رواية قلبي ليس بيدي 3 الفصل الحادي والعشرون 21 بقلم حسناء رمضان

لفينا احنا الاتنين لقيناه جاك.. 

جاكي: احم.. نعم.. 

جاك: عايزك.. 

سابني وطلع وانا طلعت اجري وراه.. 

جاكي: في اي.. 

جاك: بتعملي اي معاه تحت! 

جاكي: قاعده عادي.. 

جاك بعصبيه: يعني اي قاعده عادي!! 

جاكي: في اي ياجاك.. دا محمد.. 

جاك: والله!!.. وانتي نسيتي محمد دا عمل اي قبل كدا!!.. ولا ناسيه انه بيحبك!! 

جاكي: محمد اخويا ياجاك.. وانت عارف دا كويس.. 

جاك: بس هو مش عارف.. 

جاكي: دا كان زمان.. انت متخيل عدى كام سنه ع الكلام دا.. 

جاك: ميخصنيش... متقعديش معاه تاني لوحدك.. انتي فاهمه!! 

جاكي: لا مش فاهمه.. وبعدين متزعقليش كدا.. 

جاك: جاكي.. متعصبنيش.. 

جاكي: انا معملتش حاجه عشان تتعصب.. دا واحد متجوز ومخلف.. وانت عارف محمد بالنسبالي اي.. 

جاك: ااه.. واحد متجوز ومخلف ويقولك مش قادر انساكي.. هو دا اللي اخوكي!! 

جاكي: ايوا اخويا.. هو مجروح ياجاك.. 

جاك: مليش دعوه.. انتي مراتي انا... يعني اي اخويا يقولك مش قادر انساكي!!.. انتي مجنونه!!.. انا ممكن انزل دلوقتي اكسر دماغه.. 

جاكي: ليه كل دا.. انا اصلا اللي فتحت الموضوع وقولته لو بيفكر ف اللي حصل زمان فياريت ينساه عشان ندى.. 

جاك: مش عايز كلام فارغ.. لو قعدتي مع محمد تاني لوحدكوا صدقيني مش هتلومي غير نفسك... 

........................ 

اسيل: يعني كدا خلاص!.. هصحى هلاقيك مشيت! 

عدي: معلش بقاا.. هعمل اي.. 

اسيل: امم.. ماشي.. خلي بالك من نفسك.. 

عدي: حاضر.. يلا تصبحي ع خير.. 

اسيل: وانت من اهله.. 

قفلت ونامت... 

........... 

نمنا احنا الاتنين وكل واحد ضهره للتاني.. 

الصبح طلع وكان عدي مشي.. 

الكل نزل تحت... 

ندى: امال فين عدي.. مش باين يعني! 

اسيل: لاا ماهو رجع.. 

ندى: ليه كدا.. 

اسيل: لا مفيش حاجه.. هو حب يرجع لمامته.. 

محمد: فين جاك يااسيل.. 

اسيل: قاعد هناك اهو.. 

محمد: ماشي.. 

مشي عليه وجاك كان قاعد لوحده.. 

محمد: قاعد لوحدك ليه.. 

جاك: عادي.. 

محمد: انت متضايق مني!! 

جاك: وهتضايق منك ليه يعني.. 

محمد: جاك.. انت عارف اني عمري ماهعمل حاجه تضرك اكيد.. 

جاك: عارف.. 

محمد: وكمان عايزك تعرف ان جي اختي.. ملكش دعوه بقلبي... المهم افعالي معاها اي.. وانت عارف ومتأكد ان عمري ماهبصلها بطريقه وحشه.. ف الاول وف الاخر دي مرات اخويا.. 

جاك: تمام.. ياريت تبقى فاهم دا كويس.. 

محمد: فاهم.. بس ياريت متعملش فجوه بينا بعد كل السنين دي.. 

جاك: لا فجوه ولا حاجه.. المهم.. خلي بالك من مراتك.. 

محمد: اكيد.. ف عنيا.. 

مروان جه وقف معاهم.. 

مروان: اسمحلي بقاا ياچو انا اول ماهرجع هتجوز بنتك... معلش يعني.. 

جاك: يامثبت العقل والدين يارب... 

مروان: لا بقاا.. كدا يبقاا في حاجه.. ياعمي انا عايز اتجوزها... بقالنا مده مخطوبين اهو.. 

جاك: لما نرجع يعدلها ربنا.  

مروان: يعني اجهز كل حاجه! 

