رواية قلبي ليس بيدي 3 الفصل العشرون 20 بقلم حسناء رمضان

جاك: فين اسيل.. 

جاكي: امم.. تحت.. 

جاك: بتعمل اي تحت.. 

جاكي: مع عدي.. 

جاك: بردو!! 

جاكي: معلش.. 

جاك: اي الصوت دا.. 

.......... 

اسيل: في اي.. هو مين دا اللي من الشارع!! 

شهد: الاخ اللي انتي دايره معاه دا.. 

عدي: احترمي نفسك لو سمحتي.. انا سايبك تغلطي فيا بس مش هسمحلك تغلطي فيها.. 

شهد: لا راجل.. ومن امتى بقاا دا.. 

اسيل: انتي عايزه اي دلوقتي يعني!! 

شهد: ماتقولها عملت اي.. 

عدي: عملت اي! 

شهد: دانا مشوفتش ف بجاحتك.. 

اسيل: ماتقولي عمل اي.. 

جاك: بس بس.. اي الصوت دا.. اي اللي بيحصل هنا.. 

شهد: تعالى شوف مجايب بنتك.. 

جاك: في اي.. 

شهد: الاستاذ المحترم اتحرش ببنتي.. 

عدي: نعم!!!!... 

جاك: انتي بتقولي اي! 

شهد: هتبلى عليه يعني!!... اطلع اسألها بنفسك ياجاك.. انا قولت من الاول دا واحد من الشارع ومينفعش يدخل العيله.. ازاي اصلا بتثقوا ف الاشكال دي.. 

اسيل: احترمي نفسك... عدي مستحيل يعمل كدا.. 

جاك: صحيح اللي بتقوله دا ياعدي!! 

عدي: لا طبعا.. وحياة ربنا ماحصل.. 

متيم وصل هو ووعد.. 

متيم: متجمعين كدا ليه.. في اي.. 

شهد: الاستاذ عدي.. اتحرش برودي.. 

متيم: نعم!!.. ااه ياحيوان.. 

لسه هيمشي عليه عشان يضربه بس جاك وقفه.. 

جاك: اهدى يامتيم.. 

متيم: انا عايز افهم هو بيعمل اي هنا اصلا بعد اللي حصل.. وكمان بيتجرأ ويعمل حاجه زي كدا.. 

جاك: اهدى لما نفهم كل حاجه.. 

متيم: نفهم اي.. المفروض منرحموش.. 

جاكي: لا.. عدي ميعملش كدا ابدا.. 

شهد: اكيد مش هطلع سمعه ع بنتي ياجي.. 

جاكي: قادره وتعمليها... بس ياريت متدخليش الواد ف حواراتك دي.. 

شهد: هتجيبلي حقي ياجاك ولا اروح ابلغ!! 

جاك: فين رودي!! 

شهد: عماله تعيط ف اوضتها.. 

جاك: اطلعي هاتيها ياجي.. 

شهد: انا هطلع اجيبها.. 

جاك: جي اللي هتجيبها.. 

جاكي: حاضر.. 

طلعت فوق لقيتها قاعده عادي.. 

رودي: خير.. 

جاكي: عايزينك.. 

رودي: طب جايه وراكي.. 

جاكي: قدامي.. 

رودي: طيب.. 

مشت قدامي واول ماوصلنا تحت حالها اتقلب واترمت ف حضن جاك وهي بتعيط.. 

جاك: اهدي وفهميني اي اللي حصل.. 

رودي: عدي.. 

جاك: عمل اي.. 

رودي: ا اتحرش بيا.. 

عدي: انا!!! 

رودي: ايوا انت.. وكمان كان بيبصلي بطريقه وحشه وانا لابسه المايوه وفضل ماشي ورايا ف كل مكان.. 

شهد: ايوا.. وانا شوفتك كنت بتبصلها ازاي وهي لابسه المايوه.. 

متيم: اظن دلوقتي المفروض تسيبني عليه.. 

جاك: لا.. اسكت انت.. 

جاكي: اتحرش بيكي امتى يارودي! 

رودي: النهارده.. 

جاكي: ايوا النهارده امتى! 

رودي: كنت بتمشى معاه وهو استغل ان مفيش حد معانا وقعد يحط ايده عليا.. 

بصيت ع عدي لقيته ساكت ومستسلم تماما... 

جاكي: بس المفروض انتي بتقولي انه بيبصلك بطريقه وحشه... دا معناه انه حد مش كويس.. ليه مشيتي معاه لوحدك!! 

شهد: وهي هتعرف منين انه بالوساخه دي.. 

جاكي: طب ياريت تحترمي نفسك ومتغلطيش فيه.. وانتي ياست رودي.. ليه مرجعتيش ع طول وقولتي لجاك... استنيتي ليه لحد دلوقتي!! 

