رواية أبن عمي الفصل الثالث والثلاثون 33 بقلم أميرة محمود

الحمد لله يامدام ادهم بيه فاق

جودي، بجد طب ممكن ادخله والنبي

لا مش هينفع هو هيتنقل غرفه عاديه فوق وتقدرى تشوفيه فوق

،،،

الو ايوه ياجودي

ايوه أيا احمد ادهم فاق وهيخرج من العنايه

طب الحمد لله أنا جاي حالا

نور، خير يااحمد

احمد، ادهم فاق 

نور ، طب أنا جايه معاك 

احمد، طب باباكي هيتغدي لوحده ازاي

نور، بابا لازم يعرف ثم إن ادهم فاق خلاص الخطر راح

احمد، طب قوليله انتي أنا مقدرش 

نور، تمام أنا هنزل اقوله عما انت تغير هدومك 

احمد، ماشي

،،،،

نور، بابا 

محمود، خير يابتي

نور، بابا في حاجه حصلت وكنا مخبيين عليك عشان صحتك

محمود، في أي يابتي جولي بسرعه

نور، بابا واحنا بنوصل زين هو وكارما عربيه خبطت ادهم

محمود، كيف وولدي كيفه وليه تخبوا عليه

نور، هو الحمد لله فاق دي الوقت الحاله استقرت واحنا رايحين له 

محمود، أنا جاي معاكوا 

،،،،،،،

في المستشفي

جودي، هو ممكن أشوفه بقي

الممرضه، اتفضلي يامدام ادخليله

جودي، ادهم حبيبي حمدالله علي سلامتك 😭😭 انا مكنتش متخيله اني هشوفك تاني😭😭

ادهم، انتي داخله تفولي عليه اااااه

جودي، بعد الشر عنك ياعمرى نور بنتك مبطلتش عياط البنت اتعلقت بيك زيي

ادهم، ربنا يخليكوا ليا ااااه ضهرى أنا ضهرى في الم رهيب

جودي، طب ثواني هنده للمرضه تديك حقنه مسكنه

زين دخل لادهم وراح باس رأسه

زين، ادهم حبيبي عامل ايه 😭😭😭

ادهم، هو في راجل بيعيط

زين، أنا لو معيطتش علي سندي وضهرى هعيط علي مين أنا مبنمش منظرك مبيروحش من بالي ياغالي اوعي ياادهم تسيبني انت وعدتني يوم ماما ما ماتت انك هتفضل جنبي ومش هتسيبني

ادهم،انا كويس ياحبيبي متخافش عليه اخوك جامد

محمود دخل هو وأحمد ونور،. ولدي ولدي😭😭😭 مالك ياولدي أن شاله اني وانت لع ياولدي

ادهم، أنا كويس يابابا والله واجا يقعد 

الممرضه، لا متقعدش غلط الحركه غلط متتحركش أنا هعطيك حقنه مسكنه هتبقي كويس أن شاء الله

ادهم، هو أنا اي اللي حصلي

كلهم باصوا في الارض

الممرضه، كسر في العمود الفقري واتركبلك شرايح وبسامير عشان كده ممنوع الحركه

ادهم، يعني ايه كسر يعني اتشليت صح

احمد، لا مفيش شلل ولاحاجه انت هترتاح فتره وبعد كده هتمشي عادي

جودي، حبيبي متخافش والله هتبقي كويس

ادهم، الحادثه كانت مقصوده صح

زين، هاني بيقول أن تاجر المخدرات اللي انت قبضت عليه ممكن يكون ابنه

ادهم، والله ماهسيبه

محمود، ابعد ياولدي عن الشر 

الممرضه ، ممكن تسيبوه يرتاح شويه عشان الكلام الكتير غلط عليه

احمد، تمام ياللا ياجماعه

جودي فضلت واقفه ببنتها

الممرضه ،ياللا يا مدام

جودي، ممكن تسيبني مع جوزي خمس دقائق وهخرج لوحدي

الممرضه، تمام

جودي، ادهم انت ليه مبتخافش علي نفسك زمان قولتلي انك كنت بتطلع مهمات ومكنتش خايف علي نفسك وأما طلعت المهمه الاخيره كنت خايف انك متشوفش بنتك وهي في بطني دي الوقت بنتك اهي علي ايدي انت مش خايف انك لقدر الله لو كنت حصلك حاجه كانت بنتك دي هتبقي يتيمه مش خايف عليها

ادهم، ليه بتقولي كده اكيد خايف عليها

جودي، ده لسه قايل والله ماهسيبه انت عارف أن تجار المخدرات مبيهمهمش حد لو حد اجا عليهم آخره موت

