أحببتك رغم أنتقامك الفصل الخامس عشر 15 بقلم منة محمد
 |
| أحببتك رغم أنتقامك الفصل الخامس عشر 15 بقلم منة محمد |
أحببتك رغم أنتقامك الفصل الخامس عشر 15 بقلم منة محمد
......منه محمد........
وقفنا لحد ما خالد طلب من عاليه تروحله المطعم
عاليا قاعده ماسكه موبيل خالد وشافت الفيديو لما اتعرض كريم للضرب وعاليا بتقرب منه
عاليا مدتلو الفون: كنت عارف اني لقيت كريم
خالد واقف متكتف وهزلها دماغه بـ نعم
عاليا بأحراج للموقف: اسفه اني مبلغتكش بس هو هدد بأنه هيهرب لو بلغت اي شخص
خالد اتنهد وقعد قصادها: ولا يهمك لاني عارف كريم مش عايز يشوف اي شخص عشان كدا طلبتك تيجي هنا وتطمنيني عن احواله
عاليا: هو كويس بس مجروح نفسيا اكتر من جسديا
خالد: معلش مع الوقت هينسا بس كويس انه فهم الحقيقه وده هيخاليه يتمسك بالدنيا
عاليا: انا معاه بحاول الملم جراحه اما بخصوص مشاعره لازم هو الي يهتم بيها بنفسه!!!!
خالد: عاليا انتي شخص مهم بالنسبه لكريم عشان كدا انتي الوحيده الي مسمحولك تقربي منه
عاليا بيأس: متهيئلك ده بس عشان انا شايله برقع الحياء في نظره بس مش هسيبه غير لما هو يطردني عشان كدا هو بُيقر بالهزيمه
خالد: تعرفي بدئت احس بالغيره منه
عاليا عقدت حواجبها: افندم
خالد ابتسم: قصدي بغير منه ان فيه حد قلقان عليه زيك وبيحبه
عاليا: انا ولا بطيقه سعادتك
خالد ضحك بصوت عالي: دايما تقولي انك مش بتحبيه بس افعالك بتقول العكس وواضح انه مهم بالنسبه لك
عاليا: اظن قلت لك اني ولا بطيقه
خالد: بجد! طب خالي بالك من قلبك لهو الي يطيقه انا بكلمك كدا لاني مهتم لـ امرك
عاليا بطنها عملت صوت
خالد: استني لحظه اعملك اكله انما ايه
عاليا ضحكتلو: دايما فاهمني يا خالد شيف مين اللطيف ده
خالد قرص انفها: مكاره بتمدحيني عشان ائكلك مش كدا
عاليا: عندك حق
خالد: ولا يهمك انا قابله منك
تلفونها رن وخالد قام لكنه وقف يتسمع عليها!!
عاليا: نعم يا بابا انا في المطعم عند خالد
= ابدا طالبني نتكلم شويه عن وصفات للمطعم
= كريم بخير
= بابا مفيش داعي تقلق عليه
=لا مقدرش اقولك مكانه
=بابا اظن انا وعدتك اهتم بيه
=اظن قلت لك مش هسيبه يبعد عن عيوني
= مش ممكن اسيبه يأذي نفسه
=حاضر هبلغك اول بأول
=بابا رجاء ثق فيا
=شكرا يا حبي سلام
قفلت وراحت تاكل: شكرا جزيلا يا رئيسي الجميل الي شبعني ده غير الاكل كان جميل بشكل بس ممكن استسمحك امشي
خالد: تمام بس لو فيه اي جديد بلغيني عشان حابب اساعدك ومتبقيش لوحدك
عالي اخدت شنطتها: اكيد اشوفك باي
خالد بعد ما طلعت من المطعم مشي وراها خطوه بخطوه يتتبع طريقها لحد ما؟؟
.......منه محمد........
حسن الي واقف قدام بركه غويطه جدا محني بنص جسمه بيدقق فيها جات من وراه ومثلت انها هتزقه: عووووو
حسن اتخض وصرخ
ندي: ده انت طلعت جبان بشكل
حسن كشر: ياسلام ياختي افرضي وقعت كنتي هتعملي ايه؟؟!!
ندي: عادي هتقبل الامر لانك حتموت اكيد
حسن بصلها بغضب
ندي: اوف اوف شكلك يخوف وانت غضبان خلاص حتكلم بجد تفتكر انت بدماغك الي زي الالماظات دي ان كريم هينط هنا
حسن: ليه لا
ندي: لانه صديقك مستحيل ياخد الطريق المختصر زي ما انت مفكر
حسن: ليه يا فيلسوفه زمانك انتي صديقته عشان تعرفي تفكيره
ندي: لا يا ظريف انا اي نعم مش صديقته و افتخر بذالك عشان كدا همشي
حسن وقف قدامها: اسف كنت مضغوط شويه بس انا بخمن تفكير كريم عشان كدا اتصلت بيكي تيجي تساعديني ندور عليه
ندي بعصبيه: فين الحاشيه اصدقائك عشان تتصل بيا وانا مش صديقه
حسن: بطلي تكشري واسف اسف اسف بالتلاته سماح بقي ليه نتخاصم احنا في البحث بنتقاسم
ندي: انا مش كشريه انت الي مخيف
حسن حرك حواجبه: بجد!
