رواية أين منزلي الفصل الثالث والثلاثون 33 بقلم ندى حسن

وايضا عائلة الحسينى بعد ان سلموا على الجميع

وغادروا إلى الصعيد ولكن عدى تجنب ندى تماما

ودعت ندى اهلها على ان تأتى مرة اخرى

وصلت العائلة إلى الصعيد بعد فترة طويلة ف جو من

التوتر بين ندى وعدى .وندى خائفة ان تقابل عدى او يحصل معها موقف اخر وظلت تفكر ف اخر موقف نعم انها محقة ف تصرفها

ايتن متوترة من قرارها وتفكر بماذا تفعل ياترى

ذهبوا الجميع ليستريح من السفر

وف المساء طلب الجد من الجميع ان يتجمعوا

نزلت ندى ونظرت ل عدى وادارت عنيها عنه بسرعة بينما استغربت عندما ابتسم لها

الجد ابراهيم :ان جمعتكم النهاردة عشان موضوعين

الاول هو يخص احمد وايتن

توترت ايتن واحر وجهها بينما بفرحة ابتسم احمد

وشعر بالفرحة

الجد :عطيتك فرصة تفكري يا ايتن وجه الوقت

تدينى قرارتك ايه

فركت ايتن ف يدها بشدة

تدخل أحمد بمزاح :طبعا موافقة ياجدو هى تطول ترفضنى

كادت ايتن ان تعند وتقول انها ترفض ان تتجوزه

مرام بهمس :بيهزر على فكرة وبيستفزك ما تخليش قرار

وقت عند يضيع الشخص اللى بتحبيه

هدات ايتن قليلا

الجد إبراهيم:بس يا احمد.. المهم الموضوع التانى بقا

ثم نظر إلى راشد :ده الوقت يا راشد انت عارف عدى

كويس وانت االى مربيه كمان وبتعتبره زى ولدك

راشد :ايوا يابوى اكيد ده ولدى اللى ماخلفتوش بس

ليه بتجول اكده دالوجيتى يابوى

الجد ابراهيم :عدى طلب منى اليوم يد بتك ندى ياولدى

انصدمت ندى لم تتوقع ابدا انه سيطلب يدها و

نظر لها لكى يرى ردت فعلها

وايضا نهى فقد شعرت انها اختنقت ف ان عدى لم يكون لها هى انتظرت كل هذه السنوات كى تأتى ندى وتأخذه منها هكذا هى فكرت وقالت انها ستفعل المستحيل لكى يكون لها عدى وتوعدت ل ندى

ابراهيم :جلت ايه ياولدى

راشد :جلت ﻻ اله الا الله يابوى انا مالجيش لبنتى احسن من عدى راجل يعتمد عليه ومحترم ومتربى وكفاية ان ابن اخوى وانا اللى مربيه وبعتبره زى ولدى بس ف الاول وف الاخر القرار لصاحبة الشأن

ثم نظر ل ندى وايضا العائلة

توترت ندى واحمر وجهها بشدة وﻻ تعلم ما هذا الشعور الذى تشعر به اهى فرحة ام مصدومة ام متفاجئة ﻻتعلم بماذا تشعر مشاعر كثيرة متلخبطة

ابراهيم :ايه يابنتى رايك ايه

ابتلعت ندى ريقها ولم تستطيع ان تخرج الكﻻم

راشد :بصى يابنتى انت مش هتﻻقى حد زي ابن عمك

الحاج ابراهيم :عدى رايدك وشاريكى يابتى وانا واثق انه يقدر يسعدك ولو كده ماكنتش وافقت على طلبه

فاطمة :وانا مش هﻻقى زى ندى بتكم والله تبقى مرات ابنى ده يبقى يوم هنا والله

شعرت نهى ب الغضب والغيرة من ندى ف تركتهم وصعدت غرفتها

تزاحمت الافكار ف عقل ندى ف الكل يقنعها ب فكرة الزواج من عدى مابفكرهم هى حقا مقتنعة به بدون شئ

