رواية أحببت بصيرته الفصل السادس 6 بقلم مريم نصار

_________________________________

. ف الجامعه

علاء . داخل الجامعه يدور ع سحر . ومش لاقيها . ونفخ بديق . وقال . اووف هتكون راحت فين دي كمان . لما اتصل عليها . وطلع فونه واتصل عليها ..

سحر : واقفه مع صحباتها . وبيضحكو . وفونها رن . وشافت رقم علاء . ورفعت حاجبها . ثوانى يابنات . ومشيت بعيد عنهم . وردت . الوو .

علاء : انتى فين اسحر ..

سحر : عوجت بوقها . انا فين ايه ؟ ف الكليه . وانت ليك عين تتصل عليا بعد ما نفضتلى امبارح !!؟

علاء : تعالى بس انا واقف مستنى ف مكان امبارح .وانا هاقولك كل حاجه ..

سحر : طيب ياخويا . لما اشوف الحجه المرادى ايه . استنى انا جيالك . سلام ..

علاء : . سلام اموزه .

سحر : ماشيه وبتدور عليه . وشافته بيشرب سِجاره .وعينيه ع بنات الجامعه . وراحت لعندو . ايه يا علاء انت استحلتها . ما انت كنت امبارح هنا .. جاى تانى ليه!!

علاء : بيتاوب وبيهرش ف قفاه. تعالى بس نقعد هنا .

سحر : نقعد ايه . انا ورايا محاضره كمان شويه ..

علاء : قعد ع الكرسي وشدها من كم البلوزه . اقعدى بقى . ومتزعليش ..

سحر : قعدت . والله مازعلش ازاى يعنى ؟ امبارح انا قولتلك اشحنلى !! وهنسهر طول الليل مع بعض . ونشوف هنعمل ايه مع حسن وفتون . وانت كبرت دماغك . لا اتصلت ولا شحنت ولا فتحت نت . كنت فين انت بقى ؟

علاء : ياحب روق روق كدا . محبش اشوفك وانت نرڤوز كدا هههههه حلوه الاغنيه دي ههههه . امبارح كنت نايم . والواد روكا جه صحانى علشان نروح فرح واحد معرفه وكنت ناسي خالص . وقومت روحت مع روكا . ورجعنا الساعه ٦ الصبح . ونمت ساعتين وصحيت وجيتلك ياقمر . وحشتينى ياموزه ..

سحر : انا مش عارفه . الامن دخلك الكليه ازاى بوشك وعينيك دى . دا انت شارب وبالتلاته .

علاء : هههههاااااى زي حبيتك بالتلاته وكدا ههههخخخ .

سحر : بديق . خلاص اكتم بقى . عرفنا انك كنت ف فرح جاى ليه بقى هنا ؟

علاء : بغمزه . جاى نشوف هنعمل ايه مع حسن وفتون ياحب . ودلوقتي اشطا !!!؟

سحر : ابتسمت بخبث . وانا معاك ف اي حاجه اشطا . قولى بقى عندك حل !!؟

علاء : بيشرب سِجاره . وقال أنا جاتلى فكره امبارح وانا ف الفرح هتخلى حسن وابوكي وأهل الحاره كلهم يكرهو فتون وبالتلاته هههههههه..

سحر : بلهفه . هااا فكرة ايه قول بسرعه ..

علاء : الحل الوحيد إن حسن يبعد عن فتون . وتتفضح ف الحاره كلها .. انى اااا .. اغتصبها .!!!..

----------------------بقلمى مريم نصار

فتون : قاعده ف حوش المدرسه . وقت الفسحه . وماسكه الساندوتش ولسه هتفطر ..

حنين : ببخخخ .

فتون : اتخضت . وضحكت . انتى يابت مش هتعقلى بقى !!.

حنين : لفت وقعدت جمبها . اعقل !!؟ ايه الكلمه الغريبه دي . ههههه..

فتون : ههههه صح عندك حق . الكلمه دى غريبه عليكى .تعالى افطري معايا ..

حنين : فتحت الشنطه وطلعت منها علبة ساندوتشات .فطرتى من غيري !!؟

فتون : لا طبعا . انا لسه كنت بقول بسم الله يلا نفطر مع بعض . انا معايا بطاطس محمره . وطعميه ..

حنين : الله بطاطس . دى العشق .. وفتحت العلبه بتاعتها . وانا معايا طعميه ولانشون وجبنه رومي ..

فتون : اشطا يلا بقى بسم الله ..

حنين : بتاكل . طنط فاطمه عامله ايه؟

فتون : كويسه الحمد لله . وع فكره بتسال عليكى .

حنين : حبيبتي . انا هتصل عليها واكلمها اطمن عليها . وكمان هخلى نجلاء أمي تكلمها .

فتون : اممم . نوجا دى عسل . لما شوفتها في الصوره فكرتها اختك الكبيره ماشاء الله.

حنين : انتى بتقولى فيها . دى نازله فينا تلطيش . كأننا ف سوق العبيد ههههه . اقولها يانوجا اعملى لبكره علشان لما اتجوز ابقى بنت مطيعه و ابرك .. تقولى هتبرينى ورجلك فوق رقبتك . الجنه تحت اقدام الامهات . وتختمها بالشبشب . ههههه.

فتون : ههههه والله عسل الام الفرفوشه رزق .

حنين : ومش اى فرفوشه يختى .اسكتى . المهم ياتونه انتى لما تتجوزى نظامك مع طنط فاطمه هيبقى ازاى ؟

فتون : بعدم فهم نظام ايه الل ازاى مش فاهمه !؟

حنين : يعنى انتى هتتجوزى ف شقه وهتكون بعيد عن البيت الل انتى ساكنه فيه . طيب انتى هوفقى بين بيتك والمدرسه . وطنط فاطمه ازاى !؟

فتون : بصتلها . انتى مفكره انى لما اتجوز هسيب امى تعيش لوحدها . لااا طبعا . امي قبل منى . ولو مش عاجبه يبقى طريق السلامه . انا عمرى ما هبعد عن امى يوم واحد ..

حنين : ابتسمت بحب كبير . انتى جدعه اوى اوى يافتون . وانا حظى حلو أنى قابلتك . انتى متعرفيش انا متعلقه بيكى قد ايه .؟

فتون : ابتسمت وربنا يعلم انا حبيتك قد ايه .ياحنون . وياريت متخلصيش البطاطس سيبى شويه ههههه

حنين : ههههههه . بحب البطاطس اكتر من اى حد . قوليلى صح يا تونه .

فتون : بتاكل . ياتونه . ههههه.

حنين : ههههه. لا بجد من زمان عايزه أسألك ع حاجه كدا . بس خايفه لايكون بتدخل ف حياتك الشخصيه !!

فتون : بعدم فهم . حاجه !؟ حاجة ايه واسالى انتى اختى يابت !!.

