رواية أين منزلي الفصل الثاني والاربعون 42 بقلم ندى حسن

عدى بغضب وغيرة وقد شعر ان ندى من الممكن ان تتجوز غيره فهو لن يسمح بذلك :هتجوزوها ازاى وهى مخطوبة

نظر له الجميع بإستغراب

فأكمل عدى :ده حتى لسه دبلتها ف ايدى

نظرت ندى ليده على الفور وجدتها حقا مازالت موجودة يااه وبعد هذه السنين مازال محتفظ بها وهى ايضا محتفظة بها ولكنها ليست بيديها

الجد ابراهيم: اه بس انتوااا......

قاطعه عدى : ما احنا قررنا نرجع لبعض صح ياندى

ندى بصدمة من كلامه :امتى ده

ضربتها ايتن على كتفها ف قالت ندى :اه اه ايوا صح

ابراهيم وهو تحقق مراده فى ان يشعل غضب وغيرة عدى :بس انت قولت انك مش عايز تتجوز

عدى :ده كان امبارح الكلام ده بس ده الوقت عايز ومستعد ولو بكرا كمان

كانت ندى مصدومة ولكن ايضا تشعر بالفرح

ابراهيم :يبقى توكلنا على الله ونسافر بكرا ونحدد فرح زين وفرحك ويبقى انتوا الاتنين يوم واحد

فرح الجميع وبارك لهم

بينما زين صعد الى غرفته وتحدث ف الهاتف :وحشتينى

جاوبته :تسلم ياسطا

زين :الواحد من كتر الرومانسية معاكى مش عارف يعمل ايه

ضحكت :اذا كان عاجبك كان حد ضربك على ايدك وقالك اخطبنى

زين بفرحة :تعديل يالوكة ياحبيبتى هتجوزك جدى حدد معاد مع باباكى وجايين بكرا

ملك بفرحة:اه بابا قالى

زين :مبسوطة

ملك :ايوا ياعم طبعا

زين ؛عم طب تصبحى على خير بقا يالوكة

ضحكت ملك :وانت من اهله

تذكر زين منذ سنتين عندما اتى له جواب قرار تعينه الثانى كمعيد ف كلية العلوم فإن اول مرة رفضه من اجل جده والعمل فى الشركات ولكن هذه المرة اقنع الجد انه سيوفق بين العملين كمعيد وكمدير للشركات وبالفعل تعين وكان يدرس لملك فى الكلية وتعرف عليها اكثر واعجبوا ببعضهم ثم تقدم لخطبتها

~~~~~~~~~~~

ذهبوا الى الاسكندرية وبعد السلامات

ملك بدموع :وحشتينى اوى

ندى :انتى اكتر والله

زين :اه ماهى بس اللى بتوحشك صح وانا ايه بقا

ضحكت ندى وقالت ملك :بس ياله

زين :يخربيت ام الرومانسية بتاعتك ياشيخة اختك بتعشقنى ياندى

ضحكت ندى :هى بدال اتكلمت معاك بالاسلوب ده تبقى بتحبك

بعد السلامات والترحيبات والمناقشات تم الاتفاق على عرس ندى وعدى وزين وملك بعد اسبوعين فكانوا يريدون بعد شهرين ولكن زين وعدى اعترضوا وقال عدى لو كان بيدى لكنت اكتب كتابي الان فوجدوا ان اقرب وقت هو بعد اسبوعين

وجد عدى ندى وسط الفتيات : سيبانى واجف اكده عاد وانتى واجفة معاهم أهنا

نظرت ندى له بإستغراب وضحكت ايضا ف عدى اول مرة يحدثها بالصعيدى :ووه ما انت واجف مع چدى وابوى

كرم ضحك وصفق :يااواد ياجاامد ايييه يابت بتتكلمى صعيدى قمر اهو

ضحك عدى ضحكة خفيفة :ماكنتش اعرف واصل انك بتتحدتى صعيدى

ندى :ليه عاد جعدت معاكم كتير جوى فى الصعيد مش حبة جليلين هما

ابتسم عدى لها:طب تعالى عايز اجولك على حاچة

احمد بضحك :مابلاش ام الجملة ديه بيحصل بعدها حاجات مش لطيفة

عدى :انا حاسس اللى بيحصل ده من قرك انت غور ياله من وشى

لاحظ ادم انسحاب مرام الى البلكونة و ذهب هو خلفها واحتضنها من ظهرها :مالك حاسك مضايقة

ابتسمت بتزييف:ابدا مافيش

ثم نظرت الى الاسفل فكان مجموعة من الاطفال يلعبوا وادمعت عيونها

مسح ادم دموعها :الدموع ديه ليه بس

مرام :شكلهم حلو اوى يا ادم

ادم ببسمة :فعلا

مرام

:نفسي افرحك يا ادم

ادم بحاجب مرفوع :حد قالك انك مزعلانى

مرام :

نفسي اجيبلك بيبى نفسي حد يقول لى ياماما وانت يا بابا

ادم ببسمة :ان شاء الله ياقلبي

مرام :ادم انت من حقك تتجوز انا......

ادم بعصبية :ليييه دايما بتتكلمى ف الموضوع ده

مرام :

من حقك تبقى اب

ادن :لو مش منك مش عايز

مرام :بس

ادم بعصبية:مابسش ومش عايز اسمع منك سيرة الموضوع ده تانى مرام انا بحبك انتى ومبسوط معاكى كده وربنا مش رايد اننا نخلف ده الوقت وانا راضى ياستى ومكتفى بيكى ف حياتى

