رواية أحببت بصيرته الفصل الثامن عشر 18 بقلم مريم نصار

‏⁧ ساعة_استجابة ⁩

‏أسأل الله في هذه الساعة أن يشملنا جميعًا بالرحمة والمغفرة ويصلح نياتنا وذرياتنا ويؤلف بين قلوبنا ويستر عيوبنا ويغفر ذنوبنا ويفرج همومنا ويشفي مرضانا ويرحم موتانا، وأسأل الله أن لايحرمني ولايحرمكم في هذا اليوم من خيره ورزقه وتوفيقه.

______________________________________

فيلا بدر الدين .

فريده : اتصلت ع خالد وحكتله ع كل الل لاحظته ع سليم وفتون .

خالد : فيرى . انتى متاكده إن فتون اتوترت اول ما شافت سليم ؟

فريده : ايوه متاكده زى ما انا متاكده انى بكلمك دلوقتي .

خالد : مش يمكن متوتره عادى يعنى أو مكسوفه او اى حاجه تانيه . مش لازم تكون اتوترت انها شافت سليم ؟

فريده : طيب ولما حطت ايدها ع قلبها . واللخبطه ف طريقة كلامها . وعينيها الل كانت متعلقه بيه. وكمان سليم لقيته بيضحك . ولابس ومتشيك . بقولك ايه ياخالد انا إحساسي بيقولى إن ف مشاعر بدءت تكون موجوده عندهم هما الاتنين من ناحية بعض .

خالد : قال جواه . انا متأكد من سليم .. لكن فتون !؟ تؤ انا مش متأكد . انا كدا لازم أتأكد بنفسي .. طيب هتعمل ايه ياخالد ؟

فريده : خالد .؟ الوووو انت ياخالد روحت فين؟

خالد : انتبه . ايوه يافيرى انا معاكى . اسمعى يافيرى . احنا علشان نتأكد من مشاعر فتون وسليم . لازم نتابعهم لكن من بعيد . وسبينى انا افكر مع نفسي كدا . وأشوف هنعمل ايه.

فريده : ماشي ياحبيبى . بس تعرف ياخالد انا بتمنى ل سليم ابنى فعلا . واحده زى فتون . بنت جميله اوى ومحترمه وكمان عندها عزة نفس . بجد فتون عجبانى اوى وانا شيفاها مناسبه ل سليم ..

خالد : بمكر . بس فتون فقيره يافيرى . تفتكرى سليم ممكن يوافق . أو شريف ؟

فريده : بجمود . الفقر فقر اخلاق فقر مشاعر واحترام . ف ناس معاها كل حاجه فلوس وشهره وكل حاجه بين ايديهم . لكن ناقصهم اهم حاجه وهي الحب والاحترام .. والفقر المادى عمرو ما كان عيب ابدا . لان دى حاجه مش بأيدينا . ده رزق ياخالد ربنا بيوزعه ع عباده الل بيختارهم . وانا شايفه فتون غنيه . غنيه جدا بأخلاقها واحترامها لنفسها وغيرها . كفايه انها الوحيده الل قدرت تخلى سليم يتابع الجلسات وكمان اشوف ضحكت سليم من تانى . فتون مش قُليله ابدا وإن شريف ممكن يرفض ف ده مش من حقه لأن دى حياة سليم . وانا واثقه إن سليم لو بيحب فتون مش هيفرق معاه الماديات ابدا .

خالد : بيسمع فريده . وشاف صورة حنين قدامه . وابتسم . وهز راسه . معاكى حق يافيرى . الل بيحب حد مش هيفرق معاه الماديات . واتنهد . طيب تمام . انا بردو هفكر واشوف هنوصل لايه .. قوليلى المتوترين قاعدين فين دلوقتي .. هههههه

فريده : ههههه . قاعدين ف الجنينه . بقالهم ساعه واكتر .

خالد : تمام . انا رايح شركة الشرقاوي دلوقتي . وهطلع ع الجيم وبعدها هعدى ع سليم .

فريده : ماشي ياحبيبى ربنا معاك . مع السلامه ... وقفلو ..

فريده : ندهت ع عزيزه ..

عزيزه : نعم يا فريده هانم ؟

فريده : اعملى عصير مانجه ل فتون . وقهوه ل سليم . وطلعيها ليهم ف الجنينه . وشويه كدا تقدميلهم كيك ..

عزيزه : حاضر يا هانم . واتحركت ع المطبخ ..

فريده : شدت السِتاره وبصت ع سليم وفتون بأمل ف بكره ..

----------------------بقلمى مريم نصار

فتون : مدت أيدها واتوترت جدا ورفعت عينيها. وشافت لون عينيه . ولمست ايدو . ورجفت . وقلبها هيطلع من مكانه . ومش عارفه جرالها ايه ؟

سليم : مع اول لمسه من أيدها . قلبه لاول مره في حياته يدق بالطريقه دي .وايدها بتترعش بسرعه . وغمض عينيه بحب كبير .

. وشاف أنه قد ايه كان مفتفد لإحساس رجفة أيديها ..

فتون : بحيره مش فاهمه ايه الل بيحصل معاها . وشافت سليم مغمض عينيه اتكسفت . وسحبت أيدها ببطء . وبصت بعيد بحرج .

سليم : حس بيها وفتح عينيه . واتمنى ف اللحظه دي انه يكون بيشوف حقيقي .

عزيزه : جت عليهم . وحطت الصينيه . اتفضل ياسليم بيه . قهوتك . وحطتها قدامه . اتفضلى يا استاذه . العصير . ومشيت ..

فتون : اخدت نفس عميق . وقالت جواها مالك يافتون ؟ انتى مش ع بعضك ليه ؟ ومال قلبك بيدق بسرعه ليه كدا ؟ .وليه متوتره انتى اول مره تكونى كدا .

.وفتحت عينيها بصدمه كبيره . وافتكرت كلام حنين لما سالتها انتى لما بتشوفى حسن قلبك بيدق ؟

وحطت أيدها ع قلبها وبصت بسرعه ع سليم وقالت معقول ؟ معقول قلبى بيدق ل سليم . لأ لأ . انتى مجنونه يافتون؟ . ايه الهبل الل انتى بتقوليه ده ؟ انتى اكيد بتخرفى .

. فوقى يافتون . فوووقى . شوفى هو فين ؟ وانتى فين ؟ وهو ابن مين ؟ بصي حواليكى كويس ؟ فووووقى . سليم لأ اوعى يافتون تتعلقى بيه انتى قلبك مش حمل عذاب تانى . فوقى الله يكرمك ...

سليم : اخد نفس عميق . وقال جواه . مالك ياسليم ؟ انت متوتر ليه ؟ سليم انت قلبك دق اول ما فتون لمست ايدك انت عارف ده معناه ايه ؟ سليم فووق متبقاش مجنون . فتون مجرد مُدرسه وبس . انت لازم تفوق . شوف هي فين من يقينها وايمانها بالله وانت فين؟ وكمان انت اعمى ياسليم . اعمى ومش معقول فتون تفكر فيك ابدا . سليم انت قلبك مش حمل عذاب اكتر من كده . فوق ياسليم ...

فتون : فاقت من أفكارها . واتنهدت بزعل . واخدت نفس عميق . وحاولت تكون ثابته . وبصت ل سليم الل سرحان . وقالت نبدء الجلسه؟

سليم : فاق من أفكاره . واتنهد بحزن . وهز راسه ليها . ومد ايده ليها . اتفضلى ..

