رواية نصف جناني الأخر الفصل الاول 1 بقلم أيزيس

في البلكونة 

هنا....ركز كويس اوي اول ما تلاقي الهدف وصل بلغني بسرعة عشان نصوب عليه  

سليم...وماتراقبيش انتي ليه بقي أن شاء الله 

هنا ضربته ف كتفه ...مش شايفني مشغولة ف شرب الشاي بلبن خلي عند دم وركز في الهدف

وفجأة....هنا هنا استعدي الهدف وصل 

قامت هنا بحماس شديد ومسكت أسلحتها واتسعدت للتصويب وقالت ...يلا يا سيكا قول شعارنا 

سليم بيردد الشعار اللي واخده من مهرجان شعبي بيقول ...مافيش ملوك ع الأرض عشان الملوك في الشطرنج اضرِبببب  ولسة هنا هتصوب علي هدفها جات الضربة في عم عبدالله اللي كان رايح شغله 

هنا عضت شفتها السفلي وقالت...يانهار مش طالعاله شمس دي جات في عم عبدالله كده هيشتكي للقيادة والقيادة هتوقع علينا اشد عقوبة ..وفجأة سمعوا صوت جاي من الصالة

......بت يا هناااااااااااااا...انتي يا زفتة انتي فين 

هنا...الحقني القيادة بتنادي يلا بسرعة خبي الأسلحة دي في اي حتة هنتفضح 

سليم ...مافيش داعي اخبي حاجة ماهو عم عبدالله هيقوم بالواجب وهيسيحلنا 

خرجت هنا وسليم اخوها الصغير من البلكونة 

هنا ...جرا ايه يا زوزة صوتك جايب لاخر الشقة ليه 

زينب (الام) ....يلا صاحي اخوكي عشان يفطر ويروح شغله والواد سيكا لبس ولا لسة عشان يروح مدرسته 

سليم(٨سنوات)...انا لابس م الصبح يا ماما ونازل اهو عشان الباص 

وفجأة باب الشقة يخبط 

هنا...سلام قول من رب رحيم ..أنا أنا داخلة اوضتي يلا يا سيكا 

سليم ....استني يا جبانة خوديني معاكي 

زينب...ما تفتحي باب الشقة يا بت ولا اطرشيتي افتح أنا وامري لله 

فتحت زينب الباب واتفاجئت ب عبدالله صاحب جوزها وقميصه ونضارته عليهم طماطم 

زينب بصت بصدمة  وخجل وهي تقريبا عارفة مين اللي بيعمل كده 

زينب....يالهووي ايه اللي عمل فيك كده يا استاذ عبدالله 

عبد الله بغضب ...هيكون مين يعني غير عيالك يا ام احمد يرضيكي اروح شغلي بنكهة الطماطم دي 

زينب بكسوف...اكيد الواد سيكا اللي عمل كده ما تزعلش يا اخويا أنا هشدلك ودنه

عبدالله ...مهو يا ريت جات ع الواد سيكا دي حتي الشاحطة بنتك رمت عليا طماطم انا شفتها بعيني 

هنا...ببرأة ...والله يا عم عبدالله ما كنتش انت الهدف المنشود بس نعمل ايه بقي قضاء وقدر نصيبك كده 

عبدالله ...نصيب مهبب يا بنت محمد أنا كل يوم والتاني اروح البيت كده وسامية تبهدلني كرهتيني في المنطقة يا شيخة 

يخرج محمد من التواليت ورافع حاجب

....جرا ايه يا عبد الله ايه الدوشة دي كلها ع الصبح 

زينب....بنتك المجنونة رجعت ترمي طماطم وبيض تاني علي خلق الله اللي معدية في الشارع 

سيكا ...رجعت تاني ايه علي اساس انها بطلت يعني داحنا كل يوم كده 

هنا جريت حطت أيدها علي بوق سليم....بيهزر ياعمو ..ايه يا رمضان مبتهزرش 🤷

عبدالله ...استلم يا محمد اهي بنتك العاقلة 

محمد ....علي العموم حصل خير يا عبدالله روحي يا زينب هاتي قميص من بتوعي لعبدالله يروح بيه الشغل بدال اللي اتبهدل دا ..واعتبره هدية مني يا عبده 

عبدالله ...والله انا خايف علي هنا يعني ممكن تقع في مشكلة بسبب اللي بتعمله دا 

محمد...بص لهنا بحب وابتسم...هنا تعمل كل اللي هيا عايزاه 

هنا رمتله بوسة في الهوا ...حبيبي يا ابو احمد 

وجابت زينب لعبدالله قميص لبسه ومشي  

زينب ...بتزعق لهنا ...أنا مش عارفة امتي هتعقلي وتبطلي تصرفات العيال اللي انتي بتعمليها دي 

