أحببتك رغم أنتقامك الفصل الثاني 2 بقلم منة محمد
 |
| أحببتك رغم أنتقامك الفصل الثاني 2 بقلم منة محمد |
أحببتك رغم أنتقامك الفصل الثاني 2 بقلم منة محمد
عاصم: تروح حالا تحضر اجتماع بالنيابه عني !
كريم: وانا قولتلك مش هشتغل في شركتك
عاصم: وانا مش باخد رايك ده أمر
كريم: انا مش بفهم في شغلكم
عاصم: السكرتير معاك والله ياكريم لو مروحتش هاجي اسحبك بالغصب
كريم اتنهد: انت لو عاوز تجنني مش هتعمل فيا كدا ،بس تمام هحضر الاجتماع وقفل الخط
عاصم اخد نفس وقرب و فتح الباب ودخل بعد تردد كبير
نبيله بدهشه : سيد عاصم
عاليا لفت وبصتله بترحاب: اهلا وسهلا حضرتك جاي زياره لماما؟؟!!
عاصم ببتسامه: ايوه
نبيله: ده السيد عاصم صديق والدك الله يرحمه
عاليا: حضرتك فعلا صديق بابا؟؟!! بجد مبسوطه اني شوفتك
عاصم: انا اسعد لاني قدرت اشوفك ماما عامله ايه؟؟؟
عاليا: لسه منتظرين نتايج التحاليل وهنعرف النتيجه
نبيله: انا الحمد لله بتحسن تدريجي
عاصم: الحمد لله والف سلامه عليك يا مدام نبيله
نبيله: شكرا
عاليا: حضرتك اكيد كنت تعرف حاجات كتير عن بابا
عاصم هز دماغه: مظبوط كان اكتر من اخويا
عاليا: محتاجه تكلمني عنه شخصيته عامله ازاي عنيد ولا مسالم والا مكنتش امي هتحبه بالشكل ده
عاصم بمزحه: انا بدئت اغير منه لان عنده بنت لطيفه زيك بس هو فعلا انسان بمعني الكلمه ويستاهل يتحب مش بس من امك لا من كل الناس
نبيله: عاليا مش توجبي مع ضيوفك
عاليا: معلش نسيت لحظه ياعمو اطلبلك قهوه وخرجت
عاصم قرب من السرير: انا عرفت اخباركم بالصدفه وعرفت عندك ايه
نبيله: عرفت؟؟
عاصم: ايوه وممكن تسمحيلي اعتني بيك بشكل كامل
نبيله بحرج: لا شكرا احنا نقدر نعتني بنفسنا
عاصم اتنهد: نبيله هانم انا عرفت كل حاجه عن ظروفكم وبجد حابب اساعد علي الاقل ارد لو جزء بسيط من جمايل المرحوم
نبيله: مفيش داعي تحمل نفسك هم انت ملكش ذنب فيه
عاصم: ارجوكي خليني اساعدكم وتعالي انتي وبنتك عيشوا في بيتي خاليني اخد بالي منها واوعدك مهما كانت حالتك حعمل الي اقدر عليه!!!!