رودي: ماهو.. 

شهد: ماهو جاك كان بيتخانق فيه.. وبعدين اصلا هي كانت بتعيط ومش قادره تتكلم.. هتروح تقول لجاك ازاي حاجه زي كدا.. 

جاكي: وليه المفروض نصدقكوا!! 

شهد: انتي عبيطه!!.. بقولك اتحرش بيها.. والله اعلم كان ناوي ع اي كمان.. 

جاكي: ايوا بس انتوا ممكن تكونوا بتقولوا كدا عشان مش بتحبوه.. وهو معملش حاجه.. 

شهد: جاك.. شوف هتتصرف ازاي.. ولا اتصرف انا! 

جاك: عدي.. ساكت ليه! 

عدي: مش عارف اقول اي.. 

جاك: قول انت عملت كدا ولا لا.. 

عدي: حتى لو قولت لا مش هتصدقوني.. بس انا معملتش كدا.. ومش هعمل.. اسيل انتي مصدقاني!.. 

اسيل: بابا.. ياريت تخليهم يمشوا.. ويقطعوا علاقتهم بينا نهائي.. مش عايزاهم ف حياتنا تاني.. كفايه مشاكل.. واحنا كلنا عارفين هما بيحاولوا يعملوا اي.. انتي بس مش قادره تشوفيني مبسوطه معاه.. فَ عايزه تفرقينا.. عشان انتي محدش معبرك.. عشان انتي ولا حاجه.. وعشان اثبتلك انك كدابه.. لما كنتي لابسه المايوه انتي اللي جيتي بنفسك لعدي وهو مرضيش يروح معاكي وفضل باصص ف الارض لحد مامشيتي... يعني اصلا مبصلكيش... وكمان انتي بتقولي اتحرش بيكي لما اتمشيوا مع بعض.. انا شوفتكوا وانتوا ماشيين وكمان انتي اللي طلبتي منه يمشي معاكي.. واصريتي كمان.. ولما رجعتوا هو فضل تحت وانتي طلعتي اوضتك وكنتي داخله مبسوكه وبتغني وتضحكي كمان.. مظنش ان في واحده هيبقى لسه واحد مش متحرش بيها وهتبقى داخله ترقص وتغني.. ولا اي يارودي!.. 

عدي بصلها وابتسم.. 

اسيل: طبعا مش هتردي.. انا عارفه انتي وامك عايزين تعملوا اي.. بس بصراحه كفايه قوي لحد كدا.. ياريت تخرجوا من حياتنا بقاا.. احنا مش ناقصين مشاكل.. امك عايزه ابويا وانتي عايزه عدي.. اصل الحكايه واضحه قوي ياجماعه والله.. 

شهد: شايف قلة الادب بتاع بنتك! 

جاكي: بنتي مش قليلة ادب..دي حقيقه ياشهد.. ولا انتي نسيتي!.. 

جاك بتريقه: شهد.. انا مقدر خوفك ع بنتك.. بس في حل افضل.. ان انتي تاخديها وتمشي.. عشان نفسيتها بردو وكدا... اصل دا تحرش مش حاجه سهله.. واوعدك اني هعلمه الادب ع اللي عمله دا... بس الاحسن دلوقتي انك تروحيها عشان مينفعش تفضل معاه هنا... وانا هضربه متقلقيش... هاخدلك حقك منه.. 

شهد: انت بتتريق عليا!! 

جاك: مين قال كدا بس.. بس كفايه كدا عشان الناس وكدا.. اكيد انتي مش عايزه فضيحه لبنتك.. 

شهد: حقك.. مانت واحد سايب بنتك ماشيه مع شاب قدام عينك.. هتقول اي يعني!!.. 

ملامح جاك كلها قلبت ف ثانيه وراح وقف قدامها وعينيه بتطق شرار.. 

جاك: اقسملك انك لولا واحده ست انا كنت دفنتك مكانك.. 

جاكي: وعلى اي!.. عنك انت ياروحي.. 

روحت بعدته ووقفت مكانه.. 

جاكي: مين دي اللي ماشيه مع شاب ياحبيبتي!!.. عدي يعتبر خطيبها.. وكمان قدامنا.. وف النور.. وقدام الكل.. والكل عارف.. وعمرهم ماتخطوا الحدود.. الدور والباقي عليكي يابتاعه انتي انتي وبنتك البايره دي.. كنتي هتموتي ع جوزي وهو نفضلك واتجوزني انا... ومع ذلك لسه بتحاولي تاخديه لحد دلوقتي وهو مش معبرك.. طب حتى اعملي اعتبار انك متجوزه... لا وكمان علمتي بنتك ازاي تخطف الرجاله... هو انتوا للدرجادي مش لاقيين حد يعبركوا!!.. مش لاقيين غير دول!!.. لو سمعتك بتقولي كلمه واحده ع بنتي تاني صدقيني مش هرحمك... ملاقوش ف الورد عيب ياختي.. 

