رواية أين منزلي الفصل الثامن والثلاثون 38 بقلم ندى حسن

ندى ببسمه: اطمن يا بابا ما تقلقش مش هاسيب ايتن غير لما تبقي كويسه وتتحسن

ثم تركت يديه وخرجت ندى الى خالد

خالد: انا مش بجبرك على الحاجه يا ندى دي حياتك ودول اهلك وقعدتك مع عدي وانا هنا و بيعاملك كده ما بالك بقى لما امشي انا خايف عليكى وقلقان مش اكثر وانا مش هاخدك غصب عنك ده مش من حقي اولا

وثانيا قلت لك الكلام ده وقت عصبيه ف اللي يريحك اعمليه يا حبيبتي

ندى بسمه :اولا حضرتك لك الحق زيهم بالضبط ثانيا ما تخافش على بنتك

بنتك بميت راجل وحضرتك عارف اني اعرف اجيب حقي كويس ومش هسمحله يجي عليا تاني وثالثا بقى وده الاهم انا هفضل هنا لحد ما اطمئن عليها و تانيب ضمير يروح رابعا بقا خلاص فتره قليله والترم التاني هيبدا وهاجي اقعد بقى براحتي عندكم

نهال بحنان :هو ده الصح يا بنتي طب وانتى هتعملي ايه مع عدى

نظرت لها ندى وقالت بجمود عكس مابداخلها: مش هعمل حاجه العمل عمل ربنا بس من المؤكد ان مش هسامحه بالسهوله دي ابدا

خالد: انا عندي ثقه فيك انك هتقدري تتصرفي صح

ندى بسمه: ان شاء الله سلم لي على اسر وميار كتير

خالد :الله يسلمك يا حبيبتى

ندى: سيب ملك وكرم هنا يا بابا وانا ٣او ٤ايام يعني بالكتير وهرجع اسكندريه واجيب هم معايا.