نبيله: سيد عاصم
عاصم قطعها: نبيله بلاش تفكري في نفسك فكري في بنتك وانا والله ما هدخل خالص في شؤنكم بلاش تكابري وفكري لو لقدر الله جرالك حاجه عاليا هتسبيها لوحدها في عالم مخيف
مسك ايدها) اديني فرصه وتعالي نعيش سوي في بيت واحد وبنتك تعيش تحت رعايتي وحمايتي
نبيله عارفه انه كان بيحبها وطلبها كتير بعد المرحوم بس هي رفضت قطعيا ولما لقي مفيش امل بعد بناءً علي رغبتها وانها مش بتفكر في الجواز واكتفت انها هتعيش وتربي بنتها وهي اخدت نصيبها من الدنيا والباقي ده لبنتها ،،بس لو فعلا جرالها حاجه بنتها حتعمل ايه هتواجهه الدنيا ازاي من غير سند وبعد تفكير ردت: موافقه علي الاقل يبقي حظها افضل من حظي وتعيش وحيده في الدنيا زي
عاصم: وانا حقوم بواجبي ناحيتها كأنها بنتي بالظبط حكون في ضهرها احميها بقيه حياتها
نبيله: بس حقول ايه لبنتي بصفتنا ايه نعيش معاك
عاصم: بسيطه اكتب عليكي علي الورق ويبقي جواز رسمي
نبيله: وليه تظلم نفسك معايا
عاصم : مفيش ظلم يا نبيله الظلم الي بجد لو سبتك وانتي كدا
نبيله بصتله كتير وشافت الحب في عيونه وحست انها لو وافقت تبقي بتظلمه: لا انا مقدرش اعمل كدا انت تستاهل زوجه تديك ابسط حقوقك
عاصم: خلاص يا ستي لو عايزه تديني حقوقي لا انا ولا انتي الي نقول
نبيله: امال مين
عاصم: الدكتور نجيبه ونساله وبالفعل نده الدكتور الي اكد انه ممكن الزواج يتم بناءً علي رد فعل القوه الجسديه واهم حاجه في تحسن الحاله هي الحاله النفسيه والمعنويه
عاصم اتفق يجيب بكره المأذون ويكتب علي نبيله وياخدها هي وبنتها يعيشوا معاه وجاي خارج قابل عاليا
عاليا: عمو ليه ماشي
عاصم: معلش عندي شغل لكن جاي بكره بس بعد ما تدخلي وتتكلمي مع ماما في أمر كدا
عاليا: وانا منتظره حضرتك وسعيده جدا اني قابلتك حاسه اني شوفت فيك بابا
عاصم: انتي كمان زي بنتي اي نعم انا معنديش غير ولد واحد بس عنيد لكن دلوقت بقي عندي بنت لطيفه
عاليا: يظهر مطلع عينك
عاصم ابتسم: كتير يمكن يكون اكبر منك بسنتين
عاليا: بجد
عاصم: حتشوفيه وتتعرفي عليه عن قرب
عاليا: انشاء الله
عاصم: يله سلام ياقمر
عاليا: سلام
.........احببتك رغم انتقامك.......
كريم فاق من نومه غير هدومه واتصل بصديقه حسن يقابله في المول عنده،، مشط شعره ورش برفانه واخد خوذته ونزل لقي عربيه ابوه بتركن ونزل منها بنت وست ماشيه بتعب
عاليا بصتله كانت نظراته اتجاها تخوف ربنا يستر
كريم سأله: مين دول؟؟!!
عاصم: دي مدام نبيله مراتي وبنتها الي هتبقي في مقام اختك الصغيره واعتبر مدام نبيله زي امك
كريم كأنه بركان وانفجر: امي الي ماتت مقهوره وانت بكل بساطه رايح تجيب زوجه جديده وتقولي دي مكان امك
عاصم مسك دراعه: تعال الاول ندخل عشان اعرف اشرحلك
كريم شدها منه بعنف: لا تشرح ولا حتي تقدم اعذار العنوان باين انت كنت علي علاقه معاها وده من فتره مش كدا
عاصم: كرررريم
كريم: كريم الي من المفروض ميستغربش لان ده اكيد السبب انك مكنتش بتهتم بـ امه كريم الي مش من حقه يغضب بالنيابه عن امه وياتري البنت دي الي حتبقي بنتك البديله عني!
