في جوزك انا كنت عايزاكي تحافظي عليه وعلي حياتك عايزاكي تتحملي المسئوليه ومتجليش في يوم مطلقه ي جميله ده غلطتي اني عايزة انصحك! ع العموم انا ماشيه واشبعو ببعض.. 

_ياماما استني انا مقصدش حاجه والله معلش سامحيني. 

=محصلش حاجه سلام

 

سابتني ومشيت، سابتني وسط افكاري وذكريات من الماضي رجعت تهاجمني تاني، ياسين شخص كويس جدا ولطيف من يوم ما اتجوزنا وهو معايا عُمره ما خلاني اندم علي اختياري ليه بس لسه منعرفش بعض كويس معرفش هو اختارني واتجوزني انا ليه بالذات! 

فوقت من شرودي علي صوت تكة مفتاح الشقه اللي بتطمني وريحة البرفيوم بتاعته اللي اتعودت عليها خلاص .. 

_ جمييييييييله! 

=ههه 

_مالك سرحانه في ايه! امم اكيد سرحانه فيا وبتفكري فياا . 

=يالهوي ع الغرور بتاعك ي استاذ مش هنخلص! 

اتكلم بتلقائيه وهو بيعدل ياقة القميص_دي ثقه في النفس يماما ايش فهمك انتي! 

=طيب اقوم اجيب السكينه واقتلك بس هيقولو قتلت جوزها من اول كام شهر جواز،ولا اقولك احطلك السم في الأكل، لا لا استني انا عندي فكره تانيه خاالص وهتريحك. 

طلع يجري من قصادي ودخل الاوضه وهو بيتكلم بخوف_لااا وعلي ايه الطيب احسن. اااه ياحظك ي ياسين وقعت مع قتالة قُتله.. 

اتكلمت بضحك_رجاله مبتجيش إلا بالعين الحمرا نيهاهاهاها 

_بقي كده طب تعالي بقي! 

رجع تاني وطلع يجري ورايا في الشقه وانا بستخبي ورا الكراسي، 

=يابني انت مستمتعش بطفولتك ف جاي تطلعها عليا دلوقتي! 

_اطلعي من ورا الكرسي طيب. 

=لا هتضربني! 

شاور علي نفسه _اناااا اضربك ده انتي كنتي عايزه تقتليني دلوقتي مين فينا اللي يخاف بقي! 

=طيب ماشي هطلع. 

_شاطره ي جميلة

=بس عندي شرط

_منك لله ياجميله! خيررر

=بص انا عايزه اخرج بالله بقالي كتير اوي ما روحتش البحر ووحشتني اوي القعده عليه ف..... 

_ماشي يلاا 

=بجد 

_ااه والله يلا ادخلي البسي وانا هستناكٍ، ده حقك ياجميله اني اخرجك بره البيت وافسحك، تطلعي تشوفي صحابك، تروحي لمامتك المكان اللي انتي عايزاه انا عُمري ما همنعك عن حقك أبداً. 

طلعت اجري وانا مش مصدقه اترميت في حضنه بتلقائيه ودي كانت اول مره من يوم ما اتجوزنا اعمل كده!كل مره بيكبر في نظري اوي كل مره بشوف فيه الزوج والأخ والصديق، حضنه دافي قادر يخليني انسيٰ الناس والعالم ومفكرش غير فيناا مفكرش غير في ياسين وجميله! 

_لو حضني عاجبك اوي كده بلاها خروجه. 

=احم انا انا اسفه معلش خمس دقايق بالكتير وهكون جاهزه.

_هيييح ماتخليكي كده.

=ياااااااسين! 

_بتفزعي ليه دلوقتي مانتي اللي متبته فيا وه! 

انتبهت لنفسي طلعت اجري علي اوضتي وانا مش قادره اصدق ازاي عملت كده! هيقول عني ايه دلوقتي او هيفتكر ايه، بس بس هو جوزي فعلا زي ما قال يعني عادي! هيا دقيقه واحده انا سرقتها من الحياه وهو معايا ليه ألوم نفسي عليها وهيا اجمل لحظه في حياتي..

=احم يلا انا جاهزه! 

