أحببتك رغم أنتقامك الفصل الاول 1 بقلم منة محمد

راكب دراجته لكن سرحان في معامله ابوه القاسيه بعد وفاه امه اتغيرت الاحوال كتير ما بينهم  ليه بقي عصبي ومتهور ومندفع ورافض انه يتعامل معاه يمكن لانه حاسس انه مكنش بيحبها وفي اخر ايامها اتعامل معاها بقسوه وده خلاه حالتها تزداد سوء لدرجه من القهر توصل للموت!!!

هي نفس الشئ طالعه من البيت تلحق شغلها لكن سرحانه في الديون الي اتركمت عليهم ده غير تعب امها الخطير الي استنفذ كل الي حيلتهم ومره واحده بتعدي الطريق  صدمها بدرجاته البخاريه وعشان يتفداها بسرعه بديهه سيطر علي الوضع و لف وادحرج علي الارض

جريت عليه بلهفه: استاذ انت كويس

شد نفسه منها وقام يعرج وقعد علي النجيله

عاليا قامت وراه : انت بخير طيب فيك حاجه اتأذيت

كريم بقله ذوق: انتي حوله مش شايفه موتسكل جاي عليك عارفه لو منحرفتش عن طريقي كنتي زمانك الله يرحمك

عاليا بعصبيه: انت الي سايق  ولا كانها طياره اظن انت ماشي علي طريق ومعرض تصادف ناس والا انت متعود تاخد الي قدامك 

كريم بصوت حاد: تعرفي تخرسي خالص

عاليا بغضب: شوف يا كائن انت اتكلم بأدب ليه بترفع صوتك

كريم بغرور: انا حر اوطيه اعليه انا حر

شافت ايده بتنزف جامد مسكتها

شدها منها

عاليا: انت ايدك بتنزف جامد

كريم: البركه فيك 

عاليا :قصدك بسببك وفتحت شنطتها وطلعت منها مناديل معطر: طيب ناولني ايدك اربطهالك

 شدها منها بحده

عاليا: انت هتجبها بالطيب ولا استخدم معاك العنف

كريم مثل الخوف: لا خفت ومدهالها خدي بس شهلي

عاليا وهي بتربطهاله:علي حسب معلوماتي ان الي بيركبوا الموتسكلات عندهم خوذه ليه حضرتك مش لبسها

كريم: وانت مالك

عاليا: الحق عليا اني بفهمك

كريم: ليه كنتي امي

عاليا: سالتك بأدب ترد بالمثل

كريم برد ناشف :نسيت ارتاحتي

عاليا: مهمل 

كريم قام وقف وهو بيعرج: عارفه حسن حظك ان الموتسكل بتاعي بخير والا كنت قتلتك 

عاليا حبت ترفعله ضغطه: الخرده دي مسميها موتسكل والله العظيم ياجدع

كريم: عارفه الخرده الي مش عجباكي دي تمنها كام

عاليا: ميهمنيش الي يهمني انت كنت طاير كدا ورايح بيها علي فين

كريم بنفعال :وانتي مالك

عاليا: اهلك عندهم علم انك بتسوق بالسرعه دي محدش منهم حذرك ان ده خطر ويضر المجتمع

كريم بملل: بطلي رغي ونصايح كئنك عندك 80 سنه والكلام ما بنا انتهي

عاليا: لا فيه بينا مناديل

كريم برخامه رفع ايديه: اخدته تذكار ومن غير باي

عاليا في سرها: الهي المره الجايه تنكسر رقبتك وتمشي من غيرها يا بعيد 

.......منه محمد......