عاليا: لا مش كدا انت فاهم غلط
كريم بتهكم: غلط !!!بس بجد عايله مذهله امك قدرت تضحك عليه وتتجوزه في تكه
عاصم: بطل قله ادب عاوز تتعصب حقك بس بلاش تهين الناس
كريم: هما دول ناس
عاليا بنرفزه: اسمع اياك تهين امي سااامع
كريم شدها من مقدمه بلوزتها بعنف: خلاص بلاش اهين امك اهينك انتي ايه رايك؟؟!!!عاوزه ايه تبقي نفس امك لما تلاقي واحد مراته ماتت ترحيلو ووتحتالي عليه وتتجوزيه وطبعا دي اسهل طريقه للحصول علي المال
عاصم انفعل وضربه بالقلم
نبيله: لالا يا عاصم خلاص اهدي
عاصم: اسمع قبل ما تهين وتجرح الناس الاول اسمع واعرف السبب الي خلاني اعمل كدا؟؟!!
كريم بصراخ: انهي سبب السبب الي انت دايما شايفه صح وانك دايما علي حق برغم انك غلط بس لسه بتقول انك علي حق
عاصم: ليه مش عاوز تسمع
كريم برفض: لاني مش هسمعك
عاصم: انت حر ولا ههتم لمشاعرك لكن من هنا ورايح هما هنا معانا في نفس البيت ولازم تحترمهم واعتبر ده امر
كريم بسخريه: عادي انت زي ما انت
وقرب منهم بنظرات كلها وعيد: خليكم بس استحملوا الي هيجرالكم
وخرج من البيت متعصب وقرر يكسر الدنيا فوق دماغهم
....احببتك رغم انتقامك...... منه محمد....
عاصم: انا بعتذر بالنيابه عن ابني انه اتكلم بشكل سئ
نبيله بحنان: مفيش داعي انا فاهمه حقه يضايق احنا فجأناه برضو
عاليا: هو حضرتك مبلغتوش ياعمو عن وجودنا
عاصم بحزن: هو انا بشوفه عشان اقوله
عاليا: يبقي المفروض تعذره لانه اتصدم لما الشخص بيبقي صعب انه يسمع يبقي عنده مشكله كبيره واحنا منكملش عليه
عاصم ابتسم: انتي بتتكلمي كأنك تعرفيه
عاليا: فعلا لاني قابلته قبل كدا(وحكتله)
عاصم: علي العموم مش عاوزكم تزعلوا منه واعتبروه خطأي انا لان انا كمان متكلمتش معاه بشكل كويس من الاول
عاليا: بعتذر ياعمو بس عدم لغه الحوار والتجاهل ده غلط جدا بس انا متفهمه لانه ميعرفش ايه الي جابنا هنا ولما يهدا ويسمع هيفهم
عاصم بأعجاب: مشاء الله عرفتي تربي بنتك يا نبيله كلامها اكبر من سنها علي عكس ابني
نبيله: معلش يا عاصم كل الشباب كدا متهورين عكس البنات ويمكن لانك طول الوقت بعيد عنه حاسس بفراغ كبير
عاصم بحزن: انا عارف ان فيه مسافه بيني وبينه بس والله بحاول اتقرب بس هو حاطط سد منيع
نبيله بهدوء: معلش هو شويه اهتمام علي شويه وقت هيبقي شخص عقلاني ويفهم ان مفيش اي حد في الدنيا ممكن يحل محل امه او يخطف حبك منه
عاصم بصلها بمتنان: شكرا ليكي يا بلبله واتمني انت وعاليا تساعدوني انه يرجع كريم الي اعرفه وانا هحاول احل المشكله بنفسي
عاليا ببتسامه: متقلقش يا عمو احنا معاك
نبيله: انشاء الله
...احببتك رغم انتقامك...... منه محمد....
تاني يوم علي الغدا الكل متجمع علي السفره ما عدا كريم الي من امبارح مختفي عن الانظار
عاليا بحنان: ماما كلي كويس
نبيله: حاضر وبعدين منا باكل اهو
عاليا: ايوه بس كتري من الخضره دي مفيده جدا
عاصم: سمعت انك بتشغلي ياعاليا
عاليا: ايوه بشتغل في كافيه بس ورديات ومن بكره مش هتشوفوني!!
