رواية أين منزلي الفصل الخامس والعشرون 25 بقلم ندى حسن

التفت اسر الى ندى وجدها على الارض ركض اليها بسرعة وايضا الجميع

ذهب عدى بخوف ولهفة : انتى كويسه

وحاول ان يساعدها ولكن هى منعته

ندى ببسمة: الحمدلله انا كويسه

الجميع ؛ انتى كويسه

ندى : اهدوا ياجماعة مافيش حاجة انا كويسه ده رجلى اتكعبلت فى السجادة بس ماتكبروش الموضوع

راشد : هنتصل بالدكتور ييجى يشوفك

ساعدها اسر وادم على النهوض

بينما ندى بضحك : ايه ياجماعة مكبرين الموضوع ليه انا كويسه مافييش داعى لدكتور

وبعدين هعرف امشى لوحدى انتوا سندني كده ليه

اسر باسف

: انا اسف انا اللى خليتك تجرى ورايا ووقعتى

ندى بضحك 

: ايه ياعم عادى ولا يهمك سليمة وبعدين قل لن يصيبنا الا ماكتب الله لنا

خرج عدى بغضب وغيرة من اسر

راشد : اطلعى ارتاحى فى اوضتك ياندى

ندى : انا كويسه وبعدين انا عايزة اقعد معاكم

~~~~~~~~~~~~~~~~~~~~

كان الجميع متجمعين وعلم عدى نتيجة ندى واراد ان يفرحها ويخبرها عنها ولكن الذى استغربه ان النتيجة ظهرت قبل مجئ خالد ونهال واسر فمعنى ذلك انهم يعلموا فلماذا لم يخبروا ندى

دخل عدى والقى السلام ورد الجميع عليه السلام وجلس بجانب جده وقال ببسمة : مبارك ياندى

ندى باستغراب : الله يبارك فيك بس على ايه

عدى ببسمة وقد علم ان ندى مازلت لا تعرف نتيجتها ولم يعلم انه هكذا كانه يرمى قنبلة فى وجه ندى : طلعتى ٥ على دفعتك

صدمت ندى 

 وتراكمت الدموع فى عينها 

اغمض اسر عيونه بحزن ف هو يعلم ان ندى ستحزن من ترتيبها هذا فهى دائما تكون الاولى ونادراًّ الثانية ولهذا السبب لم يريد ان يخبرها

بارك لها الجميع وهى استاذنت وذهبت الى غرفتها

واستغرب الجميع رد فعلها ماعدا خالد وعائلته فهم يعرفون ندى جيدا

راشد ل خالد : هى كده لما النتبجة بتطلع ولا زعلت من حاجة

خالد ؛: لاء هى بس ماكنتش متوقعة النتيجة ديه كانت متوقعة احسن منها

حزن عدى لانه هو من قال لها هذا الخبر الحزين بالنسبة لها

ناهد : مالها نتيجتها ماهى حلوة اهئ

قاطعهم عدى بعصبية ونظر ل عدى : انت مين عطاك الحق انك تقولها وتقولها ليه اصلا

عدى : ماتعليش صوتك انت فاهم

اسر:ماعليش صوتى ايه ياعم انت يعنى انا مارضيتش اقولها عشان كده تيجى انت تقولها كده عادى

عدى: انا ماكنتش اعرف انها هتضايق

اسر: على الاقل كنت تيجى تسالنا الاول ......

قاطعه خالد بصرامة خلاص يا اسر هى كده كده كانت هتعرف الى حصل حصل

تركهم اسر وذهب الى غرفة ندى وطرق الباب وسمحت له بالدخول

وجدها جالسة على الفراش وتمسح دموعها

اسر بحنان : ايه يانودى بس بتعيطى ليه

ندى بحزن ؛: لا ابدا مافيش

اسر : عليا انا برده

نزلت دموع ندى

اسر بحنان : ياحبيبتى ماتزعليش نفسك انا عارف انك مش عاجبك النتيجة بس مالكيش نصيب انك تبقى الاولى زى كل سنة وماحدش عارف الخير فين

ندى : فعلا محدش عارف الخير فين والحمد لله

اسر : اومال الدموع ديه ايه

ندى وهى تمسح دموعها : ايه ياعم مش من حقى حتى ازعل دول ٤ مراكز ياعم وو....

قاطعها اسر : نصيبك ياندى وان شاء الله السنة الى جاية احسن من الى قبلها

ندى ببسمة : ايوا ان شاء الله واه صحيح وانت عملت ايه معلش بقا نسيت اسالك

اسر ببسمة : ولا يهمك . بس انتى تتوقعى كده اسورتك عمل ايه

ندى بتفكير ومزاح : 

مقبول مثلا

اسر بحزن مصتنع : 

اه

ندى : ايه

 انا كنت بهزر م.مم..مقبول

ثم نظرت لاسر وجدته يضحك

اتجهت ليه وضربته وقالت : يابااااارد قلبي كان هيقف

خلص بقا يا اسر قول

اسر : 

امتياز ياقلبي عيب عليكى

ندى بفرحة : 

ووااوو يا اسر بجد مبارك ياحبيبى

اسر ببسمة : الله يبارك فيكى ياندوتى

ندى بتذكر: وميار عملت ايه

لم يجيب اسر وحاول تغيير الموضوع

ندى : اسر بتغير الموضوع ليه انا سالتك سؤال

اسر : التالتة

ندى بفرحة : بجد واو انا هتصل بيها ابارك لها

استغرب اسر ندى فكان يظن انها ستحزن ولكن مالذى تقوله يا اسر هذه ندى التى تفرح لغيرها وتتمنى الخير للجميع وتنسى حزنها عندما يفرح احد

ندى وهى تقطع شروده : اهاااا عشان كده يعنى انت ماكنتش راضى تقولى مفكر انى هزعل. بجد انت بارد اوى والله بالعكس فرحتلها و انت كمان 

ابتسم لها اسر

ولكن ندى تذكرت شئ وقالت : وبعدين خد هنا ياله

اسر : انتى بتتحولى يابت انتى وبعدين شايفانى ماشي يعنى

ندى : ماتغيرش الموضوع ..انت ماقلتليش ليه ان النتيجة طلعت

اسر : 

مين ده انا ..ده انا ماكنتش اعرف اصلا ده انا ع.....

ندى قاطعته

:اسر

اسر : يعنى كنتى عايزانى اقولك ايه ما انتى كنتى هتقعدى تعيطى زى ده الوقت وهو الغتت قالك خلاص

ندى: اولا كنت هزعل اه بس كنت هزعل وانت تصالحنى زى ده الوقت وثانيا عدى مش غتت انت الى اخد عنه فكرة وحشه

اسر بحاجب مرفوع 

: لا والله وانتى مين قالك انه مش غتت

ندى بتوتر : الله ..م .مش ا...ابن عمى

اسر بشك : ابن عمك وبس

ندى : قصدك ايه يا اسر احنا هنتكلم ف الموضوع ده كتير

اسر : ماقصديش حاجة بس اتمنى لو فى حاجة اعرف وتيجى تحكيلى زى ما بتحكيلى كل حاجة على طول ولا عشان جيتى هنا خلاص

ندى : ايه الى انت بتقوله ده انا هفضل اختك طول العمر ومش هتغير ابدا

احتضنها اسر من كتفها

ومر باقى اليوم بسلام

