أحببتك رغم أنتقامك الفصل الثالث 3 بقلم منة محمد
 |
| أحببتك رغم أنتقامك الفصل الثالث 3 بقلم منة محمد |
أحببتك رغم أنتقامك الفصل الثالث 3 بقلم منة محمد
بعد ما تم طرد عاليا واقف مش طايق نفسه
نهله بتمسحله وشه مكان القهوه: بت قليله الادب
خالد: كريم انت الي اتعمدت تضايقها لحد ما تنطرد مظبوط!!!
كريم:اه
نهله بحده وانفعال: وهي تستاهل لانها اطاولت علي اسيادها الزبون يحترم بغض النظر عن مدي غضبها كان لازم تتحمله لكن هي معرفتش تتحكم في اعصابها
خالد احددت عليها: نهله لوحد أهان امك او ابوكي هتفضلي ساكته في مكانك
نهله بعنجهيه وكبر: بس انا عمري ماحكون شغاله عند حد
خالد: مش ملاحظه انك منحازه لكريم
كريم بحده: وانت صاحبي المفروض تقف في صفي مش ضدي
خالد: انا واقف مع الانسانيه ولو اخدت حيز هاخد حيز البنت
حسن: كريم اعتقد ابوك عمل كدا ربما عنده سبب كنت لازم تسمعه
كريم: ايه السبب ولا هي اعذار والسلام وانا خلاص قررت ان البت دي وامها لازم يخرجوا من البيت يعني لازم والبنت المحتاله دي هخليها تدفع التمن هي وامها وغالي
...........منه محمد......
ندي: نعم يا عنيا انطردي انتي يا بت نحس مفيش كلام تروحي تعيشي مع عذرائيل ده في بيته ده انتي حفيتي عشان تلاقي شغل تقومي من تاني يوم تنطردي المهم ناويه تعملي ايه
عاليا اتنهدت: حعمل ايه هدور علي شغل
ندي مدت شفايفها لقدام: حياتك كلها صعبنيات ومشاكل عارفه لما بسمعك بتعب بالنيابه عنك
عاليا عيونها دمعو: اعمل ايه فقريه
ندي: طيب مش جوز امك طلب منك تقعدي وتاخدي منه مرتب
عاليا برفض:لالالا انسي انا مش بحب اعيش عبأ تقيل علي حد لالا
ندي: طيب قادره علي الحرب والقتال
عاليابأصرار: ايوه ومجهزه كل اسلحتي
ندي بسخريه: شكلك ولا فيك حيل حتي تمسكي مبرد ضوافر
عاليا ببتسامه: فعلا انا يمكن اكون عكس امي عارفه الست دي قبلت مشاكل مالهاش عدد يمكن اد سنين عمرها لكن مع كل ده كافحت وعمرها ما اتخلت عني
ندي بجديه: عاليا لو مش قادره تتحملي روحي قولي لـ ابوه خاليه يتعامل مع الشحط الي خلفوه يرازي في خلق الله يمكن يديلو شلوط يفوقه
عاليا: لا انا مش ناويه ادخل عمو عاصم في مشاكل معاه
ندي بنص عين: دي شفقه ولا خايفه الراجل يزهق
عاليا: لا بس كل الحكايه مش عايزه اكون سبب في فجوه بينه وبين ابنه وكمان عشان خاطر امي
ندي: اوك بس خدي بالك جدا لان الولد ده شكله مش سهل وعلي صله مع الشيطان وانتي مستهدفه منه!!!
عاليا: عارفه
ندي: ومن هنا ورايح هيتعمد يضايقك
عاليا ببتسامه: وانا برضو حد يقدر يأذيني
ندي:شريره بس لو عوزتيني في اي خناقه انا معاكي اوعي تترددي حكون سعيده وانا بسندك
عاليا بغمزه: لسه الوضع تحت السيطره يا معلمي
ندي صقفت بطريقه المعلمين: حلاوتك ربنا معاكي
.......منه محمد....
رجعت البيت بتقدم رجل وتأخر التانيه ولما قربت شافت دراجاته واقفه وقفت متردده
عاصم شافها وهو خارج : ليه رجعتي بدري عن معادك
عاليه بربكه: ها اه اصل قلقت علي ماما قلت ارجع بدري
عاصم : طيب ليه مدخلتيش
عاليا ببتسامه: لا داخله اهو
عاصم: ولا خايفه تشوفي كريم
عاليا : لا مش خايفه لان لو خوفنا مش هنعرف نعيش
عاصم اتنهد: انا فاهم بس صدقيني انا ححاول اعمل كل الي اقدر عليه عشان احميكم بس انتي كمان ساعديني بمعني لو فيه اي حاجه عرفيني حتي لو كان الموضوع مستفز ويحرق الدم
عاليه بعيون زايغه متردده: لا مفيش
عاصم: متاكده
عاليه: اه متأكده
عاصم: اصل شكلك بيقول غير كدا
عاليه: لا انا تمام وزي الفل بس مرهقه من الشغل وكدا
عاصم بشك: تمام يله ادخلي
عاليه: اتفضل حضرتك اصلي حكلم ندي وداخله وراك
عاصم بصلها شويه ودخل قبلها
لقت الي بيشدها جامد وري الملحق البيت
عاليه اتجمدت من الخوف بس بينت العكس: انت عاوز ايه؟؟!!