فتون : بثبات . مدت أيدها . ومسكت ايد سليم . واترجفت كالعاده . ولكن بدءت تعلم سليم . ازاى يكتب اسمه ..

سليم : رعشة أيدها اتعود عليها . وحاول يركز مع فتون . وكتب معاها اسمه .

بعد حوالي . ساعه كمان من الجلسه.

فتون : شالت أيدها من ايدو . وقالت تمام كدا . اتفضل امسك القلم واكتب لوحدك ..

سليم : هز راسه واخد القلم . وكتب اسمه بكل تركيز ..

فتون : شافت اسمه . وكان خطه مش اوى لأنه مش شايف .. وعلمته تانى ازاى يعمل مسافة حرف السين ويركز بعد كده ف أنه يحط النقط ف مكانها المناسب . وفضلت تعلمه لحد ما نجح فعلا ف أنه يكتب اسمه .. وقالت برافو . بجد حضرتك بتبهرنى كل مره عن المره الل قبلها ..

سليم : ابتسم . طيب الحمد لله .. يعنى انا كدا اتعلمت اكتب اسمى بالقلم صح ..

فتون : ابتسمت . طبعا لكن ف حاجه صغيره هتعملها . واشوفها إن شاء الله بعد بكره ..

سليم : ايه هي ؟

فتون : هتكتب اسمك كاملا ف دفتر خارجى. ٥٠ مره . وقبل ما تقول كتير . انا عملت كدا علشان مصلحتك . إنك تتعلم تكتب اسمك وتتقنه بكفاءه . كدا مشكلة شغلك هتتحل اكيد .

سليم : ابتسم وهز راسه . تمام هكتبهم ..

فتون : تمام . ودلوقتي بقى . هتتعرف ع بعض العملات الورقيه زي ما اتفقنا قبل كده..

وبعدها . ناخد حرفين ورقمين . وانا معاك ولو حسيت إن تركيزك اتشتت قولى وانا اوقف شرح وكتابه فورا.

. اهم حاجه عندى انك تستوعب وانت حابب ده . غير كدا لو انت مش متقبل أو تركيزك اتشتت مهما اشرح اى معلومه مش هتكون ثابته تمام .

سليم : تمام . وانا معاكى ..

فتون : بصت ع ملامحه . واتنهدت بحب . تمام . يلا نبدء .

----------------------بقلمى مريم نصار

ف شركة بدر الدين ..

شريف : ف المكتب . وبيراجع ف الاوراق .

داليا . السكرتيره خبطت ودخلت . مستر شريف . الاستاذ نظيم عايز يقابل حضرتك..

شريف : من غير ما يبصلها . خليه يدخل..

داليا : هزت راسها تحت امرك يافندم . واتحركت بره المكتب . اتفضل حضرتك .

نظيم : متشكر . ودخل المكتب متوتر . مساء الخير ياشريف باشا ..

شريف : اهلا يانظيم . آمنت ع الشحنه ؟ وجبت الملف ؟

نظيم : بلع ريقه بتوتر .. طبعا يافندم . انا لسه واصل من بور سعيد حالا . والشحنه متأمن عليها وزى الفل . اتفضل حضرتك الملف . كل حاجه مسيڤه فيه زى ما طلبت . وواقف خايف ..

شريف : اخد الملف وفتحه . ومط شفايفه وبيراجع عليه .. وقال ايه ده ؟ ليه تالف صندوقين أجهزة كهربائيه ؟ وليه مش مكتوب ايه سبب التلف ؟

نظيم : بتلعثم . ا.اصل .. اصل بصراحه ......

شريف : خبط ع المكتب بنرفزه . اصل اصل اصل ف ايه يانظيم ؟ والصندوقين تالفين لييه؟ ماتتكلم

نظيم : اتخض . وخاف وقال . حاضر يا شريف باشا .احم . بصراحه الباشمهندس ضياء . وهو بيساعد العمال وبينقل معاهم الصناديق . وعشان الطلبيه كبيره جدا ماشاء الله . انا روحت اساعد معاهم . وانا شايل صندوق والباشهمندش ضياء شايل صندوق . نزلنا ع السلم وخبطنا ف بعض بالغلط والصندوقين وقعم مننا . والأجهزة اتكسرت . بس صدقنى غصب عننا والله ياشريف باشا . احنا كان نيتنا خير ...

شريف : بص ل نظيم بشرز . وقال مين الل مسؤول عن نقل البضاعه من المينا للعربيات يانظيم ؟

نظيم : بلع ريقه بتوتر . ال...العمال .

شريف : يعنى مش انت ؟ ولا باشمهندس ضياء ؟ مش كدا يانظيم ؟

نظيم : عرف الل هيحصل ولأن شريف مبيتهاونش ف شغله . وهز راسه بزعل وقال فعلا ياشريف باشا ده مش شغلنا ..وانا بعتذر ..

شريف : واعتذارك ده هيرجعلى الخساره دى؟

.انت وضياء هتتحملو نتيجة اهمالك انت وهو . وهيتخصم من مرتبكم تمن البضاعه ..

نظيم : بحزن . بس كدا انا ممكن ماخدش مرتب حوالى شهرين ياشريف باشا ؟

شريف : احمد ربنا انى مخصمتش راتب ٣ شهور جزا ع عملتكو دى ؟ وعلشان بعد كده تتعلمو الل مُكلف بحاجه يعملها . ده مش تخصصك يا استاذ . ولا تخصص ضياء . كل واحد مطلوب منه حاجه يعملها ف الشركه دى؟ يعملها من سُكات . وميدخلش ف الل ميخصوش . واهو .. شوفت تدخلك .خسرنى وخسرك .. كلامى مفهوم يانظيم !؟

نظيم : قال جواه . فينك ياسليم باشا . ربنا يرجعك لينا بالسلامه . كان قلبك رحيم بينا . وبص ل شريف . وقال مفهوم ياشريف باشا مفهوم .......

----------------------بقلمى مريم نصار

فيلا بدر الدين ..

فتون : تمام اوى لحد كدا . انت اتعرفت انهردا ع بعض العملات الورقيه.. وكمان كتبنا ع طريقة برايل . حروف وارقام .. وغير كدا كتبنا بالورقه والقلم اسمك كاملا . بجد جلسه دسمه و ممتازه ..

سليم : ابتسم . يعنى يجى منى ؟

فتون : ههههه . يجى منك بس ؟ انت سوبر مان وخارق .. بجد بجد ماشاء الله عليك . عارف لو حضرتك فضلت ع كدا معايا . سنه واحده بس ؟ هتكون اتعلمت كل حاجه زائد شويه انجليش ..

سليم : سمع صوت ضحكتها . وابتسم بحب كبير . ومن جواه نفسه يقولها إن دى اجمل ضحكه انا سمعتها ف حياتى كلها .

. واتنهد . وقال . تمام متشكر جدا . وكل ده بفضل شرحك المُبسط . انتى بتحاولى توصلى المعلومه بطريقه سهله جدا . وانا بصراحه ببقى مستمتع معاكى . احم قصدى مستمع بالجلسه . يعنى بحسها خفيفه ولذيذه كدا..

فتون : عينيها ف عينيه . ومبسوطه واتوترت من كلمته . وبعدها قالت . بصراحه احساسك للجلسه انها خفيفه . لانك انت متقبلها . وحاببها .غير كدا مكنتش هتكون مركز ولا مستمتع ومبسوط بيها . والحقيقه انا الل مبسوطه اوى لشغف حضرتك وانك عايز ترجع الشغل وشركتك من تانى ...