~~~~Nadooooo~~~~~~~~~~~~~~~

فى صباح يوم جديد

نزلت ندى وجدت الجميع متجمعين القت السلام ورد الجميع عليها

الحاج ابراهيم: النهاردة كلنا هنروح كتب كتاب ابن الحاج صالح

هو عزمنا كلنا ولازم نروح

ثم نظر الى خالد : وانت كمان ياخالد يابنى هتروح معانا انت وعلتك

خالد بحرج: بس ياحاج

الحاج ابراهيم: مابسش انت بقيت واحد من العيلة وزى راشد ولدى بالظبط

ثم نظر للجميع : جهزوا نفسكم عشان بعد العصر هنمشوا

ندى : احم . انا مش هينفع اجى معاكم

ابراهيم : ليه انا قلت الكل هيروح كلامى واضح

وكمان عشان يتعرفوا عليكى ويعرفوا انه حفدتى رجعت

ندى ببسمة: انا ماليش فى جو الافراح ده يا جدو وبعدين ماليش مزاج اروح

ابراهيم : مالكيش مزاج 

اومال مش هتحضرى فرح ادم على كده ولا ايه

ندى بضحك 

: لاء ده الوضع يختلف هيبقى فرح اخويا

وحضرتك بتقول انك عايزهم يعرفوا ان حفيدتك رجعت يعرفوا فى فرح ادم ان شاء الله

ابراهيم : كلنا هنروح ومش هينفع تقعدى لوحدك

ايتن : خلاص انا هقعد معاها

مرام : وانا كمان هقعد مافيش مشكلة

نظر لها ادم بحاجب مرفوع : اومال انا هقعد مع مين هناك ولا اقولك هدورلى على واحدة تانية اقعد معاها

