رواية عمياء سكنت روحي الفصل الرابع 4 بقلم إسراء إبراهيم
 |
| رواية عمياء سكنت روحي الفصل الرابع 4 بقلم إسراء إبراهيم |
رواية عمياء سكنت روحي الفصل الرابع 4 بقلم إسراء إبراهيم
دي اتكسفت وبصت في الارض وقالت انا انا هروح اعمل
شاي وجريت وخالتو قالت قمر وهيا مكسوفة ما شاء الله ،
انا لو كنت اتمنيت في يوم اني افتح واشوف كان نفسي
اشوف شكله ورد فعله سعتها كان ازاي يعني هو موافق؟
طيب بيحبها؟ طيب وانا انا ايه بالنسباله ، واضح اني فعلا
طلعت عامية ،ماما قالت لخالتو بطلي تكسفيها بقي يا ام
احمد انا لسة مقولتلهاش حاجة خالتو ردت علي ماما لا
ياختي انا حجزاها لاحمد من بدري حقي بقي اطمن اما اروي
تشد حيلها كدة لازم نطلبها بقي رسمي هنستني ايه تاني ،
بعد اذنكو هخش اريح عشان تعبانة ماما قالتلي استني يا
حبيبتي اساعدك ولسة هتقؤم ، لا يا ماما لو سمحتي انا
عامية اه بس عارفة وحافظة شقتنا كويس وقومت
دخلت قوضتي وانا مخنوقة حاسة ان قلبي وجعني احمد كان
كل حاجة بالنسبالي كان هو اللي مصبرني علي كل الايام
الصعبة اللي شفتها كان هو عيني لما نظري راح بجد كان هو
دعوتي كنت بتمناه دايما وكنت مستنية اللحظة اللي يعترفلي
بيها بيحبه حتي لما اتجوزت غصب عني حسام كنت حاسة
اني روحي بتتسحب مني عشان هبقي لراجل تاني غيره
خوفه عليا وكلامه خلاني احس انه بيحبني بس كلللل ده
طلع وهم كنت معيشة نفسي فيه لانه في الاخر طلع بيحب
اختي اللي باين في تصرفاتها انها كمان بتحبه بس هو يمكن
مش بيحبها يمكن مغصوب زي ما انا كنت مغصوبة لازم
اعرف معرفش هتفرق في ايه معايا بس انا لازم اعرف هو
بيحبها ولا لا بس لو كان مش بيحبها كان ساكت ليه متكلمش
لا انا لازم اعرف لازم اسمع منه ، يا بنتييي هيييه نحن هنا ،
هه هدي معلش مخدتش بالي انك دخلتي ، اه ما اللي واخد
عقلك بقي ، معلش سرحت شوية ، ايوة في ايييه بقي ها
احكيلي ، لا ولا حاجة في حياتي واللي جاي قوليلي بس هما
مشيو خالتك واحمد ، احم اه مشيو من شوية وانا دخلت
اشوفك لقيتك سرحانة ، طيب احم هو ايه بقي الحوار اللي
خالتك بتتكلم عنه ده فهميني ، انا معرفش ابقي اسالي ماما
يا سلام ماشي يا هدي بتخبي عليا اخس عليكي ، لا صدقيني
بصي هو بصراحة كدة من فترة يعني احمد كان كلمني وقالي
انه معجب بيا ، لا اكيد بتكدب صح معقؤلة يكون قالها كدة
وانا ليه قلبي بيوجعني وعمال يدق جامد ، بحزن ايوة
وبعدين كملي يا هدي انا سامعاكي ، بس قالي انه معجب بيا
وانه هيكلم ماما في انه يتقدملي وكدة بس اوعي تقؤلي
لماما هه ، متخفيش يا هدي اوعدك طيب وانتي معجبة
بيه ؟سالتها السؤال ده وانا عارفة اجابته بس كنت عايزة
اتأكد وبدعي انه يطلع اجابة تانية غيرها ، بصراحة انا
بععععشقه يا اروي احمد ده حلم حياتي اصلا ، سكت مش
عارفة ارد عليها بأيه بجد مش لاقية كلام ، ايه سكتي ليه يا
رورو ، ولا حاجة يا حبيبتي ربنا يسعدكم ، تسلمي يا روح
قلبي يلا هسيبك ترتاحي وانا كمان هنام عشان عندي جامعة
الصبح ، ماشي تصبحي علي خير خرجت هدي وانا كنت في
عالم تاني عارفين لما تحلمو وتبنو حلمكو وخلاص
هيبقي واقع وفجأة تصحو علي انه كان كابوس مش حلم انا
كنت كدة بالظبط من كتر التفكير نمت وانا دموعي علي خدي
.............بعد كام يوم
في الجامعة راحت هدي وقابلت صحبتها ميرا ،صباح الفل يا
جميل ، متأخرة ليه يخرب عقلك ده الدكتور ده رخم يلا
بسرعة ليه مش دكتور صلاح ده بالعكس كويس اووي ، لا يا
بنتي ما اتغير انتي ناسية اااه ده كان يوم ما انتي مشيتي
بدري عشان اختك دخلنا دكتور غيره اسمه اسر هو اللي
هيكمل معانا هو مز بصراحة جداا بس ايه جد جدا ومش
بيهزر زي دكتور صلاح وانتي هتشوفي بنفسك ، قلقتيني يلا طيب بسرعة ودخلو وفعلا
لقوه بدا شرح ،احنا اسفين يا دكت.. واتفاجئت ، ايه ده هو
انت (لقيته نفس الشخص اللي خبطت فيه وهيا طالعة من