نبيله: بس كدا هيبقي حمل عليكي يابنتي
عاليا ببتسامه: لا متشليش الهم وبعدين انا عاوزه اتعلم عمايل القهوه بكل انواعها والاكل كمان
عاصم: طيب انا عندي اقتراح تقعدي وانا اديك المرتب
عاليا: لا شكرا احنا ازعجناك بما فيه الكفايه كفايه اتكفلت بـ امي وعلاجها
عاصم: يابنتي خايف تتعبي
عاليا اتجمعت الدموع في عنيها من حنان عاصم عليها وكأنه فعلا ابوها: لا اطمن انا واخده علي كدا
عاصم بص لنبيله: ماشاء الله بنت مجتهده عكس ابني مبيقدرش يتحمل المسؤليه
عاليا: طيب اطير انا بقي الحق شغلي
عاصم: طيب استني اخالي السواق يوصلك
عاليا: لا شكرا انا بحب اخدها مشي كرياضه
عاصم: تتعبي
عاليا: لا معلش انا بحب اعيش حياتي وامشي اشوط الطوب
عاصم ضحك: براحتك بس اعرفي لو احتاجتي اي حاجه بلغيني فورا
عاليا: شكرا بجد لحضرتك
عاصم بص لسعاد: سعاد ليه كريم مجاش علي الغدا
سعاد بتوتر: اصله هو
صوت: انا سعيد جدا جدا وحموت من فرط السعاده معقول بابا عاصم بيسأل عليا
عاصم لف وبصله: انت رايح فين؟؟!!
كريم: خارج مخنوق حاسس ان الكيل طفح ومش عاوز اشوف اشكال ضاله في بيتي
عاصم بتحذير: كرييييم
كريم: ايه اظن عندي حق في النقطه دي
عاصم: انضج بقي واتعلم تحترم الناس
كريم بوقاحه:بس فيه ناس مينفعش معاهم الاحترام!
وقرب من عاليا) اوعي تفكري انك الطرف الوحيد الذكي ولو ان انا مش غبي فاهم كويس الي انتم بترسمه عليا (وبص لعاصم) لان كفايه مغفل واحد هنا
عاصم ضرب السفره وبحزم: لو بطلت قله ادب تعال اتهبب اطفح ولو مش عاوز تتطفح امشي شوف رايح فين
كريم قرب من الطاوله ومسك الاكل: انا فعلا مش عاوز اطفح ودلق كل الاكل فوق السفره
عاصم قام يضربه نبيله مسكت ايده: لا اهدا ارجوك الضرب والخناق مش حل
عاصم بضيق: مش شايفه قله ادبه عليكم
نبيله: معلش لسه طايش وانا وبنتي عندنا استعداد نتحمله
عاليا قامت واستأذنت تروح شغلها رغم انها مخنوقه .....اما كريم بعد ماخرج من البيت والانتقام عمي عيونه ومشي وراها خطوه بخطوه وطلع موبيله يتصل علي اصحابه
حسن: ايه يابني انت نسيت معادنا ولا ايه؟؟!!!
كريم: لا منستش تعالي قابلني في كافيه**
حسن: ليه ماتيجي عندي
كريم: لا مستنيك
حسن: تمام جايلك
.....احببتك رغم انتقامك...... منه محمد.....
في الكافيه واقفه بتشتغل بكل نشاط وحماس كريم دخل هو وشلته
حسن بتعجب:هي القهوه هنا لذيذه عن الي عندك
خالد رفع كتافه: لا اطمن اكيد فيه امر تاني جيبنا هنا عشانه
كريم قرب من البار وبصلها واتلاقت العيون لكن بنظرات كلها وقاحه
عاليا: افندم تحب تطلب ايه؟؟!!!