سليم : بنفس الابتسامه . بصراحه الفضل كله يرجعلك . بعد ربنا . انا ناوى فعلا ارجع الشغل . لكن الشركه لأ .

فتون : بعدم فهم . مش فاهمه ازاى ؟

سليم : كان هيصدها وميردش عليها . لكن هو مش عايز النقاش يخلص . وقال . انا هشتغل وانا ف البيت هنا .. يعنى هتابع كل حاجه وانا ف مكانى ..

فتون : ممكن اعتبر النقاش ده من ضمن الجلسه . وأسألك ليه ؟

سليم : اتنهد بتعب طبعا ممكن.. وليه دى بقى ؟ ف اكيد انتى فاهمه انا اقصد ايه ؟

فتون : اممم واضح إن الشغف عندك لسه ضعيف جدا . وقالت بتفكير .. طيب انت عندك لاب توب ؟

سليم : مط شفايفه . وقال بعدم فهم . لاب توب ؟ ايوه عندى بس ليه؟

فتون : هتعرف دلوقتي وقامت وقفت . ممكن بقى ندخل جوه ف المكتب وهخليك تتفرج ع حاجه ف اللاب ؟

سليم : بهزار . انتى الكلام بيقع منك ع فكره . ههههههه . انا اعمى ولا نسيتى ..

فتون : ههههه لا الكلام بيطلع منى عارف هو رايح فين .

.وياريت بسرعه تقنع نفسك انك بتشوف ! . البصر معتمد ع البصيره الل عندك . وانت بتشوف بقلبك ... تقدر تقولى قلبك شايف ايه دلوقتي ؟

سليم : ابتسم بتعجب ..وقال عندك قوه رهيبه بجد بتبهرينى بردود أفعالك . عندك مبرر لكل كلمه .

فتون : ههههه اهم حاجه المبرر ده تكون انت مقتنع بيه . ومجاوبتش ع سؤالى ع فكره ؟

سليم : هرب من السؤال اول مره . لكن قام وقف وقال بتوتر . سؤال ايه؟

فتون : سؤال إنك . تقولى قلبك شايف ايه دلوقتي ومتنساش تغمض عينيك زى ما اتفقنا قبل كدا ؟

سليم : اتنهد واستسلم لسؤالها . وغمض عينيه . وبيفكر ايه الل قلبى شايفه .. واتفاجئ بإنه بيتخيل شكل فتون . وسرح ف انه يوصفها لنفسه .

فتون : سرحت ف ملامحه وهو مغمض عينيه . وراسها نزلت ع جمب . وقالت بحب تقدر توصف . انت حاسس بإيه وانت مغمض عينيك ؟ ولو شايف حاجه اتكلم ..

سليم : قال جواه ..

يَا رَبُّ نِصفِي بَعِيدٌ لَستُ أُبصِرُهُ

وَلَستُ أَدرِي مَتَى الأَيَّامُ تُحضِرُهُ

أَنتَ الَّذِي إِن رَأَى المَكلُومَ مُنكَسِرًا

آوَى إِلَيهِ الَّذِي بِالوَصلِ يُجبُرُه ..

فتون : فاقت من سرحانها . وشافت إن سليم لسه مغمض عينيه . وباين عليه أنه سرحان بعمق .. وقالت . احم استاذ سليم ؟

سليم : ...............

فتون : استاذ سليم حضرتك سامعنى ؟

سليم : انتبه . وفاق وفتح عينيه . واتنهد تنهيده بوجع كبير . دخلت لقلب فتون .. وقال انا بعتذر سرحت شويه ..

فتون : شافت ف ملامحه احباط . ومحبتش تضغط عليه ف إجابة السؤال . وقالت لا عادى كلنا بنسرح . . احم . نروح ع المكتب ؟

سليم : هز راسه . ماشي اتفضلى ..

فتون : شالت الشنطه . وشالت الاوراق . واتحركت وماشيه جمب سليم..

سليم : حط ايديه الاتنين ف جيبه وماشي . وحاسس أنه مُحبط جدا .ولكن حاسة السمع عندو ميزت خطوات فتون . وسليم حفظها.

فتون : ماشيه . وزعلانه علشانه . ومش عارفه تخرجه من الل هو فيه ده ازاى ؟ وفونها رن .. وكانت ماسكه اوراق ومش عارفه تطلع الفون من شنطتها ..

سليم : انسه فتون. فونك بيرن ...

فتون : بحيره . ايوه لكن مش عارفه اطلع الفون من الشنطه لانى معايه اوراق كتيره ..

سليم : تمام . هاتيهم وانتى ردى . وطلع ايديه من جيبه . ومد ايديه ليها ..

فتون : انا متشكره لحضرتك جدا . ومدت أيدها وبتحط الاوراق . وأيديهم الاتنين لمست ايدين بعض . وإحساس جديد مختلف عن كل مره اتولد بينهم .. واتوترت وسحبت أيدها . احم ..

سليم : من جواه حب لمسة ايديها . لكن اتنهد بيأس وسكت . ومسك الاوراق ..

فتون : طلعت الفون بتوتر . وكانت الرنه فصلت . وبتكلم نفسها وقالت بعفويه . دي بطه. اتصل ولا انتي هتتصلي تانى يابطتى ؟

سليم : ابتسم وقال بطه ؟

فتون : بحرج . دى والدتى وبصراحه انا بحب اناديها بطه ..

سليم : ابتسم وهز راسه جميل .

فتون : قالت اهي بتتصل تانى ثوانى هرد عليها ..

سليم : تمام اتفضلى ..

فتون : بعدت خطوتين . وردت . الو ايوه يابطه احم قصدى ياماما ..

سليم : بيضحك بصمت ..ع كسوفها .

فاطمه : اذيك ياقلب أمك . مالك يابت ماما وبطه مره واحده هههههه .

فتون : ههههه عادى بقى . المهم انا الحمدلله بخير انتى عامله ايه دلوقتى؟

فاطمه : نحمد الله ياضنايا . ايه ياتونه انتى هتتاخرى اكتر من كده ؟

فتون : بصوت مهموس . لكن سليم مركز اوى مع صوتها وسامع .

. منا قولتلك يا بطه انى هتاخر انهردا . هي البت منه بنت عمى زينهم جابتلك السمك ؟

فاطمه : اه ياضنايا منحرمش منك ياقلب أمك . جابتو واتغدينا سوا انا وهي . ويكتر خيرها غسلت المواعين . واحلف عليها بس هي راسها ناشفه وقالت والله ابدا ياخالتى أم فتون . انا هشطب المطبخ وامشي . وخلصت وجوزها اتصل عليها . ولسه نازله حالا اهي ..

فتون : طيب يابطه بالف هنا وعافيه ياحبيبتى . انا قدامى حوالى ساعه كمان هخلص الجلسه وارجع ع البيت ..

فاطمه : ومالو ياضنايا . بس قوليلى صح انتى خدتى المضاد الحيوي . ولا نسيتيه زى عادتك ..

فتون : اوبس . نسيته طبعا هههههه . انا هاخد كبسوله دلوقتي . متقلقيش عليا ..

فاطمه : ولو مقلقتش ع نور عيني هقلق ع مين . وايه صوت الهوا ده ؟ انتى ع السطوح يابت ؟ هههه

فتون : ههههه سطوح ايه بس يابطه . انا ف جنينة الفيلا مع الاستاذ سليم . لزوم الشغل وكدا ..