حنين : حبيبتى ياتونه . احنا عارفين بعض من شهرين واكتر. وربنا يعلم انا حبيتك قد ايه . وانا حكيتلك كل حاجه عن حياتى . وانتى كمان حكتيلى كل حاجه عن حياتك . لكن طول الشهرين دول . مالكيش سيره غير عن طنط فاطمه وعم محمد وعم زينهم وأهل الحاره وباباكى الله يرحمه. لكن حسن خطيبك بتهايئلى مجبتيش سيرته غير مرتين تقريبا . ممكن افهم !!؟

فتون : بعدم فهم . تفهمى ايه !؟ انا مش فاهمه .؟

حنين : فتون انا قصدى إنك قولتى إنك مخطوبه لحسن ده من ٣ سنين . وكمان قولتى انكو من صغركم محجوزين لبعض . أو بالمعنى الأصح . العيليتن كانو بيهزرو . والهزار قلب جد .. وحسن خطبك !! لكن انا عمرى ما سمعتك بتتكلمى عن حسن . ويوم ما كلمتينى عنه ماشوفتش لهفه ف عينيكى . او حتى بتجيبى سيرته زي باقى أهل الحاره عندك . السؤال يافتون انتى بتحبى حسن !!؟

فتون : سابت الاكل وبصت ل حنين وسكتت.

حنين : احم انا اسفه يافتون اناااا...

فتون : مش عارفه !!! انا مش عارفه انا بحب حسن ولا لأ !!؟ . بس كل الل اعرفه أنى لما فتحت عينيه ع الدنيا وكبرت لقيت الكل بيقول حسن ده خطيبك يافتون . وزى اى عيله صغيره . اتكسفت وضحكت وفرحت واخدت إن حسن خلاص هيبقى من نصيبى . كبرنا ع كدا . حسن ديما كان يجي عندنا لكن ف وجود بابا الله يرحمه . لكن لما حسن كبر وبقى ف جامعه بابا نبه عليه أنه مايدخلش البيت لانه ماينفعش . علشان انا كبرت وبقيت ف ثانوى . كل ما بشوف حسن بتوتر . لكن مفيش بينا لغة الحوار .. لكن ف اى تجمع ف فرح أو مناسبه ف حارتنا نتكلم ونضحك عادي وبس ..

حنين : فتون انتى لما بتشوفى حسن قلبك بيدق !؟

----------------------بقلمى مريم نصار

ف المستشفى

سليم : بتعب ..وحاول يفتكر الحادثه لكن عندو صداع مش مخليه مركز ف اي حاجه!؟.. ااه . ا.اانا . انا فين ؟

شريف : سليم انت كويس؟

رهف : بعياط . سليم انت ف المستشفى ياحبيبى انت عملت حادثه ياسليم . وعيطت بصوت مسموع !!؟

سليم : بيتالم .اااه وفتح عينيه وقال . حادثه !!!؟ و مستشفى طيب هي الدنيا ضلمه ليه ...!؟

الكل بص لبعض بصدمه كبيره جدا جدا وقلبهم بيدق بخوف لأن الاضاءه شغاله والاوضه منوره ..

خالد : واقف ع الباب . وسمع وفتح عينيه بصدمه كبيره جدا . ولسانه اتلجم ..

فريده : قلبها وقع في رجليها . وبلعت ريقها برعب . وقالت برعشه ..سي...سليم . سليم ا..انت بتقول ايه يبنى !؟

رهف : فتحت بوقها وشهقت بصوت مهموس .

شريف : واقف وباصص ل سليم بعدم تصديق .

سليم : بيرفع ايدو السليمه . اااه وحطها ع عينيه . ايه يافريده انتو قافلين الستاير والنور ليه ؟

فريده : كانت هتقع لكن شريف لحقها ...

رهف : بقلق. سليم احنا الضهر . والاوضه منوره . والستاير مفتوحه .

سليم : بعدم فهم .. فتح عينيه يمين وشمال . انتى بتقولى ايييه .؟

د/امجد : دخل مع الممرضه . يلا ياجماعه ياريت الكل يخرج وتسيبو المريض يستريح . حمدالله على سلامتك يا باشمهندس سليم !!

الكل واقف وكل واحد ف حال الل بيعيط والل مصدوم بزهول . والل قلبه بيدق بسرعه من الخوف ...

سليم : بيتنفس بصعوبه وبدء ينهج . مين !!؟ انت مين . انا .. انا مش شايف حاجه. مش شاااايف حاجه ..!!!

فريده : بتعيط برعب ..

د/امجد : بقلق احم انت بتقول ايه ياباشمهندس سليم !؟ ازاى مش شايف ؟

سليم : بينهج . وكل جسمه بيتالم . وعايز يقوم .. وحرك ايدو بغضب شديد والأسلاك اتشالت من ايدو .وزعق بتعب .بقووولك مش شاااايف حاجه . كل حاجه ضلمه . شريف . شررريف . انت فين انا . انا مش شايف حاجه.ياشريف .

شريف : قرب منه ومسك كتفه وضمه غصب عنه . اهدا ياسليم . اهدا اكيد ف حاجه غلط . ممكن يكون عينيك مزغلله من الحادثه ..

فريده : قعدت ع الكرسي بصدمه كبيره وحطت وشها بين ايديها وعيطت كتير..

خالد : حاسس إن النفس بيقل من حواليه . وحاسس أن الدنيا كلها طابقه ع قلبه ..

رهف : بصت بصدمه لابوها وأمها وهزت راسها ومش مصدقين الل سمعوه ..

الدكتور : همس للممرضه . روحي لدكتور وحيد دكتور العيون بسرعه وابعتيه هنا فورا .

الممرضه : هزت راسها حاضر يادكتور . وخرجت بسرعه .

شريف : اتعدل لان جسم سليم كله كدمات وبيتالم . وشريف مش مصدق حاسس انه بيحلم ..

سليم : بيغمض عينيه ويفتحها لكن مفيش امل (ضلمه) .. وعايز يقوم لكن راسه ودراعه فيهم الم كبير . وجسمه كله بيوجعه.لكن بيعافر .

(غضب الظلام الل قدامه مسيطر ع جروحه) . وحاول يقوم .

خالد : بدموع جري عليه ومسكه اهدا ياسليم ..

سليم : زعق سبنىيييي ياخاااالد . انا مش شايفك . انا مش شايف حد . مفيش اي نور قدامى .

.ماما انا مش شايفك انتى فييين ؟؟ . انت فين ياشريف .؟ . انا عاااااايز افهم انا مش شايف لييييه .. ؟؟

د/امجد : راح لعندو بسرعه . استاذ سليم . ارجوك اهدا . كل الل انت بتعمله ده غلط ع جرحك . وخصوصاً راسك . انا بعت لدكتور العيون وجاى حالا ..

سليم : زعق . اااه .. انا عاااايز اشوف . انا مش شاااايف حاجه . مش شايف اي حد .انتو مش حاسين بأى حاااجه .ورفع ايدو ع جبينه ااااه . دماغي اااه.

خالد : مكتف سليم . وبص ل شريف الل الدموع متجمعه ف عينيه. وقال بصوت جهورى . شريف احنا لازم ننقل سليم ع مستشفى خاصه حالا ..

شريف : هز راسه بسرعه . وطلع فونه . واتصل ع إسعاف مستشفى صاحب ليه عميل عندو ..

