رواية أين منزلي الفصل الحادي والاربعون 41 بقلم ندى حسن

عدى قاطعه:ما انا عرفت انها متجوزة ومتنيلة انتوا ليه ماقلتوش

لم يقصد ادم انه يجاوب على كلامه ولكن كانت صيغة صدمة واستغراب وعدم فهم

ادم :يابنى افهم ماكنش قصدى

عدى مقاطعا وهو يضع يده على راسه وبسخرية :ماكنش قصدك تخبي عنى ٣ سنين

ادم :افهم بقا

عدى. بتعب :اخرج ياادم

ادم :هى م...

قاطعه عدى بغضب :اخررج يا ادم سبنى لوحدى

ادم بنرفزة :عدى ما تعصبنيش

عدى ضرب الكرسي امامه :سبنى قلت لك خلاص مش عايز اسمع حاجة منكم جايين تتكلموا ده الوقت اخرج

ادم تعصب من عدى وتصرفاته وانه لم يسمح او يعطى فرصة لحديثه :اولع ياعدى ثم تمتم :والله ماقايلك وسايبك على نارك عشان تبقى تزعق عدل بعد كده

~~~~~~~

فى الصباح

كان عدى يخرج من غرفته ولكن شعر بأحد خبطه ف قدمه نظر الى الاسفل وجده الطفل الذى اتى مع ندى

فهد :اثف انى خبتت بث خبينى خبينى (اسف انى خبطك بس )

حمله عدى فكان اول ما رأه مع ندى وكما يعتقد انه ابنها هى وايهم لم يحبه ولكن ماذنبه الطفل وشكله لطيف وبرئ حقا

عدى :اخبيك من ايه

فهد بطفولة :من ندى بتجيي ويايا(بتجرى ورايا)

ابتسمع عدى على كلامه :ليه

فهد بتذمر :مث عايث اتل وهى عايثة تاتلنى

(مش عايز اكل وهى عايزة تأكلنى )

ضحك عدى :انت اسمك ايه بقا

فهد :اثمى فهد

عدى :اوه اسمك حلو

فهد :بابا قايي انه ندى ايي مثميانى وانت اثمك ايه(بابا قالى انه ندى اللى مسميانى وانت اسمك ايه )

عدى :عدى

حزن فهد :عدى انت عدى

عدى :اه ليه مالك اضايقتك كده ليه وبعدين انت تعرفنى

فهد :اعيفت ده انت اث المثاكل عندنا فى البيت اثل بابا كل ثوية يقعد يثعق لندى ويدولها هتفضييى فاترة عدى ته لحد امتى وانا مث بحب حد يزحل ندى عثان هى حبيبتى

(اعرفك ده انت اس المشاكل عندنا فى البيت اصل بابا كل شوية يزعق لندى ويقولها هتفضلى فاكرة عدى ده لحد امتى وانا مش بحب حد يزعق لندى عشان هى حبيبتى)

استغرب عدى طفل بهذا السن ويعرف معنى الكلام وينتبه عليه وايضا صدم امازالت ندى تحبه وتفكر به ولكن لماذا تجوزت اذا

عدى بتكشبرة :وانت زعلان منى انا بقا ليه

فهد :عثان بابا بيثعق لندى بثببك(عشان بابا بيزعق لندى بسببك)

عدى :انت ليه مش بتقول لندى ياماما

ندى ؛:فهدددد انت فيين

جاءت ندى واستدار لها عدى ووقفت بضعة ثوانى تنظر له ثم قالت:سورى لو ضايقك اصله شقى شوية

عدى :عادى ولا يهمك وبعدين ده عسل اوى

~~~~~~~~~~~~

كان الجميع متجميعن وجالسين سويا

ايهم :ندى

ندى :نعم

ايهم: اريد ان اتجول فى الصعيد

ندى :لماذا اليوم؟

ايهم :اريد ان اخرج

ندى بتعب:لقد اتينا من سفر استريح اليوم ونذهب بالغد

ايهم :لست اريد ان ارتاح ومن اجل ان اذهب الى كل مكان هنا اريد ان اذهب الى كل مكان موجود هنا ونحن سنسافر الى الاسكندرية اليس كذلك

