رواية قلبي ليس بيدي 3 الفصل الثاني والعشرون 22 بقلم حسناء رمضان
 |
| رواية قلبي ليس بيدي 3 الفصل الثاني والعشرون 22 بقلم حسناء رمضان |
رواية قلبي ليس بيدي 3 الفصل الثاني والعشرون 22 بقلم حسناء رمضان
سمعنا صوت صويت جاي من ناحية البحر..
جاكي: جاك الحق دي اسيل...
الكل طلع يجري عليها وجاك نزل الاول وشالها وطلع...
جاكي: اي اللي حصل..
جاك فوقها وطلعها اوضتها.. طلعنا كلنا وراها..
جاكي بقلق: انتي كويسه!!
اسيل: كويسه..
جاك: اي اللي حصل..
اسيل: معرفش.. مقدرتش اعوم.. حسيت ان جسمي تقيل ومش قادره اتحرك..
جاك: خدي بالك بعد كدا.. الحمد لله عدت.. ولا يهمك..
جاكي: احنا هنرجع بكرا ياجو.. صح!
جاك: ااه.. كمان عندي شغل كتير..
جاكي: هروح اجهز الحاجه..
.....................
ـ مالك عملت كدا ليه يابني!
عدي: مالي ياامي..
ـ مالك اي بس... وشك بهتان كدا ليه.. وخاسس كمان..
عدي: من الشغل..
ـ انا عايزة اعرف اي سبب الشغل الكتير دا.. يابني انت مش بتنام..
عدي: هتجوز الاسبوع دا ياامي..
ـ جواز اي يابني!.. انت لسه مصمم!!..
عدي: ايوا..
ـ واي اللي يجبرك ع كدا.. انت لسه بتدرس.. ومش مجهز اي حاجه.. مينفعش اصلا التعب اللي انت فيه دا.. مش شايف شكلك بقاا عامل ازاي!
عدي: معلش.. انا حابب كدا..
ـ طب اجل شويه ياعدي.. لحد ماتجهز نفسك..
عدي: معنديش وقت..
ـ ليه يابني.. ما ايام ربنا كتيره..
عدي: ماما.. انا بحبها وعايزها معايا النهارده قبل بكرا.. وانا مضطر اني انجز كل حاجه بسرعه ف الايام دي..
ـ وابوك هيوافق!!
عدي: ميوافقش ليه.. المهم انا موافق..
................
جوري: مالك قاعده كدا ليه..
اسيل: عدي مكلمنيش من ساعة مارجع..
جوري: ليه في اي..
اسيل: مش عارفه... وبكلمه مبيردش..
جوري: امم.. خلاص كدا كدا راجعين بكرا..
عدى اليوم وكله جهز حاجته ورجعنا...
جاكي: مالك يابت..
اسيل: مش عارفه عدي ماله..
جاكي: ماله اي اللي حصل..
اسيل: مبيردش عليا خالص.. ولا كلمني حتى من ساعة مارجع..
جاكي: انتوا اتخانقتوا!!
اسيل: لا خالص.. اخر مره كنا بنتكلم عادي..
جاكي: امم.. طب خير متقلقيش.. هنزل اعملكوا الاكل على ماجاك يصحى..
اسيل: ماشي..
نزلت وهي كلمته تاني وفتح..
اسيل: للدرجادي مش عايز تسمع صوتي!!
عدي: معلش.. مكنتش فاضي..
اسيل: مش فاضي خمس دقايق ياعدي!!.. وراك اي يعني!.
عدي: معلش..
اسيل: مال صوتك..
عدي؛ مليش.. مرهق شويه... المهم هكلمك بعدين..
اسيل: لا است..
مكملتش راح قفل..
...........
لين: لا ماما مش هتوافق..
اياد: ياست متوافقش ليه.. قوليلها بس وهي مش هتقول حاجه..
لين: امم.. طب هنتقابل فين!
اياد: ف كافيه***.. متأخريش..
لين: موعدكش.. هشوف ماما الاول..
...........
جاكي: يلا ياجو كفايه نوم..
جاك: اقفلي الشباك وبطلي رخامه..
جاكي: بقيت كسول قوي.. فين جو بتاع زمان..
