أحببتك رغم أنتقامك الفصل التاسع 9 بقلم منة محمد
 |
| أحببتك رغم أنتقامك الفصل التاسع 9 بقلم منة محمد |
أحببتك رغم أنتقامك الفصل التاسع 9 بقلم منة محمد
يوم الحفله
عاليا وعاصم واقفين يرحبوا بالضيوف وبيردوا علي الاسئله الي عماله تتهاتف عليهم
مراسلة طرحت سؤال :السيد عاصم ليه مسكت انسه عاليا المدير التنفيذي للشركة رغم ابنك الشرعي موجود !! وليه هو مش موجود ويتولي المنصب هل فيه خلافات لانه اضايق وعشان كدا قرر ميجيش الحفله..؟؟!!!
عاصم اتوتر:لا مفيش اي مشاكل وابني مزعلش زي ما اتقال في الأخبار ابني سافر يكتسب خبرات جديده واول ما حيكون مستعد حيرجع يساعدني في الشغل
مراسل اخر:يا تري لما يرجع اي منصب هيحصل عليه !!!!؟
كريم الي داخل وفي دراعه نهله وعلامات التشفي مرسومه علي محياها:السؤال ده اسمحولي اجاوبكم انا بنفسي عليه
الكل اندهش وحصلت بلبله وهرج ومرج وهمس والف سؤال
حسن همس لخالد: والله قلبي طول النهار مقبوض وعيني الشمال عماله ترف
كريم ساب دراع نهله وراح وقف جنب عاصم وعاليا: انا اسف اني دخلتكم في حاله صدمه بس انا لسه واصل من تركيا حالا ووالدي مكنش عنده علم بوصولي
مراسل طرح سؤاله: معني كدا ان شركه ابو اليسر هيبقي فيها اكتر من مدير للمساعده بالاعمال التجاريه صحيح سؤالي؟؟!!
عاصم: المسأله
كريم حط ايده في جيبه وقطعه وباين عليه القسوه بكلامه ونظراته: ايوه صحيح وجيت اطبق الي اتعلمته عشان اساعد والدي وكمان متحمس جدا ومش عايز اضيع دقيقه عشان كدا هبدء الشغل واظن والدي مبسوط اني رجعت اساعدك ومتفق معايا
عاصم بتوتر: اكيد متفق ان ابني رجع وحاسس براحه لانه جنبي وحيساعدني
حسن: ده راجع للخير ولا للشر
خالد الي موزع نظراته بين كريم ونهله عن الي بتعبر عن الشر والحقد واتحرك من مكانه
حسن : استني انت رايح فين؟؟!!!
خالد مردش عليه وراح قرب من نهله شدها من دراعها لبرا
ندي شدته من ضهره من جاكت البدله: صاحبك الشرير بيخطط لـ ايه
حسن :معرفش
ندي بشك: ياسلام حتي صاحبه ميعرفش
حسن: حتي صاحبه وربنا
ندي كشمتله: وانا مش مصدقاك
مراسل: انسه عاليا ايه هو شعورك ان كريم بيه هيبقي مدير تنفيذي معاكي؟؟!!
عاليا اتلبكت واتوترت مش عارفه المفروض ترد تقول ايه وكريم واقف يبصلها بكل عنجهيه
عاصم لحقها بالاجابه: اكيد بنتي سعيده ومتحمسه واعذروها لو مش عارفه ترد لانها لـ اول مره تحضر حفله ضخمه كدا وتقف قصاد كاميرات رغم انها كليه اقتصاد وحط ايده علي كتفها
كريم الي شاط وولع ونطق بغل: بس معرفتي بالانسه عاليا انها تنفع تتقن دراسه التمثيل عن الاقتصاد المنزلي
عاصم ضربه بنظره: اختصار الكلام
عاليا بصت لكريم الي حاسس بنشوه الانتصار و ضربته بنظره غريبه: بعد اذنك يا بابا انا ممكن اعبر عن راي
عاصم حمسها تكمل وترجع اهانتها وكريم منتظر دفعها بشغف
عاليا: فعلا الكلام الي قاله الاستاذ كريم انا بحب الطبخ جدا عشان كدا اخترت دراسه الاقتصاد المنزلي وفعلا ماليش في ادراه الشركات بس الي خلاني اوافق هو اني اقف جنب بابا واساعده وهو لوحده عشان كدا ذاكرت واخدت دراسات في المجال حتي لو مدخلتش كليات بس واثقه في الناس الي بتعلمني والانسان اظن من حقه يشتغل في كذا مجال ومن حقه ياخده فرصته ولو اتحلي بالتصميم والثقه حيقدر يوصل وينفذ ....