شعر عدى بالغضب والغيرة الشديدة فإنه يفهم حوارهم وستذهب معه الى الاسكندرية لكن لم اسمح لهم بذلك

ندى ببسمة:ليس الان سنجلس هنا فترة ايضا

ايهم :ولكن لن استطيع الجلوس هنا كثيرا من اجل عملى

عدى بغضب مكتوم :هل انتم ستعودوا الى كندا مرة اخرى

ايهم :اجل لماذا تسال

عدى :اهى زيارة قصيرة اذا

ايهم :لا اعلم ومن المفترض ان تكون هكذا هيا بنا ياندى

ندى :ارجوك اجله كان سفر طويل اريد ان ارتاح

ايهم :هيا ياندى من اجلى

كانت ستوافق ندى من اجل ايهم فإنه اتى معاها ايضا من خارج البلاد

ولكن عدى تدخل بغضب :هى قالت لك انها مرهقة من السفر اتركها واذهب انت ومن الاحسن ان تتحدث باللغة العربية

ايهم :وما شأنك انت

ندى :خلاص يا ايهم يلا بينا

عدى بغضب :ما انتيش رايحة معاه

الحاج ابراهيم :ايه مالكم جاعدين تتحدتوا وماحدش فاهم حديتكم وتعيطوا وتعالوا حسكم

ترك عدى البيت وغادر بينما تدخل ادم لحل المشكلة ':انا هاجى معاك وذهب زين واحمد معه ايضا

~~~~~~~~~

فى المساء كان قد نام الجميع وندى تنيم فهد وايهم لم يعد بعد هو والشباب ولكن عدى عاد ومازال وغاضب بشدة ذهب الى غرفة ندى وفتح الباب فزعت ندى وخافت عندما فتح الباب هكذا فجأءة

عدى :ايه ده خايفة منى

ندى بتوتر :ف....فى ايه

كان عدى يقدم خطوات من ندى

ندى :انت ازاى تدخل الاوضة هااا اتفضل ياعدى بره ماينفعش اللى انت بتعمله ده

عدى :لازم اتكلم معاكى الاول مش همشي

ندى. بصوت واطى من اجل فهد ؛:عدى ماينفعش اللى بتعمله ده لو سمحت

عدى وهو يقترب منها وهى ترجع الى الخلف :خايفة على مشاعره صح

كان عدى يقصد ايهم بكلامه

استغربت ندى حديثه ولم تفهم شئ

التصقت ندى بالحائط واذدادت ضربات قلبها

عدى بغضب :ردددى علياااا

ندى بخوف وهى تنظر الى فهد :اششش ارجوك فهد هتصحيه اخرج ياعدى بررره اخرج

مسكها عدى من يدها وسحبها خلفه وذهب بها الى غرفته وهى تحاول ان تخلص يديها منه ولكنه وجد غيث نائم تركها هى على الفراش :ماتتحركيش من هنا

ثم اخذ غيث وذهب به الى غرفته وكانت ندى تريد الخروج ولكن الباب كان مغلق من الخارج .

عاد عدى وصرخت ندى به:انت اكييد اتجننت او مش ف وعيك

عدى :اه .انتى......

قاطعته بعصبية :انا انا عايزة اخرج من هنا افتح لى الباب

ظل يقترب منها عدى حتى التصقت بالحائط وظل عدى محاوطها بينه وبين الحائط

ندى 

:عدى ابعد سبنى اخرج

ثم ابعدته عنها وركضت بإتجاه الباب ولكن اوقفها صوته

عدى بالم :ليه

استدارت له ندى باستغراب

عدى بحزن والم :ليه اتجوزتى ياندى 

ندى بصدمة ولا تفهم مايقوله عدى 

:افندم

عدى بغضب وقد ضرب يديه فى الحائط :سؤالى واضح

اتنرفزت ندى من صوته العالى:ماتعليش صوتك

عدى بغضب :انا اعلى صوتى براحتى وجاوبينى على سؤالى

استفز عدى ندى كثيرا بسؤاله الغير مفهوم وصوته العالى وانه اخذها من يديها بالاجبار الى هنا :شئ مايخصكش

عدى بغضب :انتى كلك على بعضك تخصينى

ندى بعصبية :ددددده كاااان زماااان ياعدى وبعدين جاى تلومنى ليه ما انت كمان اتجوزت وخلفت جاى تعاتبنى ليه ده الوقت هاا

استغرب عدى حديثا :انا ك......

قاطعته ندى:انت ايه اقولك انا انت ايه انت مالكش حق تكلمنى بالاسلوب ده ولاتيجى تجرجرنى من اوضتى ف نص الليل كده ثم قالت بغضب من تصرفاته :على الاقل هو بيحترمنى وبيثق فيا وبيخاف على مشاعرى مش زيك

عدى :يعنى انا ماكنتش بخاف على مشاعرك

ندى وهى مازالت غاضبة :اسال نفسك

عدى :بس انتى لسه بتحبينى

نظرت له ندى واخذت نفس طويل :لااااء

عدى :كدابة انا عارف مستحيييل تحبي حد غير

ندى بعصبية :مستحييل ليه بقاا هاا بطل غرورك ده بقا

عدى :فهد قالى انك كل شوية تتخانقى مع باباه ويقولك هتفضلى تفكرى ف عدى لحد امتى

استغربت ندى حديث عدى صحيح اسر حقا يتشاجر معاها من اجل هذا الموضوع امام فهد وكان من الخطأ الحديث امام الصغار ولكن عدى يعتقد ان ايهم زوجى اه اه الان فهمت ويعتقد انى تجوزت من ايهم وانجبت فهد ييااااالله ياعدى لن تتغير ابدا ستظل دائما تفكر بطريقتك انت

ندى :انت هتاخد على كلام طفل ياعدى

عدى :اه ياندى المثل بيقول الغريق بيتعلق بقشاية

ندى بتعب من الحديث معه :لو سمحت افتح الباب عايزة اخرج

فتح لها عدى الباب فبماذا يفيد الكلام اصبحت متجوزة ولديها طفل الخطأ خطئ انى اجبرتها على المجئ الى غرفتى وهى متجوزة من شخص اخر سابعد حتما سابعد هكذا حدث نفسه