فيروز نزلت.. 

فيروز: الله الله... قاعدين تشرشحوا لبعض قدام الناس كدا... 

جاك: لازم يمشوا يافيزوو.. خليهم يمشوا افضل من الحوارات دي.. 

فيروز: لي اي اللي حصل.. هببتوا اي تاني! 

جاكي: خليهم يقولولك بقاا.. بس دلوقتي لازم يمشوا.. 

فيروز: مينفعش يابنتي.. هيرجعوا ازاي لوحدهم.. معهمش حد.. 

جاكي: وجودهم مبيعملش غير المشاكل.. 

فيروز: هما كلهم يومين وهنرجع.. كل واحد يبقى ف حاله اليومين دول.. ولما نرجع يعدلها ربنا.. 

جاك: ماشي... بس بما انهم هيقهدوا يبقى يعتذروا.. 

فيروز: لمين! 

جاك: لعدي.. مش كفايه اهانات ولا اي!!.. هو استحمل كلامكوا كتير... اعتذروا يلا.. 

شهد: لا اكيد مش هنعتذر يعني.. 

جاك: مش هكرر كلامي تاني.. اخلصوا.. 

فيروز: اعتذروا ياشهد خلينا نخلص.. 

شهد: محدش فيكوا مصدقني.. اعتذر ليه انا.. 

جاك: عشان كدابه.. 

شهد: لا مش كدابه.. انتوا اللي واقفين معاه.. 

جاك: اعتذري ياشهد.. او خدي بنتك وامشي.. وريني هترجعوا ازاي.. 

فيروز: يلا ياشهد.. 

شهد: ماشي.. مع اني مش غلطانه يعني.. انا اسفه ياعدي بيه.. 

الاتنين خدوا نفسهم وطلعوا فوق.. 

جاك: اسف ع اللي حصل ياعدي.. 

عدي: حصل خير.. 

جاكي: معلش متزعلش.. حقك عليا انا.. 

عدي: لا مش زعلان طبعا.. كفايه انك دافعتي عني.. 

جاك: اسلك ياعدي.. اسلك عشان مبوظش وشك تاني.. كلنا دافعنا مش هي بس.. 

عدي: بصراحه هي اكتر واحده يعني.. 

جاك: شايفه!! 

جاكي: معلش.. بيهزر بس.. اسكت يخربيتك.. 

فيروز: طب يلا نقعد بقاا.. زهقتوني.. مفيش مره نروح ف حته الا وتفضحونا كدا.. 

روحنا قعدنا كلنا قدام البحر وفضلنا نهزر ونضحك وهما فوق لوحدهم.. 

فيروز: اطلع هاتهم يامتيم.. 

جاك: يجيب مين! 

فيروز: معلش.. خليهم يقعدوا معانا... محدش يكلمهم ولا ييجي جنبهم لحد مانروح.. بس مينفعش يفضلوا منعزلين كدا.. خلينا احسن منهم.. 

جاك: والله انتوا اللي بتجيبوه لنفسكوا.. 

فيروز: معلش.. اطلع يامتيم.. 

طلع جابهم وقعدوا وهما ساكتين ومحدش بصلهم.. 

متيم: صحيح ياجو.. روحت فين بقاا انت وماما كدا ف الخباثه.. 

جاك: اتلم يلااا بدل مااقوملك.. 

اسيل: لا بجد روحتوا فين.. 

جاكي: انتوا مالكوا.. اي البرود دا.. واحد واخد مراته عشان يشموا هوا شويه.. مالكوا انتوا... ع اساس اننا عرفنا نعمل حاجه منكوا.. مانتوا رنيتوا وزهقتونا معاكوا.. 

جاك: كل مانروح مكان لازم ترنوا وترجعونا.. مش عارف انا اي دا.. 

متيم: مانا مش عارف بصراحه انتوا مفكرين نفسكوا صغيرين ولا اي.. دانتوا معاكوا تلاته طولكوا ياجماعه.. 

جاك: ملكش دعوه.. انا بحب ادلع حبيبتي.. اي اللي مضايقك انت.. 

فيروز: طول عمره بيدلعها ياخويا.. محسسيني ان مفيش غيرهم بيحبوا بعض.. 

جاكي: ووه.. قلبتوا علينا كدا ليه.. في اي يافيزو!! 

جاك: اعيش وادلعها.. واعملها اللي هي عايزاه كمان.. مراتي حبيبتي حبة قلبي.. 

جوري: حلوه حبة قلبي دي.. 

جاكي: مش بيقولي غيرها ياختي.. 

جوري: ابسطي ياست.. محدش قدك.. 