الجاح ابراهيم :تنحتى ليه يابت راشد هو هيبقى

انتى وبنت عمك انا مستنى قراركم انتوا الاتنين

ايه يا ايتن اخد قرارك الاول انا عطيتك وقت تفكرى

ايتن بخجل وقد فكرت ف قراره سابقا: اللى حضرتك تشوفه ياجدى

ابراهيم ببسمة :يبقى على بركة الله

احمد بفرحة:لولولولوى وهتجوز وهتجوز بركولى ياجدعااااان هتجوووووز

ضحك الجميع عليه 

ثم بارك لهم الجميع

احمد بفرحة :عقباالكووو ياجدعاااان 

الجد ابراهيم: خﻻص يا احمد الا ارجع ف قرارى صغير انت اياك على العمايل ديه عاد

احمد وقد وقف بعد ان كان يقفز من الفرحة :خﻻص اهو ﻻء والنبي ف ايه اسف

ضحكت ايتن عليه

ادم :فضحتنا يا اخى البت تقول عليك واقع

احمد :طب وانا واقع ماتقول زى ماتقول ماهى حقيقة

ضحك عليه الجميع 

ماعدا ندى الشاردة وعدى الذى يتطلع بها يحاول

ان يقرا افكارها او يستنتج شئ من مﻻمحها اى شئ

الجد إبراهيم:خﻻص بقا انت وهو

التزم الجميع الصمت

تابع الحاج ابراهيم حديثه :ها ياندى قرارك ايه

كان عدى يتنظر ردها بفارغ الصبر

ابراهيم:ماتفضليش ساكته كتير كده

استجمعت ندى قوتها واخذت نفسها :انا ......ثم صمتت وﻻ تعرف بما تجيب فإنها لم تخطط لزواج قبل ان تنتهى من دراستها

راشد :ماتتوتريش يابنتى وكلنا علتك وقولى قرارك مهما كان

اتكلمى

ندى بتوتر:انا... انا

عدى بنفاذ صبر فهو على اعصابه :ندى ارجوكى بقا كفاية لعب بأعصابي قولى قرارك

ندى حزنت بشأنه فهى ﻻترفضه بحد ذاته وهى ﻻتريد ايضا ان تجرحه

ابراهيم :سيب بنت عمك تاخد قرارها ياولدى

ندى بسرعة :بصراحة ياجدى انا عايزة اكمل دراستى الاول ومش بفكر ف الموضوع ده ده الوقت

نزل الكﻻم على عدى كصاعقة هو يعلم ان رفضها ليس له ولكن للفكرة ولكنها جرحته

الجد ابراهيم :انتى برضه هتكونى ف بيت اهلك وهتكملى تعليمك عادى يابنتى

ندى بحذر ف كﻻمها فهى ﻻتريد ان تجرح عدى هى فعﻻ معجبة به ولكن لدراستها الاولوية :مش عايزة حاجة تشغلنى عن الدراسة ان...

قاطعتها امها ناهد : يابتى ايه اللى هيشغلك عاد هتكونى وسطينا اهنا

عدى بجمود ولكن بداخله بركان:محدش يضغط عليها هى براحتها ده قرارها هى

الجد ابراهيم بصرامة : ﻻء هى تصلى استخارة وهديها فترة تفكر فيها

عدى :بس ياج...

ابراهيم :كﻻمى يتسمع ويتنفذ بدون نقاش ماشي ياندى

ندى :حاضر ياجدى بعد اذنكم هطلع ارتاح شوية

استأذن عدى ايضا وخرج من البيت

وطلب الجد من الجميع ان يذهبوا لغرفهم

كانت ندى تفق ف الشرفة وتشعر بضيق شديد

وﻻ تعلم ماذا تفعل ف هى بأول مرة فحياتها تتعرض

لموقف كهذا فإنها لم تتخيل ف يوم ان تتعرض لمثل

هذا الموقف بل لم تتخيل ان عائلتها لم تكن عائلتها

نعم مر فترة على استقرارها هنا ولكن ايضا تأثرت

ب هذا التغير فحياتها ليس من السهل عليها الذى حدث نعم فإنه تغير كامل ف حياتها وايضا تأثرت نفسيتها عندما

