أحببتك رغم أنتقامك الفصل السابع 7 بقلم منة محمد
 |
| أحببتك رغم أنتقامك الفصل السابع 7 بقلم منة محمد |
أحببتك رغم أنتقامك الفصل السابع 7 بقلم منة محمد
عاليا بتعجب: ايه الظرف ده يا بابا؟؟!!
عاصم قعد قدامها: افتحيه وانتي تعرفي
عاليا فتحت الظرف وخرجت الورقه الي فيه
عاصم بهدوء: ده بيتكم واشتريته وكتبته بأسمك
عاليا: لا مقدرش اقبله
عاصم: لا حتقبليه لاني عارف ان ليكي ذكريات حلوه جمعتك انتي ونبيله عشان كدا اشتريته يكون ملكك وعشان كمان متحسيش انك قاعده هنا لان ملكيش مكان تاني
عاليا: بس مقدرش اخده بدون مدفع حقه فلو حقبله اسمحلي يا بابا اسدد نص حقه حتي لو علي دفعات
عاصم: مصممه
عاليا هزت دماغها بـ نعم
عاصم: خلاص يعني يا عاليا ابوك عاصم هيفلس عشان حق بيت
عاليا: معلش يا بابا مصممه ادفع جزء منه عشان احس اني مرتاحه
عاصم: براحتك بس عايزك تفهمي انتي بنتي وانا بالي بعمله بقوم بمسؤليتك بنتي فعلا وعشان كدا انا سددت كل الديون الي عليكم وقبل ما تقوليلي اي كلمه ابوك يما ساعدني كانت شركتي علي وشك الافلاس ووقف معايا وكل الي انا فيه بفضله ودلوقت لما عايلته يبقوا في محنه اظن من حقي ارد الجميل
عاليا: شكرا يا بابا بجد شكرا
عاصم: كدا فيا امر واحد ياريت نتفق عليه
عاليا: ايه هو؟؟!!
عاصم:عاوزك تشتغلي معايا في الشركه والمنصب الي تشاوري عليه والمرتب الي تحدديه
عاليا: بس انا بحب الاقتصاد المنزلي وخبرتي في شغل الشركات تكاد تكون معدومه
عاصم: يابنتي الراجل الي قدامك ده خبرته كانت نفسك بس بالممارسه وانا معاكي لحظه بلحظه
عاليا: بس انا بشتغل مع خالد في مطعمه
عاصم: خالد صديق كريم
عاليا برجاء: ارجوك يا بابا مترفضش انا عايزه اكون ليا مالي الخاص
عاصم: براحتك وعلي فكره كنت عارف خالد قالي وده راجعلك انتي وانا واثق فيكي هتقدري والسكرتير هيلف معاكي ويعرفك ويلعمك بس ليا شرط واحد
عاليا: ايه هو
عاصم بأمنيه: تحاولي تشدي كريم معاكي لما يرجع
عاليا: ده لو رجع مش هيبطل يخانقني بس لو اتخانق معايا هخليك مستشاري
عاصم:اتفقنا
عاليامبتسمه: يبقي موافقه واطمن هشده معايا عشان يبطل لعب العيال الي هو عايش فيه ده!
عاصم دمعت عيونه: انا لسه بدور عليه
عاليا بتعاطف مسكت ايده: حندور عليه وهنلاقيه انشاء الله وهنوصله ( في سرها) لسه فيه مكان واحد لسه مدورتش فيه) يله ناكل
عاصم :ماليش نفس
عاليا بحنان :لا ده انا النهارده عملالك الاكل بنفسي طبيخ ايديا وحياه عنيا فمن فضلك متكسفنيش
عاصم ببتسامه :حاضر من عنيا وشكرا علي انك بتعتني بيا
عاليا: وانا محظوظه انك موجود في حياتي
بدء ياكل لكن كل شويه يسرح بتفكيره الي محصور في كريم وعاليا وسعاد اخدوه بالهم ومشفقين علي حالته
.............منه محمد.......
في المطعم دخلت عاليا بزيطه وزمبليطه
عاليا بشقاوه: معلم خالد انا جيت ادور علي شغل ياتري المعلم عنده وظيفه متاحه عشاني
خالد ابتسم وهز راسه: عشانك الوظيفه متاحه دايما
عاليا: طيب يله ابدء الشغل ونخربها يله
خالد راح معاها وبدء يجرب وصفات ويعلمها
دخل حسن: ايه ده اكل من ورايا؟؟!!!