سليم : بيصرخ من الالم وبيحاول يقوم . وخالد بيحاول يهديه ارجوووك ياسليم اهدااا بقى انت تعباااان ..

سليم : سبنى ياخاااالد ف حاجه غلط . الدنيا كلها ضلمه . انا حاسس بخنقه الدنيا كلها سوودااا قدامي سببببنى اقووووم ياخااااالد ..

د/امجد : شاف حالته . وبسرعه جاب حقنه مهدئه . وشاور ل خالد يكتفه ..

سليم : بيصرخ من الوجع . وخالد كتفه...

د/ امجد : اداله الحقنه .

فريده : بتعيط بشهقات وبتهمس سليم ابنى اااه وبتعيط بوجع كبير . وعينيها ع شريف .

رهف : واقفه وبتعيط .. ومنى بصت لجوزها وخايفه ليكون سليم اتعمى ..

سليم : بدء يهدى . وراسه نزلت ع كتف خالد ونام ..

خالد : عدل سليم . ونيمه ف السرير ..

د/امجد : راح ظبط الاسلاك من تانى .. وقال لازم نعمل للباشمهندش سليم فحوصات مهمه .

شريف : لا احنا هننقل سليم ل مستشفى خاصه . الموضوع بيكبر ولازم نطمن عليه فى اسرع وقت ..

د/امجد : ايوه ياباشمهندس شريف . لكن انت شايف حالته عامله ازاى !! وازاى هتنقلوه ؟

خالد : بغضب . خلاص يادكتور احنا قولنا هناخدو ع مستشفى خاصه . لازم نطمن عليه . امبارح انت قولت شرخ بسيط ف الجمجمه . ودلوقتي سليم مش شايف . هنستنى ايه اكتر من كده !!؟

د/وحيد : دخل السلام عليكم ورحمة الله وبركاته .. خير يادكتور امجد . الممرضه قالت انك عايزنى بسرعه ..

د/ امجد : خلاص يادكتور وحيد . انا كنت عايزك تشوف حالة المريض هو عمل حادث سير واتخبط بقوه ف راسه انا شخصت الحاله وحاليا لما فاق قال أنه مش شايف حاجه لكن أهل المريض هينقلوه ع مستشفى خاصه !! @مريم نصار

د / وحيد : شاب ملتحي .. هز راسه . امم .وبص ع عيلة سليم . طيب ياجماعه ممكن قبل ما تنقلوه بعد اذنكم طبعا .. انا هعمل شوية فحوصات للمريض . وراح عند سليم وشغل كشاف ووجهه ع عيون سليم. وشاف عياط فريده . اهدى يا امي مش كدا . إن شاء الله هيكون بخير . وانا واثق انه هيكون نزيف ع العين من أثر الحادثه . وده الل عمل خلل في الرؤيه ..

فريده : مسحت دموعها . بأمل انت . انت بتتكلم بجد يادكتور ..

د/وحيد : يا امي انا بقول احتمال . وكمان الطب أتقدم جدا . ولو حاجه صعبه بنتجه للجراحه . لكن لو تسمحولى اخد المريض واعمله فحوصات واشعه !!

شريف : بتصميم . لا يادكتور انا هنقل اخويا وحالا . واتصل تانى ع الاسعاف وزعق انتو اتاخرتووو ليييه كل ده !!؟ ايوه . اطلعو ع الدور التانى غرفه ١٢ بسررررعه ..وقفل .

.وبص ل خالد الإسعاف وصل . وراح قعد جمب فريده ومسك ايديها ارجوكي حاولى تهدي وانا بوعدك إن سليم هيرجع زى الاول واحسن . حتى لو هاخدو واسافر بره مصر . بس ارجوكي اهدى ..

فريده : بصتله بدموع ف نظره طويله اوى . وقالت بترجي . شريف سليم اخوك ياشريف خليه يرجعلى زى الاول . ااااه ياحبيبى يبنى . ياارب خليك مع سليم ابنى يارب . وعيطت كتير ..

منى : شدت رهف من أيدها . وبعدين هنعمل ايه يارهف !؟

رهف : بتعيط . مامي سليم يامامي انا خايفه عليه .

منى : نفخت بديق . بطلي تعيطى ياروح مامى الميكب كله بهدل وشك ماينفعش كدا .

رهف : طلعت منديل من الشنطه وبتمسح وشها . وزعلانه ع سليم .

منى : همست لجوزها انا مش قادره اتحمل القذاره دى .. دي لايمكن تكون مستشفى دى زى الل اسمها ايه دي !!؟ اممم بيقولو عليها ايه . ايوه . اه مزبله . دي مهزله بجد . بقى انا منى الجندى ادخل ف يوم من الايام مزبله بالشكل ده ..؟

جندى : روحي اهدى متتوريش كلها شويه ونمشي من هنا ..

منى : . انا طول الليل سهرانه وعايزه اروح انام ..

جندى : ومالو ياروحي . نقعد بس شويه كمان . وانا اطلع ع شغلى وانتى روحى البت استريحي ..

منى : ميرسي يا جوجو .

جندى : قلب جوجو يامون مون .

الاسعاف : جه والممرضين معاهم دكتور طلعو ونقلو سليم ع مستشفى خاص ..

وجه دكتور جراحه . مع متخصص عيون وهيعملو اللازم ...

----------------------بقلمى مريم نصار

ف المدرسه .

فتون : ف الفصل حصه اخيره . وسمعت جرس نهاية اليوم بيضرب . وقالت تمام خلاص كدا ياحلوين . بكره إن شاء الله . عايزه كل ولد وبنت يكتبو موضع تعبير . وانا مش هحط عنوان للتعبير . لأ كل واحد عندو موضوع معين يكتب عنه . وانا هقيم كل حاجه بعد ما اشوفها وهحط عليها الدرجات . وده اختبار منى ليكم . ومتخافوش من حاجه فكرو ع مهلكو انا واثقه فيكو وانكو هتفرحونى بكره بمواضيع هادفه وجميله زيكم ماشي ياحلوين !!؟

كل الفصل : حااضر يا ابله فتووون .

فتون : ابتسمت وقامت وودعتهم وخرجت .

حنين : واقفه قدام بوابة المدرسه ..

فتون : طلعت وشافتها . ايه يا بت مستنياني؟

حنين : طبعا يختى هو انا اعرف حد غيرك ؟

فتون : قلبى يارب . تعالى نتمشي لحد ما يجى الاتوبيس

حنين : تعالى . واتمشو مع بعض ..

فتون : . طيب بقولك ايه . ماتتصلى ع الحاجه نجلاء. وتقوليها انك هتيجي معايا . ونتغدي ونقعد شويه مع بعض .

حنين : والله نفسي ياتونه بس مرات اخويا الحربايه جايه انهردا هههههههه.

فتون : خبطتها ع كتفها يابت لمى لسانك ده !!

حنين : كشرت عينيها . شوفو مين الل بتتكلم دي ياناس . الل يشوفك دلوقتي مش يشوفك وانتى مشلوحه الاستاذ عاطف وجرستيه ف وسط المدرسه يلهوووى اسكتى كان حتة يوم مش قادره انساه .