جاكي: قُري .. خليه يطلقني بقاا.. 

اسيل: ميقدرش.. اصلا مكنتش اتخيل انه بيحبك كدا.. 

فيروز: اهو عدي بيحبك انتي كمان ياختي... كلكوا اقعدوا حبوا ف بعض وانا اقعد اتفرج عليكوا كدا... دانا كنت اقولهم قعدوني وسطيكوا عشان اسمع اللي بتقولوه مكانوش بيرضوا... كنت هاكلكوا صح! 

جاك: اصل احنا قاعدين قعده رومانسيه.. تتحشري ليه انتي!!... قال هقعد ومش هعمل صوت.. هو لعب عيال! 

فيروز: انتوا واطيين اصلا.. انا غلطانه كنت بسهلكوا الدنيا... 

جوري: ومين فينا بقاا شبه ماما اكتر! 

جاك: ولا حد فيكوا.. كنت حابب اخلف منها عشان يبقى عندي كذا نسخه منها... بس للاسف... محدش فيكوا عرف يجيب جمالها.. حاجه مميزه كدا.. مع ان عينك يااسيل زي عينيها.. بس لا.. هي مختلفه جدا.. كلكوا خدتوا حاجات بسيطه قوي منها.. عشان هي مينفعش يبقى ليها شبه.. 

متيم: اووه.. داحنا نسقفلك بقاا.. 

جاك: سقف ياخويا.. هو انا بقول حاجه غلط!!.. ماهي فعلا حاجه نادره ومحدش فيكوا زيها.. 

جوري: بس اكيد قابلت ناس اجمل منها.. 

جاك: تؤتؤ.. محصلش.. محدش فيهم لفت انتباهي حتى... مفيش غيرها اللي وقعتني ع وشي ياست.. جمالها خاص بيها هي.. مفيش زيها.. 

اسيل: ايوا الناس المغرمه دي.. وع كدا لسه بتحبها زي الاول!!.. المفروض يبقى في زهق.. بقالكوا كتير مع بعض.. 

جاك: كل مره بشوفها فيها بقع ف حبها من جديد.. كإني اول مره احبها.. اصلا لحد دلوقتي ساعات مش ببقى مصدق ان بعد اللي حصل دا اتجوزتها.. 

جاكي: ااه.. اصل بعيد عنك كان في عوائق كتير ف الطريق.. 

اسيل: ااه عارفه.. ربنا مايجيب عوائق تاني.. 

متيم: طب بابا.. انا عايز اتجوز بقاا.. 

جاك: ياحول الله يارب.. انت اهبل يابني!! 

متيم: ماهو انا معرفش المفروض هنعمل اي دلوقتي ولا هنبدأ ازاي.. 

جاك: اهم حاجه تكون هي موافقه الاول.. 

متيم: هي موافقه متقلقش.. 

جاك: اسمعها منها.. موافقه ع الواد دا ياوعد!!.. ليكي الحق ترفضي.. 

وعد: لا مش موافقه... بقى دي خلقه ارتبط بيها!!... اجيب لنفسي حاحه ليه!! 

جاك: والله العظيم اعقل واحده فينا.. بصي خليكي كدا ومتوافقيش عليه بسهوله.. طلعي عينه الاول.. 

متيم: اي يعم انت وهي.. انتي مش كنتي موافقه يابت انتي! 

وعد: غيرت رأيي.. 

شهد: وتغيري رايك ليه.. دا حتى غني وهترتاحي معاه بدل مانتي دايره ف الشوارع كدا.. 

متيم: شوارع!.. احلى شوارع.. واجمل شوارع.. وانضف شوارع.. طب هو في ف الدنيا شوارع قمر كدا!!.. 

جاكي: عارفه الشوارع دي... المفروض يعني انتي اللي تكوني فيها.. لايقه عليكي بصراحه.. اما القمر دا مينفعش يبقى ف الشوارع.. 

شهد: حبيبتي احنا ولاد عز من يومنا.. 

جاكي: واضح ع وشك.. 

جاك: جي.. خلاص.. 

اسيل: طب انا عايزاك يابابا...

جاك: في اي..  

اسيل: تعالى معايا.. 

خدته وراحت بعيد.. 

جاك: خير ياحبيبي في حاجه! 

اسيل: كنت عايزه اتكلم معاك ف موضوع جوازي من عدي.. 

جاك: ااه.. انتي موافقه! 

اسيل: ايوا.. 

جاك: طب بصي.. فكري كويس.. اصل دا مش حاجه سهله.. دا جواز.. يعني هتلبسي فيه طول عمرك... فكري كويس وانا مش هقف قدام رغبتك ابدا.. 

اسيل: فكرت.. انا بحبه وموافقه عليه.. بس.. في كام حاجه كدا.. 

جاك: اي هما!! 