جاك: بطلي عايز انام.. اقفلي الزفت دا..
جاكي: مش هتقوم يعني!!
جاك: لا.. يلا غوري من هنا..
جاكي: امم.. طيب..
نزلت جبت قزازه وطلعت لقيته متغطي ونعس تاني..
فتحت القزازه وكبيتها عليه.. قام بسرعه ونط من ع السرير..
جاكي: اظن قولتلك قوم بالذوق..
جاك: يابنت ال..
طلع يجري ورايا وانا نزلت تحت..
جوري: اي دا في اي..
جاكي: الحقينيععع..
روحت وقفت وراها..
جاك: اوعي ياجوري..
جوري: اهدى بس وقولي في اي..
جاك: اوعي بقولك..
جاكي: لا ياجوري والنبي..
جوري: طب هي عملت اي طيب..
جاك: كبت عليا مايه وانا نايم... امك اتهبلت..
جاكي: احترم نفسك..
اسيل: صوتكوا عالي لي..
جاك: تعالى هنا ومش هعملك حاجه..
جاكي: عشم ابليس ف الجنه يابيبي..
جاك: لو جيتلك هنفخك..
جاكي: الحق عليا اني تاعبه نفسي وبعملكوا اكل.. انا الغلطانه اصلا..
جاك: متعمليش.. محدش طلب منك اكل..
جاكي: كداهووو!!!... طب وحياتك مانا عامله اكل تاني ياجو.. وشوف هتاكلوا منين.. واقولك حاجه!!.. وحياتي مانت واكل من الاكل دا..
جاك: مش عايز منك حاجه.. ع اساس انك بتعرفي تعملي اكل يعني!!
جاكي: طيب... يلا يابنات ناكل.. وانت روح شوف حته كل فيها..
قعدنا احنا التلاته ع الاكل وهو فضل واقف..
اسيل: لا ياماما حرام.. خليه ياكل..
جاكي: ابدا.. خليك كدا..
جاك: هطلب اكل من بره..
جاكي: فلوسك معايا ياقمر..
جاك: احيه.. طب اديني وانا اجيب..
جاكي: لا بردو..
جاك: هفضل واقف كدا!!..
جاكي: ايوا خليك مذلول كدا..
جاك: بقولك اي.. ابقي روحي اقعدي عند امك يومين كدا.. موحشتكيش!!
جاكي: نهااارك ابيض.. انت عايز تمشيني!!.. يومك مش معدي ياجاك..
جاك: اتنيلي بقاا.. انا طالع اخد شاور..
جوري: لا ياماما مينفعش نقعد ناكل من غيره.. اقعد يابابا..
جاكي: بس يابت.. روح اعمل اكل لنفسك ياقمر.. مش انا اكلي وحش!!
جاك: ايوا وحش.. ومبتعرفيش تعملي كمان..
جاكي: انت الخسران.. ناوليني ياجوري ورق العنب دا..
جاك: ورق عنب!.. امم.. طب..
جاكي: انسى..
جاك: واحده..
جاكي: تؤتؤ... اكلي وحش..
جاك: مين قال كدا بس ياقمر.. هو في زي اكلك..
جه قعد ع الكرسي وبدأ ياكل..
جاكي: انت مش قولت مش هاكل!!.. قوم بقاا..
جاك: بس يابت.. امال انتي لازمتك اي هنا!!
جاكي: ااه.. خدامه يعني!
جاك: مش بالظبط..
روحت مسكت السكينه..
جاكي: عدي يومك ياجاك بدل والمصحف اجيب بطنك بدي..
.............
خلصنا اكل وجاك طلع ياخد شاور واسيل خرجت هي وجوري..
اسيل: يابنتي انا مش فيا حيل للمشي دا..
جوري: ماتجمدي شويه.. هنروح الكافيه دا..
دخلوا الكافيه وجه الجرسون..كان لابس كاب ومغطي وشه كله وباصص ف الارض...
جوري: تطلبي اي يااسيل..
اسيل: امم.. عصير ليمون..
جوري: ليمون اي انتي كمان.. هات اتنين برتقال لو سمحت..
اسيل: انتي هتشربيني ع مزاجك!!..
جوري: يلا لو سمحت..
مشي ومردش علينا..