فتون : هههههههه . اله مش هو الل جابو لنفسه !؟ . واحنا من امتى بنتعزم ع غدا بره ياحنون هههههههه . لأ وكمان راجل متجوز الرجاله اتهطلت بعيد عنك !!

حنين : اه والله يا تونه انتى بتقولى فيها . ده جوز بنت عمتي لقيته واخد رقمى من فون مراته وبيكلمنى ع الواتس . ابتدى معايا كلام انه بيسلم عليا . قولت يابت ياحنين وماله جوز بنت عمتك وأكبر منك . كتر خيره انه بيسال . واحده واحده يختى لقيته بيجر ناعم معايا . انتى حلوه ياحنين . معرفش ايه ياحنين . انا لو كنت شوفتك قبل مراتى كنت اتجوزتك انتى .

فتون : شهقت. هيييه شوفي الل يتشك ف صوابع ايديه !! وعملتى ايه يابت ؟

حنين : قولتله كمل ياقلب أمك كمل . واخدت الرسايل بتاعته اسكرين . وبعتهالو . وقولتله وحيات امي الغاليه نوجا . لو شوفت منك كلمه تانيه سواء ع النت او قدامى لافرج عليك العيله . والاسكرين ده هيكون عند مراتك وحماك فاهم يابو كرش انت . وعملتله بلوك ..

فتون : هههههههه والله جدعه . ووقفو مكان الباص ...

حنين : تلميذتك يسطا ههههههههه .

فتون : ههههه ايوه بقا . رجاله بجد مريضه ربنا يهديهم ويطلعنا من الدنيا دي ع خير !!

حنين : آمين يارب. واتجوز قبل ما اطلع منها يااارب .

فتون : ههههه . ومستعجله ع الهم ليه يالوزه هههههه .

حنين : يختى شر ولابد منه . ورفعت أيدها للسما . ابعت يااارب . ابععععت .. وفجاءه جه كلب وقف قدامها وبيلهث وباصص ليها ..

فتون : هههههههههههه هههههههههههه.

حنين : خافت من الكلب وبلعت ريقها برعب . مش دا !!؟ مش دا يارب الل انا عايزاه . ومسكت دراع فتون .. وهمست فتو...فتوون الحقينى هو بيبصلى كدا ليه !؟

فتون : هلكانه ضحك . دعواتك يابركه.

حنين : صكت ع أسنانها فتوووون اقسم بالله هبهدل الدنيا هنا . الحقينى والله هتشل .امشي . امشي..

فتون : هههههههه . متخافيش ده كلب بلدى مش هيعمل حاجه. انتى معاكي لانشون ؟

حنين : هزت راسها بخوف . وده وقته تسألى ع الاكل . خلييييه يمشي ..

فتون : ههههههههه يابت ردى معاكى لانشون ...

حنين : ايوه اخر ساندوتش سايباه تصبيره اكله في التاكسي ..

فتون : لا ياسطا . اكيد الكلب شم ريحة اللانشون وعايزو. يلا ادي الساندوتش للكلب ..

حنين : بخوف . نعم ليه إن شاء الله !!؟

الكلب : عمل صوت ع حنين وزام عليها ...

حنين : برعب حاضررر . حاضر . وطلعت الساندوتش وحدفته بعيد ..والكلب جري ع الساندوتش

فتون : ههههههههه ااااه يابطنى ههههه .

حنين : نفخت باريحيه . وحطت أيدها ع قلبها . اااه الله يخربيتك كلب ...وانتى بتضحكى ع ايه . مش خايفه !!؟

فتون : هههههههه اخاف !؟ يابنتى دول عندنا ف الحاره اكتر من الفراخ ههههههههه .

حنين : بت انا متغاظه منك . هاكل ايه دلوقتي وانا ف التاكسي !؟

فتون : طلعت باكو بسكوت وكيس شبسى . خدى يابت مش خساره فيكى .

حنين : هاتى ياختى . لما اروح اشترى كانز . استنى هجبلك كانز معايا ..

فتون : لالا . الاتوبيس جه ويارب الحق كرسي . يلا هاتى بوسه . وسلمت عليها .

حنين : ماشي ياحبيبتى خلى بالك من نفسك يابت ..

فتون : واتحركت بسرعه علشان تلحق تركب . وانتى كمان سلااام ..

حنين : اشترت كانز ومتغاظه وقالت كلب مفجوع !! . وشاورت ل تاكسي وركبت ومشيت ..

فتون : ركبت . ولحقت مكان وركبت جمب الشباك . وافتكرت شكل حنين وهي خايفه من الكلب وضحكت من قلبها .. لكن ضحكتها اختفت . لما افتكرت سؤال حنين الل مجاوبتش عليه واتهربت منه !! . وفكرت فعلا ان عمر ما قلبها دق ولا مره لحسن .. وحطت أيدها ع قلبها وسألته هو لازم قلبى يدق لما اشوف الإنسان الل بحبه !!!؟ .

----------------------بقلمى مريم نصار

بعد فتره ..

سميره : جهزت الغدا . يلا يا سحوره الغدا جاهز ..وابوكي زمانه راجع من صلاة العصر .

محمد : فتح باب الشقه . وداخل السلام عليكم.

سميره : وعليكو السلام . تعالى ياحج .

محمد : بص حواليه . اله اومال فين سحر هي لسه مرجعتش من الكليه !؟

سميره : لا ياخويا . رجعت من شويه وبتغير هدومها .

محمد : قعد . طيب ناديها علشان تتغدى !!

سميره : سحررر ياسحوووره . يلا ياضنايا الاكل هيبرد !!

سحر : خرجت من الأوضه . ومتوتره . حا.. حاضر ياماما . وبصت ل محمد . اذيك يابابا .

محمد : ابتسم . نحمد الله ياسحر يابنتى . تعالى اقعدى جمبى .

سحر : قلبها بيدق وباين عليها التوتر . ها . اه حاضر يابابا . وقعدت .

محمد : مالك يابنتى ؟ حصل معاكي حاجه؟

سحر : بتوتر . انا لالالا ابدا . انا . انا زى الفل اهو يابابا .

سميره : مالها بس ياحج ماهي زى الفل اهو .

محمد : اتنهد بنفاذ صبر . هو انتى شيفانى بضربها مثلا . بنتك وشها اصفر ولونها مخطوف . بسالها مالها يمكن حصل معاها حاجه . نفسي تسكتى انتى !!

سميره : يوه ف ايه يسي محمد هي كلمتى ع طول واقفه ف الزور . واه بنتى وشها اصفر ياكبد امها من قلة الاكل هافتانه . من المذاكره . خدى ياقلب أمك حتة اللحمه دي كليها هاتقوتك ..