اسيل: عايزه اتجوزه ف اقرب وقت.. 

جاك: ليه.. 

اسيل: بص يابابا.. انا مش ضامنه انا هعيش قد اي.. فَ انا عايزه الحق الكام يوم اللي فاضلين دول معاه.. 

جاك: بعد الشر عنك.. متقوليش كدا.. هتخفي وتبقي زي الفل.. 

اسيل: مضمنش.. ع العموم اي رأيك يعني.. 

جاك: بس هو مش جاهز دلوقتي.. 

اسيل: مش هعمل فرح.. 

جاك: نعم!! 

اسيل: ومش هيجيب ڤيلا... هنقعد ف شقه ايجار.. 

جاك: لا انتي اتجننتي فعلا.. انتي واعيه للي بتقوليه!! 

اسيل: ايوا يابابا.. انا موافقه ع كل حاجه.. وبعدين عشان يعمل فرح وانت تعزم فيه معارفك اكيد لازم يكون كبير ومكلف.. وهو لسه طالب ومش هيقدر يعمل كدا... 

جاك: مش لدرجة انك متعمليش فرح يااسيل.. دا يوم ياماما.. 

اسيل: عشان خاطري يابابا.. وافق.. 

جاك: طب وبالنسبه للشقه.. ايجار اي اللي تقعدي فيه!.. انتي مش هتستحملي يااسيل.. انتي مبتقدريش تقعدي من غير تكييف.. احنا هنهزر!! 

اسيل: هستحمل عشانه.. 

جاك: مقدر اللي انتي فيه لاني كنت مكانك كدا.. بس.. هتتعبي يااسيل.. 

اسيل: مش يمكن قاعدلي كام يوم بس.. هقضيهم معاه وانا مراته يابابا.. صدقني معنديش اي مشكله.. بس وافق انت والنبي.. 

جاك: ماشي.. بس شوفي مامتك.. 

اسيل: لا اقنعها انت والنبي.. 

جاك: طب ممكن عشان خاطري تفكري كويس!! 

اسيل: بابا.. انا عارفه انا بعمل اي... ومرتاحه كدا.. 

جاك: ماشي ياست.. هقنع مامتك واشوف.. يلا نرجع.. 

رجعوا وكان كل واحد طلع اوضته... 

لقوا عدي قاعد بعيد لوحده.. 

اسيل: طب انا.. هروح اعرف عدي.. 

جاك: ماشي.. متأخريش هنا.. 

اسيل: حاضر.. 

طلع وهي راحت لعدي.. 

اسيل: بتفكر ف مين.. 

عدي: كنتي فين.. 

اسيل: كنت بتجول مع جو شويه.. 

عدي: يابخته.. 

اسيل: طب في حاجه كنت عايزه اقولهالك.. بس صحيح.. انت هتتجوزني امتى!.. 

عدي: اي السؤال دا.. مش عارف.. بس.. اكيد مش الفتره دي عشان لسه مظبطش حاجه.. 

اسيل: امم.. طب في كام قرار كدا خدته وعايزه اقولك عليهم.. 

عدي: اشجيني ياست.. 

اسيل: امم.. مفيش فرح... وبالنسبه للشقه، هنقعد ف شقه ايجار زي ماقولنا.. وكمان احنا الاتنين هنشتغل.. اي رأيك.. 

عدي: امم.. ومين قالك اني هوافق.. 

اسيل: ولي معترض بقاا.. 

عدي: اولا مينفعش يبقي مفيش فرح.. ثانيا انتي لسه طالبه.. هتشتغلي ازاي.. لا يااسيل كل حاجه ملغبطه.. اديني شوية وقت بس وانا هتصرف.. 

اسيل: عدي انا قررت وخلاص.. وقولتلك معنديش اي مشكله مع اي حاجه.. كفايه اني هبقى معاك... وبعدين انا عايزه ابقى معاك ف اقرب وقت عشان انا مش عارفه امتى مش هبقى موجوده... 

عدي: بعد الشر.. طب اهلك مش هيوافقوا.. 

اسيل: موافقين ياسيدي... يعني كل حاجه محلوله اهي.. 

عدي بتوتر: قولتيلهم اي.. 

اسيل: قولتلهم اني مش حابه اعمل فرح ودي رغبة مني انا.. وكمان مش عايزه اعيش ف مكان كبير.. انا عايزه شقه صغيره ع قدي انا وانت بس.. يعني متقلقش انا ظبطت كل حاجه.. 

عدي: واقتنعوا! 

اسيل: اكيد.. 

عدي: مش عارف.. الدنيا بايظه خالص. 

اسيل: كل حاجه محلوله.. الا لو انت مش عايزني.. 

عدي: عايزك اكيد.. خلاص هعرف اهلي واشوف.. 

   .........  ................. 

