رواية أين منزلي الفصل الحادي والثلاثون 31 بقلم ندى حسن

ميار بقلق:اسر ممكن اطلب منك طلب

اسر وهو يعلم ماتريده ميارقال بصرامة:ﻻء مش ممكن

وخلى اليوم ده يعدى على خير تمام

ميار وهى على وشك البكاء:انت بتزعق لى كده ليه

يا اسر انت بقيت متغير معايا

اسر وهوﻻيتحمل نبرتها الباكية ولكن اكتفى كل

هذه السنوات :ده اللى عندى اذا كان عاجبك

ميار:مش عاجبنى يا اسر وهتطلقنى ده الوقت

اسر وقد ضحك بدون ارادة منه:احنا لسه اتجوزنا يابنتى عشان نطلق

ميار:هو كده

اسر وقد تصنع الصرامة:خﻻص مش عايز اسمع صوت ومش عايز اسمع كلمة طﻻق منك ديه تانى وهتفضلى مراتى شئتى ام ابيتى لحد اخر نفس ف عمرى وتبقى ارمل....

قاطعته بسرعة:بعد الشر عليك ماتقولش كده تانى

ابتسم اسر لها ولكن اخفى ابتسامته بسرعة

-----------------

كانت ايتن تخرج لكى ترى الجنينة وتتنفس بعد ما سمعت من احمد هذا الكﻻم

ولكن خبطت بشخص ما ووقع هاتفها

الشاب وهو ينحنى ويأتى بهاتفها:انا اسف يا انسة

ايتن : انا كمان اسفة ماكنتش اخده بالى

الشاب ببسمة :وﻻ يهمك عادى

ايتن وهى تاخذ منه الهاتف وكادت تذهب:شكرا

الشاب:استنى انتى اسمك ايه

لم تلحق ايتن الرد بسبب الصوت الغاضب التى سمعته:اييييييييتن

التفت ايتن بسرعة وفزع لصوت احمد :واقفة عندك بتعملى ايه هنا

ايتن بتوتر :..اا ..انا...م..كنت

.ذهب احمد اليها وامسكها من يدها وكاد يسحبها خلفه

الا ان يد الشاب منعته وقال :هى مش واقفة مع راجل وﻻ ايه عشان تسحبها كده

احمد بسخرية:

وهو فين الراجل ده

الشاب :مش مالى عينك انا وﻻ ايه

احمد بغضب :ﻻء مش مالى ووسع كده من وشى

الشاب:بصفتك ايه هتاخدها كده

احمد وهو يقترب من الشاب ويريد ان يضربه ولكن ايتن منعته :وانت مالك انت وعشان اريحك بس انا خطيبها يعنى انت مالكش تدخل مابنا فاهم

نظرت له ايتن بصدمة

الشاب:انا اسف ماكنتش اعرف انا خطيبتك

ثم تركهم وغادر

ايتن :انت بأى حق تقوله احنا مخطوبين ها

احمد وهو يحاول السيطرة على اعصابه :كنتى واقفة معاه ليه يا ايتن

ايتن بعصبية :وبأى حق تمسك ايدى كده انا ما اسمحلكش

احمد :كنتى واقفة معاه بتعملى ايه ومش هقرر سؤالى تانى انا بقولك اهو

ايتن بعناد :هتعمل ايه يعنى عايزى افهم لو ما قلتلكش

احمد وهو يمسكها من يديها ويسحبها خلفه ببرود :انا هقولك هعمل ايه يا حبيبتى

-----------

اما ملك كانت تقف مع كرم ويتشاكلوا كالعادة ثم ذهب كرم ليجلب بعض الماء

وترك ملك بمفردها

رأى زين ملك تقف بمفردها ذهب اليها :ازيك

ملك :انا الحمد لله تمام وانت

زين :بخير طول ما انتى بخير

انحرجت ملك من كﻻمه ﻻحظ هو ذلك فغير الموضوع :ها نويتى على ايه

ملك :ف ايه

زين :على الكلية

ملك :هااا ﻻء هدخلها زى ما انا ماغيرتش رائي

زين :اه طب كويس

ابتسمت ملك

زين بتوتر :ملك هو انتى....ثم ﻻحظ احمد كيف يمسك يد ايتن ويسحبها خلفه وهى تحاول ان تسحب يدها منه