محمد : وشها اصفر من قلة النوم ياسميره !! من قلة النوم فهمتى!! وبص ل سحر . اسمعى ياسحر يابنتى . انا عايز مصلحتك . وعايزك احسن البنات . وعايز دايما اكون رافع راسي بيكى . يابنتى لو حصل معاكي حاجه قوليلى . فضفضى مع ابوكي . وصدقينى هتلاقينى ف ضهرك وواقف جمبك . انا خايف عليكي.. مريم نصار

سحر : بلعت ريقها بتوتر . ابدا والله يابابا . اليومين دول ف امتحانات ميدترم ف الكليه . وبحاول أركز فيهم .. بس والله مفيش حاجه.

محمد : هز راسه . اتمنى يابنت الشيخ محمد اتمنى .

سميره : يوه . ماهي قالتلك امتحان اهو . يلا ياخويا كل وخلينا ناكل .. خدى ياسحوره الحته دى كمان ياروح ماما ..

محمد : اتنهد بتعب . ودعى جواه أنه يحفظ بنته ويهديها ..ويهدى امها .

سحر : بتاكل وتايهه ومحتاره وخايفه من الل علاء قاله وناوى يعمله . وقالت ل علاء خلينى افكر وارد عليك بليل .. وعلاء قالها فكرى بسرعه علشان انتى الل هتسهلى عليا الموضوع وتساعدينى ف انى ادخل شقة فتون ..

----------------------بقلمى مريم نصار

ف المستشفى الخاص ..

اول ما سليم انتقل ليها . منى وجوزها استاذنو ومشيو . ورهف رفضت انها تمشي وهتستنى مع سليم . ومنى قالتلها كدا افضل علشان محدش يقول انك سبتيه ومشيتى ..

الدكاتره اخدو سليم من بدرى علشان يعملو كل الفحوصات الطبية اللازمه لحالته.

شريف : طلب من خالد وقاله خالد خليك أنت مع فريده ورهف . وانا هطلع معاهم اكون موجود ف الكشف انا مش هتحمل انتظار اكتر من كدا . وطلع مع سليم ..

فريده : قاعده . ف الطرقه وخالد جمبها. وواضح عليها التعب . ودموعها نازله ع خدها . وكل ثانيه ترفع أيدها للسما وتدعي ربها انه يشفى ابنها وميكونش ف خطر ع عينيه ..

خالد : قاعد جنبها وبيهديها . وحاسس أن الدقيقه الواحده بتمر عليه كأنها سنه .. وعايز يطلع يطمن . لكن مينفعش يسيب فريده ف الوضع ده ..

رهف قاعده ف الطرقه ومتوتره . وف نفس الوقت هتموت وتنام .

بعد شويه .

الاسانسير اتفتح وخرج منه سرير وعليه سليم وكان نايم تحت تأثير المهدئ . والممرضين ودكتور . وشريف خارج معاهم .

ودخلو سليم اوضه مجهزه باحدث التقنيات ..

خالد : قام بسرعه . وفريده . وخالد سند فريده لانها مش قادره تمشي .

.ورهف قامت بكسل .. وراحو عند اوضة سليم . وخالد شاف تعابير وش شريف وحس بالقلق .

فريده : مسكت دراع شريف . بلهفة اُم . ها يبنى طمنى الله يخليك . الدكتور قال ايه!؟ سليم هيشوف مش كدا !!؟

شريف : قابض على أيديه وغمض عينيه .واتنهد بزعل كبير ومردش ..

رهف : اتحركت بسرعه . شريف انت ساكت ليه ؟ سليم عامل ايه . والدكتور قالك ايه ع عينيه !؟

خالد : بلع ريقه بصعوبه . ش..شريف . ا..انت ساكت ليه !؟ والداكاتره قالت ايه !!؟

شريف : بلع ريقه بصعوبه وبص ع فريده وساكت وعلامات الحزن واضحه جدا عليه..

خالد : بصوت جهورى . شريف كفايه لعب بالاعصاب انا مبقتش قادر اتحمل .. الدكتور قالك ايه ..

شريف : بصلهم كلهم . وجه يتكلم مقدرش . وسكت

فريده : متقول يا بني وطمني، انا مبقتش قادره خلاص،

شريف : ربت ع أيد فريده واتنهد بصوت مسموع .. للأسف يا جماعه، الدكتور قالي انه صعب نظر سليم يرجع تاني،

فريده : من الصدمه . داخت وكانت هتقع وشريف وخالد لحقوها ..

خالد : بصدمه كبيره ليه،،، ايه السبب . معقول من الخبطه !؟ وعيونه لمعت بدموع .. معقول سليم مش هيشوف تانى !؟

شريف : بزعل . للأسف، الدكتور قال انه في عصب بيربط بين العين والمخ، واسمعه العصب البصري، العصب ده حصله تهتُك وتلف بسبب الخبطه الل سليم اتعرضلها، وبسببها فقد البصر وحصله عمى كُلي،

رهف : شهقت وحطت ايدها ع بوقها وبتعيط بصوت مسموع ..

فريده : نزلت قعدت ع الأرض بيأس ودموعها بحر بيجرى من الوجع . وغمضت عينيها باستسلام ..

شريف : بسرعه نزل ع ركبه . وسندها . اوعي تستسلمى ، انا مش هسكت، انا هسفره ألمانيا، سويسرا، اي مكان في العالم، المهم عندي سليم يرجع زي الاول واحسن . واكيد هنلاقى الحل بره مصر . انا استحاله اسيب سليم كدا لو هصرف عليه فلوسي كلها . ارجوكي قومي معايا .

خالد : قلبه بيدق بسرعه كبيره . وبيفكر ف صاحب عمرو ١٠ سنين صداقه وأخوه . وسليم ع طول واقف جمبه وسليم هو الل وصله لل هو فيه دلوقتى . وعينيه لمعت بدموع ..

رهف : قعدت ع الكرسي وحطت وشها بين ايديها وعيطت كتير مش معقول .

شريف : ساعد فريده تقوم . وسندها . ممكن تهدى . وياريت لو ترجعى ع البيت .

خالد : مسح دموعه وقعد جنبها . شريف بيتكلم صح . انتى منمتيش من امبارح . ومكلتيش اى حاجه . وده غلط عليكى .

فريده : بوهن . ارجع ع البيت ازاى بس ياخالد واسيب ابنى هنا . وبصت ل شريف . وقالت سليم هيروح امتى انا خايفه لما يفوق ويعرف !؟

شريف : باس جبينها لاول مره . اولا الدكتور قال سليم يرجع ع البيت من دلوقتي بما إن الحمد لله مفيش نزيف ع المخ . والشرخ هيلم بسرعه .. وانا طلبت من الدكتور . إن سليم يقعد هنا يومين ف الرعايه . علشان لو عمل اى رد فعل . نكون جاهزين . وثالثا . سليم مش لازم يعرف كلام الدكتور وأنه صعب جدا أنه يشوف تانى . علشان نديله امل .

وانا اتكلمت مع الدكتور وطلبت منه لو لازمله جراحه . الدكتور قالى هنحاول . لاكن ماينفعش اى جراحه حاليا . علشان شرخ الجمجمه والكدمات الل ف جسمه . وبعد ما يخف إن شاء الله . لازم نعمله جراحه ف المستشفى هنا .ولو لاقدر الله منجحتش انا بنفسي هاخد سليم ونسافر ع ألمانيا ولو حكمت هيبقى المانيا وسويسرا كمان لان هناك احدث تقنيات جراحة العيون .