~~~~~~~~~~~~~~~~~~

مر الاسبوعين وكان اليوم المنتظر للعريسين

ملك بضحك :ندى

ندى :نعم ياحبيبتى

ملك :مين كان يصدق اننا نتجوز فى يوم واحد

ندى :لاء واخوات كمان

ضحكوا سويا

ملك :تفتكرى هبقى قد المسئولية ياندى انا خايفة هبقى مدام زين وكده. اوووووه شعوور غريب

ضحكت ندى :مين اللى بتتكلم دييه ملك

بس بصى هى فعلا مسئولية هيبقى فى بيت جديد

وعيلة جديدة والهبل بتاعك ده تبطليه شوية عشان

ماينفعش وزى ماقولتى بقيتى مدام

وظلوا يتحدثون حتى دخل عليهم كرم : مباارك يا لوكة مبااارك يانودى ربنا يتمم لكم على خير يارب

ثم ذهب واحتضن ندى ثم ذهب الى ملك وادمعت عيونه فكيف بتوأمه ستتركه وتتجوز واحتضنها بشدة:

هتوحشينى اوى ياملك

ملك :وانت كمان 

كرم :ابقى خدى بالك على نفسك ولو زعلك تبقى قولى لى

اومأت ملك بدموع ثم تركها كرم ونزل الى الاسفل فهو حقا سيفتقدها كثيرا ويصعب عليه ان تتركه

ايتن دخلت :يالا العرسان بره مستنين

خرجت ندى وملك ونظر زين لملك بإنبهار فكم هى جميلة حقا وملامحها بريئة وبفستانها الابيض الذى يزيدها جمالا فوق جمالها

وعدى ينظر الى ندى بإعجاب وانبهار واضح حقا تبدو جميلة وتبدوا مثل الحورية فى فستانها

زين :زى القمر ماشاء الله

احمر وجه ملك

زين ضحك:ايه ده وشك احمر و اول مرة ماتقلشيش

ملك :يالا بقا نعمل ايه بيقولوا عروسة

زين :واحلى عروسة كمان

ملك :خلاص بقا والله اتكسفت

زين بغمز:بتتكسفى منى 

ملك وهى تتمتم :انا عارفة ايه اللى هيسكتك ثم قالت له بصوت عالى : ايوا ياسطا بتكسف منك

