رواية الحب الضائع الفصل الأول 1 بقلم رحمة طارق

فهد الرفاعي : ٣٠سنه من اكبر عائلات عروس البحر لكنه يعيش في امريكا فقد درس هناك وتخرج ايضا والان يدير مجموعةشركات من اكبر شركات الهندسه تنافس الشركات العالميه

لديه جسد رياضي من يراه يعتقد انه مصارع من عضلاته البارزه التي تجعله في قمة الوسامه وشعره الاسود الذي يجعله في غايه الجمال وغمزاتيه التي تجعل جنس حواء يتساقطون تحت قدميه يطلبون رضاه ولكنه ورغم كل هذا قاسي الطباع حاد المزاج بارد لدرجه لاتحتمل يكره جنس حواء باستثناء والدته واخته التي يعشقها ويعتبرها ابنته .

ارين خليفه : ٢٥ سنه خريجة هندسه من الاسكندريه

تعمل في شركة هندسه متفوقه في عملها فالكل يشهد بمهارتها واخلاصها في عملها ابتسامتها لاتفارق وجهها لكنها تخفي خلف هذه الابتسامه حزن كبير 

سليم الرفاعي : كبير عائلة الرفاعي يعشق عائلته كثيرا حنون ولكنه عندما يغضب يتحول كل شئ لجحيم لا احد يستطيع معارضته في شئ يقوله وما يقوله يعتبر امر لديه ثلاثة اولاد محمد وجلال ومصطفى

محمد الرفاعي : اكبر ابناء سليم الرفاعي محب لعئلته متزوج من علا حب عمره والتي يعشقها كل يوم عن زي قبل لديه ولد وفتاه وهم فهد ورقيه

جلال الرفاعي : شخصيه جامده للغايه وقد ورثها فهد منه فهو نفس طباع فهد ولكنه علي عكس فهد في شئ واحد انه عشق حياه زوجته التي جعلته يعشقها لاقصي الحدود ولديه ثلاثة ابناء عمر ومازن وياسمين

مصطفي الرفاعي: شخصيه مرحه للغايه فهو ورغم كبر سنه من يراه يعتقد انه اصغر من ابناءه بسبب مرحه وابتسامته التي لا تفارق وجهه يحب زوجته فريده بدرجه كبيره وهي ايضا تبادله المرح فكما نقول الطيور علي اشكالها تقع لديه  ولد وفتاه هم 

يوسف ودارين 

وبقية الشخصيات نتعرف عليها مع الاحداث

تستيقظ بطلتنا من النوم علي صوت رنين هاتفها الذي تكرهه لتقوم كالعاده باسقاطه علي الارض لتبتسم براحه علي ذهاب الصوت ما لبثت أن قامت مفزوعه من علي فراشها لتري هاتفها علي الارض

ارين : ينهار ابيض علي اليوم اللي مش باينله ملامح ثم رفعت راسها وقالت بسخريه ولا كل الايام عندي مش باينلها ملامح ثم نظرت الي هاتفها مرة اخري وقالت انا الصراحه مش عارفه انت وبرغم كل الحوادث اللي بتحصلك كل يوم كده ازاي مش  بتتكسر ثم هزته وقالتله انت مصنوع من ايه

دخل عليها والدها

طارق : كالعاده كل يوم تكلمي نفسك برده لحد ما اثبتيلي فعلا ان فكرتي انك تدخلي العباسيه مش غلط 

ارين بحنق طفولي: كده برده يا طروقتي عاوز تدخل بنتك مستشفي المجانين عشان بكلم الموبايل امال لو شوفتني وانا بكلم شطافة الدش هاتدفني صحيح ابهات اخر زمن

طارق : لا اله الا الله انا مش عارف انتي جيتي كده ازاي امك الله يرحمها وانا هاديين مش عارف أنتي طالعه مجنونه لمين

ارين وهي ترفع راسها بفخر : ليك الشرف طبعا انك تجيب واحده قمرايه ومجنونه ودمها استغفر الله العظيم زيي كده انتوا كنتوا تطولوا يا عيله نكديه

طارق: وهو يضحك ثم ابتسم لها بحب وهو يقترب منها عارف يا حبيبتي أن  انتي اكبر بلوه ربنا بعتهالي ثم ما لبس ان ضربها اسفل راسها

ارين بغضب مصطنع وصوت عالي : باااااااابا

طارق بجمود مصطنع:عاوزه ايه

ارين بابتسامه بلهاء : عاوزه سلامتك يا حاج

طارق: طب ياالله يا ختي عشان تفطري وتروحي شغلك

ارين : وهي تجري من امامه بسرعه فوريره

ضحك طارق عليها ثم اتجه للمطبخ 

خرجت ارين وهي ترتدي سلوبت واسعه من اللون الاوفوايت يوجد بها ورود صغيره من اللون الاسود وعليها حجاب باللون الاسود فكانت فاتنه