فاطمه : ياحبيبى يبنى . ربنا يشفيه ويعافيه يارب . سلميلى عليه ياتونا يكرمك يارب ..

فتون : بحرج .احم ماشي ياحبيبتى يوصل ..

فاطمه : وقوليله خالتك فاطمه بتدعيلك ف صلاتها . قادر وكريم يرفع عنه الغُمه .

فتون : ضغطت ع أسنانها بحرج . خالتك فاطمه ؟ ماشي ياحبيبتى انا هبلغه كل حاجه حاضر ..

فاطمه : اله ماتقوليله يابت . انتى ملبوخه كدا ليه ؟

فتون : بدهشه نهارح اسوح ملبوخه .. ماشي ياماما حاضر هقوله .. وبصت ع سليم وقربت خطوتين .

سليم : ضحك من قلبه بصمت . ع ردود فعل فتون . وخصوصاً لما سمع . نهار اسوح ملبوخه .. لكن سكت لانه عارف انها هتكلمه ..

فتون : وشها احمر جدا .. احم ماما .. ماما بتسلم عليك ..

سليم : ههههه . بطه بقى ولا ايه ؟

فتون : ضحكت . هههههه ايوه فعلا بطه بتسلم عليك ..

سليم : ابتسم وهز راسه ليها . الله يسلمها . سلميلى عليها كتير ..

فاطمه : سمعت صوته. وقالت ياضنايا يبنى . انت لسه صغير ع البهدله دى . بت يافتون قوليله خالتك فاطمه بتدعيلك ف صلاتها .

فتون : قالت جواها انتى مفكراه من الحاره يما . احم . ماما بتقولى . اقولك .....وسكتت لان سليم قاطعها

سليم : بهزار . ممكن تقولى انا ع طول ع فكره .

فتون : بدهشه انت عايز تكلم طماطم ؟ احم قصدى امى ؟ قصدى.....

سليم : ضحك ع لخبطتها . هاتى اسلم عليها بنفسي ..

فتون : وشها جمرة نار . وقالت استر يارب . احم ماما الاستاذ سليم هيكلمك ..

فاطمه : ومالو هاتى يابت ..

فتون : صكت ع أسنانها بغيظ مكبت . وقالت بصوت مهموس . ياماما انا مُدرسه . حرام عليكى ..

سليم : ابتسم . ومد ايدو . ممكن ؟

فتون : بحرج اه اه . طبعا اتفضل ماما معاك ..

سليم : اخد الفون .. مساء الخير ..

فاطمه : ابتسمت بحب . مساء الورد يااستاذ سليم . الف الف مليون سلامه عليك ياضنايا .

سليم : ابتسم . الله يسلمك ياست الكل . انتى اخبارك ايه ؟

فاطمه : بحب . انا الحمدلله والشكر لله كويسه وزى الفل .

.والله ياسليم يبنى . اقدر اقولك سليم وابنى حاف كدا ولا فيها احراج ..؟

سليم : ابتسم بحب . ياست الكل. انتى تقولى الل انتى عايزاه . ومفيهاش احراج ولا حاجه

فتون : واقفه وبصت ع سليم بيهام . وبتاخد اسكرين لابتسامته .. وملامحه ..

فاطمه : بعفويه .شاله يخليك يابنى ويبارك ف عمرك ع زوقك ده . والله الست فريده لما شرفتنى هنا . مكنش ليها سيره غيرك انت وبالطيب طبعا . وامك ست الحبايب انا والله حبتها اوى ودخلت ع قلبى ع طول . هي وخالد الل زى العسل ده . ربنا يصلح حالهم وحالك يارب . وقعدتهم كانت زى السكر . وياريت يبنى تكرروها وتكون انت معاهم وتشرفنى. الدنيا تنور والله .انت زى ابنى الل مخلفتوش.

سليم : ابتسم . انا بشكرك جدا ... واكيد هزورك قُريب .. وتسمحيلى بقى . زي ما انتى اعتبرتى انى ابنك . تسمحيلى اقولك يابطه . ههههه ولا فيها زعل ؟.

فاطمه : ههههه . ومالو ياضنايا . قول زى ما تحب .وربنا مايجيب زعل ابدا .. المهم البت فتون عامله معاك ايه ؟ اوعى تكون بضايقك ..؟

سليم : ضحك ههههه . وقال لا متقلقيش كل حاجه تمام . وبجد انا مبسوط جدا انى اتكلمت مع حضرتك ..

فاطمه : والله انا الل اتبسطت اكتر . الهي يسترك يبنى تفكر البت فتون بنتى تاخد الدوا بتاعها اصل معادو عدا . اصلها ع طول ناسيه نفسها ومتفكرش ف نفسها ابدا . معلش هى زى اختك بردو ..

سليم : بعدم فهم . لكن قال بطريقه غير مباشره . ماشي ياست الكل لكن ممكن اعرف هو لايه ؟ ولا فيها احراج ؟

فاطمه : ولا احراج ولا حاجه . ده كبسولات مضاد حيوي . عشان الجرح الل ف رجلها .

سليم : اتنهد باريحيه . خلاص ومتقلقيش انتى وكل حاجه هتبقى تمام . وانا هخليها تاخد العلاج حالا ..

فتون : فتحت عينيها بدهشه . وقالت جواها . يادى الكسفه . متبقاش فاطمه لو معملتش كدا . شردتينى يما ... ماااشي . ماااشي يابطه.

فاطمه : تسلم وتعيش يبنى . وربنا يتم شفاك ع خير . اسيبكو انا بقى علشان اصلى العصر . مع السلامه ..

سليم : اتفضلى . مع السلامه . وقفلو ..

فتون : اخدت الفون بحرج كبير . وسكتت .. وماشيين ف اتجاه الفيلا ..

سليم : ابتسم لانه حس بيها . وقال جميله اوى بطه . ربنا يخليهالك ..

فتون : ابتسمت بحب . متشكرا جدا .انا بعتذر . بس امى هي عيشريه جدا وبتحب كل الناس وبتاخد عليهم بسرعه ..

سليم : وايه سبب اعتذارك . بالعكس انا مبسوط جدا انى اتكلمت معاها . نادر لما تلاقى ناس بالصفاء ده . وكفايه إن كلامها طالع من القلب ..

فتون : ابتسمت بفخر . فعلا ماما طيبه وصافيه جدا .. وهي اهم حاجه عندى .

سليم : خلى بالك قدامك حجر كبير ..

فتون : ماشيه ومنتبهه مع سليم . وبصت قدامها بالظبط وشافت الحجر وكانت هتخبط فيه . ووقفت بسرعه وبصت ع سليم بدهشه .

سليم : ههههه مالك بتبصيلى كدا ليه . مش انتى ع يقين انى بشوف .. ؟

فتون : بتوهان . ها . اه احم ايوه فعلا ..

ودخلو الفيلا .. ورايحين ع المكتب ..

سليم : نده ع عزيزه .

عزيزه : جت بسرعه افندم ياسليم بيه؟

سليم : كوباية ميا . وعصير فريش حالا . وهاتيه ع المكتب ..

عزيزه : حالا يافندم . واتحركت بسرعه ..

سليم : عزيزه .. فريده فين ؟

عزيزه : وقفت . وقالت فريده هانم بتصلى العصر ..

سليم : تمام . روحي هاتى الل قولتلك عليه . وفتح باب المكتب وقال ل فتون .اتفضلى ..

فتون : بحرج . شكرا. ودخلت المكتب وقعدت ع طرف الكرسي بحرج ..

