رواية أبن عمي الفصل الخامس والخمسون 55 بقلم أميرة محمود

انتي دمرتي حياتي مراتي عملت حادثه وكانت هتموت بسببك والله ما هرحمك

سلمي ، والله بحبك يا ادهم

ادهم ، بتحبيني بعد خمسه وعشرين سنه جايه تقولي دي الوقت بتحبيني ده انا بقيت استرجاكي واقولك اتغيري عشاني

سلمي بدموع ، كنت عيله ونفسي افرح بشكلي أنا كنت لسه في تالته ثانوي يعني 16سنه

ادهم ، مش هينفع دي الوقت أنا قلبي اتقفل علي جودي وبس وحتي أما فتح فتح لولادي عشان خاطري ابعدي عني وعن مراتي أنا ممكن ااذيكي بس عشان خاطر امك وابوكي مش قادر دول اللي رابطني 

سلمي ، أنا عمرى مانسيتك ياادهم حتي اتجوزت وخلفت وانت لسه في قلبي

ادهم ، مراتي في المستشفي بسببك لو حصلها حاجه مش هرحمك خلينا اصحاب لاخر مره بطلب منك كده

جوليا كانت في الأوضه وسمعت الحوار 

جوليا ، انتي ايه مش هتتغيري أنا أما شفت حماتي وتدينها اتعلقت اكتر بابنها واتمنيت أني افضل طول حياتي معاه عشان عرفني كتير عن ديني وعلقني بالصلاه الا عمرى ماشفتك بتصلي دايما سكرانه ولبس عريان نفسي اشوفك بتقري قرآن أنا جوزي صمم اني اجيلك و ابدأ من تاني معاكي بس انا مش قادره استمر في موضوع انك امي تخيلي كده اما اخلف اجيب ولادي اقولهم اي دي جدتكم طب أما يروحوا ويشوفوا جدتهم أم بباهم هيقولو ايه هيقولو دي بتصلي ولبسها محترم ودي سكرانه وعريانه وفي الاخر تخربي بيت بقاله اكتر من عشرين سنه عشان مزاجك ليه كده يا مامي ليه كان نفسي حماتي تبقي امي بجد مش عايزاكي وسابتها ونزلت

ادهم ، حتي بنتك مش طايقاكي ربنا يهديكي وسائلها ونزل

سلمي قعدت تعيط علي كلام بنتها ليها

،،،،،،،،،،

احمد ، ماما انتي بقيتي كويسه

جودي ،اه كويسه يا حبيبي الحمد لله

احمد ، أنا عايز اطلب منك طلب ممكن تصدقي بابا

جودي ، عمرى ماهصدقه لأنه كذب عليه في الاول حواراته زادت لحد ما اكتشفت المصيبه اللي عملها

احمد ، بس بابا يا ماما بيحبك والله صدقيني 

جودي ، احمد غير الموضوع عشان خاطري

احمد ، خلاص يا ماما براحتك

،،،،،،،،،،،،

ادهم ، ايوه يانور أنا اشتريت شقه تانيه ابقي خلي جودي تروح بيتها أنا كتبت الشقه باسمها واشترتلي شقه تانيه

نور ، أن شاء الله الأمور تهدي وترجع لمجاريها

ادهم ، أنا هقفل عشان انام وابقي عرفي جودي اني مظلوم

نور بدموع ، مصدقاك يا حبيبي والله وهي اكيد هتعرف الحقيقه

ادهم ، سلام يا نور

،،،،،،،،،

احمد وايان

ايان ، انت اتغديت

احمد ، لا لسه هنزل اجيب اي حاجه وأروح اشوف ماما 

ايان ، طب أنا عامله اكل عشان مامي هتتاخر وبابي هيجوا مع مامتك

احمد ، لا شكرا مش عايز

ايان ، علي فكره انت مغرور ورخم ولو كلمتك تاني ابقي جزمه وحيوانه ودخلت وقفلت الباب

احمد خبط عالباب ، هو انتي زعلتي ليه انا بجد مليش نفس وثم أن أنا مش مغرور ومسمحلكش تكلميني كده