ندي اتغاظت وضربته في جبينه كذا مره وري بعض
حسن مسك ايدها وباسهم: خلاص مكنش قصدي يا اغلي الناس ده زعلك علي العين والراس
ندي: طيب يله تعال ورايا
حسن جري وراها وفرد ايده كأنه بيطير
........منه محمد..........
كريم الي قاعد وحاطط رجل فوق التانيه وكف ايده ع ركبته وعمال يخبط بيه وماسك موبيله عاوز يتصل بيها ويرجع تاني في قراره قام راح ناحيه الشباك عيونه زايغه في كل مكان نفسه يلمحها واخر ما زهق رجع أأعد تاني مكانه لمح صوره لـ امه قام اخدها اتمعن فيها وابتسملها وباسها وافتكر اوقاته الجميله معاها
#فلاش_باك
كريم بصوت عالي: امي الحلوه الطعمه انتي فين؟!
اشجان قفلت الدرج بسرعه: كريم خضتني
كريم قرب وباس خدها: جعان هفتان
اشجان: يعني كل الزمبليطه دي عشان جعان
كريم: اااممممم جدا
اشجان: خلاص نروح ناكل طبعا
#باك
قرب وفتح الدرج لقاه فيه دفتر قديم فتحه لقي جواه مجموعه صور له وهو لسه مولود واشجان ضماه بكل حنان وحب لكن جوه الدفتر مكتوب مشهد واحد فقط مدوناه بخط ايديها
نزلت دموعه علي مكان دموعها ،،الدموع الي نزلت مع كل حرف هي كتبته وبتحكي ازاي عاصم سابها ليله دخلتها سابها لوحدها وراح لنبيله وقتها اترجته لكنه رفض يخضعلها حاولت تنتحر بسبب اهانته ليها وتأثريرها بالرفض لكن قررت تعيش وتحاول ترجع عاصم لحضنها ونجحت وبعد وقت خلفت كريم ,, كريم الي برضو بوجوده بعد عاصم عنها بمسافات وكله بسبب نبيله الي لو مكنتش موجوده في حياته مكنش ده بقي حالها بس سبب واحد خلاها متمسكه بالحياه الي هو انت ياكريم الي حبي ليك اكبر من اي حد حبيته في حياتي
#باك
قفل الدفتر وانهار وبكا لحد ما فرغ كل خزان دموعه وكله بسبب نبيله وابوه بسببهم امه عانت الامرين...!!!!
........منه محمد.........
عاليا وقفت قدام الباب وبعدين دخلت وسابت الباب مفتوح....في نفس الوقت رجاله عاصم وراها خطوه بخطوه حتي خالد وراها ..عاليا رمت الشنطه علي التربيزه وجريت زي المجنونه لما ندهت علي كريم الي مردش عليها والقلق اعتراها فكرته هرب تاني فضلت تفتح كل غرفه في البيت لحد ما لقته قلبها ارتاح لما شافته قدامها قاعد ماسك دفتر وصور واول ما شافها دخل الدفتر بسرعه مكانه وقام وقف قصاد الفراند ومديها ضهره
عاليا: كريم فيه ايه مالك؟؟!!
كريم جسمه بيهتز
عاليا بستغراب: كريم
كريم لف وشه عنها: مفيش حاجه
عاليا: ازاي مفيش وانت شكلك بيقول انه فيه حاجات مش حاجه انت معيط(مسكت ايده يواجها)ممكن تقولي ليه بتعيط
كريم بكا بحرقه
عاليا ضمت وشه بكفوفها: مالك ياكريم اتكلم وانا مستعده اسمعك من غير ملل
كريم رد فعله انه قرب وباسها بشغف بوسه بث فيها كل حبه وشوقه ليها الجارف ورفعها بين ايديه واتحرك اتجاه السرير واقام معاها علاقه عميقه !
.........منه محمد......
نايمه في حضنه رغم كدا حاسه بالذنب انها سلمتله يمكن لانها بتحبه يمكن لانه محتاج ده منها
كريم حاسس بيها باس جبينها بعمق وسألها: حاسه بالخجل لسه؟!
عاليا دفنت وشها كله في صدره وهزت دماغها بـ نعم
كريم: دلوقت عايز اتكلم انتي مستعده تسمعيني
عاليا: لما طلبت منك تتكلم رفضت
كريم بخبث: تمام يبقي مش عايزه تسمعي
وهجم عليها يبوسها
عاليا دمعت بأحساس بالذنب: كريم كفايه خلاص حسمعك
كريم : بالنسبه للي حصل بينا دلوقت مش غلط ولا عيب
عاليا: امال ايه مش عارفه انت بتفكر ازاي وازاي انا طاوعتك واستسلمت معاك بالشكل ده
كريم: كنت محتاجلك محتاج اشبع منك وكل ما هحس بالوحده كل ما هحس اني محتاجلك
عاليا: وحيد ممكن تقولي حصل ايه في غيابي؟!