جاك: لما نرجع يامروان... 

................ 

ـ يعني رجعت بدري ياعدي.. 

عدي: ورايا كام حاجه كدا لازم اعملهم.. اعمليلي اكل بس بالله عليكي.. 

ـ حاضر يابني.. غير هدومك على مااخلص الاكل.. 

سابته وطلعت وهو طلع الفون ورن ع واحد صاحبه.. 

ـ اخيرا عبرتني يااستاذ عدي.. 

عدي: معلش والله كنت مشغول شويه.. 

ـ لا ولا يهمك يعم.. اي الاخبار.. 

عدي: الحمد لله تمام.. كنت عايزك ف خدمه صغيره كدا.. 

ـ اؤمر.. 

................ 

جوري: مش هتنزلي المايه! 

اسيل: لا.. 

جوري: ليه.. 

اسيل: مليش نفس اعمل حاجه.. 

جوري: ااه.. عشان حبيب القلب مش هنا يعني.. 

اسيل: طب ف ذمتك الرحله دي ليها طعم من غيره!! 

جوري: طب بقولك اي.. قوليلي بصراحه.. انتي فكرتي كويس ف موضوع الجواز دا! 

اسيل: ايوا.. ليه.. 

جوري: اصل بصراحه كدا وع الرغم من اني مش بتفق مع متيم ف حاجه الا انه معاه حق.. مش هتعرفي تتأقلمي معاه يااسيل.. مش قصدي انه وحش... لكن انتي متعوده ع عيشه معينه... صدقيني انتي اللي هتتعبي.. وهو لسه ميقدرش يعملك اي حاجه دلوقتي.. 

فكرت شويه وردت عليها بهدوء.. 

اسيل: انتي عارفه انا عندي اي ياجوري!.. انا مريضة كانسر.. 

جوري: لا انتي اول ولا اخر واحده تبقى مريضه يااسيل.. ودا مش عيب فيكي يخليكي تقبلي بحاجه قليله.. 

اسيل: وعدي مش حاجه قليله.. بالعكس.. اللي يقبلني ف حالتي دي بدون مايتردد لحظه واحده وهو عارف اني ممكن اموت ف اي لحظه، ميبقاش حاجه قليله... وبعدين انتي مش فاهمه حاجه.. 

جوري: طب فهميني طيب.. ليه مش عايزه تعملي فرح حتى.. ولو فرح صغير ياست.. اصل دي ليله ف العمر.. مش هتتكرر تاني.. 

اسيل: مش يمكن مفيش عمر!!.. جوري انا قاعدلي ايام معدوده.. 

جوري: ياشيخه بعد الشر بقاا.. بطلي تشاؤم.. 

اسيل: مش تشاؤم ياجوري... دي حقيقه... انا سمعت الدكتور وهو بيقول كدا لبابا وماما بس هما مرضوش يقولولي وميعرفوش اني عارفه... ع الاقل اعيش معاه الكام يوم دول... وليه اجبره يضغط ع نفسه ويكلف نفسه ف حاجه مش هتفيدنا اصلا... 

جوري: يمكن ربنا يخلف الظن يااسيل.. انتي عارفه اننا منقدرش نعيش من غيرك... اصلا محدش متخيل شكل البيت من غيرك.. 

اسيل: دي حاجه بتاعة ربنا بقاا.. 

لقيتهم قاعدين يتكلموا فروحت قعدت معاهم.. 

جاكي: بتعملوا اي بقاا.. 

اسيل: ولا حاجه.. 

جاكي: طبعا هتفضلي قالبه بوزك لحد مانرجع عشان خاطر سي عدي بتاعك.. 

اسيل: لا ياست عادي.. 

جوري: اقنعيها ياماما تعمل فرح.. طب ياست بابا يساعده ف المصاريف.. 

اسيل: لا ياجوري.. كفايه احراج ليه بقاا... هو مش عايز حد يساعده ف حاجه... 

جاكي: معاها حق.. مينفعش نعمل كدا.. وهو اصلا مش هيوافق.. ماعلينا.. المهم يكونوا مرتاحين مع بعض.. 

اسيل: ماما.. هو انا ممكن اخف! 

جاكي: ممكن جدا ياحبيبتي.. ليه لا.. 

اسيل: بس انا عرفت اني قاعدلي ايام معدوده مش اكتر.. 

جاكي: لا ياحبيبتي مين قالك كدا.. 