ايان ، امشي ياله من هنا تصدق أنا غلطانه اني فتحتلك امشي ياض

احمد ، في بنت تتكلم كده فين الرقه

ايان ، ملكش فيه خليك في حالك

احمد ، أنا ماشي مش عايز اتخانق مع حد 

ايان ، لا سبت ولاحد يا رخم وقفلت الباب وقعدت تعيط

بعد دقيقتين احمد حب يصالحها

احمد ، افتحي 

ايان ، تؤ تؤ امشي

احمد ، مش معايا فلوس وجعان

ايان ، معنديش اكل

احمد ، خلاص ندخل اعملي ساندوتش اي حاجه

دخل وبعدها بدقيقتين الباب خبط

احمد فتح الباب ، نعم

ايان ، اطفح 

احمد ، ايه 

ايان ، خد كل 

احمد ، شكرا مش عايز

ايان ، طب براحتك وجايه تلف ترجع البيت 

احمد ، استني كده راحه فين هاتي

ايان ، كان من الاول زي مانا قولت والله انت رخم

احمد اخد الاكل حاطه علي التربيزه 

وراح ماسك أيدها لففها ورا ضهرها

احمد ، مين اللي رخم ها مين

ايان ، ااااااه انت والله انت 

احمد ، طيب خلينا لحد ماتتاسفي 

ايان ، هيتكسر والله والله دراعي هيتكسر

احمد ، اتاسفي

ايان ، لا مش هتاسف

احمد ضغط اكتر علي دراعها 

ايان ، اسفه والله اسفه

احمد سابها ، ايوه كده ناس مبتجيش غير بالعافيه

ايان بدموع ، معدش في كلام بينا وسابته ودخلت

احمد ، يبقي احسن ودخل ياكل الاكل

،،،،،،،،،،،

بليل في بيت جودي بعد ما روحت

جودي ، اااه عضمي همووت

نور ،سلامتك يامامي أن شاء الله هتبقي كويسه

جودي ، هو مش هيجي يا نور متاكده

نور ، هو حلف أنه هيبعد خالص

جودي ،طب الحمد لله أنا معنتش عايزه أشوفه خالص

نور في سرها مسيرك هتعرفي الحقيقه وهتندمي ياجودي

كارما دخلت تطمن هي وبناتها علي جودي

احمد ، ازيك يا حور

حور ،. الحمد لله وسابته ودخلت مع مامتها جوه 

احمد شد ايد ايان قبل ما تدخل

ايان ، نعم

احمد ، آسف

ايان ، ماشي

احمد ، المكرونه روعه والفراخ تحفه

ايان ، ماشي

احمد ، خلاص بقي المسامح كريم

ايان ، ماشي

احمد ، هو كل حاجه ماشي خلاص أنا ماشي

ايان ، ماشي 

احمد ، ههههه 

ايان ، ضحكت علي منظره

احمد ، يخربيت جمالها 

ايان ، مين

احمد ، الغمازات

ايان وشها احمر ، أنا داخله عن اذنك 

احمد ، استني ومسك أيدها وباسها لسه بتوجعك

ايان وشها النار هتطلع منه 

احمد ، لاحظ كسوفها خلاص ادخلي ادخلي 

ايان سابته ودخلت جرى

حور ، مالك يا بنتي 

ايان ، مفيش 

حور ، ماهو باين أنه مافيش

،،،،،،،

بعد شهرين والوضع علي ماهو عليه

جودي راحت تفك الجبس 

سلمي راحتلها المستشفي

سلمي ، أنا اسفه يا جودي والله ادهم برئ كل اللي حصل اني كنت عايزاه يرجعلي فعملت الخطه دي

جودي ، ادهم اجي جنبك

سلمي ، لا

جودي ، طب ليه كده ليه خربتيلي بيتي ربنا يسامحك

سلمي ، أما والله بغير من نفسي ونفسي تسامحيني.