~~~~~~~~~~~~~~~~

مر يومين وكان عدى يشتعل غضبا اكثر من ايهم وندى تتجنبه ايضا فمنذ ان عادوا من كندا واتوا الى الصعيد اصبح عدى يجلس بمفرده حتى غيث لم يعد يهتم بيه

كانت ندى جالسة مع ايتن ومرام

مرام :وحشتينى ووحشتنا قعدتنا مع بعض

ندى :انتوا كمان والله وحشينى اوى

ايتن :ايه ياختى ٣ سنين وماكنتيش عايزانا نوحشك

ندى بتوتر :ا...اومال .. نن...نهى ..وطنط ..ص. صفية ماشوفتهمش

كشرت ايتن ومرام :انتى ايه اللى فكرك بيهم ياندى

ندى باستغراب :فكرنى بيهم ازاى يعنى

مرام بحزن على اختها:يعنى من موضوع نهى الاخير ما نعرفش عنها حاجة

ندى :موضوع ايه ؟؟

ايتن :موضوعها هى وعدى

ندى :ماتفهمونى ايه اللى حصل انا بشحت منكم الكلام

ايتن :يابنتى جدى مشاها وعمى محمد طلق مراته

صدمت ندى :

ليه ايه اللى حصل لكل ده

مرام ابتسمت بسخرية على حال امها واختها :انتى باين عليكى مش ف الكون يابنتى ماتعرفيش حاجة خالص كده فكرنا طنط ناهد قالت لك