كريم واقف وكأن حد دلق عليه جردل ميه مثلج
عاليا بصت لعاصم: واوعدك يا بابا اني ححارب واقاتل وعمري ما ههرب من المسؤليه (وبصت للحشد قدامها) وهتحمل كله عشان خاطر بابا وولي نعمتي
ندي رفعت ايدها: ايوه كدا صحبتي الجاااامده وصفرت
........منه محمد.......
في الخارج
نهله: جري ايه ياخالد ده بدل ما تسلم عليا اني رجعت تقوم تشدني كدا
خالد:كريم ناوي علي ايه؟؟!!
نهله: معرفش
خالد:متعرفيش بس تعابير وشك بتقول ان الي بيعمله انتي مبسوطه منه
نهله: فعلا لانه مهما هيعمل انا موافقه عليه
خالد: حتي لو كان الي بيعمله مش من حقه
نهله: افهم لان كريم وابوه عمرهما ما كانوا هيتكلموا غير بالاسلوب ده
خالد :انه يهين ابوه
نهله: حتي لو عمل اكتر من ده انا معاه وعاوزاك تكون بعيد!
خالد رص علي اسنانه : حتي لو طلب منك تروحي للموت
نهله زعقت: كريم مش بيكرهني عشان يطلب مني ده
خالد شد دراعها بغل: فوقي واعرفي ان الي بينه وبين ابوه مهما يطول هو ابوه لحد ما يموت اما انتي مجرد صديقه وممكن تنتهي في لحظه
نهله حررت ايدها منه بنفعال:بطل هري بطل
خالد :ولو مبطلتش
نهله: يبقي متتكلمش معايا ابدا
خالد: انا قلقان عليكي
نهله خبطته علي صدره: مفيش داعي تقلق انا مش محتاجه لده ومشت وسابته
وخالد رجع تاني وندي راحت عليه: بما انك الطف شخص في المجموعه خليني اسألك صاحبك ده بيخطط لـ ايه واوعي تخيب ظني وتكدب وتقولي معرفش
خالد: بجد معرفش بس محدش يتوقع كريم ايه الي ممكن يعمله
حسن مسك قفاها نفس ما عملت معاه: شوفتي نفس كلامي وانا مش بكدب عليكي
........منه محمد......
في الساحه
عاصم: ينفع الي عملته في الحفله ده؟؟!!!
كريم: انا حر اعمل الي اعمله ومفيش داعي تقف تنصحني
عاصم عيونه حمر دم: انت رجعت عشان تهني انا وعاليا
كريم: ده بدل حمد لله بالسلامه الي من المفروض اسمعها منك لانك ما شوفتنيش من مده طويله!
عاصم بإرهاق: بلاش تفلت اعصابي
كريم ببرود:ايه الجديد ما كل الي بعمله بيفلت اعصابك ع عكس ناس تانيه
عاصم لف وبصله: عاليا مش ناس تانيه دي بنتي
كريم: بس مش بنتك من صلبك انا الي من صلبك شايفني انا من المفروض طول الوقت بتفكر فيه بس انا فهمت الخير الي بتقوم بيه اتجاه المحروسه
عاصم بدون فهم: ايه هو
كريم: عشان بتحبها اكتر مني لدرجه تديها منصب اكبر مني بس انسي انا ولا مهتم كل الي يهمني ان الحشره دي ترجع كل حاجه اخدتها مني لان محدش هيدفع ولا حيقع غير انا وانت وبنتك الي هتواجهه المشاكل معنا
عاصم: شوف طالما انت مصمم تعاندني وتقف في وشي روح والي انت عايز تعمله اعمله انا مش هقدراوقفك بالتالي اعمل الي عندك بس بحذرك ابعد عن عاليا وعن شركتي والا مش هرحمك وسابه ومشي
وكريم عيونه لوحه شر وناوي ينتقم ابشع انتقام ويدوس ولا يهمه!!!!!!!