جاكي: نعم ياخويا!!! 

جاك: اهدي.. 

جاكي: دانا مستنيه فرح اسيل عشان ارقص.. تقولي مفيش فرح!! 

جاك: ترقصي اي ياللي تنشلي انتي.. ماتفهمي بقاا.. 

جاكي: ايوا بس.. حتى لو هنعمله صغير ياجاك.. مينفعش منعملش خالص.. 

جاك: جي.. الدكتور قال اسيل قاعدلها ايام معدوده.. ودا واقع احنا بنتهرب منه... ع الاقل نبسطها ف الايام دي.. 

جاكي: بنتي هتعيش ياجاك... الدكتور يقول اللي هو عايزه.. 

جاك: ان شاء الله.. المهم دلوقتي انا بحاول اسعدها ع قد ماقدر.. وافقي ياجي.. 

جاكي: ماشي.. 

جاك: ماشي.. انا هنزل عشان عايز عدي ف كلمتين.. 

....................... 

نزل وكان عدي واسيل قاعدين مع بعض.. 

جاك: عدي.. عايزك ثواني.. 

بص لاسيل بتوتر وقام.. راحوا بعيد واسيل استنت مكانها.. 

فوق ف البلكونة.. 

رودي: شايفه!!... شايفه اللي بيحصل! 

شهد: اسكتي عشان انا بخطط لحاجه مهمه دلوقتي.. 

رودي: حاجة اي! 

شهد: مش انتي عايزه عدي واسيل ميتجوزوش! 

رودي: ااه.. 

شهد: طب خلاص... اسمعي اللي هقولك عليه.. 

.................... 

جاك خلص كلام مع عدي ومشي.. 

اسيل: كان عايزك ف اي.. 

عدي:... 

اسيل: عدي.. 

عدي: ها.. اي.. 

اسيل: بابا كان عايزك ف اي.. 

عدي: لا ولا حاجه... كان بيوصيني عليكي بس.. 

اسيل: ااه.. ماشي.. بقولك اي.. متزعلش لو بابا عاملك وحش او حاجه.. هو بس بيخاف عليا قوي ومبيحبش حد يزعلني.. 

عدي: حقه.. انا لو عندي بنت قمر كدا كنت خبيتها.. مكنتش خليت حد يشوفها.. 

اسيل: يجدع! 

عدي: اووماال.. صحيح.. انا مضطر ارجع بكرا.. 

اسيل: ليه.. 

عدي: ماما تعبانه شويه.. ولازم ابقى معاها.. 

اسيل: لي اي اللي حصل.. 

عدي: محصلش حاجه.. بس انا حابب ابقى جنبها شويه.. وبعدين يومين وهترجعوا اصلا.. 

اسيل: امم.. ولو اني مش عايزه اقعد من غيرك... بس ماشي.. كله يهون عشان الست الوالده.. 

عدي: الست الوالده هتعشق امك.. 

...................... 

ندى: مالك يالين.. 

لين: مليش ياماما.. 

ندى: ملكيش اي.. انتي مش شايفه نفسك عامله ازاي.. وبعدين بقالك فتره كدا مش مظبوطه.. في حاجه مضايقاكي.. 

بدأت دموعها تنزل.. 

ندى: مش بقولك!.. قولي بقاا.. 

لين: هو ليه الحب عباره عن وجع.. 

ندى: حب!!.. وانتي تعرفي اي عن الحب.. 

لين: ماما انا بحب متيم.. بحبه من زمان قوي.. 

ندى: متيم!!... مش لاقيه غير متيم يالين!.. مانتي عارفه انه بيحب وعد... 

لين: انا حبيته من قبل وعد دي ماتظهر.. انا بحبه من زمان قوي.. بس هو مشافنيش ولا حس بيا ولا مره... هي فيها اي احسن مني.. حاولت اعمل كل حاجه عشان اخليه يحبني بس معرفتش.. 

ندى: ومش هتعرفي.. عارفه ليه!... عشان هو قلبه مش بإيده.. الحب مش بإيدينا يالين.. ربنا بيأمر قلوبنا بحب حد معين.. ومهما حاولنا مش هنعرف نعارض الامر دا... اقولك حاجه!!... ممكن متيم ووعد ميتجوزوش وميكونش في نصيب.. ويتجوزك انتي.. بس دا هيوجعك اكتر.. لان قلبه مش ليكي.. حتي بعد ماتجوزك... هتحسي انك عاجزه.. ومش عارفه تعمليله اي عشان ينساها.. 

لين: هقدر اخليه ينساها ويحبني انا.. 

ندى: كنت قدرت انا.. عارفه!.. ابوكي كان بيحب جي.. 

لين: نعم!!... جي اللي هي مرات جاك!! 

ندى: ااه.. كان بيحبها... ومازال بيعشقها.. 

