عندما يعشق القاسي الفصل الثامن عشر 18 بقلم هدير بدر
 |
| عندما يعشق القاسي الفصل الثامن عشر 18 بقلم هدير بدر |
عندما يعشق القاسي الفصل الثامن عشر 18 بقلم هدير بدر
جوري بصيت لاقيت صحابها كلهم اثر مجمعهم
مني اول ماشافتها جريت عليها وجوري جريت عليها
الاتنين حضنوا بعض
وجوري ومني فضلوا يعيطوا شويه
نعرف الشخصيه الجديده بقا مني صديقه الطفوله لجوري وكانت معاها خطوه خطوه وكانت بتساعدها عيونها بنيه فاتح مدي على عسلي ومختمره برضو وجسمها كيرفي كدا
اثر : ماخلاص ياحجه انتي وهي ابعدي عن مراتي بغير عليها
تعالي ياحبيبتي عيطي في حضن جوزك
كله ضحك علي طريقته
وجوري كانت فرحانه بوجود صحابها جدا
وقضوا وقت ضحك وهزار
مني : جوجو حبيبتي هاروح التواليت واجيلك
جوري: ماشي ياروحي وراحت قعدت جنب اثر
اثر : خير ياروحي سيبتي صحابك ليه
جوري: شكرا شكرا مش عارفه اشكرك ازاى
اثر : لا ياروحي احنا الاتنين واحد وانا ماعملتيش حاجه غير اني شوفتك فرحانه الحمدلله
جوري بهمس : بحبك
........
مني طالعه لسه خبطت في حد : اسفه جدا ماكنشي اصدي
ياسين بصلها شويه : لا عادي ولا يهمك وهي سابته ومشيت
ياسين لقاها وقفت لوحدها: هو انتي صاحبه جوري
مني : ايوا حضرتك تعرفني
ياسين: انا اخو اثر
مني بحرج: اسفه ماكنتيش اعرف حضرتك علي العموم اتشرفت وسابته وراحت لجوري
ياسين لنفسه : ايه انت هاتقع والل ايه اهدي كدا
نرجع لاثر وجوري
مني : جوجو انا هامشي بقا علشان الوقت اتأخر
جوري بزعل : هو انا لحقت اشبع منك
مني : معلشي والله انا اقنعت ماما بالعافيه
اثر : خلاص يا جوري هاجبهالك كل فتره او انا اوديكي ليها
الاتنين بفرحه: بجد
اثر بضحكه عليهم : والله اطفال
اثر : استني اجبلك حد يوصلك يا مني علشان الوقت متأخر
مني: لا انا هاركب اي أوبر من هنا ماتقلقشي
ياسين جيه من وراها
أنا هاوصلها يا اثر ماتقلقشي
مني بكسوف: والله مش عايزه اتعب حد انا هاوقف اي حاجه
ياسين ماسمعشي كلامها ومشي ادامها : يالا
مني ماشيه وراه بتكلم نفسها : اوووووف ياربي انا هاركب مع المز دا هيييح يارب صبرني
ياسين بصلها : اتفضلي اركبي
مني لسه هاتركب ورا
ياسين : مش هاكلك والله اركبي ادام
مني : ركبت وهي ساكته فضلوا ساكتين طول الطريق لحد ما ياسين بدا بالكلام
ياسين: هو انتي اد جوري والا اكبر
مني : لا ادها
ياسين: صغيرين اوي
مني بعصبيه مخفيه : معلشي بقا
ياسين ضحك علي طريقتها وتعبيرات وشها
ياسين: بيتك فين بقا
مني بدأت توصفله الطريق
مني : احم ممكن اطلب من حضرتك طلب
ياسين: اتفضلي
مني : بس ماتقولشي لجوري
ياسين : قولى
مني : ممكن تخليكم كلكم جنبها هي تعبت في حياتها اوي انا فرحت ان اثر حبها بس عاملوها اكنها اختكم وبدأت تعيط علي اللي عاشته صحبه عمرها
ياسين ركن : ممكن تهدي طيب ياني علي القمر لما بيعيط
مني : ضحكت عليه
ياسين: ايوا كدا كلنا بنحب جوري وبنعاملها كأخت ما تقلقيش
مني : تسلم يارب وربنا يخليكم لبعض
ياسين بهمس : ويخليكي ليا
ووصلها البيت
.........