.......منه محمد.......
لمحها رايحه التوالت دخل وراها وقفل الباب لسه هتصرخ كمم شفايفها: اخرسي
عاليا شالت ايده : سيبني انت بتمسكني ليه
كريم: حبيت اشوف الانسانه الكدابه بوضوح الي خلتني اصدقها واراجع التفكير انك مش عايزه حاجه من ابويا بس ايه الي حصل انك عايزه كل ثروه ابويا نفسها الهدف الي حلمتي بيه
عاليا: لا انا لسه عند كلامي انا فعلا مش عايزه حاجه من ابوك انا عملت كدا رد الجميل مش اكتر
كريم هجم عليها: انا مش غبي عشان اسيبك تخدعيني لتاني مره
عاليا: خلاص طالما مش مصدقني ليه بتتكلم معايا (زقته) وسيبني اوعي
كريم شدها من وسطها لصدره وكتفها من ايدها: ليه خايفه تقربي مني
عاليا بتحاول تعافر تسلك نفسها من بطشه: انا مش خايفه بس مش عايزه اكون قريبه منك حتي لو ثانيه واحده
كريم :وانتي مفكراني حموت عليك انتي حشره ضعيفه فقيره حراميه زي امك الست الي سرقت حب ابويا من امي..امي الي عملت كل حاجه عشان ينساها لكن هو مقدرش ينساها
بكرهك سامعه بكرهك
عاليا: ولما بتكرهني سيبني مسكني ليه
كريم: لا لما اعرف هدفك الجاي عايزه ايه تاني من عاصم
عاليا: انا ماليش هدف وانت مش عاوز تصدقني انت حر
كريم مسكها وشد عليها اكتر: انتي اسواء ما فكرت بمراحل عايزه فلوس ابويا وعملتي كل الحيل عشان تستولي عليها
عاليا: بطل اسلوبك الطايش ده واوعي سيبني
كريم : هسييبك بس لما الاول اخد منك كل حاجه زي ما اخدت امك حب ابويا من امي
عاليا: انت هتخسر لانك شخص مريض مجنون
كريم: انا عظيم مخسرش قدام حد سامعه
زقها بعنف كانت حتقع علي فازه كبيره خطفها جوه حضنه لدرجه انفاسهم اختلطت ببعض
عاليا دفعته: سبني وطالما واثق بربح ليه بتلعب معايا وعلي فكره انا كمان بكرهك كرهه العمي
كريم شدها من قدمه صدرها ودفعها علي الحيط: طالما بنكره بعض وحنبقي قريبين من بعض ده هيزيد جرعات العذاب الي سقتهولي من اول ما ظهرتي وعملتي فوضا بيني وبين ابويا
عاليا جعدت انفها: انت الي بتبص لامور بمنظور غلط
كريم :وانتي افعالك بتعبر عنك انك بتستغلي الفرصه
عاليا: انا مش عايزه فلوس افهم بقي
كريم: امال عايزه ايه وقرب يبوسها بوحشيه) انتي عايزه كدا تعالي ادههولك لحد ما تشبعي وتفارقينا
عاليا ضربته في رجله جامد: عقلك وتفكيرك ووسخ ماليان بالقذاره بس حفكرك لو قربت مني حبقي زي الخفاش الي هيمسك فيك ويخليك تنزف لحد الموت تحب تجرب
كريم: وانتي مش هتاخدي مني اي حاجه وخاصه الحب لاني بكرهك حتي لو اتعبطت ونمت معاكي بعدها هرميكي في الزباله
عاليا ثأرت لكرامتها: وانا مستحيل احبك ابدا انت حوثاله وانا لايمكن احب حوثاله
كريم : متفقين لان وجودك بيثير اشمئزازي ودفعها وقعها علي الارض
عاليا مسكت دموعها قبل ما تخونها وتنزل ووقفت بسرعه واخدت نفس وطلعت تجري من قدامه لكن مسكها ضربته في رجله اكتر وداست بكعبها بكل حقد اتألم وقدرت تجري منه طلع يجري وراها وهي بتجري تهرب منه خبطت في ندي الي اتخضت من منظرها
ندي :عاليا انتي روحتي فين انا دورت عليكي في كل حته
عاليا بتوتر وترجع تبص وراها: انا
ندي: مالك الله وايدك مالها دي حمره اوي
عاليا مردتش عليها وسابتها ودخلت القاعه تاني
اما كريم الي واقف وموزع عيونه في كل حته نفسه يلمحها!!!!!