سليم : دخل . وساب الباب مفتوح بسيط . وقال ثوانى .. وراح ع المكتب . يجيب اللاب توب ..

فتون : بحيره . تؤ انا عايزه اتوضي واصلى العصر .. اعمل ايه ؟

سليم : جاب اللاب توب . وراح قعد ع الكرسي قصادها . وقال . اتفضلى اللاب توب ..

فتون : احم . طيب ممكن تشغله . لانى مش اوى فيه .او ممكن تعلمنى افتحه ازاى ..

سليم : تمام . انا هقولك تعملى ايه بالظبط ..

عزيزه : خبطت ودخلت . اتفضل العصير ياسليم بيه ..

سليم : حطيه ع المكتب . وروحي انتى ياعزيزه .

عزيزه : تحت امرك يا فندم . وحطت الصينيه وخرجت ..

سليم : رفع ايدو للصينيه . ومسك كاس العصير . وسابه . وبعدها مسك كوباية الميا . واخدها وقال ل فتون . اتفضلى ..

فتون : احم شكرا بس انا مش عطشانه ..

سليم : انا عارف . بس ف انتبيوتك معاده فات وانتى نسيتيه . وده اول طلب ووصايا . من بطه واستحاله اقولها لأ . ولا ايه ؟

فتون : قلبها دق بقوه رهيبه . ع اهتمامه . وشها كان كتلة طماطم . وقالت ايوه ثوانى . وفتحت الشنطه بحرج وحاسه إن سليم فعلا شايفها . وجابت العلاج . واخدت الكبسوله . واخدت منه كوباية الميا برجفه . وشربت بتوتر . وحاسه إن الكوبايه هتقع منها .. وقالت بصوت مبحوح . انا متشكره اوى ..

سليم : حاسس بيها .. و بياخد اسكرين لكل نفس متوتر منها. واتأكد إن فتون متغيره عن قبل . ومتوتره اكتر من قبل . واتنهد بحب . العفو . اتفضلى العصير ..

فتون : برفض . لا شكرا . بس انا عايزه اطلب من حضرتك طلب ..

سليم : حط كوباية العصير . وقال اتفضلى طلب ايه ؟

فتون : بصراحه قبل ما ابدء تكملة الجلسه . انا عايزه اصلى العصر . لكن مش عارفه اصلى فين ؟

سليم : ابتسم بحب . بس كدا . ثوانى . ونده ع عزيزه ..

عزيزه : افندم ياسليم بيه ؟

سليم : خدى الانسه فتون . وطلعيها ووصليها لحد اوضة فريده . تصلى العصر .

عزيزه : ابتسمت . تحت امرك ياسليم بيه . وبصت ل فتون . اتفضلى معايه حضرتك ..

فتون : بصت ل سليم انا بشكرك جدا . و قامت بحرج كبير . وسابت الشنطه والأوراق . وقامت . احم بعد اذنك يا استاذ سليم . وخرجت . وطالعه ع السلم لاول مره بانبهار ممزوج بخوف وتوتر .. لحد ماوصلو اوضة فريده .. وفتون مبهوره بالديكور . وقالت . بسم الله ماشاء الله . ربنا يزيد ويبارك مشاء الله اللهم لا حسد .

عزيزه : سمعتها وابتسمت . وخبطت ع باب الاوضه ..

فريده : بتسبح بعد الصلاه . ادخلى ياعزيزه ..

عزيزه : دخلت . وبلغتها وفريده فرحت اوى . وقامت واخدت فتون من أيدها ورحبت بيها اوى . وشافت توتر فتون . ووشها الاحمر اوى . وفتون اتوضت ولبست إسدال من عند فريده . وصلت العصر ..

----------------------بقلمى مريم نصار

سليم : قاعد ف المكتب . وفتح اللاب توب وزهقان . وحاسس أنه ف غيابها الشويه دول . حس بفرق كبير جدا .وإن وجودها وكلامها معاه بيعدى الوقت ف ثوانى . وبيكون مبسوط ومش عاريز الوقت يخلص .ورغم أنها متاخرتش غير حوالى ربع ساعه . إلا أنه حس انها بقالها وقت كبير جدا .. وابتسم بحب لما سمع خطواتها . واتأكد انها هي .وقفل اللاب.

فتون : خلصت صلاه . وشكرت فريده . ونزلت . وحست بفرق كبير . مابين كلامها مع فريده . وسليم . والوقت مع سليم مميز جدا . وقربت من المكتب . وخبطت . ودخلت . اسفه اتاخرت ..

سليم : هز راسه وابتسم بتمثيل . لا ابدا متاخرتيش ولا حاجه ..

فتون : تمام . جاهز تعلمنى افتح اللاب توب ؟

سليم : تمام . بصي ركزى معايا . وشرحلها ازاى تفتح اللاب توب .. لانه عايزها هي تتعلم .

فتون : سمعت لشرحه بتركيز . وفتحت اللاب . ودخلت ع اليوتيوب . وقالت دلوقتي حضرتك . كل ما تفكر ف إنك مش هتقدر تعمل حاجه ف حياتك . وكمان تتابع شغلك ف البيت . لازم تسمع الفيديو ده لانه هيحفزك ديما . ويخلى عندك اراده ترجع شركتك وحالا كمان ..

سليم : بعدم فهم .. فيديو ايه ؟

فتون : ده فيديو كرة قدم . للمكفوفين . واسمها كرة قدم الجرس .وشغلت الفيديو .. سامع صوت مش كدا . ؟

سليم : بدهشه . ايوه سامع صوت . بس ده صوت ايه ؟ وازاى انا اقدر العب كوره . انتى بتهزرى مش كدا .؟

فتون : لا طبعا مش بهزر . ف العاب رياضيه كتير وممكن انت تمارسها ..

سليم : بتعجب . فتون انتى بتتكلمى جد ؟

فتون : قلبها دق .

سليم : احم انا اسف . انا قولت اسمك من غير تكليف انا بس استغربت من كلامك مش اكتر وعلشان كده اندفعت وا.....

فتون : قاطعته . ولا يهمك .. وعادى جدا . وقولى فتون بعد كده . مفيش اى مشكله وجواها فرحان..

سليم : يعنى انتي مش هتضايقى لو مقولتش القاب ؟

فتون : بعفويه لا خالص . قولى فتون عادى ..

سليم : هز راسه . تمام ..

فتون : احم . ف العاب رياضيه كتير . زي جمباز .. وسباحه ..واثقال ..وكرة قدم . دى الرياضه المسموح بيها انك تمارسها . وياريت لو تحاول .

المهم رياضة كرة القدم دى . عباره عن كوره . وفيها جرس . ولان حاسة السمع اقوى . ف اللعبه دى بتتركز ع السمع . وبتكون ممتعه جدا .

فتون : بدءت تشرح بكل تركيز . وبعد حوالى نص ساعه من الشرح . وفتون سمعته اكتر من فيديو .. سليم اقتنع تماما بكلامها .

وفون فتون رن .. وكان حسين ..

فتون : قالت ل سليم ثوانى . وردت . ايوه يا حسين ؟

سليم : طبعا أول ما سمع اسم حسين . اتخنق جداااااا .

فتون : لا انا خلصت خلاص . ايوه تمام . لالا انت اتصلت ف ميعادك بالظبط ..

سليم : بيسمع وصك ع اسنانه بغيظ مكبت . وساكت .

فتون : يعنى قدامك ١٠ دقايق .. خلاص تمام اوى انت تعالى. وانا اكون جهزت حاجتى واطلعلك ع طول . ماشي . يلا مع السلامه .. وقفلو ..