اسيل: ماله دا..
جوري: جسمه مش غريب عليا..
اسيل: ماعلينا.. المهم جبتيني ليه..
جوري: عدي لسه مردش!..
جوري: رد وقالي مشغول وقفل تاني.. معرفش ماله..
جوري: معلش ياحبيبتي.. تلاقيه مشغول مع مامته ولا حاجه..
اسيل: ع الاقل يفهمني.. مش يسيبني كدا..
جوري: معلش.. اعذريه..
...........
جاكي: هتقعد يوم كامل ف الحمام!!... ماتنجز..
جاك: ناوليني الهدوم طيب..
جاكي: مش واخدها معاك ليه..
جاك: ياست اخلصي.. هي شغلانه!
جاكي: امسك..
مديت ايدي عشان اديله الهدوم راح شدني لجوا.. روحت صوت وحطيت ايدي ع وشي..
جاكي: انت قليل الادب ع فكره..
جاك: شيلي ايدك ياختي متغطي..
جاكي: وتدخلني ليه اصلا... هدومي كلها هتروح مايه.. اوعى طلعني..
جاك: ع فكره الاسلوب دا غلط... اكمني غلبان وبحبك يعني!
جاكي: مين دا اللي غلبان!!
جاك: انا..
جاكي: اوعى ياجاك.. اوعى ياجاك طلعني.. قال غلبان قال..
جاك: طب استني بس..
جاكي: يعم عايز اي..
جاك: يعني معرفش استفرد بيكي شويه صغننين!!
جاكي: لا مينفعش..
جاك: استفرد بمين انا دلوقتي!
جاكي: مش فاضيالك.. انت قليل الادب وانا عندي شغل..
جيت اخرج راح شدني تحت المايه..
جاكي: احييييه... ياجاك حرام عليك لسه هغير تاني!!
جاك: اشش... مسمعش صوتك..
جاكي: ولاااا... مش عايزه استهبال..طلعني..
جاك: امم.. بوسه واطلعك..
جاكي: كداب..
جاك: تؤتؤ.. مش كداب..
جاكي: جاك عيب العيال هييجوا..
جاك: هو انا شاقطك!.. انتي مراتي.. ماييجوا..
جاكي: عيب بردوو..
جاك: ماهو بصراحه انت بتحلو كل يوم وانا مقدرش ع كدا..
جاكي: يابكاش.. ع اساس اني مشوفتكش وانت بتعاكس البت الاجنبيه دي..
جاك: احم.. فين دا..
جاكي: اياك انا نايمه ع وداني.. كنت بتعاكسها انت والاستاذ محمد..
جاك: صدقيني محمد ومالك اللي كانوا بيعاكسوها وانا كنت بقولهم عيب..
جاكي: طب اوعى عشان هتأخر ع الشغل..
جاك: مش مهم شغل النهارده..
جاكي: تؤتؤ.. مينفعش..
جاك: وعشان خاطري!..
.................
جه حط العصير ومتكلمش بردو..
جوري: لو سمحت.. ممكن تشيل الكاب دا..
اسيل: بس ياجوري عيب كدا..
جوري: حاسه انه مش غريب عليا يابت..
اسيل: معلش احنا متأسفين.. اتفضل..
جوري: بتخليه يمشي ليه..
اسيل: انتي مجنونه!!.. عيب كدا..
جوري: طب بقولك اي.. مروان هييجي النهارده عشان يكتب الكتاب..
اسيل: احلفي!
جوري: والله..
اسيل: امال احنا بنعمل اي هنا.. يلا نروح..
جوري: ماهو..
اسيل: ماهو اي..
جوري: مش مرتاحه
اسيل: لي..
جوري: بصي بصراحه كدا... لقيته بيكلم بنات ف الفون..
اسيل: نعم!.. لا مروان محترم يابنتي..
جوري: ماهو محترم.. حتى الكلام بحدود.. بس لا يااسيل.. يكلم بنات ليه!!..
اسيل: طيب اتكلمي معاه بالراحه وعرفيه ان الموضوع دا مضايقك..
جوري: مانا قولتله... وقالي حاضر انا اسف.. وعملهم بلوك قدامي..
اسيل: امال في اي بقاا..