زين بغضب :سيب ايديها يا احمد ماسكها كده ليه

احمد :زين ممكن ماتدخلش بينا

زين بغضب :ما ادخلش حضرتك ناسي انى اخوها وﻻ ايه سيبها احسن اللى هعمله مش هيعجبك قدام الناس

تجاهل احمد زين وذهب الى جده

الجد باستغراب وصرامة :

في ايه يا احمد ماسك ايتن كده ليه سيب ايدها باينك

اتخبلت وﻻ ايه

احمد ترك يد ايتن احتراما لجده :ياجدى انا بطلب منك

ايد ايتن ومستعد اكتب كتب كتابي عليها ده الوقت

استغرب الجميع من جراءة احمد

لم يكن هناك ناس كثيرة ف المعازيم معظمهم غادروا

لم يتبقى غير خالد وباقى عائلة المنشاوى وعائلة الحسينى

احمد مكمﻻ حديثه ل عامر والجد : انا عارف انى مش من العيلة بس انتوا اللى مربينى وعارفنى كويس انا بحبها ومن زمان بس كنت خايف اقول ترفضونى صدقونى انا هحافظ عليها وهشيلها ف عيونى وو

الجد مقاطعا احمد :انا مش موافق

انصدم احمد والجميع ايضا

اكمل الجد ببسمة :مش موافق على حاجة وحدة بس

من اللى قلتها انك مش من العيلة ازاى يعنى مش من العيلة انت غلطان يابنى احنا مش هنﻻقي احسن منك ل ايتن بس الرائ ف الاول والاخر رايها وﻻ انت ايه رايك يا عامر

عامر :ازاى بقا فعﻻ مش هنﻻقى حد زى احمد ل ايتن وكفاية ان احنا اللى مربينوا وعارفينوا

فاطمة بحنان : طبعا كفاية انك ابنى وانا اللى مربياك بس

زى جدك ما قال الرائ رأي ايتن

نظر الجميع ل ايتن

الذى كان وجهها احمر بشدة ويبدو عليا التوتر

الجد:ايه رايك يا ايتن

توترت ايتن :انا مش مستعدة ده الوقت

شعر احمد ان قلبه قد كسر بسبب رفض ايتن له 

فاطمة :مش مستعدة ليه يابنتى مش انتى خلصتى دراستك مستنية ايه تانى

ايتن بتوتر ولكن هى تعاند لما فعله احمد واحراجه لها :مش عارفة بس مش مستعدة ده الوقت

الجد إبراهيم متفهما :بصى يابنتى محدش هيجبرك على حاجة بس انتى خدى وقتك وفكرى كويس

ف هذه اللحظة خرج احمد وهو يشتعل غضبا وكسرة قلبه من حبيبة عمره

ركض زين خلف احمد

عامر:ليه كده يابنتى الواد شاريكى

الجد ابراهيم:الجواز مش بالغصب يابنى سبها براحتها وانا

هسبلها فرصة تفكر وتدينى رايها

----------------

اما عند زين واحمد

فقد ركب احمد سيارته وزين ينادى عليه ولكنه لم يرده

فلحقه قبل ان يدير السيارة

وركب بجانبه وانطلق احمد بالسيارة بسرعة كبيرة

زين :الله يخربيتك هتموتنا هدى السرعة

لكن احمد لم يستمع له

حتى توقف عند مكان مطل على البحر وكان صوت نفسه عالى يدل على غضبه

زين :ايه اللى حصل لكل ده يعنى ان...

قاطعه أحمد:رفضهاااا لياااا فيه ااايه

زين بهدوء متفها :هى مارفضتكش انت هى مش مستعدة للفكرة

رفضها مش ليك للفكرة نفسها

احمد بزعل :هى قالت كده عشان ماتبررش رفضها ليا هى مش عايزانى

زين :مين قالك الكﻻم ده مش صحيح

احمد 

:بص اختك هى اللى اختارت مش انا فضلت احبها طول السنين ديه وف الاخر.....

قاطعه زين بغضب :انت غبي ياله صح هى ق....