سليم : بيحرك صوابع ايدو بتوتر ع طرف المكتب .

وفتون مش فاهمه سبب تغيرو المفاجئ ده .. ولكن قالت .وهي بتلم حاجتها ف الشنطه .

.

. احم تمام كدا يا استاذ سليم . احنا خلصنا اكتر من جلسه انهارده ف يوم واحد . وياريت متنساش تكتب اسمك وكاملا 50 مره زى ما اتفقنا .. وانا بستاذن منك لانى اتاخرت ويدوبك لازم امشي . وجواها رافض انها تمشي .

سليم : نفخ بديق مكبت . وهز راسه ومتكلمش .

فتون : بعدم فهم من تصرفه . وزعلت لانها مش جايه بكره .. وقالت . استاذن انا . واتحركت خطوه ..

سليم : ف اللاوعى . هو مين حسين ده ؟

فتون : لفت ضهرها ليه . وبتعجب قالت نعم ؟ ليه ؟

سليم : صك ع اسنانه بغيظ مكبت ولعن نفسه . وقال بتمثيل . ابدا مجرد سؤال . اصل فريده قالت انك معندكيش اخ . ف اكيد ده خطيبك مش كدا ؟

فتون : برفض قاطع . لأ لأ خطيبى ايه ؟ لأ ده واحد جارنا وعارفاه كويس اوى . وخاطب وعندو تاكسي شغال عليه . ف اتفقت معاه انه يجبنى هنا ويرجع ياخدنى . انا بتهايلى اديتلك خليفه عن الموضوع ده ..

سليم : قلبه دق بسعاده كبيره . وابتسم بحب كبير . وقال والله يعنى حسين ده خاطب ؟ قصدى تمام تمام . احم وكويس إنك بتروحي مع حد تعرفيه . امان بردو . وا .. وامسكى بقى اشربى العصير ده . ولا هتزعلى عزيزه منك . ههههه ..

فتون : حست ببلاها . ومش فاهمه حاجه . لكن لما شافت ضحكته نسيت كل حاجه . واخدت كوباية العصير بحرج . وشربت شويه صغيره . واستاذنت وخرجت ..

سليم : واقف في نص الاوضه . وحاسس بسعاده كبيره وهرش ف قفاه . لانه مستغرب نفسه . وليه هو مبسوط كدا ..

فتون : خرجت من المكتب . وفريده اتحايلت عليها كتير تقعد تتغدا معاهم . لكن فتون رفضت بشده وكانت مكسوفه اوى .

.وخرجت من الفيلا . وهي مبسوطه جدااا . ومش عارفه ايه السبب في كل الأمل والتفاؤل الل جواها ده ..

----------------------بقلمى مريم نصار

تانى يوم .. الصبح

فتون : وفاطمه راحو السبوع عند عصام ومعاهم سحر وسميره .

فتون : بعد العصر بعد شغل ومساعده كتير .. لاحظت نظرات سحر ليها وأنها مش طايقاها .

..

سحر : عامله فونها هزاز . وكل شويه تفتح تكلم حسن شات ع النت ..

محمد : قاعد مع عصام والرجاله ف شقه جمب شقة عصام وعاملين فيها العقيقه . والكل مبسوط ..

سميره : شايله حفيدها . وكل شويه تبص لفتون ومتغاظه منها . وعايزه فتون تختفى من قدامها بأى طريقه

سحر : فونها رن وكان حسن . قامت وقالت . ماما أنا هدخل اوضة الاطفال اريح فيها شويه علشان حاسه تعبانه شويه ..

سميره : وماله يقلب امك خشي ارتاحى ياحبيبتى .

سحر : اتحركت وبصت ع فتون بكرهه واضح اووووى .. ودخلت الاوضه وقفلت الباب . وردت ع حسن وبتتكلم معاه..

فتون : قاعده جمب مرات عصام . وبيهزرو مع بعض . وقدمت ليها ظرف الف مبروك ياحبيبتى . يتربى ف عزك ..

زينه : الله يبارك فيكي يافتون . وايه ده بقى ؟ عيب يافتون الل انتى بتعمليه ده ؟ كفايه الغدا الل خالتى فاطمه بعتتهولى اول امبارح ..

فتون : ههههه انا ماليش دعوه ب فطوم . وبعدين دى حاجه بسيطه ل زيزو حبيب خالته فتون. امسكى بس ..

زينه : طبطبت ع ايديها تسلمى يافتون يارب عقبالك كدا افرح بيكى ..

فتون : ربنا يكرمك وإن شاء الله كله خير ..

ست كبيره . جت عليهم وسلمت ع زينه . الف مبروك يام زياد . انا هروح بقى احسن ابو وليد زمانه رجع من المحل ..

زينه : الله يبارك فيكي ياخالتى أم وليد . طيب استنى شويه بس اجيب السبوع عشان عيالك . مريم نصار

.وبصت ل فتون . معلش يافتون هتعبك معايا . عايزاكى تجيبيلى كيسه فيها اكياس سبوع من الل انتى مجهزاها الصبح دى . هتلاقيها ف اوضة الاطفال جمب الدولاب ..

فتون : تعبك راحه ياحبيبتى .. وقامت ثوانى

. واتحركت وفتحت باب الاوضه وشافت سحر بتتكلم ف الفون .

سحر : زعقت بغيظ . انتى مش تخبطى الاول .؟

فتون : .معلش ياسحر انا معرفش انك هنا ..

سحر : قفلت ف وش حسن . ورمت الفون ع السرير . وقالت بغيظ . لا انتى قصداها و داخله علشان تسمعى انا بقول ايه ؟ ماهو ده طبعك ..

فتون : بعدم فهم . قصده ايه ؟ واسمع ايه؟ وماله طبعى إن شاء الله ؟ اهدى ياسحر انا ملاحظه تغييرك عليا من الصبح . بس انا مش هعاتبك انتى اختى الصغيره .

سحر : بكره واضح . اختتتتك؟ . وصرخت ف وشها بطللللى بقى . بطلى تمثيل انتى السبب في كل حاجه بتحصلى .

فتون : بدهشه !! انا .!؟ انا السبب في ايه وانتى بتتكلمى معايه كدا ليه ؟

سحر : بتكلم لانى انا بكرهك . بكرررررهك يافتون فااااهمه ..

فتون : بصدمه ووجع كبير متدارى . ابتسمت. بتمثيل طيب بتكرهينى ليه ياسحر ؟ عملتلك ايه علشان تكرهينى ؟

سحر : زعقت حجات كتيررر اوى يافتون هانم .. بكرررهك علشان ابويا بيحبك اكتر منى .

. بكرهك علشان الحاره كلها مش شايفين غير فتون وبس .

. بكرهك علشان ديما بتكسبى ف كل حاجه .

بكرهك علشان انتى عايشه دور المظلومه .

ودلوقتي حسن سابك واتقدملى وابويا رفضه علشان خاطرك انتى !! علشانك انتى ابويا مستعد يرفض سعادة بنته . مستعد يضرب بنته بس فتون متزعلش .

. مستعد يخسر بنته الوحيده بس مايخسرش فتون .

انا بحب حسن يافتون . وبسببك هعيش حياتي تعيسه . بسببك انتى . انتى وبس فاهمه .اناااااا بكررررههههههك يافتوووون بكرررههههك انتى طول عمرك العقبه الل ف حياتى .

. ابعدى بقى عنى ابعددددى عن حياتى . امتى ابويا هيعرفك ع حقيقتك امتى ابويا هيحب بنته اكتر منك انتى .

