عندما يعشق القاسي الفصل العشرون 20 بقلم هدير بدر

يوسف اول مادخل البيت وهو مع حياه 

ناديه جريت عليهم : مالك ياحياه وشك مخطوف كدا

يوسف حاول ينقذ الموقف: لا مافيش حاجه كل الحكايه كنت معدي لاقيتها واقفه خدتها في سكتي 

ناديه : طب الحمدلله اقعد بقا لازم تتغدي معانا 

يوسف: لا شكرا لازم امشي 

ناديه : لا والله مايحصل 

بعد إلحاح ناديه قعد 

ناديه : سعاد يا سعاد 

سعاد : ايوا ياست هانم 

ناديه: اطلعي نادي علي اثر وجوري يالا واسيل 

سعاد : حاضر ياهانم وراحت تندهلهم 

اثر سمع خبط : ايوا 

سعاد : الهانم بتقولك يالا علشان الغدا 

اثر : حاضر نازلين اهو 

جوري : طب اجابه السؤال 

اثر : هاجاوبك بس توعديني ماتزعليش انا حاليا بحبك جدا 

جوري : وعد 

اثر بدا يحكيلها. 

فلاش باك:

اثر دخل علي محمود كان في الوقت دا بياخد ورق 

اثر : بتعمل ايه 

محمود بتوتر : ها مش بعمل حاجه 

اثر : هاتقول والا اخلى حياتك كلها في السجن 

محمود : لا والله هاقول 

اثر : سامعك

محمود برعب : الصراحه فريد بيه اللي عامل ضدك الصفقه كان عايز مني ورقك وقالي هايديني مبلغ حلو 

اثر : تمام استقبل بقا اللي هايحصلك 

محمود برعب: لاوالله مش هاعمل كدا تاني طب عندي ليك حل 

اثر : ها 

محمود: عندي اخت لوز اللوز تقدر تتجوزها 

اثر : بتبيع اختك 

محمود: مش بنحبها اصلا ووراه صورتها

اثر اتشدلها : ماشي تمام 

واتفقوا 

باااااك 

الصراحه كنت تابعتك فتره وبشوفك رايحه فين وكدا وبعدين يعتبر عرفت عنك بعض الحاجات بس ماعرفتيش ان اهلك بيعذبوكي 

عرفت بس اللي بتمري بيه وان اهلك مش بيحبوكي عزمت أمري اني هاتجوزك 

جوري بعياط : يعني يعني انت مغصوب عليا 

اثر : بصي ياروحي انا في الاول ماكنتيش طايقك وقلت واحده هاطلع فيها القديم والجديد 

لما عرفتك حبيتك جدا بقيتي الأكسجين بالنسبالي لما كنتي بتعملى عمليه حسيت ان قلبي واقف روحي انسحبت مني اول مره اعيط ادام صاحبي متخيله 

خليكي واثقه اني بحبك وعمري ماتخلى عنك ابدا غير في الكدب هاتشوفيني واحد مش حلو خالص 

جوري فضلت تعيط 

اثر: طب بتعيطي دلوقتي ليه 

جوري : ظلموني كتير طب افرد انت مش كويس كانت حياتي ازاى 

اثر خدها في حضنه : ليه بتبصي للوحش كفايه اني بحبك واوعدك هاعوضك عن أي حاجه ثقي فيا

جوري: بحبك 

اثر : طب يالا ياستي الناس خللو تحت 

ضحكو 

وبعدين نزلوا 

اثر باستغراب : ايه دا يوسف هنا مره واحده 

يوسف : شوفت بقا منور صح 

اثر : لا مش اوي😂

يوسف : طب هي كدا ماااااشي ماااااااااااشي

اقول للمدام انك كنت بتعاكس واحده 

جوري بصدمه: بتعاكس طب المهم هي احلى مني 

كلهم بصدمه لا تقل عن اثر 

اثر : المهم تكون احلى منك 

جوري : امال تبقا اوحش مني واسكتلك 

اثر : نعم 

جوري مسكت السكينه: البت احلى مني انطق 

كله ضحك وأثر مش مستوعب

اثر : يالا ياحبيبتي ادامي هو اللي يحبك يفكر يبص لغيرك توبت ياحبيبتي 

جوري: ايوا كدا رجاله مابتجيش الا بالعين الحمرا 

حياه غيرت ونزلت 

اثر  : مش قلتلك قبل كدا ياحياه ماتنزليش الا لما حد يوصلك 

حياه بتوتر : حاضر ماعدتشي هاتتكرر

ناديه : ماهي جات مع يوسف ماتقلقشي بقا 

اثر : اها تمام 

(معلومه اثر عارف ان يوسف بيحب حياه وخايف يقوله )

