رواية مجنونتي الفصل الثالث 3 بقلم نور

مريم وماجد وهما نازلين ع السلم 

ماجد : سلمي صاحبتك عامله اي

مريم : افندم 

ماجد : افندم اي محسساني اني اول مره اسال عليها

مريم : لا يمعلم دا لزوم ال show 

ماجد بيبص ليها بقرف ومش بيتكلم 

مريم : احم خلاص انا عارفه انهز جت رخمه المرادي 

ماجد : طول عمرك رخمه ي حببتي مش جديد عليكي 

مريم : الشهره عيزه مني اي 

ماجد : بت متوهيش عن الكلام 

مريم : انا مش عارفه انت بتحب البت الهبله دي ع اي 

ماجد : اتكلمي عنها باسلوب احسن من كده

مريم : ي محني 

ي حظي الا ملقيش حتي كلب معدي بيحبني 

ماجد ضربهز بالقلم ع قفاها وبيقولها اتلمي 

مريم : وجع ع فكره

ماجد : مش جديد يعني طول عمرك بتقولي كده 

المهم هي عامله اي 

مريم وهي عيزه تغيظه وترد ليه القلم بس بطريقه تانيه 

تعبانه خالص ي ماجد عندها دور برد شديد ومخلص عليها 

ماجد بخضه : طب هي كويسه هي راحت كشفت ولا لأ انطقي متقولي 

مريم وهي مستمتعه باللي بتعمله وبتقول ف سرها اشرب بقا ي حلو عشان تبقي تمد ايدك عليا تاني دا انا قفايا لو طال حد دا ممكن يشتيكله من اللي بياخده 

ف بتقوله نايمه مبتتحركش 

ماجد : طب رني عليها كده اطمن 

مريم والتوتر بدأ عليها : لا يمعلم انا هروح ليها وابقي اطمنك 

ماجد : لا رني دلوقتي اسمع صوتها 

مريم : منا كده كده رايحه هبقي اطمنك 

ماجد : مريم رني اخلصي 

مريم خلاص لعبتها هتنكشف  ومتوقعه اللي هيحص ليها بعد المكالمه لو سلمي ردت عليها  ومشغلتش دماغها 

رنت رنه وحده وفصلت 

مريم : مبتردش اهي 

ماجد : هو انتي لحقتي ترني دا انتي يادوب رنه وفصلتي 

مريم : لازم 

ماجد : اها واخلصي ورايا شغل 

مريم : طب متروح شغلك وهبقي اطمنك 

ماجد بعصبيه : مريم 

مريم : حاضر اهو 

حسبي الله ونعم الوكيل فيك انت وسلمي ويوم اللي عرفتكو فيه 

ترن ترن ترن ترن 

سلمي : اي يبنتي اتاخرتي لي

مريم : ازيك ي سلمي عامله اي واخبار البرد اي 

سلمي : برد اي ي مريم

مريم : يبنتي انتي مش كان عندك برد  ركزي الله يخربيتك 

سلمي : انتي بتالفي ي مريم وبعدين انا مستنايكي ع باب الجامعه اخلصي 

ماجد بيبص ليها بصه توعد 

مريم : انتي شالو مخك وحطو مكانه جزمه برباط يمكن الجزمه ليها لازمه اكتر منك حسبي الله فيكي  اقفلي 

سلمي اللاه وانا مالي ي لمبي 

مريم : طب اقفلي ونتقابل ف الكليه ي جزمه 

وقفلت الفون ف وشها واخدت الطريق جري ووقفت اول تاكسي يقابلها 

ماجد  : مريم انتي ي بت ي بنت المجانين  

مريم وهي بتعلي صوتها وتركب التاكسي يبقي سلم ع الحبايب 

ماجد : ي مجنونه والله لموريكي هتروحي مني فين لينا بيت ومشي ماجد راح ع شغله 

ملحوظه : ماجد بيشتغل ف شركه هندسه الكترونيه 

مريم : الحمدلله هربت منه بس لما اروح هتشلوح منه اه يحستي السوحه يانا ياما ي صغيره ع الشلوحه ي لوزه 

(مخلاص ي لوزه كفايه ندب ف حظك بقا 😂)

انا اللي بجيب دا كله لنفسي يلا بقا الله يرحمني كله من سلمي الكلب لو كانت شغلت مخها اللي صدي من كتر الركنه مكنشي دا كله حصل بس اما اشوفك هطلع اللي هيعمله فيا فيكي 