زين :يخربيت فصلانك

اما عند عدى وندى

عدى بفرحة :اخيراااا

ندى ببسمة :مبارك لينا

عدى بفرحة :مبارك عليا انتى

احمر وجه ندى

عدى :ندى

ندى :ايه

عدى بضحك:ادعي ربنا يتمم لنا على خير

ضحكت ندى :ان شاء الله خير خليك متفائل هانت خلاص

ذهبوا الى القاعة وتم عقد قراءن ندى وعدى وملك وزين وذهب عدى لندى. و زين لملك

عدى احتضن ندى بشدة وفرحة ايضا وظل يدور بها

اما زين فكاد يحتضن ملك ولكنها ابتعدت

ملك :ايه رايح فين

زين :هحضنك فى ايه

ملك :تحضن مين ياعم شوف انت رايح فين عيب كده

زين :عيب ايه ياهلبة انتى مراتى

ملك :ولو يعنى

زين:ولو ايه . صبرنى يارب

نظر زين لعدى :ماهو بيحضنها اهو كانت اتكلمت

ملك :نحن نختلف عن الاخرين 

زين بسخرية:نختلف. نختلف ايه جاتك نيلة

ملك: نيلة انت بتشتمنى يوم فرحى

زين :قولى لنفسك ياختى انه يوم فرحنا

تضايق زين من تصرف ملك

ذهب كلا من العروسين الى مكانهم المخصص

ندى بهمس لملك:زين باين عليه مضايق اوى

ملك بتذمر:هعمله ايه يعنى

ندى:ماكنش ينفع اللى عملتيه ده

ملك :اتحرجت ياندى

ندى :انتوا بقالكم اكتر من سنتين مخطوبين وتعرفوا بعض وما اخدتيش عليه

ملك :اللى حصل بقا

ندى :حاولى تخليه يفك يابنتى ده النهاردة فرحكم ايه هو الواحد بيفرح كل يوم واعدلى تصرفك ده ينفع تضايقيه فى يوم زى ده والنبي ف اتصرفى

ملك بتذمر :حاضر

كان قد حان رقصة العرسان وذهبوا الى المكان المخصص للرقص

ملك :انت زعلان منى

زين :لاء خالص هو انتى بتعملى حاجة تزعلنى

ملك بمرح :لاء ما عشان كده بسأل

زين بغيظ :مستفزة

اما عند الثنائى الاخر

عدى :النهاردة فرحنا

ندى بإستغراب :ماشي ياعدى عارفة والله

عدى :اه كتبنا الكتاب النهاردة

ندى :ايه ياعدى محسسنى انه مش فرحى ليه كده ما انا عارفة وهيكون كتب كتابي من غير ما احضر

عدى بنفاذ صبر فهو يقصد انه حان وقت ان تعترف ندى بحبها له :عايز اسمعها منك

ندى بإستغراب:هى ايه

عدى :يييييييه. ندى بحبك

ابتسمت ندى وفهمت ماذا يقصد عدى واحمر وجهها ووضعته فى الارض :وانا كمان

عدى بفرحة :وانتى كمان ايه

ندى بخجل :ياعدى بقا الله

عدى :عشان خاطرى ياندى

ندى : بحبكككككككك

حملها عدى بفرحة كبيرة جدا ودار بها :اخيرااا ياندى اخيرااا قولتيها. وانا بموت فيككككى

ندى بضحك :عدى كفاية دخت من كتر اللف اللى لفيت هوالى النهاردة

عدى بضحك:طب ما انتى مدوخانى على طول

انتهت الرقصة لاحظت ملك نظرت زين لعدى وندى عندما حملها

فهى عندما انتهت الرقصة بادرت هى واحتضنته وهو فرح كثيرا وبادرها العناق بشدة

انتهى الزفاف وذهب كل عريس الى شقته

لانهم فى الصباح سيسافر ملك وزين الى لندن وعدى سيفعلها مفاجأة لندى

فى شقة عدى وندى

ندى :عدى

عدي:عيونى

ابتسمت ندى :ملك وزين

عدى :مالهم؟

ندى :هيقضوا شهر العسل ف لندن

عدى وهى يعلم لماذا تلمح ندى :اه عارف يروحوا ويرجعوا بالسلامة

ندى بخيبة امل:يارب

ضحك عدى :عارف بتفكرى ف ايه

ندى :لاء ابدا مش بفكر ف حاجة

عدى :يعنى مش عايزة تعرفى هنسافر فين فى شهر العسل

ندى بفرحة :احنا هنسافر ونروح شهر عسل

ضحك عدى :اه حاجة زى كده

ندى :يعنى ايه

عدى :اسر قالى انتى كان نفسك تروحى فين

ندى :فين يالا قول ياالالا فيين ياعدى قول

عدى بضحك :انا اللى هقول . مش كنتى عايزة تعملى عمرة

ندى بفرحة:وووووووواااااووووو بجد هنروح نعمل عمرة

عدى ببسمة عليها:اه ياحبيبتى بجد

ندى :بجد مبسوطة ياعدى شكرا شكرا بجد شكرا هيييه هنروح انا وانت وواووو بجد مبسوطة اوى قد ايه نفسي اروح