ضربته مرام فى كتفه : ابقى فكر مجرد تفكير انك تعملها

نظر الحاج ابراهيم الى ملك : وانتى مش عايزة تقعدى معاهم انتى كمان

ملك : اقعد مين دول عالم غم انا ماليش فى الغم وبعدين هو الواحد كل يوم بيحضر فرح لاء وكمان فى الصعيد يعنى مش هتتكرر تانى والله اعلم

نظرت لها نهال بتحذير

ملك : اكدب يعنى يا ماما واقول مش عايزة اروح وانا عايزة

ضحك الجميع

قال ابراهيم : 

سبيها يانهال يابنتى تقول الى هى عايزاه

قالت ندى : محدش هيقعد معايا وكلكم هتروحوا وانا هقعد ومعايا مراد ومامته ف ماتقلقوش

اسر : مش هينفع ياندى انا هقعد معاكى و..

قاطعته ندى : ايه الى مانفعهوش يعنى انتوا مكبرين الموضوع

وبعد محاولات كثيرة من ندى لاقناعهم وافقوا على انها تجلس ومعها مراد

استغرب عدى اسر كيف يترك زوجته هكذا ويذهب معهم ثم قال: جدى انا عندى شغل وهسافر النهاردة

ابراهيم : ناوى تطول ولا ايه

عدى : على حسب لسه مش عارف اسبوعين كده يعنى

ابراهيم : تروح وتيجى بالسلامة

عدى : الله يسلمك ياجدى

شعرت ندى بالحزن مما قال عدى انه سيسافر لاحظ اسر ذلك

الحاج ابراهيم : وانت يازين مش هتسافر مع اخوك

زين ونظر الى ملك الذى كانت تتحدث مع كرم ولا يعلم ما السبب : انا لاء هاجى معاكم وبعدين ابقى اسافر بكرا

ابتسم عدى على اخيه فهو لاحظ نظرات زين ل ملك منذ ان اتت : انا مش محتاجه فى الشغل ده الوقت يبقى يجى براحته

الحاج ابراهيم : يبقا يالا توكلنا على الله نصلى العصر ونمشي

~~~~~~~~~~~~~~~~~~~~~

بعد العصر

اتجه الجميع الى الخارج بإستثناء عدى وندى

وعند السيارات نظر كلا من كرم وملك الى بعضهما وركضوا

استغرب الجميع بينما ابتسم اسر بسخرية فهو يعرفهم جيدا

وقال لو كانت ندى هنا كانت اتحلت

وصلوا الى سيارة اسر سويا

ملك وهى تبعد كرم : انا الى هركب قدام

كرم وهو يمسك بباب السيارة : انا الى وصلت قبلك

ملك : كداب انا الى جيت قبلك وانا الى هركب قدام وانت زى الشاطر كده تركب وراه

كرم : ملك ماتعصبنيش انا الكبير وانا الى الى هركب قدام واسمعى الكلام وانتى ساكته

ملك ؛ ماكنتش كام دقيقة الى هتخليك اكبر منى ثم قالت بتذمر : وسع بقا

كان هذا تحت استغراب الجميع ههذه ليست تصرفات الا اطفال

وزين الذى كان يدير سيارته الذى كانت بجانب سيارة اسر وينظر الى ملك ويبتسم على تصرفاتها الطفولية

نظرت ملك الى اسر : قول له يا اسر يوسع وانك هتركبنى جمبك

استغل كرم انشغال ملك بالحديث مع اسر ودفشها وركب هو ولكن ملك خانتها قدمها وسقطت على الارض

ركض زين الى ملك بخوف ولهفة : انتى كويسه وساعدها على النهوض كانت ملك تريد ان تمنعه ولكنه لم يعطيها الفرصة وسحب يديها بسرعة

ركض الجميع الى ملك

نهال بخوف : انتى كويسه

ملك :ايوا الحمد لله

خالد بزعيق : انت مش هتكبر ابدا ياكرم ينفع الى عملته ده اتاسف لاختك فورا

خرج كرم من السيارة : انا اسف ما كنتش اعرف انك هتقعى

ملك بزعل مصتنع : اصرفها من انهى بنك ديه

كرم : حقك عليا ياستى انا ماكنتش اقصد والله

لم ترد عليه ملك حزن كرم من نفسه كثيرا ولكن عندما لاحظت ملك ذلك قالت : خلاص ياكرملتى تقبلت اسفك

كرم بهمس: كرملتك ها لما نبقى لوحدنا بس هنفخك

راشد : انتى كويسه ياينتى تحبي نجيبلك دكتور وقال بمزاح ولو عايزة تفضلى ترتاحى وتقعدى جوه مع ندى

ملك : مين قال كده انا كويسه جدا عايزنى اجرى عشان تصدقنى يعنى

ضحك الجميع وانطلقوا بسيارتهم