جوري: عايزه اختبره قبل مااتدبس فيه..
اسيل: ازاي..
جوري: تعالي معايا..
..............
مروان: بالليل يابابا متنساش..
مالك: قول يارب.
مروان: لا بالله عليك.. دانا متفق معاه ع النهارده..
مالك: ماشي يامروان..
مروان: وانتي ياماما هتيجي معانا..
منه: اكيد يابني.. مجيش ليه..
مروان: طب جهزوا نفسكوا ع طول بقاا..
مالك: متوترش الدنيا بقاا.. كدا كدا لسه بدري.. وانا عندي شغل..
.............
جوري: انا خايفه..
اسيل: استني بس.. اكيد مش هيعرف صوتي..
جوري: طب يلا رني..
حطت الخط الجديد ورنت وفتحت الاسبيكر..
مروان: الو..
اسيل حاولت تغير صوتها ع قد ماتقدر عشان ميعرفهاش..
اسيل: الو.. مروان معايا..
مروان: اي دا في اي..
حاولت تغير صوتها فطلع معاها صوت عرسه تقريبا..
كتموا الضحك وكملوا..
اسيل: اي في اي ياروحي..
مروان: روحك!!.. مين معايا..
اسيل: اي دا اخص عليك.. معرفتش صوتي!!
مروان: لا والله معرفتش..
اسيل: امم.. طب والعمل دلوقتي!
مروان: عمل اي.. انتي مين اصلا..
اسيل بدلع: انا سها..
مروان بضحك: ااه سها..عامله اي.. وحشاني والله..
الاتنين بصوا لبعض بصدمه..
اسيل: افتكرتني!
مروان: اكيد.. مقدرش انساكي اصلا..
اسيل: بس انا زعلانه منك.. كل دا متسألش عليا ياوحش!
مروان: ياقلب الوحش انتي مقدرش انساكي والله... انا بس كنت مشغول شويه..
اسيل: واي اللي شاغلك بقاا ياميروو..
مروان: واحده هبله كدا المفروض اني هروح اتجوزها..
اسيل: اي دا بجد!!.. طب مش تعزمني!
مروان: مقدرش معزمكيش.. هو انا عندي كام سها..
اسيل: ياروحي.. ربنا يخليك ليا يارب.. طب ومين بقاا اللي هتاخد القمر بتاعنا!
مروان: الجزمه اللي قاعده جنبك...
اسيل: مين!!
مروان: بقاا بتختبريني ياجوري!!... طب وحياة امك لما اجيلك النهارده..
جوري: ياخي ريحتني.. كنت خايفه لاتطلع بتاع بنات..
مروان: مش واثقه فيا!!
جوري: ياروحي واثقه وكل حاجه بس بردو لازم اتاكد عشان انا هتدبس فيك العمر كله..
مروان: ماشي ياجوري هانم.. لما اجيلك هوريكي.. وانتي ياااسيل.. مش لاقيه غير اسم سها!!... انتي هبله!!
اسيل بضحك: ماهو بصراحه ملقتش اسم غير دا جه ف بالي.. معرفش بقاا.. وبعدين هي اللي قالتلي اعملي كدا انا مليش دعوه..
مروان: ماشي.. لما اجيلكوا انتوا الاتنين.. يلا سلام دلوقتي عشان مش فاضيلكوا..
قفلوا معاه..
جوري: الحمد لله طلع محترم..
اسيل: مانا قولتلك ومسمعتيش كلامي..
جوري: طب يلا نشوف هنلبس اي..
.....................
الليل جه والكل جاهز ومستنيينهم..
جاك: هو الزمن عدى بسرعه كدا ليه.. دانا فاكر اننا متجوزين من كام يوم.. كبروا امتى دول!
جاكي: انت عايز تبقى صغير ع طول ولا اي ياجو!!
جاك: طب ف ذمتك انا كبرت!
قربت منه وحطيت ايدي ورا رقبته..
جاكي: بصراحه بصراحه!!
جاك: اها..
جاكي: حتى لو كبرت هتفضل قمر قمر قمر.. اصلا اصلا.. انت حاجه سكر كدا..
جاك: ياشيخه!
جاكي: اهاا..
جاك: واي كمان..