علمت بنتيجتها السنة ديه ومعاملة عدى لها وبعدها

طلبه للزواج بها ياااااااااا الله ماذا افعل

وجدت عدى يتمشي ف الجنينة ولكن بااين على

وجهه مﻻمح الحزن والضيق

قررت امرها وعزمت على النزول له وتفهم منه لماذا

طلب الجواز منها

نزلت اليه وكان يعطى ظهره لها

ندى :لييييه

استدار عدى لها باستغراب وقال ببرود:هو ايه اللى ليه

ندى بصوت عالى :طلب جوازك منى ده ليه هااا عايز تعلمنى الأدب يعنى عشان عليت صوتى عليك ف قلت اتجوزها واهو اعمل فيها اللى انا عايزه عشان ماتعليش صوتها عليا تانى

كان عدى ينظر لها وﻻيبدو على مﻻمحه اى شئ

ندى :ساااكت لييه ماترد ليه بتعمل فيا كده وبتعمل

فى نفسك كده ليه ها

ﻻء ﻻء استنى وﻻ يمكن بتعمل كده عشان ترد ليا الكف اللى عطيتهولك ف الشركة وقلت لى هتردهولى بس على طريقتك

هى ديه بقا طريقتك هااا

كان هذا تحت استغراب عدى ايعقل ان تكون تفكر به ف هذه الطريقة الا تشعر بما يشعر تجاهها

ندى بعصبية وخيبة امل :ماترد سااكت ليييه ماعندكش كﻻم صح

ثم سقفت بيدها

ﻻء برافوا طلعت ذكى يعنى

لما اتقابلنا قبل ما اعرف انك ابن عمى اتخانقنا كتير

وبعدين لما عرفت عرضت عليا نبطل خناق

ونكون كويسين مع بعض لاء بجد خطة زكية جدا

عشااان بعد كده لما تيجى تطلب ايدى ما افكرش انك

عايز تنتقم منى انااااا مش عاااااارفة انت ساكت ليييه

عدى بصدمة من كﻻمها :سايبك تطلعى كل اللى ف قلبك

ندى ضحكت بحزن :اللى ف قلبي اللى ف قلبي كتير والله ومهما اتكلمت مش هيطلع كله انت ازاى كده عمرى مافكرت ابدا انك تطلع بتفكر بالاسلوب ده

عدى نظر لها نظرة لم تنسها ندى بحياتها فكانت تحمل كثير من المعانى الصدمة والحزن والانكسار

ندى :ماتبصليش كده اتكلم لييه تعمل كده وليه ما تكملش حياتك وتحب وتتجوز اللى بتحبها بدال ماتعمل كل ده والانتقام عشان كف وﻻ اتخانقنا خناقتين هتعمل كده

ابتسم لها عدى بحزن

ندى :ﻻء وايه وكلهم بسم الله ما شاء الله اخدين عنك فكرة حلوة اوى نفسي اعرف غاسل مخهم كده ازاى

وابتسمت بسخرية :وبيقولوا لى عدى هيخالى بالوا منك عدى شاريكى وعايزك عدى هيحميكى

ثم قالت بصوت عالى :عدددى عدددى عددددى عددددى مايعرفوش ان عدى عايز يتجوز بنت عمه عشان يردلها القلم قلمين

صمتت ندى وايضا عدى ولككن صوت انفاسهم هى الواضحة والمسموعة

استغربت ندى نفسها كثيرا فهى كانت ﻻ تود ان

تحكى بهذه المواضيع فكيف هذا هى كانت اتية لتعرف سبب طلب الزواج بها ولكن ما هذه الافكار التى اتى بها عقلها فهى حقا غير مقتنعة بالذى قالته يستحيل نعم نعم يستحيل ان يفكر عدى بهذه الطريقة

عدى 

:لدرجة ديه فكرانى وحش ياندى وكل الحاجات ديه فكرتيها عنى لييه شايفانى وحش لدرجة ديه

ندى :انا......مم...مش شايفاااك و...وحش ......انا ممم.ماكنتش ....اقصد ...

عدى مقاطعا :ماكنتيش تقصدى ايه بس انتى ق لتى ان الكﻻم كان من قلبك بس انا مش شخص سئ لدرجة ديه

وضعت ندى يديها على راسها

:افهمنى والله اناا ده كﻻم وقت عصبية مش اكتر

عدى :ماشي ياندى خﻻص

لم تعرف ندى بما تجيب عدى خجلت من نفسها بشدة ومن كﻻمها ايضا :ممكن تفهمنى بس وتقد...

