رواية قمري الفصل الثاني 2 بقلم ثقتي بربي تكفيني

قمر:الحقنى ي نوح 

نوح:انتى تانى انا مش قولتلك قبل كده ابعدى عنى وعن طريقى انتى اى مبتفهميش اتصرف معاكى ازاى يعنى عشان تحسى انى مبقتش عايزك ولو سمحتى متتصليش تانى عشان بسببك ممكن مشكله تحصل بينى وبين مراتى وانا بحب مراتى ومرضاش انى ازعلها لسبب تافهه 

قمر:انا مش عارفه انا عملتلك اى عشان تعمل فيا كده 

نوح:ما انا قولتلك انك غلطتى لما مسعمتيش كلام اهلك من الاول الاهل بيكونوا عارفين الصح من الغلط كويس بس انتى مسمعتلهمش تستحملى النتيجه 

قمر:ده جازتى انى حبيتك ووثقت فيك

نوح:محدش قالك حبينى واه الزمن ده مينفعش تثقى ف حد 

قمر :تمام اسمعنى بس آخر مره ومش هكلمك تانى 

نوح:انا مش فاضيلك 

قمر :آخر مره بجد

نوح:انجزى 

قمر:بابا جايبلى عريس وعايز يجوزهونى بعد ما العده تخلص العريس هيجى النهارده بليل 

نوح:طيب وانا مالى 

قمر:مالك 

نوح:ايوه مالى وفيها اى اتجوزى وعيشى حياتك بعيد عنى زى ما انا عملت ممكن تلاقيه كويس وممكن لا بس الاكيد انه معاه فلوس كتير ودى فرصه متتعوضش والفرصه مبتجيش غير مره واحده فاوعى تضيعيها لاى سبب كان 

قمر بدموع:حتى لو عشانك 

نوح :حتى لو عشانى 

قمر بأنهيار :بس انا بحبك 

نوح :وانا مبحبكيش 

قمر بانهيار:يعنى اى مبتحبنيش يعنى اى فهمنى يعنى اى بعد حب ٤ سنين وسنتين خطوبه و٦ شهور متجوزين و مع بعض فى كل حاجه وتقولى مبتحبنيش يعنى اى يعنى كنت بتضحك عليا لما كنت كل يوم الصبح تصحى من النوم وتقولى اليوم بدايته حلوه عشان انتى معايا ولا كنت بتضحك عليا وانت بتقولى انا من غيرك ولا حاجه ولا كنت بتضحك عليا وانت بتقولى انا بحبك ولا كنت بتضحك عليا وانت بتقولى انا نفسى ف بنت تشبهلك واسميها على اسمك ولا كنت بتضحك عليا وانت بتقولى انا هقف قصاد العالم كله عشان خاطرك ولا كنت بتضحك عليا وانت بتقولى هفضل وراء ابوكى لحد ما يوافق ولا كنت بتضحك عليا وانت بتقولى انا انهارده اسعد يوم ف حياتى عشان اتخطبنا ولا كنت بتضحك عليا وانت بتقولى انا طاير من الفرحه ومش مصدق نفسى انك بقيتى معايا ف بيت واحد ودموعك من الفرحه ساعتها كنت بتضحك عليا بيها بردو ولا كنت بتضحك عليا لما كنت بتقولى انا مش شايف غيرك كنت بتضحك عليا ف اى ولا اى رد عليا انت ساكت لى عايزنى اروح اتجوز واعيش حياتى كنت بتضحك عليا ف دى بردو انا عمرى ما هسمحلك انك تكونى لحد غيرى ها كنت بتضحك بردو وده كله لى علقتنى بيك لى وانت ناوى تمشى ف الاخر قولتلك ان اكتر حاجه بتتعبنى ان حد بحبه يبعد عنى وانا محبتكش بس انا عشقتك وكان جزاتى انى مسمعتش كلام اهلى وعملت المستحيل واتجوزتك ف الاخر عشان اتعب التعب ده كله صح انتقمت بس منتقمتش من ابويا انت انتقمت منى انا انتقمت من اكتر قلب حبك وعمرك ما هتلاقى حد يحبك ربع حبى ليك 

