رواية أحببت بصيرته الفصل الثاني عشر 12 بقلم مريم نصار

ف البنك ...

فريده : خلصت كل الإجراءات ف البنك . ومدير البنك كان هيجبلها المبلغ لحد عندها . لكن قالت انا بحب اتعامل بطبيعتى ..وقاعده ف الانتظار . لما ينادو ع رقمها . وسرحانه بتفكر في ابنها ..

.

فتون : قاعده ف الانتظار . وجمبها حنين .وقالت بت ياحنين .البنك انهردا زحمه اوى ...

حنين : اكيد علشان انهارده الأحد . المهم ياتونه ادينا قاعدين علشان اقولك ع الل حصل امبارح ..

فتون : ايه الل حصل ..؟

حنين : امبارح جالى عريس !!

فتون : بفرحه . بجد . الف مبروك ياروحي.

حنين : بصتلها . اهدى يما ع نفسك كدا . انا رفضته .

فتون : بنفاذ صبر . ليه يابومه . عيبه ايه ؟

حنين : بصي هو كويس ومهندس وعندو شقه وعربيه . وشافنى وانا ف فرح ناس قرايب ماما .

فتون : طيب كويس اوى . ايه اعتراضك عليه ؟

حنين : اعتراضى .انى لما خرجت من الاوضه وقدمت العصير . وشوفته محستوش . قلبى اتقبض . حسيت بكأبه ف نظراته . وحسيت انى اتخنقت اوى . مع انى كنت زى اى واحده متحمسه . تعرفى؟ اتخنقت اكتر لما لقيته بيتكلم ف حجات قبل أوانها .

. زى الشبكه والفستان . وكمان حدد تمنهم .حتى ماستناش يعرف رائي موافقه عليه اصلا ولا لأ.؟ حسيت كأنه بيشترينى عشان مبسوط و متريش حبتين .. ساعتها كنت عايزه اجيب شبشب نوجا والبسهوله ف وشه . هههههههههههه .

فتون : اتنهدت بتعب . اظاهر البيع والشرا بقت هي دى الموضه .

حنين : قوليلى بقى انتى لو جالك عريس متريش كدا . هتطلبى شبكه ف حدود كام . وفستانك نفسك يببقى شكله ازاى ؟

فتون : مش كل ده المهم ياحنين .

حنين : بعدم فهم . اومال ايه المهم .؟ اى بنت بيقى نفسها ف شبكه مميزه وفستان محدش شافه قبل كدا لان دى ليلة العمر ..

فتون : اتنهدت ..الشبكه بتترمي في الدرج والفستان بيترمي ف الدولاب والفرح اخره ابتسامه ع الوشوش بتترسم واحنا بنتفرج علي فيديو الفرح

لكن الراجل هو ال بيفضل ف الضهر . وبصتلها اتجوزى راجل ياحنين ...!

خليكي فاكره أن وقت مايتقفل عليكو باب واحد مش هتلاقي الدكتور الغني ولا المهندس العبقرى..!

هتلاقي يا اما الشخص هيحترمك..وهيحافظ عليكي

يااما هتلاقي الشخص ال هيخليكي تندمي علي اليوم الي عرفتيه فيه...المساله مش مساله فلوس ولا شبكه بكام ألف ولا شقه كبيره ولا صغيره..ولا الشكليات دى كلها

المساله مسئله اخلاق ودين وتربيه و اصول..

شخص يحبك وتحبيه ويتقي ربنا فيكي ويقدرك ويسعدك..

حنين : باقتناع . الله عليكى جبتى الخلاصه والله . ودى اهم حاجه . بس فين الراجل الل يقدر ويحترم الست كأنها أمه واخته . يلا ربنا يرزقنا جميعا يارب بالل يريح قلوبنا ..

فتون : اخدت نفس عميق وسكتت ..

بعد شويه .

حنين : قوليلى يابت يا فتون . انا كل ما اجى أسألك ع تدرسيك ف المدرسه انسي خالص ..

فتون : بعدم فهم . مالها دراستى ياست حنين مش عجباكى ولا ايه هههههه.

حنين : خبتطها ف كتفها . لا يابت دى انتى ماشاء الله عليكي وبشهادة أولياء الأمور كمان . بصي هي دراسة المكفوفين صعبه جدا بصراحه انا لحد دلوقتي بتلخبط فيها بنسى الل حفظته .

.بحس بكلكعه كبيره . بحاول اشرح للاطفال . لكن بحس انى مش قادره اوصل ليهم المعلومه .زيك كدا . بتعملى ايه علشان الطفل ينتبه ويفهمك !!؟

فتون : ابتسمت بحب . وقالت ابدا . لكن اهم حاجه .. الاهتمام والحب والتقدير والثقه .

. مش لازم تحفظى .اهم حاجه تفهمى !! انا كمان ف حجات كتير جدا بنساها . انا بتعامل مع الطفل كأنه ابنى اخويا . وبحسسه انه شخص مهم جدا . لازم يتأهل نفسيا الاول . لانه استحاله يتقبل منك اى معلومه إلا لو كان مؤهل للمرحله دى . لازم تحسسيه انه انسان عادى جدا . لانه فعلا هو انسان عادى جدا . لو هو حاسس بالعجز .انتى بأسلوبك لازم تخرجيه من الحاله دى . حتى لو مش شايف وعايش ف الضلمه . انتى بأسلوبك لازم تتدخلى النور لبصيرته قبل بصره . وبرغم أن العين جزء مهم جدا في حياتنا .انتى بردو بأسلوبك لازم توصليله أنه يقدر يشوف بقلبه .يقدر يعرف كل حاجه من ملمس ايدو لازم يركز ع الحواس التانيه اكتر . الثقه بالنفس اهم حاجه انا ماشيه عليها مع الاطفال .علشان كده انتى تلاحظى مالك وسلسبيل . اسلوبلهم اتغير تماما وكمان باقى الاطفال .

----------------------بقلمى مريم نصار

ف نفس الوقت ..ف فيلا بدر الدين

خالد : راح علشان يطمن ع سليم . وداخل ف جنينة الفيلا شاف حد واقف قدام البسين . واستغرب مين ده !؟ وراح يشوف مين . وقرب منه وبتعجب قال سليم !!!؟

سليم : انتبه . تعالى يا خالد .

خالد : قرب منه وسلم عليه . اذيك ياوحش .

سليم : هز راسه عايش . وانت عامل ايه ؟

خالد : اتنهد بتعب .. اهو بردو عايش ..

سليم : مالك !؟

خالد : ابتسم بتمثيل . ابدا متشغلش بالك . المهم كويس انك خرجت من الاوضه ..

سليم : تعالى نقعد .و اتحرك ومشي خطوتين . وقرب من الكرسي وقعد ..

