رواية عندما يعشق الأدهم الفصل الثالث عشر 13 بقلم رانيا عثمان

ذهب ادهم الي المستشفي وهو يكذب نفسه 

هل من الممكن ان تتركه وحيدا 

اتجهه نحو الاستقبال ليسال عليها خاف الجميع من نبره صوته 

ذهب الي العنايه المركزه كي يراها 

ليراي صديقاتها جالسين امام العنايه ومعهم شاب وامرأة 

اتجهه االيهم ليقول بصوته الرجولي /اي اللي حصل لدكتورة مروة قالها بصوت ثابت

نظروا اليه الفتيات بحزن وتحدثت منه قائله /في حد حاول يقتلها

نظر اليها بجمود ولكنه من داخله يتمزق علي معشوقته 

قصت عليه منه ما حدث وماذا وجدوا عندما دلفوا الي الشقه 

ادهم/ممكن ادخلها 

نظرت اليه منه نظرة لم يفهمها وقالت/اه ممكن بس الاول خلي الممرضه تعقمك

اؤما لها وذهب تعقم ادهم ودخل الي غرفتها

ليجدها مسطحه علي هذا الفراش لا حول لها ولا قوة اقترب منها وهو ينظر الي الاجهزه التي تبقيها علي قيد الحياه 

جلس علي المقعد المجاور للفراش لينظر الي شحوب وجهها لا ليست هذه الفتاه ذات الضحكه الجميله ببرائتها تخطف القلوب خطفت قلبه من الولهه الاولى تحدث قائلا/فين البنت الجميله اللي كانت بتضحك فاعز اوجعها 

اللي ضحكتها كانت مصدر قوه للجميع 

انتي عارفه انا بحبك من اول ما شفتك اه بحبك قلبي مش بيدق غير باسمك انتي وبس وعارفه كمان انا وعدت نفسي مش هتكوني ملك لغيري علشان انتي ليا انا وبس من حقي انا كل حاجه فيكي بتشدني عمري ما فكرت ابص لاي بنت كانوا بيترموا تحت رجلي علشان نظره مني بس انتي اللي قدرتي تخلي الحجر يحبك خليتي القيصر مش بيقدر يقعد لحظه من غير ما يكون معاكي فيها طفولتك برائتك ونقائك بحسك حاجه غريبه عن البنات معرفتش معني الحب غير لما شفتك لا مش حب انا عديت المرحله دي من زمان

انتي عشقي ادهم من غير مروة مش موجود 

لاحظ ادهم انها تبتسم لينظر اليها بفرحه عارمه 

ليقول/عارفه انا ناوي اخدك اماكن جميله وكمان عارف انك بتحبي تركيا ولو حالتك اتحسنت هاخدك جوله وهوريكي حاجات كتير حلوة 

لاحظ حركه وجهها التي تدل علي الاستغراب ليقول /مستغربه صح بس انا عارف عنك كل حاجه بتحبي اي وبتكرهي اي

من اول ما شفتك دخلتي قلبي 

عارفه انك طفله في كل تصرفاتك 

كشرت مروة بوجهها دليل علي انزعاجها

ليقترب من اذنيها ويقول/طفلتي انا وبس ملكي لوحدي 

اتسعت ابتسامتها ليلاحظ ادهم ان هناك تغير في حالتها وانها تستجيب له ليقول/انا همشي دلوقتي وهجيلك اول ما اخلص شغل

تغيرت معالم وجهها للعبوس ليقول/هاجي تاني متخافيش بس لازم  اروح الشركه 

وهرجعلك

قبل ادهم جبينها وخرج من الغرفه ليري الجميع جالس ليقول /في تحسن في حالتها قالها بجمود

فرحت منه كثيرا واتجهت اليه تساله /بجد 

اؤما لها ادهم لتذهب مسرعه الي غرفه مروة بعد ان تعقمت

عند ولاء ذهبت الي قصر الهواري لتقول /كل ده قصر ابو اللي جايبينه ده عيل رزل بصحيح

اوف صبرك يا رب علشان انا ممكن اعمل جريمه

وصلت امام القصر لتجد الكثير من الحراس اقتربت منهم قائله /انا دكتوره ولاء 

الحارس/اتفضلي يدكتوره 

دخلت ولاء الي القصر لتنبهر بشده من جماله وضخامته

اخذت تتامل حتي سمعت صوت فتاه ياتي من ورائها لتقول الفتاه/مين حضرتك

ولاء بابتسامه/انا دكتورة سليم بيه

زهره /اسمك اي يقمر 

ولاء /اسمي ولاء 

وانتي 

زهره/اناا اسمي زهره

ولاء/اسمك جميل ذيك 😍

زهره بابتسامه /تسلمي ده انتي القمر 

تعالي بقا اوصلك أوضه سليم 

ولاء بتوتر/هو انا هروح اوضه الرزل ده

قصدي سليم بيه

زهره بضحك/بقا سليم رزل ده حته قمرايه بس هو عصبي شويه

ولاء /ده عامل زي التنين تكلميه كلمتين تلاقيه بيطلع دخان من كل حته

زهرة بضحك/مش قادره يخربيتك ده انتوا مسخره

ولاء/هو اللي مستفز وعنده كميه برود تلطش الدم

زهره/والله لو سمعك يعلقك

ولاء بثقه/هو يقدر مش علشان طويل حبتين وعامل زي المصارعين يبقي هيقدر عليا لا اصمله علي جماله ده انا بلعب كراتيه 

زهرة/يخربيتك قمر 

ولاء/تسلميلي يلا بقا وريني اوضه الجحش قصدي سليم بيه 

زهره بضحك /تعالي معايا

اخذتها زهره الي غرفه سليم 

علي الجانب الاخري في المستشفى 

في غرفه مروة كانت تجلس ومنه بجانب مروة

تحدثت منه قائله/بت يا مروة اصحي بقا ده انتي ليكي عندي حته مفاجاه كده اي روووعه 

ابتسمت مروة

لتقول منه /بس مش هقولها غير لما تفوقي وتوجعيلي راسي بزنك وتقعدي تديني نصايح وانتي تعملي عكسها 

عايزاكي تفوقي ده احنا لسه عندنا ليكي مفاجاه 

بصي بقا انا عايزاكي  تصحي بقا هروح 

انتي عارفه انتي غيبتي يوم عننا كأنه سنه والله وحشني هزارك وطيبتك وطفولتك وحشتيني

يلا بقا علشان لو فضلتي كده اكيد باباكي ومامتك هيزعلوا واانتي عارفه ان خالتوا تعبانه ومش حمل صدمه فقومي بسرعه علشان هما بيتصلوا كتير وبقلهم مروة مشغوله كل مره بحجه بس اكيد لو اتماديت اكتر من كده في الكدب هتكشف

يتبع..