اسيل: محدش قالي.. انا سمعت الدكتور بنفسي.. 

جاكي: يمكن ربنا ليه رأي تاني.. ومش دايما كلام الدكاتره بيكون صح.. 

اسيل: انا بس عايزه اتجوزه قبل مااموت.. 

جاكي: بعد الشر عنك... هتتجوزوا وهتخفي وتبقي احسن من الاول كمان.. اهم حاجه انتي خليكي قويه ومتتهزيش.. 

جاك: متجمعين كدا ليه بقاا من غيري! 

اسيل: امم.. مانت اللي سايبنا ومش معبرنا.. 

جاكي: هيعبرنا ازاي وفي اجانب هنا.. 

بصلي بلا مبالاه ومردش عليا.. 

جوري: هو في اي.. 

جاك: مفيش.. المهم تعالوا عشان ناكل.. انتوا مجعتوش!

جوري: لا جوعنا يلا.. 

................. 

متيم: نفسك ف اي بقاا.. 

وعد: نفسي تحل عني عشان انت خنقتني حقيقي.. 

متيم: يابنت التيت.. 

وعد: بقولك اي.. انا غيرت رأيي ومش موافقه عليك.. ماتكسب فيا ثواب وتجوزني القمر دا.. 

متيم: مين دا.. 

وعد: القمر اللي هناك دا.. 

متيم: ابويا!!... عايزه تشقطي ابويا!!... دي كانت امي تشرشحلك هنا.. 

وعد: حقها بصراحه.. هو مز قوي.. دانا لو منها مش هخليه يخرج من البيت.. 

متيم: طب انتي هتتلمي ولا اخرج روحك دلوقتي! 

وعد: ماهو انا بردو مش فاهمه... ازاي واحد عنده تلاته طوله ولسه بالجمال والشياكه والحلاوه والعضلات دي..وفوق كل دا رومانسي ومش بتاع ستات... ربنا يحميه والله... ارزقني يارب بحد زيه.. 

بصت لقت متيم باصصلها ومتعصب.. 

وعد: اسيل بتنادي عليا.. هروح اشوفها وارجعلك.. 

جت تمشي راح شدها من الهدوم.. 

وعد: ع فكره بقاا.. دا مش اسلوب خالص.. سيب الهدوم لو سمحت.. 

متيم: بت انتي.. انا خلقي يادوب.. بطلي شغل البنات دا عشان والمصحف اكسرلك عضمك.. 

وعد: سيب الهدوم طااه... يابني عيب كدا الناس يقولوا اي.. 

متيم: هيقولوا قليلة ادب وبربيها.. 

وعد: نعم ياحيلتها!.

متيم: اي دا في اي.. 

وعد: اوعى ايدك كدا يلااا.. مين دي اللي بتربيها... دانا لو اتجوزت كان زماني مخلفه شحط قدك... اسمع يلااا... الزم حدودك معايا عشان مشقش وشك.. 

متيم: كمان بتشرشحي!!.. 

وعد: مانت اللي قليل الادب.. 

متيم: طب والله هروح اقول لجي انك بتعاكسي جوزها... وشوفي هتعمل فيكي اي.. 

وعد: لا استنى.. دي شكلها قادره يابا انا مش قدها.. 

متيم: يبقاا احترمي نفسك بقاا.. ويلا عشان ناكل.. 

اتجمعنا كلنا وقعدنا ناكل.. 

جاك: جهزي نفسك يافيزو.. 

فيروز: ليه.. 

جاك: هتروحي تحجي ياست.. ابسطي.. 

فيروز بفرحه: والنبي!! 

جاك: والله.. انتي ومامت جي.. 

فيروز: لووووولولي... روح ربنا يجبر بخاطرك يارب وينولك اللي ف بالك.. 

جاك: واهو بالمره تدعيلنا من هناك.. 

متيم: اي الاوڤر دا.. اش حال لو مكنتش روحتي قبل كدا.. 

فيروز: بس ياواد انت.. مانت مجربتش الاحساس دا.. وبعدين دي اجمل حاجه ف الدنيا اصلا... ربنا بس يكتبلي اني اموت هناك.. 

متيم: يووه.. بعد الشر.. اتجوز مين انا ياختي.. 

فيروز: جنبك بدر منور اهو.. 

متيم: دي!.. لا مش حلوه.. انا عايزك انتي... انتي بطه كدا قمر.. 