علي العصر

دخلت البيت كل يوم في نفس الميعاد استقبلتها والدتها بالدعاء نفس كل يوم  وعاليا دخلت الحمام تاخد شور دافئ لانها منهكه ونبيله راحت تسخن الاكل

عاليا خرجت من الحمام و قربت من امها وبكل حنان: عنك انتي يا ست الكل

نبيله بوهن: لا يا حبيبتي انتي راجعه تعبانه

عاليا: مين قال انا زي الفل روحي حضرتك ريحي نفسك 

نبيله: يابنتي انا مش بحب الرقده وافضل نايمه طول النهار من غير ما انعي هم للدنيا 

عاليا كشرت: ماما انا مش هسمحلك ترهقي نفسك ويغمي عليك مره تانيه (باست ايدها) حبيبتي يا بلبله انا بستمد منك قوتي  يله روحي وانا هسخن الاكل لاني هاكل وخارجه

نبيله مشت بضعف وقعدت علي تربيزه المطبخ: رايحه فين؟؟

عاليا: فرح بنت صاحب الكافيه الي بشتغل فيه

نبيله: عقبال ما افرح بيكي

عاليا ابسمتلها و قربت الاكل منها: يله هم ياجمل!!

نبيله ضحكت: ماليش نفس

عاليا: ماما حبيبتي انتي مبتكليش وكدا حتفقدي وعيك

نبيله بغصه وخنقه: ماليش نفس للاكل ولا ليا رغبه لـ اي حاجه 

عاليا: ماما حبيبتي انا مش عاوزاكي تنعي هم اي حاجه انا بشتغل وبحاول اسدد كل الديون الي اتركمت علينا

نبيله: تسددي ايه ولا ايه بس انا نفسي كنت اعمل حاجه لكن مرضي عجزني

عاليا بدموع: حبيبتي انتي عملتي كتير كفايه انك خلفتي بنت زي القمر للحياه 

نبيله: قصدك خلقتها تشيل الهم والحمل بدري بدري

عاليا: كل حاجه هترجع احسن من الاول وهنتجاوز ده واحنا سوي ماما مش عاوزاكي تقلقي 

نبيله: ازاي مقلقش واحنا معرضين ننطرد من بيتنا ده غير علاجي الي بيستنزف كل مرتبك (وبكت بحرقه)اه لو قادره اشتغل مصممه زي الاول مكنش ده بقي حالنا بعد وفاه ابوكي

عاليا: امي ارجوكي هونيها وانا حتعامل حلاقي طريقه اسدد الديون بس هنتغلب علي ده واحنا سوي ويله بلبله الجميله تاكل عشان بنتها الحلوه تدلكلها رجلها وتخليها تستعيد قوتها

نبيله شدتها لحضنها: وبلبله بتموت فيك

 ........منه محمد......

داخل بيتسحب كما الحراميه بشويش خايف من المواجهه الي بتخنقه

عاصم واقف علي اول سلمه: جاي منين؟؟!!

كريم: من الشغل

عاصم نزله وقرب ولف حواليه: لا واضح علي وشك انك بذلت مجهود خرافي 

كريم واقف ومش عجبه نبره السخريه

عاصم كمل: اسمعني لو كنت عاوز تتسرمح عرفني مش تكدب

كريم  بزهق: انا مش بكدب انا كنت فعلا في شغل عاوز تصدق صدق مش عاوز انت حر

عاصم: طيب ايه رايك بقي انا مش مصدقك من اللحظه الي شوفت فيها البهدله علي وشك

وبكل قسوه وحده: اسمعني انا علمتك في الخارج علي امل ترجع تساعدني في ادراه الشركه لكن شوف بنفسك قاعد تلعب وتتصرمح ولا بتعمل حاجه مفيده بزمتك مش مكسوف من نفسك 

كريم: اتكسف ليه وانا عارف الي بعمله

عاصم: منا كمان عارف ان الي بتعمله مالوش فايده في الحياه 

كريم: اكلت دماغي

عاصم: ليه هو انت عندك دماغ وبتفكر

كريم: نفس الدماغ الي عندك

عاصم بحده وصوت عالي: انت بتهين ابوك يا قليل الادب

كريم بيجز علي اسنانه عشان يقدر يتحكم في صوته : اه لما كل ما تشوف خلقتي تفضل توبخ فيا ولا تفضل تصطادلي الاخطاء

