رواية أين منزلي الفصل السادس والعشرون 26 بقلم ندى حسن

دخل وليذهب الى مكتبه وهو يصعد على السلالم نظر الى غرفة ندى وجد الغرفة مظلمة ف اعتقد انها نامت وذهب الى المكتب وظل يبحث عن الملف ولم يجده ركل الكرسي برجله وقال: هيكون راح فين يعنى

ثم اخرج هاتفه وحدث ادم : الو سلام عليكم

ادم : وعليكم السلام فى حاجة ياعدى انت كويس

عدى بعصبية : ماتقلقش انا كويس بس مش لاقى الملف بتاع الثفقة الجديدة انت عارف لو الملف ده ضاع هتكون العواقب وخيمة

ادم بتفهم : تقريبا الملف عندى فى مكتبي لما كنا بنراجع حاجات فى الشغل يمكن نسيته عندى

عدى : تقريبا ويمكن افرض مالقناهوش وبعدين انت قافل مكتبك وطبعا المفاتيح معاك

ادم : ياعم اهدى انا جاى اهو

عدى : متتاخرش

~~~~~~~~~~~~~~~~~~~

عند ادم وقف

مرام : رايح فين

ادم : راجع البيت فى ملف لازم اديه لعدى

زين : مش هو سافر

ادم : انا عارف بقا هروح اشوف

مرام : انا جاية معاك لانى صدعت وعايزة ارتاح

ايتن : وانا كمان

ملك : وانا كمان عايزة امشى

اسر : شوفى مين الى عايزة تمشي

كرم : اشطا امشى معاكم

اسر : خلاص هروح ادور العربية تكونوا جيتوا

زين : خلاص هروح لجدى اقوله انه احنا هنمشي

ادم : اييييييييه يااا جدعااان انفجرتواا فى وشى كلكم كده ليه

ثم قلدهم بسخرية : وانا كمان وانا كمان فى ايه

اهدوا كده يعنى كلكم عايزين تمشوا ده الوقت

الجميع: اه

ذهب زين الى جده ليخبره فقال الحاج ابراهيم : خلاص اركبوا عربيتكم واتحركوا على بات ما استاذن انا من الجماعة ونحصلكم

واسر ذهب الى خالد فقال:طب سبلى عربيتك

اسر:حاضر

ذهب اسر اليهم : بصوا بقا ياشباب انا وملك وكرم هنركب مع حد فيكم عشان عمى هياخد عربيتى

زين بسرعة : هتركبوا معايا انا

مرام ببسمة : يبقى ايتن هتركب معانا .يالا يا ايتن

ادم: خدى هنا يابت هو ايه الى يالا يا ايتن يالا فين هاا تركب مع اخوها اولى بيها

زين : ماهى العربية مش هتكفينا كلانا

ادم : احشرها فى اى حتة ياعم

ايتن بعصبية : ووه هتلجفونى لبعد عاد منك ليه

ملك بفرحة : اوووباااا انتى بتتكلمى صعيدى اهو

ضحك الجميع على ملك

ايتن : حد جالك ياخيتى انه احنا فى اليابان اهنئ

ملك بضحك : 

ايوا صح بس يعنى من ساعة ماجينا ما سمعتكيش بتتكلمى صعيدى

زين : خلاص ياتينو هركبك جمبى وماتزعليش نفسك ومالكيش دعوة بالواد ادم ده

ادم : لا يا ايتن انا كنت بهزر معاكى ده انا اشيلك على راسي

ايتن : عالم ماتجيش غير بالعين الحمرا صحيح

ادم : بت انتى هتركبي معانا بس لا......

قاطعته ايتن ؛ والنبي ما انت مكمل لا اسمع لا ارى لا اتكلم

ادم بضحك : 

شطورة

تحرك الجميع وركبت ايتن مع ادم ومرام

واسر وملك وكرم فى سيارة زين ولاحظ اسر نظرات زين ل ملك

وقال فى سره : هى مالها العيلة ديه واحد ندى واخوه ملك ديه ايه النيلة ديه