ادهم، طب وحقي ونومتي علي السرير دي الوقت وانا مش قادر اتحرك

جودي، في قانون هيجبلك حقك اكيد هيحققوا وهيعرفوا اللي عمل كده بس انا عايزه منك طلب بلاش الشغلانه دي اي نعم كنت فرحانه في الاول اني هتجوز ظابط بس صدقني انا خايفه بجد خايفه بنتي تعييش من غير اب 

ادهم، مش وقته الكلام ده

جودي، لا وقته ياادهم أنا بحبك ومقدرش اعيش من غيرك انا والله امبارح عدا عليه كأنه سنه وبنتك طول الليل بتعيط اخدتها في حضني مرضتش تنام عشان هي حبه ريحتك انت هي ممكن تكون لسه مش شيفانا بس اكيد عرفانا من صوتنا وريحتنا البنت كانت بتسرخ وانا بعيط جنبها بجد احنا من غيرك ولا حاجه انت عمرى اللي فات واللي جاي انت حبيبي وابن عمي وابويا وكل حاجه ليه

ادهم، ربنا يخليكي ليا عارفه أنا بحمد ربنا كل يوم أنه رزقني بيكي انتي وبنتي 

جودي، أنا هخرج بقي عشان ترتاح شويه

ادهم، ممكن تنزليلي بنتي ابوسها

جودي، روحي لبابا حبيبك بوسيه يانور

البنت اول ما باباها بسها ضحكت

جودي، الله هو انتي مابتضحكيش اللا لبابا بس

ادهم، بتحبني😜

جودي،. لا ده انا كده اغير بقي😄😄

الممرضه، ياللا يامدام

جودي، تمام سلام ياحبيبي أنا هقعد بره

ادهم حرك دماغه بماشي

،،،،،

عند احمد ونور

احمد، عن اذنكوا ياجماعه أنا رايح اشرف علي الشغل

دكتور احمد ازيك عامل اي

احمد، تمام يا دكتور سها اخبارك

سها ، الحمد لله بقولك يادكتور أحنا ورانا عمليات انهارده اصل انا تعبانه قوي وعايزه اريح انهارده

احمد، مش عارف والله اسأليهم في الاستعلامات ولو مفيش ممكن تروحي

جودي، اي ياحاجه سرحانه في ايه

نور، هااا مفيش اصل شوفي بتتمرقع ازاي وأحمد واقف متقبل عادي

جودي، طب اومي شوفي في ايه أنا لو منك اروح 

نور، شايفه كده

جودي حركت دماغها بااه

نور، مودي معلش ممكن تجبلي اكل اصل أنا جعانه

سها بابتسامه ، مودي

احمد، طب تمام روحي اقعدي معاهم وانا هكلم حد يجيب اكل او روحوا

نور، لا مش هروح ياحبيبي أنا قاعده هنا مع اخويا

سها افتكرت أن احمد وهو بيتبرع بالدم قال إن ادهم أخوه

سها، هو انتي اخت احمد سبحان الله مش شبهك خالص يااحمد 

نور، مش لازم نبقي شبه بعض وثم أنه مش اخويا ده جوزي

سها بصدمه، هو أنت اتجوزت يااحمد مش كنت تقول

احمد عمال يبصلهم وهما بيكلموا بعض وكاتم الضحك بالعافيه

نور، اه متجوزين وعندنا محمد وجودي

سها ،ماشاء الله مع أن شكلك عيله بتاعه ١٩سنه

نور، اه مااحنا كان في بينا قصه حب رهيبه فاتجوزته وانا عندي ١٨سنه

سها، قصه حب ازاي وهو كان خاطب دكتور هنا وفضل خاطبها تلت سنين غير قصه الحب اللي كانت في الجامعه