قاطعه هو الاخر بغضب وصريخ اكتر:

راااااافضة االفكررررررة صححححح ماتضحكش عليا وﻻ على نفسككككك ياااااااصاااااحبي

ثم تركه وغادر

زين :هتروح فين احنا لسه مخلصناش كﻻمنا

احمد :هرجع

زين :ترجع فين ؟؟؟

احمد :ماكان ماكنت

زين :هتسافر تانى

احمد :اه

زين وهو يعلم ان سفره سيدوم ولكن اراد ان يتاكد :وهتطول

احمد بأسف :مش ناوى ارجع هستقر هناك

زين :ايه اللى انت بتقوله ده اااانت غبي

احمد بغضب :انا ساكتلك من الصبح لم لسانك احسن لك

زين باستفزاز وخبطه ف كتفه :هتعمل ايه يعنى اخرك بتهرب

احمد لكمه بغضب :اوريك مين اللى بيهرب ده

صد زين لكمه احمد الثانية :اومال اللى بتعمله ده بتسميه ايه والله اغبي منك ماشوفت

هذه المرة لكمه احمد ف معدته :بطل بقا هأذيك والله

تأوه زين من ضربت احمد

على الرغم من انه رفيق الطفولة بل نقول انه اخاه ولكن المرء ياسادة عندما يغضب ﻻيعى لتصرفاته ابدا

عندما تأوه زين تركه احمد وغادر ولكن وهو يغادر

تحدث زين قائﻻ بسخرية : وده بتسميه هرب وﻻ مش هرب

احمد بعصبية وقد استدار ل زين :انا مش بهرب

زين : اوماال اللى بتعمله ده بتسميه ايه بتهرب دايما من مشاكلك مش بتواجهها ده الوقت سبتنى ومشيت بتهرب اهو ولما ايتن قالت مش مستعدة عملت ايه هربت ﻻء وكمان ايه استسلمت وقلت هتسافر وكمان هتستقر

احمد:وهو استقرارى هيفرق معاكم ف حاجة انا حياله

واحد جابه جدك واستعطف عليه ورباه معاكم

زين بصدمة : انت بتقول ايه انت استعطف عليك ثم قال بصراخ :عمرنا ما اعتبرناك اي واحد كلنا بنعتبرك واحد من العيلة واخونا كمان عمرك حسيت بحاجة زى كده محدش كان.....

احمد بقلة حيلة قاطعه :عارف كان الكل بيعاملنى واحد من العيلة وعمرى ماحسيت انى غريب فعﻻ بس هى ديه الحقيقة

ثم تركه وغادر

زين بصراخ :مش عااااااارف اااااانت بتفكر ازااااااااى يااحمددددد تعاااالى هناااااا اسمعنى اررررجع يامتخلف

احمد وهو يركب السيارة : خد بالك انا هسافر ده الوقت

زين بتنهيده:خد بالك انت مأفور الموضوع هو مش مستاهل كل ده هى محتاااجة وقت

ادر احمد المحرك

زين بغضب وعصبية من تخلف أحمد :بتحبكككككككككك يا اغبي خلق الله بتحببببك

اوقف احمد سيارته :ماتلعبش بمشاعرى يازين انت بتقول كده عشان ما امشيش صح

زين : ﻻء مش صح هى بجد بتحبك بس حقيقى ما اعرفش سبب رفضها للجواز ايه

احمد وهو يرجع ل زين : مين قالك انها بتحبنى

زين بتنهيده:سمعتها مرة وهى بتتكلم مع مرام مرة صدفة كنت معدى من جمب اوضتها

احمد:طب بدال كده طب ليييييه اناا مش فاهم

زين :يمكن اتحرجت من الطريقة ذات نفسهااو يمكن

انت ضايقتها ف حاجة راجع نفسك انا قلت اللى عندى

يا يااخويا وضغط على حروف كلمة اخويا

احمد باسف :ماتزعلش منى بقا ياجدع كانت لحظة عضب

زين :ﻻ لحظة غضب وﻻ لحظة بتاع وياريت تبطل تخلف شوية وتفكر هتعمل ايه بالعقل مش تروح تقولها انا عارف انك بتحبينى وتبطل الغباء اللى عندك ده