خالد : قعد بتعب . انا مبسوط انك خرجت ع الاقل ف الجنينه ..

سليم : خرجت لان عزيزه يتزن عليا لازم تروق الاوضه قبل ما فريده ترجع . غير كدا انا مكنتش هخرج ..

خالد : اتنهد . وسكت .

سليم : مالك ياخالد .؟ ومتقولش متشغلش بالك ..!

خالد : بزعل . ابدا اسهم الشركه بتاعتى نزلت .

سليم : اتعدل بدهشه . انت بتقول ايه ياخالد ؟. وازاى الكلام ده حصل ؟

خالد : بتمثيل ياعم روق كدا . عادى يعنى ..

سليم : بديق حقيقي . اروق ازاى ياجدع انت . ده اول مشروع ليك . وانا ال اسستهولك ..

خالد : طيب قولى اعمل ايه ؟ انت شجعتنى افتح شركه بعيد عن ابويا لانه مش فاكرنى اساسا غير كل فين وفين . والشركه انت الل فتحتها عشانى وانت الل كنت بتدير فيها كل حاجه . وانا مكنتش متحمل اى مسؤوليه . ومن ساعة الحادث....وسكت . احم بقولك ايه غير الموضوع ..

سليم : بغضب . ولأنه حاسس بالعجز تماما . صك ع اسنانه . وغمض عينيه وبيفكر ... وبعدها قال .

شريف !! ابعت كل الملفات ل شريف وهو هيتصرف ..

خالد : لا ياسليم . شريف عندو شغل لفوق راسه . شركات ومصانع . ومؤتمرات واجتماعات وسفر. اروح اقوله تعالى ياشريف ساعدنى اصل انا فاشل . مش عارف اسوق حتة مشروع . خلاص ياسليم . انا هبيع الكام سهم الموجود لشركة الشرقاوى واهو مكسب قليل ولا خساره كبيره ...

سليم : ادايق جدا جدا لانه هو كدا السبب في الخساره دى .. لانه اخد فلوس سليم وحطها ف مشروع ليه علشان يكبر خالد ف السوق . ولولا الحادثه وعجزو مكنش كل ده حصل . وقام من مكانه بغضب وقال . خالد متعملش حاجه غير لما ارد عليك. وساب خالد وراح ع الفيلا وكان ماشي بغضب كبير وكأنه عايز يدمر كل حاجه حواليه ..

خالد : اتنهد بديق . وساب سليم ومشي لانه هو كمان مخنوق وحاسس أنه عمرو كله ضيعه ف الفشل . واكتشف أنه كان مسنود ع سليم . لكن لما سليم وقع . خالد بفشله هيقع معاه . خالد ماشي بخنقه ولبس النضاره وخرج من الفيلا ..

----------------------بقلمى مريم نصار

فريده : سمعت رقمها . وقامت استلمت المبلغ . وخرجت .

فتون : بتنفخ اووف احنا بقالنا ساعه قاعدين . خلصنا كل الكلام . والناس مبتقلش ..

حنين : عااااا انا جعانه . والكلام جوعنى اكتر عاااااا.

فتون : اقفلى بوقك يا هبله طلعتى ف الكاميرات بشكلك ده هههههههه .

حنين : ومالو يكش يحسو ع دمهم وينادو عليكى ...

فتون : سمعت رقمها . ههههههههه سمعوكى . قومى تعالى . وراحو عند الشباك وقبضت المعاش . وخرجو ..

حنين : بتمثيل .. فتون ياحبيبتى . مش انا عزمتك من شهرين ..

فتون : هههههههه مصلحه ايوه عشان أنا قابضه ومتريشه . ههههه.

حنين : ههههههههه الله ينور عليكى . انا اصلا بحبك اوى . اول الشهر ههههههه .

فتون : وقفت وكشرت عينيها . صدقى لاحظتها عليكى . واطيه واطيه يعنى .

حنين : اله . ليه بس كده يا تونه ياقمر . ده نونه حبيبتك ..

فتون : اممم . ماشي عموما انا كنت هعزمك . يلا بينا . نجيب احلا ساندوتشات لحم حمير ههههه.

حنين : وحياتك لو لحم كلاب . احنا عندنا حصانه ..

فتون : ايوه ههههه احنا ماشيين ببركة ربنا ..

.بعد شويه .. صوت من وراهم . لو سمحتو .

فتون وحنين . وقفو وبصو وراهم . وشافو ست وقوره راكبه عربيه فخمه جدا..

حنين : ايوه .؟

فريده : ابتسمت . ممكن لحظه ..!!

فتون وحنين خافو . ومش عارفين يعملو ايه ؟

حنين : من بعيد . خير ياطنط حضرتك عايزه حاجه ؟

فريده : ابتسمت . وتفهمت خوفهم . وفتحت الباب وقالت لحامد السواق خليك ف العربيه ونزلت .

وقربت منهم السلام عليكم ياحباببى .

فتون وحنين بحيره . وعليكم السلام ورحمة الله ..

فريده : بصت ع فتون وشافت شكلها كويس وبصت لحنين وقالت ماشاء الله تبارك الرحمن . انتو الل اتنين قمرات .

حنين : احم شكرا . حضرتك تعرفينا .

فريده : هزت راسها بلاء . بصراحه يابنتى انا كنت جوه ف البنك . وكنت قاعده ف الكرسي الخلفي منكم . واسفه جدا انا سمعت الحوار الل كان بينكم . سامحوني .ولكن يمكن القدر الل خلانى انزل من بيتى انهردا علشان يدلنى ع الطريق الصحيح ..

فتون وحنين . واقفين ومش فاهمين حاجه .

فتون : شافت قدامها ست وقوره وجميله محجبه . وقالت لو سمحتى يا امي ممكن تقولى نقدر نساعدك فى ايه لأننا مستعجلين ..

فريده : عيونها لمعت بدموع . حاضر ياحبيبتى . دلوقتي انا سمعت حديثكم . وانك مُدرسه ف مدرسه للمكفوفين . وعجبنى طريقة تفكيرك جدا ف تعاملك معاهم ..

فتون : متشكره جدا . حضرتك مديرة مدرسة؟

فريده : بدموع لأ .

فتون : قلبها وجعها . طيب وحدي الله يا امى بتعيطى ليه !؟

فريده : قربت من فتون . ومسكت أيدها . انا محتاجلك يابنتى . انا ف أمس الحاجه ليكى .

ولسلوكك وطريقة تعليمك . ياريت يابنتى متخذلنيش ..

فتون : بحيره . انا مش فاهمه حاجه . ممكن حضرتك تهدى . ولو ف ايدى اساعدك صدقينى انا مش هتاخر عليكى ..

