رواية زوجة أب الفصل الأول 1 بقلم فريال عبد الرازق

 يعني ايه بتحبي واحد ارمل 

+ اعمل ايه قلبي دق لي و عمر ما حد كان قلبه بيده 

- و بعدين 

+ مش عرفه يا ليلي و مش عرفه وقعت في حبه ازاي و امته مراته ماتت و امته بقه عنده عيال و مش عرفه حاجه خالص خليكي معايا انا تعبانه 

ليلي قربت منها و حضنتها - طب ممكن تهدي يا منه  علشان نعرف هتعملي ايه

منه: انا بفكر انقل شغلي الفرع التاني اه بعيد عن البيت  بس هريح قلبي من شوفته 

ليلي : انتي كده مش بتحلي الموضوع  بصي  شكلك تعبانه نامي دلوقتي و بكره نشوف حل  انا هخرج لماما شكلها عايزاني

 ليلي خرجت و انا قفلت النور و فرد جسمي علي السرير و بفتكر ازاي كانت حياتي قبل ما اشوفه  اه صحيح نسيت اعرفكم  بنفسي اسمي منه اهلي مسافرين شغالين بره و انا عيشه مع عمي علي اللي هو ابو ليلي و طنط  عليا مامت ليلي من و انا في 2اعدادي و اتخرجت من هندسه و رحت اقدم علي الوظيفه اللي انا فيها دي و لاني بحب الروايات و بحب اقرها كتير كنت مستنيا المدير القاسي اللي هيقع في غرامي بس ده محصلش علشان ببساطه المدير ست اه والله ست زي ما بقولك كده شلت من دماغي الفكره دي و بدات اول سلمه في طريق المجد رحت اول يوم و لان مفيش غير اتنين في القسم اللي انا فيه ست و راجل و انا الثلاثه بتعتهم بدات الشغل و عرفت أسمائهم عائشه و يونس بعد ما اشتغلت بي اسبوعين لقيت يونس مش بيجي سالت عائشه قالتلي ان عنده مشاكل في البيت و بعديها بي ثلاث شهور رجع تاني و انا يعتبر كنت نسيا رجع شكله متبهدل تحت عنيه اسود زعلان علي طول و معرفش لي بدات انجذب لي و الانجذاب اتحول ل اعجاب و الاعجاب اتحول ل حب اه والله حب معرفتش اعمل ايه بدات ارقبه من بعيد ولو سالتني لي هقولك معرفش والله لحد ما شوفته في يوم بينزل بنت و ولد من العربيه و لقيت البنت حضنته و قالته بحبك يا بابي 

اتجننت اكتر ما انا مجنونه و رحت اسلم علي كاني مش برقبه  و جرا الحوار الاتي 

منه : استاذ يونس اول مراه اشوفك هنا  

يونس: انتي سكنه هنا 

منه : احم لا بس بعدي من هنا كتير الله مين الحلوين دول 

يونس : ولادي 

منه بصدمه : انت متجوز 

يونس : كنت و دلوقتي ارمل 

منه : بجد 

يونس يعني بهزر يلا يا ولاد عن ازنك يا انسه منه 

يتبع...