جاك: هتسافري بعد مانرجع ع طول.. وبعدها بشويه هنروح انا وجي.. 

فيروز: نجوز العيال اول مانرجع وبعدين نروح مع بعض احسن... 

جاك: ماشي.. ابدأ يامروان ف التجهيزات من دلوقتي عشان لما نرجع نبقاا جاهزين.. 

مروان: حاضر.. 

................. 

اياد: اممم.. بس بردو يعني.. المفروض تبقي وسطينا اكتر من كدا.. 

لين: مانا وسطيكوا اهو.. 

اياد: طب بقولك اي.. ماتيجي نروح نصيع شويه.. 

لين: فين.. 

اياد: نلف حبه كدا.. 

لين: لا ياعم ابويا يزعقلي.. 

اياد: انا هروح اقوله.. وبعدين انا معاكي يعني.. 

لين: ماشي روح قوله وانا هستناك هنا... 

.............. 

وعد: بقولك اي.. 

متيم: يانعم.. 

وعد: طلب صغنون ياقمر انت.. 

متيم: لا.. 

وعد: مش لما تعرفه الاول! 

متيم: لا بردو.. 

وعد: والنبي والنبي... روح ياشيخ الهي ينولك اللي ف بالك ويجبر بخاطرك ويحققلك اللي.. 

متيم: بس خلاص.. قولي عايزه اي.. 

وعد: ايس كريم.. 

متيم: يعني النمره دي كلها ع ايس كريم!! 

وعد: ماهو انت بارد ومش هترضى تجيبلي.. 

متيم: طب مش هجيب.. 

وعد: لا والنبي خلاص... يلا بقااا.. 

متيم: امشي قدامي.. لما اشوف اخرتها اي.. 

راحوا اشتروا.. 

متيم: حاجه تاني! 

وعد: لا شكرا.. 

متيم: اي الادب دا.. من امتى كدا.. 

وعد: يابني ماتتلم بقاا.. انا محترمه من يومي.. الدور والباقي عليك ياللي بتشرب سجاير من ورا اهلك.. 

متيم: لااا.. بقولك اي.. لو حد عرف الموضوع دا صدقيني هتزعلي مني جامد.. 

وعد: خواف وجبان.. 

متيم: مش حكاية خوف... انا بس مش عايز ازعل امي ياختي.. واسكتي بقاا عشان صدعتيني... 

سكتوا شويه وبعدين اتكلمت تاني.. 

وعد: اممم.. طب بقولك اي.. 

متيم: اووف.. نعم.. 

وعد: كلمني باسلوب احسن من كدا.. 

متيم: حاضر.. عايزه اي.. 

وعد: عايزه اشتغل.. 

متيم: مين.. ازاي يعني.. 

وعد: اشتغل يامتيم.. اشتغل زي باقي الناس.. 

متيم: وتشتغلي ليه يعني..

وعد: عشان اصرف ع نفسي.. واردلك المصاريف اللي صرفتها عليا.. 

متيم: هو انتي عبيطه! 

وعد: لا مش عبيطه.. بس ايا كان دا حقك... واصلا كان المفروض اشتغل من الاول.. 

متيم: اسكتي طيب... اسكتي عشان انتي كلامك كله هبل.. 

وعد: لا بجد يامتيم.. انا عايزه اشتغل... ماهو مينفعش انت تفضل تصرف عليا كدا.. 

متيم: انتي هبله!!.. كلها شويه وهتبقي مراتي.. وهصرف عليكي بردو.. 

وعد: لما ابقا مراتك الوضع هيبقاا مختلف.. انما دلوقتي مينفعش تصرف عليا.. 

متيم: ليه مينفعش! 

وعد: تصرف عليا بصفتك اي.. 

متيم: بصفتي اي!!... حبيبك مثلا.. 

وعد: دا مش كفايه عشان تصرف عليا... حتى لو بحبك يامتيم.. دا ميخلنيش اتكل عليك... انت مش فاهم ليه! 

متيم: امم.. وبعدين.. 

وعد: بس ياسيدي.. هتشوفلي شغلانه حلوه كدا وانا موافقه ع اي حاجه.. وبعدين انا محتاجه اشتغل يامتيم.. 

متيم: خلصتي!!.. لو جبتي سيرة الشغل تاني صدقيني هزعلك مني قوي.. انا واحد مش عايز مراتي تشتغل.. وانا هصرف عليكي.. سواء دلوقتي او بعد مانتجوز... وبطلي شغل عبط بقاا عشان انا جضيت منك بجد... 