احمد ببسمة :حاضر ياعم بس ماتقفش بقا الله

زين :غور يﻻ من هنا الحكاية مش ناقصة منك لله صوتى راح

~~~~~~~~~~~

قبل ذلك بنص ساعة ف السيارة كان ادم يأخذ نفسه بقوة واصوات نفس ندى ومرام عالية ايضا

كانوا سيصتدموا فى سيارة كبيرة لوﻻ ان ادم حرك المقود للناحية الأخرى

ادم وهى ينظر لندى التى وضعت رأسها على المقود وتأخذ نفسها ونظر ايضا ل مرام :انتى كويسه

مرام :الحمد لله عدت على خير

ادم :ندى ياندى ردى عليا انتى كويسه

ندى بدموع

:انا اسفة كنت هبقى السبب فأذيتكم

ادم ببسمة :ياحبيبتى الحمد لله عدت على خير اهم جاحة انكم بخير ارفعى راسك بقا وبطلى عياط واحمدى ربنا اننا عدينا منها

ندى 

الحمد لله قدر الله ماشاء فعل

ادم :كانت دماغك فين ياندى كنت شاردة ف ايه ومش اخده بالك حتى وانا بكلمك ثم قال بمراح:اتمنى الحاجة اللى انتى كنتى سرحانة فيها ديه تستاهل حياتنا

ندى 

:بجد اسفة حقكم عليا انا......

ادم وهو ﻻيريد الضغط على ندى :خﻻص خﻻص انا مش بلومك انا كنت عايز اعرف ايه اللى مضايقك ومخليكى مش شايفة قدامك كده

ثم استدارت ندى إلى مرام الذى كان واضح على مﻻمحها الخوف والصدمة :انتى كويسه يا مرام

هزت مرام راسها 

ندى :ادم شوفها مالها

احتار ادم من سيواسي

ف هذه اللحظة فتح باب السيارة من الجهة التى تجلس بها ندى :انتى كويسه ثم نظر ل ادم ومرام انتوا كويسين

كان هذا عدى الذى عندما رأى ندى بهذه الحالة استقل سيارته ولحق بهم وعندما وجد ان هناك سيارة سوف تخبط بهم وقف قلبه ولكن حمد ربه انهم استطاعوا تخطى السيارة وثم ترك سيارته وركض بأتجاههم

ادم :احنا الحمد لله

ثم نزل ادم ومن السيارة وذهب اللى مرام بالخلف :انتى كويسه ياحبيبتى

احتضنته مرام دون كﻻم

ادم بحنان :الحمد لله ياقلبي عدت على خير

اما عدى جلس القرفصاء وقاال:انتى كويسه

نظرت له ندى وبصوت مرتجف :الحمد لله

عدى :مش تاخدى بالك وانتى سايقة بعد كده

اغمضت ندى عيونها بألم اااااااااااااه لو يعرفوا كم من الالم التى تحمل بقلبها منذ ذلك اليوم والان كانت ستكون السبب بحادث ل اخيها وزوجته الذى تكون بنت عمها

اكمل عدى :لو حصلك حاجة ده الوقت انا من غيرك كنت هعمل ايه

نظرت له ندى بصدمة واحمر وجهها

وعدى عندما استدرك ماتفوه: اطلعى خدى نفسك شوية ثوانى وراجع

ظلت ندى تنظر له مما قال ماذا كان يقصد بهاذا الكﻻم خرجت ندى من السيارة تأخذ نفسها وﻻحظت انا ادم مشغول ب مرام ولم يﻻحظ كﻻم عدى

اتى عدى بالعصير لهم :اتفضلى ياندى

واعطى ل ادم ومرام

عدى :بﻻش نجيب سيرة للحصل لحد عشان ما نقلقهمش والحمد لله الموضوع عدى على خير

ادم :عدى معاه حق وكلنا كويسين ف مافيش داعى نقول حاجة

قاطع كﻻمهم اتصال لعدى : الو السﻻم عليكم

........

عدى :ازاى الكﻻم دددده يعنى

............

عدى بعصبية :ليه مشغل معايا بهايم

........

عدى بغضب

:اصل انتوا مابتفهموش لازم انا اللى ادى الاوامر وﻻ عشان انا مش هنا مش مهتمين للشغل طبعا