وافق خالد على طلب ندى

~~~~~~~~~~~~~~~~~

سافر نهال وخالد . وايضا تطمئنت العائله على ايتن وذهب الجميع الى البيت وظل عدي وطبعا احمد وزين وادم ومرام مع ايتن

وندى ظلت بالخارج وكانت تتحدث مع اسر وتطمن عليه هو ميار

ايتن: 'ممكن افهم بقا ايه اللى حصل وندى مش قاعدة معانا هنا ليه مع انها بره ماروحتش معاهم

عدى :بتسالى عليها ليه وهى السبب ف اللى حصلك

ايتن :انااا مش فاهمة انت ماسك ف الكلمة ديه كده ليه هى السبب هى السبب مين قالك الكلام ده على فكرة ندى ماجريتش ولا حاجة ندى كان زمانها هى اللى مكانى ده الوقت

عدى 

:قصدك ايه

ايتن :قصدى هى اللى كانت ماشية قدامى وماكنتش اخد بالها من العربية وكانت هتخبطها والصراحة مافكرتش غير فيك ندى هى اول واحدة تحبها وتدخل حياتك كان همى بس انى انقذها يعنى ندى كان زمانها مكانى ده الوقت انا اللى بعدتها عن العربية مش هى اللى جريت زى ما انت بتقول

احمد وهو يتمتم ؛:وانا اولع صح تنقذى مرات اخوكى وانا عادى

صدم عدى من كلام ايتن فكم من الاتهامات وجهها الى ندى ولمها كثيرا هو حقا جرحها كثيرا

ادم بغضب :لاء ازاى مايكنش عدى لو مالمهاش وزعقلها خد بالك كنت ساكت لك بس عشان عارف ان ندى ماتعملش تصرف زى ده ابدا بس كنت مستنى ايتن تثبت برائتها عشان اعرف اتكلم وادافع عنها وخلى بقا نهى تنفعك وتصدقها

لعن عدى غبائه ونهى ايضا كيف يصدقها

ايتن:ياااه برئتها هو الموضوع كبير لدرجة ديه ونهى دخلت فيه كمان

ادم بسخرية:كبير بس ده فضل يوم الحادثة وطول الاسبوعين يقولها كلام يسم البدن ويحرق دم الواحد الله يحرق دمه

عدى :ده مين اللى يتحرق دمه ياااض

ادم :دمك انت ياعدى عايز حاجة اكتر من كده تصدق كلام نهى لييه ها ماسالتش نفسك نهى شافتهم فين وعملت كده ليه اصلا يا اذكى خلق الله المفروض انك راجل اعمال كبير وعندك مخ تفكر بيه وبتفهم

عدى بغضب:ادم تعديت كل حدودك

ادم :واللى عملته مع ندى ده اسمه ايه انت معاها تخطيط كل الحدود وابقى قابلنى بقا لو عرفت تخليها تسامحم بسهولة

ايتن:ليه عملت كده ياعدى ده نصيبى

عدى :انتى عارفة انى بحبك قد ايه وما اقدرش اشوف فيكى خدش حتى مابالك بقا كنتى عاملة حادثة دخلتى ف غيبوبة

انتى مش اختى الصغيرة بس انتى بنتى ودلوعتى اللى مش برفضلها طلب كنتى عايزانى اتصرف ازاى ماكنتش شايف قدامى والحزن عليكى كان مالى قلبي

ايتن:لو بتحبنى كل ده بجد اعمل المستحيل عشان تصالح ندى فاهم وتحددوا فرحكم تانى ف اقرب وقت

ادم بضحك :ماعشتش مع اختى كتير اه بس عرفت شخصيتها كويس وابقى قابلنى لو عدت هالك كده بسهولة

عدى :غور يلا من هنا جاتك القرف ف رشلك ارشل فيها

ثم ركض يبحث عن ندى و وجدها بالجنينة الخاصة بالمشفى سرحانة

وقف يتاملها كثيرا واخير نطقها وقال:اسف

اغمضت ندى عيونها بعد ان سمعت صوته لاء وايضا يعتزر منها من الواضح ان ايتن اخبرته

استدارت له ندى ونظرت له وياليتها لم تستدير نظراتها كانت تحرق قلب عدى ومن الواضح انها لم تسامحه بهذه السهولة

ظلوا ينظروا لبعض فترة طويلة كانت نظرات ندى تحمل الكثير من المعانى نظرة الم وحزن وكسرة وخيبة امل

وعدي ينظر لها نظرة اسف وندم

واااااااه ياعدى ااااااه ليت الندم ينفع بشئ وليت الاسف يصلح الثقة الذى كسرتها بيننا

واخيرا تحدث عدى :اسف انا اسف بجد حقك عليا

ندى بجمود على عكس مابداخلها وبسخرية:مييين ده اللى بيعتذر منى ده عدى الحسينى بذات نفسه بيعتذر

ثم قالت بالم وصوت عالى :

عددددى اللى اتهمتى بحاجة ماليش ذنب فيها عدددى اللى كااااان كل يووووووم والتاااااانى يهنى ويقولى كلام زى الزفت ويتهمنى ب اللى حصل لاخته 

عددددى اللى طردنى من المستشفى اكتر من مرة وعددددى برضه اللى اتهمنى انى جاية اشوف اخته ماتت ولا لاء

ثم سقطت دموعها الذى كانت تخفيها

وبحزن شديد قالت :

عدى اللى قالها لى فى وشى واتمنى انى ماكنتش ارجع ل اهلى اااه لو عرفت الكلمة ديه وجعتنى قد ايه 

ومعنى كده انك ندمت على حبك ليا 

قولت لى انك بتحبنى فين الحب ده هااا ده من اول مشكلة بينا اتخليت عنى وماصدقتنيش ازاى كنت هتتجوزنى ومافييش ثقة ازاى هااا اتكلم ماتفضلش ساكت كده

انت مش طبيعى ياعدى ابدا مش طبيعى المفروض اننا كنا نتجوز صح. بس انا بحمد ربنا انه ما اتجوزناش يمكن ربنا عمل الحادثة ديه عشان يعرفنى الشخص اللى كنت هتجوزه ده كان عامل ازاى

وف اي لحظة ممكن يكسر قلبي 

ولما جيت ادافع عن نفسي منعتنى وصدقت مين هااا نهى ...نهى ياعدى نهى

لو تعرف انا اتوجعت منك قد ايه من كلامك وتصرفاتك وافعالك كلها 

اغمض عدى عينه يااااااه تحملتى كثيير ياندى لم اتخيل ان غضبي وحزنى عمى على قلبي لهذه الدرجة وجرحتك بالكلام هكذا

عدى باسف :ندى انا اسف لومتك كتير بس لومتك علشان ماكنتش عايزك تكونى انتى السبب ف اللى حصلها ماكنتش عايز مراتى تبقى السبب ل اختى ف حاجة زى ديه زعلى على ايتن عمى عيونى ولومتك علشان بحبك

ندى بغضب:عدى عدددى عدددددى انت واااااعى للى بتقوله ده انت عارف انت بتقول ايه ثم قالت بصراااخ:انت لومتنى مش عشاااان بتحبنى لااااااء علشان ماعندكش ثقة فيا ياعدى 

عدى : انا اسف. ندى انسى اللى فات وخلينا نفتح صفحة جديدة ونرجع ........

قاطعته ندى بضحك حزين :يااااااه نرجع لبعض مرة واحدة لاء ياعدى القزاز لما بيتكسر مش بيتصلح تانى ولو عوزت ترجعه زى ماكان بيبقى صعب شوية بيرجع اه بس بيفضل فيه شروخ وباينه اوى

عدى:ندى اسمعينى

قاطعته ندى بصراااخ:وانت ليييه ماسمعتنيش ها قلت لك اسمعنى وانت مارضيتش عايزنى اسمعك ده الوقت ليه

عدى بحزن :

ندى

ندى :عدى اسمعنى بقا المرة ديه من غير اهتمام مافيش ارتباط مش هنكر انى لقيت اهتمام منك لحد ما وانا اللى كنت بمنعك عارف ليه كنت بمنعك عشان الوقفة اللى احنا وقفينها ديه بمعنك عشان محدش ضامن عمره كنت بمنعك عشان ماكنتش ضامنة برضه ايه اللى مكتوب وهنكمل مع بعض ولا لاء وف الحالة ديه يبقى كل الكلام اللى كنت هتقوله هيكون مش من حقى

عدى :ادينى ف ......

قاطعته ندى :ومن غير احترام مافيش حب وديه بقا ما اعرفش كنت هلاقيها معاك ولا لاء بس كل اللى اعرفه انك كل شوية ماتكلميش ده ومتعمليش ده روحى هنا ماترحيش هنا حطى حدود مع اسر وابعدى عنه ماكنتش بتحترم قراراتى وعلاقتى ب اخويا وقولت ديه غيرة زيادة وعدتها وماكنتش بعلق وقولت لى بغير بزيادة وقلت ماشي

ومن غير ثقة مافيش سبب عشان نستمر ف علاقتنا والحمد لله ديه بقا مالقتهاش عندك خالص وطلع ماعندكش حتى واحد ف المية ثقة فيا والله وجعتنى عدم ثقتك فيا ياعدى احنا ماينفعش نكمل مع بعض ياعدى جاتلك الفكرة انى ممكن ارجع بسهولة كده

عدى بالم وحزن:بس انا بحبك وانتى كم.......

ندى :يا اخى ملعون ابو الحب اللى يضيع ويهين كرامة الانسان بالطريقة ديه لو حبك هيضيع لى كرامتى ف اللاسف حبك مايلزمنيش

ثم تركته وغادرت قبل ان يرد عليها