. ابويا مسالنيش انتى عايزه حسن ولا لأ . لاااا ابويا رفضه ع طول علشان خاطرك . وشايفنى بموت كل يوم وانا ولا فارقه معاه . ابويا بيزلنى عشان خاطرك انتى . انا سعات بقول لنفسي إنك بنته وانا الغريبه .. اناااا بكرهك . بكررررهك .

فتون : عينيها مفتوحه ع الاخر بصدمه كبيره . ودموعها بتهدد بالنزول . من كلام سحر . ومش مصدقه إن كل الكره ده جوه قلب سحر ليها ..

. ولسانها اتلجم وساكته ومش عارفه ترد . كل الل عملته إن فتون ابتسمت برعشه . ومسحت دموعها . وقالت بصوت مبحوح وموجوع . ابدا ياسحر انتى غلطانه . مفيش اب هيحب حد اكتر من عياله . وخصوصاً عم محمد . وابتسمت بوجع .

.ده بيحبك اوى ياهبله انتى . ده بيتمنالك كل حاجه حلوه . مسحت دموعها عم محمد بيعاملنى زى بنته علشان انا بنت صاحبه مش اكتر !! ومسكت دراع سحر . انتى بس الل شايفه كده ..

سحر : شدت أيدها بنرفزه. ومردتش عليها ..

فتون : قلبها بيدق بوجع كبير . وقالت متقلقيش ياسحر . لو انا العقبه ف جوازك من حسن متقلقيش وانا هحاول إن شاء الله .

سحر : بكرهه واضح انتى ابعدى عنى وعن أبويا وكل حاجه هتكون زى ما انا عايزه . انتى اكتر حد بكرهه يافتون فاااااهمه . وسابت فتون وخرجت بغضب ...

فتون : قعدت ع السرير بزهول . وعينيها مفتوحه ع الآخر بصدمه وبتروح يمين وشمال .

بعد شويه ..

فتون : خرجت بسرعه من الاوضه . وبصت كتير ل سحر بصدمه . وسابتهم وخرجت بسرعه وراحت عند باب الشقه التانيه . وبصت ل عمها محمد . ممكن تيجى معايه شويه ياعم محمد .؟

محمد : قام وراح عندها . خير يافتون واجى معاكى فين ؟

فتون : ابتسمت بوجع معلش . انا عارفه انى هتعبك تعالى معايه هنروح الورشه وهنتكلم ع رواق ..

محمد : بعدم فهم الورشه؟ بس الورشه مقفوله ومفيهاش حد . خير يابنتى قلقتينى ووشك مخطوف كدا ليه حصل حاجه معاكى ؟

فتون : معلش ياعم محمد عايزه اتكلم معاك شويه لوحدنا الله يخليك تعالى معايه نص ساعه وارجع تانى ..

محمد : طيب يابنتى زى ما تحبى تعالى . واخدها ونزل ..

فتون : طول الطريق مصدومه ومش مصدقه الل حصل .

وصلو الورشه . ومحمد قاعد ع الكرسي . وقال ها يابنتى كنتى عايزه ايه ؟

فتون :واقفه وبتترعش لكن حاولت تكون ثابته . وقالت عم محمد انا ليه طلب عندك وياريت توافق عليه ..

محمد : بحيره . قولى يابنتى طلب ايه شغلتى بالى.

فتون : بترجي . وافق ع جوازة حسن من سحر .

محمد : اتصدم .وقام وقف وزعق بصوته كله انتى بتقولى ايييه يافتوون انتى اتجننتى ..!

فتون : وقفت قدامه .وقالت بدموع لا يعم محمد انا مجننتش ولا حاجه . بس انت لازم توافق ع حسن .

محمد : هيتكلم .. ....

فتون : قاطعته .. اسمعنى ياعم محمد وسبنى اتكلم الله يخليك . حسن انا مبحبوش صدقنى . وبصراحه انا السبب ف انه يسبنى .

محمد : بصدمه . انتى بتقولى ايه يافتوون؟ انتى السبب ازاى ؟

فتون : بوجع . ايوه انا ياعم محمد . ايه غريبه يعنى .؟

.بصراحه انا حسيت اني مبحبش حسن وهظلمه معايه . وكمان حسن غلبان ومش زنبه أنى اعيش معاه انا وامى ويصرف عليا وعليها .

. وانا بصراحه اخر فتره عاملت حسن وحش جدا . واثبتله انى مبحبوش بأسلوبى وكلامى ليه لانى كنت تعبانه نفسيا.

. وهو كاراجل مستحملتش وكتر خيره بعتلى الدبله ورفض أنه يقول السبب للناس . وجابها فيه هو .

. حسن كويس اوى ياعم محمد . وعايز يكمل نص دينه بالحلال . واتصدم فيا . وشاف إن انسب واحده تكون مراته هي سحر بنت الشيخ محمد وهي مؤدبه ومحترمه ومتربيه . يعنى ١٠٠ واحد زي حسن وغيرو يتمنو بس ضفر سحر . الله يخليك ياعم محمد وافق ع حسن .

محمد : بشك انتى بتكدبى عليا يافتون ؟

فتون : بصت ف عينيه بدموع ابدا ياعم ولو عايزنى احلف انى مبكدبش عليك . طيب قولى انا هستفاد ايه لما اكدب ؟

محمد : بصلها بشرز وقال هي ام عصام وسحر كلموكى ف حاجه؟

فتون : ابتسمت بتمثيل . بصراحه والحق يتقال سحر كانت قاعده وباين عليها الزعل . وانا فضلت اسألها والح عليها . لحد ما قالت . ان حسن اتقدم وانت رفضت .

.وحسيت إن سحر هتتظلم بسببى .

. عم محمد انا عايزه اقولك انى والله العظيم مابحب حسن . ورحمة اخوك مهران . توافق ع الجوازه دى . علشان محسش بالزنب الله يخليك وافق ..

محمد : بص ل فتون . طيب وأهل الحاره ؟ ده الناس تاكل وشي . انتى ازاى بتطلبى منى طلب يصغرنى قدام نفسي قبل الناس .

فتون : الزمن اتغير ياعم محمد . ومحدش بقى بيهتم برأي الناس .

. ودلوقتي الواحد بيبقى خاطب واحده ويسيبها ويخطب اختها .

.دلوقتي كل واحد بيعمل الل يريح قلبه والل فيه المصلحه .

.ومدام حسن احنا عارفينه كويس ومحترم وعارفين أصله . وسحر متربيه . يبقى هتلاقى لسحر عريس احسن من كده فين ؟

.الله يريح قلبك ريح قلبى ووافق انا لايمكن اتحمل زنب انى اوقف جوازه . او أتعس قلب اختى الصغيره . مش انا بنتك الكبيره بردو . بقولك اهو انا موافقه ع حسن انه يتجوز سحر .

.ومش بس كده انا هطلع من هنا دلوقتي ع بيت عم منصور . وافهمهم الل حصل . وهينزلو ويطلبو ايد سحر بنفسهم . قولت ايه ؟

محمد : واقف ومش عارف يرد عليها . يصدقها ولا لأ ؟ طيب فتون صريحه ديما ؟ طيب معقول هي الل سابت حسن ؟ لأ انا مش مقتنع .!

فتون : شافته سرحان . وقربت منه بترجى وقالت . عم محمد زي ما بتفكر فيا ويهمك سعادتى . لازم تفكر ف سعادة سحر . سحر بنتك الحقيقيه . بنتك من صلبك . وأولى منى ف انك تفكر في سعادتها . وقالت بتمثيل وانا خلاص قُريب جدا هيجلى عريس وانا موافقه عليه ..