كلهم قعدوا وحياه ادام يوسف ويوسف كل شويه يبصلها وأثر ملاحظ 

اثر حب يلعب باعصابه : صحيح يا حياه في عريس متقدملك

حياه بصتله بصدمه ويوسف شرق 

اثر : مالك مصدومه ليه 

حياه بحزن: ها لا مافيش عن اذنكم 

يوسف عرف انه ضيع حب حياته علشان غباءه 

اثر فضل باصصله ويوسف كان ماسك دموعه بالعافيه 

اثر : معلشي بقا عروسه ومكسوفه 

ناديه: المهم انه كويس يابني 

اثر : اكيد مش هاقولها علي اي حد الا لما يكون كويس 

ناديه: خلاص ابقا شوف كدا ياسين في الوقت دا كان دخل 

ياسين : مساء الخير جعاااااااان

كلهم ضحكو عليه

اثر : هاتفضل همك علي بطنك كدا 

ياسين: هو في اهم منها والا ايه 

وسع كدا ياعم يوسف منورنا والله 

يوسف : بنورك طب هاستاذن انا 

اثر : تستأذن ايه والعريس اللي جاي 

يوسف : اظن دي حاجات عائليه 

اثر : لا مانت صاحبي وعلطول باخد برأيك 

يوسف : لا معلشي لازم امشي 

اثر عرف انه ماسك دموعه بالعافيه : طب تعالي عايزك 

ودخلوا الاوضه 

ياسين قعد ياكل ومش راضي يبص لامه 

خلص اكل ودخل اوضته جوري قامت وراه خبطت علي الباب

ياسين : اتفضل 

جوري : ممكن اقعد معاك شويه 

ياسين: وأنا أطول اقعدي 

جوري : احم ممكن تسمعني وماتزعلشي 

ياسين : ها ياستي 

جوري : بص انا عارفه ان علاقتكم متوتره بمامتكم بس انت مش بتشوفها بتبصلكم ازاى صدقني عمر ماحد.هايحبك.ادها عارفه انك زعلان منها بس في نفس الوقت دي امك مهما عملت ماينفعشي تزعل منها دي هي اللي شالتك في بطنها واستحملت التعب علشان خاطر تيجي بس للدنيا تقوم تقسي عليها

ياسين : هي اللي اختارت 

جوري: ومين قال كدا لما اتكلمت معاها وحضنت اثر عيطت كان نفسها ترجعولها مش يمكن انتو فاهمين غلط بلاش كدا علشان ممكن تندم سواء صح او غلط بس رحت جيت دى مامتك دى اللى لما تعبت وقفت جنبك عمرها ماشتكت من تعبك ولا عمرها اضايقت من كدا 

ياسين بص في  الارض : بس انتى ماتعرفيش عملت ايه اثر اكيد حالك

جوري : لا ماحكليش وماينفعشي اعرف المشكله اللي بينكم مهما حصل الحياه هانعيشها مره لقدر الله لو حصل حاجه لمامتك هاتندم بلاش تندم بعد فوات الأوان 

ياسين فضل ساكت 

جوري : فكر كويس انا هانزل بقا 

ياسين فضل يفتكر إيام ما كان صغير 

ومواقفه هو ومامته 

نزل تحت 

......

اثر : مالك يا يوسف اتغيرت ليه فاجاه

يوسف ماقدرشي يمسك نفسه اكتر ويكان اثر ضغط علي النقطه اللي عايزها : اترمي في حضنه وفضل يعيط ضيعتها ضيعتها مني 

اثر : مين 

يوسف: انا انا مش هاينفع اقولك 

اثر : لا هاينفع قول 

يوسف : ماتفهمنيش غلط انا بحب حياه 

اثر : هي كدا يعني يعني انا امنتك علي بيتي 

يوسف بص في الارض : غصب عني ماتزعلشي مني 😭انا غلط بس مش بايدي حبيتها غصب عني ماتزعلشي مني وصدقني مش هادخل بيتك تاني 

اثر : اتخليت عنها بسهوله 

يوسف : ماقدرشي اخسر صاحب عمري 

اثر حضنه : لا يسطا ماقدرشي ازعل منك كفايه عرفت انك بتحبها اد ايه بس الحب مش كفايه 