~~~~~~~~~~~~~~~~~~~~~~~

مر يومين وصحة ايتن تحسنت وخرجت من المشفى وندى تهتم بها وادويتها واحمد ايضا لايتركها ابدا وكلما يحاول عدى ان يتحدث مع ندى تمنعه

كانت ندى تقف فى الجنينة

واتى لها عدى وحاول ان يتحدث معاها ويشرح لها موقفه ولكنها تمنعه

اتى زين وجد ملك وكرم واقفين يراقبوا عدى وندى من بعيد

زين :بتعملوا ايه عندكم

فزعت ملك :ااعاااعاااا عبو شكلك يا اخى فزعتني

زين :ابو شكلك واخى الاتنين 

ملك : سورى سورى يازين ما اقصدش

كرم: ما انت قطعت لنا الخلف يا اخى حد يخض حد كده

زين :ياسلام

كرم :ياعم روح جاتك نيلة انت واخوك اللى قارف ندى ف ساعة واحدة

زين بغضب ومسكه من قميصه :احترم نفسك ياله

ملك :خلاص يا زين حقك عليا انا سيبه

زين ؛:لما يعتذر الاول

كرم:اسف ياعم حقك عليا عيل وغلط

ملك :قصدك حلوف وغلط

تركه زين بينما قال كرم :انا هروح اشوف المنيلة ندى ديه عملت ايه مع المنيل عدى

زين :انت مش هتحترم نفسك وكاد يتجه له ليضربه

ولكن كرم ركض ومنعته ملك

ملك :خلاص خلاص هو بارد معلش بس اخوك ده زنان بشكل

زين 

: عدى. ...بالعكس هو ماكنش كده بس الحب بهدلة 

هى ممكن تسامحه

ملك :بص هي طيبه اه اينعم مش هكذب عليك وهبله وانا بصالحها بسرعه ثم قالت بتكبر مصطنع 

