رواية أين منزلي الفصل التاسع والثلاثون 39 بقلم ندى حسن

وشعرت بالم فى قلبها وسقطت دموعها 

ندى ببكاء:

عدى...ّ.ا ....انا..عايزة .....اروح يا اسر اطمن عليه

اسر بحزن :اهدى ياندى هاخدك ليه بس اهدى

ندى :اهدى ازاى بيقولك اغتيال ونادرا لما حد بيطلع عايش من محاولات الاغتيال ديه

خالد؛:يالا بينا نروح ياندى

ذهبوا الى المشفى

ظلت ندى تركض وهى تبكى

 وذهبت الى الاستقبال واخبروها اين هو ركضت الى الغرفة بسرعة

انصدمت ندى

 لانها وجدته وافق فى الشرفة وينظر الى الخارج ويعطى ظهره لها

ندى ببكاء وصدمة وفرحة ايضا انه امامها بخير:عدى

التفت لها عدى ونظر لها بشوق ':كنت مستنيكى

ندى تقدمت منه بخطوات :انت كويس ماحصلش حاجة مش كده صح فيك حاجة ..حاجة بتوجعك

عدى ببسمى ':انا كويس الحمد لله

ندى :اومال ايه 

........

اسر وهو يدخل :اظنى كده بقا كفاية زعل

ندى :انت اللى عملت كده يا اسر

اسر وهو يتذكر ذلك اليوم الذى ذهب فيه لعدى ف الشركة

~~~فلاش باااك~~~

يضع عدى يديه بين راسه وظل يفكر حتى طرق الباب

عدى بعصبية :مش قلت لك مافيش حد يعطلنى

اسر وهو يدخل :انا اعطل اى حد براحتى

نظر له عدى باستغراب وعصبية 

اسر :طب مافيش نورت ولا اهلا ولا تشرب ايه

ولا اي حاجة خالص كده

عدى ببرود :اتفضل

اسر :انت عصبي كده ليه ياعم

عدى :انا كده

اسر :ولا من ساعة ما ........

قاطعه عدى : مش عايز كلام فى الموضوع ده الموضوع اتقفل وخلاص

اسر:انت مرتاح كده يعنى

عدى :وهى راحتى تهمك ف ايه

اسر :اقولك على حاجة

عدى :قول

اسر :فكك من سوء التفاهم اللى بينا ده من ساعة ماشوفنا بعض لحد النهاردة

عدى ببرود:تمام ماشي وبعدين

اسر :ندى

عدى :ندى مالها يعنى عايشة حياتها كويسه وبتروح كليتها وبتسافر الصعيد وعايشة حياتها طبيعى فى ايه يعنى

اسر :مين قالك كل الحاجات ديه بقا

صمت عدى

اسر :مفكرنى اهبل ياله ولا ايه مش عارف انك بتروح وراها ف كل حتة وتعرف هى راحت فين وجات منين وانت بتمشي ورانا بعربيتك

عدى باستغراب: وانت عرفت منين

اسر :انا مش بمشي معاهم حيطة كده وخلاص بمشي معاهم بكون عارف ايه اللى بيحصل حوليا عشان احميهم واحافظ عليهم المهم

عدى :ايوا ايه هو بقا المهم

اسر :ندى صحيح بتروح الكلية وبتيجى بس مش عايشة حياتها طبيعى مش مهتمة ولا باكلها ولا شربها وطول الوقت سرحانة ومكشرة ومابقتش بتضحك كده زى الاول

حزن عدى من اجل ندى ':والمطلوب منى مش بإيدى حاجة اعملها

اسر :لاء بايدك انت........

قاطعه عدى :الموووضوووع ده خلص وقفلناااااا عليه

اسر بعصبية :لاء ماخلصش لو كان خلص كنتوا كملتوا حياتكم طبيعى

عدى :هى اللى عملت فينا كده انا اعتذرت اكتر من مرة

اسر :معاك حق بس انت برضو غلطت كتير

عدى :وانت لو كنت مكانى كنت هتعمل ايه لو حبيبتك اللى هى مراتك ده الوقت لو اعتقدت انها السبب فى اللى حصل ف ندى

اسر بهدوء:كنت هروح واسالها الاول وماكنتش هلومها غير لما اعرف ايه اللى حصل وماكنتش ف الرايحة والجاية اسم بدنها بكلام زى السم وطردتها من المستشفى

عدى :عارف انى غلطت كتير واعتذرت كتير برضو تمااام ومش ف ايدى اعمل حاجة تانية

اسر :خد بالك انا جتلك عشان عارف انك بتحبها ولو ماكنتش متاكد من كده ماكنتش جتلك اصلا

عدى بحزن : تعرف ان ندى ولا مرة قالت لى انها بتحبنى او وضحت لى حتى انها بتحبنى

ضحك اسر 

:عايز ندى تقولك بحبك مرة واحدة بس مش هتقول هالك غير على الاقل لما تبقى جوزها بس انا واثق مليون ف المية وزى ما انت واقف قدامى كده انها بتحبك

عدى:انا بحبها اه بس مش هاجى على كرامتى تانى عشان خاطرها

اسر بمرح :بقولك ايه بطل بقا موضوع بتحبك وبتحبها ده بقا عشان بغير الله يكرمك

عدى بغيظ :لا ياشيخ 

اقعد انا اصلا مفروس منك لله ف الله كده

اسر :خلاص بقا .تعالى اما اقولك بقا نعمل ايه

عدى :اتحفنى

اسر :لسانك طويل ياله

عدى :احترم نفسك

اسر :انا محترم نفسي اهو ياعم الدور والباقى عليكى

عدى :قوم يااض امشي من هنا هضربك

ثم ضحك الاثنين سويا

اسر :والله شكلنا مش هنتغير ابدا وهنفضل نتخانق على طول

عدى :ما انت اللى بتبدا

حكى اسر فكرته لعدى لاجل عمل خبر مزيف انه تعرض لحادث وظل يشرح له خططه

اسر :وسيب الباقى عليا انا بقا

عدى :ليه هتعمل كده يعنى

اسر :هعمل ايه بالظبط

عدى ':يعنى ندى عايشة معاك اهئ يعنى ليه ترجعهالى ونرجع لبعض يعنى مع انها قاعدة ف الاسكندرية يعنى معاك

ابتسم اسر :بص هى اختى اه وبحبها وعايزها تفضل معايا زى ما كنا ومن واحنا صغيريين

شعر عدى بالغيرة منه

اكمل اسر :بس مش هقعدها جمبي يعنى العمر كله ومش هفكر ف نفسي بس واكون انانى انا كمان اتجوزت

ثم ابتسم لذكرى :وقريب ان شاء الله هكون اب ثم ضحك 

والحاجة الوحيدة برضو اللى مافكرتش فيها انه البيت اللى هتتجوز فيه ندى هو بيت اهلها كنت مفكر هتطلع من بيتنا على بيت جوزها اما طلعت على بيت اهلها واحتمال برضو ان بيت اهلها يبقى بيت جوزها 

عدى بصراحة :تعرف انى بغير منك

اسر 

:عارف بس برده ليه

عدى :عشان انت عشت معاها اكتر منى او بمعنى اصح اكتر مننا مع انها بنت عمى انا