_يختي يختي علي الدريس والخمار الجُمال دول احمر وانا شقيان يالالالي.. 

لفيت بالدريس حوالين نفسي وانا ماسكه طرف الدريس_شكلي حلو بجد! 

=لا 

_ايي بجد طيب اروح اغيره انا اصلا حاسه إني بقيت باهته كده، طيب اغير الخمار ولا الدريس ولا اا..... 

مسك ايدي وقرب مني _اشششش اهدي يابنتي سبيني اكمل كلامي انا قصدي ان لا شكلك مش حلو بس انتي جميله اوي لدرجة اني مش مصدق انك معايا دلوقتي!

=شكرا ي ياسين شكرا انك موجود.

الكِلمه اللطيفه بتفرق، لما سمعت كلمة إنتي جميله منه حسيت اني اجمل بنت حقيقي قلبي بقي فرحان ووشي رجع ينور تاني الكلمه بتفرق ممكن بكلمه تخلي إنسان يموت من الوجع وجع قلبه وكسرته! وبكلمه هتخليه اسعد إنسان علي وش الأرض اختارو النااس اللي تِسعد قلوبكم وتنورها، الكلمه الحلوه مش بتتنسٰي مهما طال عليها الزمن. 

_البحر شكله جميل اوي النهارده وشكل السما لطيف ي ياسين. 

=ااه فعلاً حظنا حلو. 

_ياسين 

_امم

قبل ما اكمل كلامي سندت علي كتفه مَيلت عليه، كُنت عايزه اسرق لحظه تانيه من الحياه اكون فيها انا وهو مع بعض،

_هو احنا ليه بنتجوز؟ 

=نعم يختي

_مش بهزر علفكره انا عايزه اعرف 

=امم يمكن لأن الجواز عندنا هدف.؟ 

_بس انا شايفه إن الفطره الطبيعة إن الجواز وسيلة مش هدف، وسيلة إنك تعيش مع الشخص المناسب اللي اخترته وبتحبه واخدت قرار معاه انك تكمل باقي العُمر كله مع بعض تعيش معاه الحلو والوحش. 

=وانتي بتحبيني!؟ 

كنت لسه هتكلم ولكن لقيت بنت جايه علينا ووقفت وراه وبتقفل عينديه بإيديها قليله الربايايه. 

_سووووونه حبيبي 

=ملك معقول! 

=وحشتني يابن الإيه 

_وانتي كمان اي جيتي امتي؟

=انا هنا من اسبوع كده 

سحبت نفسي من وسطهم بهدوء وطلعت اجري علي البيت لحُسن الحظ ان بيتنا قريب من البحر، دخلت اوضتي وانا حابسه دموعي بالعافيه مين دي وازاي تسمح لنفسها تاخده بالحضن كده! هو حتي مكلفش نفسه يعرفني عليها معقول اكون شفافه بالنسباله كده وهو قليل الأدب المشمحترم حضنها قصادي ده انا مراته ومعملهاش!، انا بعيط ليه دلوقتي طيب انا مش بحبه! لا لا انا حبيته وحبيت وجوده منك لله ي ياسين.. ماما كان عندها حق لما قالتلي اخلي بالي واعرف بيعمل ايه! اهو طلع بيخوني وقصادي كماااان بس انا والله ما هسيبك ي ياسين مااااشي

_ياجميله افتحي الباب وبلاش شغل الأطفال ده

=شغل اطفال اااه!طب ماتروح للكبيره العاقله حبيبة القلب 

_مانا واقف قصاد باب حبيبة القلب اهو بس هيا تفتح الباب! 

=اييي 

_ايي

=يوووه بقي متغيرش كلامي وبلاش الجو بتاعك ده روح لملك ولا الحيزبونه بتاعتك دي. 

_متغلطيش فيها طيب دي ملك دي سكرر وقمر كده! 

سكر وقمر كمان! بيمدحها قصادي طب والله ماشي يا ياسين، فتحت باب الأوضه بغضب لقيته في وشي وقفت قصاده بغضب. 

_واللهٍ طيب لما هيا عجباك ماتروحلها وصدقني انا زي الفل متقلقش روح للمحروسه بتاعتك 

اتكلم ببرود=لا مانا مش مضطر اروح هيا هتجيلنا بكره 

_ااه ماش..ااايه نهارك اسود ياياسين مين دي اللي هتجيلنا! 