محمد : بيسمع فتون واقتنع بأنه لازم يفكر في سعادة بنته .

وكمان قال سحر شايفه انى بكرهها وده واجع قلبى اوى . طيب فتون معندهاش اعتراض ومش زعلانه وده الل كان يهمنى انى مكونش جاى عليها ولا ظالمها . وبعدها بدهشه بص لفتون وقال ايه؟ انتى هيجيلك عريس بجد ؟

فتون : ابتسمت بدموع . ايوه بس مش هقولك اى حاجه دلوقتي دارى ع شمعتك تقيد ههههههه . ها يعم محمد قولت ايه موافق ع حسن انه يتجوز سحر .وتفرح قلب بنتك الوحيده ..؟

محمد : أتأثر وافتكر وهو بيضرب سحر . وكلامها ف انها شايفه انه بيكرهها . واستسلم وقال ل فتون لله الامر من قبل ومن بعد . واتنهد ماشي يافتون يابنتى . مدام انتى مش زعلانه وده الل يهمنى يبقى خلاص . موافق وع بركة الله ..

فتون : ابتسمت بتعب . بجد ياعم محمد . قول والله إنك موافق .

محمد : اتنهد بتعب . انا منكرش انى جيت ع بنتى سحر الفتره الل فاتت . وكمان اذيتها بايدى دى .. بس ده لمصلحتها . ياريت تعرف كدا . ومدام يابنتى انتى مش زعلانه . ف انا هوافق عشان خاطر بنتى . منا لازم اثبتلها انى معنديش غيرها . بس انتى يافتون يابنتى غلاوتك عندى حاجه تانيه . بنت سندال . وانا متأكد أنك عملتى كدا لسبب . لكن المهم انك تكونى مبسوطه . واختك سحر كمان ..

فتون : لفت ضهرها ليه . وقالت بانهيار . والله ابدا ياعم محمد . مفيش سبب ولا حاجه ومسحت دموعها وضحكت بتمثيل . ولفت وقالت . المهم بقى بالمناسبه الحلوه دي . انا هروح دلوقتي واتكلم مع خالتى ام حسن . وهي هتقول لعمي منصور . وربنا يتمم بخير . ههههههه دي سحر هتفرح اوى . ويسلام بقى لو نكتب الكتاب ع طول . الواحد عايز يفرح .

محمد : ابتسم بحب . ربنا يفرح قلبك وحياتك يافتون يابنتى . انتى وسحر ..

----------------------بقلمى مريم نصار

الساعه ٨ بليل ..

فاطمه . ندهت ع فتون وقالت ليها . انا هروح لخالتك ام عبير بتاعة الجمعيه . عامله عمليه . وواجب ازورها والواد محمود ابن عمك زينهم هيودينى ويجبنى ..

فتون : هزت راسها بوجع متدارى . وقالت ماشي بس خلى بالك من نفسك ..

ف نفس الوقت .

سحر : بفرحه كبيره جدا . حضنت ابوها . انت بتتكلم بجد يابابا ؟.

محمد : ضحك من قلبه لما شاف فرحة ولهفة بنته . وقال شوفو البت مستعجله ازاى ياولاد ؟. ايوه بجد يابنت الشيخ محمد بجد . والحج منصور وحسن . جايين بكره يتقدمو رسمى والف مبروك .

سحر : قلبها هيطلع من مكانه من الفرحه ..

سميره : كانت هتزغرط من الفرحه . لكن محمد شاور ليها لأ . الجيران تقول ايه ؟ اهدى كدا .

سميره : بفرحه . والله انا ممصدقه نفسي ياخويا . يا الف نهار ابيض . الف مبروك ياسحوره . وحضنو بعض ..

سميره : بس قولى ياحج محمد . ايه غير رايك كدا ..؟

. انت كنت مصمم انه لايمكن الجوازه دى تحصل ابدا ..

سحر : انتبهت . وسميره قعدت جمبه ..

محمد : اتنهد بحب . وقال بسبب ربنا اولا ثم فتون ..

سحر وسميره : بصو لبعض بدهشه كبيره . وسميره مش فاهمه .

. لكن سحر بلعت ريقها بتوتر وخافت لاتكون فتون قالت حاجه ..

محمد : تعالى ياسحر يابنتى اقعدى جمبى .

سحر : قعدت بتوتر . نعم يا بابا ..

محمد : فتون بتحبك اوي ياسحر . تعرفى عملت ايه علشان اوافق ؟

سميره : عوجت بوقها وقالت بهمس . جاتها الهم سيرتها تغم . اووف ..

سحر : بخوف . ايه يابابا ؟

محمد : انا هاقولكم الل حصل . وحكى كل حاجه حصلت وقالتها فتون ليه ..

سميره : متنحه وفتحت بوقها ببلاها . ومش مصدقه فتوووون تعمل كدا ..؟

سحر : بصدمه كبيره جدا . وعينيها مفتوحه ع الاخر . وقالت معقول ؟ فتون ؟ فتون بعد كل الل قولته ليها . وكمان الل عملته فيها . تعمل علشانى انا كدا ..؟ وجواها احساس وجع قلبها بتأنيب الضمير . وحست بخوف كبير سيطر عليها ..

محمد : مسد ع شعر سحر بحب وحنان كبير . صدقينى ياسحر يابنتى . فتون بتحبك اوي .

دى عندها استعداد . تيجى بنفسها تطلب ايدك ل حسن . طيب هو ف حب وتضحيه .كدا يابنتى .؟

.

. فتون يتيمه ياسحر حبيها يابنتى . فتون تستاهل إنك تحبيها وتكونو اخوات ف الله .

.انتى لو شوفتى فرحتها قد ايه .لما انا قولتلها موافق . كأن انا جبتلها عريس . كانت فرحتها طالعه من قلبها . حبيها يابنتى . الدنيا مش مستاهله نكره بعض .

سحر : بصت ل ابوها . وبتسمعه . وحست بفرق كبير بينها وبين فتون . واكتشفت اخيرا إن فتون احسن منها بكتير جدا . وقامت وقفت . بابا ينفع اطلع ل فتون ؟

محمد : بسعاده . ومالو يابنتى اطلعى .

سميره : برفض . بسس.....!

محمد : بنظره واحده . خلاها تسكت ومكملتش ..

سحر : لبست الاسدال . وشريط الأذى الل سببته ل فتون بيمر قدامها . وافتكرت علاء وخافت من كل حاجه .

.وفرحتها بخبر موافقة ابوها لحسن اختفت تماما . وخرجت وطالعه وبتفكر هتقول ايه لفتون ؟

فتون : قاعده ف الاوضه . بتعيط بشهقات ووجع كبير جدا . ومبتردش ع حنين ولا فريده الل بيتصلو عليها . ومصدومه . صدمة عمرها . ومش مصدقه الل حصل .

. والباب خبط . ومسحت دموعها . وقامت تفتح . وبصت ل سحر بصدمه كبيره منها .. ودخلت ولفت ضهرها ليها ..

سحر : اتصدمت بدهشه وزعل . لما شافت فتون بالحاله دى . وباين عليها الاسى . وقربت منها . وقالت فتون ا.اناااا..جايه اقولك!...

فتون : لفت ليها بسرعه البرق . وضربتها بالقلم . انتى ارخص واحده شوفتها ف حياتى ياسحر -------