جودي ، اسامحك طب اجيب ادهم تاني ازاي انتي مش بني ادمه

سلمي ، سامحيني والله أنا اللي حصل غصب عني الشيطان لعب في دماغي

جودي ، اطلعي بره برررررررره

جودي فكت الجبس ومروحه

محمد ، الحقي ياعمتو الحق نور بتولد ومفيش حد في البيت وعماله تصوت

جودي ، هاتها المستشفي بسرعه

بعد تلت ساعه

نور دخلت العمليات ومحمد دخل معاها

ادهم ، اي الاخبار ياا 

جودي ، تمام الحمد لله هي جوه ادعيلها

ادهم ، هي مش مخصماني

بعد ربع ساعه 

جودي ، يا خلاثي شوف الطعامه يا ادهم 

ادهم بزهول ، ماشاء الله تبارك الله وزي القمر خد يا بوي آذن لها في ودانها

بكره نكمل أنا هموت وانام

روايه ابن عمي البارت 56

للكاتبه اميره محمود

هتيجي الفيلا معايا يا ادهم

ادهم ، اجي فين احنا مش كل واحد راح شاف حياته

جودي ، خلاص بقي يا دومي انسي

ادهم ، عرفتي اني مظلوم

جودي ، سلمي جاتلي وحكتلي اللحقيقه

ادهم ، حقيقه أمممم طب علي فكره انا ارتحت كتير في شقتي لوحدي خلينا بعاد ياجودي صدقيني البعد راحه

جودي ، انت متأكد

ادهم ، اه كده احسن وراح معلي صوته حد عايز حاجه من تحت أنا نازل المطعم اللي علي أول الشارع 

نور ، لا ربنا يخليك ياحبيبي

جودي ، أنا نازله معاك 

ادهم ، خليكي هنا مع بنتك وانا هجبلك اللي عايزاه

جودي باحراج ، نور معلش خليكي معاها علي مااجي

نور ،ماشي ياحبيبتي

ادهم ، طب اتفضلي انزلي ياللا 

،،،،،،،،،

محمد ، حمدالله على السلامه يا حبيبتي ماشاء الله الولد قمر شبهك

نور ، والله ده شبهك انت

محمد ، نسميه ايه 

نور ،. اي رايك في ادهم نفسي اصالح بابي عشان حاسه اني زودتها معاه 

محمد ، خلاص ماشي يا ام ادهم

نور ، ربنا يخليه لنا ياحبيبي

،،،،،،،،

في المطعم

جودي ، ادهم انت بجد مش عايزني

ادهم ،. انتي مصدقتنيش وزمان بردك مصدقتنيش وانا تعبت مش قادر كل شويه اقول محصلش محصلش أنا ارتحت لوحدي

