رواية ولي العهد الفصل الثامن 8 بقلم ألاء فرج
 |
| رواية ولي العهد الفصل الثامن 8 بقلم ألاء فرج |
رواية ولي العهد الفصل الثامن 8 بقلم ألاء فرج
خلعت وعد الهيلز اللي في رجليها وفضلت تجري في الشارع وهي عماله تعيط
حارس خالد بصوت عالي : يا رجااااله وعد هانم هناااك اهو
بصيت وعد وراها لقيتهم بيجروا وراها راحت فضلت تجري ولقيت عربيه جايه من بعيد
وعد بصريخ : الحقوووووووووني اللي في العربيه وقف من فضلك
وقف الشاب العربيه وراحت وعد ركبت جري والعربيه اتحركت
راح الحراس ضربوا نار بالمسدس على العربيه لحد ما العربيه خرجت من المنطقه تماماً
وعد ببكاء : شكراً جداً ليك
= مين دول وليه بيضربوا نار ليه أنا من حقي افهم
حطيت وعد ايدها على وشها وفضلت تعيط جامد
نفخ الشاب بقله حيله وفتح باب العربيه ونزل وفتح الباب لوعد وهي كمان نزلت
مسك ايدها وقعدوا علي الرمل قصاد البحر
دقيقه إتنين تلاته........ عشر دقايق فاتوه وهما قاعدين قصاد البحر وساكتين
= مش هتتكملي؟
وعد :................
= لا بقا اي ده انطقي أنا عايز اروح خطوبه صاحبي اخلصي
قامت وعد نفضت الفستان ومشيت بهدوء
_استنى هنا انا بكلمك
وعد ببرود : عايز اي قولت شكراً خلاص كان في ناس بتجري ورايا وانتَ ساعدتني مش لازم احكي بقا واقول اي السبب مش ابن خالتي انتَ، سيبني امشي بقا وشكراً مره تانيه وروح انتَ بقا خطوبه صاحبك
الشباب بغضب : اييييييييي يا بت التناكه دي، اتكلمي براحه كده، ما انا مش عارف الصراحه بنت الساعه ١٠ بليل في مكان مقطوع ده بتعمل اي
وعد بغضب : انتَ مالك بتحكم على الناس لييييييه وانتَ مش عارف ظروفهم، هو عشان انا ماشيه في الشارع بليل ابقا قليله الأدب؟، انتَ عارف أنا حصلي اي واي السبب اللي يخليني امشي في مكان زي ده، لييييه بتحكم على بنات الناس من شكلهم ولبسهم مش عارف حاجة ما تتكلمش
_ أنا آسف حقيقي ما كنش قصدي استنى طيب اوصلك وبعدين امشي انا يا انسه
وقفت وعد وعينها مدمعه هي فعلاً محتاجه الشاب ده يوصلها
ترن ترن ترن
( تليفون الشاب بيرن)
_الو يا معتز انا في الطريق اهو كتب الكتاب اشتغل.؟... ... اي العروسه هربت طب وخالد هيعمل اي؟،
بصتله وعد بصدمه وبلعت ريقها بتوتر
لاحظ الشاب ان وعد اتوترت راح قفل المكالمه
الشاب بشك : انتِ كنتي في الخطوبه ولا اي اصلك لابسه فستان ومتشكيه وكنتي بتجري على اخر الشارع اللي كان فيه الخطوبه؟
وعد بتوتر : لا... لا اصل يعني يعني احم انا عايزه امشي
مسك الشاب ايدها وبصلها بشك : هو انتِ وعد صح اللي هربتي من الخطوبه انتِ العروسه صح انطقي
بصتله وعد بخوف ووو
في قصر عبد الرحمن (والد وعد)
طلع خالد مسدس من جيبه وقال بغضب : ماليش دعوه اليوم مش هيعدي غير لما اكون متجوز حد فيهم شيماء، ندى، دعاء، اي حد المهم مش اتفضح والا هموتكم
جري عليه معتز (صاحبه) : اهدي يا خالد ونزل السلاح اللي في ايدك ده
أدهم بزعيق : أنا مش عايز ازعلك وانزل فيك ضرب عشان معايا بنات اهدي على نفسك كده وروح دور على بنت عمك هربت منك ليه؟
اتعصب خالد وراح ضرب نار بالمسدس على أدهم
وقع أدهم على الأرض والرصاصه جاءت في كتفه
كل المعازيم اللي في القصر خرجوا جري علي برا وهما بيصرخوا بعد ما شافوا العريس ضرب واحد بالنار
جريت ندى وهي بتصرخ ناحيه أدهم اللي مرمى في الأرض
ندى ببكاء : أدهم أدهم انتَ سامعني استحمل استنى هتصل بالاسعاف