فريده : ابتسمت ب أمل . باين عليكى انك بنت اصول وبنت بلد ومش هتخذلى أم قلبها مفطور ع ابنها الوحيد ..

فتون وحنين . عيونهم لمعت بدموع ع دموع فريده .

فريده : انا اسمي فريده . وكملت بعياط وعندى ابنى وحيد واتعرض لحادثه من ٤ شهور واكتر . وبسبب الحادثه ابنى اتعمى . وقالت بصوت مكسور . عمى كُلى ومفيش امل انه نظره يرجع تانى ..وبصت ل فتون . انا هحكيلك كل الل حصل لابنى سليم من قبل الحادثه لحد انهردا . لكن ياريت انك توافقى انك تتدرسي لسليم ابنى وتعلميه ازاى يقرى ويكتب . لان مستقبله كله هيتدمر مش عينيه وبس لأ عينيه وسليم نفسه كله هيتدمر . ابنى اتغير . ارجوكي يابنتى انا عايزاكى تيجى وتديله جلسات وياريت توافقى . وتقدرى تساعدينى .

وفريده طبعا كان كل كلامها كان بدموع .

فتون وحنين . بيسمعوها ودموعهم نازله ع انكسار فريده قدامهم ..

فتون : مسكت أيدها . اهدي حضرتك . وبطلى تعيطى . وإن شاء الله ابنك هيبقى كويس . هو تلاقيه بس مصدوم ومش مصدق ..

فريده : بصتلها بترجي . انا سمعتك وانتى بتتكلمى وبتشرحي ازاى تتعاملى مع الطفل الكفيف . وحسيت من كلامك إن سليم ابنى محتاجك . محتاج التأهيل النفسي . محتاج ثقه . محتاج صبر منك . وصدقينى انا موافقه ع اى مبلغ تطلبيه . انا هدفعلك ومقدم لكن وافقى يابنتى الله يكرمك ..

فتون : ابتمست ع حب فريده لابنها . وقالت . فلوس ايه بس حضرتك . سيبيها ع الله .

فريده : ابتسمت يعنى افهم انك موافقه ؟؟

فتون : بتفكير . والله مش عارفه . طيب اشوف ظروفى وارد ع حضرتك ..

فريده : مسكت ايديها . ارجوكي يابنتى متعلقيش قلبى ب أمل كداب . انا عشت أسؤ ٤ شهور ف حياتى . ابنى بيدمر نفسه . ارجوكى وافقى . طيب بصي . جربى جلسه او اتنين . اى حاجه الله يكرمك يابنتى ..

فتون : بصت ل حنين ..

حنين : هزت راسها . وافقى .

فتون : فكرت لانها كانت عايزه تدى دروس تحسن مستواها . وقالت ماشي حضرتك انا هتابع مع ابنك .

.

فريده : بفرحه كبيره . بجد . انا بشكرك جدا يابنتى . ربنا يوفقك ياحبيبتى . وفتحت الشنطه .وطلعت كارت وكمان فلوس . اتفضلى ياحبيبتي .دا الكارت فيه تليفون وعنوان الفيلا وكمان تليفونى . ودى اول دفعه ٣٠٠٠ج .والباقى بعد جلستين إن شاء الله ..

فتون : بصدمه كبيره . وهمست ٣٠٠٠ج . وبصت ل حنين .

وحنين حاسة ببلاها ..

فتون : ابتسمت . ومدت أيدها واخدت الكارت بس . وقالت حضرتك خلى فلوسك معاكى وايه كل ده . انا مقدره خوفك الل انا شايفاه ف عينيكى ع ابنك . شيلى فلوسك معاكى ..

فريده : قلبها استريح جدا . لفتون رغم بساطة لبسها وفونها القديم وشنتطها القديمه . إلا عندها قناعه ماشفتهاش من زمان . وابتسمت بحب . حاضر يابنتى . وحطت الفلوس ف الشنطه . وبصتلها استناكى بكره إن شاء الله .

فتون : هشوف كدا طيب ظروفى لانى عايشه انا ووالدتى لوحدنا . هشوف المواعيد الل ينفع اسيبها واجى لحضرتك إن شاء الله.

فريده : خافت من إن فتون متجيش . احم طيب ممكن تسجلى رقمى الخاص عندك وترنى عليا منه دلوقتي ..

فتون : بتفهم وابتسمت حاضر . اتفضلى حضرتك قولى الرقم .

فريده : باريحيه عطتلها الرقم . وفتون رنت عليها . وفريده سيڤت رقمها وقالت فتون مش كدا !!؟؟

فتون : ابتسمت ايوه . اصل حنين صحبتى فضحيه وضحكت .

فريده : ربنا يديم الصداقه والحب بينكم . انا لازم امشي دلوقتي . وبصت ل فتون بنظرة. امل .ارجوكي متخلفيش وعدك ليا . سلام عليكم.

فتون : عينها اتعلقت بفريده واتنهدت وعليكم السلام ..

فريده : ركبت العربيه . اطلع ع دار الايتام يا حامد . واتحرك بالعربيه ومشيو ..

فتون : بتقرى العنوان ع الكارت وساكته .

حنين : ايوه بقى .. ايوه بقى . واله والزهر هليعب معاكي يابنت الحج مهران ..

فتون : خبطتها ع راسها . زهر ايه وبطن انتى كمان .

.

حنين : يابت انتى مش شوفتى الست باين عليها غنيه اوى . وكمان بتقولك ٣٠٠٠ ج اول دفعه .

فتون : وانا اعمل ايه يعنى غنيه ولا فقيره . يعنى انتى شايفه السعاده هتنط من عينيها مثلا ؟ . ماهي تعبانه اهي ونفسيا كمان .وبتقولك ابنها اتعمي كُلى يعنى الفلوس دلوقتي تقدر تعمل حاجه !؟ ربنا معاها صعبت عليا اوى . اما نشوف ربنا يقدرنى واعملها حاجه ..

حنين : يستى انا بهزر وعارفه كمان انها طلعت مبلغ زي ده . كأنها بتتعلق بقشايه . يلا ربنا يشفى كل مريض يارب . وسبحان الله يافتون شوفى ربنا بيبعت الرزق للإنسان من غير انزار . يعنى انتى كنتى هتروحي تقبضي من البنك الل جمب الحي بتاعكم . ولولا المدرسه دى جمب البنك ده مكناش قابلنا مدام فريده دى خالص ..

فتون : انتهدت . وقالت وممكن كمان ربنا بعتنى ليها يمكن ربنا يجعلنى سبب ف انها قلبها يطمن ع ابنها . ربنا يشفيه يارب

حنين : رفعت أيدها للسما . يااارب يختى . ويااااارب ناكل ف ام اليوم ده بقى ..

