رواية زواج غير مدبر (عانس) الفصل الحادي والعشرون 21 بقلم أسماء سلام

رحاب رجعت البيت

رحاب ازيك يا حسام

حسام الحمد لله

رحاب استنى هغير واعملك الاكل

حسام ماشى

رحاب دخلت غيرت ولبست عباية بيتى وبعدين راحت عملت الاكل وبعدين دخلت غيرت تانى وليست لبس ضيق اوى يظهر مفاتنها وحطت ميكب كامل وسيبت شعرها وراحت تنده لحسام

حسام بلع ريقه وقال انتى لابسه كده ليه

رحاب سورى يا حسام نسيت اقولك اصل انا اتفقت مع عمر أننا هنخرج النهاردة نتغدا علشان نخطط لحياتنا الجاية بعد لما تطلقنى

حسام ولابسه كده ليه وايه الميكب ده ، انتى مش راحة فرح وكمان ازاى مقولتليش وازاى تخرجى مع حد غريب من غير لما تقوليلى

رحاب ايه يا حسام ، خليك open minded وكبر دماغك

حسام رحاب اتكلمى عدل ، انتى مراتى وطبعا مش هسمحلك تخرجى مع عمر لوحدك ولا حتى بالشكل ده

رحاب وفيها ايه يعنى مش انت اللى كلمت عمر وقولتله أننا نرجع وانك واثق فيه فمتخفش عمر محترم ومش هيعمل حاجة غلط

حسام بزعيق رحاب لو بتهزرى بطلى هزار علشان الموضوع ده مش للهزار فاهمة

رحاب ومن امتى وانا بهزر يا حسام وكمان هو حرام ليا وحلال لست دينا بتاعتك وأنها كانت بتحاول تفتحلك زراير القميص وكمان لابسه لبس أسوأ من اللى أنا لابساه بمراحل وكمان كنت خارج معاها فى كافيه عام ومتصور معاها ولا ايه

حسام دينا مش مراتى لكن انتى مراتى وسمعتك من سمعتى وانت شرفى وطبعا مقبلش أن اى حد يبصلك باصه بعينه علشان هشيلهاله

رحاب ابتسمت بس رجعت للجدية وقالت وفين بقى اللى خايف على سمعتى دانت مرضتش تعترف بيا قدام الناس وكمان بتقولهم انى منة مش رحاب ، بجد مش مكسوف من نفسك وانت عايز كل حقوقك منى كزوج ومش راضى تدينى أقل حق ليا وهو انك تعترف بيا

حسام ضربها بالقلم وقال اخرسى بقى ، أنا عملت كده علشان خايف عليكى وعلشان الناس متتكلمش عنك بسوء ولو عايزة انا دلوقتى ممكن اروح اقول لاهلك كلهم انك مراتى بس انتى مش هتقدرى تستحملى كلامهم وانك خربتى بيت اختك واتجوزتى زوجها وهيقولك انك اكيد خطفتى أو قتلتى اختك علشان تتجوزينى والناس مش هتبطل كلام فلو انتى عايزة كده قوليلى وانا اعمله

رحاب انت بتضربنى بالقلم يا حسام، فعلا أنا اللى غلطانه علشان وافقت اتجوزك

حسام هه وبعدين

رحاب حرام عليك انا تعبت منك

حسام لأ انا اللى تعبت ، حاولت أدى علاقتنا فرصة بس انتى كنتى بتبعدى علشان بتحبى سى عمر بتاعك ولما صدقتى انه رجع فقولت اجمعكم مع بعض بس انتى مش حاسه بحاجة ، انتى مش بتفكرى غير فى نفسك ، أنا كنت بسألك وبقولك عملتى ايه فى الشغل بس انتى ولا هنا ولا همك حاجة وكمان أنا كنت فى غرفتك بالصدفة بدور على حاجة ولقيت جواب من عمر وصورة ليه لما كان صغير ومديهالك ولسه محافظة بيهم لحد دلوقتي، يعنى ده معتبرهوش خيانة بس لما واحدة جت جنبى اتضايقتى فليه مش مقدرة ده

رحاب اقدر ايه هو انت قدرتنى ، أنا من اول لما اتجوزتك وانت عمال تغلط فيا وتقولى أنا اللى خطفت منة وانا وانا ....وكمان امك جت وهزقتنى هنا وكل يوم الناس بتقولى يا عانس مع انى متجوزة ولا انت مش حاسس بده ، عمرك حسيت الشعور اللى حسيته وانت بتلغى شخصيتى وبقولى يا منة ، ياااه للدرجة دى أنا مش موجوده

حسام فعلا احنا مش متفقين مع بعض خالص وافضل حل لينا هو الانفصال بس لازم تحترمينى على الأقل قدام الناس ومتخرجيش كده وكلامى خلص

رحاب قامت ودخلت الاوضة وقعدت تعيط وقالت ليه كده يا حسام ، نفسى تحس بيا

حسام مقدرش ياكل وبعدين حاول باقصى ما يمكن انه يدخل الاوضة وفعلا دخل بس بصعوبة وقعد يقول عمرك ما هتحسى بيا ولازم اعمل كده علشان مصلحتك لأن مصلحتك مع عمر مش معايا

