أحببتك رغم أنتقامك الفصل السادس 6 بقلم منة محمد
 |
| أحببتك رغم أنتقامك الفصل السادس 6 بقلم منة محمد |
أحببتك رغم أنتقامك الفصل السادس 6 بقلم منة محمد
في غرفه عاليا الي بتلم هدومها بطريقه عشوائيه
دخلت سعاد: بتعملي ايه يا انسه عاليا؟!
عاليا مسحت دموعها: بلم هدومي واسيب البيت
سعاد: السيد عاصم عنده خبر
عاليا بغصه: لا بس هبلغه بعدين
سعاد: مستحيل يسمح بده ابدا وحطت الصنيه علي جنب وراحت جري تبلغه
سعاد دخلت عليه المكتب: عاصم بيه الحق ياسيدي
عاصم بفزع: فيه ايه؟؟!!
سعاد:انسه عاليا
عاصم مستنهاش تكمل واخد السلم جري في خطوه واحده
عاصم: عاليا انتي رايحه فين؟؟!!
عاليا: هسيب البيت امي مش هنا ليه افضل انا
عاصم بستعطاف: افضلي عشاني
سعاد قربت واخدت منها الشنطه قوه واقتدار
عاليا: سعاد لو سمحتي سيبي الشنطه
سعاد: لا واسمعي كلام البيه الاول
عاصم بحنان ابوي: ليه عايزه تمشي
عاليا غمضت عيونها بألم : لانه مينفعش افضل هنا ويفضل كريم يهني
عاصم: لو مش عايزه تشوفيه انا ممكن انقلك للملحق بس تفضلي تحت عيني
عاليا: هو انت مش عايز كريم يرجع
عاصم: ليه بتقولي كدا؟؟!!!
عاليا: لان انا لو مشيت هو هيرجع
عاصم: لما تخلص فلوسه هيرجع لما ميقدرش علي تحمل المسؤاليه هيرجع
عاليا: بس ده ابنك ومسيرك تقلق عليه
عاصم نزلت دموعه ولف وشه ليها: ابني الي قال حتي لو مُت مش هيحضر جنازتي
عاليا ارتمت جوه حضنه: انا اسفه اسفه علي كل حاجه حصلت بسببي
عاصم: لا يا بنتي انتي ملكيش ذنب كريم ابني شخص همجي جاف دايما دماغه علي طول بتفكر في الاجرام والشر وده بسبب امه الي غذت دماغه اني مش بحبه لانه منها يله ربنا يسامحها
عاليا: عاوزني اعمل ايه وانا اعمله عشان يرجع ويتعدل ويبقي بني ادم ويتصرف زي الخلق والناس
عاصم اتنهد: انا نفسي مش عارف قوليلي انتي اعمل ايه؟؟!!
عاليا: عمو كريم مش طايقني ارجوك خليني امشي
عاصم مسك ايدها يملس عليها: عاليا انا وعدت امك انك معايا ممكن تخاليني انفذ وعودي معاها عاليا والله ما مجرد كلام بقوله انتي بنتي بلاش ترفض ابوتي ليك ارجوكي
عاليا قدام دموعه واصراره وحنيته عليها ماقدرتش تعارض تاني وتخذله!!!!!
عاليا: انا كمان وعدت امي اني حفضل معاك وموافقه وحعمل كل الي في وسعي عشان بس تكون انت مبسوط وسعيد وكمان امي ترقد مرتاحه ده غير ان انا عاوزاك تكون قادر علي الوفاء لوعدك لـ امي
عاصم حرك ايده علي خدها: انتي اي نوع من البنات انتي بجد نقيه اوي
عاليا دخلت في حضنه: لا انا وحيده وخايفه
عاصم قربها منه بحنان ابوي وضمها لصدره
عاليا: ممكن اندهلك يا بابا عاصم تسمحلي
عاصم ابتسم وباس دماغها: ايوه طبعا ممكن وخرج وسعاد خرجت معاه وابتسامتها حتشق السما بتحب عاليا لانها انسانه وبتعاملها بحترام وحنان عكس كريم الي دايما مديها علي دماغها بس برضو بتحبه!!!!