لين: طب ومتجوزهاش هو ليه.. ولي اتجوزك انتي طلاما مش بيحبك! 

ندى: نصيب.. ربنا أمر قلبه بحبها.. وأمر قلبها بحب جاك... هي وجاك حبوا بعض.. فَ طبيعي انهم يتجوزوا.. بس محمد حبها لوحده.. هي محبتوش نفس الحب.. 

لين: بس ليه هو لسه بيحبها!.. المفروض انه انجرح منها.. 

ندى: مجروح... مجروح لحد دلوقتي.. عارفه!.. لو جي عرضت عليه دلوقتي انه يتجوزها، هيتجوزها بدون تردد... عشان هو ولهان بيها.. لحد دلوقتي مقدرتش اخليه ينساها.. 

لين: يعني بابا مش بيحبك!!.. 

ندى: بيحبني.. بس مش زي حبه لجي.. هو بيعشق التراب اللي جي بتمشي عليه.. وكمان بيحبني لإني مراته وام بنته.. ودا بالفطره كدا... 

لين: مكنتيش وافقتي عليه.. 

ندى: بحبه.. انا حبيت محمد من ساعة ماشوفته.. وهو ارتاحلي وبدأ يعجب بيا.. مع اني كنت بشوف نظراته كلها لجاكي.. كنت بقف جنبه واشوف الدموع اللي بيداريها لما يلاقيها مع جاك... بيحبها لدرجة انه شايل صورتها بين هدومه.. وف محفظته.. وف فونه.. كنت بصحى بالليل الاقيه باصصلها وبيتأملها بحب.. بس مكنتش بقدر اتكلم.. مقدرش الومه.. هو حاول ينساها عشاني.. حاول كتير.. بس قلبه دايما كان بيغلبه... 

لين: واي اللي خلاه يحبها كل الحب دا.. 

ندى: الحب ملوش اسباب.. وكمان هي ظهرت ف وقت كان هو محتاج حد جنبه فيه... كان محتاج حد يفهمه ويهون عليه.. وكانت هي الحد دا.. اتعلق بيها قوي.. وكانت صدمة عمره لما جاك اتقدملها قدامه وهي وافقت.. حقيقي اول مره اشوف شاب مكسور بالطريقه دي... حسيته فقد الامل ف كل حاجه... كان موجوع قوي.. بس حاول ينساها بيا.. وهو لو بإيده هينساها.. بس هو مش قادر... وكمان هو مش مقصر معانا ف اي حاجه.. وبيحبنا جدا.. وعمره ماذكرها قدامي عشان ميجرحنيش.. بس لما بيبقى لوحده، قلبه بيغلبه ويقعد يفكر فيها.. كان بيقعد يتأسفلي كتير من غير سبب.. ومكنش بيرضى يقولي ع السبب... بس انا كنت ببقى عارفه انه بيتأسف عشان بيفكر فيها وانا معاه... عشان مش قادر ينساها.. حس انه بيظلمني معاه... ع طول بيحاول يراضيني ويجيبلي حاجات كتير قوي.. مع اني مش بطلب... بس هو مش عايز يزعلني.. مش عايز يحس انه مقصر معايا ف حاجه... كان نفسي يحبني انا الحب دا.. يابختها بيه والله.. بيقعد كدا لااراديا يفكر فيها ويبتسم... وحتى كلامه عنها بيبقى كله حب... بس هي تستاهل.. هي تعبت كتير قوي ف حياتها.. وربنا عوضها... 

لين: ايوا ياماما.. بس دا يوجع قوي.. اكيد انتي بتتوجعي من دا.. 

ندى: اكيد.. بس زي ماقولتلك.. مش بإيده حاجه.. هو بيحبني قوي.. بس كمان مش قادر ينساها.. واللي يوجع اكتر انها صاحبة عمري... يعني جوزي بيحب صاحبة عمري.. بس مأثرش ف حاجه.. انا بحبهم هما الاتنين جدا.. وبدعي دايما ربنا يريحهم ع طول.. ويخلي محمد ينساها بدل الوجع اللي هو فيه.. 

لين: المفروض علاقتك بجي تكون اتغيرت.. عشان جوزك بيحبها هي.. 

ندى: وهي ذنبها اي... هي بتعامله زي اخوها وعزيز عليها قوي...وكمان هي بتحب جوزها.. ملهاش ذنب ف حاجه... هو الحب كدا يابنتي..  

لين: بس دا حرام.. ليه بنحب ناس مش لينا.. 

ندى: قدر.. ونصيب.. عشان كدا بقولك متيم لا.. هتتعبي قوي يالين.. حالتك هتبقى زي حالتي كدا.. هيبقى عقله وقلبه معاها هي مش معاكي.. حاولي تتجنبيه ع قد ماتقدري يالين... وربنا هيعوضك باللي احسن منه.. وباللي يصون قلبك... 

