رواية أين منزلي الفصل الاربعون 40 بقلم ندى حسن

وشعرت بان قلبها تحطم وسقطت الدموع من عيونها 

وايضا ايتن لم تصدق الذى تراه

ف عدى كان ينام على فراشه بدون قميص ونهى بجانبه وهم فى وضع سئ

اختفت فرحة ندى التى كانت على وجهها وحل الحزن محلها

ونزلت دموعها وشعرت بان قلبها يتمزق

لماااذااا ياعدى لما تصر دائما على تحطيم وكسر قلبي 

لماااذااا دائما تفعل هذا بي فكل مرة تكسر قلبي فيها تكون اشد من الاخرى سحقا لك ياقلبي

ثم كانت ترجع للخلف وهى ليست واعية من صدمتها

ايتن بدموع وحزن على حال ندى :ندى 

خبطت ندى فى احدى الفازات ووقعت وكسرت وسببت صوت فاق عليه عدى ثم نظر الى ندى واستغرب من منظرها وايضا فيبدوا على ملامحهم الصدمة والاستغراب والبكاء ايضا

وندى اول مرة تدخل غرفته ويجد دموعها على خدها

عدى وهو يقوم لكى يذهب الى ندى وجد بجانبه نهى صدم من منظر نهى ثم نظر الى ندى الذى كانت تبكى واغمض عيونه بحزن لقد فهم الان لماذا تبكى ندى

عدى :ندى اسمعينى و.

لم يكمل كلامه لان ندى خرجت ركض من الغرفة وهى منهارة من البكاء

عدى وقد ابعد نهى عنه ثم قام :ندى استنى ارجوكى

ايتن بدموع :

تستنى ايه تستنى اااااايه ياعدى ايه اللى انت عملته ده بجد انا مش مصدقة

عدى هو لا يستوعب شئ :انتى اختى مصدقة انى ممكن اعمل حاجة زى كده

ايتن ؛طيب قولى انه اللى شوفته بعينى ده كدب وانا هصدقك قولى يااالا

عدى بحيرة وهو يضع يديه الاثنين على راسه :مش عارف يا ايتن انا جيت اوضتى ازاى اصلا انااا

خرجت ايتن بدموع من الغرفة وتركته وقبل ان تخرج قالت: شوف هتعمل ايه فى المصيبة اللى عملتها ديه

ذهب عدى الى نهى بغضب وامسكها من شعرها :اصحى اصحى يا عديمة الحيا قومى

فاقت نهى وهى تتأوء:سيب شعرى ياعدى فى ايه

عدى بغضب :فى ااااااااايه فى انكككككك ف اوضتى يا هانم ونايمة جمبي على سريررررررى

نهى ببجاحة :طب وايه يعنى

صفعها عدى صفة جعلت نهى تصرخ بدون ارادة منها جعلت جميع من فى الفيلا سمعها

عدى بغضب وهو يمسكها مش شعرها : انا مش فاكر حاجة خدى بالك ومش هعدى الموضوع بالساهل كده

سمع الجميع صوت صراخ وذهبوا الى المكان الذى كان يطلع منه الصوت واستغرب الجميع انه من غرفة عدى

اما نهى ببكاء اثر الصفعة :سبنى ياعدى وبعدين يعنى هكون جيت من غير ماتعرف وبعدين جاى تعاقبنى انا مش لما تعاقب نفسك الاول و....

قاطعها دخول الجميع نظر الجميع وصدموا من منظرهم الاثنين وخرج الشباب ايضا عندما وجدوا نهى بهذا الحال

وايضا نهى ف هذا ليس ضمن مخططها فكانت لاتريد ان يعلم احد بالموضوع

وعدى كيف سيواجههم وهو حتى لايذكر اى شئ وانه اخر مكان كان به هو مكتبه

الجد بصدمة من منظرهم :بتعملى ايه اهنا فى اوضت ولد عمك يانهى

لم ترد نهى

ابراهيم بصرامة :ايه اللى بيحصل هنا ده

لم يجد عدى رد على جده

والعائلة مصدومة ولا يعرفوا كيف يتصرفوا

ذهب محمد الى بنته وصفعها وقال بحسرة :ياجليلة الحيا ياجليلة الرباية

نهى ببكاء :انا ماعملتش حاجة يابابا ده .....