ندى :لاء هو ايه اللى حصل

ايتن :بصى بعد انتى ماسفرتى برضو عدى فضل مش فاكر اى حاجة وكان قبل يوم كتب كتابه على نهى بالظبط عدى كان مازال بيتخانق مع جدى ورافض عشان هو مش عايز يتجوزها وعشان هو بيحبك انتى وموضوع اختفاءك من البيت ده ضايقه جدا وخلاه متوتر اكتر وفضل يدور عليكى كتير او يوصلك ويتحايل على عمى عشان يقوله مكانك ولكن عمى رفض المهم فاكرة الدادة اللى كانت شغالة هنا المهم راحت اوضت عدى لقته مخنوق ومش طايق نفسه راحت قالت له على اللى حصل قالت له لما كانت بتحضر لعدى القهوة اللى طلبها منها حد نادى عليها خرجت من المطبخ ولما رجعت تانى لقت نهى ف المطبخ وكانت خارجة استغربت لان نهى مش بتدخل المطبخ اصلا ولما دخلت وكانت بتلم الزبالة لقت شريط برشام وساعتها لما عتطه لعدى لقاه منوم المهم هى قلقت لما شافت البرشام فضلت حاطه عنيها على نهى لانها برضو كانت مش طبيعية ولقتها بتدخل مكتب عدى هى وصفية امها وعدى كان نايم اخدوه و ودوه على الاوضة والباقى طبعا انتى عارفاه لما رحنا انا وانتى الصبح عشان نشوفوه لقيناه مع نهى وعدى لما سالها ما اتكلمتش من زمان ليه قالت خافت محدش يصدقها او تخسر شغلها هنا وطبعا جدى هزق نهى وضربها بالقلم وكان عايز يقتلها بس عدى منعه وراح عمى محمد طلق طنط صفية علشان هى اللى كانت بتشجع بنتها على الغلط وحصل بقا مشاكل كتير وبس كده

انصدمت ندى من الذى تسمعه 

 ياااااه الله حدث كل هذا ولكن ابتسمت لانها تعلم وتأكدت ان عدى لم يفعل هذا

ندى:بس ثوانى ثوانى كده طب وغيث

ايتن پأستغراب :ماله غيث

ندى :بيقول لعدى يا بابا

مرام نخست ايتن :اه ماهو اتجوز واحدة تانية

انصدمت ندى وشعرت بالحزن:بجد

طب هى فين

ضحكت ايتن :ايه يا مرام

 لاء ياندى مرام بتهزر غيث ده يبقى ابنى انا وهو متعلق ب عدى عشان كده بيقوله يا بابا عادى وعدى من ساعة ما غيث اتولد وهو تقريبا مش بيسيبه وحتى ساعة النوم ولما غيث يجوع مثلا او ازعق له او اضربه يروح يقول لعدى وعدى يجي يزعق لى ويقولى ما انتى مش شايلة مسئولية وانتى لو

مش قد الخلفة ماكنتيش تخلفى و و و كلام كتير يابنتى والله

ندى ومازالت مصدومة من كمية الاشياء التى عرفتها :يعنى عدى ما اتجوزش وغيث ابنك انتى مش ابن عدى صح