نور وشها اتغير احمد اخد باله

احمد، روحي يا دكتور سها علي شغلك ياللا نور تعالي ننزل نتغدي في اي مطعم

نور، مليش نفس

احمد، مش كنتي لسه بتقولي جعانه غيرتي كلامك ليه

نور،نفسي اتصدت أنا هروح عشان الولاد مع ام سيد 

احمد ،اوووف هوانا مكتوب عليا العكننه

نور، هو أنا اجيت جنبك أنا ماشيه سلام انا ماشيه

احمد، استني أنا بكلمك

نور، 😭😭عايز ايه

احمد، أحدها في حضنه أمام كل اللي واقفين والله العظيم بحبك انتي يااوزعتي

نور، طب سيبني الناس بتتفرج علينا

احمد، لو عايزاني ابوسك كمان أنا مستعد

نور، اتلم بابا واقف بيبص علينا

احمد، لسه زعلانه

نور، لا

احمد، بقولك أنا جعان اي رايك ننزل نتغدي بره لوحدنا

نور، بس كلهم مأكلوش حرام

احمد، تمام أنا هبعت ديلفرى بأكل ليهم 

نور، تمام ياللا

احمد، احبك أنا ياابيض يااوزعه

نور، أنا مش اوزعه انت اللي طويل حبيتين ومعنتش تقولي كده فاهم

احمد، ماشي يااوزعتي

نور خبطته في كتفه وبعدين

احمد، عن اذنك ياعمي رايحين نجيب غدا وجايين

جودي، يخربيتك قادره خلتيه يزعق للبت ويحضنك قدامنا كلنا🤣🤣

نور، اتعلمي ياماما اتعملي لا وكمان هيغديني بره

جودي، لا أنا ممكن اخد عندك درس خصوصي

نور، تعالي بس هيكلفك كتير😄😄

احمد، ياللا يانور

،،،،،،،

عند كارما وزين

الو ايوه يا زين بقولك ياحبيبي اخبار اخوك ايه

زين، الحمد لله فاق

كارما، طب الحمد لله يارب

زين، مامتك اجت

كارما، كلمتني وبتقولي هتيجي كمان ساعه

زين، طب انتي اكلتي ايه ياحبيبتي

كارما، لسه والله مااكلت بس هسخن العشا واتغدابه لانه زي ماهو

زين، طب أنا هجيب اكل وجاي حالا ناكل سوا ادهم بقي كويس هتغدي وارجعله بليل لأن الزياره هتبتدي تسعه بليل

كارما، بجد طب ماشي هستناك ياحبيبي

زين ماشي ياقلبي

،،،،،

زين دخل لادهم

زين، ادهم أنا هروح اتغدي وهجيلك بليل ياحبيبي

ادهم، ماشي ياحبيبي

زين، مش عايز حاجه اجبهالك

ادهم، تسلملي ياغالي

،،،،،،

الحاج محمود وجودي

مجمود، ماتيجي يابتي ننزل ناكل سوا في اي مطعم

جودي، نور وأحمد هيجبولنا اكل

محمود، لا تعالي ننزل نغير جو ونتغدي سوا ونكلمهم مبحبوش حاجه

جودي، وادهم ياعمو

محمود، هو مش محتجنا يابتي ربنا ينجيه يارب تعالي بس ننزل يابتي

جودي، خلاص هقوله الاول ياعمو

محمود ،ماشي يابتي

،،،

جودي، ادهم حبيبي ممكن انزل اتغدي مع عمو

ادهم، روحي ياحبيبتي

جودي، هو الريموت وقع استني خد اهو ياحبيبي

ادهم، استنيت حد يجي عشان يجبهولي عشان اغير القناه دي مفيش حد اجا

جودي، ادهم أنا هقعد معاك مش نازله

ادهم، لو بتحبي ادهم انزلي اتغدي مع بابا عشان خاطري

جودي، بس

ادهم، مفيش بس انزلي ياللا

جودي، ماشي ياحبيبي 

،،،،،،

نور وأحمد

نور، احمد هو انت كنت بتحب هنا

احمد، أنا بحبك انتي

نور، رد علي سؤالي 

احمد، مش سألتيني السؤال ده قبل كده

نور، بس 

احمد، مفيش بس نور متعكننيش علي نفسك أنا بحبك وهفضل لاخر نفس احبك انتي

نور، طب في خبر مش عارفه هيبسطك واللا ايه

احمد، في ايه

نور، أنا حامل😔😔

احمد، بجد والله الحمد لله طول عمرى كنت بقول أما اتجوز هخلف كتير عشان كنت طول عمرى حاسس اني لوحدي 

نور، يعني فرحان 

احمد ، طبعا ويارب يطلعوا اتنين كمان

نور، حرام عليك أنا عندي عشرين سنه ويبقي عندي اربع ولاد

احمد، وماله أما تبقي تلاتين يبقوا عشره

نور، حرام عليك اول مااولد بالسلامه هشوف وسيله لأن كده كتير عليه وعشان جامعتي ومستقبلي

احمد، متقوليش كتير دي ربنا يزيدنا مينقصناش

نور، يارب ياحبيبي ويخليك لينا يارب ياللا بقي اطلب لينا اكل أنا جعانه اوي

احمد، ماشي ياحبيبتي