وظلت تفقز وعدى ضحك عليها :طب اهدى طيب

ندى :عدى

عدى:عيووونى

ندى :بحبككككككككك

نظر لها عدى وابتسم انا بحبك اكتر

كشرت ندى :لاء انا اكتر

عدى :ما حصلش انا وانا حبيتك الاول واعترفت لك الاول وحبك كل يوم بيزيد فى قلبي

ندى :تؤتؤ انا

وبعدين مين قالك انك انت اللى حبتنى الاول

عدى :اومال 

ضحكت ندى

عدى :المهم هنروح فين بعد مانعمل العمرة

ندى :فيين ؟! هو احنا هنروح حتة تانية

عدى :طبعا

ندى :فين طيب

عدى :روسيا

ندى :نعمل ايه

عدى :نكمل شعر العسل هناك

ندى بضحك :احييييه يعنى بعد ما نعمل عمرة نروح روسيا

ضحكت عدى عليها

~~~~~~~~~~~~~~

سافر ملك وزين الى لندن وكانوا مرتاحين وسعداء ولكن ملك ستجنن زين بتصرفاتها

وايضا عدى وندى سافروا لاداءة العمرة ولم يشعر الاثنين بهذه الراحة والسعادة من قبل فى حياتهم

مر اسبوعين وانتهت عمرة ندى وعدى وسافروا الى روسيا

عدى وهم فى الفندق وينظر لندى :مبسوطة ياندى معايا

ندى ببسمة :جدا ياعدى وانت ؟

عدم ابتسم :حد يبقى معاكى ومايبقاش مبسوط يالا عشان نطلع نرتاح

فى اليوم التالى كان عدى وندى خرجوا ليتنزهوا

عدى :روسيا عجبتك

ندى :جدا والاماكن فيها حلوة

عدى :عشان تعرفى ان انا زوقى حلو فى اختيار الاماكن

ندى :انت زوقك حلو فى كل حاجة

عدى بضحك :ياسلام على الكلام الحلو 

. اشمعنى يعنى

ندى بتكبر مصتنع :

عشان مختارنى كفيلة انى اعرف ان زوقك حلو

ضحك عدى 

:طبعا ياقلبي وكان يدخلوا الفندق

عدى :ندى هو ال.....

قاطع كلامه انه اصطدم بأحد

الشاب. :I am sorry ثم نظر لندى وقاال:Hoooo Nada

نظرت له ندى بإستغراب

الشاب :How are you عاملة ايه

نظر له عدى بغيرة وغضب فكيف لشخص ان يتحدث بهذه الطريقة مع زوجته :افندم حضرتك تعرفها

الشاب :اه طبعا ندى غنية عن التعريف كانت دايما الاولى على دفعتى بس فجاءة اتقطعت اخبارها مرة واحدة حتى عنى

عدي بغضب :عنك 

الشاب. :اه والله وحشتينى اوى اخبارك ايه

توترت ندى كثيرا وخافت من رد فعل عدى وخاصةً انه كان يمسك يدها ويضغط عليها بشدة مش كثرة غضبه وهى حقا تألمت :اطلعى على الاوضة ياندى وانا هحصلك

الشاب :اهاا انتى اتجوزتى ولا ايه ياندى انا فكرته قريبك

عدى بغضب يحاول ان يسيطر عليه :اه عندك مانع ولا ايه اطلعى ياندى فوق

صعدت ندى الى الغرفة على الفور وشعرت بالخوف من نظرات عدى

الشاب بخبث:من حقك تغير عليها الصراحة

عدى بغضب مكتوم وقال بهدوء يسبق العاصفة :مش مراتى

الشاب بخبث :انا مستغرب انها اتجوزت

عدى وهو منتظر اللحظة المناسبة ليفجر غضبه به :ليه بقا ان شاء الله

الشاب :هى المدام بتاعتك ماحكتلكش عن ماضيها ولا ايه

عدى ببرود : ديه حاجة ماتخصكش

الشاب :ماتخصنيش ازاى ده انا وهى كنا منحب بعض زمان ايام الكلية حتى اسالها كن........

لم يستطيع عدى ان يتحمل اكثر من ذلك فلكمه بشدة وظل يضربه كثيرا ويلكمه حتى اتى الامن ولو يستطيعوا تخليص الشاب من يد عدى

كانت ندى جالسة فى غرفتها وخائفة تسأل نفسها ياترى ماذا فعل عدى وزاد خوفها ايضا عندما وجدت عدى يدخل بغضب

ندى بتوتر :عدى

عدى وهو يغير ثيابه :ندى انا تعبان وعايز انام مش قادر اتكلم

ندى :بس قولى ايه اللى حصل

لم يرد عليها عدى وذهب الى الفراش ونام

ذهب ندى بجانبه :عدى مالك

عدى وهو يغمض عيونه :نامى ياندى

شعرت ندى بالحزن ونامت بجانبه وهو شعر انها حزينة

فى الصباح شعرت ندى بأنفاس احد بوجهها ويلعب بشعرها

فتحت عيونها وابتسمت

عدى بحب وهو يلعب بشعرها :صباح الخير ياجمرى

ضحكت ندى :صباح النور ياجلب الجمر

ضحك عدى :ما انتى بتعرفى تجولى كلام حلو اهو

ندى :مش كلام بس على فكرة ده حقيقة