محمد وهو يصفعها :هو ايه هو ايه ياعديمة التربية ماعرفتش اربيكى صحيح

ابراهيم بتعب وحسرة من فعلة احفاده :بس يامحمد ده مش هيفيد بحاجة خلاص .ماكنتش متوقع انكم تعملوا اكده واصل

راشد بخيبة امل :العيب مش عليها لوحدها يامحمد العيب على ولدى ازاى يعمل اكده

عدى :يا ابوى والله....

راشد :اخرس خالص وليك عين تتكلم بعد اللى عملته

الجد ابراهيم :عملتك ديه عقابها الجتل عندنا ديتك انك ندفنك تحت التراب

نهى بصدمة : جدو انا ما...

الجد بغضب :لا انتى ولاااا هوووو اومال الغلط على مين هااا انطجوا

الكل يعرف اخلاق عدى جيدا وانه يستحيل ان يفعل امر كهذا ولكن ايضا هى كانت بغرفته والجد لا يعرف ما الذى حدث

صفية :كلكم جاييبن الحج على بتى وهو مابيغلطش يعنى ولا ايه

محمد :تعررررفى تجفللللللى خااااااشمك ده وااااصل كله منك ومن تربيتك ديييييييه

الجد ابراهيم بتعب :اعمل ايه معاكم طيب عملتكم ديه ما تتغفرش واصل واخلص منيكم انتوا الاتنين كسرتوا ظهرى انتوا الاتنين

اخرجوا بره كلكم وسبونى انا ونهى لوحدينا

صفية:هتعمل ايه ياحاج ابراهيم مش هسمحلك ت......

قاطعها الحاج ابراهيم بغضب وصرامة :وانتى من ميتا هتسمحيلى ومش هتسحميلى يا صفية شكلك نسيتى نفسك اعدلى كلامك معايا وليكى عين تتكلمى بعد عملت بتك وتربيتك ديه

اخرجوااااا برا يالا منك ليها

جلس الجد مع نهى ثم خرجت وطلب منها ان تنادى عدى

دخل عدي ووجد الجد يضع راسه بين كفيه ونظر موجه الى الاسفل :ليييه اكده ياولدى يااكبر احفادى تحنى ظهرى بعملتك ديه

عدى وهو يذهب باتجاه جده :ماعاش ولا كان اللى يحنى ظهرك ياجدى

ابراهيم بتعب :انا الحاااج ابرااهيم كبيييير الصعايدة واللى بحكم بينهم بالعدل بس دلوجتى احفادى هما اللى مخطئين

جولى ياعدى جولى ياولدى انه كلام نهى مش صح جولى هصدجك

وهى ملوعة والكدب عندها عادى اما انت لاء انت تربيتى

نظر له عدى بحزن :للاسف ياجدى انا لا جادر اكدبها ولا اصدجها ولا جادر افتكر حتى اى حاچة حصلت امبارح بس خليك واثق انى مستحيل اعمل حاجة زى كده

الجد بصرامة :وانا ماعنديش حل تانى ياعدى كتب كتابك على بت عمك كمان سبوع عرفت تثبت انها غلطانة يبجى خير وبركة ماعرفتش يبجى تتجوزها

عدى بصدمة :ايه الله حضرتك بتجوله ده مستحييييييل اناا بحب ندى وانا متاكد انى ماعملتش حاچة صوح مش فاكر بس متاكد

ابراهيم: بتحبها ويفيد بايه الحب دلوجتى لو اكده كان حالك واعى لتصرفاتك ازاى مش فاكر يعنى

عدى :مستحيييل اتجوز نهى انا بحب ندى وبعدين مييين نهى ديه اصلا عشان ابصلها والا افكر اتجوزها