كريم: تفتكري حكون عاوز ايه؟؟!!حبيت ارفع امالك و قررت احط من نفسي واقضي ليله معاك هخليكي فيها سعيده جدا لدرجه تنسي عشاقك السابقين بس لما تاخدي مزاجك تاني يوم تخرجي من البيت
عاليه ضربته في حته حساسه :احلم انك تلمسني واختفي من وشي لصرخ والم الخلق عليك
كريم: كدا طيب نامي زي التعلب مغمضه عين ومفتحه التانيه لحد ما تخرجي من هنا
عاليا بغرور: وانا حتغلب علي نرجسيتك فستعد لاني مش خايفه منك الشغل وطردتني منه بس خروج من هنا احلم يا شاطر
كريم:عامله نفسك ذكيه
عاليا: بصتله وماشيه قام شدها وزقها في الحيط وحاصرها بين ايديه ومال عليها
عاليا: انت حتعمل ايه
كريم عضها من كتفها: ده اخر تحذير
عاليا بألم: الكلب مبيعرفش غير ينبح مبيعرفش يعض
كريم: يعني انا كلب
عاليا: ايوه
كريم ميل عليها : متخلنيش قاتل وايدي مليانه بدمك
عاليا زقته: ابعد عني ياجبان
كريم: انا جبان
عاليا: ايوه الي يعتدي علي واحده ست يبقي جبان وعقله صغير
كريم بوعيد: كدا استعدي واتعاملي معايا يا ام عقل كبير وزقها بقرفه
.........احببتك رغم انتقامك......منه محمد
وقت الغداء نبيله واقفه مندمجه في تحضير الاكل
سعاد: الله ريحه الاكل حلوه اوي
نبيله ببتسامه: انا طول عمري بحب المطبخ
سعاد: عارفه كريم بيه بيحب ريحه الاكل الحلو ده اوي واكيد هيعجبه ويحبه كمان
نبيله: رغم اني بعشق المطبخ بس مبعرفش اعمل اصناف كتير يعني مجرد وصفات بسيطه بس احسن اكله المسقعه دي اكلت عاليا المفضله
سعاد: ياه ده انا بعشقها وخصوصا وهي مشطشطه كدا
عاليه دخلت: بتقوله ايه عني
سعاد ضحكت: بريئ يا بيه
عاليا: ماما ليه بتجهزي بنفسك اتفضلي روحي ارتاحي وانا حكمل
نبيله: يابنتي زهقت من الرقده قلت اعمل الغداء النهارده بنفسي
عاليا كشرت: ماما لو سمحتي لازم تهتمي بصحتك ارجوكي
نبيله: حاضر اوعدك بعد ما اخلص الاكل ههتم بنفسي المهم طمنيني اخبار الشغل كان متعب
عاليا: ياه ناس داخله وناس خارجه
نبيله: طيب لما زحمه انتي ليه راجعه بدري
عاليا بتوتر: ابدا حصل حاله وفاه لصاحب الكافيه وطلب مننا ناخد اجازه
نبيله بشك: بس وشك بيقول غير كدا
عاليا بمزحه: بيقول ايه هو بيتكلم
نبيله: عاليا فيه ايه يا بنتي
عاليا: والله ما فيه حاجه انا زي الفل حتي مش تعبانه وعندي طاقه اقف اساعدكم كمان
نبيله: كدا تعالي ساعديني وهاتي الحله من علي النار
عاليا راحت ترفع الحله الي وصلت لمرحله الغليان لقت حاجه ضربت الحله وايدها انكبت الميه وايدها اتحرقت
سعاد صرخت: انسه عاليا انتي بخير
نبيله بخوف وفزع: بنتي انتي كويسه حصلك ايه؟؟؟ ورفعت عيونه وبصتله بغل نفسها تاكله بسنانها وملامحها اتحولت زي الاسد
كريم ببرود: اوه سوري فلتت مني غصب عني هي حرقتك
عاليا بألم: انت عملت كدا قاصد صح
كريم: اه عاوز اعمل مشكله عندك مانع
نبيله : خلاص يا عاليا تعالي خاليني اشوف الاول ايدك اكيد بتوعجك سعاد ناوليني الاسعافات بسرعه
عاليا: امي انا بخير والله( وقربت منه) حتي الطريقه دي مش هتنجح لاني مش خايفه منك لانك كائن معندكش قلب
كريم ببتسامه كلها استفزاز: بجد
نبيله بصراخ: لو كنت مضايق عاقبني انا بس بنتي مالهاش ذنب
كريم: جميل عرض الحنيه عجبني اوي وجاي يضربهم كلهم صوتوا
عاصم مسك ايده: انت مجنون ازاي عاوز تمد ايدك علي نبيله
كريم ببرود:انا لسه معملتش حاجه لحد دلوقت!