فتون : ام كرشك ده . تعالى هنشترى غدا . وكمان هجيب ل بطه معايا .

حنين : يلا بينا . وحطت أيدها ع بطنها وقالت . هيا لنملأ هذا الكرش المسكين . فلتصبر قليلا ياحبيبى ...

فتون : صبرنى يارب . انا بحبها بس شكلى هبيعها قريب . ههههه وضحكو وراحو يشترو اكل ..

----------------------بقلمى مريم نصار

بعد فتره . ف فيلا بدر الدين

فريده : رجعت من دار الايتام بعد ما اتبرعت بمبلغ كصدقه بنية الشفاء لابنها . وطالعه ع السلم ورايحه تطمن ع سليم . وخبطت وفتحت الباب . لكن سليم مش موجود . دخلت خبطت ع باب الحمام . وكان مفتوح . وبصت ملقتش سليم . طلعت التراس مش موجود . قلبها دق بخوف . وخرجت بسرعه . ونزلت بسرعه . وندهت . عزيزه . يا عزيزه .

عزيزه : جت بسرعه افندم ياهانم .

فريده : بقلق . سليم بيه فين مش موجود في اوضته!!؟

عزيزه : ايوه يا هانم . سليم بيه موجود في المكتب مع المحامى ..

فريده : بصدمه كبيره . المحامى !!!؟. طيب طيب .روحي انتى . ووقفت مكانها وبتفرك ف ايديها من القلق وخايفه إن سليم يتهور . ويعمل توكيل عام بكل أملاكه ل شريف . ومش عارفه تعمل ايه . تدخل ع سليم . ولا تستنى . وخايفه تتكلم شريف يرجع ويسمع اعتراضها علشان ميدايقش أو يفهمها غلط . دي املاك ابنها وكل واحد واخد نصيبه .وبصت ف الساعه وكان لسه بدرى ع رجوع شريف .. ورايحه جايه ف الليفنج بتوتر . وانتبهت لباب المكتب اتفتح .

المحامى : تمام ياسليم بيه . انا هجهز كل الاوراق الل حضرتك طلبتها . لكن ف غصون أسبوع بالظبط . احصر كل املااكك وأجهز التوكيل لحضرتك ..

سليم : بجمود . هز راسه تمام يا استاذ عماد . قدامك اسبوع واحد وبس . وكل حاجه تخلص فاهم ؟

فريده : سمعت كلام عماد المحامى وقلبها بيدق بسرعه كبيره مش معقول . سليم هينهى نفسه .

عماد : إن شاء الله يافندم. بعد اذنك . واتحرك وشاف فريده وابتسم وهز راسه مساء الخير ياهانم ..

فريده : بلخبطه . م..مساء النور يامتر .

عماد : خرج من الفيلا ..

سليم : طالع ع السلم ..

فريده : بصوت جهورى . استنى عندك ياسليم !!

سليم : وقف مكانه . وغمض عينيه واتنهد بتعب . خير يافريده ؟؟؟

فريده : بجديه .. عايزاك ف المكتب تعالى .

سليم : انا عايز اطل......

فريده : بديق حقيقي . قولت عايزاك ف المكتب ياسليم ومش عايزه اى نقاش اتفضل معايه ... ودخلت المكتب ..

سليم : نفخ بنفاذ صبر . وراح ع المكتب ودخل . وواقف وحط ايدو ف جيبه . خير يافريده . ؟

فريده : قفلت باب المكتب بغيظ . وراحت وقفت قدامه .واتكلمت بعصبيه .. ممكن افهم المحامى كان هنا ليه !؟ ومين طلبه وايه الل جابه . وأملاك ايه دى الل هيحصرها . ممكن تفهمني !!!؟

سليم : ببرود . انا الل طلبته !!

فريده : بدهشه . طلبته لييه؟ انت عايز تعمل ايه ياسليم ؟

سليم : طلبته من فون البيت . وعايز ايه ف انا طلبت من عماد يجمعلى كل املاكى علشان هعمل بيها توكيل عام ل شريف اخويا ..

فريده : شهقت بصدمه وحطت أيدها ع بوقها . انت بتقول ايه ياسليم ؟ انت ازاى تفكر في حاجه زي دي وانا استحاله اخليك تعمل كدا!؟

سليم : ليه استحاله !! واتنهد بوجع كبير . خلاص يافريده كل شيء انتهى . تعرفى إن خالد بسببى خسر في البورصه . وقبض على أيديه .بسبب الحادثه انا ادمرت ودمرت صحبى معايا . وكمان شغلى وقف ومبقاش يهمنى . انا هرجع ل خالد فلوسه كلها وهشترى الاسهم الل باقيه .واعمل توكيل عام ل شريف . وبكده ابقى صلحت غلطى ..

فريده : زعقت غلط !! االل انت هتعمله دلوقتي يبقى أكبر غلط . وبتعالج الغلط بغلط اكبر . ومسكت ايديه بترجي .اسمع يبنى الله يهديك ارجع عن قرارك ده !! انا لا يمكن اوافق ع ده ابدا .

سليم : بعدم فهم . وزعق . طيب انتى عايزاااانى اعممممل ايييييه . اركن المشاريع الل بقااااالى سنيييين بحاول احققهاااا . اسييييب خااااالد الل عشمته انى هخليه ميحتاجش لابوه .والنتيجه اهى دمرته وهيفلس بسببى . انتتتتى عايزانى اعمل اييييه . كل مشاريعى واقفه ع امضاة قلم . قلم غبى لكن انا اعمى . اعممممى مش عارف اعمل اى حاجه . ولا عارف اعيش . انتو عايززييين منى اييييييه !!!؟ سبونى ف حااااالى .

فريده : اتخضت وبتعيط ع حال سليم . لكن حاولت تتماسك . طيب ممكن تقولى انت هتمضى التوكيل العام ازاى ؟ واشمعنى الخراب ودمارك انت مصمم عليه !!!

سليم : صك ع اسنانه بغيظ . المحامى هيصرف ف الامضا . وكمان ف وجود شريف . وانا مش بخرب ولا بدمرررر انا بنقذ ما يمكن إنقاذه . بحاول انى اشيل الهم ده كله من ع قلبى . وزززعق فيها . انتى كل الل همك الفلووووس وبس ... مش بتفكرى ف ابنك ابدااااا ... شركة ايييه ؟ وعقارات ايييييه الل انتى بتفكرى فيهم قبل ابنك ؟ . انتى من امتى وانتى كدا . هاااااا ؟ من امتتتتى اتكلمى ..؟

فريده : رجعت لورا . وفتحت عينيها ع الاخر بصدمه . وبصت كتير ل سليم ودموعها نازله بوجع كبير ..ومردتش ع سليم .