ايتن :اه صح

. انتى اللى استعجلتى واخدتى شنطتك وطرتى ياختى من غير ما تعرفى اى حاجة

ندى :النصيب

انبسطت ندى كثيرا

~~~~~~~~~~~~~~~~~

مر اسبوعين كان عدى من شدة غيرته سافر حوالى ١٠ ايام وعاد مرة اخرى بأمر من جده

وكانوا متجمعين كعادتهم وعدى جالس ولايريد الجلوس ولكن من اجل جده

الجد :اسر قالك انه جاى ده الوقت

ندى :اه ياجد......

لم تكمل ندى كلامها حديثها حتى سمعوا صوته

اسر :انا جيييت عارف انى نورت ياجماعة والله من غير ما تقولوا

ميار بشوق وحب :فهد

ركض اليها فهد بحب :مااااامى وحشتينى

ميار :وانت كمان ياحبيب مامى

اسر :ايه ياعم فهد وبالنسبة لبابى ايه

ذهب اليه فهد واحتضنه .ثم سلموا على الجميع واستغرب عدى لماذا نادى فهد اسر وميار ب بابا وماما لماذا دائما يشعر بالحيرة بالاشياء التى تتعلق بأسر

الحاج ابراهيم :البلد كلها نورت يابنى عاش من شافك

اسر ببسمة :منورة بأهلها ياحاج

ابراهيم :انت هنا من امتى ولاجيت على هنا على طول

اسر :لاء نازل من اسبوع بس رحت على الاسكندرية عشان اشوف بابا وماما وجينا على هنا عشان فهد وحشنا وندى قالت انها مش هتيجى الاسكندىية ده الوقت

ظلوا يتحدثون وعدى صامت وينظر لهم فقط حتى جاء اتصال لاسر وذهب ليرد عليه

وعندما استدار اسر وجد عدى امامه

اسر :اهلا.ايه بتبصلى كده ليه

عدى ببرود :اهلا بيك حمد لله على السلامة

اسر :الله يسلمك تصدق وحشتينى

عدى ببرود :ماتشوفش وحش

اسر :ابو تناكتك يا اخى

عدى :فهد

اسر :افندم ؟!ماله فهد

عدى ببرود :ذكى ماشاء الله عليه وبقا هو وغيث اصحاب

اسر بغرور مصتنع :

طبعا يابنى زى ابوه 

عدى ابتسم فهذا هو مراده ان يعرف فهد ابن منّ :يعنى ابنك د....

قاطعه فهد بمرح :لاء ابن اختى خهخهخهخه

عدى :ده انت مستفز

اسر :والله ما اكتر منك

عدى :ماتعصبنيش بقا فهد ابنك ولا ابن ندى

استغرب اسر كيف يكون فهد ابنها هو غبي ف ندى حتى ليست متجوزة :وديه تفرق معاك ف حاجة

عدى :ماتعصبنيش مش ناقص برودك ده

اسر : ما انا مش فاهم انت بتقول ايه وعايز ايه

عدى :ولا انا بقيت عارف انا عايز ايه ولافاهم حاجة

اسر :مالك يابنى

عدى بصوت عالى:ليييييه كل حااااجة ليهاااا علاااقة بيك بتلغبطنى اول مرة شوفتك فيها وجيت فيهاااااا هنااا و ده الوقت ابنك ولا مش ابنك ولااا اابنهااا و.......

اسر بتفهم:اهدى اهدى بس عايز تعرف ايه وانا اقولك

عدى :فهد يبقى مين

اسر ضحك :ابنى

عدى :طب وليه جه مع ندى

اسر :هو اتسلط يجي معاها وهى وبتحبه وهو بيحبها ومتعلقين ببعض جدا ومارضيتش ترفض طلبه وجابته معاها

عدى :وايهم ؟؟!

اسر ؛:ماله

عدى بحزن :عرفته ازاى واتجوزته امتى وحبته ولا لاء

استغرب اسر ندى وايهم تجوزوا ؟ٕ:: انت بتجيب الافكار ديه منين او مين قالك الحاجات ديه مخك بيكون حاجات لوحده كده وبتحب تأكد لنفسك ان كلامك صح حتى لو غلط

عدى :يعنى ايه ؟

اسر :مين قالك ان ندى متجوزة ايهم

عدى :ماحدش لما لقيته جاى معاها ومعاهم طفل عايزنى افكر ازاى ف قلت اكيد جوزها

اسر :ايهم مش جوزها ايهم صديق لينا من كندا وساعد ندى فى الدكتوراه مش اكتر

صدم عدى ولا يعلم ان يفرح ام يحزن انهم بعدوا كل هذه السنين عن بعض :لييه بحس ان علاقتنا انا وهى معقدة

اسر بضحك:

ليه بحس انك غبي انت اللى بتاخد جنب ومابتسألش وتعرف حتى ده طبعك على فكرة

عدى :لاء استنى استنى انا سالتها وقولتلها وهى قالت انها فعلا متجوزة وحتى قالت لى انت كمان اتجوزت وكملت حياتك بس انا ما اتجوزتش يا اسر