خالد: مهاره المعلم الجديد
عاليا: تحب تدوق
حسن بياكل ويمثل الخوف: اممم لذيذ اوي (وبعدين ميل علي خالد) بقولك ايه عايزك كدا علي جنب
خالد استأذن وطلع معاه برا
حسن: انت مش خايف كريم يضايق ويزعل ويغضب ويرجع يكسر المطعم فوق نفوخها ونفوخك
خالد: انا ولا مهتم حسن الامور الشخصيه حاجه والشغل حاجه ..فرق بينهم ياحسن
حسن: ايوه مظبوط بس
خالد قطعه: ده الي جابك هنا
حسن ضربه بالكمه في كتفه: يارخم انت بقيت حد شرير وملكش غيري خالي بالك مني بقي
خالد ضحك: فهمتك تعالي كل ياخويا تعال
حسن: عايز بيتزا وهت كتير
خالد شده من ياقته: تعال انت هتتشرط
بعد الاكل قاعدين بيشربوا القهوه
حسن: بقولك ايه محدش اتصل بيك منهم
خالد كشر: لا لسه
حسن: اه يا بختهم زمانهم في تركيا وخربنها بس اكيد حيبعتولنا صورهم يغظونا ولاد المفتريه عارف ان نهله بتعشق كريم وسافرت معاه وسابت اهلها هنا حاسس بالغيره منه ياجدع هفضل سنجل وامي تقولي يا متعوس
حسن ميعرفش ان بكلامه بيزود كميه الحقد علي كريم واتكلم بعد ما اخد نفس: اشرب وانت ساكت بقي
وهما قعدين وصل لحسن صوت رساله من الواتس اخد تلفونه وفتحها
حسن: اه جبنا في سيره القطط بعتولنا صورهم وصلتلك
خالد: اممم وصلت بص للصور وحس بالحسره والغيره الي اتفشت فيه
حسن فتح الكاميرا وضحك: ياولاد الذينا خربناها واحنا هنا
نهله: فعلا مبسوطين كتير
حسن: بتعملوا ايه
نهله: ابدا بنتفسح وبنعمل شوبنج
حسن: يا حلوه
نهله: انت في المطعم عند خالد
حسن: اه هو وقاعد قدامي وصدر التلفون قدامه
خالد رفع ايده بالسلام: كل حاجه معاكي تمام
نهله بفرحه: ايوه تمام
خالد:كريم خالي بالك منها
كريم: تمام انت بس متبلغش ابويا فين مكاني!!!!
خالد: الي انت عايزني اقوله حقوله
كريم: ده العشم يا صاحبي
خالد حب يضايقه : عاليا انتي ماشيه(( ورجع بص للكاميرا)) فيه حاجه تانيه تحبها تضفها
حسن: نهله كريم اختفي راح فين؟؟
نهله بتوتر من شكله ومنظره: مشي واقف بعيد قولي يا حسن البت دي بتعمل ايه في المطعم
حسن: خالد شغلها معاه نهله فهمي كريم نفرق بين الامور الشخصيه والشغل
نهله: لا يا حسن خالد شكله بيحبها
حسن: ايه؟؟!!
نهله قفلت الكاميرا وراحت قربت من كريم الي واقف مش علي بعضه بيهز رجليه وملامحه كلها غضب
نهله: انا حأمر خالد يطرد الحشره دي من المطعم
كريم: ده يخصه هو سبيه هو يقرر ده بنفسه لكن بلغيه انه ميجبش سيره المخلوقه دي قدامي ابدا
نهله بشك: تمام هبلغه بس فعلا متأكد انك مش حابب تسمع سيرتها ولا حتي اسمها!!
كريم بصلها وسكت وحط ايده في جيوبه ومشي وهي كملت طريقها وراه
..........منه محمد..........
عاليا لفت لخالد: تعرف فين كريم؟؟
خالد بهدوئه المعتاد: ليه عاوزاه يرجع
عاليا: ايوه لانه لازم يرجع البيت بابا عاصم منتظره وانا هحس بالذنب لو مرجعش البيت بس لو قولتلي انك متعرفش مكانه فـ انا مش هصدقك
خالد: بس مقدرش اقطع الوعد مع صديقي لكن بلغيه عمي عاصم انه بخير وهو شويه وهيرجع البيت اما بالنسبه لك فبلاش تحسي بالذنب ناحيته انتي بس خالي بالك من ابوه واعملي الي عليكي
عاليا:تمام عن اذنك اكمل شغلي
خالد بحترام: اتفضلي
................منه محمد ..........