نوح:اهدى طيب عشان خاطري 

قمر:متقوليش عشان خاطرى انت السبب ف كل ال انا فيه دلوقتى وعايزنى اتجوز حاضر هسمع كلامك واتجوز زى ما انت تحب اصلك عمرك ما كنت هتسمح انى اكون لحد غيرك بس خلاص قمرك من النهارده هتكون ملك حد تانى غيرك يمكن يكون احن عليا منك وكلها شهرين واكون متجوزه وانساك زى ما نستنى 

نوح:انتى ناسيه انك حامل ومينفعش تتجوزى غير لما تولدي 

قمر:بابا فاكر العده ٣ شهور بابا ميعرفش وكده كده انا مش عايزه حاجه تفكرنى بيك فأنا مش محتاجه الطفل ده 

نوح:يعنى اى 

قمر:يعنى زى ما فهمت 

نوح:انا مش هسمحلك تعملى ال ف دماغك 

قمر:مين انت عشان تسمحلي  انت من النهارده بره حياتى و انت مكنتش عايز تسمع صوتي تانى هحققلك أمنيتك وقالت بأستهزاء اصلك غالى عليا اوى ومن غير سلام حتى 

قفلت معاه وقعدت تهدى نفسها من العياط ال عيطته بسببه وخرجت لباباها بره الاوضه 

قمر:بابا انا آسفه حقك عليا مقصدش 

الاب:خلاص طالما عرفتى غلطك انا بس مش عاجبنى انك موقفه حالك عليه وفى عريس عايزك وهيبسطك وانا موافق عليه 

قمر:خلاص ي بابا ال حضرتك تشوفه طالما حضرتك موافق عليه انا بردو هوافق عليه انا ندمت لما مسمعتش كلامك ف الاول وانا دلوقتى بصحح غلطى عشان مندمش تانى 

الاب:ايوا هى دى قمر بنتى ال انا عارفها اعملى حسابك تجهزي نفسك انهارده بليل عشان العريس جاى وهو فاضل شهر على ما عدتك تخلص تكونوا اتعرفتوا على بعض في الوقت ده وبعد ما تخلص تتجوزوا على طول 

قمر:حاضر ي بابا بس ممكن انزل اشتريلى دريس جديد عشان البسه انهارده 

الاب:اكيد انزلى براحتك طالما بقيتى عارفه مصلحتك كويس 

جهزت قمر ونزلت وكانت متجهه ناحيه مستشفى هى تعرفها و دخلت المستشفى عشان تعمل ال ف دماغها ال محدش عارف اى ال هيحصل بعد ال هتعمله ده 

مجهول:ايوا ي نوح باشا هى دخلت المستشفى دلوقتى 

نوح:المستشفى اسمها اى 

مجهول :......

نوح :انا جاى حالا 

ياترا هيلحق يوصل قبل فوات الأوان ولا لا 

على الجانب الآخر 

دكتوره حياه :انا آسفه ي قمر مقدرش اعمل ال انتى عايزاه ده ده حرام حرام تقتلى نفس ربنا خلقها ده حتى ابنك 

قمر :وانا مش عايزاه 

دكتوره حياه :مين انتى عشان تكونى عايزاه ولا لا ربنا أمر بحاجه انتى ملكيش دخل ف ال ربنا رايده ده عقاب قتل الانسان كبير وانتى عايزه تق*تلى روح جواكى حرام عليكي وفى ناس كتير تتمنى عيل واحد وانتى رفضاه وبتتبترى على النعمه 

قمر:.انا متبترتش على النعمه انا كل الحكايه ........

دكتوره حياه :خلاص ال انتى عايزاه بس انا مليش دعوه انا نصحتك وانتى حره عشان متندميش بعد كده اتفضلى قدامى 

فى نفس الوقت كان نوح بيجرى جوا المستشفى بيدور على الاوضه ال دخلتها قمر ال المجهول قاله عليها عايز يلحقها قبل ما تعمل ال ف دماغها وآخيرا لقاها واول مادخل شاف مشهد عمره ما هينساه ف حياته وكان هو السبب فيه من الاول 

نوح بصدمه: .....