........منه محمد......
بعد ما خرج عاليا مسكت صوره امها وأأعدت علي الارض وكلمتها:امي بلبله مش عاوزاكي تقلقي عليا خلاص حفضل مع عمو عاصم زي ما وعدتك وحكون قويه حاضر ومش هعيط باست الصوره وضمتها لحضنها ونامت عالارض زي الطفل الي محتاج حنان
.......
اما عاصم راح اوضته يبكي علي فراق ابنه بيحبه رغم جحوده عليه بس دايما عذره وبيحاول يحطله الف عذر وعذر نزل ركب عربيته وراح يزور قبر اشجان يسالها عن كريم الي اخد حته من قلبه ومشي بيها نزل من العربيه ودخل القبر بخطواته المعذبه الي بتسال عن كريم حط ورده علي القبر وسالها كأنها قدامه وهتجاوب عليه او بيتمني تجاوبه: ياتري ابنك جالك لو جالك ارجوكي اقنعيه يرجعلي يرجع لحضن ابوه انا بجد قلقان عليه انا عارف يمكن زمان مكنتش زوج ولا اب صالح بس هبقي احسن والله اشجان نبيله خلاص ماتت ممكن اطلب منك تسامحيها انا عارف انتي طول عمرك عارفه اني بحبها بس انا المسؤل الوحيد عن الي حصل بس انتي كنت عارفه بحبي ليها ومع ذالك وافقتي ترتبطي بيا حاولت احبك مقدرتش غصب عني الحب ده مش بأيدينا يا بنت عمي وهي حاولت تهرب من حبي واتجوزت راجل عمرها ما حبته واتظلمت عشان تسعدك انتي ،،حتي لما مات رفضت تسرقني منك ولما التقينا كانت بتودعني فعشان كدا بطلب منك تسامحيها عَاوزها تبقي نايمه مرتاحه
مسح دموعه وقرء الفاتحه ودعالها تسامحه ولف ركب عربيته وحركها و مشي
...............منه محمد......
ندي بنفعال: بيتصرف زي العيل يهرب
عالي عوجت شفايفها: لا ابوه طرده
ندي: هي حتفرق نفس المعني انا والله ما صعبان عليا غير ابوه ازاي قادر يتعامل مع جحش زيه
عاليا ابتسمت
ندي:المهم لسه مش عايزه تشتغلي مع خالد
عاليا: لا بس انا دوخت مش لاقيه، ليه الحصول علي وظيفه بقي امر صعب ومستعصي
ندي: بلدنا يابنتي بس لو مش عايزه عند خالد خلاص خلينا ننزل ندور علي غيره لحد ما تلاقي
عاليا:ايوه و لازم القي وبسرعه انا مش عايزه اخد حاجه من عمو عاصم عشان لما كريم يرجع ميفضلش يقطمني بكلامه
قطع كلامها لما حد ضربها بالكوره في دماغها
ندي: نهار استيكر احنا بنتكلم عن كريم هو هنا اكيد برخامته
شاب قرب منهم: انسه انتي بخير
ندي بهمس: مطلعش هو طلع حليفه في الرخامه
الشاب بأحراج: انا اسف ومشي
ندي: كنت مفكراه هو بغباوته راجع ينتقم منك
عاليا بحزن: يله نمشي
ندي: يله لحد يضربنا تاني
.......منه محمد........