قاطعها عدى وهو لم ينظر لها :مقدر ومتفهم شعورك يا ندى اى واحدة مكانك كانت تفكر كده بس كان المفروض قبل ما تتهمينى كده كان ﻻزم تعرفى

ان بعد الظن إثم وﻻ ايه ياندى

لم تعرف ندى بم تجيب ومن الواضح ان عدى لن يسامحها على كﻻمها هذا نعم انه حقه اى احد مكانه سوف ينجرح

ندى :اسفة

عدى ببسمة حزينة ومازال يعطى لها ظهره :كﻻمك بيجرح اوى ياندى وكلمة اسفة مش هتعمل حاجة وﻻ هتنسينى الكﻻم اللى قولتيه

حزنت ندى بشدة ووبخت نفسها وقررت الإنسحاب إلى غرفتها عندما شعر عدى انها ذاهبة اوقفها :ندددى

توقفت ندى مكانها واستدار هو لها :مش كنتى عايزة تعرفى سبب انى عايز اتجوزك ايه مش كنتى بقالك ساعة بتزعقى عشان تعرفى السبب

اجابت ندى فهى تعتقد ان عدى لم يعد ان يتزوجها :اظنى مابقتش تفرق

ثم تقدمت خطوتين ولكن تصمرت مكانها عندما تحدث هو وقال

عدى :بحبك 

انصدمت ندى واحمر وجهها بشدة

ولم تعرف بماذا تجيب

عدى :بحبك ياندى و ﻻء مش سبب جوازى منك هو الانتقام بجد

ﻻء ما اعرفش انتى فكرتي فيا كده ازاى بس مش مشكلة بقا

بس بجد بحبك من اول يوم شوفتك فيه تقريبا يوم ماخبطنا ف بعض ف الشركة وانا بفكر فيكى وفرحت لما عرفت انك بنت عمى انا بس كنت بحاول اقنع نفسي انى بكرهك بس ما عرفتش انتى خليتى عدى الحسينى يقع ف الحب ل أول مرة عدى الحسينى اللى مافيش واحدة قدرت تحرك شعرة فيه اتتى حركتى مشاعرى كلها بطيبتك وقلبك وهبلك وكل حاجة فيكى خلتينى احبك

كل هذا وندى تسمع الكﻻم بصدمة ووجه احمر بشدة وتتمنى ف هذه اللحظة ان تنشق الارض وتبلعها

عدى بحب:عرفتى ليه بقا عايز اتجوزك وماكنش تحكم فيكى

انى اقولك اعملى وﻻ ماتعمليش وغنى وﻻ ماتغنيش وﻻ كلمى ده وماتقفيش مع ده مش قصدى غصب عنى بغير عليكى من اى حاجة ومن اى حد بغير عليكى من اسر وادم ومن

اى حد بتتكلمى او تقفى معاه

ندى مازالت تحت صدمتها ولم تستطيع ان تسمع كﻻم اكثر من ذلك ف قلبها يدق بشدة لكﻻمه هذا وركضت من امامه وذهبت إلى غرفتها وظلت تتنفس بصوت عالى

اما عدى فقد ظنها انها اضايقت من كﻻمه ففضل ان يجلس مكانه ولكن وجد من يضع يده على كتفه

احمد :والله الحب بهدلة ياصاحبي شوفت بقا

عدى :انت جاى تعزينى ف حالى

احمد بضحك :مش قصدى

عدى :اومال قصدك ايه

احمد :ايه ياعم هو انت دايما متنك على اللى جبونا كده

عدى ببرود :اه اذا كان عاجبك

احمد :سبحان الله يا اخى شوف الزمن

عدى بعصبية :احمدددد غووور من هناااااا

أحمد بضحك :

ياعم هدى نفسك بس يعنى عدى اللى كان بيقول الحب ده حاجة تافهة واكيد ان مش هبقى ف يوم من الايام زيك انت وادم طلعت اسود مننا ياصاحبي ومبهدلك الحب