عاصم: عشان عاوزك دراعي اليمين ابقي بصطاد الاخطاء  

كريم: وانا قولتلك الف مره سبني اتكيف علي الوضع واخد وقتي وحكون جاهز ادير الشركه

عاصم: سبتك لكن حاسس ان ده مستحيل اشوفه في حياتي

كريم بملل: دايما مش شايفني بس مؤمن بالي بتحاول تصدقه

عاصم: بطل تجادل معايا

كريم: ليه كل ما احاول اشرحلك نفسي تاخدها اني بجادل معاك

عاصم: خلاص اتفضل اثبتلي نفسك واظهرلي مواهبك وخليك جدير بالثقه لان الكلام مش كفايه!!

كريم: انا فعلا بحاول اثبت نفسي بس انت الي بتغمض عني

عاصم: لو كنت فعلا عاوزني افتح واظب في الشركه

كريم: وانا مش حعمل ده طالما غير ارادتي انا

عاصم اتعصب: لا انت هتعمل ده لانه أمر

كريم: ممكن تهدا نفسك يا حاج لاني بجد محتاج اطلع ارتاح وسابه وطالع

عاصم: انا مخلصتش كلامي

كريم بدون ما يلف: بس انا خلصت وسابه وكمل طلوع لحد ما وصل لغرفته ورزع الباب بعزم قوته

عاصم بينه وبين نفسه: بس انا هعدلك بطريقتي انا 

دخل السكرتير المخلص لعاصم : عاصم بيه العربيه جاهزه

عاصم: عرفته مكانهم

السكرتير: ايوه يا فندم

اتنهد عاصم وطلع معاه

............احببتك رغم انتقامك......

علي السفره

كريم: مين الزفت الي عمل الاكل ده

سعاد الشغاله بخوف: هبقي اسأل السواق جايبه من انهي مطعم

كريم: وانتي مطبختهوش بأيدك ليه كتعه

سعاد: انا ليه مستغنيه عن عمري ده اكبر الطباخين استقالوا لانهم مقدروش يتحملوك

كريم رمي المعلقه بقرف: اسكتي خلاص كتك داهيه  

عاصم قعد بكل هدوء قدامه وقرفان من غطرسته وحدته

عاصم: مغيرتش قرارك وتقوم تروح معايا الشركه

كريم: لا

عاصم: يابني خليك قريب مني يمكن تتعلم حاجه مفيده 

كريم: منا بتعلم فن الموسيقي بكل انواعها

عاصم: موسيقي ايه وزفت ايه انت  مهندس كبير والمفروض بعد ما تخلص  دراستك تشتغل  في شركتك 

كريم: انا نفسي افهم انت ليه معارض الفكره عاوز اعرف السبب حالا!!!

عاصم بغضب: انت بتهزر عاوزاني اكافئك انك اهملت شغلك عشان مزيكا

كريم: مين قال كدا انا اتخرجت وبتقدير جيد جدا رغم ان دي كانت رغبتك مش رغبتي لكن المزيكا ده رغبتي انا

عاصم: انا بكلمك عن مستقبل مرموق وانت بتكلمني عن مزيكا مش حاله دي

كريم: اظن المزيكا دي من انواع الفن الراقي زي المؤلف الي بيحب يألف روايات زي الرسام الي بيرسم لوحات كله فن عندك عباس العقاد كان يادوب واخد الابتدائيه بس دماغه توزن 100 دكتوراه

عاصم: فاضل تقولي العلم في الراس مش في الكراس يابن عاصم

كريم: لا انا بس بوضحك الامور !!