محمد...زيزي ما تضغطيش ع البت كانت بتهزر ايه المشكله يعني فداها يا ستي 

جريت هنا حضنته وباسته في خدوده 

وزينب بصت لهم وقالت ...والله ما حد بوظ البت دي غيرك يا محمد اشرب بقي عمايلها السودة ..أنا حاسة أنها هتعنس ومافيش حد هيرضي يتجوزها بهبلها وجنانها دا 

وبعدين قالت في نفسها...أنت بتعمل كل دا عشان اللي حصلها زمان أنا فهماك يا محمد ...ربنا يهديكي يا هنا 

سيكا نزل عشان الباص وصل وانطلق بيه ع المدرسة 

زينب وهي بتروح علي اوضة احمد وتفتحها 

عشان تصحيه يروح شغله ..فتحت الباب ولسة هتقول اصحي يا احمد 

هنا صرخت....لااااااااااا ماتفتحيش الباب😱

بس كان فات الاوان ودلو المية اللي كانت معلقاه هنا فوق راس احمد  اندلق كله عليه  

بمجرد ما فتحت زينب الباب 

احمد...اعاااااااااا ..يخرب بيوتكم ايه دا ع الصبح 

فتح عينيه وقال...اكيد دي هنا بت المجانين اللي ما عملت منك وجبة كنتاكي يا هنا الكلب  وقام بسرعة يجري عليها بس هي كانت  داخلت اوضتها وقفلت الباب ومعلقة لافتة ع الباب ..كل نفس ذائقة الموت المرحومة هنا 

احمد قدام باب اوضتها... مش هتفتحي يعني مصيري امسكك يا بنت الهبلة ...سوري يا ماما مش قصدي عليك وربنا 

زينب ...مصدقاك يا حبيبي

محمد كان لبس هدوم الشغل عبارة عن بدلة رمادي بخطوط رفيعة لانه مدير بنك 

محمد....احمد انت لسة ما لبستش أنا كده هاروح الشغل ازاي 

احمد ...خلال مينتس يا بابا تلاقيني جاهز وانتي يا هنا ليكي عقابك لما ارجع من الشغل 

هنا فتحت الباب مرة واحدة عشان عارفة باباها هيحيمها وطلعت لسانها لأحمد وقالت ...ولا هتعرف تعمل معايا حاجة 

احمد لسة هيمسكها من شعرها 

محمد....احمد سيب اختك 

احمد...يوووووه يا بابا انت دلعتها زيادة عن اللزوم بجد كده اوڤر 

هنا بتضحك وبترقص بطريقة مضحكة وتغني ....ابو احمااااد خادني الكوافير ابو احمااااد دفعته كتير ابو احمااااااا شقته ع النيل .(هنا فكري  متوسطة الطول رفيعة بيضة عينيها خضرا جميلة جدا محجبة في  اخر سنة في كلية العلوم قسم كيمياء  )

زينب بغيظ...روحي يا هنا يا بنت بطني ربنا يرزقك بزوج أجن منك يطلع عليكي القديم والجديد 

&&&&&&&&

في شركة ضخمة جدا وكبيرة  بتشتغل في عدة نشاطات (شركة AM جروب) للصناعات الكيميائية ومستحضرات التجميل والعطور  وتصنيع واستيراد الأدوية والمنظفات المنزلية  

وتحديدا في مكتب مدير الإدارة 

قاعد ومش لابس اليوني فورم الخاص بالشغل لا دا لابس تريننج بيتي ومركز جداااا في لعبة بابجي (كنتوا فاكرينه مركز في الشغل صح 😂😂)

أسر ....help help help يا بن التيت انت وهي 

دخل شادي ....أسر انت لسة ما اجهزتش 

أسر لسة مركز وبيلعب ومركز برضو مع شادي ....لسة فاضل ساعة ع المناقصة صح 

شادي ....صح بس لازم نجهز 

أسر...ما تقلقش المناقصة دي في جيبي 

شادي...انت بتجيب الثقة دي منين يا ابن عمي 

أسر ابتسم بغرور وهو بيدي الفون ل شادي وقاله ...سر المهنة يا شاد..خد الفون كمل و اوعي تنهي الجيم هاخصم من مرتبك لو نهيتها ..واه ساعد البت أم شعر اصفر اللي بتقول help

دخل أسر غرفة ملحقة بمكتبه وخرج بعد ربع ساعة وهو ف قمة الشياكة والوسامة كان لابس بدلة سودة وقميص أبيض فاتح اول زرارين وساعة ماركة وبيحط البرفيوم بتاعه  (أسر المسيري طويل جدا جسمه مش جامد اوي وماعندوش عضلات كبيرة يعني جسمه وسط ابيض عينه بني داكن وبشرته بيضه وشعره اسود بس وسيم جدا عنده ٢٨سنة ابن صاحب الشركة )