جاكي: امم.. لا كفايه عليك كدا..
جاك: لا استني.. يعني انتي شايفه اني قمر بس!
جاكي: لا.. وسكر..
جاك: قمر وسكر بس!!
جاكي: امم..اقولك حاجه مش ف سياق الموضوع!!
ابتسم وقال..
جاك: قولي..
جاكي: انت احسن حاجه حصلتلي ف حياتي.. اموواه..
سيبته وروحت شوفت البنات...
شويه والكل وصل..
جاك: اتفضلوا..
اتكلموا شويه وفضلوا يتكلموا ويتفقوا وبعدين الكل قعد يزغرط..
................
عدي كان لسه راجع من الشغل..
ـ يابني حرام عليك نفسك... جواز اي اللي بالشكل دا..
عدي: انا مرتاح كدا ياماما..
ـ يابني دانت حتى اللقمه مش بتنزل معدتك.. ولا بتشتري حاجه تاكلها.. ليه كدا بس..
عدي: مينفعش اصرف اللي بحوشه ياماما..
ـ ياخي جوازه سودا من الاول والله..
عدي: اي اللي بتقوليه دا ياماما بس..
ـ لا بقولك اي.. انا مش هستنى لحد ماتضيع مني.. لا اكل ولا شرب ولا نوم.. هتعيش ازاي..
فضلت تتكلم مع نفسها وعدي بيروح منها خالص ومبقاش حاسس باللي بيدور حواليه لحد ماوقع..
...............
كنا مشغلين اغاني والبنات بيرقصوا مع بعض وكتبوا الكتاب خلاص..
اسيل: هطلع ارن ع عدي ياماما..
جاكي: ماشي متأخريش..
خدت الفون وطلعت رنت عليه بره.. فضلت ترن كتير وفونه مقفول..
.............
اياد: اليوم كان حلو ع فكره..
لين: ااه بصراحه... نبقاا نكررها تاني..
اياد: بقولك اي..
لين: اي..
اياد: ماتيجي نتجوز..
لين: ووه.. مالك يابني ماتعقل كدا..
اياد: طب استني بس..
راح وقف وسط الكل..
اياد؛ لو سمحتووو... عبروني طااااه..
جاك: عايز اي يابني انت..
اياد: انا مقدر فرحتكوا والله بس اسمعوني الاول..
ادم؛ ارغي يعم..
اياد: بصراحه كدا.. انا عايز اطلب ايد لين منك ياعمي..
محمد: نعم!!
اياد: اي..
محمد؛ انت بتقول اي ياهبل انت..
نور: ماتهدى يامحمد... وانت التاني بطل هزار دا مش وقته..
اياد؛ في اي ياجدعان... انا عايز اتجوزها.. ومش لاقي فرصه مناسبه عن كدا عشان اطلب ايدها..
محمد: بس دي لسه صغيره يااياد..
اياد: صغيره اي.. بص يامحمد بيه..
محمد: شوف الواد..
اياد: اسمعني بس... بصراحه كدا.. مش هتلاقي عريس لقطه زيي لبنتك... شاب وسيم وقمر ومحترم ويعرف يفتح بيت..
محمد: اي النرجسيه دي..
جاكي: طب والله معاه حق..
ادم: امال مقولتليش ليه..
اياد: مش عارف... بس بصراحه انا بحبها... بحبها من زمان قوي.. بس..المهم اي رأيكوا..
فيروز؛ يلا خلوا العيال ينبسطوا..
اياد: هاا..
محمد: متتاخدش كدا ياعم.. لازم نقعد ونشوف الحوار دا..
جاك: يعم الوقت كتير وابقوا اقعدوا براحتكوا..
محمد: اي رأيك ياندى..
ندى: امم.. الرأي رأيهاا..
جاك: اي رأيك يالين!..
لين كانت واقفه متوتره ومش مصدقه اللي بيحصل حواليها... هي مش بتحبه... هب بتحب متيم..
متيم: يلا يالين قولي..
فيروز؛ السكوت علامة الرضا.. لولللوليييي..
جاك: مبروك ياندى..
ندى: مبروك يااياد بيه.. لما نشوف اخرتها معاكوا..
لين: بس انا مش موافقه..
تعليقات
إرسال تعليق