ابتسم لها عدى

ندى : بحبك لما تتكلم بالصعيدى كده بيبقى كلامك حلو

عدى بغمز :بتحبينى وانا بتكلم صعيدى بس

ضحكت ندى 

:بس بقا الله بتكسف

عدى ببسمة :ياختى على المكسوفة طب جومى يالا

ندى :تؤتؤ مش جايمة

عدى بضحك :

لييه اكده

ندى :تدفع كام واجوم ياسى عدى

عدى بضحك :جبتيها منين ديه

ندى 

:سمعت طنط فاطمة بتقول لباباك ياسي عامر فقلت اقولهالك 

عدى ':

ماشي ياحبيبتى انتى براحتك. قومى يالا عشان هنخرج

نزل ندى وعدى من الفندق

ندى :مش هتطلب اوبر او اى حاجة

عدى :لاء ياحبيبتى هنروح بعربيتى

ندى :ايه والله عندك عربية هنا كمان

عدى بضحك: ايه ياقلبي قل اعوذ برب الفلق 

ضربته ندى على صدره بخفة :هو انا هحسدك يعنى 

بس مستغربة اصل انت بسم الله ماشاء الله كل حتة ليك فيها حاجة وليك معارف فى كل حتة يعنى انا استغرب لما عرفت ان الفندق اللى احنا فيه ده بتاعك وليك فرع شركة هنا يعنى كده

عدى ببسمة :فضل ونعمة من عند ربنا الحمد لله يالا يالا هفهمك كل حاجة بعدين

انبسطوا عدى وندى كثيرا بالخروجة

ولكت دائما تأتى الرياح بما لاتشتهى السفن

قابل عدى وندى نفس الشاب الذى قابلهم بالامس تحكم عدى بنفسه وغضبه بصعوبة

الشاب :صدفة حلوة مش كده

عدى بغضب :ديه زفت على دماغك باين عليك كده مش بتحرم

الشاب :ايه ياندى مش كونتى تعرفى جوزك عليا باين عليكى ماحكتيلوش حاجة عن الماضى واننا كنا منح.......

صدمت ندى من حديثه واستغربته ولكن عدى لم ينتظر اكثر من ذلك ولكمه وضربه بشدة حتى اغمى عليه وندى تبكى

ثم اخذ ندى وذهب من يديها وسحبها خلفه حتى وصلوا غرفتهم

ندى :عدى 

عدى بغضب :تعرفييييه ياندى صح.......ردددى

ندى بدموع :ده...ده ك..

عدى :ده اييييييه ياندى انطقى

ندى :كان زميلى فى الكلية

عدى :كان زميل فى الكلية وبس

ندى نظرت له :انت مش مصدقنى 

عدى :هو هيتبلى عليكى يعنى مصلحته ايييه ولا يعرف ان انتى هنا منيين ومن الواضح انه قابلك صدفة

ندى بعصبية :عدددى مش صحيح ولتانى مرة مابتثقش فيا

عدى بألم :فرجنى الشات بتاعتكم ايام الكلية امبارح وكان رقمك ياندى ولسه محتفظ بيها

صدمت ندى وقالت بعصبية :عدى ايه اللى بتقوله ده هو ...

قاطعها عدى :اسكتى مش عايز اسمع صوتك

ندى بدموع :

مش عايز تسمع صوتى بس انا لاء مش هسكت المرة ديه كمان حتى لو حصل منى ده وده مش صحيح ف ده فى الماضى

عدى :بس ياندى

ندى بصراخ :لاء ياعدى مش هسكت انت راجل مش بتثق فى مراتك مافيش راجل زيك كده بيشك فى مراته بالطريقة ديه

عدى بصوت عالى :قلت لك اسكتى

ندى :اسكتى اسكتى ليه كلام مين فينا اللى جارح لو حصل منى كده فعلا كنت قولت لك فعلا كل مرة تعمل كده وكل مرة بتتهم من غير ما تسال وقلت لك قبل كده ياعدى فاكر وعدك ليا انك عمرك ماتثقش فيا بعد كده ليييه ياعدى المفروض انه اول شهر لينا فى الجواز وما كملناهوش حتى وتعمل كده انت انسان مريض بجد مش فاهماك بجد ولا فاهمة هعيش ازاى معاك بعد كده

عدى بغضب :ندى ماتخلنيش امد ايدى عليكى واسكتى بقا

ندى بدموع :

تمد ايدك عليا مش من حقك اصلا تعمل كده وماتقدرش ولو فكرت تعمل.......

لم تكلم ندى كلامها حتى وجدت صفعة على وجهها

اغمض عدي عيونه من شدة غباءه

وندى تصلبت مكانها فلم تألمها الصفعة على وجهها مثل لما المها قلبها

عدى بصرامة :جهزى نفسك بكرا هننزل مصر ونروح الصعيد

نظرت له ندى بدموع

عدى ادار وجهه منها :وعلى الله تجيبى سيرة لحد على اللى حصل

ندى بألم :اقولهم اقولهم ايه اقولهم جوزى مش بيثق فيا وبيشكك فى اخلاقى وكمان على حاجة ماحصلتش ولو حصلت ف هى فى الماضى اقولهم مد ايده عليا وضربنى واحنا لسه ماكملناش شهر مع بعض 