~~~~~باااااك ~~~~~~

ندى :يعنى انت اللى عملت كده يا اسر

اسر :ندى ماتتعصبيش ياندى وبعدين خوفك عليه ده بياكد حبك ليه وهو كمان بيحبك ف ليه اللى انتوا بتعملوا ده الدنيا مش مستاهلة والله

ندى وهى مازالت فى صدمتها :طب والخبر

عدى :ياحبيبتى انتى سايبه كل حاجة وماسكة فى الخبر اسهل حاجة ممكن اعملها على فكرة

ندى :انتوا كذبتوا عليا وهنت عليك يا اسر قلبي كان هيقف من ساعة ما عرفت وطول الطريق بعيط وانت ماقلتش برضو

ابتسم عدى عندما قالت قلبي كان هيقف معنى ذلك انها كانت خائفة عليه

اسر :بصى دموعك غالية عليا اه بس مش هشوفك طول الفترة ديه كلها واسكت يعنى انتى اكتر من شهر مش بتهتمى باى حاجة وماتبصيش للموضوع من ناحية الكدب بصيله من وجهة نظرنا احنا

عدى :كفاية ياندى ليه نبعد عن بعض كده واحنا عايزين بعض

ندى :بس انت ........

عدى :واعتذرت كتير وطلبت منك تسامحينى

اخدت ندى نفسها وحمدت ربنا فى سرها كثيرا انه بخير ثم قالت :وانا مواقفة

ابتسم عدى وقال اسر: ياااه اخيرا لازم تقطعى قلبنا كده

ندى: بس بشروط

عدى :هتتشرطى كمان ومن اولها

ندى :اه 

 عندك اعتراض

اسر :اه اه افضلوا اعندوا مع بعض لحد بقا ماتتخانقوا تانى

خليك انت العاقل يا عدى واسمعها

عدى :ما انت هتقف ف صف مين يعنى اتفضلى قولى شروطك

ندى :الثقة اهم حاجة بين الطرفين ياعدى الثقة عايزاك ياعدى تثق فيا ولو شوفتنى بعينك بغلط تيجى تسالنى الاول وماتشكش فيا

عدى ببسمة :حاضر والتانى

ندى :مش تكدب عليا فى اى حاجة تانية بعد كده ولا تعمل مقالب زى ديه

عدى :كانت فكرة اسر

ندى :احم والمهم الباقى مش فكراهم مع الوقت هقول هملك

عدى :هما ايه

ندى: الشروط ياعدى

عدى :هو انا اسمى حلو كده

اتحرجت ندى واحمر وجهها كثيرا

اسر ':انا واقف على فكرة

عدى :اهلا اعملك ايه يعنى

اسر :لم نفسك

عدى بعصبية:وانت مالك ........