وعد: ماهو.. 

متيم: مش عايز رغي كتير... سمعتي انا قولت اي!.. وبعدين شغل اي اللي عايزه تشتغليه.. عشان تفضلي فيه لوحدك وحد يضايقك او يتعرضلك وانا مبقاش موجود... انسي ياماما.. 

وعد: اوووف.. مش عارفه انت بتقرر بالنيابه عني ليه.. يعم انا حره.. انا عايزه اشتغل.. وبعدين زهقت من قعدة البيت.. 

متيم: دا بجد!!... دانا كل ماكلمك تقوليلي نايمه ياوعد... دانتي بتنامي طول اليوم ياوعد... قعدة اي اللي زهقتي منها!! 

وعد: يعني مفيش امل! 

متيم: للاسف لا.. معنديش الاوبشن دا.. 

وعد: طب طلقني يامتيم.. هه.. 

..................... 

اياد: ومين سعيد الحظ! 

لين: واحد كدا... بس مفيش نصيب.. 

اياد: هو الخسران والله.. 

لين: لا بالعكس.. هو مش خسران خالص.. 

اياد: لا خسران.. طب والنبي قوليلي هيلاقي فين واحده بالرقه والحلاوه دي.. 

لين: لا مش للدرجادي.. يلا ربنا يسعده.. 

اياد: كويس والله.. طب بقولك اي.. ماتتجوزيني انا.. 

لين: اشطا موافقه.. 

اياد: بتكلم جد.. 

لين: وانا كمان.. يلا لو جاهز روح اتقدم لبابا.. 

اياد: يعني موافقه! 

لين: ايوا ياعم.. ليه لا.. 

اياد: حلو.. ماشي.. 

لين: اي دا انت صدقت ولا اي.. انا بهزر.. 

اياد: بس انا بتكلم جد.. 

لين: هي مالها بتضلم كدا ليه.. بقولك اي.. تعالى نشرب حاجه.. 

..................... 

جاكي: انت هتفضل قالب وشك فيا كدا.. 

بصلي ومردش عليا.. 

جاكي: مانا مش هفضل اكلم نفسي كدا كتير.. 

جاك: عايزه اي.. 

جاكي: مالك.. زعلان ليه.. 

جاك: فارقه معاكي يعني! 

جاكي: اكيد.. 

جاك: واضح... ع العموم متشغليش بالك.. 

جاكي: من امتى زعلك مبيفرقش معايا ياجاك!.. 

جاك:.... 

جاكي: طب انا اسفه ياسيدي.. حاجه تاني! 

جاك: مقولتلكيش اتأسفي.. 

جاكي: مانت طلاما زعلان كدا يبقاا اكيد شايف اني غلطانه.. واديني اعتذرت.. تحب ابوس دماغك كمان! 

جاك: اسكتي ياجي.. انا مقولتش كدا.. 

جاكي: وع فكره.. لو عايزني اقطع علاقتي بمحمد فانا معنديش مشكله...عشان اثبتلك ان محدش ف الدنيا كلها يفرق معايا غيرك.. مع ان محمد غالي عليا قوي.. بس ممكن اقطع علاقتي بيه عشانك لو حابب.. 

جاك: تعالي طيب اقعدي هنا.. 

قومت قعدت جنبه.. 

جاك: مطلبتش منك تقطعي علاقتك بحد... وواثق فيكي اكتر من نفسي... انا بس اتضايقت لما سمعتكوا بتتكلموا وهو بيقولك مش قادر انساكي.. المفروض اني اعمل اي يعني.. 

جاكي: بس انت عارف محمد كويس... وعارف انه مش ممكن يإذيني او يبصلي بطريقه وحشه حتى.. 

جاك: عارف.. وعشان كدا مرضتش اكلمه... بس كمان ياريت يبقى في حدود.. هو كان بيحبك زمان.. ودلوقتي انتي متجوزه... يعني اصلا مينفعش يفكر يقولك حاجه زي كدا.. 

جاكي: هو مقلش من نفسه.. انا اللي فتحت الموضوع ياجاك... عشان ندى متضايقه وكدا.. وانا حبيت اعرفه انه لازم يحافظ ع ندى وينسى اي حاجه تاني.. 

جاك: ايا كان.. اول واخر مره تتكلمي معاه او تسمحيله يكلمك ف حاجه زي كدا.. 