~~~~~~~~~~~~~~~~

على الناحية الاخرى

ايهم بضحك:تمام اوى كده

..................

ايهم :اه تشكر لحد كده اوى

....................

ايهم بضحة شريرة بعض الشئ :خلاص قربت اخد اللى انا عايزه وحاولت قبل كده معاها وكان برضاها بس هى رفضت تشرب بقا كده كده هترجعلى

......................

ايهم :ماشي تمام ابقى بلغنى باللى بيحصل اول بأول

دخل اسر عليه ف ايهم عند اسر فى الاسكندرية فإنه لم يسافر بعد

اسر :انت بتكلم مين يا ايهم

توترت ايهم :هاا لاء ابدا مكالمة عادية

~~~~~~~~~~~~~~~~~~~

فى اليوم التالى كان ندى وعدى وصلوا الى الصعيد

رحب بهم الجميع واشتاقوا لهم ايضا ولكن عدى كان يقول انه سيستغرق اكثر من شهر وايضا لم يكن ملك و زين اتوا بعد

سأله الجد لماذا اتى كل له انه هو ندى اشتاقوا لهم كثيرا وايضا انه لديه عمل مهم

راشد :اييه ياولاد مالكم شكلكم عامل كده ليه كانكم متخانقين

نظر عدى. لندى وصمت ولكن ندى تحدثت :ابدا بس جايين من السفر وكده يعنى

ذهب عدى وندى الى غرفتهم فكانت مزينة بطريقة جميلة جدا

عدى ؛:مش عارف هما عاملين فى الاوضة كده ليه

ندى بسخرية منه :بيقولوا اننا متجوزين جديد

على الفطار فى اليوم التالى

وجد ندى وعدى احد جديد من الخادمات وايضا هى من ساعدتهم فى الشنط امس ولكنهم لم يعلقوا

عدى :مين ديه ياجدى

الجد :.ديه واحدة جات طلبت منى شغل وعندها اولاد وجوزها ميت ومارضيتش امشيها فجبتها تساعد مع اللى هنا

عدى :اممم. تمام. الحمد لله .عايزين حاجة

فاطمة :رايح فين ياولدى كمل اكلك

عدى :الحمد لله شبعت عندى شغل يا امى وهسافر اسكندرية

نظرت له ندى بحزن

فاطمة: لوحدك

عدى :ايوا يا امى يومين وجاى مش هغيب

فاطمة :خد مراتك ياولدى هتسيبها هنا وهى لسه عروسة جديدة وانت كمان عريس جديد والمفروض ماكنتش تروح الشغل ده من اساسه

عدى :انا هسيبها ترتاح هنا هى جاية من السفر تعبانة وبعدين هو شغل ضرورى

خرج عدى وخرجت ندى خلفه

ندى بحزن :عدى

نظر لها عدى

ندى بغيرة :كنت بتسأل عليها ليه

عدى ببرود :هى مين

ندى :الخدامة الجديدة

عدى :غيرانة

ندى بغيظ :حقى

عدى :او يمكن مابقاش من حقك

ندى :قصدك ايه

عدى :ولا حاجة

ندى :خدنى معاك ياعدى

عدى ؛مش هينفع ومش عايز نقاش

ندى بحزن :تروح وتيجى بالسلامة وماتغيبش

نظر عدى وجد ايتن اتية بإتجاههم :٠ فذهب وقبل رأس ندى :الله يسلمك

ندى :من قلبك الحركة ديه

عدى :بلاش تعرفى ايه اللى فى قلبي ده الوقت احسن

ثم همس بشئ فى اذنها وغادر وتركها شعرت ندى بالحزن

جاءت لها ايتن وقالت بمرح :عصفورين ياناس

ابتسمت لها ندى واخفت بسرعة الدمعة الذى سقطت فى دموعها

ايتن بضحك :الجواز حلو وعدى رومانسي اوى ها

ابتسمت ندى بسخرية :ايوا

ايتن :مبسوطة مع عدى

ندى ببسمة :طبعا يا ايتن الحمد لله والله