في المطعم
حسن: نعم ياختي مسافره بتهزري صح ولا يكونش مقلب
نهله بوش جامد: ليه انا بتاعه مقالب ولا هزار
حسن: ايوه صح انتي لابتاعه مقالب ولا بتعرفي في الهزار طيب فهمت ليه قررتي تطفشي ما احنا مع بعض هنا واخر حلاوه
نهله: كريم مش عايز يرجع البيت ولا عايز يعيش هنا عشان كدا حنسافر
خالد بحزن عميق: معني كدا انك حتسافري معاه ده الي عايزه تقوليه مش كدا
نهله: ايوه امال اسيبه وحيد وهو نفسه طلب مني اكون جنبه
خالدبشك: كريم قالك كدا بذات نفسه
نهله: حتي لو مقلش انا بعرف قلبه بيفكر في ايه خالد ممكن تفرق لو مره واحده عن السؤال والتوسل
حسن: يابنتي خالد بيسأل لانه قلقان عليكي مش كدا يا خلود
خالد كتم غضبه: فعلا بس نهله ولا بتهتم بس اتمني لما تنوي تسافري بلغيني لو فاضي هاجي اودعك
نهله: ده قريب بس القرار الاول لكريم وانا هبدء اجهز واستني قر اره الاخير
حسن: يعني لسه فيه وقت حلو عشان تلحقوا تحضروه افتتاح مطعم خالد
خالد: ده لو نهله حبت تشاركني فرحتي حكون سعيد جدا
حسن: طيب يله يا ابو الخدود ياخويا جرب فينا قبل ما تجرب في الزباين يقومه ينفخوك
خالد قام وبدء يشتغل بمهاره وعمل كذا صنف وقدمه ليهم
حسن فرك ايديه في بعض: انا هسمي وهاكل وانا ونصيبي يله يانهله ولا خايفه تاكلي
نهله: لا ماليش نفس
خالد قام وراح جبلها صنف هي بتعشقه جدا عارف كل تفصلها بيحبها رغم عارف ان حبه من طرف واحد لكن قابل وراضي والي مطمنه ان كريم ولا بيفكر ولا حتي حيفكر فيها غير انها مجرد صديقه ولا اكتر ولا اقل
حط الطبق قدامها: اتفضلي ده صنف جديد اسمه الباستا الأنجِل هير طبقك المفضل
نهله ببتسامه: شكر ليك
لقوا كريم داخل من غير سلام وحتي كلام ونهله فرحت وسحبت له الكرسي الي جنبها وقدمتله الطبق: كل طبقك المفضل يله كله كله
حسن: حماتك بتحبك الطبق ده كان مجهزه خالد لنهله لكن نهله عطته لكريم وخالد هيزعل من نهله وزعله وحش
نهله: لا خالد مش هيزعل مش كدا ياخالد
خالد حاول يداري المه: كدا
حسن:المهم خلونا نحتفل مع الناس الي نَوت تودعنا الإندال
نهله حطت كوعها علي كتف كريم:انت معاك خالد
حسن بصله بطريقه كوميدي:دي أشكال افضل معاها
خالد عيونه علي كريم:لما تسافري اتصلي بيا اظن مش هتنسينا
نهله ربعت ايدها بسعاده:مستحيل انساكم بس اكيد في الأول هنكون مشغولين
حسن:كريم مش عايز تقول كلمه في ختام الحفله
كريم اخد نفس من السيجاره:عاوزك انت وخالد تبلغوني بأخبار عايله ابواليسر تقدرو!؟
حسن:بيقول عايله بيت ابو اليسر حنشتغل
مخبر ين علي آخر الزمن
كريم:تقدروا ولا لأ
حسن:نقدر ياعم كريم نقدر
خالد:طبعا بس وانت هناك اعتني بنهله
نهله شالت السيجار ه ما بين شفايف كريم وتديله ياكل الباستا بس هو رفض
قامت تلم الاطباق خالد قام وراح وراها وحضنها من وسطها
نهله بخضه :خالد انت بتعمل ايه؟
خالد :لو مقدرتيش تكملي هناك وحسيتي انك مش مبسوطه اتصلي بيا هجيلك ع طول
نهله بتحاول تحرر ايده من علي وسطها:خالد سيبني
خالد : لا (ولفها لحضنه ولسه ماسكها)اوعديني الاول
انك تقولي الحقيقه
نهله:اوعدك
خالد ابتسم وقرب يلحم شفايفه بشفايفها
لكن وقفته كلمتها!
نهله:اني هبقي سعيده مع كريم
خالد فك ايده من علي وسطها ببطئ وهي مشت من قدامه وابتسمت بخبث
................منه محمد.............