قاطعتهم ندى :يالالالاهوووووى كل شوية خناق كده

عدى:لاء خلاص . بقولك انا عايز كتب الكتاب ف اقرب وقت حتى لو بكرا

ندى بصدمة:بكرا بكرة ايه ياعدى بتهزر صح لاء مش هينفع

عدى :ليه يعنى

ندى :كده انا فى الكلية والسنة الاخيرة ومحتاجة تركيز

عدى :انا عايز ف اقرب وقت

ندى :بعد النتيجة ماتظهر ياعم يبقى تانى يوم كتب كتابنا على طول

عدى :لسه بدرى هستنى انا لسه كام شهر ياختى

ندى :طب ماتستني ياعدى ايه المشكلة

عدى :انتى مستفزة

ندى :ميرسي

~~~~~~~~~~~~~~~~

انتهى الترم الثانى ايضا وندى ذهبت الى الصعيد مجددا

ورحب الجميع بعودتها اخيرا

ادم بضحك :

كفارة خلصتى الكلية بقا

ضحكت ندى :قر فيها يا اخويا خلينى بعد الشر بعد الشر بعد الشر اطلع بمواد واعيد السنة

ادم 

:لاء لاء .ناوية على ايه بقا

ندى 

:الله اعلم لسه مش عارفة

هنتجوز طبعا ........ نظرت ندى خلفها وجدته عدى واحمر وجهها

عدى :البلد نورت

ندى بتكبر مصتنع :عارفة

 بس بنورك

عدى بضحكة خفيفة :مش عارف كمية التواضع ديه جايباها منين

احمد بسخرية :ليه يا اخويا ديه حتى هتتجوز الغرور والتكبر كله

ضربته ايتن ف صدره بخفة :اييه اخويا برضو

احمد :

انا جوزك برضو

عدى :تعرف ماتدخلش انت

ثم نظر الى ندى :ممكن تيجى معايا ثوانى

زين:ايوا بقا ياعم مين قدكم

ادم: وبقا عينى عينك كده كمان

احمد بغلاسة :لحظوا انكم لسه ماكتبتوش الكتاب

احمر وجه ندى وتحرجت كثيرا من كلامهم وايضا هم محقين ف عدى جريئ

نظر لهم عدى بغضب :تعرف تخرس منك ليه عايزين ايه يعنى

..تعالى يلا

خرجوا الى الجنينة وجلسوا ولكن على بعد مسافة كبيرة من بعضهم

عدى :وحشتينى

ندى بوجه احمر وخجل :عدى

عدى :عيونه ....بقولك هنكتب الكتاب بكرا بقا وماتقلقيش كل حاجة هتكون جاهزة وانا هظبط كل الامور

ندى باستغراب:بكرا مين ياعم انت

عدى بنفاذ صبر :ندى استنينا كتير وكلية وخلصتى هنستنى ايه تانى ومالكيش حجج تانية

ندى : خلينا بعد النتيجة ماتظهر

عدى باستغراب:على اساس النتيجة هتاثر علي علاقتنا ف ايه

ليه بحس انك مش بتحبينى ياندى

ندى بحزن وتذمر ايضا ايضا :ليه دايما بتقولى الكلمة ديه

عدى بغضب مكتوم :النتيجة هتأاااااثر على علاقتناااا ف ايه ياندى هااا مثلا لو نجحتى مش هتتجوزينى ؟

ندى بصدمة واستغراب:بجد انت مش معقول

عدى بتعب:انتى لو مش بتحبينى بجد قولى لو......

قاطعته ندى : عدى لو سمحت ليه بتقول كده انت مش فاهمنى بص لو اتجوزنا ده الوقت والنتيجة هتطلع واحنا لسه ف اول ايام لينا مع بعض والله اعلم افرض طلعت وحشه هنتغم ليه واحنا.......

قاطعها عدى :ليه بتفرضى الوحش دايما وانا عندى ثقة ف ربنا ثم فيكى وانتى تعبتى كتير واكيد ربنا مش هيضيع تعبك وانتى واحدة عارفة ربنا كويس ليه تفرضى الوحش كده

ندى :ونعم بالله بس انا بفترض كل الاحتمالات عشان اكون جاهزة لأى حاجة وبعدين انت قاطعتنى اكمل بقا

ولو حلوة انا قلت لك قبل كده يوم ماكنا فى المستشفى ان تانى يوم النتيجة نتجوز فلو حلوة يبقى الفرحة فرحتين فهمت

عدى :ولو يعنى بعد الشر وحشه ؟!

ضحكت ندى 

 : شوفت انت اللى افترضت المرة ديه بدات تفهمنى. ولا حاجة ديه إرادة ربنا والحمد لله على كل حال وتانى يوم برده نكتب الكتاب واكيد هفرح وهنسي ساعتها النتيجة

ثم قالت بمرح :هو الواحد بيتجوز كام مرة ف العمر ياعم عدى

ضحك عدى 

ثم ظلوا يمزحوا سويا

بينما كان هناك عيون تطلع عليهم بحقد وغل كبير

نهى بغيظ :شوفى ياماما قاعدين مع بعض ازاى ولما جه قال انهم هيتجوزوا

صفية:اومال انتى مفكرة ايه صحيح بنت ناهد طلعت مش سهلة

نهى بشر :هنعمل ايه ياماما هسيبها تاخد عدى. منى يعنى مش هسمح لها 

صفية: ما انتى واقفة تتفرجى عليهم ويوم ماحولتى تخلصى منها جات ف ايتن ولما قلبتى الموضوع عليها مانفعش وستر ربنا الموضوع خلص وعدى والعيلة نسيوا وانك رجعتى بعدها بفترة كبيرة

نهى :ماخلاص بقا ياماما قولى لى اعمل ايه وانا اعمله

قالت صفية ما الذى سيفعله وابتسمت بشر 

ندى بصدمة :بس ياماما

صفية :هى ديه الطريقة الوحيدة عشان تخلصى من ندى وتاخدى انتى مكانها وانتى حرة بقا استنى بنت ناهد تاخده منك بس اهم حاجة تستنى الوقت المناسب

ثم ابتسموا الاثنينةبخبث وشر واضح عليهم