بس طبعاا ايش جاب ملك لعدي

زين:

 انتى شايفه كده

ملك :طبعا بس برضو كله الا حد يجي على كرامتها اهو ده اللي مش هتسمح بيه ابدا ممكن تسامح اه بس لو زن شويه كمان

زين :اكثر من كده

اومات له ملك: اه

ملك :بحيره بس مش عارفه

زين: انت عبيطه يابت

ملك :

لا هبله اصل انا لما بصالحها عشان مرة اخدت منها شيكولاته من وراها بصحيها من النوم مفزوعه البس حاجه بتاعتها من غير ما استاذن اما اكتر من كده لاء. بالنسبه لعدى بقا الصراحه كنت عايزه اضربه بوكس في مناخيره المغروره دي مش عارفه هو منفوخ على ايه وهو دلوقتي بيتزل لها عشان يصالحها يشرب بقا ويبقى قابلني بقى لو صالحته

زين :انتم معقدين الموضوع ليه كده

ملك: بص انا الموضوع بالنسبه لي ايزى عادي كل حاجه عندي عادى .. بس انا عندى اللي ممكن يسهل الموضوع شويه ويلين مخها

زين باستغراب من طريقة ملك 

: يلين مخها

ملك:اه ...اسر

زين: ده هيعمل ايه ده

ملك: بضحك اسالني انا ده سره باتع

زين :

على ندى بس

ملك بضحكه :

تقدر تقول علينا احنا الثلاثه مش ندى بس اسر على طول اخ لينا و دايما في ظهرنا وكده يعني افهم بقى يا اسطا

زين ؛:

يا اسطا

ملك: امال لو قلت لك يا صاحبي يا زميكس

زين باستغراب : انت بتجيبي الالفاظ دي منين

ملك :من السوبر ماركت اجيب لك حبه خهخهخهخهه

 فكك فكك منى والله وماتركزش معايا

زين ف سره :لو ماركزتش معاكى انتى هركز مع مين يعنى

زين :طيب المهم انت عامله ايه في الكليه

ملك:كليه ايه بقى انا قاعده عندكم هو مش عارفه راسي من رجلي يا اخويا

زين: بلاش اخويا قولي اسطا احسن

ضحكت ملك

زين :ملك هو انتى لو مكان ندى هتعملي ايه

ملك: مكانها في ايه بالضبط

زين : في موضوعها هى وعدى

وضعت ملك ديها على راسها: والله يا عم زين انا ما جربتش العك بتاعهم اللي اسمه الحب ده فما اعرفش موقفي يبقى ازاي ساعتها واعتقد انه ندى معاها حق سيكا ومافورة برضو ممكن ما اعرفش واخوك محن اوي الصراحه

زين :بنت اخويا برضو وبعدين ما فيش مره تكملي الجملة جدد لازم تهزري فيها

ملك بمراح:هيكون يعني اخو نجيب محروس يا عم

زين بستغراب :يخرب عقلك اكثر ما هو خربان نجيب محروس يا بنت نجيب محروس انتى بطلي هزار بقا