........منه محمد.....
عاليا داخله عاصم قابلها: شكرا يا عاليا
عاليا: ع ايه يا بابا
عاصم: لانك بتحاولي تتحملي عشاني طول الوقت
عاليا ببتسامه لطيفه:ولا يهمك الامر بسيط
عاصم :اوك بس لو فيه اي مشكله ولا كريم عمل معاكي حركه من جنانه تبلغيني فورا
عاليا :حاضر بس انا عن نفسي مش ححاول اعمل مشاكل وبالنسبه لكريم وجنانه هخليه يصدق اني بريئه ومهما حصل منه حتحمل واتحمل لحد ما اثبت له وعشان انت تعيش سعيد مرتاح
عاصم بأسف: انا اسف يابنتي علي المواقف الكتير الي اتحطيتي فيها بسببي
عاليا: بالعكس المواقف دي انا بتعلم منها كتير واعرف ازاي اخد عشان ابقي عظيمه
عاصم بأعجاب: بحب فيكي الطموح والاصرار ونكران الذات
عاليا: وعمري ما هيأس ولا هوقف
عاص باس دماغها: طيب يله بينا نروح
عاليا هزت دماغها ومشت معاه
..........منه محمد.........
كريم الي واقف هيفرقع انه مطلهاش يكمل عليها شافته نهله الي قربت عليه
نهله: انت اختفيت فين دورت عليك
كريم: كنت موجود ليه؟؟
نهله الي شافته بيجري وراه عاليا: كريم قولي الحقيقه انا الوحيده الصادقه معاك
كريم: قلتلك كنت فين..!
نهله: لا انت كنت مع البنت دي صح وحصلت مشكله
كريم بصلها وسكت
نهله :قولي عملت ايه لما كنت مع البت دي
كريم: اتكلمنا
نهله: اتكلمتوا بس
كريم: لا واتخانقت معاها عاوز اعرف حتسرق ايه تاني من ابويا غير الي خدته
نهله: وطبعا انكرت
كريم باشمئزاز : كلبه
نهله بتهكم ساخر: ليه هو الحرامي بيقر ويعترف انه حرامي احسن طريقه تبطل تتكلم معاها
كريم: ليه؟؟!
نهله: لاني خايفه البت دي تخليك تغير قرارك كريم فكر في مستقبلك وبس
كريم: وانا مش بفكر في مستقبلي
نهله: متزعلش مني ارجوك انا بس بفكرك لاني صديقتك وخايفه عليك
كريم: عارف
نهله: فكر ان عندك هدف ولازم تحققه حتي لو احترت اتخبطت هنا نرجع تركيا تاني
كريم عقد حواجبه: تركيا
نهله: ايوه لان البت دي طول ما هي قدامك هتخالي الماضي يحصرك ومش حتكون قادر تكمل مشوارك ولا حتبقي قادر تكدب عليا عشان اقدر اساعدك
كريم ضيق عيونه: انا هنا وهخليها تخرج من حياتي وحياه ابويا نهائي والايام ما بينا
........منه محمد........