اتكلم بخبث=انا عزمتها هتيجي تتغدا معانا ولا انتي غيرانه بقي! 

_غيرة ايه وزفت علي دماغكم انا مبعرفش اطبخ هعملها اي ديه!! وبعدين لحظه كده انت توهتني في الكلام مين دي برضو يا استاذ؟؟ 

= دي تبقي ملك بنت خالتي 

_واللهِ!! 

=والله

سحبته من ايديه وطلعته بره باب الشقه خالص ايه يعني بنت خالته! هل ده يديها الحق تحضنه قصادي يعني! طلعته بره الشقه وقفلت الباب ووقفت وراه. 

جميله بتحدي_اشبع بيها بقي 

=افتحي الباب طيب عيب كده الجيران يقولو ايه!! 

_روح لبنت خالتك المحروسه ي ياسين واشبعو ببعض 

=واهون عليكٍ طيب تسيبي جوزك مرمي علي السلم كده. 

بتحدي _ااااه تهووون عادي 

=ياجميله افتحي الباب وبطلي استفزاز ملك دي تبقي اختي في الرضاعه. 

اااه حبيبي وجوزي المحترم قرة عيني استحاله يخوني يولاد ابداا، فتحت باب الشقه بفرحه ووقفت قصاده. 

_بجد يعني هيا اختك! 

=انا تقفلي عليا الباب وتطرديني كده! 

_تؤتؤ حبيبي متهونش عليا ابدا ده انا كنت بهزر معاك

_انتي قولتي ايه؟ 

_متهونش عليا؟ 

=لا لا اللي قبليها!

_تؤتؤ 

=جميييييله قوليها تاني 

_اقوووول ايه طيب 

قرب مني _ بحبك

_انت بتقرب ليه طيب  ابعد كده و اييييه؟ 

=اييه؟ 

_انت قولت ايه دلوقتي 

=بحبك

_قول والله احلف 

=طيب بتغيري عليا؟ 

_قولها تاني! 

=بتغيري عليا؟ 

_لا الكلمه اللي قبليها 

=انهي كلمه دي مش فاكر

اتكلمت بغضب وتلقائيه_ي ياسين متهزرش قولي بحبك تاني كده. 

=يالهوي ياني اخيرا قولتيها طلعتي عيني. 

_لا لا افهم بس انا كان قصدي انو انت اللي قولتها ف انا كنت... 

=ششش انا بحبك

_هتفضل معايا ومش هتمل؟ 

=هكمل لأخر يوم في عُمري! 

_بس هتزهق مني! 

=اخبروها انها قد صار لها من القلب مالم يبلغه غيرها فارفقى بنا ي جميلتي عُمر قلبي ما هيزهق ابداا . 

_وانا قلبي مطمن وانت معايا ف هو بيحبك ي ياسين.

 ‏جئتَ أنتَ !

ثم عرفتُ أنه بِمقدور الإنسان أن ينمو ، وأن يَلمع ، وَ يألف ، وَ يطمَئن ، في لَحظةٍ واحدة ❤️.

_انت بجد هتتجوز عليا 

جملة اردفت بهاا بصدمة شديدة و الدموع تتلألأ في عينيهاا 

_ يا رحمة افهميني 

رحمة:  عايزني افهم اي يا حسام افهم ان جوزي عايز يتجوز عليا عشان شوية مشاكل عندي في الخلفة وليهم علاج 

حسام:  افهمي يا رحمة كلهم بيضغطوا عليا 

رحمة:  ده مش مبرر ان  انت عاوز تتجوز عليا 

حسام:  بطلي انانية بقى انت مش عايزاني افرح لية مش عايزاني  اكون اب اي اللي يخليني اتحرم من الابوه 

رحمة بوجع:  يااه يا حسام انت عارف اني بحبك بس اظاهر فعلا اننا مننفعش مع بعض و اكملت بجمود طلقني يا حسام وروح اتجوز انا عمري ما كنت انانية ولا هكون ومتخافش مش هحرمك من احساس الابوه طلقني يا حسام 

حسام:  بس انا بحبك يا رحمة 

رحمة بمرارة:  باين اووي انك بتحبني بصراحة 

حسام:  انا اسف يا رحم.... 