تاني يوم لفت علي اماكن كتير وكل ما تدخل مكان يقوللها هنبقي نطلبك ...مستكفين...لا انتي ناقصه خبره وهكذا لحد ما لقت نفسها واقفه قدام مطعم خالد وقفت شويه متردده تدخل لمحها من وري الحاجز الزجاجي لف وخرجلها
خالد: عاليا هو انتي طيب وصلتي لهنا ليه متردده تدخلي
عاليا وشها احمر: ها لا انا فايته بالصدفه بس همشي
خالد ضحك: لا انتي ماسكه الكارت يبقي مش صدفه انتي قاصده
عاليا :تمام بصراحه قاصده بس غيرت رأي
خالدابتسم: لا متغيريش رايك ارجوكي يله ادخلي بما انك جيتي تعالي حتي قوليلي رايك في المطعم حتي بحاول اعمل نوع حلويات جديد ياتري بتحبي الحلويات
عاليا:كتير بس لو وحشه
خالد: لو وحشه هخليكي تدوسي عليها
عاليا ابتسمتله ودخلت معاه وهو عمل الصنف قدامها وفضل يشرحلها طريقته
خالد مسح جبينه واتنهد بيمثل انه عزق: خصلت الحمد لله ها ايه رايك
عاليا: الشكل جميل جدا ممكن اكلها ولا دي للفرجه
خالد مدهالها : لا كليها بالهنا والشفا
عاليا داقتها: واو جميله جدا والسكر مظبوط بس فيه نكهه صح
خالد: انتي خبيره في النكهات وعارفه التفاصيل كويس ها تحبي تجربي وتعمليها لوحدك
عاليا بحماس: طبعا
خالد: بس بشرط
عاليا: ايه هو
خالد: تشتغلي معايا في المطعم ده اولا
عاليا: ليه مصمم اني اشتغل معاك مع ان فيه مشاكل وبلاوي متلتله بيني وبين كريم صاحبك
خالد: انتي جاوبتي مشكله مع كريم مش معايا مظبوط! ثانيا بقي عاوز اكفر عن خطأي اني مساعدتكيش في الكافيه
عاليا ميلت دماغها شمال
خالد قلدها وميل دماغه يمين
عاليا ضمت شفايفها لجوه: تصدق اقنعتني
خالد: شوفتي (وغمزها )المهم اوعي نختلف مره تقومي تتهوري وترمي الاكل في وشي زي ما عملتي مع كريم في الكافيه
عاليا ضحكت بصوتها كله لما افتكرت منظر كريم: تحب تجرب
خالد ضحك : لا وعلي ايه يله خلصي اكل
صوت كله حقد وغضب: الله الله شكلك مبسوطه علي الاخر
ووراها داخل حسن و كريم الي شاف ضحكهم واعتبرها مسخره وقله ادب منها ده غير حس بغيره غيره طبيعيه لكن جاهل مشاعره !!!!!!
حسن بتحذير: كريم ناوي تعمل ايه
كريم بصله ومشي من غير ما ينطق بحرف واحد وحسن جري وراه
نهله: يظهر احتلالك لبيوت الغير مبيخلكيش حاسه بأي حاجه انا لو مكانك كنت سيبت البيت لصاحبه
خالد قرب ووقف حائل بينهم: نهله لو سمحتي مفيش داعي لكلامك ده
نهله: لا له داعي ونص وانت متدخلش
عاليا: ليه بتتهميني اني مش حاسه بس هفضل طالما صاحب البيت سمح لي افضل
نهله: انتي الي زيك المفروض يتكسف ان انتي وامك السبب في وجود فجوات بين كريم وابوه
عاليا: وانتي مش من حقك تدخلي في الموضوع لان الشخص الي واقفه تحامي عشانه عامل بالفعل مشاكل مع ابوه من قبل ما نظهر في حياته
نهله بعصبيه: وانتم كملتوها وفخمتوها لدرجه مبقاش طايق ابوه وهج من البيت بعد ما فضلتي انتي وهو انطرد وكل حاجه حصلت كانت خطتك الشريره مش كدا انتي حبيتي تاخدي كل حاجه من كريم
عاليا: بتحققي معايا انا,, انا الي الراجل الي واقفه تدفعي عنه كان سبب في موت امي بس عارفه انتي مناسبه تكوني صديقته بتفكري نفس تفكيره في الشر وجرح البشر!!!