في المول عند حسن الي جايب تورته وبيبسي وعامل مهرجان
حسن: اتفضلوا ياحلوين يله نفرفش برجوع كيمو والاميره نهله
خالد بسخريه: برجوعه كـ كريم ولا كوريث
كريم بحده : انت ايه مشكلتك ..!؟
خالد رفع كتافه: معنديش اي مشكله انا بسأل وبس!! ياتري ناوي تتعامل بلطف مع عاليا والسيد عاصم
كريم: لا طبعا
خالد: طبعا لانك شخص متحامل طول الوقت حتي لو حاولت عاليا وابوك يشرحولك حترفض تسمع
كريم بندفاع وغيره: انت مالك بيها ايه مدي قربك ليها عشان تحميها للدرجه دي
خالد قام وقف : كريم حاسب
كريم وقف قصاده: ليه احاسب
حسن :ممكن تهدوا لو سمحتوا
نهله: كريم ارجوك اهدي خالد انت كمان اتكلم بلطف
خالد:لطف يعني يتهمني انا وعاليا واسكت
كريم:عاوز تفهمني ان مفيش حاجه بينكم لا فيه شئ عميق كمان
خالد شده:بطل تكون قذر
كر يم:طيب يله جاوبني العلاقه ما بينكم وصلت لاي مدي عشان ابطل أسأل
خالد ضربه باللكمه:حقير
كريم سددله نفس اللكمه
حسن:صرخ كفااايه كفااايه (وزقهم) يله اضربوا بعض في الشارع
وكانت حرب ولا ولاد الشوار ع خالد عمال يدحرج وكريم نفس الشئ لحد ما قدر يطلع فوق خالد وفضل يضربه بفتراه وقسوه كأن قدامه ارهابي من اسرائيل
نهله صوتت: اعمل حاجه ياحسن حيقتلوا بعض بسبب الحشره عاليا
حسن: دول اتجننوا فعلا وجري عليهم : كريم خلاص كريم خالد حيموت
كريم دفعه لدرجه اتهبد جامد في الحيط!!!
نهله صرخت: بسسسسس خلاص بسسسس كفااايه
وراحت تمسك كريم ترفعه من فوق خالد الي من غضبه زقها طارت نهله في حضن حسن وصرخت جامد الاتنين سابوا بعضهم وبصولها بخضه
نهله بكت بحرقه: عمري ما اتخيلت ان هيجي يوم زي ده لييييه حصل كدا ليييييه؟؟!!
كريم جري عليها: نهله انا بجد اسف مكنش قصدي
خالد شاف المنظر اضايق ولف يمشي بحزن
حسن: خالد استني اوصلك
خالد عدل هدومه :لا حرجع في اي عربيه
حسن مسد علي كتفه:خالد متزعلش من نهله ارجوك ولا من كريم احنا اصدقاء
خالد بحسره: فعلا عشان كدا مش حعرف اعمل اي حاجه ولا حتي ازعل من كريم ولا حتي من نهله ومشي بيجر ازيال الحسره والقهره
.....منه محمد........
نهله بتعالج كريم: هنا بيوجعك ياكريم
كريم مش بيرد كأنه جثه متحنطه
نهله: بتفكر في ايه؟؟
كريم: خالد بيحب الحشره دي
نهله: خالد طيب ودي فيها ايه
كريم بعصبيه:فيها كتير فيها ان انا ارفض ده
نهله بحمقه :ليه
كريم بصراخ: لاني مش عاوز صديقي يلعب مع حشره محتاله منافقه وخالد مش حيقدر يجريها
نهله :ولو بيحبها انت ازاي تقدر تمنع ده لو كان فعلا خالد بيحبها تقدر تعمل ايه
كريم ضرب كف ايده في الجدار بعنف :معرفش بس همنع ده
نهله: انت ليه مدي الموضوع اهميه
كريم: لانه مهم بالنسبه لي ولازم اكون انا الصياد واصطاد الفريسه
واخد البليزر لبسه ومشي
.......... منه محمد........