فريده : بوجع ودموع انا املى ف الله كبير . يارب . يارب وكلتك امرى يارب . يارب رد لابنى سليم نور عينيه يارب . وعيطت بتعب.

شريف : بص ل خالد . خالد ممكن تروحها ع البيت . وياريت لو تاخد رهف معاك . سليم مش هيفوق دلوقتي .

خالد : هز راسه . ماشي ياشريف . انا هوصلهم وهرجعلك ..

شريف : لأ لأ . انت روح ارتاح شويه . انت خلتنى انام شويه امبارح . وانت منمتش . روح استريح انت ساعتين ولا حاجه . وتبقى تعالى تمام !!

خالد : انا مش هينفع اسيب سليم ف الازمه دى !

شريف : غمض عينيه واتنهد بتعب . خالد . اسمعنى سليم حاليا نايم تحت تأثير المهدئ . يعنى قدامه وقت كبير جدا ع ما يفوق . تكون انت روحت وغيرت هدومك ونمت شويه . ياريت تسمع منى ماشي .!! وياريت تقوم بقى انت شايف حالتهم عامله ازاى !!

فريده : طيب وانت يبنى . انت بردو تعبان ؟

خالد : رد بسرعه . انا هريح ساعتين . وأرجع المستشفى . وهبدل مع شريف . وده اخر كلام .

شريف : هز راسه .ماشي ياخالد . يلا اتفضل وخد رهف معاك ..

خالد : قام . وسند فريده الل عيونها متعلقه ع اوضة ابنها . وطلبت من خالد تدخل تشوف سليم وتخرج ع طول .

فريده : دخلت ومعاها خالد ورهف .

سليم : نايم ومتوصله خرطوم الأكسجين . ومحلول .

فريده : بتحسس بايديها من اول رجل سليم لحد راسه بعياط هيسيترى . لدرجة إن خالد مستحملش وبكي ع بُكاها .

رهف : واقفه ومصدومه ومش مصدقه . وحطه أيدها ع بوقها وبتعيط .. ومش قادره تستوعب .

بعد شويه . خالد اخدهم . وخرجو من الاوضه . وودعو شريف ومشيو ..

خالد : ركب فريده جمبه وكانت سرحانه ف حجات كتير . ورهف ركبت ف الكرسي الخلفي .

----------------------بقلمى مريم نصار

الظابط : عرف إن سليم اتنقل لمستشفى تانيه وراح . وقابل شريف وسلم عليه .

الظابط : ها يابشمهندس شريف . انا عرفت من الدكتور مجدى . الل حصل للباشمهندس سليم هناك ف المستشفى . وانا متعاطف معاه . والف سلامه عليه إن شاء الله كل حاجه هتكون تمام ..

شريف : هز راسه بزعل . ومسح وشه بايديه . إن شاء الله ..

الظابط : طيب اقدر اعرف الدكتور هنا قالك ايه ؟ وحالة الباشمهندس سليم ايه ؟

شريف : بحزن كبير. الدكتور قال إن مفيش امل إن سليم يشوف تانى !!

الظابط : هز راسه . لاحول ولاقوة الا بالله. ربنا معاكو ويصبركو .. طيب اقدر اخد اقوال الباشمهندس سليم !!

شريف : حضرتك سليم حاليا بيمر بازمه نفسيه وحشه جدا . وبهدل الدنيا اول ما فاق وقالنا أنه مش شايف حاجه !! والدكتور عطاله إبره مهدئه . ونايم دلوقتي . اتفضل معايا . وشريف دخل الأوضه ..ووقف جمب سليم بزعل وحط ايدو ع راس سليم واتكلم بدموع . إن شاء الله ياسليم هترجع وتفتح من تاني انا بوعدك بده .

الظابط : شاف سليم . ووشه كله كدمات وجروح وراسه ملفوفه بالشاش وهز راسه . تمام . انا همشي دلوقتي واتفضل ده رقمى اول ما يفوق كلمنى علشان اخد اقواله !!

شريف : اخد الكارت . وبص للظابط . صدقنى الل حصل ده اكيد بفعل فاعل . لكن الل هيجننى إن سليم مالهوش أعداء .

الظابط : تمام احنا لازم نعرف سليم قبل الحادثه كان فين علشان نوصل للحل ..

شريف : سليم كان ف البيت ومعاه خالد صاحبه . وكان عندنا اجتماع مع وفد مهم وجه ع الشركه وحضر الاجتماع معايا . حوالى ساعتين تقريبا . ونزل من الشركه مسافر ع بور سعيد !! مرحش ف اى مكان تانى .

الظابط : بتفكير امممم (خالد). طيب احنا لازم نروح الشركه ونفرغ الكاميرات . يمكن نوصل ل أى دليل .

شريف : هز راسه . ياريت. وصدقنى لو عرفته انا مش هرحمه ....

الظابط : اهدا ياباشمهندس شريف . ف قانون ف البلد .

شريف : بغضب . قانون!!! طيب لما تلاقو الل عمل كدا ف اخويا . وتقبض عليه ساعتها القانون هيرجع النور لعيون اخويا من تانى . انت عارف قد ايه انا قلبى بيتقطع عليه . عارف والدته دلوقتي حاسه بايه . ولا خطيبته وكمان صاحبه . انت مش حاسس بالنار الل جوانا ..

الظابط : صدقنى انا حاسس بيك . لكن مش كل واحد اجرم ننتقم منه بأيدينا ساعتها هنكون عايشين ف غابه . ف قانون ف البلد . وياريت بكره تبعت الل اسمه خالد ده ع القسم علشان هو كمان ف دايرة الاتهام ..

شريف : اييه !؟ خالد لا يمكن يكون خالد !؟

الظابط : وانت ايه الل مخليك متأكد اوى كدا !!

شريف : لان خالد صاحب سليم من ١٠ سنين واكتر . واكتر الأوقات عايش معانا وبنعتبره اخ تالت . لا استحاله ..

الظابط : شغلى علمنى اشك في سليم نفسه . ياريت بس تبلغه . يا اما نعمله ضبط وإحضار . واجيبه بمعرفتى . تمام .. واول ما اخوك يفوق ياريت تبلغنى استأذن انا . والظابط خرج وبيفكر يروح الشركه ويشوف الكاميرات ..

خالد : سايق ومصدوم . وسرحان . معقول !!؟ معقول سليم يتعمي . يعنى سليم صاحبى اخويا . عشرة ١٠ سنين اتعمى . طيب هيفتح تانى !؟ معقول ف لحظه كل حاجه تتحول لكابوس .!!؟ وسايق وطول الطريق يفكر ف صاحبه . وبص ع رهف ف المرايا . وافتكر مكالمة سليم .. لكن اتنهد وسكت وقال لما نشوف ايه الل هيحصل بعد كدا ..

ووصل رهف البيت . وبعد كده اتحرك يوصل فريده ..