~~~~~~~~~~~~

كان قد مر اسبوع وقد اتى عدى بعد اليومين الذى قال عليهم وبعد ان مر الاسبوع كان قد اتى ملك وزين وتوترت علاقة ندى وعدى كثيرا وكل يوم يتشاجروا

فى غرفة ندى وعدى

ندى :حمدلله على السلامة اتاخرت ليه كده

عدى ببرود :وده يهمك فى حاجة

ندى :عدى بجد بقا انا تعبت ممكن تبطل الاسلوب ده بقا

عدى نظر لها :انا اسلوبي كده اذا كان عاجبك

ندى :مش عاجبنى

لم يرد عليها عدى

ندى بتعب :ممكن تقولى نهاية علاقتنا ديه ايه عايزة اعرف راسى من رجليا بدال ما انا قاعدة معاك مش فاهمة حاجة

عدى ببرود :فترة كده ونطلق

صدمت ندى 

وادمعت عيونها

:اللى انت بتقوله ده بجد ازاى يعنى

عدى :اه بجد زى ماسمعتى

ندى :كل ده لييييه وعشااان اييييه ولييييه بتعمل فينااااا كده عشان واحد قالك كلمتين مااالهمش وجود فى الاصل ....رد ياعدى ماتفضلش ساكت سكوتك وبرودك ده بيوجعلى قلبي

لم يرد عدى فتركت الغرفة وذهبت الى الجنينة وكان يريد ان يلحق بها ولكنه تركها على راحتها

~~~~~~~~~~~~~~

على الناحية الاخرى كان ايهم يتحدث بالهاتف

ضحك ايهم :هههههه لاء لاء تمام كده

...........

ايهم :لاء هى باينها استوت كده هى اللى جابته لنفسها

..........

ايهم :اه اه وصلت خلاص

.......

ايهم :تمام نفذ

.......

ايهم :هكون هناك على طول ماتقلقش

~~~~~~~~

مرت ساعة وندى لم تعد بعد. شعر عدى. بالقلق نزل عدى ليبحث عنها فى الجنينة ولكنه لم يجدها وبدأ القلق يزيد عنده

دخل ركض الى الفيلا مرة اخرى وبحث عنها فى الفيلا بأكملها وظل يذهب من المطبخ الى غرفة الجلوس الى الصالة

وذهب الى غرفتهم ومن الممكن ان يجدها ولكن لم يجدها

رن على هاتفها ولكنها تركته بالغرفة اخذ مفاتيح سيارته بسرعة وخرج يبحث عنها ظن انها كانت تتمشي ولم تنتبه على الوقت

كاد يجن وهو يبحث عنها وقلبه يؤلمه بشدة عليها لفى الصعيد بأكملها وكان قد اذن الفجر

ذهب الى المسجد وصلى وظل يدعو ربه ان يجدها

عاد الى البيت مرة اخرى وذهب الى الغرفة وبداخله امل ورجاء انها ستكون عادت فتح باب الغرفة ولم يجدها سيجن حتما سأجن الى اين ذهبت ثم فكر بأن تكون عند مرام او ايتن ذهب

لهم ولم يجدها وايضا ذهب ل راشد وناهد ولم يجدها

ثم بحث عنها فى البيت كله مرة اخرى ولكنه لم يجدها ايضا

ابراهيم :هتكون راحت فين يعنى

عدى وهو يضع يده على راسه وقلبه يؤلمه وعقله ياكاد يجن من كثرة التفكير :مش عارف ياجدى مش قادر افكر حتى

ناهد بدموع: هتكون راحت فين بس انت زعلتها يابنى

لم يرد عدى ولكنه كان يفكر اين هى زوجته ياترى

ادم :ماترد ياعدى ساكت ليه اختلفتوا على حاجة مثلا

عدى :سبووونى فى حاااالى ده الوقت

ادم :انا هتصل بأسر واشوف....

