رواية سمراء أحتلت كياني الفصل الحادي والعشرون 21 بقلم أميرة محمد

عد م طلعت من عند جميله راحت المستشفي واتجهت لمكتب ياسين بسرعه فتحت الباب فجاءة ، لقت هناء حضناه

_ انا بحبك اوي ي ياسين ومش هقدر اعيش من غيرك خلينا نتجوز....!!!

_ احم ....انا اسفه شكلي جيت ف وقت مش مناسب

_ ياسين اتصدم وزق هناء بعيد عنه : غصوووون

_ بدلع : طيب همشي انا بقاا وهنكلم كلامنا بعدين

_ هناء مشيت وياسين لسه هيكلم غصون ف قاطعته

_ انا حابة اشكرك علي اللي عملته معايا وعلي وقفتك جمبي ، انا ممنونه ليك جدا

_ انا معملتش حاجه بس الحقيقه كان ليها وقت وتتكشف

سكت شوية وقال

غصون اللي شوفتيه دا .....!

_ اللي شوفته دا ميخصنيش ولا يهمني اعرفه

_ بس يهمني اوي انك تسمعيني

_ واسمعك ليه حضرتك مجرد زميل مش اكتر وشكرا لانك اثبت برائتي واظن مفيش حاجه غير الشكر عشان اقولها

_ بغضب : انتي ليه دايما بتتعاملي معايا بالطريقه الجافه هوة انا عملتلك حاجة لكل ده

_ ياسين انا لازم امشي معنديش وقت للكلام الفارغ ده

_ خبطها ف الحيطه وحاوطها بدراعاته : كلام فارغ ؟

مشاعري نحيتك كلام فارغ

_ بتوتر : لو سمحت ي ياسين سيبني امشي

_ بعد عنها : تمام امشي

_ قبل م تخرج وقفها صوته : خدي دي

_ اي دي ؟

_ مذكراتي

_ اعمل بيها اي

_ خليها معاكي وقت لما تحبي تقرأيها اقرييها

_ خدتها وطلعت حطتها ف الشنطه ومشيت

بقلمي اميرة محمد محمود.

___________________

_ جميله فضلت تتهرب من ام مهاب ومش عايزة تشوفها

_ هتتفضلي لحد ايمته كدا ي جميله ؟

_ كدا اللي هوة ازاي ؟

_ تتهربي مني ومن وامي

_ اتعدلت ف قعدتها : بس انا مش بتهرب

_ اومال اللي بتعمليه ده تسمية اي ؟

امي بدأت تحس انك مش متقبلاها عشان كده بطلت تيجي

_ انت عارف كويس ي مهاب انا بحبها قد اي ، بس مش هقدر اواجها

_ قرب منها اكتر ومسك ايديها : انا جمبك ي جميله ومش هسيبك

_ بصت ف عينيه وسرحت ، مهاب قرب جامد اوي وباسها ، ونزل علي رقبتها وبدء يبوس فيها ، شال من عليها لبسها وقرب ، وقرب و....

_ ابعد ي مهاب ابعد واخرج براا

_ بعصبيه : في اي ي جميله في ايييييه ؟؟

_ خافت منه فسحبت لبسها عليها بكسوف ودموعها نزلت

_ عطاها ضهرة واتكلم بعصبيه وصوت عالي : علي فكره دا حقي وانتي ومتقدريش تمنعيني منه ، مش معني اني ساكت يبقي تسوقي فيها ، كل م اقرب منك تخافي وتكشي بالشكل ده

_ لف ليها لقاها بتشهق ومش قادرة تاخد نفسها جري جبلها ميه وشربها وبعدين مسك وشها بين ايديه :

_ انا اسف اني اتعصبت عليكي بجد اسف ،دموعك دي بتحرق قلبي ، يمكن ف الاول كنت بشوف علاقتنا عابرة بس دلوقتي انتي بقيتي نصي التاني مقدرش اسغني عنك