تاني يوم في الشركه
عاصم: احمد انا جبتك هنا اتكلم معاك الاول
احد السكرتير: اتفضل يبشا
عاصم: خد امسك العرض ده كدا وشوفه
احمد اخده وفتحه: تمام اكيد هنختار الافضل والاحسن والجوده العاليه
عاصم: كريم وعاليا حيشتغلوا فيه مع بعض
احمد عيونه جحظت من محجرها: الاتنين مع بعض ودي تيجي ازاي يافندم ده الاتنين ممكن يخلصوا ع بعض دول تقريبا اعداء!!
عاصم بحزن كبير: اعداء وانا عشان مش عايزهم اعداء لازم يقربوا من بعض
احمد بحترام: الي تشوفه سعادتك
عاصم: تفتكر مين الي ممكن يفوز؟
احمد: والله يافندم هو الاستاذ كريم دارس نفس المجال اما بالنسبه لـ انسه عاليا هي لماحه وهتفهم وتحاول توصل اعتقد هيبقوا متساوين بحتماليه الفوز
عاصم راح بص من الشباك: انا كمان حاسس بكدا بس هحس بالراحه لو اشتغلوا سوي واتمني يتفقوا لو مره واحده
احمد: والله يبشا لو الانسه عاليا المره دي قدرت تثبت نفسها احتمال كريم بيه يقلل من حدته
عاصم اتنهد: احمد عايزك تفضل مع عاليا تدربها وتوجها لبعض الترشحات وكريم كمان نفسي بجد الاتنين يتجاوز ده سوي
احمد: امرك يا بيه
شويه ودخلت عاليه القت السلام وقعدت ووراها دخل كريم الي ملامحه عباره عن خريطه
عاصم بصله بستياء: كريم ايه الي حصل لوشك
كريم: ولا حاجه روحت العب مصارعه مع بطريق
عاصم كشر: مصارعه طيب خد بالك بعد كدا فيه امور لازم اتكلم معاك فيها قبل الشغل واخدهم علي طاوله الاجتماع قعدوا
عاصم: من هنا ورايح انت وعاليا هتشتغلوا سوي موافق ولا لا
كريم رفع حاجب اعتراض: لا انا وهي هنتقاسم الشغل خلينا الاول نثبت نفسنا والي مش قادر يسيب الشركه
عاليا: انت متأكد
كريم بصلها بغرور: ايوه ولو عايزه تمشي من دلوقت محدش يلومك ع الاقل تحفظي ماء وشك
عاليا لفتله بتحدي:انا هنا وهثبت نفسي اني قادره اكون افضل منك
كريم : اتفقنا بس لو خسرتي متروحيش تعيطي في حضن ابوكي وتتشحتفي
عاليا بتحدي: حنشوف مين الي حيعيط
عاصم : كدا يله نبدء ده العرض الي متقدم لشركتنا الجديده وهخصص نواب يختارو العرض الممتاز
كريم: تمام
عاصم ضحك: يظهر كدا انك واثق (ضرب جبينه) اوه سوري نسيت انك درست في نفس المجال
كريم متعمد يضايقها : عشان كدا مش هشفق علي حد بس لو تحب انت تساعدها اتفضل وانا هقدر ده
عاليا حركت الكرسي كذا مره شمال في يمين: ولا يكون عندك فكر يا بابا حقدر اعملها بنفسي ومستحيل اخسر ولا حقبل اي اعذار لحد ما افوز
كريم ميل راسه وقرب منها جامد وحب يضايقها: عظيم انك واثقه
عاصم نفخ: اتفضلوا روحو مكاتبكم دماغي صدعت خدهم يا احمد وهاتلي قهوه من فضلك
احمد ابتسم واخدهم بالفعل وخرج!!!