عدى :اتلم احسن لك. ما انت مين قدك اتوافق عليك ياعم

احمد :خمسة وخميسة ف عينك واد جرار بتجر عليا ده انا غلبان

ثم تابع بضحك :

بس برضو زمن. يعنى عدى اللى كان بيقول للحب مليون ﻻء وما بيكلمش وﻻ بنت وكانت بنات الكلية كلها بتجرى وراه وهو ما كانش معبر واحدة فيهم وقع ف الحب والله مش مصدق المغرور البارد وقع ف الحب 

عدى

باين عليك مستغنى عن عمرك الساعة ديه يا احمد امشي شوف انت رايح فييين يﻻ احسن ما تبقى عريس متكسر

أحمد :ماهو من قرك فيها انت والبت ندى اللى رافضة الجواز ديه هنبلط جمبكم شكلنا كده

عدى بعصبية :تعرف لو ما اتكلمتش عليها باحترام بعد كده بت اما تبتك ياحيوان انت وبعدين ماتجبش سيرتها على لسانك تانى

احمد ليستفزه :اييه ياعم في ايه مابراحة الله انا بهزر وبعدين بتغير لدرجة ديه يابطة

عدى بعصبية :بطة هااا انا لوﻻ عامل حساب ل اختى لكنت دخلتك البيت على نقالة

احمد بضحك :ماهو ده اللى مطمنى ياعم العاشق انت

عدى لم يستطيع تحمل رزالة احمد ف ضربه ف ق معدته

وتألم احمد بشدة :يابن ال...

عدى :يابن ال ايه كمل

احمد :كفاية هزار بقا انا مش قد هزارك عملت معاها ايه

عدى :هى مين ....هاا وانت مالك

احمد :وانا مالى 

ياعم قول بجد بقا شكلك شايل ايه اللى حصل

حكى عدى الحوار الذى دار بينه وبين ندى باكمله

احمد 

:انت بجد قلت لها كده

عدى بأستغراب :اه ليه

احمد :مش مصدق ابدا ان اللى قاعد قدامى ده عدى ابدا

عدى بغيظ :تصدق بالله انا غلطان انى قاعد معاك اصﻻ

ثم تركه وغارد

احمد :تعالى بس حقك عليا

عدى هو يمشي :امشي انا احسن لك والله ..افرغ غضبي ف كيس المﻻكمة احسن ماخرجه فيك انت

احمد بخوف :منك لله فيا ايه ﻻء امشي امشى روح شوف انت رايح فين

~~~~~~~~~~~

اما بغرفة ندى بعد ان حاولت ان تستجمع نفسها بعد كﻻم عدى

وجدت امها وابوها يدخلوا اليها

ابتسمت ندى :تعالوا اتفضلوا

راشد :ماصحناكيش

ندى :ﻻء ابدا كنت صاحية وحتى لو نايم اصحى لكم

راشد بضحك :بكاشة انتى

ادخل ف الموضوع بدون لف ودوران احسن

ندى :ياريت

راشد :عدى

احمر وجه ندى بشدة عندما انذكر اسمه وتذكرت كﻻمه ايضا

راشد :بصى يابنتى هما كلمتين وف الاخر والاول ده برضه

قرارك وانتى حرة فيه ومحدش بيجبرك على حاجة

ابن عمك مافيش زيه ومتعلم وعندهةشركات الخاصة

بجانب شركات جده بنى نفسه بنفسه من غير مساعدة حد

يعنى راجل يعتمد عليه وابن عمك بيحبك ورايدك

وشاريكى كفاية انه تربيتنا وابن اخوى واكيد

مش هيعطلك عن دراستك ابدا وانا اضمن لك الموضوع ده

لو مش مستعدة ده الوقت ف انتى صلى وشوفى

ونبقى نكتب الكتاب بعد الكلية وكده او كده فاضلك سنة

ناهد :وبرضه اهو تبقى جمبي حتى بعد ما تتجوزى

والصراحة لسه ماشبعناش منك عشان يجي حد تانى

وياخدك بعيد عنا واحنا اكيد عايزين مصلحتك وولد عمك

والله مافيه زيه واصل

احنا برضه مش منجبرك على حاجة كل حاجة بإرادتك وانتى حرة ف قرارك واحنا معاكى مهما كان ايه هو

ندى :.......