كريم بهمس: نفسي في الي بتبيع يا تري انتي للبيع
عاليا بجرائه: انا ممكن بكل سهوله اصرخ بعلو حسي واقول متحرش حاول يلمس صدري
كريم بوقاحه: انتي معندكيش قلب ترفضي واحد حلو زي
عاليا: انت مفكر نفسك مين الواضح انك مغرور جدا بنفسك
كريم : مظبوط!ها قلتي ايه عرضي لسه ساري
خالد الي معجبهوش طريقته: كريم كدا كتير
عاليا: المكان هنا بيقدم القهوه والعصير لو كنت عاوز غير كدا يبقي اتفضل روح مكان تاني
كريم: بتهزري صح
عاليا بقتضاب: اتفضل قول طلبك ولو كنت مش عاوز اتفضل روح اقعد علي تربيزه لان فيه زباين واقفه وراك
كريم:لا دول معايا ،،شله اطلبوا كتير بس في وقت قصير وطلع محفظته ورماه رزمه فلوس كتير قدامها
كريم: احتفظي بالباقي والطلبات الي طلبناها انتي الي تقدميها بنفسك وتخدمي علينا انتي شخصيا
عاليا بثبات انفعالي: اتفضل روح علي تربيزتك لحد ما الطلبات تجيلك
مش من قدامها وهي اخدت الطلبات وراحتله بنفسها
عاليا: الطلبات الي طلبتوها جاهزه
كريم: عاوز ميه وتكون معدنيه
عاليا: لحظه وتكون عندك
نهله صديقته: انت جيت هنا عشان القهوه ولا لغرض تاني ياكريم؟؟!!
كريم: تاني زي ايه؟؟!!
نهله بغيره واضحه من عيونها: معرفش بس شكلك مهتم بالبنت دي
كريم بتناكه: شكلك مهيسه كتير دي اشكال انا ابصلها انا جيت هنا اشرب قهوه وبس..!!!
حسن بستغراب: طيب ليه مجتش شربتها في كافيه خالد ولا جيت في المول عندي نشربها سوي
كريم: مجرد صدفه
خالد بضيق: طيب ليه طلبت البنت دي نفسها هي الي تخدم علينا
كريم رفع حاجب: كدا مزاج
خالد: ناوي علي ايه ياكريم؟؟
حسن: لا شكلهم اخدوا عقلك منك ياكريم
كريم عقد حواجبه: هما مين؟؟!!
حسن:الي وصلوك للحاله الي انت فيها دي
عاليه قربت وحطت الازازه بعنف: الميه وجايه تمشي
كريم: استني
عاليا نفخت بملل : اللهم طولك ياروح عاوز ايه تاني؟؟
كريم قام وقف وصقف لكل الموجودين وبكل سخريه وصوت عالي مع شظايا افكاره الاجراميه : عاوز اعرف كل الموجودين ان ام البنت دي علي علاقه غراميه بأبويا عاصم ابو اليسر
كل الي في الكافيه في حاله اندهاش وحصل بينهم هرج ومرج
كريم : لا استنوا التقيل جاي امي تموت من هنا وتحل امك محلها انا راي تبطلي شغل وتمشي علي خطاه امك تروحي تدوريلك علي رجل غني ليه تلعبي دور البنت الشقيانه الغلبانه
عاليا بصتله بغضب وبصرخه: انت اكيد شيطان رجيم ركبك وبتتكلم بالنيابه عنه ومسكت فنجان القهوه ودلقته كله في وشه( اشرب
كريم بصراخ: انتي كلبه
عاليا: وانت خنزير وفاقد رجولتك وده الي حيحصل كل مره تقولي نفس الكلام وهدفعك التمن
كريم: التمن ده هتدفعيه معايا علي انك اهنتي رجولتي!!!!!
قرب المدير علي المشاحنه : كريم بيه انا اسف علي الي حصل
كريم: الحشره دي تطرد حالا ولا حقفلك المكان
اي نعم عاليا محتاجه كل قرش لكن كانت لازم تحفظ كرامتها حتي لو ردت عليه بالقليل
وبالفعل تم طرد عاليا لان كريم زبون تقيل للمكان ولو عاندوه هو هيستغل الفرصه ويقفل المكان
تعليقات
إرسال تعليق