رحمة:  انت مغلطتش عشان تعتذر ده حقك 

حسام:  يا رحم..... 

رحمة:  مفيش داعي للكلام انا هروح بيت ابويا و ورقتي توصلني هناك 

و تركتة و دلفت لداخل الغرفة لتجمع ملابسها و هي تبكي و تحاول وقف دموعها ولكنهاا ليست قادرة على منع دموعها من الهطول حاولت جاهدة لاخفائها 

حسام:  رحمة انت بجد هتسيبيني 

رحمة:  للأسف يا حسام انت نهيت كل حاجة بينا خلاص انا مش هقدر اقعد هنا تاني وزي ما قولتلك ورقتي توصلني في بيت ابويا و انا بتمنالك السعادة في حياتك 

حسام:  لا يا رحمة متمشيش انا مش هتجوز خلاص 

رحمة:  بعد اي يا حسام قولي انت بعد اي خلااص احنا انتهينا 

حسام:  متقوليش كده بالله عليكي احنا بأيدينا نرجع وخلاص انا متجوزتش انا بس كنت بقولك 

رحمة:  عايزني استني لغاية ما تتجوز يعني 

حسام:  خلاص اسف خليكي متمشيش 

رحمة:  لاا انا مش هقعد هنا تاني 

حسام:  ده بيتك يا رحمة 

رحمة:  وانا مش هقعد وانت موجود لاني حرفيا مش طيقاك 

حسام:  خلاص خليكي وانا همشي دلوقت وارجع لما تهدي 

رحمة:  لا ده بيتك 

حسام:  لا طبعاا ده بيتك وانت اللي هتقعد وانا هرجع لما تهدي عشان نعرف نتكلم بهدوء 

رحمة باستسلام:  ماشي لما نشوف اخرتها 

خرج حسام من البيت و دخلت رحمة غرفتهاا و

غيرت ملابسها وجلست على السرير وهي حزينة بعض الشئ 

تك تك تك 

ارتدت اسدالها و ذهبت لتفتح الباب 

رحمة:  اتفضلي يا طنط 

سعاد (والده حسام)  :  ازيك يا رحمة 

رحمة:  الحمدلله يا طنط 

سعاد:  هتفضلوا كده لغاية امتى 

رحمة بتوتر:  كده ازاي يا طنط مش فاهمة 

سعاد:  اي هو اللي مش فاهماه يا رحمة 

رحمة:  انت قصدك اي 

سعاد:  انت مبتخلفيش واحنا عارفين كده مش راضية تسيبي حسام يتجوز لية مش حرام عليكي تحرمية من احساس الابوة 

رحمة:  لا يا طنط انا عندي مشكلة بسيطة و مع العلاج هكون كويسة 

سعاد:  بقالكم 3 سنين و تقولي علااج ما العلاج معملش حاجة اهو واحنا صابرين عليكي و حسام اللي مش موافق انو يتجوز بيقول بيحبك لكن الحب مبيوكلش عيش 

رحمة بدموع:  وحضرتك عايزاني اعمل اي وانا هعملوا 

سعاد:  اقنعية يا بنتي انا نفسي اشوف احفادي قبل ما اموت 

رحمة وهي تكتم دموعها بصعوبة:  تمام يا طنط حاضر 

سعاد:  ماشي يا رحمة سلام 

ـــــــــــــــــــــــــــــــــــــــــــــــــــــــــــــــ 

رحمة:  انا محتاجاك اووي يا حسام تعالى ارجوك 

حسام:  اهدي يا رحمة مالك 

رحمة:  مفيش يا حسام تعالي ارجوك محتاج وجودك جمبي اووي 

حسام:  ماشي يا روحي خلاص اهدي وانا جاي اهدي بس انت 

رحمة:  ماشي متتأخرش والنبي 

حسام:  ماشي يا روحي جاي والله مسافة السكة واكون عندك 

قفلت معاه الخط 

اللهفة اللي في نبرة صوتوا بتحسسني بالامان و قد اي اناا اكون غبية لو بعدت عنو او سيبتوا انا عندي يقين كبير بالله ان ربنا هيكرمني و يفرحني انا وهو لكن انا لا يمكن اتخيل وجودوا مع واحده تانية بحس بنار من مجرد الاحساس بس ما بالك لو حصل فعلا انا يمكن انانية فعلا بس انا بحبوا اووي 