جاكي: حاضر.. 

............... 

متيم: بتفكري ف اي.. 

وعد: ولا حاجه.. 

متيم: لا سرحانه من بدري.. مين واخد عقلك..

وعد: متيم.. اهلك عارفين اني ممكن مخلفش!. 

متيم: امم.. هو دا اللي شاغل بالك! 

وعد: رد عليا.. 

متيم: ااه.. عارفين وموافقين.. 

وعد: مش مصدقاك... 

متيم: ليه.. 

وعد: انت بتكدب يامتيم.. 

متيم: هكدب عليكي ليه!!.. 

وعد: لا بتكدب.. اهلك ميعرفوش اصلا حاجه زي دي.. 

متيم: اي اللي خلاكي تقولي كدا.. 

وعد: اي اللي هيجبرهم يوافقوا عليا... ماهو زي ماقالت شهد دي.. انا واحده يعتبر من الشارع.. وكمان مبخلفش.. اي اللي يجبرهم ع كدا. 

متيم: انا اللي هتجوزك.. 

وعد: لا يامتيم.. لو اهلك مش موافقين فانا مش هقدر اوافق عليك.. 

متيم: بتموتوا ف النكد.. ماحنا كنا حلوين دلوقتي.. 

وعد: مانت مش هتحس بيا يامتيم.. 

متيم: لا حاسس.. ومعنديش مشكله وقولتلك قبل كدا.. لو سمحتي بطلي طريقتك دي.. 

وعد: طب يلا عشان انا عايزه ارجع.. 

متيم: يلا...

................. 

محمد: مالك ياندى.. 

ندى: مليش ياروح ندى.. 

محمد: لا شكلك متضايقه.. 

ندى: هتضايق ليه وانت موجود...

محمد: طب انا اسف.. 

ندى: ع اي.. 

محمد: معرفش.. بس حاسس اني لازم اتأسفلك.. واتأسفلك كتير قوي كمان.. 

ندى: لا ياحبيبي متتأسفش... انا متفهمه اللي انت فيه.. 

محمد: متفهمه اي!! 

سكتت شويه وبصت للبحر.. 

ندى: حبك لجي.. 

محمد: احم.. ا انتي.. 

ندى: محمد.. انا مراتك.. والواحد ممكن يلف ويدور ع الدنيا كلها الا مراته.. وبعدين محدش هيفهمك قدي.. انت لسه بتحب جي..وانا عاذراك.. الحب مش بإدينا.. 

محمد: ازاي بتتكلمي بالسهوله دي.. المفروض تبقي متضايقه.. 

ندى: ابقى متضايقه لو انت بتحب واحده و بتخوني معاها او بتكلمها ف حاجه كدا... بس انت وضعك مختلف... جي جتلك ف وقت كنت محتاج حد حنبك فيه وبالتالي اتعلقت بيها جامد لدرجة انك لحد دلوقتي مش عارف تتخطاها... 

محمد: مين قالك كدا.. 

ندى: قولتلك انا مراتك.. عارفه ان لو عليك فانت مش عايز تفكر فيها ولا تحب حد غيري.. بس دا شئ خارج ع ارادتك.. وبعدين اللي حصل مش سهل.. انت حبيتها واتعلقت بيها جامد وفجأه اخوك اتجوزها... طبيعي دا يبقى صدمه بالنسبالك... 

محمد: ندى انا بحبك... مش معنى اني مجروح من جي اني مش بحبك... انا والله العظيم بحبك جدا.. انتي مش متخيله انتي عندي اي... ولو مكنتش حبيتك مكنتش اتجوزتك من الاول... بس انا ارتحتلك وحبيتك وحسيتك انتي اللي هتحتويني بعد الصدمات اللي خدتها ورا بعض دي... انتي اغلى حاجه ف حياتي حقيقي... 

ندى: ودا كفايه... عشان كدا بقولك متشغلش بالك بيا.. انا كفايه عليا انك معايا.. 

محمد: بصي.. صدقيني انا عارف ان دا صعب.. واظن لو الوضع معكوس مكنتش هبقى بالسلاسه دي... بس صدقيني هحاول.. هحاول اتناسى.. مع اني حاولت كتير بس معرفتش...حقك عليا والله... انا عارف ان دا غلط.. بس.. غصب عني.. 

ندى: لو قلبك بإيدي مكنتش خليتك تحب حد غيري.. ويكفي انك مش بتفكر فيها بمزاجك.. 