_ مسألتيش نفسك ليه بحاول اعمل اي حاجه تفرحك ، ليه دايما بخاف علي دموعك وزعلك

_ جميله انا بحبك وقربي منك مش عشان حاجه بس ...بس انا مش قادر

_ لو كنتي سمعتي كلامي مع امي للاخر كنتي عرفتي انا بحبك قد ايه ؟ من ساعت م دخلتي ببتي وانا اتغيرت مبقتش مهاب بتاع زمان

_ لما بسمع صوتك بحس ان قلبي هيتخلع من مكانه ، انا بحب كل حاجه فيكي ي جميله امسكي ايدي وهنتخطي كل صعب مع بعض

_ بص عليها وهيه ماسكه هدومها بخوف فغمض عينيه بألم : متخافيش انا مستحيل اقربلك تاني غير برضاكي

_ قال اخر كلمتين وخرج ، قعدت تعيط مش مصدقه انو اعترفلها بحبه ، كانت اخر حاجة تتوقعها ان مهاب يحبها

_ قامت طلعت برااا ملقتوش قعدت شوية كتار ومجاش ، جرس الباب رن قامت فتحت بس مكنش هوة

_ اتفضلي ي طنط

_ طنط ؟؟؟

_ بتوتر : هدخل اعمل ل حضرتك حاجه تشربيها

_ قبل م تروح علي المطبخ وقفها صوتها

_ انا زعلتك ف حاجه يبنتي

_ ليه بتقولي كده

_ بقالك كام يوم مش عايزة تكلميني وبتتهربي مني ، ودلوقتي بتقوليلي ي طنط

_ جميله بتبص ف كل مكان معادا ناحيتها ، متوترة وبتفرك ف ايديها

_ انا مقدرش ازعل من حضرتك

وفتحت ف العياط

_ ام مهاب خدتها قعدتها : طب بتعيطي ليا طيب

_ انا مستاهلش اني اكون بنتك

_ ابتسمت : دا انتي اعز من مهاب ابني قوليلي بقااا مش عايزة تشوفيني ليه ؟

_ عشان ...عشان مكسوفه من حضرتك

_ لان مهاب قالي علي اللي حصل بينكم قبل الجواز مش كده

_ نزلت وشها ف الارض بكسوف

_ متنزليش وشك تاني

_ مسكت ايديها وقعدت تعيط : والله ي ماما غصب عني صدقيني ضعفت قدامه لاني بحبه من سنين ، انا بنت ناس ومتربيه صحيح اهلي ماتوا

_ بس والله العظيم عمري م عملت حاجه غلط تسيء سمعتهم ، يمكن اتجوزت مهاب بس لسه مقروفه من نفسي علي اللي عملته

_ انا مكنتش بقابل حضرتك عشان مش هقدر اواجهك ، واكيد نزلت من نظرك ، ومفيش ام تتمني ل ابنها بنت عملت كدا قبل الجواز

_ حضنتها : بقي مكنتيش عايزة تقابليني عشان كدا ي جميله ، ليه يبنتي دا انا امك حتي ولا مستاهلك

_ دا انا اللي مستاهلش اكون بنتك

_ مهاب كمان غلط مش انتي بس ، انا لما شوفتك واتعاملت معاكي عرفت قد اي انتي متربيه ، وحبك لابني باين ف عيونك

_ يعني حضرتك مش زعلانه مني ؟

_ دا انتي بنتي وفي ام بتزعل من بنتها ؟

_ حضنتها اكتر : انا بحبك اوي ي ماما

_ ربنا يخليكم ليا

يلا قومي تعالي معايا

_ بخجل : لا انا هستني مهاب لحد م ييجي

_ يوووة نسيت اقولك مهاب جاله حاله طاريء ف المستشفى وقالي ابلغك انو احتمال يبات هناك يومين ولا حاجة

_ بزعل : طيب مقاليش ليه

_ انتي كنتي نايمه

غيري هدومك وانا مستنايكي ف شقتي

_ ابتسمت حاضر

ام مهاب مشيت وهيه اتصلت علي مهاب كنسل عليها

_ عيونها دمعت : انا عارفه انك معندكش شغل ي مهاب بس بتتهربي من ليه ؟

بقلمي اميرة محمد محمود

___________________

غصون كانت مع العمال اللي بيوضبو عيادتها الجديده ، فجاءة جالها اتصال من يوسف

_ نعم ي يوسف عايز اي؟؟

_ صاحب التليفون ده عمل حادثه شوفته بالصدفه وانا معدي ، وبينزف اوي وانا مش عارف اتصرف ، لقيت الرقم ده متسجل ب مراتي ف رنيت عليكي ، ممكن تيجي بسرعة لحسن شكله بيموت