نهله بردح عكس طبيعتها وقربت تضربها: جري ايه يابت يازباله
خالد ماسك ايدها بعنف: نهله كفايه واياكي تعمليها
نهله: انتي السيئه هنا انتي اذيتي كريم انتي حطمتي نفسيته
عاليا: معني كدا انتي عارفه هو فينه؟؟!! ابقي بلغيه انه يبطل يتصرف زي العيال ويعمل مشاكل ولازم يرجع البيت ابوه حالته صعبه الراجل ده حيموت من القهر والزعل عليه ولو خلصتي توبيخك لاني معنديش استعداد اسمع القرف ده مره تانيه
نهله بوحشيه هتهجم عليها
خالد سحبها: كفاااايه قلت كفاااايه وبص لعاليه) اتفضلي انتي دلوقت هنتكلم في الشغل مره تانيه!!
عاليا اخدت شنطتها وفاتت من جنبها نفسها تضربها بس بصتلها باحتقار وقالت وهي ماشيه:هكلمك تاني نتفق علي الشغل
نهله: اي شغل الي بينك وبينها
خالد: انا طلبت من عاليا تشتغل معايا
نهله: وانا مش موافقه دي تخرج بقي من وسطنا الاول كريم ودلوقت انت
عاليا رجعت بكل هدوء وثقه تولعها: استاذ خالد انا موافقه اشتغل عندك ونتكلم بعدين لان النهارده مش مناسب
خالد هز دماغه: تمام
نهله جريت وراها بشراسه: اه انتي لازم تنضربي
خالد سحبها من ظهرها بصراخ لحد الجنون: نهله كفااايه قلت كفااااايه
نهله: ابعد عني ياخالد ابعد
خالد: ليه مصممه تعملي معاها مشكله
نهله: لاني مش طايقه اشوف وشها
خالد: ليه؟؟!!
نهله: لانها ضايقت كريم
خالد: بس الي احنا شوفناه ان كريم هو الي ضايقها الاول
نهله: اهلا هي وكلتك محامي عنها ولا تكون وقعت في غرامها
خالد حب يغظها ويسود ايامها زي ما هي مسوده ليله ونهاره: فعلا هي شخصيه جميله ومحتاجه فعلا الاهتمام ومشي وسابها شعله نار محتاجه كتل تلج تطفيها عشان تهمد وتخمد
.......منه محمد.......
طلعت من المطعم علي قبر امها تشكلها همها لقته بيحط باقه ورود استغربت وراحت وقفت قريب منه وسألته: انت بتعمل ايه هنا ؟؟؟
كريم لف وبصلها ورجع بص لقدام
عاليا راحت وقفت جانبه :انا بسأل ليه جيت هنا
كريم بصلها شويه واشفق علي منظرها الي يوجع القلب عيونها الباهته من كتر الدموع وشها الشاحب من الم الفراق رد بهدوء: انا هنا عشـ (وبترها وبدء يتكلم بالغل الي جواه خاف يضعف ويخطفها جوه حضنه (وكمل بصرامه) ابدا جيت اقارن قبر عشيقته ياتري احسن من قبر امي
عاليه بينها وبين نفسها: اتماسكي ياعاليا انتي مش موجوعه ولا مجروحه انتي مش حاسه بحاجه خالص
و حاولت تتحكم في اعصابها قدامه:امشي ياكريم قبل ما افقد اعصابي واقتلك وادفنك
كريم ببرود: ليه هو ده كمان ناويه تـ تطرديني منه ولا كان ملكك طب ايه رايك انا هفضل هنا ولما احب امشي،، امشي بمزاجي انا
عاليا بصتله وحبت تضايقه وتخاليه يعاني زي ما دايما بيعمل معاها قعدت قدام القبر وقرات الفاتحه وبدئت تغيظه :ماما انا جيت ابشرك ان عمو عاصم بيحبني اوي ورفض امشي واعتبرني زي بنته وطلب مني اساعده في ادراره الشركه واكون معاه بس انا لسه مردتش