عاليا بعد ما داخت قدرت تعرف وتحدد مكان كريم
ندي: بتعمل ايه الحلوه الي سبتني وسافرت
عاليا ضحكت بصوتها كله: بفرغ شنطتي عامله ايه اكيد حاسه بالوحده
ندي كشرت: طبعا حموت من الوحده بخرج لوحدي بقعد لوحدي حتي في الحمام بدخله لوحدي
عاليا: بجد مثيره للشفقه
ندي: ها ناويه تعملي ايه بعد كدا؟؟!!!
عاليا مطت شفايفها لقدام: اممم هغير هدومي وحطلع اتمشي علي البحر والف عليه
ندي ضحكت: عيل تايهه ياولاد تركيا
عاليا: ده كان الحل الوحيد حتي لو اضطريت اتخلي عن كرامتي ياندي فهماني
ندي: ايوه فهماكي بس المهم هاتيلي معاكي مشبك
عاليا: من عونيا
وقفلت الموبيل لقت حد خبطها بكوره التلفون طار من ايدها ووقع عالارض اتكسر واتحول لـ اشلاء صرخت زي المجنونه: حبيبي قوم يا حبيبي
واقف فاصل ضحك علي منظرها كأنها قدام جثه عزيزه عليها!!
ميل ولمه معاها وهو مش قادر يكتم ضحكته من منظرها: لسه فيه روح وتقدري تستعمليه
ندي صوتت في وشه :بتقول لسه عايش (ودققت فيه) انا شوفت الخلقه دي فين ايوه انت صاحب كريم وضربته علي ايده كأنه طفل صغير) ليه تلعب كوره في الشارع
حسن: غصب عني والله اصلي بكسر البيت لـ امي واسف
ندي: وبعد اسف هترجعلي موبيلي زي ماكان الاول لازم يا شخص انت تدفع تمنه
حسن: شوفي انا مجربتش اجري مع ان الجري نص الجدعنه بس عشان انا عارف اني غلطان فوقفت ومسلم واعتذرت
ندي: وانا يا حلو يا كتكوت مش عايزه اسفك انا عاوزاك تروح تجبلي الاصلي مش النسخه المقلده
حسن رسم وش البؤس: طيب بس انا حاليا مفلس لاننا اخر الشهر استني بقي لما اقبض اول الشهر ماشي
ندي برقتله: اه انت منهم ناوي تماطل وتهرب مظبوط
حسن مثل انه خاف: لا والله انا مش منهم بس اصبري اخر الشهر
ندي: يا حلو امشي حالا قدامي علي الصيانه والا
حسن: لا وعلي ايه والا ومشي جنبها
بعد ما خرجوا من المحل
ندي بحسره: يعني انا اجيبك تصلحلي التلفون تقوم تصعب عليا وادفع معاك نص التمن
حسن: مش كفايه هشحت لـ اخر الشهر بسببك
ندي بردح :لا والله بسببي وبطل تمثل دور المتسول وخلصنا كل واحد يكمل طريقه
حسن: استني بس
ندي: عاوز ايه تاني
حسن: انا جعان وهفتان وهيغما عليا
ندي: ده انت معندكش دم لسه عندك الجراه تطلب تطفح
حسن: اه عندي
ندي: تطفح الدم يا بعيد
حس: اعمل ايه جعااان ومفلس ومعيش فلوس اروح امد ايدي وقول لله يا محسنين يرضيك
ندي بستياء من اسلوبه: لا ميرضنيش يا شحات وفتحت البوك( خد خمسه جنيه مبسوط
حسن بص للفلوس وكشر
ندي نهرته بشده : خد خمسه كمان ومفيش غيرهم والنبي لو اتشقلبت ده مصروفي من ابويا اسبوع يوم اسود ومشت من قدامه
حسن ضحك : طلعت حنينه وكريمه اوي ومشي مبسوط وحاسس بالسعاده من اسلوبها
.....منه محمد........