~~~~~~~~~~~~~~~~~~~~

اما داخل الفيلا

كان عدى يجلس بمكتبه ينهى بعض اعماله قبل السفر

وكانت ندى تلهو وتلعب مع مراد ولكن فجاءة ركض مراد الى احد الغرف وركضت خلفه ندى .ندى وهى تدخل الغرفة : مراد انت فين ياصغنن

ثم وجدت عدى امامها

عدى : فى حاجة يا ندى

ندى بتوتر : ا...اصل .. مم.مراد ...ج....جرى هنا وكنت ...بدور عليه

مراد بضحك وطفولة : بببببببخ

ندى وهى تحمله : بقا كده ياصغنن بتستخبى منى

ابتسم عدى على حنانها

بينما قالت ندى' ببسمة : احنا اسفين ياعدى عطلناك

عدى : لاء ابدا عادى

ندى. : انت مش كنت بتقول هتسافر النهاردة

عدى : وانتى عايزانى اسافر بقا ولا ايه

ندى بتلقائية : لاء طبعا مش عايزاك تسافر انا ......صمتت ندى عندما استوعبت ما قالت واحمر وجهها

عدى : كملى سكتى ليه لاحظ عدى توترها قال: عمتا ياستى انا هسافر بعد المغرب ان شاء الله

ندى : تروح وتيجى بالسلامة

عدى ببسمة حزينه : الله يسلمك

كانت ستخرج ندى ولكن عدى ناداها

التفت له ندى :فى حاجة ياعدى

عدى:هو انتى.... يعنى .....واسر..

قاطعهم مراد الذى ركض الى الخارج

استاذنت ندى منه :نتكلم بعدين ياعدى عشان مراد مايستخباش تانى وما اعرفش الاقيه

ابتسم لها عدى بتفهم

خرجت ندى من غرفة

~~~~~~~~~~

فى المساء

غادر عدى

وندى بالغرفة بمفردها بعد ان استاذنت والدة مراد واخذته لتنيمه بفراشه

رجع الفيلا وهو ثمل ولا يعى الى شيئ ويتمتم : انا هوريكى

ثم ذهب الى غرفتها

كانت ندى قد انتهت من صلاتها

وفجاءة وجدت بابا غرفتها يفتح وصوت خطوات اتية باتجاها

نظرت الى مصدر الصوت بصدمة وخوف

ندى بتوتر وصدمة : ا...انت ..ب...بتعمل ...اي.....ايه هنا ووو ..واازاى تدخل اوضتى كده اتفضل اخرج بره

تؤتؤتؤ انتى خايفة ولا ايه

ندى : انا مش بخاف من واحد زيك اخرج بره فورا

اطمنت ندى عندما وجدته ذاهب باتجاه الباب ولكن وجدته يطفأ النور

ندى بخوف فهى تخاف من الظلام : انت بتعمل ايه قيد النور بسرعة

اتجه اليها وقال : القطة الى كانت بتخربش خايفة ولا ايه

ندى ببكاء : انت بتعمل كده لسه ارجوك قيد النور وماتقربش

ماقربش ليه يعنى. ظل يقدم حظواته وهى ترجع الى الخلف

ندى ببكاء 

: انت مش فى وعيك اكيد

وفجاءة مسك يديها ليقربها منه

ولكن ندى صرخت وصفعته على وجهه وقالت بدموع وغضب : اياك تقرب تانى اطلع بررررره

احمرت عينيه غضبا : انت بتتجرائ وبتضربينى انا هوريكى قيمتك ده الوقت

ثم مسكها من شعرها والقها على الفراش بقوة

على الناحية الاخرى قبل ربع ساعة كان عدى فى السيارة على وشك الخروج من الصعيد ولكنه تذكر ملف مهم جدا اوقف السيارة

وقال: ايه الغباء ده هرجع اجيبه تانى لسه

لاء لاء مش هرجع تانى زين يبقى يجي بكرا ويجيبه

ثم ادار سيارته وتحرك بها واكمل طريقه

~~~~~~~