................

عدى

 : اصل انتوا بهايم تعرفوا انا لو جيت حسابكم معايا هيكون عسير

ندى بهمس ل ادم وخوف فهمى اول مرة ترى عدى بهذا الغضب :ادم هو ماله

ادم :ﻻء ﻻء ماتقلقيش تﻻقيها مشكلة ف الشغل وﻻ حاجة

عدى

 :اقفل اقفل ده الوقت

ادم :فى ايه

عدى :ﻻء ماتشغلش بالك مشكلة بسيطة ف الشغل

لم يعلق ادم ﻻنه يعرف انا عدى ﻻيحب ان يتدخل احد ف شغله

.~~~~~~~~~~~~~

ذهبوا إلى المنزل وقد حل المساء وايضا باقى العائلة بإستثناء اسر وميار ف انه اخذها لكى يخرجوا سويا ف انه يومهم المنتظر

اما عن ندى وادم ومرام ف لم يخبروا احد مثلما اتفقوا ولكن ادم كان يريد التحدث مع مرام فلم يجدها ف ذهب إلى نهال :طنط هى مرام والبنات فين مش باينين

نهال ببسمة :ف الجنينة تحت ندى اخدتهم يتهوا شوية

ادم باستغراب: جنينه؟؟هو فيه هنا جنينة

نهال:اه احنا عاملين جنينة ف الجانب الخلفى من العمارة

هتﻻقيهم هناك

ادم ببسمة:شكرا يا طنط

نهال ببسمة : الشكر لله يابنى

خرج ادم وقابل عدى

عدى :رايح فين

ادم: انا نازل تعالى معايا

عدى :ﻻء مستنى مكالمة

ادم :طيب اروح اشوف ندى ومرام

عدى :ندى تحت

ادم 

تنحنح عدى :وايتن معاها

ادم :اه بيقولوا البنات كلها تحت

عدى :انا نازل معاك

ادم :مش قلت ﻻء

عدى :ادم مش فايق لك اخلص

ادم :حقك عليا ياكبير بينا يﻻ

نزلوا الى البنات

ادم :بعملوا ايه هنا كنت بدور عليكم

ندى :ههه كنت بتدور علينا احنا وﻻ على حد معين 

ادم :بس ياماما اركنى بعيد انتى

ندى :بقا كده

تعالى ياختى انتى مالكيش غير اخوكى حبيبك سيبك منهم كلهم

كان هذا اسر

ضحك الجميع :العريييس جه ياجدعاان

عندما وجد عدى ان ندى ذاهبة باتجاه اسر شعر بالغيرة

ذهب هو وسبقها ووقفة بالوسط بينهم وسلم على اسر واحتضنه وبارك له

ضحك اسر فقد علم مايدور بذهن عدى

ندى :حمد لله على السﻻمة

وكانت تحاول ان تقف بوجه اسر ولكن كلما تذهب

إلى اتجاه عدى يقف فيه

اسر بضحك

.:الله يسلمك

ندى وهى تستغرب تصرفات عدى :وصلت ميار وانبسط باليوم

اسر ببسمة :اه بصى انا هموت وانام هدخل انام والصبح

احكيلك بقا باى

عدى بغيظ :احسن برضه

اسر :بتقول حاجة

عدى :بقولك تصبح على خير

اسر :اهااا طيب ماتبقيش تتأخرى ياندى واطلعى على طول

عدى :ليه وهى هتطلع او تقعد على مزاجك وﻻ ايه

ندى لكى تقطع النقاش :حاضر يا اسر

كاد عدى يتحدث الا انه اتى له اتصال

وذهب ليرد عليه

ﻻحظت ندى انه يتحدث بغضب ولكنها لم تسمع الحوار جيدا

نظرت وجدت ادم مع مرام يجلسوا بجانب لوحدهم

وايتن سرحانة وندى لاحظت صمتها منذ ان اتت وملك تلعب بالهاتف

ذهبت الى عدى بعد ان انهى مكالمته

ندى :ممكن اعرف في ايه لو مش يضايقك

عدى :ماتشغليش بالك مشكلة بسيطة ف الشغل وهتنحل

ندى :ممكن تقولى يمكن اقدر اساعدك

نظر لها عدى ولم يرد

ندى :ادم قال لى انك مش بتحب حد يتدخل ف شغلك