عدى مقاطعا بغضب :انا هعرف ارجع مراتى كويس مش محتاج مساعدة من حد

ادم ؛مش قصدى كده يمكن تكون سافرت اسكندرية ما انت لو تريحنى وتقول ايه اللى حصل

اتصل ادم ب اسر واخبره وقال له انه سيأتى واسر اتصل على ايهم لانه ليس بالبيت واسر لايعلم اين هو وايهم اخبره انه سيأتى على الصعيد ولا ينتظره ويذهب هو

وبعد فترة طويلة كان قد وصل اسر الى الصعيد وبعده بفترة ايهم

وعدى مازال يبحث عن ندى كاد يجن حقا من كثرة التفكير وخوفه على ندى لقد مر وقت طويل ولم يعلم عنها شئ وقلبه يحترق عليها بشدة وجميع العائلة قلقين ايضا

اسر :هتكون فين كل ده مختفية

ادم بقلق:اهدى يا اسر محدش يعرف هى فين اصلا

اسر :عمرها ما عملت حركة زى ديه حتى لو مضايقة طب اخر مرة شوفتها امتى طيب ياعدى

كانت ملك تبكى فقال اسر لها:هى ماقلتش حاجة خالص ليكى ياملك

ملك بدموع :لاء

اتى اتصال ل ايهم فقام ليرد عليه

ايهم :انت غبي مش قلت لك ماتتصلش بيا ده الوقت

............

ايهم:انا فى ايه وانتوا فى ايه

............

ايهم: الافضل انى ابقى بعيد الفترة ديه بالذات ومش هعرف اجى كمان ده الوقت خالص

.........

ايهم:خد بالك منها وخليها تحت عينك ومش عايز غلطة

.............

ايهم :كانت بتعيط ليه اوعوا تكونوا عملتولها حاجة

............

ايهم:طب اتصرف انت

.............

ايهم :اغبية مش قلت مش هعرف اجى ده الوقت الجو هنا متوتر وكله قلق ومش هقدر اجى ....

مش هتقدر تروح فين يا ايهم. كان هذا صوت اسر

استدرا ايهم وقفل الفون وتوتر :لا...ابدا كنت.....

اسر بشك :مين اللى كانت بتعيط

ايهم :سمعت المكالمة كلها بقا

اسر:اه. اوعى يا ايهم تكون ندى معاك او تكون مثلا خطفتها

نظر له ايهم ثم وجد عدى يخرج من الفيلا ويركب سيارته

ركضوا اليه

اسر :رايح فين

عدى :عرفت مكان ندى

اسر وهو ينظر ل ايهم :طب هى فين

عدى :هروح اجبها واجى

اسر :استنى بس انت مش عارف هى فين ولا مثلا مخطوفة ولا عارفين اى حاجة

عدى نظر ل اسر ثم تركه وغادر بسرعة كبيرة

قاد سيارته وكان يفكر فهو يعلم انها مخطوفة ولكنه لايريد ان يقلق العائلة وليست تاركة البيت بإردتها مثل لما قال اسر ف اول شئ هو بينهم وهى تعلم ولا داعى لان تترك البيت من اجله

والثانى وهو يبحث عنها فى الجنينة وجد اثار اقدام والقلادة التى كانت ترتديها ندى واخبرته انها ل ادم وانها لاتزيلها من رقبتها وعندما ذهب وبحث فى كاميرات المراقبة وجدها معطلة ولعن حظه وايضا الرسالة المبعوثة على هاتفه (مش هتلاقيها مراتك معايا ما تدورش عليها كتير عشان مش هتلاقيها )كم قلبه يؤلمه بشدة

~~~~~~~~~~~~~~~~~

كانت جالسة فى مكان لاتعرف اين هى وكانت تبكى بشدة وخائفة وكانت تهتف بأسمه وتقول :عدى انت فين انا محتاجاك

انااا جيييت وحشتينى اوى أتأخرت عليكى

توقفت ندى عن البكاء ونظرت الى الشخص ولكنه كان يقف فى مكان مظلم لاتستطيع انا ترى وجهه ولكن صوته فإنه مألوف عليها كثيرا ولكنها لاتستطيع التركيز ولكنها للحظة علمته ولكن كذبت نفسها وقالت لاء مستحيل ان يكون هو مستحييييل

اخيراا شوفتك لفيتى لفيتى ورجعتيلى فى الاخر برضو

ندى بقرف :فى فرق انى جيت غصب عنى وجيت بإرادتى

قووولى انت مين وعايز منى ااايه سبنى امشي من هنا

الشخص :اييه ياحبيبتى هو انا هسيبك بعد مالقيتك ده ان ماصدقت وبعيد عايز ايه ف عايزك انتى

ندى :انت مش عارف انا بنت مين ولا مرات مين

الشخص :تؤتؤ انا اعرفك واعرف جوزك وعيلتك كلها كمان ياقلبي

ثم اقترب منها ورأت وجه

ندى بصدمة كبيرة: انت 

الشخص بضحك:ايوا ياقلبي انا مفاجأة مش كده

~~~~~~~~~~~