السكرتير: المكتب الي ع الشمال لـ انسه عاليا والي ع اليمين استاذ كريم اتفضلوا
عاليا: ممكن نبعد عن بعض
كريم: ليه خايفه
عاليا: لا مش خايفه بس حريصه ان محدش يسرق افكاري للعرض
كريم شد على اسنانه: شوف ازاي البت عبقريه زياده عن اللزوم
عاليا قلدته:وانت متكبر زياده عن اللزوم
كريم:عدائيه
عاليا: معقد
السكرتير واقف فاطس علي نفسه من الضحك
دخل كل واحد مكتبه عاليه فتحت الدوسيه فرت فيه وشهقت ولا فاهمه اي بدنجان
اما كريم فضل يلف في الغرفه و كل شوي يبص عليها وهي تنزل عنيها فحب يغظها قرب من الحاجز الزجاجي و شاورلها بصوابعه انها لو بصت ناحيته هيخزوق عنيها الاتنين
عاليا رسمت الوش الخشب بتحاول تكتم غيظها: اووف عبو تقل دمك مغرور يارب صبرني قبل ماارتكب جريمه واروح اديله بوكس اخرم بيه عنيه ولا طلقه طلقتين تلاته
كريم بصلها وفرح انه ضايقها وابتسم ابتسامة النصر
...............منه محمد............
دخلت المطعم لقت خالد واقف مشغول قربت منه ومدتله كيس
نهله: ده دواء ليك
خالد من غير ما حتي يبصلها ومنهمك في شغله
نهله مسكت ايده شدها منها
نهله مسكتها: لو شدتها تاني مش هتكلم معاك خالص بعد كدا
خالد شدها تاني بعنف: لو جايه تطلبي مني اعتذر لكريم فـ انسي لاني مش حعملها
نهله: بس انت الي بدئت الاول
خالد بعصبيه عكس طبيعته:كريم الي اهني انا وعاليا الاول
نهله: خلاص ابعد عن الحشره دي
خالد: ابعد مش كدا
نهله: ايوه تبعد لان البت دي حتدمر صداقتك انت وكريم
خالد: وانا حر اصاحب الي اصاحبه انا حر
نهله: خالد انت بجد اتغيرت بسببها مش كدا
خالد بصلها بنظره : محدش يقدر يغيرني
نهله بحده: تمام القرار ليك بس لو وقعت ولا عانيت من مشاكل تتفلق انا ولا ههتم بيك
خالد بهدوء: لو خلصتي كلامك خاليني اكمل شغلي
نهله: بتطردني ياخالد
حسن الي واقف من فتره برا وسامع الحوار دخل بسرعه ينقذ الموقف: ازيك يا معلم خالد خير يا نهله كنتم بتتكلموا في ايه؟؟!!
نهله اخدت شنطتها: مفيش انا كنت ماشيه وحط المرهم لخالد ومشت بسرعه
حسن اخد المرهم ـ تعال يا مغلبني
خالد خطفه منه: هات انا هحطه لنفسي وكمل شغله
...........منه محمد......
قاعد قدامها لكن مش معاها مع الي سرقت عقله واحتلته
نهله: كريم بتفكر في ايه؟؟!!
كريم انتبهه: ها ابدا بفكر في الشغل
نهله: انا روحت النهارده اتكلم مع خالد
كريم: لسه بطريق
نهله: ايوه ومجنون شويه (مسكت ايده) كريم انتم اصدقاء من وقت طويل ليه تتخانقوا عشان ناس غريبه ولا تسوي
كريم بعصبيه زايده: لانه صاحبي وانا زعلان وبدئت اكرهه وياريت نغير الموضوع
نهله اخدت نفس: اوك كلمني عن الشغل في اول يوم
كريم: كويس وداخل في منافسه شرسه انا والحشره دي فلازم اقوم بمجهود خرافي عشان تخسر وتستقيل وتغور!!
نهله بنبساط: بجد ايوه لازم تكون قدها ولو حبيت مساعدتي انا معاك
كريم بص في طبقه كهروب: اه اكيد
.......منه محمد........
بالليل بعد تعب طول اليوم بين ابحاث ومراجع دخلت ريحت شويه وتقوم تكمل صحت من النوم مصدعه وتعبانه نزلت المطبخ تشرب ولا علي بالها لسه يادوب بتلف وراها لقت الي كتم نفسها!!!!
تعليقات
إرسال تعليق