ملك: يا ابني انا لو تكلمت جد كلمتين وراء بعض ما ابقاش ملك وظلوا هكذا يضحكوا

وزين يستكشف ملك وطبيعتها اكثر

~~~~~~~~~~~~~~~~~~~

في اليوم التالي وجده ندى رساله مبعوته علي فونها من عدي

تطلبين مني انا انساكى

تطلبين من العقل ان يقف عن التفكير بك

تطلبيني من القلب ان يتوقف عن النبض بحبك

كيف كيف وانت اول من دق القلب من اجلها

واول ما فكر العقل بها هو انتى

لا لن انساكى ابدا مهما قولتى ومهما فعلتي لن انساكى

ولا لن امل ابدا

تريدين ان ابعد عنك تريدين ان انساكى

كيف كيف انساكى وانتى من سلبتى عقلي منى

كيف انساك وانت من سرقتى قلبي مني كيف انساك و حروف اسمك مشتقة من حروف اسمي عدي احذفى الحرف الاول من اسمي وضعي اول حرف من اسمك ستجدينه (ندى) احبك ولن انساكى ابدا تطلبينها بكل سهولة اذا تريدين ان اتركك ارجعى لى قلبي اولا لن تكوني لغيري ولا اكون لغيرك حبيبتي

لم تعرف ندى بماذا تشعر عندما قرات الرسالة ولكنها ابتسمت على جملة كيف انساكى وحروف اسمك مشتقة من حروف اسمى

ولكن ايضا كشرت مرة اخرى عندما تذكرت مافعله عدى بالمشفى معاها

~~~~~~~~~~~~~~~~~~~~~

مره ثلاث ايام وتحسنت صحة ايتن كثيره وندى تتجنب عدي وكل ان يحاول ان يتحدث معها تتركه وتذهب وتمنعه

استاذنت ندى من والدها الى السفر الى الاسكندريه لان الترم الثاني سيبدا وايضا من اجل كليه كرم وملك وبالفعل وافق والدها واحضروا انفسهم وركب السياره وادم يوصلهم

وقبل ان يتحركوا

ندددددددددددى

كان هذا صوت عدى استدارت له ندى

عدى :هتمشي برضه من غير ماتكلمينى

تحركت ندى واتجهت الى السيارة

عدى:ندى استنى اسمعينى

ثم اتجه الى السيارة واغلق باب السيارة قبل ان تركب

ندى بعصبية:عدى ممكن توسع بقا

عدى ببرود :لاء مش ممكن اوسع هتعملى ايه يعنى

ندى:اوووف يا ادم

خرج ادم من السيارة :عدى معلش احنا هنسافر ومش عايزين نتاخر ف الطريق

عدى بجمود :لو سمحت يا ادم ماتدخلش انت انا عايز اتكلم معاها

ندى :مافيش كلام بينا ياعدى سبنى امشي لو سمحت

ثم ابتعد عنها :اتفضلى اركبي

قالها وهو بداخله يقين ان ندى لن تسمعه

استغربت ندى انه ابتعد بهذه السهولة قد ظننته انه سيحاول اكتر وركبت السيارة وتحرك ادم وكانت مرام بجانبه لان ادم سيطول فى الاسكندررية من اجل عمله ففضل اخذ مرام معه