اسر :

يخربيت كده ده انت وهى هتجبولى الشلل مش فاهم حاجة منكم صحيح علاقة معقدة فيها كمية سوء تفاهم طب انت عصبتها مثلا ضايقتها

تنحنح عدى :احم اه

اسر :صح كده ده انت تعصب مدينة ياعدى

عدى :بقولك ايه مش ناقصك

اسر :هتعمل ايه

عدى :ولا حاجة

اسر :مش هترح لها وتكلمها حتى بعد ماعرفت

عدى :لاء

اسر :عيل متكبر ومغرور

عدى بغضب :انا متكبر ومغرور انا جيت كام مرة على نفسي وعلى كرامتى علشانها وفى الاخر اطلع برضو مغرور

اسر : طب استنى.

ثم اخرج هاتفه وبعث رسالة لندى ان تأتى الى الجنينة ذهب هو وترك عدى خرجت ندى ووجدت عدى هو من بالخارج ابتسمت وذهبت له

ندى :عدى

استدار لها عدى

ندى :كنت عايزة اكلمك سافرت على طول انت ولما جيت كنت اما مشغول ....... انت مابتردش عليا ليه

عدى ببرود:عايزانى ارد اقولك ايه

كان عدى يود ان يحضنها من شدة فرحته انها لم تتجوز بعد وقبل ان يذهب اسر اخبره انها مازالت تفكر به ولم تنساه

ندى :عدى انا اسفة

عدى ببرود :على ايه

ندى :بصراحة على حاجات كتير بس حاليا مش عارفة بالتحديد يمكن على موضوع اتهامى ليك انك متجوز وكملت حياتك عادى وانت وقتها عصبتنى وقلت لك انى كمان متجوزة بس انا مش متجوزة و

عدى مقاطعا ببرود :عارف

كانت ندى تظن انه سيفرح ولكنه قالها ببرود

ندى:عدى ايتن قالت لى على موضوعك انت ونهى و....ّ....

عدى مقاطعا:ايوا يعنى عايزة ايه والمطلوب منى ايه

ندى مستغربة عدى وكلامه :مش عارفة

عدى :انا هعمل زى ما انتى عملتى ههرب من كل مشكلة زى ماعملتى

ندى :بس انا ماهربتش

عدى بغضب:اومال اللى عملتيه ده بتسميه ايه

ندى بعصبية:مش اسمه هرب ابدا انا كنت............

عدى بعصبية :كنتى ايه ياندى انتى صدقتى انى ممكن اخونك وسبتينى فى اكتر وقت كنت محتاجك فيه

ندى :عارفة

عدى :اوماااأل مافضلتيش ليييييه بدااااال انتى عارفة .انتى صدقتى انى ممكن اعمل كده صح

هزت ندى راسها نافية :

لاء لاء مش صح انا كنت عارفة انك مستحيل تعمل كده وكان عندى ثقة فيك ويقين انك ماتعملش كده وعارفة انك بتحبنى

عدى بغضب:انتى كداااابة لو كنتى واثقة فيااا ماكنتيش سافرتى

ندى بصوت عاالى وعصبية:سافرت علشان وقتها كنت مجروحة عنددى ثقة فيك بس ماعنديش ثقة ف نهى سافرت علشان لو فضلت كنت هفتكر كل شوية شكلكم سواا سافرت علشان جدى كان قال قراره وانت عارف ان قرارات جدى بتتنفذ كنت عايزنى افضل اتفرج وانت بتتجوز كنت هقف معاك واثبت انك برئ بس انت قلت انك مش فاكر حاجة وانا كنت متعصبة ومخنوقة ومجروحة وانت اكتر واحد عارف كده

عدى بغضب والم :بس كنتى افضلى

ندى بعصبية:افضل كنت هعمل ايه اتفرج عليك حط نفسك مكانى لو كنت لقتنى ف.....

رفع عدى يده كى يصف ندى بغضب قااال:نددددددى

ثم تحكم فى اعصابه وانزل يده ووجد ندى تنظر له بدموع

عدى وهو يمسح على وجهه

:انتى اللى بتستفزينى ياندى وبتعصبينى ازاى تقولى حاجة زى كده

ندى بدموع :

مش هزعل منك على رفعة ايدك ديه بس انت مجرد ماقلت شوفت ردت فعلك عاملة ازاى لمجرد انى قلت بس

عدى :ندى انا ماعنديش حاجة اقولها

ثم تركه وغادر

ندى :عدى استنى اسمعنى كلامنا لسه ماخلصش

بكت ندى واسر رجع وجدها تبكى ذهب اليها وواسها :معلش ياندى لو لسه بتحبيه افضلى وراه انا ما اعرفش ايه اللى حصل بس واضح من شكلك اللى حصل .ماتزعليش هو لما كنتى بتزعلى كان بيعمل المستحيل عشان يصالحك اعملى زيه