سليم : واقف بينهج ومش عارف يسيطر ع غضبه .

فريده : سابت سليم . وخرجت من المكتب . وراحت ع اوضتها وعيطت بصوت عالى وترجي من ربنا انه يصلح الاحوال ويهدى سليم ..

سليم : واقف مكانه . وبينهج بغضب شديد . واتغاظ جدا من الل قاله لفريده . وحس بيها لما خرجت . وبدء يكسر كل حاجه حواليه ...

----------------------بقلمى مريم نصار

فتون : راجعه الحاره . وراحت جابت علاج الشهر من الصيدليه . وقالت للدكتور شكرى . لو سمحت يادكتور انا كنت طالبه منك تجبلى حزام الضهر للحاجه بتاع الغضروف . جبته ولا لسه !؟

د/شكرى : ايوه طبعا لسه جاى انهردا الصبح . ثوانى اجبهولك . وجابه اتفضلى . الحاجه تستعمله وقت المجهود يعنى وهى ماشيه ف الشقه أو نازله ع السلم أو هى خارجه . وكمان وهي قاعده ف البيت . تشليه بس وقت النوم . والف سلامه عليها إن شاء الله .

فتون : اخدته . شكرا جدا لحضرتك يادكتور . ربنا يصلح حالك يارب ..

د/ شكرى . العفو ع ايه . اتفضلى باقى العلاج.

فتون : دفعت الحساب .. وخرجت ..

راحت ل زبنهم . سلام عليكم ياعم زينهم ..

زينهم : اهلا اهلا وعليكم السلام يافتون يابنتى تعالى خشي .

فتون : دخلت البقاله . فين النوته بتاعتى ههههه .

زينهم : اتنهد . يابنتى سيبك من النوته دلوقتي.وخلى فلوسك معاكى .

فتون : مستوره والحمد لله ياراجل ياطيب ..

زينهم : يابنتى ربنا يسترك دنيا وآخره يارب . بس متتعبنيش معاكى . ابو سلامه زود عليكى الايجار راجل مفترى إنما نقول ايه . أدى الله وادى حكمته ..

فتون : فتحت الدرج وجابت النوته . وربك كريم ياعم زينهم . انا قولتلك من فتره انى بفكر ادي دروس . وانا اخدت اجازه. واهو ربنا كرمنى انهردا بحاله . وهتابع معاه جلسات إن شاء الله ..

زينهم : يا ما انت كريم يارب . ربنا يابنتى يوسع رزقك ويعوضك خير إن شاء الله . انما بقى الدرس ده ف المنطقه هنا . ولا فين !؟

فتون : اهو دا الل شايله همه ياعم زينهم . المكان بعيد عليا . والست بصراحه صعبانه اوى عليا . ومش هينفع مواصلات . لازم تاكسي ..

زينهم : طيب يابنتى مش هما المفروض يشيلو تمن المواصلات دى . انا اعرف إن الل بيروح درس مخصوص . الاهل بيتكفلو بكل حاجه ؟

فتون : مش عارفه والله ياعم زينهم . انا ممكن مروحش بس مش عارفه اعمل ايه . محتاره .

زينهم : ولا تحتارى ولا حاجه . اسمعى . الواد حسين ابن عمك جمعه .جايب حتة عربيه صغيره كدا بيسترزق عليها . ممكن يوصلك . ويجيبك واهو الل نعرفه احسن من الل منعرفوش وهو أولا . اها ربك مسهلهالك اهو .. مالكيش حجه اهو ..

فتون : بتفكير . اممم هشوف ربك يسهل .المهم امسك ياعم زينهم الحساب . وعايزه كيس مكرونه و٢ نسكافيه . وعلبة سمنه .

زينهم : حطىيهم ف الدرج يابنتى وانا هروح المخزن اجيب السمنه علشان خلصت من عندى . ثوانى وراجع خليكى واقفه هنا متمشيش ..

فتون : ماشي ياراجل ياطيب .

زينهم : خرج . وفتون حطت الفلوس. وجه طفل صغير . بيرفع ايدو بالفلوس . عايز مثاثه ولبان وسبسى .

فتون : ضحكت . يختى ع جمالك عسل . اسمك ايه ؟

.. أثمى حمد .

فتون : باسته من خدو . قمر يامحمد . استنى هجبلك الل انت عايزو . وجابت الحاجه واخدت الفلوس . ومشي . وحطت الفلوس ف الدرج . وجابت النسكافيه وكيس المكرونه . وفجاءه سمعت صوت سرينه ميكروباص . وسمعت اهل . الحاره بتبارك وتهنى . وقالت بعدم فهم . هو ده عفش عروسه ولا ايه ؟ . الصوت قريب اوى . وطلعت تشوف ايه سبب اللمه دى . واتفاجئت .. حسن !!!!! وبلعت ريقها بتوتر .وحاولت متتهزش .

زينهم : جه اتفضلى يافتون يابنتى علبة السمنه اهي ..وبص قدامه ايه ده وايه اللمه دى !!؟

فتون : بشعور غريب جواها . ده حسن ابن عمى منصور رجع ياعم زينهم ..

زينهم : بعدم إهتمام . اااه حمدالله ع السلامه . طيب تعالى نسلم عليه ..

فتون : بصتله بعدم فهم . انت عايزنى انا اروح اسلم عليه !؟

زينهم : ومالو فيها ايه . وكمان تسلمى بقلب جامد وقدام الحاره كلها وتحطى صوباعك ف عين التخين . تعالى واتحرك وفتون ماشيه جمبه .

حسن : بيسلم ع أهل الحاره وبيضحك ومبسوط ..

زينهم : بتكليف . اهلا اهلا بابن الغالى .حمدلله ع سلامتك ياحسن يبنى ..

حسن : عينيه ع فتون بغيظ مكبت . اهلا ياعم زينهم الله يسلمك ياراجل ياطيب .

زينهم : نورت الحاره برجوعك ياحسن .

حسن : بنفس النظره . منوره با أهلها ياعم زينهم . وقال بتريقه . اذيك يافتون ايه مش هتسلمى عليا ؟..

فتون : ابتسمت . لا يابن عمى هسلم عليك طبعا ونبل شربات ونوزع كمان . بس استنيت لما الكبير يسلم عليك الاول . مش دى الأصول بردو ياااا ..حسن . وعموما حمدالله ع السلامه . نورت الحاره . وبصت ل زينهم تؤمرنى بحاجه ياعم زينهم ..

زينهم : ربت ع كتفها بسعاده . سلامتك يابنتى .

فتون : بصت ل حسن باستهزاء . بالاذن ودخلت العماره ..