ابراهيم: لما تتكلم عن مرتك تتكلم بادب ياعدى وهى بت عمك برضو وخلص الكلام وكلامى هيتنفذ

~~~~~~~~~~~~~~~

اما نهى خرجت وذهبت بسرعة هى وامها الى غرفتها

ابتسمت نهى بخبث وفرح: جدى قال انه انا وعدى هنتجوز ياماما ووواااووو مش مصدقة نفسي

صفية بابتسامة نصر وشر: شوفتى بقا خطتى جابت نتيجة ازاى

نهى :هو صحيح الخطة انه ندى بس اللى تعرف وتسيبه ومخطط انه العيلة تعرف ده ماكانش فى باالى بس يالا اهو جه ف صالحى

صفية بخبث :اهم حاجة ده الوقت ان عدى هيتجوزك والخطة نجحت

ضحكت نهى ضحكة قزرة :انا ماضربتش حد على ايده وندى ديه هى اللى جابته لنفسها

~~~~~~~~~~~~

اما ندى فكانت فى غرفتها وفى عالم اخر لا تصدق الذى راته بعيونها حقا قلبها يؤلمها 

دخلت عليها امها واحتضنتها بحزن :ماتعمليش كده ف نفسك ياقلب امك

لم ترد ندى وظلت صامتة

ناهد بحزن على بنتها :معلش يابنتى اكيد هو مش من نصيبك

نظرت لها ندى بدون اى ردت فعل

ناهد :عيطى يابنتى ماتفضليش مسهمة كده طلعى اللى ف قلبك

انفجرت ندى فى البكاء وبكت بحرق :ااااااه ياااماما قلبي بيوجعنى اوى

ناهد بدموع على بنتها :معلش ياقلبي محدش عارف الخير فين هو...

قاطعتها ندى ببكاء :

شكلهم ياماما شكلهم وهما مع بعض مش بتفارق عقلي 

ناهد :انتى شوفتيهم ؟!

ندى ببكاء:يارتنى ماشوفتهم وياريت النتيجة ماظهرت وياريتنى ماطلعت الاولى وفرحت وحبيت افرحه معايا واشاركه فرحتي رحت الاقيه.... ااااااااه 

ناهد ولا تعلم اتحزن على ابنتها او تفرح من اجل نتيجتها :طلعتى الاولى مبارك يابنتى

ابتسمت بحزن وسخرية على حالها:مبارك على ايه بقا

ناهد :معلش ياحببتى بس اللى محيرنى انه ديه مش اخلاق ولا تصرفات تصدر من عدى ابدا وانه لا يمكن يعمل كده بس احنا شوفناهم وهو كمان ما انك.........

قاطعها دخول ادم وهو غاضب :هيجوزهاله انا مش فاهم حاجة وازاى عدى يعمل كده نفسي اضربه ال...

صدمت ندى سيتجوز عدى من نهى اجل ما الذى كانت تفكر به انه بعد هذا ولن يتجوزها ولكن وهى

ناهد :خلاص ياولدى اختك مش ناجصة عاد

بعد فترة من مواسات ندى دخل عليهم الجد

ثم قال :جبل ايه حاجة اكيد عرفتى انه نهى وعدى هيتجوزوا

اغمضت ندى عيونها بألم وحزن

اكمل الجد بجدية : جايلك دلوجتى عشان اجولك انه عدى مستحيل يعمل اكده بس مش يإيدى حاجة اعملها وهو مش متزكر حاجة ما اعرفش ازاى فلو لسه باقية على ولد عمك اجوزهولك

ندى :طب ونهى

الجد ابراهيم :هتبقى مراته برضو

ندى :انا ما اقبلش انى اكون زوجة تانية ابدا

الجد :خلاص يبقى نجوزكم انتوا الاول

ندى :

ولا هقبل انه يجى عليا درة

الجد :وانا ماعنديش حل تانى

ندى :وانا ماعنديش كلام تانى ياجدو

واللى فى نصيبه حاجة بيشوفها والظاهر كده اننا مالناش نصيب ف بعض 

الجد بتعب:اعملوا اللى يريحكم بجا عاد يا احفادى انا تعبت منيكم وهلاقيها منين ولا منين

ثم تركها وغادر وغادر خلفه ادم ولكن ادم وجد عدى امامه

ادم :تعرف نفسي اطلع كل الغضب اللى فيا بسببك فيك ده الوقت .على طول كده بتكسر قلبها حد مسلطك عليها مثلا انت ايه يا اخى

عدى :ادم انت اللى بتقول كده اومال لو ماكنتش عارفنى وصاحبي واخويا كمان ازاى تصدق عنى كده

ادم بغضب :ماهى ديه المشكلة انى اعرفك كويس بس شوفتك بعينى ياعدى

عدى :ادم صدقنى والله انااا مش فاك...