عاصم: يا بني افهمني كام واحد قدر ينجح في تأليف المزيكا وبقي موسيقار محترف هنقول واحد في الميه

كريم: فعلا وانا مصمم لو الواحد ده هيبقي انا

عاصم جز علي اسنانه بغيظ: افهم  فيه فرق بين خبطك ورزعك لما كنت طفل  وبين انك تخالي المزيكا مهنه ليك

كريم : خلصت بس بجد شكرا لدعمك وانا مش عاوز اشتغل عندك 

عاصم: امال هتشتغل عند الغرب

كريم: لا هأسس شركتي الخاصه بيا انا

عاصم: بتهزر انت اشتغلت يوم في حياتك عشان تأسس شركه بس من دلوقت بقولك مش هتنجح

كريم: ليه مصمم تقلل مني

عاصم: لاني عارف انك فاشل

كريم: ولما انا فاشل ليه عاوزني اشتغل في شركتك مش خايف بفشلي ادمرهالك

عاصم: طبعا خايف بس معنديش بديل تاني انت ابني الوحيد ووريثي وانت الي حتكمل بعدي

كريم قام بغضب: انت ليه  شخص اناني كدا

عاصم وقف في وشه: وانت بطل لو مره واحده تتملص من المسؤليه

كريم: انا ليه حاسس طول الوقت اني مش ابنك  ولا مره عاملتني بالحسني

عاصم: هو انا يعني لو عملتك بالحسني هتسمعني 

كريم: لا لانك ولا يوم سألتني محتاج فلوسك اكتر ولا حبك اكتر عشان كدا مش هسمعك 

عاصم: كريم انا ابوك ولازم تثق فيا

كريم:وانا معنديش ثقه فيك ولا في كلامك  ياريتك كنت اديت شويه من اهتمامك لـ امي الي من حبك لشغلك وصلت منه قبل وفاتها بدقايق وماتت بسببك 

وقام سابله المكان زي الطير المجروح وخرج يروح فرح واحد صاحبه

..........احببتك رغم انتقامك.....

عاليا داخله هي وصديقتها الوحيده ندي نفس الفرح الي كان في فندق خمس نجوم ولابسه فستان مستعار من عمت ندي وعلي رغم انه هادي وبسيط لكن مخليها فاتنه ده غير حجابها الي مزين راسها

ندي بنشكاح: حطي حلقه في ودنك انا جميله انا غنيه  

عاليا بمزحه: واخر شياكه بس بلاش تتحمسي زياده ولا تتعصبي لحسن الشحاته اخرتها وحشه

ندي: بس يخربيت جمال امك

عاليا ببتسامه: مالك يا بت ومال امي

ندي: الا بالحق امك عامله ايه

عاليا اتنهدت بحزن: امي تعبانه اوي بس انا مش هستسلم لازم احقق ذاتي عشانها واعمل كل الي اقدر عليه 

ندي حبت تخرجها من حزنها: المهم لو جري حاجه للفستان حشرحك

عاليا ضحكت جامد

كريم وهو بيعزف سمع صوت ضحكتها بص يدور يشوف مين صاحبه الضحكه الحلوه دي 

ندي برقت: يالهوي علي البوفيه بيناديني خليني اروح ازوره عن قرب

عاليا شدتها: مش قولنا نتصرف بشياكه تعالي نسأل العامل الفرح انهي قاعه

ندي :عندي اقتراح تروحي تسألي وانا هتمعن في البوفيه

ندي لما عاليا ماردتش عليها بصتلها لقتها سرحانه حركت ايدها قدام وشها: مالك تنحتي ليه في الي بيعزف

عاليا ضيقت عيونها: شكله مألوف اظاهر شوفته قبل كدا بس فين معرفش

ندي طيب خليكي هنا اروح الحمام وراجعلك اوعي تتحركي

عاليا هزت راسها بـ نعم ووقفت مكانها وطلعت فونها من الشنطه عشان تطمن علي امها لقت حد خبط فيها وقعلها الموبيل

كريم بيلف وراه بتلقائيه : اوه انا اسف

عاليا وطت علي الارض واخدت الموبيل: اه ده اتكسر وبتلف تشتمه

كريم : انت تاني هو انتي بتطلعليلي منين

عاليا: من اليانصيب 

كريم: ده علي كدا العالم صغير اوي

عاليا بهمس: ياربي ليه مكتوب عليا اقابله تاني ليه

كريم: وانا ليه كل مره بقابلك تحصل مصيبه

عاليا: انا مش فيقالك ياجدع انت (وبصت في الموبيل بحسره) ياربي ياتري يتكلف تصليحه كام

كريم فضل يفتش في جيوبه

عاليا: انت بتدور علي ايه؟؟!!