جودي ،بس أنا مرتحتش وراحتي معاك انت

ادهم ، صدقيني خلينا بعاد احسن لينا احنا الاتنين 

جودي ، ماشي يا ادهم مش هرخس نفسي اكتر من كده عن اذنك

ادهم ، رايحه فين 

جودي ، رايحه لبنتي وخليك انت كل لوحدك

،،،،،،،،،،،،،

بعد اسبوع 

محمد ، النهارده السبوع ولازم تيجي يا خالو ده سبوع حفيدك

ادهم ، باذن الله هخلص شغل واجي

محمد ، هتتغدي معانا

ادهم ، ماشي سلام دي الوقت

محمد ، أنا كده عزمت كل اصحابي وعزمت العميد بتاع الجامعه كمان

نور ،ربنا يعدي اليوم علي خير 

محمد يارب 

،،،،،،،،،،

بليل في الحفله 

محمد ، اي ده مش مصدق نفسي نورتيني والله يا دكتور بابا ده العميد

احمد ، اهلا بيك شرفتنا اتفضل 

العميد ، انت عارف كويس انت غالي عندي ازاي

محمد ، والله مجيتك دي علي راسي 

العميد ، اومال فين البيبي 

محمد ، جدته شيلاه هناك ثواني وهجبهولك

محمد ، عمتو هاتي ادهم العميد عايز يشوفه

جودي ، اتفضل يا حبيبي شيله وسمي

محمد ، اهو يافندم ده ادهم باشا 

العميد ، ربنا يخليهولك يارب ياحبيبي

محمد ، ربنا يخليك يافندم

،،،،،،،،،،

جودي ، ربنا يسامحك ياعز مش عارفه اقف من اللي لبساه محروجه اوي

عز ، لازم ياعمتو عشان خالو يرجع في كلامه ويرجعلك

جودي ، ده هيطلقني اول مايلاقيني لبسه كده

عز ، اهو اجي اهو عايزك بقي تتضحكي وتتمايصي ومتعطيلهوش اهتمام

ادهم في سره ، يخربيتك ايه اللي لبساه ده وربنا مانا عطيكي اي اهتمام

جودي لقت ادهم بيعيط راحت تاخده من العميد 

جودي ، هو قارفكم صح

جودي ، دكتور ممدوح

العميد ، ايه ده عرفاني 

جودي ، اه طبعا مش حضرتك كنت اخو فاطمه الزنارى

العميد ، ايوه

جودى ، أنا جودي صاحبتها اللي كنت معاها في ثانوي 

العميد ، يااااه لسه فاكراني 

جودي ، شكلك متغيرش خالص

ادهم قاعد كل شويه يبص عليهم وبعدين راح قاعد جنبهم

العميد ، اخبارك ايه 

جودي ، الحمد لله تمام البيبي ده يبقي حفيدي ابن بنتي 

العميد ، ياسلام انتي اتجوزتي صغيره علي كده فاطمه ولادها لسه في ابتدائي

جودي حبت تغيظ ادهم ، اااه اتجوزت صغيره

ادهم ، هي مالها بتقولها من مصارينها كده ليه

العميد ، اومال فين جوزك

جودي ، احنا منفصلين حاليا

العميد بفرحه ، حد يسيب الجمال ده ده اكيد مبيفهمش

جودي برقت وبصت لادهم 

ادهم عنيه بتطلع شرار

جودي قامت مره واحده خافت ادهم يعمل مشاكل ، عن اذنك أنا هسلم عالناس

العميد ، طب ممكن رقم تليفونك عشان عايزك في موضوع ضرورى

جودي ، طب ثواني وجايه لحضرتك ثواني

محمد اجي قعد مع العميد 

العميد ، هي عمتك منفصله من زمان

محمد بص لادهم برق

العميد ، في ايه يا محمد أنا عايش لوحدي لاني منفصل بردك انا عايز اتقدملها ولو كده نتجوز عالطول

ادهم ، هو حضرتك عايز تتجوزها كمان

العميد ، اه الوحده وحشه والواحد عايز شريك يقعد معاه هو حضرتك اخوها

ادهم سابه ومشي

العميد ، هو ماله ده

محمد ، ده خالي ويبقي جوزها هما لسه مطلقوش

ادهم راح لجودي وشدها من أيدها وخرجوا بره في الجنينه

ادهم ، اجبلكوا المأذون بالمره

جودي ، وانت اي مضايقك

ادهم ، ايه اللي مضايقني انتي اتجننتي 

جودي ، اتجننت ليه 

ادهم ، ايه اللي انتي لبساه ده احترمي انك في سبوع حفيدك 

جودي ، مش ذنبي اني اتجوزت صغيره وبنتي اتجوزت صغيره

ادهم ، مدتلوش رقمك ليه واللا اقولك اجبلكوا المأذون احسن 

جودي بزعييق ، في ايه يا ادهم

ادهم ، متعليش صوتك عليه أنا ماشي وادخلي اقعدي مع الاوزعه اللي جوه

جودي ، هو مش اوزعه اوى ده حتي عنيه زرقا لون السما

ادهم شدها من ياقه الشميز لدرجه انه خنقها 

ادهم ، ماتحترمي نفسك أنا كان ممكن اضربه واعلم عليه بس مرضتش عشان مضرش محمد في شغله بس العيب مش عليه العيب عليكي انتي اللي سمحتيله بكده شوفي لبسه ايه خلاه يتطاول وعايز رقم تليفونك محترمتيش اني قاعد خالص