~~~~~~~~~~~~

تمر الايام وتحاول ندى ان تكلم عدى ولكنه رفض وظلت تذهب خلفه ف كل مكان يذهب له ولكنه لايعطيها الفرصة

كانوا متجمعين كالعادة

زين :ايييه ياحاج مش ناويين تجوزونى بقا

ضحك احمد :اه والله يابنى خللت جمبنا

ادم :اه طولت. يازين بقالكم كتير سنتين مخطوبين يا اخى

زين : عيال باردين صحيح

الجد ابراهيم: بس خلاص منك ليه قررت يازين نويت يعنى

اومأ زين

الجد ابراهيم : خلاص سنة كمان ولاحاجة واجوزك

صدم زين :سنة ايييييه ياحاااج ديه البنت خللت جمبي على رائ احمد هنستنى ايه اكتر من كده حراام عليكم ياجدعان

الجد بضحك :خلاص خلاص ايه بلاعة واتفتحت بهزر معاك

اسر بمرح:ياعينى عليك يازين يا اللى لسه صغير على البهدلة

ندى ضحكت :بس ياله بطل غلاسة

اسر بمزاح :انا بقولك اهو انت لسه ف البر احسن هتدبس تدبيسة سودا اسالنى انا

زين :

مالكش فيه انت

فاطمة بضحك :ليه كده يا اسر طب ديه طيبة اوى وعسولة اوى وبتحب تهزر كتير

اسر بضحك:

والله ياطنط ده انتى اللى طيبة هى.........

قاطعه زين بنرفزة :ما تلم نفسك بقت واتكلم عنها بأسلوب احسن من كده او من الاحسن ما تتكلمش عنها خالص

اسر :ايه ياعم انا براحتى وبراحة على نفسك شوية وبعدين بهزر

ابراهيم :مش هتبطلوا حركات العيال ديه وانت ياعدى مش ناوى انت كمان ولا ايه

نظر عدى وندى الى بعضهم واحمر وجه ندى ولكنها لم تنزل عيونها وظلت تنظر له وابتسمت

عدى ببرود :لاء مش ناوى

كشرت ندى وشعرت بالحزن وادمعت عيونها

ابراهيم بصرامة : اومال ناوى تتجوز امتى بعد ماتشيب

عدى :انا حر

الجد ابراهيم :اعمل اللى يريحك بقا عيال متعبين صحيح يا زين انا هكلم ابوها واحدد معاد عشان نروح لهم

زين :جدى مستعجل اناا هااا عايز اتجوز

ضحك الحاج ابراهيم

:ماشي ياولدى حاضر هحدد ف اجرب وجت

خرج عدى الى الجنينة وخرجت ندى خلفه

ندى :عددددى

استدار لها عدى :نعم

ندى بطريقة مضحكة :نعم الله عليك ياعاقل انت

ابتسم عدى ولكن ادار وجهه كى لا تلاحظ

ندى تود ان تتحدث وتذكرت كلام الجميع عندما كانوا متجمعين الشباب كلهم لانها اخبرتهم انها لا تستطيع مصالحة عدى وتذكرت كلامهم بأن تكون جريئة معه وصريحة فى كلامها واخبرها احمد ان عدى ينفع معه الجراءة فى الحديث

ولكنه امر صعب إنها لم تتعود على ذلك حقا صعب

عدى :هتفضلى تبصيلى كتير كده عارف انى حلو بس مش لدرجة انك تتنحى

ندى بوجه احمر وكسوف :

طبعا ده انت قمر

هذه الكلمة من طلب وشاور لها احمد ان تقولها

وقالت فى سرها منك لله يااحمد

نظر لها عدى بصدمة هذا الكلام ليس من طباع ندى فهى لم تتحدث بهذه الطريقة حتى وهم مخطوبين