غمض أدهم عينه بوجع لان اول لما وقع لقا ندى هي اللي بتجري عليه وهو اصلاً مش بيحبها وبينتقم من خالد فيها
مصطفى بغضب : يا ابن *** والله ما هسيبك
خالد بزعيق : ابعد بدل ما اضربك بالنار انتَ كمان
دعاء ببكاء : مصطفى ارجوك سيبه دلوقتي تعالي نلحق أدهم
ضرب والد وعد خالد بالقلم على وشه
والد وعد بغضب : اي قله الادب وقله الدين دي عايز تقتل أنا ربيتك على كده، انتَ بقيت وحش كده ازااااي نزل الزفت ده من إيدك
نزل خالد المسدس من إيده بضعف
ام خالد بخوف : يلاهوي يلاهوي الحق الواد يا خالد دراعه عمال ينزف اتحررررك
طلع خالد فوق جاب علبه الاسعافات الاوليه ونزل بسرعه
اخدت دعاء العلبه لأنها اصلاً ممرضه وبدأت تخرج الرصاصه من كتف أدهم اللي اغم عليه بسبب انه فقد دم كتير لان عنده سيوله في الدم
في قصر حسن
لف حسن الشاش حوالين راسه ومسك تليفونه والمفتاح ونزل
حسن بشر : بنت *** كل شويه تضربني على دماغي وحياتي مش هسيبك في حالك يا بنت الحديدى اه يا دماااغي
فلاش باك
بعد ما وعد مشيت من القصر بعدها بنص ساعه فتح حسن عينه ودماغه بتنزف راح طهر الجرح ولف رأسه بشاش وراح ناحيه قصر والد وعد
_________________
* أنا تعبانه عشان كده ما قدرتش انزل النهارده وما كنتش هنزل النهارده بس نزلت احتراماً للناس اللي بتتفاعل + شكراً ليكم على تفاعلكم الجميل وبقرا الكومنات كلها + ما تنسوش تعملوا مميز علي الروايه عشان دي الحاجة اللي بتضحكني وسط تعب اليوم💙
في قصر والد وعد
في اوضه خالد
كان قاعد أدهم على السرير ونايم لانه اخذ مسكن وجمبه ندى ومصطفى
ودعاء وشيماء قاعدين على الكراسي، عبد الرحمن ( والد وعد) وأم خالد ومعتز واقفين وخالد برا بيعمل مكالمه
ام خالد بأحراج : أنا أسفه يا مصطفى يا ابني بالنيابه عن خالد هو عصبي شويه وكان مضايق عن وعد هربت بس حقك عليا يا ابني
مصطفى بضيق : كلامك على راسي من فوق بس بردوا هاخد حقي من ابن المضايقه ابنك ده لموأخذه يعني
دعاء بتعب : أنا هقوم اروح عشان نعسا
مصطفى : استنى كده يا دعاء اي الصوت ده
خرجوا كلهم من الاوضه الا ندى اللي قعدت مع أدهم
خالد بزعيق في التليفون : يعني اي هربت منكم نصف ساعه وتكون قدامي ساااامعين
ام خالد بقلق : في اي؟
خالد بغضب : وعد كانت بتجري والحراس بيجروا وراها وبعدين ركبت عربيه شاب ومشيوا
قعد عبد الرحمن بتعب على الكرسي : يا ترى انتِ فين يا بنتي يارب استر
ندى بتعب: أنا تعبت هروح انام وا
سكتوا كلهم لما لقوا شاب داخل القصر وماسك وعد من ايدها وبيدخلها القصر بالغصب
جري خالد ناحيه وعد وعايز يضربها بس الشاب واقف في النص
خالد بزعيق : اوعي يا محمود أنا هفهما بس بتهربي مني يوم كتب الكتاب والخطوبه يا وعددددد فضحتيني وسط الصحافه
محمود : بسسسس يا خالد اهدى وانتِ يا وعد بطلي عياط اسكتوا واتكلموا بالراحه
في نفس الوقت دخل حسن القصر وهو ماسك دماغه واول لما شاف وعد جري عليها عشان يضربها
وعد ببكاء : ما حدش يمد إيده علياااااا
جريت وعد واستخبت وراء أبوها
عبد الرحمن بهدوء : وعد اللي عملتيه دي أكبر غلط هربتي من غير سبب وفضحتينا كلنا وحصلت مشاكل كتير بسبب تصرف غبي طلع منك
وعد ببكاء : بابا اسمعني انا
الاب بغضب : ما فيش ولا كلمه المأذون هيجي دلوقتي وهنكتب الكتاب وتتجوزي انتِ وخالد
كلهم بصوا بصدمه وبصيت وعد على خالد وهو ابتسم بشر
وعد : وأنا مش هتجوز خالد واللي يحصل يحصل
ووووو
تعليقات
إرسال تعليق