ادم بحزن منه :انت ايه يا عدى المشكلة فين انى مش مصدق بكدب عينى بس قبلها حتى شافتك ندى وايتن فاكرها ديه كمان ولا افكرك بيها

عدى بلهفة :طب المهم ندى عاملة ايه

ادم :يا رااااجل بجد بتسال عليها هى كويسه وهتفضل كويسه طول ما انت بعيد عنها

عدى وهو يحاول الدخول الى غرفة ندى :انا عايز اشوفها واطمن عليها واتكلم معاها

ادم وهو يمنعه :مش هسمحلك تشوفها

غضب عدى :مش من حقك وسع من وشي يا ادم

ادم. :مش موسع وامشي ياعدى من هنا انا مش طايقك ولا هى كمان عايزة تشوف شكلك

تشاجر عدى مع ادم من اجل الدخول الى ندى ولكن ادم رفض

اتى راشد :بس انت وهو

عدى :عمى انا عايز اشوف ندى وهو ......

راشد :مش عايز اسمع صوتك ياعدى لولا عامل حساب لاخويا لكنت اتصرفت معاك تصرف تانى خالص كفاية اللى عملته عايز منها ايه تانى

حاول عدى كثيرا ان يقنع ادم وعمه ولكنهم رفضوا

دخل راشد الى ندى الذى كانت تتحدث مع ناهد ويبدو على ملامحها الجمود

راشد وهو يجلس بجانبها :عاملة ايه ياحبيبتى

مالت ندى عليه واحتضنته :الحمد لله

راشد بحنان :مامتك قالت لى انك طلعتى الاولى على دفعتك

مبسوط لك خالص وفخور بيكى

ندى ابتسمت :عايزة اطلب منك طلب بس اتمنى ماترفضهوش وده اول طلب اطلبه منك

راشد :لو ف استطاعتى مش هتأخر

ندى :عايزة اسافر

راشد :تسافرى اسكندرية يعنى مافيش مشك .....

قاطعته ندى :لاء انا عايزة اسافر بره مصر

وقف راشد :بره مصر كيف يعنى

ندى :هسافر كندا

راشد بعصبية :جنيتى عاد ولا ايه تسافرى كيف وتعملى ايه ف كندا ولوحدك لاء طبعا

ادم :ايوا ياندى صح ايه اللى انتى بتقوليه ده

ندى ببرود :مش لوحدى ميار واسر وهيسافروا معايا

ادم :يبقى ديه طبعا فكرة اسر

ندى ببرود استفز ادم :لاء فكرتى انا حتى اسر مايعرفش بيها لسه وماقلتلوش لسه بس هو مابيرفضليش طلب واكيد هيوافق يجي معايا

ناهد :يابنتى ماينفعش اللى بتقوليه ده وتتغربي ليه وتبعدي عننا تانى ليه

ندى :صدقونى مش قادرة اقعد هنا اكتر من كده وكمان كده كده كنت هسافر عشان اعمل الدكتوراه بره

راشد :انسي اللى بتقوليه ده

ندى :لاء ماينفعش ده مستقبلى وحضرتك لازم توافق لانى هسافر بكرا

راشد بصدمة :بكرا لاء وكمان اخدتى قرارك وبتعرفينى كده من باب العلم بالشئ صح

ندى :لاء طبعا بابا لو سمحت افهمنى بس بكرا هسافر اسكندرية ونظبط الامور والباسبور والاجراءات بتاعت السفر ديه هتاخد وقت اكيد مش هتخلص ف يوم وليلة