----------------------بقلمى مريم نصار

رهف : دخلت البيت بتعب وصداع . وندهت . عبده . يااعبده . انت يازفت ..

عبده : طلع من المطبخ جري . احم افندم ياست هانم .!؟

رهف : بنرفزه رمت شنطتها ع الكنبه .. ايييه بنده عليك .ساعه ع ما ترد يامتخلف انت ..

عبده : بغيظ مكبت . انا اسف يا هانم كنت بجهز الاكل .

رهف : بسرعه اعملى من القهوه بتاعتى . ف ثوانى تكون قدامى ..

عبده : حاضر يا هانم واتحرك بسرعه ع المطبخ .وهو بيشتم عليها من جواه ..

منى : نازله ع السلم . وبتتاوب . ايه يارهف صوتك عالى ياحبيبتي ..

رهف : قعدت بنرفزه . ومسكت راسها بايديها . مصيبه يامامي كارثه .

منى : اوعي يكون سليم مفتحش !؟ دي تبقى مصيبه فعلا ..

رهف : قامت ورايحه جايه . شريف بيقول أنه صعب جدا يشوف تانى . انا مش عارفه افكر اتصرف ازاي .؟

منى : حطت رجل على رجل . وبتولع سِجار . ودي عايزه تفكير . طبعا لازم تسيبيه !!

رهف : وقفت مكانها بزهول. انتى بتقولى ايه يامامي !؟ اسيب سليم !؟

منى : قامت وبتلف حوالين رهف . حبيبتى تقدرى تقوليلى انتى هتستمرى معاه ع أساس ايه !؟ ده خلاص واحد اعمى يعنى مش هينفعك .!!

رهف : ايوه يامامى بس شريف قال إنه هيسفره المانيا اوسويسرا . واحتمال أنه يفتح ؟

منى : بتفكير . اممم اوكي احنا هنفضل معاه لحد ما يعمل العمليه . ورجع وشاف من تانى كان بها وتكملى معاه . مفتحش يبقى خلاص مبقاش ليه لزمه .

رهف : بدموع . بس ده سليم يامامي !!

منى : حبيبتي فكرى كويس وخليكى عمليه . سليم لو فضل اعمي هيسيب شغله . وهيقعد ف البيت . انتى ماشوفتيش عمل ايه اول ما فاق ومكنش شايف كانت عصبى جدا . وانتى قولتى إن الدكتور بيقول شرخ الجمجمه ده هيغير من سلوكه . يعنى هيبقى همجى اكتر من الاول . وكمان مش هينفذلك كل حاجه زى الاول . لأن كل حاجه هتكون ف ايد شريف اخوه . يخساره ياريتك اتخطبتى ل شريف . وكمان انا زعلانه اوى أن سليم مالحقش يكتبلك الفيلا والمصنع . فضلت اقولك من زمان بس انتى مسمعتيش كلامى !!

رهف : سكتت وبصت قدامها بتفكير .

منى : اسمعى منى وسيبك منه ولو عرفتى تخلعي منه بأى حاجه يعنى مثلا يكتبلك الفيلا وبعد كده تسيبيه يبقى طلعنا احنا الكسبانين .

رهف : بخبث كشرت عينيها ..امممم تفتكرى ينفع !!!

----------------------بقلمى مريم نصار

. خالد : وصل فريده البيت . ودخل معاها . وشاف وشها احمر جدا . وقالتله ضغطها عالى .

خالد : نده ع عزيزه . واخد فريده لحد اوضتها . وفتح الباب ووقف بره .

عزيزه : جت نعم ياخالد بيه !؟

خالد : عزيزه . خدى فريده وادخلى معاها الحمام تغسل وشها . وتاخد علاج الضغط فاهمه ..

عزيزه : بزعل . حاضر ياخالد بيه . الف سلامه ع سليم بيه وسندت فريده ..

فريده : بصت ل خالد . خالد يبنى متسبنيش لوحدى . نام هنا .

خالد : بحرج . لكن فكر لو تعبت أو جرالها حاجه . ومفيش حد ف الفيلا غير محروس الجناينى وعزيزه . هز راسه وقالها ماشي ياحبيبتى انا هنام تحت ف الاوضه الل جمب المكتب !!

فريده : بدموع اطلعلك بنطلون وتيشرت من بتوع سليم !!

خالد : عيونه لمعت بدموع . لا ياحبيبتي . انا ديما معايا لبس احتياطى ف العربيه . ادخلى انتى مع عزيزه . وابتسم بدموع ع فكره انا جعان . يعنى تاخدى علاجك وعزيزه هتجيب الاكل هنا وأكل انا وانتى ماشي . ومسح دموعه ولا انام من غير اكل ..

فريده : ابتسمت بتعب . لانها فهمت ان خالد عايزها تاكل . وهزت راسها بتعب حاضر يبنى . انت من ريحة سليم وعيطت . وسليم بيعتبرك توأمه وانا لا يمكن ارفضلك طلب ياخالد يبنى.

خالد : صك ع اسنانه ومش مستحمل . وغصب عنه أخدها ف حضنه. خلاص يافريده الله يخليكى ارحمى نفسك شويه لازم تسيطرى ع نفسك اكتر من كدا علشان خاطر سليم . وإن شاء الله هيرجع زي الاول واحسن . علشان خاطر سليم اهدي ..

فريده : طلعت من حضنه . وهزت راسها بدموع . ربنا معاه . ربنا معاه ولا يضرنى فيه ابدا يارب ..

خالد : يارب . يلا انا هنزل اجيب هدومي من العربيه . ونزل جاب هدومه من العربيه . ودخل الفيلا . وراح الاوضه ودخل الحمام واخد شاور ولبس وخرج ..

خالد : طلع من الأوضه . عزيزه . يا عزيزه جهزتى الاكل ..

عزيزه : جت بسرعه وشايله صينية اكل ايوه ياخالد بيه الاكل جاهز .

خالد : طالع ع السلم بتعب .. طيب هاتيه فوق ع اوضة فريده ..

عزيزه : حاضر يا خالد بيه ..وطلعت وراه ..

خالد : واقف قدام الاوضه . هاتى ياعزيزه الصينيه دى . وانتى خبطى وخشي ع فريده وقوليلها خالد يدخل ؟

عزيزه : حاضر . وخبطت ودخلت .

فريده : خلصت صلاه .. وقاعده ع السرير بالاسدال ودموعها نازله زى المطر وسرحانه . عزيزه قالتها فريده هانم . خالد بيه يدخل .؟

فريده : مسحت دموعها . وقامت . وقعدت ع الكرسي . خليه يدخل ياعزيزه .

خالد : دخل . وحط الصينيه . وبص ل عزيزه . خليكى واقفه هنا ياعزيزه علشان لو احتجت حاجه .. اتفضلى ياست الكل . شوية شوربه سخنه البت عزيزه بتعملها جامده . ههههه .

فريده : بشهقات بسيطه . ماليش نفس ياخالد يبنى ..

خالد : اتنهد . طيب لو قولتلك تاكلى علشان تفوقى كدا . علشان الصبح اخدك ونروح نشوف سليم ..