بالليل حسام حس انه تعب وقعد يكح جامد فرحاب سمعت صوته وجت ليه

حسام ابعدى عنى ملكيش دعوة بيا

رحاب بطل عناد يا حسام، اللى بينا ملوش علاقة بمرضك علشان كده خلينى اساعدك

حسام حس انه تعب اوى وأنه دايخ فقال لها هاتيلى العلاج

رحاب راحت تجيب له العلاج بس حسام قالها لأ مش العلاج ده ، أنا عايز العلاج اللى فى الدولاب

رحاب علاج ايه اللى فى الدولاب

حسام بألم مش وقت كلام هتيه بسرعة

رحاب راحة تجيب العلاج وحسام خده وقعدت تقرأ اسم العلاج واستخدامه وكده وقالت

رحاب ليه مخبى العلاج ده مدام هو علاج عادى للعظام

حسام بتوتر اصل ده كنت باخده وانا رايح الشغل فكنت بعينه هنا

رحاب مقتنعتش بكلامه ومحاولتش تفكر اكتر لأنها زعلانه منه

حسام يلا اطلعى وسيبينى أنام

رحاب استنى اغيرلك الاول

حسام ملوش لزوم

رحاب ايه اللى ملوش لزوم ، يلا علشان اغيرلك

رحاب بدأت تغير لحسام هدومه وفجأة شافت فى جسمه حاجة غريبة وقالت

رحاب هو ايه اللى فى رقبتك ده يا حسام ، ليه فى عرق بارز اوى كده

حسام مفيش ده من تأثير العلاج لأن فى جزء عصبى

رحاب ماشى وبعدين غيرلتله باقى هدومه و طلعت عملتله سندوتشات وادتهاله علشان يكلها ونام بعدها

عدى اسبوع وحسام بقى يتحسن وبقى يقدر يقوم لوحده ويغير هدومه وطبعا ده مزعل رحاب علشان كل لما يخف هيمشى فى اوراق الطلاق

فى أحد الأيام

حسام صباح الخير يا حوبا

رحاب بصدمة حسام ايه اللى بتعمله هنا وايه حوبا ده

حسام عادى يعنى جاى اصحيكى علشان رايح الشغل

رحاب رايح الشغل ليه ، انت لسه تعبان

حسام لأ بقيت احسن

رحاب متأكد يعنى

حسام اه الحمد لله فجيت علشان اصحيكى علشان متتأخريش على شغلك

رحاب حاضر يلا سلام

حسام راح الشغل

احمد ايه إلى جابك يا حسام النهاردة

حسام مش قادر اقعد اكتر من كده فى البيت

احمد اخبارك ايه دلوقتي

حسام الحمد لله

احمد برده مش هتقولها الحقيقة

حسام وطى صوتك علشان محدش يعرف ، أنا مش هقولها علشان كده افضل لينا احنا الاثنين

احمد قصدك افضل ليها هى وخسارة ليك انت

حسام ده المفروض يتعمل

احمد بس انا مش قادر اشوفك كده وانت بتدمر من غير لما اعمل حاجة ، أنا هروح و هقولها الحقيقة وانا واثق انها عمرها ما هتسيبك

حسام كنت اتمنى ده بس للاسف انت مكنتش معايا وشوفت اللامعة اللى فى عينيها بما عرفت أنى كلمت عمر وأنه وافق يرجع لها وكمان عايزك توعدني انك عمرك ما هتقول لرحاب

احمد بس يا حسام

حسام قاطعه وقاله اوعدنى يا احمد ومتخلنيش اندم انى حكيتلك عن رحاب

احمد بزعق اوعدك يا حسام بس انا عرفت انها رحاب مش منة من اول لما شوفتها لانك وريتنى صورة ليكم انتم الثلاثة بس مش موضوعنا ، اهم حاجة لازم تبقى قوى علشان المرحلة دى اصعب مرحلة فى حياتك كلها

حسام بحاول

احمد حضنه وقالت أنا فخور بيك جدا يا صاحبى وبعدين قاله خدت علاجك النهاردة؟

حسام اه الحمد لله

احمد تمام ومتنساش أننا بعد الشغل هنروح للدكتور وانا كنت متفق معاك هعدى عليك واخدك بس انت جيت فهنروح بعد الشغل

حسام باذن الله

عند رحاب فى الشغل

اسراء عملتى ايه امبارح

رحاب حصلت مشكلة كبيرة بينا وضربنى بالقلم ، أنا خلاص مش عايزاه تاني

اسراء من ورى قلبك ، بس اكيد ليه سبب علشان ضربك وانتى مش عارفاه

رحاب مفيش اى سبب يدى الراجل حق أنه يضرب مراته ، أنا لازم اسيبه

اسراء كلام وخلاص

رحاب لأ بجد وهتشوفى

اسراء ماشى

احمد وحسام راحوا عند الدكتور

احمد خلاص مصمم على قرارك برده

جاسم ومفيش راجعة

احمد ربنا يصلحلك الحال يا حسام

حسام روح البيت ودخل اوضته وبعد شوية الباب خبط فاستنى أن رحاب تفتح بس مفتحتش فقال ممكن فى الحمام فقام فتحه

حسام عمر !!!!!