حسن : صك ع اسنانه بغيظ مكبت . لانها نرفزته وحرقت دمه ..

زينهم : بالاذن يبنى اصل البقاله لوحدها . حمدالله ع سلامتك مره تانيه ..ومشي

حسن : بغيظ . الله يسلمك اتفضل ياعم زينهم.

حسن بعد ما الكل رحب بيه . حاسب السواق . ودخل العماره . وطالع ع السلم ...

سحر : اول ما عرفت كانت هتموت من الفرحه ولبست الاسدال وطلعت البلكونه وشافت الشنط الل شباب الحاره طلعوها. واستنت لما حسن دخل العماره . وجريت فتحت الباب وعينها عليه وهو طالع . ومتوتره وقلبها بيدق من الفرحه ..

حسن : طالع وشافها . وابتسم اذيك يا سحر.

سحر : بفرحه ورقه اذيك انت ياحسن . حمدالله ع سلامتك. انت متعرفش انا فرحت قد ايه لما عرفت انك راجع . وقالت بهيام . اصلك متعرفش غلاوتك عندى قد ايه ياحسن ..

حسن : بلع ريقه بتوتر . احم الله يسلمك ياسحر . هوا .. هوا الشيخ محمد جوه .

سحر : بدلع تؤتؤ . امي بس . عارف ياحسن انا كان نفسي افرشلك الأرض ورد لحد باب الشقه

حسن : احم تسلمى ياسحر طول عمرك بتفهمى في الأصول .

سحر : تسلملى ياحسن ..

سميره : طلعت من وراها . وشهقت بفرحه . لما شافت حسن وراجع وباين ع لبسه أنه بقى مبسوط . وقالت . اهلا اهلا يادى النور ياحبيبى . حمدالله ع سلامتك يا حسن يبنى . والله انا قولت الحاره منوره ليه كدا . اتارى حسن رجع . نورت بيتك ياحبيب خالتك ..

حسن : ابتسم . الله يخليكى ياخالتى أم عصام . انتى عامله ايه ؟

سميره : بتضحك . انا مبسوطه .تقولشي روحي ردت فيا تانى لما شوفتك . والله العماره ماليها طعم من غيرك ياحبيب خالتك . انا فرحتى انهردا متتحكيش ولاتتوصف ..

حسن : عينيه ع سحر . تعيشي ياخالتى أم عصام . السلام امانه لعصام وكمان للشيخ محمد . وقال بتلميح لسحر .. لحد ماقابله إن شاء الله ..

سحر : ابتسمت ونزلت راسها وبصت ف الارض.

وحسن عجبه كسوف سحر . وكلام سميره واهتمامهم . انا هطلع اشوف الحاجه ام حسن.

سميره : وماله ياقلب خالتك اطلع ياحبيبى ارتاح . تلاقيك راجع تعبان . وإن شاء الله . ع المغرب هطلع اسلم عليك انا وسحر . ولا ايه ؟

حسن : ياخبر ده بيتك قبل بيتى تشرفو ف اي وقت ..

سميره : طبطبت ع صدره . تعيش ياحبيبى طول عمرك راجل من ضهر راجل .

حسن : الله يخليكى ياخالتى . يلا سلامو عليكو .. وطلع ..

سميره : دخلت . وسحر حضنت امها بسعاده . شوفتى ياماما حسن راجع ومالى مكانه ازاى .

سميره : بمكر . ايوه ياسحوره . ولا الشنط الل شباب الحاره طلعوها . تقوليش جايب كل حاجه وراجع .

سحر : بدلع ..انا فرحانه اوي ياماما .

سميره : ضحكت . وحياتك ياسحوره لا اعمل كل حاجه اقدر عليها عشان حسن يبقى من نصيبك ..

سحر : سقفت بفرحه . وحضنت امها ياحبيبتى ياسميره . ربنا يخليكى ليا يارب . وخرجت من حضنها . وقالت بتمثيل الكسوف بس اسمعى

حسن قبل ما يرجع لمحلى انه عايز يتقدملى .

سميره : شهقت بفرحه . وخبطها على كتفها . وسيبانى ع عمايا يابت انتى . تعالى احكيلى قالك ايه . تعالى ...

----------------------بقلمى مريم نصار

بعد فتره كبيره ..

فريده : رافضه تنزل من اوضتها وزعلت من سليم ورفضت تأكل اى حاجه. وفكرت كتير جدا .واخدت قرار وانها اتصلت ع عماد المحامى . وقالت يلغى كل حاجه سليم اتفق معاه فيها . لان سليم بيمر بازمه نفسيه ومش مدرك مصلحته . وقالتله حاول تتحجج بأى طريقه وانه ميعملش اى حاجه من اتفاق سليم . وعماد بعدم فهم . وافق ومش فاهم حاجه ..

اما سليم : بعد ما ثار ف المكتب وكسر كل حاجه بغضب . طلع وحبس نفسه ف اوضته وقفل بالمفتاح . وكان زعلان جدا من نفسه وأنه ازاى يتكلم مع فريده بالطريقه دي . وازاى قدر يقولها انتى الل يهمك الفلوس وبس .ولعن نفسه كتير اوى . وقعد ف الضلمه ورفض إن شريف أو خالد واى حد يدخل عندو ..

----------------------بقلمى مريم نصار

اما . فتون : حكت ل فاطمه كل حاجه عن فريده ومحتاره . وفاطمه قالتلها صلى الاستخاره . وربك يحلها من عندو . وكمان فريده صعبت ع فاطمه جدا . وفاطمه عرفت إن حسن رجع وزعلت جدا من جواها . لكن فتون طلعتها من الل هي فيه .

فتون : قامت اتوضت وصلت الاستخاره . وخلصت وبتقلع الاسدال . وفونها رن وكانت فريده . وفتون ردت عليها . وطريقة فريده وترجيها أجبر فتون ع الموافقه . وقالتلها بكره إن شاء الله هكون عند حضرتك وفريده شكرتها جداا وقفلو ...

----------------------بقلمى مريم نصار

تانى يوم .

فتون : لبست وخرجت وركبت مع حسين ف العربيه .. وحسن شافها من البلكونه واتغاظ جداااا ..

حسين وصلها ع العنوان . فتون نزلت من العربيه . وبصت ع حجم الفيلا بانبهار كبير . وانها اول مره تشوف حاجه زى دي قدام عينيها . وبصت ع البواب . وقالت بتوتر .. احم سلام عليكم ..

محروس : وعليكم السلام اؤمرى حضرتك !؟

فتون : الأمر لله . لو سمحت هي دى فيلا مدام فريده !!؟

محروس : ايوه . اقولها مين ؟

فتون : فتون مهران ...!!!

فريده : لما عرفت نزلت بسرعه علشان تتفق مع فتون .