ارين بصوت جهوري: باااااباا جعااااااانه 

ثم قالت بنبره رقيقه عاملنا فطار ايه النهارده ياعسل

طارق : طب لازمتها الرقه دي بعد عبده موته اللي كان بيتكلم من شويه

ارين : معلش بقا بطني بتهوهو

طارق طب اقعدي كلي يا اخرة صبري

ارين: اخرة صبري ولا ياسمين صبري نيهاهاهاها

طارق بنفاذ صبر : لا اله الا انت سبحانك اني كنت من الظالمين بت كلي وانتي ساكته 

ارين بخوف مصطنع : حاضر يا بابا باشا

هز طارق راسه باستسلام علي ابنته المجنونه

انهت ارين طعامها ثم خرجت من المنزل لتتجه الي عملها

في امريكا

وفي مكان اخر في قصر يشبه قصور الملوك يستيقظ بطلنا في السابعه صباحا ليقوم للجري وعمل رياضته ليظل ساعتان يمارسها ثم يتناول فطوره وينطلق الي شركته في الساعه التاسعه صباحا 

في شركه يبدو عليها الفخامه والرقي 

ما كان يسمع فيها غير اصوات الاقدام يهرول الجميع الي عمله يعملون بجد وكيف لا وهذه شركة الفهد الذي لا يرحم فهو لا يتهاون مع اي احد يقصر في عمله يدخل بطلته التي تخطف الأنفاس وهو يرتدي حله سوداء وتحتها قميص اسود يجعل من يراه يقسم انه لا يوجد جمال ولا وسامه تضاهي وسامته

كانت النساء تنظر له نظرات اعجاب فهم يتمنون فقط نظرة منه

دخل الي مكتبه مالبث ان اتت له سكرتيرته الخاصه

الحوار بالانجليزي

مايا: فهد باشا انهارده عندك اجتماع الساعه ١ مع الشركه الروسيه عشان يشوفوا اخر تصميمات الفندق

ثم املته باقي جدوله اوما لها فهد بجمود ثم قال

فهد : هاتيلي ملف الصفقه الجديده وناديلي كريم

مايا باحترام : هو لسه ما جاش يا فندم 

فهد ببرود خلاص اما ييجي ابعتيهولي 

مايا : حاضر يا فندم ثم خرجت لتنفذ اوامر مديرها 

جلس فهد يتابع عمله وبعد قليل اتت له سكرتيرته بملف الصفقه 

وبعد ربع ساعة وصل كريم الي مكتب فهد ليفتح الباب بقوة ويقول له بمرح في ايه ياعم عاوزني ليه علي الصبح

فهد ببرود وهو ما زال ينظر إلى الاوراق في يده: اتاخرت ليه مش ناوي تبطل العاده بتاعتك دي

كريم : لاء ياعم انا بحب اصحا براحتي مش هاصحا انا من ٧الصبح العب رياضه محسسني ان انا رايح الم لبن

فهد ببرود: طب جهز نفسك يا ابو لبن عشان هاتروح الموقع النهارده تشوفهم عملوا ايه وتخلص كل الشغل اللي متراكم عليك النهارده وانا محذر كل اللي في الشغل ما حدش هيساعدك في الشغل واللي هايساعدك هايترفد ثم تابع بسخريه عشان تبقا تصحا تلم لبن زيي

كريم بصدمه: انت بتهزر يا فهد دا شغل كتير قوي

فهد ببرود: وهو انا قلتلك راكم شغلك لحد ما يبقا قد دماغك

نظر له كريم بغيظ ثم اردف: ماشي يا فهد وهم بالخروج ولكن قبل ان يخرج اوقفه فهد

فهد: اعمل حسابك اننا هانسافر اسكندريه اخر الاسبوع

كريم بفرحه: اخيرا ها رجعلك يا عروس البحر ثم اردف باستغراب بس ايه اللي خلاك تقرر بسرعه كده

فهد: اوامر الرفاعي الكبير

اوما كريم بفرحه ثم ذهب

اما فهد ظل ينظر الى الفراغ والذكريات تعاد كانها سيناريو امامه

في الاسكندريه

وصلت ارين الي شركتها كالعاده تحيي الموظفين وبالطبع لم تخلو من نظرات الاعجاب وتاره من نظرات الحقد من جمالها الهادي 

ثم اتجهت الي مكتبها 

ارين بابسامه: السلام عليكم ياقوم ردوا عليها بابتسامه وعليكم السلام 

ارين صباح الخير يا منوره

منار بحنق طفولي: برده بتقولي منوره صباح الخير يا ستي  بقولك ما تعرفيش اخر الاخبار

ارين باستغراب: ايه

منار: مش المدير بتاعنا هايبيع الشركه لواحد تاني

ارين بضحك : ياشيخه بس ك ثم اردفت بصدمه ايه انتي بتقولي ايه يعني هانترفد ثم تابعت تندب حظها يخربيتك يا ارين ما كانش يومك يااختي

منار: يا بت اسكتي فضحتينا هو قال ان المدير الجديد مش هايرفض حد فاطمني

ارين وهي تزفر الهوا: الله يحرقك يا منار ماتقولي كده من الاول بس هو مين دا

منار بلامبالاه: مش عارفه بس اللي سمعته انو جاي من امريكا

ارين : وقد سرحت في االماضي وبان عليها علامات الحزن ولكنها اخفتها بسرعه تمام..................

يا تري مين هايشتري الشركه ؟؟؟؟

وياتري ارين زعلت ليه اما منار جابت سيرة امريكا ؟؟