فريده : بجد ياخالد . هتاخدنى اشوف سليم؟

خالد : اكيد طبعا . يلا بقى اشربى الشوربه . وانا هاكل الفراخ دى هههههه .

فريده : ابتسمت بتعب . بالهنا والشفا ياحبيبى .

خالد : بياكل ومش حاسس بطعم الاكل من الزعل ..

وفريده : بتاكل ودموعها نازله وزكرياتها مع سليم بتجدد قدامها . وفكرت ف الماضى .

وعدى الوقت ..

فريده : كفايه يبنى الحمدلله . والله ماقدر اكل اى حاجه تانى ..

خالد : هز راسه . ماشي . اسيبك انا بقى تنامى شويه . ولو احتاجتى اى حاجه اتصلى عليا . او ابعتي ل عزيزه ..

فريده : هزت راسها بتعب . منحرمش منك ياخالد يبنى ..

خالد : قام . وخرج من الأوضه ونزل ..

عزيزه : شالت الاكل ونزلت .

فريده : قامت بتعب .دخلت الحمام وغسلت وشها وايديها. وطلعت نامت ع السرير بتعب . وكل ما تغمض عينيها . تشوف سليم . وتسمع صوته وهو بيقولها ماما أنا مش شايفك . ودموعها نزلت من تانى وفضلت تدعي ربنا لحد ما نامت من التعب ...

خالد : قاعد ع السرير ومرجع ضهرو لورا وبيشرب سِجاره . ودماغه هتنفجر من التفكير . وكل شويه يجيب احداث اليوم من أوله . وافتكر مكالمة سليم .

خالد : فاق من أفكاره . طيب اعمل ايه . اقول ل رهف. ولا استنى لما اشوف سليم هيعمل ايه !!؟

----------------------بقلمى مريم نصار

عند فتون

فتون : داخله الأوضه ل فاطمه .. خدي يابطه عملتلك كوباية كركديه ساقع هتنزلك الضغط ف ثوانى . الف سلامه عليكي يابطتى ..

فاطمه : مغمضه عينيها من الصداع . تسلمى من كل شر ياقلب أمك .. منا خدت حباية الضغط يافتون يابنتى ملوش لزوم ..

فتون : هو الدكتور شكرى الصيدلى لما قاسلك الضغط مش قالك ضغطك عالى ولازم تشربى كركديه ساقع اسمعى بقى الكلام ياحبيبتى . ريحينى واشربى الكركديه . وانتى شويه وهتبقى زى الفل ..

فاطمه : إن شاء الله هاتى يابنتى تسلم ايدك . واخدت الكوبايه .. وبتشرب . تعرفى يافتون انتى لما بتقولي يلا ياماما علشان ننزل نقيس السكر والضغط ف الصيدليه .. مابشلش غير هم السلم ده مابقدرش بيتعبلى ركبى وضهرى ..

فتون : مسدت ع ضهرها . بطوط انتى لسه صغيره . انتى قاعدة البيت الل تعباكي . انزلى اقعدى مع ام عصام ههههه . او يستى انزلى الحاره واقعدى مع الحاجه ام محمود . دي ع طول تسال عليكي دى بتحبك اوى ..

فاطمه : انا صغيره وضحكت .. انزل فين بس . انا من يوم المرحوم ابوكى ما مات مبقاش ليا نفس اروح ف اي مكان ولا اروح عند حد .يدوبك لو حد تعب بعمل الواجب وخلاص .

فتون : ياماما لازم تخرجي . طيب بقولك ايه . بكره شبكة عيد ابن عمى جمعه . وفرحه اخر الشهر . وعزمنا ونبه عليا انى لازم احضر وانتى كمان .

فاطمه : واله منا عارفه يابنتى . موال السلم ده مابقدرش عليه ..

فتون : سيبيها ع الله . احنا هنروح نحضر الشبكه ونقعد شويه . واخدك ع اول الناصيه اجبلك عصير قصب من الواد حوده ههههههه فاطمه : حوده . دا واد معندوش ضمير .. عصيرو مايتشربش بيزودو تلج ..

فتون : ههههه لا حاسبي ياطماطم . بيزود تلج للحاره كلها . إلا فتون . انا بدخل جوه المحل واقولو شغل المكنه قدامى . هههههههه ومن ساعتها يقولى العصير الصافى ل فتون وبس .

فاطمه : ايه . ربنا يهدى يابنتى . ناس معندهاش ضمير . وشربت الكركديه ..

فتون : ها حاسه انك احسن دلوقتي !؟

فاطمه : الحمدلله ياتونه . الصداع راح وحاسه انى احسن الحمدلله يارب ..

فتون : الحمدلله .

فاطمه : شوفتى يابت ياتونه الدكتور شكرى كان بيبص عليكى ازاى ؟ كأنه لسه مستخسرك ف حسن . وسعات بحس كدا انه عايز يقول أنا مستعد اتقدم تانى وتالت . بس انتى وافقى ..

فتون : وبعدين معاكى يابطه . الدكتور شكرى راجل محترم . واتقدملى بعد وفاة بابا . بس مفيش نصيب لان ابويا كان مدي كلمه لعمى منصور انى مخطوبه لحسن .. والراجل ولا بص ولا حاجه .وبيتعامل معانا بكل أدب واحترام . تلاقيكى انتى بس نفسك اتخطب لدكتور صيدلى .. علشان يعملك خصم ع العلاج ههههههههه .

فاطمه : شهقت . شوفو البت ياولاد .

فتون : ههههه . بقولك ايه يابطتى . يلا بقى نامي . وانا كمان هدخل انام . علشان هصحى بدرى .

فاطمه : اتنهدت بحب .. ماشي ياقلب أمك . نوم العوافي ..

فتون : تسلمي يارب . عايزانى انام جمبك !؟

فاطمه : لا ياحبيبتي . انا هنام متخافيش عليا . روحي انتى نامي الوقت عدى ..

فتون : باست ع أيدها وراسها . تصبحى ع خير يابطه ..

فاطمه : وانتى من أهل الخير ياقلب أمك ..

فتون : قامت . واخدت الكوبايه . وقفلت النور وخرجت . راحت ع المطبخ بتغسل الكوبايه وبتتاووب .. وطالعه رايحه ع اوضتها ونفسها تنام .. وقفلت نور اوضتها ونامت ع السرير بتعب وشدت الغطا . وبتقرا سورة الملك . ولسه عينيها بتغفل . جرس الباب رن ...

فتون : فتحت عينيها . اييه ده مين الل جاى بيخبط ف الوقت ده ....!؟

----------------------بقلمى مريم نصار

سحر : قاعده وسرحانه . وبتفكر ف كلام علاء . وبتفكر هترد عليه وتقوله موافقه تساعده في أن علاء يوصل ل فتون علشان ينفذ الل قال عليه .. ولا هترفض .. وفاقت ع صوت رساله من علاء . وفتحتها .وابتسمت بخبث ع الفكره الل جاتلها.

علاء : هااا ياحلوه فكرتى !!!؟ -------

يتبع...