كريم ضحك بسخرية وانحني عليها بنص جسمه وبهمس في ودنها:والهانم مستنيه ايه انا مش هنا ومش هضايقك
عاليا مفهمتش يقصد ايه بكلمه انا مش هنا
لكن قامت وقفت قدامه: ايه رايك في اني هتقاسم معاك في ابوك وكل حاجه ده لو فضلت رافض ترجع البيت لكن لو رجعت مش حقبل عرض بابا عاصم وابقي مش مستعده اكون بنته زي ما طلب مني
كريم :انتي فعلا تخوفي وشاطره في رسم الخطط
عاليا: انهي خطه
كريم شدها وبغضب اسود: الاول ظهرتي قدامي عشان اخبطك وتلفتي انتباهي وبعدين اشوفك في الفرح وتثيري اعجابي وبعدين امك ترمي شباكها علي ابويا وتيجوا تعيشوا معايا فضايقكم وتترجيني ان امك مريضه عشان احسن بالذنب اني بضايق امك الانسانه المريضه ولما احاول اضايقك انتي وابعد عن امك تبدئي بكل حرفيه تلعبي دور البنت صعبه المنال عشان تخليني اضايقك وابويا يزعل مني و انتي تقربي منه وتغسلي دماغه من ناحيتي فيطردني
عاليا حررت ايدها من القسوه الي بيمارسها عليها: تصدق مهما كنت بخطط عمري ما كنت قدرت اوصل للفكره المجنونه دي
كريم بصرامه وقسوه: ليه بتنكري مفكره كل الناس اغبياء ميعرفوش يكشفوا خططك
عاليا: انت ليه بتحاول تزيف وتغمض عن الحقيقه
كريم ببرود قاتل: الحقيقه انك عاوزه الفلوس تسددي بيهم ديونك وعندك استعداد تبقي بنت ليل و تنامي مع الرجاله عشان تسدديهم دي خطتك طول الوقت !!!!!!
عاليا: انت ظالم اوي ليك عين تتهمني وانت سبب في موت امي
كريم صرخ فيها لحد الجنون وهو ماسك كتفها اللي آلمتها: لا مش هتشديني ليكي بأحساسي بالذنب انتي كمان كنت جزء في موت امك بس عظيم ده خلاني مصمم اكتر علي اتخاذ قراري وسهلتيه عليا اوي
عاليا قالت مع نفسها خليكي قويه اياك تبقي ضعيفه اياكي !!!مسكت ايده بكل هدوء بتبعدها عن كتافها الي آلمتها
هو اضايق من ثقتها الي دايما مقويه قلبها ومن غيظه انها بتنهي الحوار بسرعه الي نفسه يطول اعوام حتي لو حيطول بالخناق مش مهم بس ليه مش عاوزه ينتهي وعشان يحرقها ويعاقبها رماه باقه الورود عالارض وداس عليها ومشي
.........منه محمد.......
نهله مدتله ورق: انا جهزت كل حاجه ها ناوي تسافر امتي تركيا
كريم: في اقرب وقت ممكن
نهله بحالميه: هناك نبدء حياه جديده انا وانت مع بعض
كريم سرح للفراغ وعيونه اتحولت للون القاتم: فعلا حكون انسان جديد هسلخ جلد كريم القديم لحد ما يجي الوقت المناسب وارجع كريم الي ياخد كل حاجه اتسلبت منه
نهله: بغض النظر عن الي هتعمله انا جنبك ومعاك
كريم بيعد الساعات حاسس ان الوقت ماشي يسحف ببطئ وان اللحظات الجايه حتكون عصيبه...اما نهله اتمنت تغمض عيونها وتفتحهم تلاقيهم غادروا البلد
تعليقات
إرسال تعليق