رواية أنا لك أنت الفصل السادس عشر 16 بقلم حبيبة محمد
 |
| رواية أنا لك أنت الفصل السادس عشر 16 بقلم حبيبة محمد |
رواية أنا لك أنت الفصل السادس عشر 16 بقلم حبيبة محمد
جريت وراها وهي بتقولها: ملك؛ استني هنا
ملك اول ما سمعت صوت امها اتنفضت وغمضت عينها وهي بتقول: ماما!
نريمان مسكتها من ايدها بحده وهي بتقولها: اي جايبك الڤيلا؟
عارفه لو اذيتي بنتي بحاجه او ضرتيها هقتلك يا ملك
ملك سكتت ومردتش لأن بعد كلام لمها دا مفيش رد
نريمان شدتها من ودنها وقالتلها: سامعاني؟ ولا اتطرشتي
ملك سابتها ومشيت من غير ما ترد واول ما مشيت عيطت جامد اوي وهي بتقول: استحاله تكون ام
****
دخلت من الڤيلا وهي مهدود حيلها لقت امير وسليم واقفين في الجنينه بيضحكوا مع واحده
ملك خرجت عشان تشوف لقت البنت حاضنه سليم وبتقوله: ليك وحشه يا سيمو
ملك رفعت حاجبها بغيره وقالت: بقا كدا؟
قربت من سليم ومسكت ايده وهي بتقوله: حبيبي تعالا معايا عشان هتوديني
البنت قاطعتها وقالت بغيظ: هيوديكي الملاهي ولا اي؟
ملك بصت لسليم وقالت: اصدق فكره يا سليم؟ توديني الملاهي؟
شدت سليم وخرجت برا الڤيلا وهي بتقوله: اوعا جو حبيبي وقلبي وروحي العملته جوا دا ياكل معاك البنت دي انا مبحبهاش وعشان كدا عملت كدا مش اكتر
سليم ضحك بسخريه وقالها: فعلا واضح
ملك بصتله لقته بيضحك ضريته في كتفه بكسوف وقالت: في اي؟
سليم قرب منها وباسها من خدها وقالها: غيرانه يا بطه؟
ملك قالتله بغيره: مش عايزه اشوف البنت دي من دلوقتي معاك يا سليم لو سمحت؛ سابته ودخلت الڤيلا تاني وهي بتبص للبنت بقرف
امير فضل يضحك وقال لسليم: لا بس حلو شغل الغيره دا
سليم قرب من البنت وقاله: بس يا متخلف
امير دخل الڤيلا وهو بيقول: طبعا سليم باشا الانصاري قالي بس يبقا بس
*****
امير دخل اوضته يغير اللبس الكاچول ولبس لبس بيت عادي ودخل البالكونه بس الغريب انه ملقاش مريم قاعده زي كل مره
سليم مشي البنت وطلع لملك لقاها قاعده بتزاكر قعد جمبها وقالها: شاطره يا لوكا
ملك قالتله بحده: ينفع تخرج؟
سليم حط ايديه علي كتفها وقرب من ودانها وقالها بهمس: عارف انك غيرانه ان البنت كانت بتكلمني
ملك بمكابره: لا هغير ليه؟
سليم رفع كتفه وقال: يمكن عشان بتحبيني؟
****
امير كان هيتجنن ويعرف السبب اليخلي مريم متخرجش البلكونه فا خرج من اوضته وهو بيتسحب وخبط علي اوضه مريم ودخلها
مريم حمحت بخجل وقالت: اتفضل يا امير؟
***
ملك قامت وقالتله بعند: قولت كام مره اني مبقتش احبك؟
ولو سمحت اخرج برا دلوقتي حالا.
سليم خرج وهو بيضحك وبيقول: لما نشوف هتعملي اي يا ملك لما تخافي
نزل قطع الكهربا ال في الڤيلا وهو بيضحك عشان الخطه نجحت وجاب سلم طويل عشان يوصل لشباك اوضتها ولبس جلابيه سوده وبصلها من الشباك
ملك كانت بتفرش السرير عشان تنام واول ما لقت حد واقف بيبصلها ولابس اصوت صرخت بخوف وخرجت برا الاوضه
سليم نزل بسرعه من السلم وقلع الجلابيه وطلع يجري علي الاوضه عشان يلحق ملك قبل ما تكشفه
رمي جسمه علي السرير بسرعه وقال: الحمد لله متكشفتش
ملك خرجت وهي مش شايفه وحتي نسيت تجيب الفون وتنور بيه؛ حتي مش عارفه توصل لأوضه ملك
***
مريم قالت لأمير: انت عارف لو سليم عرف انك في الاوضه عندي هيعمل مني انا وانت بوفتيك
امير قالها وهو بيضحك: عايز اتكلم معاكي شويه بس؛ تعالي ننزل في الجنينه بدل ما احنا قاعدين في الاوضه والدنيا ضلمه
ملك خبطت علي مريم عشان تدخل تنام معاها
مريم بخوف: ينهاري؛ سليم برا وبيخبط!!
مسكت ايد امير وفضلت تجري بيه في الاوضه وهي مش عارفه توديه فين لغايه ما لقت مكان تحت السرير ونزلته تحت السرير وقالت بتوتر: احمم مين؟
ملك بخوف: افتحي يا مريم
مريم بتوتر وتمثيل: لا انا مش قادره اقوم انا نمت خلاص
ملك ملقتش مكان تروحله غير سليم فا خبطت عليه ودخلت وهي خايفه وبتقوله: انا خايفه يا سليم
سليم قام وقالها: تعالي اقعدي؛ خايفه من اي؟
ملك بتوتر وخوف: شوفت خيال مرعب والله صدقني
سليم شالها من رجلها وبقت نايمه علي ايديه وقالها: متخافيش انا جمبك
ملك ضحكت بصوت واطي وقالت: وجودك جمبي بيطمني
سليم حطها علي السرير وقعد جمبها وهو بيحكيلها قصه
مسك ايدها وقالها: اطمني انا معاكي اهو متخافيش
ديما كانت واقفه تحت الڤيلا عند ملك ومريم وعماله تندهه بصوت عالي لحد ما سليم وملك وكلهم سمعوا
تعليقات
إرسال تعليق