يوسف : بجد موافق عليا يعني ينفع اطلبها منك 

اثر : اه طبعا 

يوسف : والعريس 

اثر : مش هالاقي احسن منك 

يوسف : طب طب هاجيب اهلى ونكتب كتاب علطول علشان خاطري انا جاهز 

اثر ضحك عليه : طيب ماشي 

يوسف: بس ماتقولشي لحياه اني انا العريس 

اثر : ماشي ياعم

يوسف حضنه : طب هامشي انا علشان  الحق وجري 

اثر : والله اهبل 

وطلع برا 

كان ياسين نزل 

راح ادام مامته ووطي عليها باس ايدها وحضنها 

ناديه : ماكنتشي مصدقه حضنته اوي وفضلت تعيط 

اثر: طب كدا شملنا اتجمع ممكن اقولكم خبر كان كله اتجمع 

ناديه مسحت دموعها : خير 

اثر: كتب كتاب حياه النهارده 

حياه عيطت 

اثر : مالك 

حياه : بس انا انا ماعرفوش طب خليها خطوبه الأول 

اثر: مش واثقه في اخوكي 

حياه: طول عمري بثق فيك بس دا جواز 

اثر : وانا متأكد انك هاتشكريني استني لبليل يالا كله يجهز 

ناديه : طب هانلحق ومين دا كمان

اثر : بليل هاتعرفوا 

ياسين خد اثر : ممكن اعرف العريس 

اثر : يوسف بس طلب ماقولشي لحياه 

ياسين : وافرض مش موافقه 

اثر : متأكد انها بتحبه المهم ماتقولهاش 

البنات طلعت مع حياه 

جوري : ممكن تهدي خليكي واثقه في اخوكي عمره مايعمل حاجه تزعلك

حياه : خير ان شاءالله دايما بثق في اختيارات اخويا

اسيل : طب يالا 

وبداوا يجهزوا كلهم باصين مش عارفين يلبسوا ايه 

اثر خبط علي الباب 

جوري فتحت : ها.

اثر : اتفضلي ياقمري دا بتاعك ودا بتاع اسيل ودا بتاع حياه بس بسرعه وجابلهم الميكاب ارتيست 

كلهم اتفاجوا بالفساتين 

جهزوا وخلصوا 

وحياه مرعوبه 

اثر : سعاد روحي نادلهم 

سعاد: حاضر يابيه 

سعاد خبطت عليهم : بيقولكم اثر بيه يالا 

نزلوا وأثر تنح من جمال جوري 

كانت لابسه فستان بينك وخمار عليه بينك في اوف وايت وكان شكله حلو اوي ومطرز بالماس ومش حاطه ميكاب بس كانت قمر 

وقفت ادام اثر 

اثر : يخربيتك دا انا عايز اخبيكي 

جوري بكسوف : بس بقا 

اسيل نزلت وفي ايدها حياه 

اسيل كان حد عينه عليها وفضل سرحان فيها 

كانت لابسه فستان ازرق بيملع كدا ومسيبه شعرها وكانت قمر قمر يعني 

وحياه : كانت لابسه فستان اوف وايت وجوري حطيتلها تاج ورد علي دماغها وكانت مسيبه شعرها 

الصراحه خطفوا الانظار 

كتبوا الكتاب 

اثر دخل لحياه : امضي 

حياه : مضت من غير ماتشوف الاسم 

فاجاه لاقيت يوسف داخلها 

وشالها وحضنها وكله سقف 

حياه : ايه دا 

اثر : جوزك 

حياه بدموع : بتهزر 

يوسف : لا طبعا بحبك وهافضل احبك وقعد علي ركبته ومسك الخاتم في ايده: تقبلى تبقي مراتي 

اثر : ماهي بقيت مراتك ياهبل 

يوسف : بس يا قاطع اللذات ماكنتشي تعرف ان انا وعايز اسمعها منها 

حياه بفرحه : موافقه موافقه 

كله سقف ويوسف لبسها الخاتم وشالها ولف بيها 

ياسين وأثر: وسع ياعم اختنا وأثر خدها في حضنه 

حياه : بحبك اوي 

جوري : وسعي يا وليه جوزي حبيبي خليكي في جوزك 

كله ضحك عليها 

وبعدين ياسين حضنها ولف بيها : مبروك ياقلب اخوكي 

يوسف : طب وسع مراتي ماحدش يشيلها غيري 

ضحكو وجوري كانت زعلانه جدا وأثر عرف ليه

وطبعا لازم اقطع اللحظات السعيده دي انتو عارفني 

فاجاه حد من ورا الستاره صوب المسدس علي ناديه 

وفاجاااااه

يتبع..