قاعد في مكتبه بيراجع الماضي الدفين
#فلاش_باك
قاعده بتصمم فساتين جديده دخلت عليها ست بس واضح من ملامحها القسوه
نبيله قامت وقفت بترحاب: اهلا وسهلا اي خدمه انا ممكن اساعدك
اشجان: انا خطيبه عاصم ابو اليسر
نبيله: خطيبته
اشجان: ايوه خطيبته وهبقي مراته الشرعيه مش زيك عشقته
نبيله: لا الكلام ده مش صحيح عاصم بيحبني انا وعمره ما كدب عليا
اشجان ضربتها بالقلم وبكلمات قاسيه مفيش فيه اي نوع رحمه: انا بحذرك بالحسني اقطعي صيلتك بيه لو مش عايزه تدخلي في مشاكل انتي مش قدها لا انت ولا عايلتك
نبيله بكت بحرقه وبقهر وبضعف: بس انا بحبه
اشجان : عايزه تجربي مش كدا هاه ومسكت دماغها ورزعتها في الحيط كذا مره وري بعض
وكملت بقسوه: افتكري كويس انا ممكن اعمل ابشع من كدا فقطعي علاقتك بيه
عاصم الي دخل وصرخ: اشجان خلاص وقفي ماكنتش ينفع تتكلمي وبس!!!
اشجان: كام مره حذرتك بالحسني تقطع علاقتك بيها سمعت مني مره
نبيله بصتله مش مصدقه بنظرات تايهه: عاصم هي دي فعلا خطيبتك
اشجان: اتفضل جاوبها عشان تتأكد وتشوف الحقيقه لمره واحده
عاصم مسك وشها بين كفوفه: نبيله اسمعيني خليني اشرحلك
نبيله قطعته بنهيار: لالالا وطلعت تجري
عاصم جري وراها: نبيله استني
اشجان بحقد: لو روحت وري الست دي هتصل بأبوك وانت عارف الباقي وانت الي عليك تختار انا ولا الست دي وابويا يرفض يشارك ابوك ويفضوا الشراكاه ويغرق ابوك في الديون بسأل لـ اخر مره هتختار مين فينا يا عاصم
#باك
قام يخرج من خنقته بيحاول يتجاوز الالم الي جواه
.........منه محمد.......
في تركيا كان قاعد في المطعم بيشرب قهوته لمحها اعتقد انها مجرد تهيؤات بتحصله من كتر ما بيفكر فيها طرد صورتها من دماغه سأل نفسه هي تستاهل توصله للحاله الي هو فيها دي دفع الحساب وقام يتمشي علي البحر شويه
في نفس الوقت ماشيه علي شط البحر سرحانه بترفع عيونها لقته قدامها بصلها ولف يرجع بسرعه
عاليا جريت وراه: كريم
كريم مكمل طريقه لكن بينه وبين نفسه هو مش بس مهتم بيها لا ده عاوز يشوفها تاني وتالت لكن انتقامه مغطي عيونه وسايقه!!!
عاليا: كريم استني عاوزه اتكلم معاك ضروري
كريم لف وبحده: بس انا مش عايز اتكلم
عاليا بتمد تسبق خطواته: كريم
لف وبصلها :بطلي تزعجيني وكمل مشي
عاليا: لو شجاع اقف وهي بتمد كانت حتتكعبل لحقت نفسها ومكسته من ضهره لف ومسكها من وسطها
عاليا وشها احمر من مسكته: ممكن تسبني
كريم سابها فوقعت علي الارض قامت وكملت جري وراه
عاليا: اثبت مكانك حالا
كريم: مين انتي عشان تأمريني
عاليا: لحد ما تثبت مكانك وتبطل جري زي العيال
كريم بصلها وزعق : انتي عايزه مني ايه؟؟!!
عاليا : نتكلم
كريم: نتكلم في ايه
عاليا: عنك ياكريم
كريم بنفعال: حياتي مش من شأنك واعرفي حجمك كويس!!!