فتون : داخله الفيلا . وجواها رهبه كبيره . وخايفه . وبتقرا قرآن جواها . وحاسه انها عايزه تمشي ..

فريده : ابتسمت بتعب وإرهاق . اهلا وسهلا ياحبيبتى اتفضلى اقعدى .

فتون : بلعت ريقها بتوتر . وكأنها داخله مكان زي الافلام بالظبط . وقعدت بخوف ع طرف الكنبه . وقالت بصوت مبحوح. اهلا بحضرتك ..

فريده : حست خوفها . وقعدت جمبها . عارفه اول ما شوفتك داخله متوتره كدا . فكرتينى بنفسي زمان اول مره ادخل فيها الفيلا دي . كنت خايفه . حساها كبيره اوى . وتخيلت نفسي انى ف فيلا جوه مسلسل ههههه.

فتون : بدءت تهدى . ابدا انا مش متوتره ولا حاجه . انا بس مش متعوده اروح عند حد . متزعليش منى ..

فريده : ابتسمت . لا ربنا مايجيب زعل . تحبى تشربى ايه !؟

فتون : بنفي . لأ لأ انا مش هشرب حاجه !!

فريده : حست ان فتون مختلفه عن اى حد دخل عندها . ماشي ياحبيبتى بكره تاخدى ع المكان وتطلبى بنفسك .

فتون : ابتسمت . متشكره لحضرتك . احم انا قدامى ساعه ونص بالظبط . ياريت لو ابدا مع ابن حضرتك ..

فريده : بصت لفتون بدموع. قبل اى حاجه . وقبل ما تقابلى سليم ابنى . انا حابه احكيلك من يوم الحادثه لحد انهردا . وايه الل حصل لابنى . وايه الل وصله ُ من بعد الحادثه .

فتون : بعفويه . اتفضلى انا سمعاكي ..

فريده : اخدت نفس عميق . وحكت كل حاجه لفتون عن الحادثه . وكمان رهف وموقفها . وكمان ع المُدرسين الل كان بيصمم انه ياخد الجلسه ف اوضة النوم . وردود الأفعال بتاعة سليم . وفريده قالت لفتون . سليم ابنى ده الل انا طلعت بيه من الدنيا ومحلتيش غيرو . وعيطت بتعب شديد ابنى اتغير اوى . امبارح اتجرا وقال كلام جرحنى . بس تعرفى انا مسمحاه . انا عزراه . حاسس بالعجز تماما . ومعندوش امل ف اى حاجه . ونفسيا متدمر .ورافض انه يتعلم تانى ورافض الدكتور النفسي .ورافض كل حاجه . انا بتمنى منك انك يكون عندك قوة تحمل وصبر . وتتحملى اسلوب سليم . صدقينى هو طيب جدا . بس الشرخ والصداع الل بيجيله وكمان ياقلب امه كفيف وعيطت بصوت حزين جدا وسكتت ......

فتون : بتسمعها . وصعب عليها سليم جدا . وكمان فريده . ومتحملتش ودموعها نزلت . وربتت ع ايد فريده . وابتسمت بدموع . اوعدك اني إن شاء الله هحاول ع قد ما اقدر . انى ارجع ثقة ابن حضرتك من تانى ...

فريده : مسكت ايد فتون وضحكت بدموع . بجد . بجد يابنتى .

فتون : ابتسمت . بجد . بس ياريت معلش ممكن شوية ميا ..

فريده : ضحكت بدموع . بس كدا .وندهت . يا عزيزه . عزيزه .

عزيزه : جت بسرعه افندم ياهانم ..

فريده : هاتى عصير وكوباية ميا بسرعه ..

عزيزه : تحت امرك ياهانم . واتحركت .

فتون : لسه هتعترض . لكن فريده ضغطت على أيدها . اعتبري نفسك ف بيتك ..

عزيزه : حطت الصينيه . اى حاجه تانى ياهانم .

فريده : بجمود . ايوه اطلعى قولى لسليم ينزل يكلمنى حالا .

عزيزه : بتوتر احم..... ومتحركتش ....!

فريده : ف ايه يا عزيزه واقفه ليه ؟

عزيزه : اصل بصراحه انا خايفه ياهانم . وغير كدا . سليم بيه وحضرتك مكلتوش حاجه من امبارح. وسليم بيه كسر كل حاجه ف المكتب .وانا خايفه اطلع ..

فريده : اتنهدت بزعل ... متخافيش اطلعى بس قوليله وهو هينزل ..

فتون : زعلت ع حالة فريده ..

عزيزه : حاضر ياهانم . وطلعت بخوف ..

فتون : احم انا اسفه لتدخلى . بس واضح ع وش حضرتك الإرهاق . وكمان انك متاكليش من امبارح ف ده غلط عليكى ..

فريده : اتنهدت بتعب . وهزت راسها . كل حاجه فدا . انى اشوف سليم ابنى زى الاول . ساعتها بس هبقى اسعد وحده ف الدنيا ..

فتون : بوجع ع حالتها . إن شاء الله هيكون بخير ..

فريده : يارب . يارب .

بعد شويه صغيره ...

سليم : نازل ع السلم . ولابس نضاره سودا وبنطلون اسود وتيشرت اسود .

فتون : بتشرب الميا. ..

فريده : شاورت . اهو سليم ابنى ...

فتون : بترفع عينيها بعفويه . وشافت سليم . وبصت عليه وسكتت ..

سليم : نزل وزعلان من نفسه .. وواقف ف الليفنج ..

فريده : حمحمت . وقاعده ساكته لانها زعلانه منه ..

سليم : راح اتجاه الصوت . ووقف قدام فريده . وقال .. فريده اناا اس.....وسكت شويه لانه حس ان فريده مش لوحدها . وقال بتعجب . فريده مين الل جمبك ؟

فريده : من جواها اتوترت وخايفه من رد فعله قدام فتون . لكن هي لسه زعلانه. وقالت بزعل.. ايوه اعرفك انسه فتون ...

فتون : بصت ع سليم . وجواها مكنتش متوقعه انه هيكون بالهيئه دي . وشافت ف ملامحه وجع كبير . وقامت وقفت احم . اهلا بحضرتك يا استاذ سليم ..

سليم : بعدم إهتمام . هز راسه اهلا .. وكمل بخنقه . انتى طلبتينى ؟

فريده : قامت وقفت بتعب . ايوه انا بعتلك علشان اعرفك إن الانسه فتون . هتبدء معاك جلسات من انهردا ...

سليم : قبض ع ايديه بغيظ كبير ..

فتون : شافته . وبتباع سلوكه ..

سليم : بجمود . فريده أظن احنا قفلنا ع الموضوع ده وانتهى ..!