جودي بدموع ، ادهم انت خانقني

ادهم سابها ونفخ

جودي ، شكرا يا ادهم وراحت ركبت العربيه روحت بيتها

ادهم دخل جوه في السبوع

نور ، هي جودي فين دي اختفت خالص

ادهم ، روحت

نور ، روحت ازاي ده سبوع بنتها

ادهم ، معرفش أنا ماشي

نور ، هو ايه ده انتو في ايه انتو الاتنين

ادهم مرضش عليها ومشا

،،،،،،،،،،،

حور ، الله البيبي طعم اوي

عز ، عقبالنا يارب

حور ، يارب 

ايان ، هاتيه شويه بقي ياحور

حور ، امسكي بس خلي بالك منه 

ايان ، يا خلاثي اي القمر ده 

احمد ، شبهي صح

ايان لفتت وشها الناحيه التانيه ، لا 

احمد ، تعرفي وحشتني المكرونه بتاعتك

ايان ، أمممم

احمد ، مش عيب نبقي ساكنين قصاد بعض ومبنشوفش بعض

ايان ، حل عن دماغي ياض

احمد ، ياض وربنا ماهي ليقه عليكي اول مره اشوف باربي بتتكلم شوارعي

ايان ، عايز ايه يا احمد

احمد ، مش عارف بس بحب اغيظك

ايان ، بتحب تغيظني والله انت رخم

احمد ، لا أنا عسل 

ايان ، والله هقول لبابي 

احمد ، عادي قوليله احمد بيغظني 

البيبي عيط

ايان ، ياخلاثي متعيطيش ياقلبي وراحت بيساه

احمد ، ده سكت الولد طالع لخاله اخد بوسه سكت خاله بردك لو اخد بوسه هيسكت

ايان وشها احمر وسابته ومشت

احمد ، يخربيت كسوفك لسان طويل وبتتكسف 

،،،،،،،،

ادهم ، افتحي يا جودي

جودي بعياط ، عايز ايه

ادهم ، افتحي بس الجيران هتسمعنا مينفعش كده

جودي ، مش فاتحه امشي يا ادهم

ادهم ، وحياه ولادك لتفتحي

جودي فتحت ، نعم عايز ايه

ادهم ، بتعيطي ليه

جودي ، ملكش فيه

ادهم ، طب اغسلي وشك وتعالي نروح نقعد معاهم مينفعش كده

جودي ، مش هروح في حته

ادهم ،. طيب وقام شدها ودخل الحمام غسلها وشها

جودي بزعيييق ، بس بقي سيب أيدي انت ايه مش قولت انك مش عايزني ليه الغيره ضربت في قلبك من الراجل كده

ادهم ، لو مغيرتش على مراتي هغير علي مين

جودي ، طب بالنسبه لكلام أنا اتعودت ابقي لوحدي واحسن ليه وليكي ده ايه بح نسيته

ادهم ، كنت زعلان عشان مصدقتنيش

جودي ، ودي الوقت ايه خلاص زعلك راح ده كان زمان يا ادهم أنا دي الوقت اللي مش عايزاك أنا عايزه اعيش اللي باقي من حياتي لنفسي نفسي احب نفسي شويه ايه مستحقش

ادهم ، ويعني أنا اللي كرهتك في نفسك

جودى ، اه بسبب عصبيتك وكل حاجه بمزاجك ترجع مترجعش وانا مليش راي انت فعلا عمرك ماحبتني

ادهم ، أنا لو مكنتش بحبك كان ممكن أضعف مع سلمي أما روحتلها واكيد شفتي منظرها سلمي كانت بتعرض نفسها عليه وغيرها بس انا كنت برفض عشان مجرحكش طول عمرى من يوم ماشفتك وانا بقول دي بتاعتي لوحدي وانا ليها لوحدها ماحبتش اشارك حد حبي غيرك حتي أما قلبي حب يشارك حد في حبي فكانت بنتنا أنا عمرى ماحبيت غيرك

جودي ، طب بالنسبه للكلام اللي لسه قايلوهولي هناك 

ادهم ، اي واحد غيري كان عمل اكتر من كده شوفي انتي اللي عملتيه هناك ده ينفع واللا لا شوفي هزارك مع راجل لدرجه انه يتطاول ويطلب رقمك ده صح واللا غلط 

جودي ، غلط بس كان نفسي اشوف لسه في حب في قلبك ليه

ادهم ، قلبي كل حب ليكي وعمره ماقل

جودي بفرحه ، بجد

ادهم ، ادخلي غيري يا مجنونه وياللا عشان ننزل نروح

جودي ،هتقعد معايا واللا هترجع شقتك

ادهم ، تعالي نروح السبوع ونرجع نتعشي بره ونرجع سوا 

جودي حضنته أنا بحبك اوى

ادهم ، وانا بعشقك ياللا اجهزى بقي