عاليا: خليك متحضر واسمعني وانضج بقي الله ده انا جايه هنا عشانك
كريم: وانا قلت لا مش عايز عافيه بس لو عندك حاجه قوليها بسرعه وخلصينا
عاليا بصوت فيه نبره حزن عميقه: انت فاهم الي في دماغك غلط
كريم بنبره بارده: الي هو
عاليا: ان ابوك بيفضلني عليك
كريم : عندك لكل حاجه رد
عاليا اخدت نفس بصوت عالي وحاولت تتحكم بالثبات الانفعالي: انا مش هنا عشان اقدم اعذار واتصنعها انا هنا وبحاول اشرحلك عشان متسأش الفهم
كريم: شوفي انا واقف معاكي هنا غصب عني حطيت كبريائي علي جنب عشان اسمعك لكن مش هتحمل تكدبي عليا
عاليا: احلفلك اني عمري ما فكرت احل محلك ابدا ولا في يوم طمعت في ابوك لكن وافقت اعيش في بيتك لاني معنديش مكان غير الشارع وكمان مقدرتش اسيب بابا عاصم لوحده حزين بسبب انه خسرك
كريم: طبعا انا امشي وانتي انتهزتي الفرصه مش كدا
عاليا اتنهدت وبصتله: انا مش بنتهز الفرصه ولا مكنتش هنا دلوقت وبقولك ترجع بس زي ما قلت لك بعد موت امي ماليش مكان غيره واي شئ هيسعده هعمله من غير ما اتردد ثانيه لكن انت ابنه الشرعي انا حيالله بنت مراته وهو كل يوم مستنيك ترجعله ونفسه يسمع عنك اي خبر يطمنه ويريح قلبه
كريم: وهو ميعرفش انا فين امال جيتي ازاي
عاليا: قلتله ان ندي صحبتي عيانه وهروح اقعد معاها يومين وصرفت كل الي حيلتي عشان احجز واجي ادور عليك ارجع البيت ياكريم ارجوك وانا اوعدك كل حاجه ترجع زي الاول واحسن
كريم: ليه مجنون اصدق وعودك
عاليا: يارب اموت واتشل لو كنت بكدب عليك بس الايام كفيله تثبتلك ان نيتي خير
كريم: انا بهدلتك كتير ليه متكونيش جايه تنتقمي
عاليا وسعت عيونها: ولا خطر علي بالي وبعدين لو فكرت زي ما بتقول ايه الي هجنيه من انتقامي غير هأذي الناس الي مدولي ايديهم وده مش هيرجع امي ابدا وانا مش شخصيه عدائيه عشان اعمل كدا
كريم: بس الي عملته امك وجعني
عاليا: امي مش سيئه ومش بالاخلاق الي اتهمتها بيها
كريم: عندك دليل يثبت
عاليا سكتت
كريم ضحك ع جنب: شوفتي مفيش
عاليا: لا فيه كبريائي وانا بتوسل اليك وبطلب منك ترجع معايا ياكريم
كريم: لا
عاليا: تمام براحتك عاوز تعيش رحال القرار راجعلك عاوز تبقي العيل العاق الجاحد براحتك لان مفيش كلام تاني ممكن اقوله وراحت قعدت عالارض وربعت ايدها وسندت علي شجره
كريم بصلها شويه وراح عمل نفس الشئ وميل عليها: عاليا
عاليا: خير ياكريم
كريم: لحد امتي هتفضلي هنا في تركيا
عاليا: لحد ما تاكل معايا دره مشوي وترمس
كريم: سالتك لحد امتي هتفضلي هنا
عاليا: وانا جاوبت
كريم بصلها بستياء: انتي مفكره الدره المشوي هيخاليني اغير راي
عاليا ابتسمت
كريم بصلها: ليه بتبتسمي
عاليا :اصل بلبله قالت لي لو مش قادرين نرد نبتسم يمكن الجليد يبتسم ويدوب ويمكن لما نموت بسببه ندخل الجنه
كريم :لا متخافيش مش هسيبك تموتي ع الاقل دلوقت
عاليا بمزحه: طب يله اسحرني بالدره
كريم لسه هياكل الدره عاليا خطفته منه: جاوبني الاول ليه سالتني حفضل هنا لحد امتي؟؟
كريم شده منها: اناجعان لما اكل الاول ابقي ارد عليك
عاليا شدته تاني: لاجاوب الاول
كريم بصوت عالي: عارفه لو شدتيه تاني هضربك علي وشك
عاليا: ياخرابي عايز تضرب واحده رقيقه القلب زي بس هجاوبك لما ترد الاول
كريم بعناد شده: لا اكل الاول
عاليا: وانا مش هسيبك تاكل
كريم شده وهي شدته لحد ما انكسر بالنص في ايديهم!!!