وبعدين قدر مشاعرى بجد محتاجة ابعد عن هنا

ناهد :طب يابتى اللى بيسافروا دول مش بيجوا غير بعض سنين

وانتى هتغيبى عننا كل ده

ندى :ياماما سبيها على الله واكلمك على النت

وبعد محاولات كثيرا من ندى فى اقناعهم وتعب وافقوا على سفرها واتفقت معهم ايضا انها لاتريد ان يعلم عدى بمكانها ولا احد

واقنعتهم ايضا انها ستسافر من الصعيد الى الاسكندرية بمفردها اعترضوا كثيرا ولكن ندى عندية كثيرا وتستطيع ان تقنع اى احد بأى فكرة

~~~~~~~~~~

فى الصباح

تحركت ندى الى الاسكندرية بعد ان سلمت على اهلها

اما عدى فقد علم ان ندى غادرت الفيلا ولا يعلم الى اين ذهب الى عمه وبصوت عالى :عمى ندى فين

راشد :سافرت

عدى بعصبية :سافرت فين ومن غير ماتعرفنى

راشد :ماتعليش صوتك فاهم وبعدين انت مين عشان تقولك

عدى بنفاذ صبر :راحت فييين

راشد :شئ مايخصكش وماتحولش تعرف مش هتلاقيها

عدى :انا هلاقيها بطرقتى

صعد عدى الى غرفته واتصل باحد الاشخاص :حالا تجبلى خط سير كل العربيات من الصعيد للاسكندرية او كل اللى خارجين من الصعيد والكاميرات بتاعت الطرق فااااهم

قفل الخط وبعد ثوانى اتصل عدى بشخص مرة اخرى واعطى له بيانات السيارة وعلم انها سيارة ادم وادم هنا معنى ذلك ان ندى هى من فى السيارة

عدى بأمل :ايوا هى

الشخص :للاسف العربية عملت حادثة جامدة واخدوها على المستشفى

صدم عدى :انت بتقول ايه ياحيوان انت مستحيييل

وشعر ان روحه سحبت منه

وساله عدى على اسم المشفى ونزل ركض الى الاسفل وقال لعمه :عاجبك كده لووو حصلهااا حااااجة ده الوقت يعنى

راشد :انت بتقول ايه

عدى بحزن وتجمعت الدموع ف عينه :ندى عملت حادثة

وفى المستشفى ده الوقت

صدم الجميع واستقلوا سيارتهم وذهبوا واولهم عدى وقد وصل الى المشفى بسرعة كبيرة

ويدعى ربه ان تكون بخير اجل ستكون بخير وايضا العائلة خائفين بشدة وصلوا الى المشفى وذهبوا الى الاستقبال وقالوا لهم ان الحالة كانت خطيرة وقالوا لهم ايضا على مكان غرفة العمليات وذهبوا

وعدى كاد قلبه ان يتوقف من الخوف والدموع فى عينه تأبي النزول

كان الجميع خائفين وقلقين على ندى ويبكون مرام وايتن وناهد

عدى بالم :محدش يعيط هتبقى كويسه

ادم بدموع وحزن :كل بسببك انت لوماكنتش عملت كده ماكنش هى طلبت تسافر ولا عملت حادثة

راشد بحرقة :لو حصلها حاجة مش هسامحك ابدا كله بسببك انا وافقت اسفرها عشان ابعدها عنك عشان بتجرحها دايما بتصرفاتك

ايتن ببكاء 

 :ندى اكيد هتبقى كويسه صح

ذهب اليها احمد واحتضنها وظل يواسيها

وعدى قلبه يؤلمه بشدة على اتهامهم بالذى حدث لحبيبته 

ولكن هو الان باله وقلبه وعقله مشغولين بندى 

خرج الطبيب :انتوا اهل المريضة

اومأ الجميع

الدكتور :طيب عايزين حد قريب منها يتبرع لها بدمه اخوها مثلا اختها كده عشان هى نزفت كتير اوى

ذهب ادم معه واتبرع لها بالدم