امام الشركه 

وصل جواد الشركه اول ما دخل الموظفين كلهم وقفوا ليه اصله معروف بالحِزم ف شغله والناس اللي ف نفس مجاله ملقبينه باسم وحش المعمار بسبب صغر سنه واللي وصله وبيحققه ف فترتات صغيره جدا 

اول ما دخل مكتبه وياسين وراه ياسين دا صاحبه الوحد مع بعض من وهما صغار حتي العلتين اصحاب حتي ياسين بيقضي معظم وقته مع عيله جواد لانه يعتبر الابن الثالث لهذه العيله 

داخل مكتب جواد 

ياسين : عملت اي ف الصفقه بتاعت رشدي الشناوي 

جواد : عيب عليك اخدتها طبعا وبالمبلغ  اللي انا عيزه كمان 

ياسين : منتا متلقبتش بالوحش المعمار من فراغ برضه 

جواد : الحمدلله 

ياسين : طب الاجتماع باقي عليه ساعه هتعمل فيه اي 

جواد : مش عارف

وبعدين اصلا سليم الهواري مش سهل دا محتاج لدماغ وانا لازم اخطط ليه 

ياسين : تمام 

اسيبك انا واروح اخلص شغل لما معاد الاجتماع يجي وانت فكر هتعمل اي 

جواد : اوك 

وبعد ساعه 

داخل غرفه الاجتماع حيث كان الاجتماع مكون من جواد وسليم الهواري فقط 

سليم : بس المبلغ اللي انت طالبه كبير اوي 

جواد : مش كتير ولا حاجه وبعدين هيفرق معاك ف اي 

سليم : مش حكايه هيفرق بس المبلغ فعلا كبير وانت عارف الميزانيه اليومين دول عامله ازاي 

جواد : عارف والله ومقدر دا 

بس المبلغ  دا مش حاجه جمب اللي انت طالبه من الشغل دا انا عامل معاك الواجب ع الاخر. وبعدين انا مش كاسب من الصفقه دي حاجه كله شغل العمال والحجات اللي هنحتاجها ف الشغل وبس وبعدين انا جاي ع نفسي عشان انت زبون مهم واهم عميل عندنا وانا مش عايز اخسرك 

سليم : دا العشم برضه 

جواد : طب اي 

سليم : موافق طبعا بس عايز كله يبقي تمام 

جواد : عيب عليك هو انا عمري قصرت معاك ف اي شغل 

سليم : الصراحه لا ودا اللي مخليني متمسك بيك رغم غالي اوي ف الاسعار 

جواد : ان شاء الله عند حُسن ظنك 

سليم : ان شاء الله 

انت أصلا  من افضل الشركات اللي اتعاملت معاها اخلاقيا وحتي ف الشغل 

جواد :  شهاده اعتز بيها 

سليم : يبقي اتفقنا ع معادنا ان شاء الله 

هو الشغل هيبدأ امتي 

جواد : بالكتير الاسبوع الجاي ان شاء الله 

سليم : تمام 

استأذن انا 

جواد : تمام سلام 

ف بيت جواد 

ادم : امي ي امي 

سميحه : نعم ي حبيبي 

ادم : انا رايح الدرس ربعد كده هروح النادي ساعه وجاي 

سميحه : هتطلع من الدرس امتي وهتروح النادي  امتي 

ادم : ع الساعه 2 كده وهروح النادي وهطلع من هناك 4 

سميحه : تمام معادك هنا ف البيت 5 اوك 

ادم : حاضر ي امي. 

سميحه : ربنا يحفظك  ي حبيبي بس انا برضه مش هتكلم كتير عشان المذاكره بتاعتك 

ادم يا ماما منا عارف بس انا قولت ان النهارده الخميس وكده افك شويه 

سميحه : انا مش هطغظ عليك بس ربنا يوفقك يارب 

ادم : ايوه دعواتك بس يلا سلام.

وبعد ما ادم مشي 

سميحه : داده ثريا 

داده ثريا : نعم ي هانم 

سميحه : حضري الاكل جواد وياسين هيجو ع العشا وهناكل كلنا مع بعض 

دادا ثريا : حاضر 

انا طالعه فوق لو عزتي حاجه 

امام الكليه 

عم رمزي : اي يبنتي مش هتاخدي الحاجه بتاعتك 

مريم :  مش وقته يعمو ف موضوع لازم اخلص عليه الاول 

مريم بتدخل الكليه وبتشوف سلمي وبتشمر كُم الدريس بتاعها 

سلمي بتشوفها وتقول