هي ضحكت: سؤالي ع فكره سهل وبسيط
كريم: طيب اسكتي وهجاوبك (اتنهد) قلت اديك فرصه ارتاحتي
عاليا بعدم فهم: فرصه ايه؟؟!!
كريم: تخليني اغير راي وارجع البيت ونشوف حتقدري
عاليا بتحدي: خلينا نشوف مين فينا نفسه اطول
كريم زقها بمزحه: عاليا بعد كلامك اعتبري عزومتي علي الدره هديه وداع ليكي
عاليا: حكمله كله ومش هعتبرها هديه وداع لاني حقدر ارجعك للراجل الغلبان الي لا بياكل ولا عارف ينام وطول الليل والنهار ماسك صورتك
عاليا بعد ما اكلت الدره وايديها وبؤها عباره عن تحفه فنيه
كريم قاعد يتأملها وماسك ضحكته بالعافيه
عاليا بصتله: انت ايه مش سامعني
كريم مسك الموبيل وبدء يصورها
عاليا بنص عين :انت بتعمل ايه
كريم ماسك ضحكته: بلقطلك صوره
عاليا شهقت: لا مش عايزه كريم لا
كريم قام وقف يرفع الموبيل لفوق وعمال يضحك من منظرها المتعصب وهي بتشد فيه من مقدمه صدره: قلت لك هات واخدته وشافت صورتها بشعه
عاليا جايه تحذف شد منها الموبيله وقال : هحذفها بنفسي
عاليا كشرت: انا غلطانه اني جيت عشان اساعدك
كريم بألش : عايزه تساعديني يا شيخه ساعدي نفسك الاول
ضحكت واخدها يتمشوا شويه
عاليا: كريم حذفت الصوره؟؟!!
كريم حب يغظها ويضايقها: حذفتها اسيبها ليه تاخد مساحه علي موبيلي
عاليا كشرت لكن وقفت فجأه قدام تحفه جميله بنت حاضنه امها بكل اريحيه عيونها دمعت: الله شوف الجمال
كريم بص للتحفه وبصلها وسابها ومشي
عاليا: ايه التحفه حلوه قلت حاجه غلط وراحت تجري وراه لقته ماسك ورده قطفها من فوق شجره لونها جميل وغريب
عاليا بنبهار: الله رووعه بألوانها تسمحلي اخد بيها كام صوره
كريم هز دماغه بـ نعم
عاليه طلعت فونها وبدئت تلقط عده صور وكريم متابع حركتها الي بتعملهم مع كل صوره الي كأنها مصره تجننه راح وقعد ع جزع شجره وهي راحت قعدت جنبه: تعال قرب نتصور سوي يله
وصورته وكريم من غير ما يحس بنفسه لقي نفسه مال عليها وباسها جنب شفايفها : لو اعتذرتلك عن الي عملته فيكم ياتري حيكون فات الاوان
هي اتفجأت وهو نفس الشئ ليه عمل كدا ليه حس انه كان محتاج يعمل كدا من اول ما شافها
وباسها تاني لما حس انه محتاج يعمل كدا لكن الي استغربه انها بدئت تلتهم شفايفه بصوره مجنونه وهو اتفاعل معاها لانه مبسوط وحس انه بيعيش اجمل لحظات حياته بعد عنها : اسف علي كل حاجه
ومشي من قدامها راح يشترلها عصير وهي حاسه بسعاده مالهاش وصف ليه حست معاه بمشاعر واحاسيس اول مره تحسها اخدت الورده وفضلت تشم فيها لحد مارجع ومدلها العصير اخدته وشكرته شويه قام وراح اخد كوره من شويه عيال بيلعبه ورجع وهي قاعده سرحانه في رقته واعتذاره مع بوسته الي خطفتها لقت حد حدف كوره في حجرها فقامت بخضه
كريم :يله نلعب
عاليا بحماس لعبت حواجبها :بس حفوز عليك
كريم بغرور :نشوف يله
عاليا :استني اشغل الساعه وابدء العد التنازلي للفوز
كريم ضحك جامد: شغلي الساعه وتعالي
بصت له من طرف عينها مش عاجبها طريقته في الكلام وحسته بيعيب عليها
وبدؤا يلعبوا مع العيال لحد ما صفر الحكم وانتهت الجوله وكان الفوز حليف عاليا علي كريم 5 صفر
بعدين اخدها يوصلها للفندق الي نازله فيه:يله ادخلي وانا حقف لحد ما تطلعي وتشاوريلي من الشباك
عاليا: امشي وانا حكمل
كريم رفض: لا الزمن ده محدش يدي الامان لحد حتي لو كنتي وسط الناس
عاليا ببتسامه: لسه عندي امل كبير
كريم: في ايه؟؟!!