وبعد فترة خرج الطبيب وذهب اليه الجميع بلهفة

عدى بقلق وسرعة :ايه يادكتور هى كويسه مش كده طمنا

الدكتور باسف :احنا عملنا اللى علينا بس للاسف قلبها وقف فجاءة

البقاء لله

صدم الجميع 

لم يتوقعوا ابدا هذا الرد من الطبيب مستحيل ان تكون ندى ماتت

تصلب عدى مكانه ولم يستوعب الكلمة بعد

بينما ناهد صرخت بشدة :لاااااااااء اااااااه يارب بنتى لييييييه كده بعد ماترجهااالى تاخدهاااااا منى تانى 

راشد ببكاء وحسرة احتضنها 

:استغفرى يا ناهد ماتعترضيش على امر ربنا ده عمرها

مرام :

ااااادم لااء ندى ماتت مستحيل لييه 

بينما ادم وقع على الارض من شدة الصدمة لماااذا انحرم من اخته مجددا ولكن هذه المرة الى الابد 

ايتن بحرقة :لاء مش هينفع تموووت وتسبنا ميين لما نضايق هيواسينا ويحتوينا 

مرام :كانت دايما لما تكون واحدة مننا زعلانة من حاجة كانت بتصالحنا وتصبرنا مين هيصبرنا ده الوقت 

ايتن :

وبتضكنا دايما وتقعد تغلس عليا انا واحمد ماكنتش بضايق منها والله هى ترجع وانا مش هضايقها تانى 

ايتن بحرقة : لو ماكنتش زعلتها ياعدى ماكنش ده حصل ولا كانت ماتت

مرام ببكاء :لااء يا ايتن اكيد عايشة مش هتموت وتسبنا 

ناهد ببكاء :اه صح هى عارفة اننا منحبها وعارفة انى مش هقدر اعيش من غيرها تانى صح ياراشد

راشد :كفاية بقا ياناهد انا مش حمل كده حرام عليكى يارتنى ماوقفت انها تسافر يارتنى

ناهد :

كلمة ماريتنى مش هترجع اللى راح ياراشد بنتى راحت منى ياراشد خلاااص

ادم بتعب وتوهان :انا عمرى ما هسامحك ياعدى 

بينما عدى كان فى عالم اخر كيف تتركه حبيبته بهذه السهولة لمااااااذاااا

اقتحم غرفة العمليات وجدهم يضعوا الغطاء على وجهها ذهب اليهم بغضب :ايييه اللى انتوا بتعملوه ده هى لسه عايشة اكيد مش هتسبنى هى بس زعلانة منى بس هتفوق تانى 

الدكتور :ماينفعش اللى انت بتعمله ده يا استاذ وحرام عليك كده

عدى وهو يتجه الى ندى : ندى 

قومى قومى يالاا ياندى ماتسبينش ارجوكى 

هتسبينى لوحدى ليه بعد ماحبيتك الحب ده كله وموتى وانتى زعلانة منى 

موتى قبل ما تسمعينى ندى قوومى انا ماخنتكيش والله انا بحبك انتى 

انتى بتهزرى معايا صح عشان زعلانة منى بس انتى هتقومى مش كده ندى بطلى بقا انا ما اعرفش اعيش من غيرك كفااية هزار بقا

كان يحركها ويحاول ان يجهلها تنهض ولكن هى لاتستجيب 

يالاقومى علشانى انتى مش هتسبينى صح 

يااااااندى قومى كلهم بيلومونى على موتك مايعرفوش انك اصلا السبب ف حياتى وانى ما اقدرش اعيش من غيرك يلا ياحبيبتى

الدكتور سحبه :حرام عليك اللى بتعمله ده بدال ماتدعى لها بالرحمة شد حيلك كده وقوم

عدى ':مافيش حياة من بعدها ولا من غيرها مش معقول ديه تكون نهايتنا 

نعم انها النهاية نهاية لقصة ندى وعدى ولكنها من الممكن ان تكون البداية لحياة عدى فكل ما نعتقده نحن انها النهاية تكون بداية لحياة اخرى

~~~~~~~~