سعاد:لا عملت حرقت ايد الانسه عاليا
كريم:انتي اخرسي
عاصم بغضب:انت دمرت المطبخ وأذيت نبيله وبنتها ولسه عندك الجرئه تقول معملتش حاجه انت راجل ولا عيل محتاج تتضرب وتتعاقب
كريم بكل وقاحه:تمام انا قاصد اضربني يله
عاصم بأمر: اعتذر حالا
كريم: ليه اعتذر
عاصم جز علي اسناه: كريم كفايه وقاحه واعتذر ومتبقاش مجرم
كريم: اسال نفسك في الاول انت علمتني ايه غير الاجرام والقسوه فلو كنت كدا البركه فيك
عاصم: اعتذر
كريم لف وبرقلهم: مستحيل ولو الاشكال دي هتفضل هنا فيستعدو للاكتر
عاصم رفع ايده يضربه
كريم مسك ايده ونزلها بعنف: حتي لو ضربتني لحد الموت مش هعتذر فاهم وسابه ومشي
...........منه محمد......
في المطعم الخاص بخالد قاعد مكشر لقي الي بيضربه في دماغه
خالد: ليه قاعد مكشر كدا
كريم ببتسامه: ياغتت
خالد: وايه الي جابك عند الغتت
كريم: الحق عليا محبتش اروح السينما لوحدي
و ساكت وغارقان في تفكيره
نهله: مالك ياكريم من اول ما قعدنا وانت بتسرح كتير
خالد: انا عارف ليه كريم حالته عامله كدا
نهله: تقصد ايه؟؟!!
خالد: اكيد البنت بتاعه الكافيه ومش بعيد الكرهه يقلب لـ اعجاب
نهله اتفزعت كأن لدغها عقرب: كريم بجد انت بتفكر في البنت دي
كريم: لا طبعا انتم مجانين انا بس قرفان منها من يوم ما دخلوا حياتنا اتغيرت في يوم وليله
نهله: لكن اسلوبك وسرحانك بيقوله عكس كدا
كريم: عكس كدا الي هو عامل ازاي؟؟
نهله: يا بتسرح كتير يأما متنرفز او متضايق
كريم نفخ بخنقه: نهله ممكن تسبيني لوحدي وقام يخرج من المكان حتي لما قابل حسن اتجهاله تماما
حسن سحب كرسي وقعد: ماله كريم ليه مزاجه بقي مقفل
خالد: خصوصا اليومين دول والاكتر بعد موقف الكافيه
حسن: فعلا انا قلقان عليه نهله حاولي تتكلمي معاه
نهله همست بضيق: حاولت لكن مش عارفه اتعامل معاه كل ما اسأله عشان يتكلم يسبني ويمشي وفي سرها( معقول تكون البنت دي هي السبب ده انا كنت خنقتها)
حسن: طيب لما انتي القريبه منه مش عارفه تتعاملي معاه احنا هنعمل ايه
وقام يرحلو
........منه محمد....
في المطعم بعد ما قام حسن يروح لكريم!!!
خالد: كريم عارفين انه شخص مهم عند نهله بس ياتري نهله عنده مهمه برضو؟؟!!
نهله: طبعا مهمه لانه كريم كل تفكيره فيا انا
خالد: انتي متأكده ياريت تفكري في نفسك اكتر
نهله: افكر ليه وانا عارفه ان كريم بيحبني
خالد: ايه الي مخليكي متأكده اوي كدا
نهله: لان البنت الوحيده القريبه منه حتي لو فيه بنت تانيه بتحاول تقرب منه فأنا هبعدها لانه بتاعي انا
خالد ضحك علي جنب: عادي انتي اصلن كل واحده بتحاول تقرب منه بتتخلصي منها
نهله: اظن عندي حق في ده
خالد: انهي حق فهميني
نهله وقفت بغضب: لانه حبيبي انا وليا لوحدي انا
خالد: لو كنتي بتفكري بالطريقه دي وانت سعيده فالامر راجعلك بس خالي بالك لتزعلي اوي
نهله: عمري ما حزعل ابدا ريح نفسك ورجعت قعدت وكلها حيره وعدم ثقه في حب كريم ليها!!!!