كريم: بدور عن ورقه اكتبلك رقم تلفوني لان للاسف معيش فلوس نقدي لكن ممكن تاخدي رقمي ونحدد معاد سوي وادفعلك تمن التصليح لاني حاليا مستعجل ومفيش ورقه (وشد كف ايدها  لكن مع الشده حس ان قلبه بيدق لاول مره : فهكتبه علي ايدك

عاليا بتشد ايدها جامد: اوعي انت بتعمل ايه انا مش عاوزه منك حاجه

كريم: ليه مش عاوزه افتحي ايدك يله واهي فرصه نتعرف فيها علي بعض 

عاليا: قلت لك مش عاوزه

كريم: افتحي ايدك يله بسرعه وكتب الرقم علي ايدها بالعافيه

عاليا بتمسح الرقم بعنف: انت ايه معتوه

كريم: اياك تمسحيه وبطلي عجرفه

عاليا بنرفزه: انا مش متعجرفه بس انا مش عاوزه اقابلك تاني

كريم برخامه: وانا يعني الي حموت و اشوفك انا اصلن مش فضيلك ومشي

ندي: انتي تعرفيه

عاليا: ايوه اتخانقنا قبل كدا 

ندي: امممم ده بقي الشاب الي مش طايق نفسه صاحب الموتسكل

عاليا: ايوه هو ويله تعالي نمشي لان الشخص ده بيعصبني لما بس بيتكلم

ندي : ولا تضايقي نفسك احبي يكش وهو راكب موتسكله يتكعبل في طوبه تنكسر رقبته

.......احبك رغم انتقامك........

رجعت من الفرح لقت امها واقعه علي الارض صرخت وجريت عليها بخوف ورهبه  

مسكت دماغها في حضنها  تضمها لصدرها وتبكي ..تبكي الوحده..تبكي العجز....تبكي اليتم كل حاجه عندها تهون الا فقدان امها سندها في الحياه القاسيه  شئ مرعب ومخيف تفقد الام الصدر الحنون فضلت تكلم فيها تتمني بس تسمع صوتها لكن مفيش اي امل صرخت وصرخت اتجمعوا الجيران واتصلوا بالاسعاف ودقايق ووصلت ورفعوا نبيله وعاليا اصرت تركب معاها

دقايق  عدت علي عاليا أعوام واخيرا فتحه الباب دخلت عاليا بدموع كتير 

الدكتور: عاوزك تفكري كويس يا مدام نبيله جسمك قابل للعلاج رغم انه في مرحلتك الاخيره من سرطان الدم

نبيله: انا كمان نفسي اتعالج بس نفقات العلاج مش متوفره ممكن تشوف لي اي طريقه تانيه تقدر تساعدني بيها

الدكتور؛ ححاول اشوف طريقه اساعدك بيها لانك لازم تبدئي العلاج عن اذنك

عاليا قربت من امها وسحبت كرسي ومسكت ايدها وباستها: عامله ايه

نبيله: انا بخير اسفه اني فجعتك

عاليا: متقوليش كدا ومتحمليش الهم كل حاجه هتبقي بخير انا مقدرش اعيش من غيرك

نبيله بصوت ضعيف واهن : انا بخير متخافيش مش شيفاني كويسه ومن دلوقت حنرمي حمولنا علي الله

عاليا: المهم عندي صحتك ارجوكي انا عاوزاكي في حياتي اطول فتره ممكنه انا معنديش غيرك في حياتي لو جرالك حاجه انا حموت من بعدك

فتح الباب ودخل بعد تردد كبير

نبيله بدهشه : سيد عاصم