رواية ليتها تعلم الفصل الثالث 3 بقلم إيمان شلبي
 |
| رواية ليتها تعلم الفصل الثالث 3 بقلم إيمان شلبي |
رواية ليتها تعلم الفصل الثالث 3 بقلم إيمان شلبي
انا عايزه افهم انتي قولتي اي لزين خلتيه يمشي متعصب كده ؟
مريم بلامبالاه: قولتله اني مش موافقه
امها بغضب : لا انتي كذابه ...زين ميتعصبش بالطريقه دي اللي لو قولتي حاجه تزعله
مريم بتعب: ماما ارجوكي سيبني انام انا تعبانه
امها وهي بتروح تسحبها من ايديها بعصبيه: لا انا مش هسيبك غير لما اعرف ...زين من ساعه اللي حصل بقاله اسبوع متعرفش عنه حاجه ولا بيجي هنا ولا بنشوفه حتي علي السلم !!
مريم وهي بتغمض عينيها بدموع: وانا اعمله اي يعني
امها : وانتي رفضتيه ليه ؟ ده اكتر حد فاهمك اكتر من نفسه ...هو انتي هتلاقي حد يستحملك غيرره
مريم بوجع وقهر : لقيت ولا ملقتش مش فارقه
امها بعصبيه: ماشي يامريم مسيري هعرف ....اعملي حسابك في عريس جاي بليل وميتعيبش وقسما عظما لو اترفض لا انتي بنتي ولا اعرفك وهسيبلك البيت ومحدش هيعرفلي مكان
(ديه مش ام مريم ديه امي 😂😂😂)
طلعت امها من الاوضه ورزعت الباب وراها ...
مريم بحيره ودموع : يارب اعمل اي ...فينك يازين فينك تنقذني من الورطه ديه ...
مسكت الفون بتاعها وقررت تبعت لزين رساله ...هي متأكده انه مش هيرد عليها بس تحاول تجرب ...مفيش قدامها غيره هي بتحبه اوي ...هو الوحيد اللي قادر يفهمها ويستحملها ...
(زين انا عارفه أن انت مش هترد عليا ...بس انا حقيقي محتاجاك اوي اوي لاول مره ابقي محتاجه وجودك جنبي بالشكل ده ...ساعدني يازين في عريس متقدملي النهارده بليل وانا لو رفضت ماما هتطين عيشتي ...تعالي يازين الحقني انا مليش غيرك ارجوك )
بعتت الماسدج علي الواتس وقفلت الفون كالعاده شاف الماسدج ومردش عليها ...بقالها اسبوع بتبعت في ماسدجات اعتذار وتحاول تفهمه أي اللي حصل بس مش بيرد عليها ....
جت الساعه سبعه ومريم لبست هدومها وخرجت تشوف عريس الغفلة ....
العريس كان قاعد هو وأهله ومريم قاعده حاطه عينيها في الارض ...بتفرك صوابعها بتوتر وعنيها مدمعه ..
الباب خبط رفعت راسها بلهفه وسعاده وهي بتتخيل زين داخل ينقذها ...
وبالفعل دخل زين بهيبته الثابته والوسيمه كالعاده ...
مريم وهي بتقوم بفرحه : زين
زين اتجاهل كلامها ووجهه كلامه للعريس ببرود : انت العريس ؟
العريس وهو بيبلع ريقه بخوف من هيئه زين: ا ايوه مين حضرتك
زين وهو بيقعد علي الكرسي اللي قدامه وبيحط رجل علي رجل : مرفوض اتفضل
الكل بصله باستغراب حتي ابو مريم ومامتها ...
ابو مريم : ليه يابني كده!
زين بجمود : هعرفك بعدين ياعمي ...يالا اتفضل ياكابتن من غير مطرود
امه بغرور: احسن برضو الف مين يتمني ابني ..يالا ياحبيبي وانا اجوزك ست ستها
زين بحده: لو لفيتي الدنيا مش هتلاقي منها تاني ....ويالا اتفضلوا برا ..
مشي العريس وأهله واتنهدت مريم براحه وهي بتبصله بأمتنان ...
ام مريم بضيق : ليه رفضته يازين ؟
زين وهو بيسند بظهره علي الكرسي بثبات : عشان مريم مش هتكون لحد غيري
امها و ابوها في صوت واحد : هي مش رفضتك وانت زعلت ومشيت ؟
زين ببرود : تسمحولي اقعد انا ومريم شويه
ابوها بحيره : طيب
بعد دقيقتين كان قاعد زين في مكانه وبيبصلها بجمود وهي حاطه رأسها في الارض بتوتر
كسر زين الصمت بهدوء: عز مسجون
كان متوقع منها تبقي مصدومه وتزعل عليه بس هي رفعت راسها وقالت بلامبالاه : ليه ؟
زين وهو بيدخن ببرود : البيه طلع بيشتغل في المخ*درا*ت
منه بصدمه : ايه
زين بتهكم : ومش بس كده ...بيدير شبكه د*عاره
منه بدموع : حسبي الله ونعم الوكيل فيك ياعز
زين وهو بيتنهد : انتي اللي عملتي كده في نفسك
مريم بدموع وتوسل : غصب عني يازين والله غصب عني
زين بعصبيه وصوت مكتوم: مفيش حاجه اسمها غصب عني محدش ضربك علي ايدك
مريم وهي بتحط ايديها علي بوقها وبتمنع نفسها انها تعيط : ا انا كنت غبيه وطايشه ...
زين بجمود : هنتجوز
مريم بلهفه: بجد يازين ...انت موافق تتجوزني ؟
زين : بعديها بشهر هطلقك
مريم بكسره: مش مهم المهم نداري الفضيحه
"بارك الله لكما وبارك عليكما وجمع بينكما في خير"
زين وتهكم : مبروك يا عروسه
مريم وهي بتبلع ريقها بصعوبه وقهره : ا الله يبارك فيك
زين ببرود: نسيت اقولك صح
مريم بأستغراب: علي ايه ؟
زين : انا متجوز غيرك
تعليقات
إرسال تعليق