...........منه محمد........
حاسه بالزهق والملل بيقتلها وزعت نظراتها في الغرفه بملل
قالت تنزل تتمشي في الجنينه شويه بالفعل اتحمست ولبست طرحه ونزلت وهي بتتمشي سمعت صوت جاي من عند حمام السباحه اتسحبت بخطواتها تشوف مين
لقته كريم بيعوم ببراعه كسباح محترف عجبها منظره طول عمرها نفسها تتعلم فن السباحه وفن الموسيقي وفن الطبخ عندها مواهب كتير ومتعدده لكن الايد دايما قصيره وهي سرحانه جوه احلامها الورديه الي اغتالها الفقر والحوجه لمحها !!!!
كريم بصوت فيه قسوه :انتي بتعملي ايه هنا؟؟!!
عاليا برتباك وتوتر: كنت بتمشي
كريم: بتتمشي ولا حابه تنضمي وغمزها
عاليا: وقح انا لقيت نفسي مخنوقه قلت انزل اشم شويه هواء
كريم: ههه ماشي يامخنوقه حابه اعلمك السباحه تعالي هتتدمنيها صدقيني
عاليا نخت علي ركبها علي طرف الحمام: انت ايه مشكلتك معايا
كريم عام لعندها وسند علي حرف الحمام : امشي وانا ميبقاش عندي مشاكل
عاليا: مش هسمع كلامك رغم ان انا مقدره المجهود العظيم الي بذلته عشان امشي
كريم: براحتك بس ده بيتي وحعمل فيك كل الي انا عاوزه اظن انا حذرتك
عاليا: اياك تقربلي انت سامع
كريم: انا مش باخد امر منك و لما بحط حاجه في دماغي محدش يقدر يوقفني
عاليا وبنظرات بتحدي يعني ماخوفتنيش : وانت بلاش تستهين بيا
كريم في لحظه غدر لماشافها واقفه بغرور ونظره التحدي رشها بالميه في وشها وشدها للحمام فضلت تتخبط جامد وهو فضل يضحك عليها
عاليا بستعطاف : طلعني انا مش بعرف اعوم
كريم: افكر
عاليا: اياك تعمل كدا وتسبنـ وبدئت تغوص لتحت لان حصلها شد عضل وشافت نفسها بتغرق لانها مش بتعرف تعوم حاولت تحرك رجولها علشان ترتفع بس ماقدرتش إذا ارتفعت رجعت غاصت تحت خلاص انفاسها بتتكتم تماما و خلاص بتموت
كريم بيبيص لقاها اختفت للقاع نداه بعلو صوته: عاااليا وقفذ يلحقها وغاص لقاها تحت مش قادره تتنفس بس الغريبه انه لقاها مستسلمه تماما للموت مسك وسطها وطلع بيها لسطح الحمام واخدها في حافته يفوق فيها شهقت عاليا وفتحت عيونها وهي بتكح وحلقها وجعها مش قادره تشوف قدامها من الغشاوه والزغلله اللي مغطيه عيونها
لما اختفت الغشاوه والزغلله اتعلقت عيونها بعيون عسليه بصالها بخوف بعدها استوعبت وشافت وشه قريب من وشها لفت وشها الناحيه التانيه كحت بقوه وعيونها غرقانه دموع
حست بإيد كريم وري كتفها وصوته العميق بنبرة خوف:عاليا إنتي بخير
وكان بصصلها بنظرات إرتعش جسمها منها وحست بحراره في جسمها من لمسته وصوته
كريم بعد شعرها عن وشها وبيحرك صوابعه داخل شعره االأسود الكثيف: كنتي هتعملي ايه لو مكنتش انا موجود وساعدتك
عاليا سنانها بتصك في بعضها: كنت حموت بس
كريم مقدرش يمسك نفسه وانفجر في الضحك بصوته الساخر : بس انا مش عاوز تموتي هنا
عاليا: ولما انت نفسك اموت ليه طلعتني
كريم بقرفه: انا اه بكرهك كره العمي بس معنديش استعداد اشوف جثتك
وبعدين حبيت اعلمك درس علشان تحرمي تبقي فضوليه وتتحشري أو تتجسسي علي حياه الناس الخاصه ضيفي عليهم عشان تبطلي تتحديني يا تافهه
عاليا مقهوره : انت الي محتاج تفوق من رخامتك الي بتمارسها علي الخلق
كريم بنظرات من فوق لتحت باحتقار: اتعودي بقي علي رخامتي لاني هسيبك تموتي المره الجايه ولا يمكن تفلتي تشاو وبصلها ببروود ودخل
رايكم ونبدء في الصراع .
تعليقات
إرسال تعليق