ف الوقت دا كنت انا بره الاوضه وسمعت كل حرف... قلبي وجعني قوي من كلامها... مكنتش اعرف اني سبب ف وجعهم كلهم... نزلت تحت عشان ابقى لوحدي... كنت مخنوقه ومش عارفه اعمل اي.. فضلت اعيط كتير قوي.. بصيت لقيت محمد قاعد لوحده بعيد وماسك صوره ف ايده.. 

مسحت دموعي ومشيت عليه.. 

جاكي: بتعمل اي.  

اول ماشافني اتوتر وخبى الصوره... 

محمد: انتي هنا من امتى.. 

جاكي: لسه جايه متقلقش... المهم بتعمل اي لوحدك كدا! 

محمد: عادي.. قاعد.. 

روحت قعدت قدامه... بصلي شويه.. 

محمد: كنتي بتعيطي ليه! 

جاكي: عرفت منين اني كنت بعيط! 

محمد: قلبي وجعني... 

جاكي: اي.. 

محمد: ا قصدي يعني.. باين ف عنيكي... 

جاكي: امم.. طب ممكن اشوف الصوره اللي كانت ف ايدك دي! 

محمد: بصراحه لا.. 

جاكي: صورة مين دي ياصايع! 

محمد: لا متقلقيش.. مش صورة حد... 

سكتنا شويه وبصينا للبحر.. جتله مسدج فَ فونه فتح.. بصيت لقيته حاطط صورتي انا وهو ع الموبيل.. 

جاكي: تفتكر ندى مش هتضايق!! 

محمد: من اي! 

جاكي: من الصوره دي.. 

محمد؛ احم.. لا يعني عادي.. هي عارفه اننا اخوات.. يعني عادي.. وعارفه اننا غاليين ع بعض.. 

جاكي: الصوره دي من زمان قوي يامحمد.. لسه قاعده معاك!.. دي لما اتصورناها ف البلكونه.. 

محمد: ااه.. بحب احافظ ع الذكريات دي.. 

جاكي: مش لدرجة انك تحطها كدا.. متخيل لو جاك شافها ممكن يعمل اي! 

محمد: انتي عارفه ان مش قصدي حاجه.. وهو كمان عارف كدا.. 

سكت وبصيت قدامي.. مش عارفه اقوله اي.. ومش عارفه اعمل اي.. 

جاكي: محمد.. انت متجوز دلوقتي.. يعني مش هينفع تكمل كدا.. 

بصلي وهو فاهم انا بحاول اقول اي.. 

جاكي: بص.. هو.. مش عارفه اقولك اي.. بس.. ممكن تنساني! 

محمد: ازاي.. قوليلي انساكي ازاي... انا عارف ان دا غلط.. عشان دلوقتي كل واحد فينا متجوز وليه حياته.. بس انا مقدرتش.. مقدرتش انساكي.. انا لسه بحبك.. وهفضل احبك لحد ماموت... مش بقولك كدا عشان تحبيني انتي كمان.. انا مش طالب منك حاجه.. واكيد انتي شايفه اني بعاملك زي اختي وعمري ماتعديت الحدود معاكي.. حبي ليكي هيفضل سر بيني وبين نفسي لحد مااقابل ربنا... بس صدقيني حاولت ومعرفتش.. معرفتش انساكي.. 

جاكي: احم.. عارفه انه غصب عنك بس.. اسمعني.. انت دلوقتي حاسس بكدا لانك محاوط نفسك بالذكريات.. ع طول بتفكر ف اللي حصل.. ع طول بتفكر فيا.. لو تمسح الصور دي وتشيل صورتي من محفظتك ومن كل مكان... اكيد هتتناسى مع الوقت.. وخاصة ان ندى بتحبك.. وحرام تتظلم ف حاجه زي كدا.. 

محمد: متخيله اني بحبك عشان الصور او الحاجات دي!!.. او لما امسحها هنساكي!!... 

جاكي: حاول.. مفيش غير كدا.. وانا مش هقدر ابقى سبب ف وجع ندى يامحمد.. 

محمد: ومين قالك انها موجوعه!.. 

جاكي: متخيل ان في واحده هتلاقي جوزها بيحب واحده غيرها ومش هتبقى موجوعه!! 

محمد: هي متعرفش حاجه.. انا قولتلها اني نسيتك.. 

جاكي: الستات بيفهموا ادق التفاصيل يامحمد... وخاصة لما يكون جوزها.. هي فاهمه كل حاجه بس ساكته بمزاجها.. عشان خاطري يامحمد.. انساني وفكر فيها هي.. هي دلوقتي اللي تستحق دا.. مش انا.. 

ـ جاكييي.. 

يتبغ...