عاليا: ترجع معايا البيت واوعدك لو رجعت مش هجادل معاك ابدا
كريم: عاليا ياريت بعد النهارده متزعجنيش لانك لو ازعجتيني لحد الموت مش هغير راي
عاليا: طيب لما انا مزعجه ليه كملت معايا اليوم
كريم اتنهد: حبيت اجرب ان كنتي صادقه معايا ولا لأ بس صدقت كلامك عنك وعن امك لكن المشكله دلوقت بيني وبين ابويا ومش هتتحل بسهوله
عاليا: خلاص ياكريم ابدء صفيها من اليوم لحد امتي هترفض تحلها بس لو رجعت معايا بدري نلحق نستئصلها
كريم: كنت ممكن ارجع معاكي بس انا فعلا ارتبط بشغل
عاليا بتفهم: تمام بس خاليني اطمن بابا انك هنا
كريم رفع كتافه:براحتك ولما يجي الوقت المناسب هرجع بنفسي
عاليا: اوك
كريم:وياريت متدوريش عليا لو مش عاوزاني اهرب منك انتي كمان يله عن اذنك
لف وجاي يمشي لكنه وقف تاني وطلع من كيسه علبه شيك: خدي
عاليا: دي ليا انا
هز دماغه وركبها الأسانسير ومشي
عاليا فتحتها لقتها التحفه الي شدتها نزلت تجري عشان تلحقه
كريم لف وبصلها: انتي راجعه تزعجيني تاني
عاليا ببتسامه جميله: ابدا بس حبيت اسألك عندك شغل بكره
كريم: لا ليه؟؟!!
عاليا: بصراحه اتعلمت كام طبخه كدا علي ادي وعاوزاك تقولي رايك واكيد انت هنا زهقت من اكل المطاعم حعمل اكل بيتي ها تشارك معايا
كريم: مش يمكن اقولك اه واتهرب منك
عاليا: تعملها لكن حفضل مستنياك مشي كريم وعاليا رجعت سعيده ومبسوطه
............منه محمد.........
رجع لقي نهله منتظراه في هول الفندق
نهله: كنت فين ياكريم؟؟
كريم: كنت في مشوار
نهله: مشوار ولا قابلت الست عاليا
كريم: كنتي عارفه انها هنا صح امبارح لما حاولنا ندخل المطعم رفضتي ندخل ولما سألتك ليه قولتيلي اكلهم وحش رغم انك كنتي مُصره تدخلي
نهله: ايوه بس مرضتش اقولك
كريم بهدوء عكس اللي جواه: ليه؟؟!!!
نهله مقهوره: لاني مش عايزاك تشوف البت دي او حتي تقابلها
كريم: ايوه بس ده ميدكيش الحق انك تمثلي عليا مين عارف مش يمكن محتاج اقابلها
نهله بنفعال: ليه انت مش بتكرهها رغم مبقتش واثقه من كرهك ليها لانك لو فعلا بتكرها المفروض تشكرني مش توبخني زي ما عملت دلوقت بس فعلا واضح انك زعلان لانك بتكرهها ولا زعلان لاني فوت مقابله ماتتكلم رد عليا
كريم: ايوه عاوز اعرف انتي حتستفادي ايه من ده
نهله: لان من حقي امنعك تقابلها مهما كان!!!
كريم: من امتي اديتك الحق انك تدخلي كدا في حياتي نهله احنا اصدقاء بلاش تتجاوزي حدودك وحغفرلك ده لانك صديقتي وسابها ومشي طلع غرفته وهي قعدت منهاره ومره واحده انكتمت أنفاسها واتغير وشها وهي بتستوعب اللي قاله وحقدت ع عاليا حقد وقهر وكره وصممت تقابلها وتبتر اي علاقه ممكن تبدء
تعليقات
إرسال تعليق