اثر: يالا ياروحي نمشي علشان مدرستك
جوري: يالا ياروحي
اثر : يالا ياجماعه
وراحوا يركبوا
اسيل وحياه وناديه ورا
وجوري جنب اثر
اثر : فرحانه ياروحي
جوري بفرحه : اوي اوي
مسك ايدها وباسها وهي فضلت بصاله بحب
حياه قاطعت اللحظات السعيده : احم احم نحن هنا
اثر : يخربيتك ياشيخه لازم تتكلمي دلوقتي
كله ضحك عليه وروحوا البيت
اثر : يالا تصبحوا علي خير بقا
وانتي يابت ياللي اسمك مراتي ادامي مش قادر اتلم عليكي ساعه واحده
ضحكوا عليه وجوري طلعت معاه
اول ماقفل الباب
جوري نطيت في حضنه : بحبك اوي اوي انت احلى عوض ليا بجد
اثر : بادلها الحضن وفضلوا شويه كدة وبعدين قالها يالا ياروحي غيري
جوري دخلت غيرت واتوضيت وراحت تصلي قيام
اثر باستغراب : هاتصلي ايه
جوري : هاصلي قيام
اثر : قيام يعني ايه قيام
جوري : إنت ماتعرفشي بجد
اثر بحزن: لا طب انتي بتصليه ليه
جوري : بص ياسيدي عارف لما يكون في هموم كتير اوي علي كتفك ومخنوق وماحدش جنبك وتلاقي ربنا بس اللي جنبك ساعات بتحس ان ماحدش قادر يسمعك وانت مخنوق بتروح لربنا تحكيله كل حاجه وتعيط بين ايديه هاتلاقيه بيطبطب عليك انا مهما حصلي ومهما واجهت بستني الوقت دا بالذات علشان اصلي القيام كنت بحس براحه رهيبه كفايه طاقتك السلبيه كلها بطلعها بتحس ان ربنا بيهديك حاجه كدا ولا في الخيال الصراحه تعالي اقولك قصه حلوة اوي وبعدين اقولك ازاى بنصليه
وبعدين اقولك فضله
اثر كان فرحان اوي وقعد ادامها وهي مسكت ايده
جوري : بص يا سيدي هاحكيلك قصه عبد صالح اسمه عمرو ابن عتبه دا كان بيخرج يغزو في سبيل الله لما كان يجي الليل كان بيخصص الوقت دا لربنا يناجيه ويبكي بين ايديه لما كان الجيش بيطلع وعمرو ابن عتبه بيطلع معاهم ماكانوش بيخلوا حد يحرسهم ودا لان عمرو كان كفاهم بذلك بصلاه الليل وفي يوم عمرو كان بيصلي والجيش نايم سمعوا زئير الأسد كلهم صحيو مفزوعين من النوم وهربوا ماعدا عمرو فضل في صلاته وماقطعهاش ولا بص حتي جنبه لما مشي الاسد الجيش جوم استغربوا جدا قالوله انت ماهربتيش ليه انت ماخوفتيش من الأسد وانت بتصلي تخيل كدا قالهم ايه
اثر بدموع : قالهم ايه
جوري : اني لاستحي من الله ان اخاف شيئا سواه
اثر : الله لدرجه دي
جوري : ايوا طبعا تعالي اقولك بقا ازاى بنصليها وفضلها
اثر : ياريت
جوري : هل القيام صلاه بس
اثر : مانتي بتقولى صلاه
جوري : لا ياسيدي مش صلاه بس خلينا نتكلم الاول عن الصلاه بتكون ازاى
اثر : اتفضلي
جوري: الصلاه بتكون احداشر ركعه تصلي مثني مثني يعني ركعتين ركعتين وتسلم وهكذا وتقرأ في ركعه الفاتحه وماتيسر لك من القرآن
طيب هو لازم اصلي الاحداشر ركعه كلهم
بص القيام مش بيحسب بعدد الركعات إنما بيتحسب بعدد الآيات يعني ممكن تصلي ركعتين بس بعشر آيات او بميت ايه وهكذا في حديث بيقول "من صلي قيام الليل بعشر آيات لم يكتب من الغافلين ومن قام الليل بمائه ايه كتب من القانتين ومن قام الليل بالف ايه كتب من المقنطرين"
يعني هنا القيام مش بيحسب بالركعات وانما بعدد الآيات كدا خلصنا الصلاه ممكن مايكونشي حد عايز يصلي ممكن يقرأ قران ممكن يسبح ممكن يستغفر الذكر عموما بس هي درجات طب ليه الصلاه افضل علشان الصلاه جامعه القرآن وذكر وبعدها الذكر فهمت
اثر كان ساكت وبيسمع بقلبه وفرحان بطفلته جامد
اثر قام حضنها وباس ايدها: كل يوم بشكر ربنا عليكي
جوري : طب يالا نصلي بقا
اثر بفرح : يالا
اتوضو وهي وقفت وراه خلصوا صلاه اثر كان بيبكي ولما خلص حس فعلا براحه وكان فرحان اوي
جوري : سبح علي ايدي علشان ناخد الثواب وبدأ يسبح علي ايدها وهي فرحانه اوي
اثر : يالا ياروحي ننام
جوري: يالا
تاني يوم
صحيوا وجهزوا ونزلوا يفطروا
وبرضو ياسين مش بيكلم مامته
ياسين راح شغله وأثر راح يوصل جوري
حياه : ماما هاروح المول اشتري شويه حاجات
ناديه: ماشي هاتروحي معاها يا اسيل
اسيل : لا ماليش مزاج
ناديه : بس عمك أحمد واخد اجازه انهارده مين هاياخدك بالعربيه واخواتك مشيوا
حياه: هاخد اي حاجه بااااي
وجهزت وخدت تاكسي
فاجاه لاقيت الطريق مقطوع
حياه بخوف : ايه دا انت رايح فين
السواق وقف التاكسي
حياه نزلت تجري الحقوني
وهو بيجري وراها ولسه بيحاول يعتدي عليها لقي ........
تعليقات
إرسال تعليق