_ ي...يوسف

لو سمحت قولي المكان فين ؟؟

_ المكان ف *******

_ قفلت معاه بسرعه وركبت عربيتها ومشيت

_ اي رأيك

_ بخبث : لا براڤو عليك دا انا شوية وكنت هصدقك

خد دول مكافئتك علي تمثيلك

_ تسلم ي باشا

_ غصون وصلت علي اللمكان ملقتش اي حد ، جه واحد من وراها وخبطها علي دماغها وقعت مغمي عليها

بقلمي اميرة محمد محمود

_______________________________

_ ي مصطفي شوف اختك مجتش لحد دلوقتي ليه

_ بقلق : بتصل بيها من بدري مش بترد

_ اتصل علي ياسين يمكن عارف طريقها

_ حاضر

_ اتصل علي ياسين مرتين مبيردش ، شوية وياسين رجع اتصل بيه

_ ايوة ي مصطفي في حاجه ولا اي ؟

_ اسف علي ازعاجك بس اختي غصون مرجعتش لحد دلوقتي ، اتصلت عليك يمكن تكون عارف هيه فين

_ اتنفض : طب اقفل ونا جاي حالا

_ ياسين قام لبس بسرعه وهوة خايف عليها ، ركب عربيته واتجه لبيتها

_ يبني بقالها ساعه غايبه عن معادها الاساسي ، اخوها راحلها عيادتها اللي بتجهز برضو ملقهاش

_ طيب ي عمي انا هاخد مصطفي ندور عليها يمكن قاعده ف مكان هنا ولا هنا

_ خديجه قالت : انا اتصلت علي جميله برضو مش هناك

_ خليكوا انتوا هنا ولو وصلنا لحاجه هنبلغكم

بقلمي اميرة محمد محمود

____________________

_ غصون فتحت عينيها لقت نفسها نايمه علي سرير ف اوضة غريبه قامت فتحت الشباببك وكان عبارة عن بيت منفصل علي البحر

_ يارب يكون عجبك المكان ؟

_ لفت وشها : يوسف ؟؟

_ تعالي كلي انتي مكلتيش حاجه من الصبح

_ ممكن افهم انا بعمل اي هنا ؟

_ كلي الاول بعدين نتكلم

_ مش هطفح

_ قرب منها فبعدت لورا : خليك عندك اياك تقرب

_ رفع ايديه لفوق كعلامة استسلام : انا بحبك ي غصون ، بحب كل حاجه فيكي ، بحب سمارك ، عيونك

_ قرب عليها ولمس شفايفها ب ايديه : بحب شفايفك

_ زقته جامد : بس انا مش بحبك ولا عمري هحبك

_ جات تفتح الباب وتخرج مسكها من دراعها : بـطلي الهبل اللي بتعمليه ده لحسن اوريكي الوش التاني واظن انتي عارفاه كويس

_ انكمشت علي نفسها ورجعت لورا و اتكلمت بتوتر وخوف ملحوظ علي وشها : انت فاكرني هخاف منك ولا اي ؟

_ بخبث : احسنلك تخافي منك ي روحي

_ خرج وقفل عليها الباب بالمفتاح

_ سمحت لدموعها تنزل وهمست باسمه : ياسين!!!!!

بقلمي اميرة محمد محمود

_____________________________

_ مصطفي احنا لازم نقدم بلاغ

_ بس ي دكتور ياسين الشرطه مش بتقبل تسجل بلاغ غير بعد 24 ساعه علي الاقل

_ ياسين اتعصب جامد وخبط العربيه بايده : انا متأكد ان يوسف الكلب هوة اللي عمل كدا

_ يوسف ؟؟؟؟؟!!!!