قطع تفكيري دخولة وهو جاي بسرعة واخدني في حضنه 

اول ما حضني الدنيا كلهاا وقفت عند اللحظة دي 

حضنته  و عيطت جامد كنت بعيط من قلبي في حضنه اماني و ملجئي 

حسام بدموع:  خلاص اهدي بالله عليكي مش قادر اشوفك كده اهدي يا روحي اهدي 

رحمة:  انا تعبانة اووي يا حسام انتوا كلكم محدش حاسس بيا كل اللي بتفكروا فية نفسكم وخلاص محدش فكر فيا انا اي اللي بيحصلي نتيجة الكلام بتاعكم قد اي انا كان نفسي اكون ام و مش بأيدي كلكم محملني المسؤلية لكن محدش حاسس بيا خالص عايزينك تتحوز عليا وانا مليش غيرك في الدنيا انا  مقدرش اشوفك مع واحده غيري يا حسام انا اموت لو سبتني والله 

حسام:  بعد الشر عنك يا روح قلبي متقوليش كده تاني انا اللي مدرش اعيش من غيرك انت روحي يا رحمة هعيش من غير روحي ازاي انا عمري ما هتجوز عليكي ابدا ده كان كلام وقت ضيق لكن انا مقدرش اقرب من واحده غيرك مقدرش

رحمة:  انا بحبك اوووي يا حساام اوعدني ان عمرك ما هتسيبني 

حسام:  اوعدك ان ما يفرق بينا غير الموت 

ـــــــــــــــــــــــــــــــــــــــــــــــــــــــــــــــ 

تاني يوم 

حسام:  رحومتي حبيبي يلا اصحي 

روما اصحي يا رحمة بقى يلااا 

قربت منهاا كان وشها شاحب جدا 

حسام بقلق:  رحمة قووومي مالك ياا رحمة مش بتردي عليا لية يلاا يا حبيبي فووقي بقى 

حسام بدموع:  رحمة اخلصي متقلقنيش عليكي قووووووومي بقى ياا رحمااااااه 

ـــــــــــــــــــــــــــــــــــــــــــــــــــــــــــــــ 

في المستشفى 

ــ للاسف المدام لجلطة دماغية نتيجة زعل جامد او صدمة فحاولوا بقدر الامكان ابعادها عن اي حاجة تأثر على نفسيتهاا 

حسام:  هي بقت كويسة يا دكتور 

ــ متخافش بأذن الله هتكون بخير 

حسام:  عايزة ادخلهاا يا دكتور ممكن 

ــ اكيد اتفضل والافضل متتعرضش لأي ضغط 

ـــــــــــــــــــــــــــــــــــــــــــــــــــــــــــــــ 

حسام:  كده يا مريومتي عايزة تسيبني مفكرتيش فيا هعيش ازاي لو جرالك حاجة انا ممكن اموت من غيرك قومي يا قلبي و خليكي قوية مينفعش تكوني ضعيفة وانا معاكي عمري ما اسيبك ابدا يلا اصحي بقى 

رحمة:  حسام انا بعشقكك صدقني 

حسام:  وانا بموت فيكي 

رحمة:  مش هتتجوز و تسيبني عشاان يبقى عندك عيال 

حسام:  انت بنتي وانا ابنك وكده انت هيكون عندك ولد حلو و قمور زيي وانا هيبقى عندي بنتي و مراتي و اختي و خالتي و سندي وكل حاجة ليا في الدنيا ديا 

رحمة:  مش هتسبني ابدا ابدا 

حسام:  هقولهالك تاني احنا ميفرقش بينا غير الموت 

رحمة:  بعشقك بجنون 

حسام:  بموت فيكي يا اغلى من روحي 

" و سيظل الحب دواء لكل داء " 

تمت

الاسم : أسماء إبراهيم

الاسكريبت : وقعت في حب خرساء 

السن : 22