كان يسير ادم فى الطريق ولكن فجاءة وجد احد يقطع عليه الطريق

~~~~~~~

ظل ادم يذهب بالسيارة يمين ويسار وعرف من يكون صاحب هذه السيارة ولعنه ف سره

مرام:فى ايه يا ادم العربية ديه بتزنق علينا ليه

ندى :شكلنا موعدين دايما بالحوادث ثم قالت ف سرها وظلت تتمتم :بسم الله الذى لا يضر مع اسمه شئ فى الارض ولا فى السماء وهو السميع العليم

ضحك ادم :ماتقلقوش

وضرب الفرامل فجاءة

ملك :اه يانى ياامااا مش تقول ياله انك هتفرمل عجبك كده اتخبطت ف البتاع ده

كرم بمرح هو الاخر ؛:الواحد حاسس انه فى اعضاء اتحركت من مكانها ورجعت

ابتسمت ندى لهم :الحمد لله ما حصلش حاجة احنا كويسين

ثم استغرب الجميع الشخص الذى ينزل من السيارة واتى بإتجاههم

ملك بملل :يووووه احنا مش هنخلص بقا من ام الموال ده

كرم بضحك :عامل زى وراك وراك والزمن طويل

ندى بجمود :بسسس

صمتوا ولكن عدى اتى وفتح باب السيارة من جهة ندى :انزلى

ادم :عدى م.........

قاطعه عدى بغضب :محدش يتدخل مابينى ومابينها مفهووووم

خاف الجميع من عدى وصمتوا

عدى :انزلى يالا

ندى بعناد :مش نازلة هتعمل ايه يعنى

عدى ببرود :عادى هنزلك انا غصب عنك وانتى عارفة انى ممكن اعمل كده كويس

ندى شعرت بالغيظ منه ونزلت

ندى:نعم افندم عايز ايه ادينى نزلت اهو

عدى بتعب من تصرفات ندى العنادية :لاخر مرة ياندى لاخر مرة هعتزر منك

كادت ندى ان تتحدث ولكنه قاطعها بجمود :لما اتكلم بعد كده ماتقطعنيش

شعرت ندى بالخوف من نبرته

عدى : عمرى ما اعتذرت من حد وكل حاجة انا عايزها كنت بعملها حتى لو الكل معارضنى انتى خليتى عدى الحسينى اللى مافيش واحدة عرفت تهز شعرة فيه يقف يعتذر منك وقبلها اعترف لك بحبه ..ثم اخذ نفس عميق :عمرى ماحبيت قبل كده ياندى كنتى اول حب فى حياتى واخر حب كمان .حطى نفسك مكانى لو كنتى مفكرة انه السبب لحادثة ا.......

كانت ندى تسمع كلامه وادمعت عيونها انه يحبها كل هذا الحب ولكن جاء عند كلمة وحادثة وصدمت:انت لسه مفكر ان.........

قاطعها عدى :عارف انك مش السبب بقولك كنت مفكر كده ماكنتش عارف اتصرف ازاى يعنى كنت بلوم نفسي ساعتها ان اللى حبتها كانت السبب فى اللى حصل لاختى كانت مشاعر غربية وما عرفتش اتصرف ازاى وقتها غير تصرفى ده تصرف غبي عارف وطلعت غضبي وحزنى فيكى انتى انا ماكنتش عارف بقول الكلام ده ازاى اصلا

ندى بجمود وعيون يلمع فيها الدموع :طيب ماشي ممكن بقا نكمل طريقنا اتاخرنا

صدم الجميع من ندى بعد كل هذا الكلام ولن تسامحه وايضا كانت الصدمة الكبرى من نصيب عدى كان يعتقد انها لم تكن بهذه البرود

عدى :يعنى ايه ياندى

ندى :يعنى ايه ايه مش فاهمة المطلوب منى ده الوقت

عدى :عايزك تسامحينى ونرجع لبعض

ندى :ماعنديش رد على اللى قولته عن اذنك

عدى :مش هعتذرلك تانى اعتذرتلك بما فيه الكفاية وطلبت منك ترجعيلى اكتر من مرة وجيت على كرامتى على شانك بس مش هاجى عليها اكتر من كده حتى لو علشانك

ندى وهى تدير ظهرها له نزلت دمعة من عيونها :وانا مش عايزاك تيجى على كرامتك علشانى

عدى :انتى اللى اختارتى ياندى خليكى فاكرة

تركها وغادر بينما ادم نظر لها بحزن وذهب الى عدى

ادم :معلش ياصاحبي ماحدش عارف الخير فين

ابتسم له عدى بحزن

ثم تحدث معه قليلا لكى يواسيه وذهب وركب السيارة مرة اخرى

بينما عدى غادر بسيارته سريعا

ثم نظرت ندى الى السيارة وجدت ملك تبكى

كرم بدموع وهو يواسي ملك :معلش يابنتى ديه عيلة ماعندهاش دم

ملك بدموع :اول مرة اعرف انك مش بتحسي كده ياندى حد يلاقى حد يحبه كده ويسيبه

ندى بضيق وخنقة كبيرة :هى نقصاكم انتوا كمان

ادم :مااااكنش المفرووووض تعملى كدددده هو اعتذر بدل المرة الف .انتى فكرك ده بيعتذر من حد ده حتى لو احنا اللى مش غلطانين بيخلينا احنا اللى نعتذر او بمعنى اصح محدش يعرف يمسك عليه غلطة اقولك على حاجة باين كده عدى خلاص بححح هو عطاكى فرصة ترجعى فى قرارك بس زى ما قال انتى اللى اختارتى

عندما ركبت ندى السيارة انفجرت ف البكاء

ادم :لاحول ولاقوة الا بالله طب بتعيطى لييه ده الوقت

ملك وهى تسمح دموعها :سبها احسن تستاهل اتنيلى جاية بعد ما مشي وتعيط ايه ده يابه ياجبروتك ياشيخة

اعتذر منك وقالك اول واحدة يحبها ف حياته ايييييييه

كرم :بت باردة بعيد عنك ياختى مشاعرها ما اتحركتش ابدا حتى لما قالها انه هيسبها والله لقايل ل اسر اصبرى عليا بس

ادم:بس بقا انت وهى بس ياندى انتى كمان العيط مش هينفع بحاجة