~~~~~~~~~~~~~~~~

مر حوالى اسبوع

فى الصباح كانت ندى متوترة كثيرا النتيجة ثوانى وتظهر

واسر سوف يتصل بها ويخبرها

وفعلا بعد ثوانى اتصل بها اسر

ندى بخوف :السلام عليكم

اسر :وعليكم السلام ورحمة الله وبركاته ازيك

ندى بقلب يدق بشدة :هو ده وقته الحمد لله كويسه وانتوا عاملين ايه

اسر :الحمد لله والج......

ندى بتعب :اعصابي باظت يا اسر اتكلم بقا مش وقته النتيجة ظهرت صح

اسر وصوت واضح عليه الحزن :ايوا

جلست ندى على السرير بحزن وتعب من نبرة اسر :طب ايه

حتى لو مش كويسه قول يا اسر قلبي هيقف

اسر وتغير صوته الى فرح :مباااااارك ياااانووووووودى الاولى على دفعتك

ندى وقد نزلت دموعها من الفرحة: بجد يا اسر مش بتهزر صح

اسر بضحك :هو انا ههزر ف حاجة زى ديه برضو مبارك ياحضرة المعيدة

بارك لها خالد والجميع ايضا وفرحوا من اجلها وهى سالت اسر عن نتيجته فقال لها امتياز كالعادة وميار ايضا من الاوئل على الدفعة باركت لهم

ثم ذهبت وتوضئت وصلت ركعتين شكر الى الله

كان اول شخص تريد ان تفرحه بهذا الخبر عدى وايضا معنى ذلك ان زواجهم سيكون فى اقرب وقت ولكن عدى فى هذا الوقت يكون نائم ولايصح ان تذهب بمفردها الى غرفته

ترددت كثيرا قبل ان تذهب الى غرفة احمد وايتن ولكنها من فرحتها ذهبت اليها وطلبت منها ان تذهب معها الى غرفة عدى

استغرب ايتن :ليه فى حاجة ياندى

ندى :تعالى وانتى هتعرفى بس معلش ازعجتك

يتن ببسمة :عيب يابت ماتقوليش كده احنا اخوات ومافيش ازعاج لا حاجة. بس فى ايه

ندى بفرحة : ماتقلقيش عايزة اقول حاجة لعدى وماينفعش اروحله اوضته لوحدى

ايتن :حاجة ايه 

ندى بضحك :بت بطلى فى ايه. هتعرفى تعالى بس اصل عايزاه اول حد يعرف واعملها له مفاجاة حتى لو هصحيه

ضحكت ايتن :طيب ياستى يالا

ذهبوا الى غرفة عدى وفتحوا الباب ودخلوا

وندى اتجهت الى فراش عدى هى وايتن ولكن الصدمة شلت قدمها هى وايتن

انصدمت ندى كثيرا وايضا شعرت ان قلبها يؤلمها وتحطم 

وايضا ايتن التى لا تستوعب ما رأت 

~~~~~~~~~~