أسر ....انا جاهز 

شادي....بص بإعجاب ...جاااامد يا ابن عمي 

أسر...بثقة....طول عمري يا ابني يلا عشان الصفقة 

&&&&&&&&&&&&

في الجامعة 

وتحديدا أمام  كلية العلوم 

وصلت هنا كانت لابسة دريس كحلي وحجاب بيج وشنطة back bag بيج ف كحلي 

ندي ....هنا مقالب وصلت 

هنا ...صباح الخير يا تحف 

شيري ....صباح الخير علي اغبي بنت في الجامعة 

هنا.....ما تحترمي نفسك يا أم فاروق ولا تحبي اقلب ع الوش التاني 

ندي ...بجد يا هنا انتي امبارح ضربتي زياد السعدني بالكف عشان قالك أنه بيحبك 

هنا بفخر....بسم الله الرحمن الرحيم أنا هنا أعلن من موقعي هذا أنه حصلللل وضربت زياد السعدني المتكبر المغرور  ايه المشكله 

شيري ....يخرب بيتك مش بقولك غبية دا يا بنتي مستحلفلك وربنا.. انتي مش خايفة علي نفسك ولا ايه 

هنا ...لا مش خايفة ...أنا مرعوبة 😭😭

بس اعمل ايه مهو قليل ادب ياريت قالي بحبك وسكت دا كان ...

شيري وندي بحماس....كان ايه يلا قولي كان عايز يبوسك 

هنا.....يخرب بيتكم كان عايز يمسك ايدي 

ندي وشيري...ايدك اممممم😏😏

&&&&&&&&&&&

أسر بيدخل شركته بكل غرور وثقة وفرحة 

ووالده كان مستنيه تحت 

خالد المسيري ...بقلق ...عملت ايه يا أسر 

أسر...عيب لما تسأل سؤال زي دا انا من لما مسكت الشركة عمري خسرت مناقصة 

خالد بفخر...لا يا بطل ربنا يزيدك يا أسر وتفضل سندي يا ابني 

أسر ...بجمود...شكرا أنا طالع مكتبي 

أسر بيمشي بخطوات سريعة 

شادي بيجري عشان يلحقه 

شادي ..بسخرية ....مبروك يا بطل عمي محسسني إنك محمد صلاح 

أسر ...مبروك دي ماتقولهاش دلوقتي اقولها لما اكسب اكبر مناقصة بخططلها من سنة كاملة وقربت جدا يومها بس هانبقي أقوي شركة في الشرق الأوسط كله 

شادي ....يسمع من بقك ربنا 

أسر ابتسم بغرور وركبوا الاسانسير 

&&&&&&&&&&&&

في كلية العلوم

ندي ...اجري يا كلب البحر انتي وهي دا سكشن عليه اعمال السنة 

شيري ...ايه ماقولتيش ليه يا متخلفة أنا مذاكرتش حاجة 

ندي ...استعيني بصديق يا موكوسة البت هنا التفاعلات الكيميائية لعبتها خليها تساعدك من تحت لتحت 

دخلوا كلهم السيكشن زياد كان بيبص ل هنا ويبتسم باستفزاز ..دخل المعيد ووجه أوامر للطلبة 

العيد مازن...كل واحد فيكوا قدامه مواد معينة هيذكر اسمها ويجري تفاعل بينها ويقول التفاعل دا نوعه ايه  قلوي ولا حمضي ولا غير كده تمام فهمتوا 

هنا كانت واثقة جدا في نفسها وبتخلط المواد بثقة هي مجنونة فعلا بس شاطرة جداا ...وفجأة التفاعل مش ظابط معاها وحست أنه فيه حاجة غلط 

هنا ...دكتور مازن ممكن تيجي تشوف المشكلة ايه في التفاعل وليه مش ظابط معايا 

مازن وهو بيتحرك نحيتها... اخر حاجة ممكن أتوقعها أنه هنا تسأل سؤال في التفاعلات أو تحتاج مساعدة 

هنا...قل اعوذ برب الفلق قرك دا هو اللي جابني ورا يا دوك 

مازن...نعم ؟؟؟!!!

هنا...ماتخدش ف بالك شوف التفاعل 

ولسة هيبص في التفاعل وقال ...هنا شغلي النار 

بمجرد ما هنا شغلت النار التفاعل انفجر في وش مازن بس كان مأمن نفسه ولابس قناع فمتأذاش 

هنا....😱😱😱😱😱

مازن...😠😠😠😠

زياد ....😂😂😂😜😜😜