~~~~~~~~~~~~~~~~~

فى الفيلا

تحديدا فى غرفة ندى

كان يقترب من ندى بدون قميص

ندى ببكاء 

:ابعد يامازن الله يخليك انت باين عليك مش فى وعيك

كاد يقترب منها الا انها ضربته فى قدمه ووقفت وذهبت الى باب الغرفة بخوف وبكاء لكى تفتحه ولكن مازن كان اسرع منها وجذبها اليه مرة اخرى وهو يجذبها خبطت يد ندى فى احد الفازات ووقعت وانكسرت

وقال مازن : يعنى انتى الى جبتيه لنفسك حد قالك تفضلى لوحدك فى البيت ثم ضحك ضحكة خبيثة

فى مكتب عدى لا يعلم لماذا يشعر بالضيق وظل يفكر فى ندى ومواقفهم سويا واول لقاء لهم فى الشركة

وفى مكان التدريب واول لقاء لهم فى البلد وظل يفكر حتى سمع صوت شئ يكسر

وفجاءة تذكر على الفور ان غرفة ندى كانت مظلمة وندى تخشي من الظلام وحتى عندما تنام فانها لا تطفئ النور

ركض بإتجاه غرفتها وظل يلعن كيف ينسي شئ كهذا

ولكن عندما اقترب من الغرفة سمع صوت بكاء وصراخ يقول : ابعد ماتقربش حرام عليك

ركض الى الباب وكاد يفتحه وجده مغلق من الداخل ظل يطرق الباب ويصرخ : اهدى يا ندى انا هنا

عندما سمعت صوته شعرت ببعض الطمأنينة

صرخت وقالت : عدددى الحقنى

عدى بخوف ؛: ماتخفيش ياندى انا ج.........

قاطع كلام عدى صوت صدم عدى عندما سمعه فكان يعتقد ان ندى تستغيث به من اجل الظلام

ولكن من الواضح ان احد معها بالغرفة

مازن وهو مازال تحت تاثير الشرب : محدش هيلحقك منى انتى فاهمة

كل هذا وندى تحاول ان تتخلص من يديه الذى كانت تقيدها

اما عدى فكان من يشتعل غيرة وغضب ويصرخ : افتح الباب يامازن اياك تلمسها

لم يسمع عدى شئ غير استغاثت ندى شعر باشياء كثيرة فى هذه اللحظة ركل الباب بكل بقوته وغضب شديد كسر الباب ودخل وصدم من المشهد امامه

فندى كانت تبكى بشدة وتحاول ان تخلص نفسها من مازن

وطرحتها ملقاه على الارض واجزاء من ثيابها ممزقة

تالم قلبه بشدة على مظهرها

ذهب الي مازن ولكمه بشدة وابعده عنها ثم خلع جاكته والبسه لها

ندى بدموع 

: عدى

عدى : ماتخفيش انا معاكى اهدى ياقلبي ومسح دموعها كان يريد ان ياخذها فى احضانه ويطمأّنها ولكن لا يستطيع