الكلية فاكربنو) هو بصلها بتركيز وقالهم ببرود برا وميرا
حاولت تعتذر تاني راح قالهم اعتذاركم مرفوض ويلا برا وبعد
كدة تحترمو مواعيدي هدي اتغاظت وراحت قالتله مش لما
حضرتك تحترم الطلبة اللي عندك الاول وتعرف اسبابهم
قالها بكل برود ميخصنيش ويلا انتي وهيا راحت بصتله
بغيظ وخرجت وميرا خرجت وراها يا بنتي اصبري كنا
اتحايلنا عليه مرة كمان كان هيدخلنا ، لا والله لو هو اللي
قال ادخلو مش هحضرله ده بني ادم مستفز ، طيب ياختي يلا
تعالي بقي نروح ناكل اي حاجة طالما مفهاش محاضرة ،
يلا يا طفسة بس وربنا لاوريه بني ادم سمج صحيح ورخم
ودمه تقيل ، لقت اللي واقف وراها بيقؤلها الشتيمة دي ليا
انا؟ هدي تنحت ولفت براحة لقيته واقف وراها وكان طالع
عشان يقؤلهم خلاص ادخلو احضرو ، ميرا حاولت تصلح
الموقف ، حضرتك ده كان شاب دلوقتي بيعاكسها ومشي احم
مش كدة يا هدي وخبطتها في دراعها عشان تأكد علي الكلام
(بس هدي تقريبا ماتت او اتصدمت وفقدت النطق 😂 )
احم اه اه فعلا ده شاب كان بيعاكسني وانا بقي ايه اديته
بصراحة مسكتلووش ، يا سلام ، اه اه حضرتك ، طيب يلا
خشو ومتتأخروش تاني فاهمين ، ميرا قالتله بجد شكرا يا
دكتور يلا يا هدي ودخلت وجت هدي تدخل المدرج قالها علي
فكرة لسة حسابك معايا عاللي قولتيه دلوقتي ماشي ، هدي
تنحت وهزت دماغها وسبقها وهيا دخلت وراه وبتقؤل في
سرها ربنا يستر شكله هيشيلني مادته استاهل بسبب لساني ده
.............
عدي اسبوعين ومفيش فيه احداث تذكر غير ان أروي دايما
بتتهرب من احمد بيرن علي فونها مش بترد ولما بيروحلهم
مش بترضي تطلع من قوضتها وبتتحجج انها تعبانة او نايمة
وبتحاول تتجنبه علي قد ما تقدر لانها خايفة تواجهه وتسمع
اللي يوجع قلبها اكتر ، جرس الباب رن وهيا كانت في اوضتها
وفضل يرن وهيا قامت وطلعت برة وماشية براحة ولحد ما
ايديها لمست باب الشقة وفتحت وقالت مين؟ ، انا محضر يا
انسة ممكن تندهيلي مدام اروي ابرهيم سليمان ، ايوة انا في
ايه لو سمحت ، دي ورقة طلاقك بعتهالك السيد حسام عبد
المجيد السيد ، ضحكت ومن جواها فرحانة اووي وقالتله
تمام معلش ممكن تمسكني القلم وتوريني امضي فين عشان
مش بشوف ، لا حول ولا قوة الا بالله معلش يا بنتي ربنا
يعوض عليكي ،ضحكت بوجع علي الشفقة اللي حساها في
صوته وقولتله متشكرة اووي ، هاتي ايدك ايوة هنا وقعي
بالظبط ومضت ومشي ، يااااه اخيرا بقيت حرة بجد انا كنت
خلاص متخيلة اني هفضل طول عمري في سجن حسام
مكنش وجعني عجزي والضلمة اللي عايشة فيها قد وجع
قلبي وانا مع انسان واخدني غصب وحياتي ومستقبلي اللي
ضاعه بسببه يلا منه لله هو هيجبلي حقي انا متأكدة يمهل
ولا يهمل
................
اديني طلقتهالك اهو عشان تشوفي بقي انا بسمع كلامك ازاي
يا قمر ، تسلملي يا روح القمر ايوة كدة بقيت بتاعي لوحدي
بص بقي انا عايزة اضمن حقي ايوة انت اتجوزتني
ومجبتليش شقة ولا عفشي انا اللي اختارته اهون عليك يا
حبيبي بقي يعني ، لا طبعا يا قمر من بكرة يجيلك احلي
شبكة يا سلام هو انا عندي كام امل يعني ، بجد متحرمش
منك يا عمري تعالي بقي اما انا عملالك مفاجئة ايه تجنن ...
..........
اروي كانت قاعدة في البلكونة وبتشرب نسكافيه وحاطة
الهند فري في ودنها وبتسمع اغنية قوي قلبك عالفراق ولقت
حد شد السماعة من ودنها ، بتتهربي مني ليه ، اتخضت بس
حاولت تبان طبيعي وقالتله انت جيت امتي محستش بيك ؟
مترديش علي سؤالي بسؤال لو سمحتي ، وانا هتهرب منك
ليه يا احمد انا كنت تعبانة الفترة اللي فاتت دي فعلا عشان
كدة مكنتش بقابل حد ، طيب وهو انا حد يا أروي ، قلبي دق
غصب عني ، اتنهدت وقولتله انت عامل حوار ليه يابني
صدقني عادي انا بس كنت محتاجة ابقي لوحدي مش اكتر
محتاجة اجمع نفسي تاني المهم انت عامل ايه يا عريس ؟
قالي باستغراب عريس ؟، اه مش ده كلام خالتو اخر مرة
كانت هنا ولا انت مكنتش معانا ،اتفأجت ب....
تعليقات
إرسال تعليق