~~~~~~~~~~~~~~~

مر تقريبا شهر

~~~~~

ندى لم تهتم فيه بصحتها ولا باكلها ولا شربها

وتحاول ان تشغل نفسها معظم الوقت بالدراسة فهى حقا اشتاقت له كثيرا هى اجل سامحته ولكن بعد فوات الاوان ولكن هى سامحته من زمااان ولكن كرامتها عندها فوق كل شئ

وكانت عندما تذهب الى الصعيد يكون هو ليس هناك

***وعدى اصبح اقسى واجمد ف شغله وحياته العملية ايضا

كان يرسم ويخطط لمشروع ضخم وكانت هى الهامه كان يفكر بها فى اكثر الاحيان وعندما يشعر انه اختنق ولا يستطيع تكملة المشروع كان يفكر بها وبضحكتها ويذهب ليرسم ملامحها الذي يعشقها حتى امتلائت غرفته بصورها المرسومة

(عشان اللى نسي عدى خريج هندسة يعنى مهندس بيعرف يرسم ويصمم والحاجات ديه يعنى )

~~~~~~~

اسر :ايه يانودى هتفضلى قاعدة كتير كده فى اوضتك

تعالى نخرج شوية

ندى :ماليش مزاج خد. ميار وروحوا انتوا انزلوا

اسر :تعالى بقولك كلنا ونغير جو بدل قاع....

قاطعته ندى بتعب :بجد ماليش مزاج .. صحيح افتكرت ميار عاملة ايه ده الوقت

اسر :الحمد لله احسن بس بتتعب كتير الفترة ديه

ندى :معلش هما بيقولوا ان الفترة ديه بتبقى صعبة كده ان شاء الله تعدي على خير وتبقى كويسه

اسر :ان شاء الله ها ماغيرتيش رايك

ندى ببسمة: لاء

خرج اسر من عند ندى

~~~~~

على الناحية الاخرى

عدى بعصبية :حالا تكونى عندى

ركضت اليه السكرتيرة :فى حاجة يامستر عدى

عدى بعصبية :اتفضلى هاتيلى ملف المشروع الجديد حالا

السكرتية بخوف ':انا جبت هولك يافندم

عدى :اصلللل انااا مشغل حبة اغبية معااايااا صح جبتيه امتتتى

السكرتيرة بخوف :على مكتب حضرتك اهو يافندم

عدى :طب اتفضلى بره ومش عايز حد يعطلنى والغى كل مواعيدى واللى يسال عليا تقولى له مشغول

خرجت السكرتيرة بخوف بينما دخل ادم :بتزعق كده ليه انت

عدى :وانت مالك

ادم :صوتك عالى جدا وده عامل ازعاج للموظفين

عدى :اللى مش عجبه يمشي

ادم:على كده هتمشي الشركة كلها اسلوبك ده ماينفعش على فكرة

وذنبها ايه اللى بره ديه قاعد تزعق فيها كده

عدى :ده شغلى وانا ادرى بيه وحر اعمل اللى انا عايزه

ادم :غور اعمل اللى يريحك بقا

ثم تركه وغادر

وضع عدى راسه بين يديه وظل يفكر بشئ ما حتى طرق الباب

عدى :مش قلت مش عايز حد يعطلنى

الشخص :انا اعطل اللى انا عايزه براحتى

نظر له عدى 

~~~~

فى اليوم التالى

كانت ندى واسر وميار عادوا من الجامعة وكانت ندى تشعر بالتعب من ضغط المذاكرة عليها

خالد:يالا ياندى الغدا جاهز

ندى وهى تتجه لغرفتها :مش عايزة انا عايزة انام

كرم وهو يفتح التلفاز :هو انتى كل شوية على كده ياشيخة قرفتينا

خالد :تعالى ياندى بقالك كتير على كده شايفة بقيتى مرهقة ازاى.

ندى بتعب :بجد مش عاي.....

لم تكمل كلامها بسبب خبر عاجل ف التلفاز جعل قلبها كاد يقف

(تعرض رجل الاعمال المشهور عدى الحسينى لمحاولة اغتيال وهو الان بمشفى وحالته خطيرة )

ندى صدمت كثيرا ونزلت دموعها وشعر بان قلبها يألمها ثم .......

~~~~~