فريده : زعقت بغضب لأ ياسليم مانتهاش . انت لازم تسمع كلامى لانه فيه مصلحتك . انت هتدمر نفسك بافعالك دى ..!

سليم : بغضب . مصلحتى انا عارفها كويس . ومش محتاج حد يقولي ايه الصح وايه الغلط .

فريده : بوجع و بضحكه مسكوره . ع آخر الزمن انا بقيت حد ياسليم ؟ . امبارح انت طلعتنى بهتم بالفلوس اكتر منك . ودلوقتي بقيت حد؟؟

سليم : بديق حقيقي . فريده لو سمحتى متضغطيش عليا اكتر من كدا . وانتى عارفه انى امبارح قولت كل حاجه وانا متنرفز . ومقصدش اى كلمه قولتها . ولف ناحية فتون عشوائي . وانتى اتفضلى من هنا مفيش جلسات . وانتى يافريده ياريت تنسي الموضوع ده نهائى فاهمه ..

فتون : حست باحراج شديد . ومسكت شنطتها وجت تتحرك وتمشي .

فريده : بسرعه . مسكت أيدها . وهزت راسها بلاء . وقالت بترجى ارجوكى . انتى وعدتينى ..

سليم : زعق بصوته كله . انتى بتترجي مييين !!؟ وتوعدك باييييه . ومين دى علشان تترجيها انتى ازاااى تعملى كدااااا ....

فتون : صكت ع أسنانها بغيظ مكبت . وسابت الشنطه وفكت ايد فريده . وراحت وقفت قدام سليم . وقالت بتحذير . اسمع يا استاذ انت ؟ مريم نصار ياريت توطى صوتك وانت بتتكلم . وكمان انت بتتكلم مع والدتك . يعنى تكون مهذب ف كلامك اكتر من كده. مش معنى انك مضايق شويه تطلع غضبك عليها . انت ناسي دى مين !؟ دى امك يا استاذ . امك الل تعبت فيك وف تربيتك لما وصلتك لل انت فيه دلوقتى . وهي عملت ايه يعنى هااا !؟ ايه الغلط الل هي عملته علشان تتكلم معاها بالطريقه دي ؟ . واحد غيرك يحمد ربنا انه عندو ام بتخاف عليه . وعايزه مصلحته . ومين انا !!؟ ف انا اسمى فتون مهران . ياريت تحفظ الاسم ده كويس لانه هيتكرر قدامك كتير . وياريت تتحكم ف انفعالك شويه اظن كلامى واضح مفهوم !!!؟

سليم : بيسمع فتون وعينيه مفتوحه ع الاخر بدهشه من أسلوبها معاه . ومعرفش يرد عليها ..

فريده : تنحت ببلاها . لما شافت ردف فعل فتون وطريقتها . وكمان رد فعل سليم انه واضح ع شكله مش لاقى رد يقوله .. وفريده من جواها حست انها مبسوطه ومش عارفه ليه !!!

فتون : لفت ل فريده . حضرتك انا هبدء الجلسه فين !!!؟

سليم : قبض ع ايديه . وصك ع اسنانه . وقال بغل . انا قولت مفيش جلساااات انتى ايييه مبتفهميش !!؟

فريده : شهقت بصوت مسموع .. ولسه هتتكلم مع سليم ..

فتون : شاورت ليها . انا هتصرف ..

فتون : غمضت عينيها بنفاذ صبر وحاولت تهدى واخدت نفس عميق . وابتسمت ببرود انا مكنتش اعرف يامدام فريده إن ابن حضرتك عقله صغير اوى كدا وبيخاف من الجلسات !!!

فريده : همست بخوف . استر يارب ...

سليم : بدء ينهج . واتغاظ جدا . وشاور بايدو اطلعىىى برااااا ...

فتون : بتحدى ..ماشى هطلع بره . لانى مكنتش اعرف انك خايف منى .!!!!!

سليم : بغيظ انا خااااايف منك انتتتتى .؟ انتى مين اساسا علشان تتكلمى مع سليم بدر الدين كداااا !!!؟

فتون : لفت حواليه . انا فتون مهران . مُدرسة لغه عربيه . عندى هدف انجح ف شغلى . واكون حاجه كويسه اوى ف المستقبل أنفع غيرى . واطلع أجيال جديده . انت بقى تقدر تقولى انت مين !!!؟

سليم : بينهج . اناااا . اناااا . وصك ع اسنانه . انا مش مجبر اتكلم معاكى ولا اعرفك انا مين ؟ انا الكل يعرفنى كويس . مفيش حد مايعرفش مين سليم بدر الدين انتى فاهمه!؟

فتون : لسه بتلف حوالين سليم . أمممم انا !! انا حقيقي أول مره اسمع بالاسم ده !؟ ممكن تعرفنى عنك اكتر . حابه اشوف العند الل جواك ده أساسه ايه !!!؟

سليم : وصل لقمة غضبه . وبينهج بصوت مسموع .ومش عارف يرد عليها .وغمض عينيه. هو فعلا مين !؟ ووصل لايه !؟ وكان ايه ؟ وبقى ايه ؟ وملقاش غير انه يطردها . وقال بصوت عالى اطلعى بررررا ...

فتون : تمام قولتلك هطلع بره . بس بعد ما تجاوبنى ع سؤالى .وقالت بهدوء. انت مين !!؟

سليم : غمض عينيه بنفاذ صبر . ونفخ بديق حقيقي انتى شكلك عنيده وانسانه مستفزه . وقال عموما .. سليم بدر الدين .. ها عرفتى انا مين !؟ بره بقى ..

فتون : وهو انا قولتلك انا فتون مهران وبس . لا . انا عرفتك بنفسي . لانى عارفه انا مين وعايزه ايه !؟ انت بقى عارف انت عايز ايه !؟

سليم : بينهج ومغمض عينيه وبيفكر ف سؤالها . فكر كتير وساكت . ومش عارف يرد . لانه مش عارف هو ايه ولا عايز ايه . ونسي وجودهم واتنهد بيأس وإحباط وقال باستسلام . لأ . انا مش عارف انا عايز ايه !!؟

فتون : ابتسمت بنصر لأن الجلسه ماشيه تمام وهي بدئتها من بدرى كصدمه ليه . طيب يا استاذ سليم . ممكن . نقعد ونتكلم مع بعض شويه ف هدوء .

سليم : حس انها عنيده .وتعبته . واتنهد وسكت ..

فريده : بتحاول تستوعب مين الل قدامها ده؟

فتون : بصت ل فريده حضرتك هنكمل الجلسه فين !؟

سليم : فتح عينيه بغيظ وقبض على أيديه وقال..ف اوضة نومى ----

يتبع...