محمد: انا مش بفكر فيها... هي بتيجي ف بالي لوحدها.. بحاول اشغل نفسي بأي حاجه بسرعه عشان مفكرش فيها.. بس.. 

ندى: يابختها...انت حبيتها من قلبك لدرجة انك مش قادر تنساها حتى وانت معايا.. وكمان جاك بيحبها قوي.. 

محمد: انا اسف.. 

.................... 

وعد: ممكن اتكلم معاكوا شويه! 

جاكي: امال فين متيم! 

وعد: واقف مع الشباب هناك.. 

جاكي: طب تعالي ياحبيبتي اقعدي.. في اي.. 

جاك: متيم ضايقك ولا حاجه! 

وعد: لا.. هو بصراحه كنت عايزه اتكلم ف موضوع كدا.. 

جاك: اتكلمي.. 

وعد: هو متيم قالكوا اني مبخلفش!! 

جاكي: نعم!!.. 

جاك: جي.. 

جاكي: قصدي يعني.. لا.. مقلش حاجه زي كدا.. هو قال انه بيحبك وعايز يتجوزك.. 

وعد: ااه... طب انا عايزه اعرف رأيكوا بعد ماعرفتوا... وطبعا تقدروا ترفضوا لان دا حقكوا.. 

بصينا لبعض انا وجاك.. 

جاك: بصي ياحبيبتي.. دي حاجه تبقى بينك وبينه... انتوا اللي تقرروا.. لان سواء خلفتوا او لا فدي حاجه تخصكوا انتوا... وطلاما هو موافق وراضي يبقى محدش يقدر يقول لا... لان هو اللي هيتجوزك مش احنا... وطلاما هو وافق من الاول يبقى ملوش حق بعد كدا يلومك ع عدم الخلفه.. فهمتي!! 

وعد: اي السهوله دي.. يعني انتوا معندكوش مشكله! 

جاك: لا معندناش اكيد.. وبعدين دي حاجه بتاعة ربنا.. يعني محدش عارف بكرا مخبي اي.. متشغليش بالك ياقمر انتي ومتنكديش ع نفسك... انتي لوحدك بالدنيا كلها عندنا كلنا.. 

ع الرغم من اني اتضايقت شويه لما قالت كدا بس لقيتها بصتله بحب كبير قوي وهي مبتسمه.. 

وعد: ممكن احضنك!!

جاك: اكيد.. 

قامت حضنته ومتيم باصص علينا من بعيد..

جاكي بغيره: خطفتي الراجل خلاص!!.. لا كملي ياروحي.. بوسيه من خده كمان.. 

جاك: ولعه.. 

جاكي: وعد.. روحي لمتيم وسيبيلي جاك.. 

جاك: لا خليكي معايا متمشيش.. 

جاكي: ووعد.. 

جاك: متسيبنيش معاها لوحدي.. خليكي ينوبك ثواب.. 

متيم نده عليها.. 

جاكي: كلمي ياروحي.. 

وعد: سوري بقاا ياچو.. انا رايحه استلقى وعدي انا كمان.. 

سابتنا ومشت لمتيم.. 

جاك: متتهوريش.. صلي على النبي كدا.. 

جاكي: بتحضنها قدامي ياجاك! 

جاك: ولو من وراكي عادي يعني! 

جاكي: مبهزرش.. 

جاك: اهدي بس.. دي قد بنتي.. والحضن كان ابوي مش اكتر.. 

جاكي: ابوي ااه.. خلاص اروح احضن عدي انا كمان... 

جاك: ع جثتي.. احنا هنخيب ولا اي.. 

جاكي: اشمعنى بقاا.. 

جاك: لا عدي مش مظبوط واصلا بيفضل يعاكسك.. 

جاكي: طب ماكنت بوستها بالمره.. 

جاك: ياهبله دي قد بنتي.. اعقلي وبطلي غيره.. 

جاكي: وحياة ربنا ماشي.. مش عاتق لا صغير ولا كبير.. والله لما نرجع هتشوف هعمل اي مع عدي.. 

جاك: متقدريش.. 

جاكي: ماشي هنشوف... وانت ماشاء الله.. حضنك واسع ويسيع الجميع.. 

جاك: اووماال.. مانتي عارفه.. 

جاكي: وجه معزه صحيح...

لسه قاعدين بنتخانق وسمعنا صوت صويت جاي من ناحية البحر.. 

يتبغ...