ندى بوجه احمر :بقولك ايه مش هنتجوز بقا

عدى 

ياالله من هذه ماذا حدث لها :ندى انتى كويسه

ندى :يانهارى جدا حد يشوفك ومايبقاش كويس

عدى :بت انتى مالك

ندى :اييييه انا كويسه اهو ماقلتش بقا هنتجوز امتى

كان قلب ندى يدق بشدة وهى تتحدث بهذه الطريقة وظلت تلعن اليوم الذى طلبت مساعدتهم فيه

عدى :نتجوز انا وانتى قصدك

ندى ياربى عننى فإنى لست مطالبة بأن احكى بهذه الطريقة :اه وممكن تبطل بقا زعل بليز ونرجع لبعض كفاية بقا كده

عدى بضحك بسخرية :نرجع

نرجع بتاع ايه تعرفى كام مرة انا اعترفت لك بحبى وانتى ولا مرة قولتى هالى و ولا مرة حتى لمحتى لى بكده ولا اى حاجة ايه اللى يضمن لى انك بتحبينى

ندى بإستغراب :انت غريب بجد ووقفتى ديه ده الوقت وانا بقولك كده لاتعنى ليك اى شئ

عدى :بتقولى لى ايه ياندى

ندى :بقولك نتجوز اهو

عدى :عشان ايه نتجوز

ندى بتوتر :عع..عشان .....انت....و..وانا ...عشان...

يأس عدى بأن تحكى ندى ف تركها وغادر

ولكن الشباب كانوا يشجعوها بأن تحكى ولكنها تشاور لهم انه امر صعب ولكن فجأءة تحدثت :انت ياعدى ياقمر انت ياجميل استنى

وضعت ندى يديها على وجهها من شدة خجلها من الموقف

استدار لها عدى ثم تقدم خطوطين منها :ندى انتى ف وعيك

ظلت ندى واضعة يديها على وجهها ومن شدة الخجل كادت تبكى

عدى :نزلى ايدك وكلمينى وبعدين بقا الراجل ما بيتقالش عليه جميل وقمر بيتقال وسيم

شالت ندى يديها :يعنى هتصالحنى

عدى :لاء

ثم تركها وغادر

ندى بغضب :عدددى ددده انت بارد صحيح وكالح وماعندكش دم طب تعال وانا اقولك يا وسيم

ضربوا الجميع على راسهم لفشل خطتهم

ندى بغضب وهى تنظر لهم :اصل انتوا اغبية خليكى جريئة خليكى زفت ولا نفع معاها اى حاجة جاتكم نيلة

احمد بسخرية :وهى فين الجراءة ديه ياختى ده انت قمر وجميل 

فين الجراءة ف كده طب ما هو عارفة انه قمر ايه الجديد

ندى :انت خطتك فاشلة امشي من هنا

احمد :امشي ايه ياشيخة مش قلت لك قوليله تتجوزنى اعرضى عليه الجواز على طول كده

ندى :ياله انت غبى ما انا قلت له تعالى تنجوز اكتر من كده ايه ثم ادمعت عيونها :دمى اتحرق وحسيت انى ماعنديش كرامة ربنا يسامحك

مرام وايتن احتضنوها:معلش ياحبيبتى مافيهاش حاجة عادى والله ماتفكريش فيها كده

~~~~~

فى اليوم التالى طلب الجد من الجميع الحضور

ابراهيم :اظنى فى اسرع وقت ممكن اهو يازين حددت معاد بكرا وهنسافر

زين بفرحة : يعنى هنحدد معاد الفرح بجد بكرا

ابرهيم :ان شاء الله وانتى ياندى

ندى :انا ايه ياجدو

ابراهيم ؛:مش ناوية تفرحينا بقا وتتجوزى

نظر لها الشباب بمعنى ان تؤيد كلام الجد

هزت راسها ب لاء ولكن ادم حثها ان تفعل ذلك

ندى وهى محروجة ولكن تحاول ان لا تبين :طبعا اومال ناوية

نظر لها عدى بغضب

ابراهيم: يعنى فى عريس متقدم لك كويسه ومحترم توافقى عليه

ندى ببرود :وايه اللى يمنع بدال كويسه ومحترم .

هتجوزوها وهى ومخطوبة ازاى

نظر الجميع له واستغربوا

~~~~~~~~~~