عدى ببسمة :بدال انتى عارفة جاية تعرضى المساعدة ليه

ندى :عشان كده ماينفعش انت ﻻزم تستشير ادم

او اى حد عشان ديه شركات جدى على حد علمى

وانتوا بتديروها

عدى : وانت مين قالك ان المشكلة ف شركة جدى 

ندى :اومال ف شركات مين يعنى

عدى :ف شركتى اللى بره مصر

ندى :هااا...اوبس مش فاهمة منين شرك...

قاطعها عدى : بصى ياندى انا بدير شركات جدى تمام بس ف نفس الوقت ماكنتش حابب كده انا عايز ابنى نفسي لوحدى واحقق ذاتى ف بجانب ادارتى لشركات جدى اسست شركتى الموضوع كان صعب بس عشان ادم وزين كانوا بيشيلوا ف الشركة معايا شوية ف ده سهل ف الموضوع والمشكلة مش ف شركة جدى ف شركتى انا عشان كده مابحبش حد يتدخل ف شغلى

ندى :اهاا طب لقيت حل للمشكلة

عدى :حاليا ماعنديش حل غير انى اسافر

ندى بزعل :ﻻء هتسافر ليه

عدى :عشان احل المشكلة

ندى :على فكرة ممكن تقولى ولو عندى حل ويمكن سفرك مايفدش ف الوقت ده بالذات

عدى ببسمة :وجهة نظر برضه

ندى :ايه ده انت بتبتسم زينا اهوا

اقتضب وجه عدى

فقالت ندى :حقك عليا بهزر ياعم ...قولى كده المشكلة

عدى :ده الوقت عندى منافس ف السوق ومعنى اصح اكل السوق كله واخد مكانى وبقى نمبر 1 ....وو...و وظل يشرح لها

ندى :وايه يعنى اخد نمبر1 عادى

عدى :انتى شايفه كده انا غلطان عشان كده مش بحب

ادخل حد ف شغلى يعنى بغض النظر عن انه المبيعات

بتاعتى قلت وهو اخد مكانى

ندى :انت بتقفش بسرعة ليه ياعم كده وماغلتطش

وﻻ حاجة انك قلت لى بغض النظر برضه عن ان ديه

ارزاق

بس انا هقولك

عدى :مش عايز اسمع حاجة

ندى :والله بجد استنى هو الواحد بيهزر معاك انا غلطانة يعنى

عدى :اخلصى عايزة تقولى ايه

ندى :بص ده الوقت مش هينفع تنزل بأى حاجة وﻻ تزود المبيعات انت بتقول انه اكل السوق ف انت لو دخلت ده الوقت هتبقى الخساير كتيرة انت تستنى لما الدنيا تهدى وتﻻقيه هدى شوية ف

السوق وتدخل انت مكانه بحاجات احسن منه فاهمنى وسفرك ده الوقت اكبر غلط ليه هتثبت له فعﻻ ان شركتك اتأثرت وهو

هيستغل الفرصة وممكن يوقعك يعنى ف انت ﻻزم تستنى وتلقى لهم التعليمات بتاعتك من هنا ...و.و.و وظلت تشرح له وهو يسمع لها بأتنباه وهو اعجب بذكاءها واقتنع بفكرتها وسوف يعمل بها

ندى وهى تأخذ نفسها :هاا المعلومة وصلت وﻻ لسه

عدى ببسمة :والله طلعتى مش قليلة وبتفهمى اهو

ندى بتكشيرة :وااانت كاان حد قاالك انى مش بفهم وﻻ ايه

عدى :حشالله مش قصدى كده قصدى انك زكية يعنى

ندى بمزاح وتصنع التكبر :طول عمرى 

ضحك عدى عليها وكانت تقريبا المرة الاولى الذى ترى فيها ضحكته وابتسمت 

عدى :اخدك بقا لما تتخرجى تشتغلى عندى انتى شاطرة على فكرة

ندى بمرح :ياعم اشتغل ايه مش لما اخلص الكلية وعلى فكرة انا عارفة انى شاطرة من غير ماتقول 

عدى :ياسﻻم على التواضع 

ندى بضحك :طبعا يابنى اومال اللهم زدنى تواضعا

عدى :اكتر من كده 

وانتهى اليوم على ذلك

~~~~~~~~~~