ثم ذهب الى مازن وظل يلكمه بغضب بشديد

~~~~~~~~~~~~~~~

اما بالاسفل قد كان الشباب دخلوا الى الفيلا وكان يمزحوا سويا

ادم : انا قاعد اضحك واهزر وعدى زمانه هيولع فيا .....

قاطع كلامه عندما سمعوا صوت عدى وهو يقول ويصرخ :افتح الباب يامازن والله لو قربتلها مش هرحمك

وسمعوا بعدها صوت تكسير الباب

ركضوا جميعا الى الاعلى وادم قال بخفوت وخوف :فى اوضة ندى

وقع قلب اسر وركض اول شخص الى الغرفة ونظر بصدمة الى الغرفة فكانت اكثر الاشياء مبعثرة على الارض واشياء مكسرة

وعدى يضرب مازن بشدة وغضب

وندى واه على منظرها فكانت تدفن راسها بين قدميها وتبكى بشدة

وطرحتها على راسها بعشوائية وترتدي جاكت رجالى من الواضح انه لعدى

ذهب اليها واحتضنها انتى كويسه عملك ايه ال****** ده

لم تجيب ندى بل احتضنت اسر بخوف وبكاء 

دخل ادم : ايه الى بيحصل هنا

ودخلت الفتيات ايضا وصدمت من المنظر امامهم

وايضا مرام الذى بكت عندما رات عدى يضرب مازن

وزين ذهب ليبعد عدى عن مازن

زين : اهدى ياعدى هيموت فى ايدك

عدى : مايموت ولا يغور فى داهية

زين محاول تهدات عدى : اهدى بس ايه الى حصل

سمعوا صوت اسر وهى يحاول تهدات ندى : اهدى بس ياحبيبتى مافيش حاجة حصلت بطلى عياط خلاص

شعر عدى بالغيرة وغضب وقال فى سره : هلاقيها منك ولا من مازن

وايضا صدم الجميع ايمكن ان يكون مازن بهذه الحقارة

لم تستطيع ملك ان ترى ندى بهذه الحالة وركضت الى الاسفل ببكاء

ذهب كرم خلفها : ملك استنى بس ولكن توقف كرم عندما خبطت ملك ب خالد

خالد بخوب : ملك فى ايه بتعيطى ليه

لم تجيب ملك وظلت تبكى

نهال بخوف على ابنتها : ايه الى حصل ياكرم انت زعلتها تانى ولا ايه

لم يجيب كرم ونظر الى الاسفل فماذا يقول لهم يالله كم الامر صعب حقا

كاد خالد يصرخ بكرم ولكن ملك ببكاء :.ن ..د..ى

راشد وناهد بقلق :مالها ندى

الحاج ابراهيم : اهدى يابنتى وممكن تبطلى عياط وتقولى لنا ايه الى حصل

سمع عدى صوت جده نظر لاسر وقال:هات ندى وتعالى

ثم امسك مازن من قميصه ونزل وهو يسحبه خلفه

صفية بزعيق :انت ماسك ابنى كده ليه ياعدى وايه الى انت عملته فيه ده

عدى بقرف:اسالى ابنك يامرات عمى

ثم رماه تحت قدم جده

ثم سمعوا صوت بكاء من على السلم فكانت ندى تبكى واسر يسندها

الحاج ابراهيم بصرامة : حد يقولى ايه الى حصل بدال ما انتوا بتعيطوا كده وساكتين

عدى : اهدى بس ياجدى عشان ضغط حضرتك مايعلاش وتتعب

نظر له الحاج ابراهيم بصرامة ونظرة تعنى اتكلم بسرعة

عدى بحرج وغضب ف الشئ الذى سيقوله ليس بهين : الصراحة ياجدى هو يعنى

ابراهيم بعصبية: فى ايه ياعدى مالك الله ماتتكلم على طول

اسر بعصبية : هيقولك ايه يعنى اكيد مكسوف من عملت ابن عمه حفيدك حاول يعتدى على ندى

صدم الجميع 

صدمة الجمتهم كلهم لم يستطيعوا الكلام

زاد بكاء ندى وزادت ارتجافتها واحتضانها ل اسر

صفية : انت كداب ابنى مايعملهاش ابدا انا مربياه

اسر بسخرية : ونعمة التربية 

الحاج ابراهيم بصرامة: مش عايز اسمع صوت ثم نظر الى ندى :الكلام الى قاله اسر ده صح ياندى

زاد بكاء ندى اكثر ودفنت راسها فى حضن اسر

وعدى يشتعل غضبا وغيرة

عدى : ياجدى ما...

الحاج ابراهيم : انا بسالها هى ها ياندى كلام عدى واسر صحيح

اسر : شكلها غنى عن اى اسئلة .مش شايف شكلها عامل ازاى

عدى باستغراب : يعنى انا هكدب عليك يعنى ياجدى ان...

قاطعه جده : انا عايز اسمعها منها هى

الحاج ابراهيم يعرف حفيده حق المعرفة ويعرف انه لا يكذب ولكن ليلقى الحكم يجب ان يسمع من الطرفين

ندى ببكاء : 

اه

ذهب الحاج ابراهيم الى حفيده : الكلام الى بيقوله ده صح

انزل مازن راسه الى الارض

ثم وجد صفعه نزلت على وجهه من جده

صفية يغضب : مش تسمع منه الاول ياحاج انا ابنى متربي ومايعملش كده ابدا

صدم الجميع ممها تفوه به مازن 

مازن بكذب وصوت ضعيف من ضرب عدى له : كدابة ياجدى انا ما عملتش حاجة ديه هى ولما سمعت صوت عدى قلبت الموضوع كله ضدى انا

نظر لها عدى بصدمة 

~