كريم: ابدا امي وحشتني
عاليا: احكيلي عنها عن احساسك بيها
كريم اخد نفس بعمق: امي الوحيده الي كنت بروحلها في فرحي في حزني حتي في يائسي من يوم ما ماتت حسيت بالوحده واليتم في كل مكان بروحه
عاليا ضمته : لو حضنتك كدا هتحس انك مش لوحدك
كريم ضمها عليه اكتر لانه محتاج الحضن الي بيحسسه بالامان: مجرد وجودك معايا بحس اني لسه بخير عشان كدا كنت محتاج اقرب منك بالشكل ده
عاليا ضربته جامد
كريم ضحك: بتضربيني ليه
عاليا: عشان انت بتفكر في حاجات منحرفه ودايما دماغك بتهدف لقله الادب
كريم:طيب طالما انتي مش عايزه ده وافقتي ليه؟؟!!
عاليا: لا مش هجاوب لاني مش عايزه احس اني رخيصه وسهله اكتر من كدا
كريم: عاليا انا عمري ما كان عندي رغبه انام مع ست قبل كدا طالما مش بحبها لكن انتي الي بحبها لا انا بعشقك
عاليا: انا كمان عمري ما سلمت لـ اي راجل لكن معاك استسلمت وضعفت لاني بحبك ويمكن اكون بعشقك
كريم: بتحبيني طيب ليه كنتي دايما بتظهرلي انك كرهاني كدا
عاليا: ابدا من يوم ماظهرت في حياتي عمال تدمرها
كريم ضحك اوي: للدرجادي انا شرير
عاليا كشرت: افتكر انت عملت ايه
كريم ضحك اوي لدرجه فصل من الضحك: عارفه انا وقعت وادهولت في حبك في اليوم الي لبستك فيه التورته واظن انتي كمان حبتيني بس قبلها
عاليا:ليه مجنونه احبك وانت بتكرهني
كريم باس ايدها: مش ممكن اتخيل يوم كرهتك فيه بس مفيش مشكله مسيري اغير رايك فيا في يوم ما ويبقي قلبك وروحك ملكي انا لوحدي عارفه لما فكرت انك مرات ابويا قلبي اتقطع لـ اشلاء بس دلوقت اقدر احبك واهيم في حبك
عاليا:انت غريب
كريم: كنتي عاوزاني اعمل ايه وانا شايفك شويه مع خالد شويه مع ابويا ومش بهينك بس اعتبريها غيره تملك اي حاجه
عاليا: اوك ولما هي غيره او اي حاجه ليه مسألتنيش ليه هجمتني وبعدها هربت
كريم: هربت لان كل تفكيري جه كدا وانحصر اني ازاي حقدر امتنع عن حبك حاولت استسلم بس كان منتهي العذاب
عاليا: المفروض اكون سعيده يعني المفروض تتكلم معايا تديني فرصه افسرلك الموقف عشان يبقي كل شئ واضح مش تروح تموت مظبوط كلامي بس علي فكره شعوري ميختلفش عنك لما بعدت عني عارف كرهتك اوي
كريم ابتسم: عشان كدا مهتميه بيا وعماله تلفي عليا
عاليا عضته: انت رخم رخم رخم
كريم حب يعصبها: بس الرخم بيقولك شكرا انك جيتي وبتحاولي تساعديه بس ممكن اسألك ايه السبب
عاليا: هرد عليك لانك غبي جيت لانك عدوي ولو خسرت قبل ما ابدء اللعبه بجد حموت بحسرتي فهمت
كريم همس في ودنها وهو بيضغط علي ايديها بحنان: حتي لو لعبه انا مش نادم علي المشاركه علي الاقل اللحظه دي لانك قررتي تساعدي عدوك عشان كدا هو كمان هيساعدك تسترخي
وضمها لحضنه بشوق ورغبه متوحشه!!!
....منه محمد........
عاليا من برا : كريم علي فكره جبتلك معايا شويه فواكهه وانا فضيالك الليله موريش شغل
كريم بصوت عالي: يعني هتفضلي معايا اطول فتره
عاليا بصوت اعلي: ايوه لان اكيد انت لسه عايز تتكلم معايا
كريم: شئ زي كدا
عاليا ضحكت اوي وراحتله : الله اوضتك دي وانت طفل؟!
كريم هز لها دماغه بـ نعم
عاليا: بس بجد جميله اوي
كريم: علي فكره ذوقي وانا عندي 14 سنه
عاليا بأعجاب: انت شاطر بجد لساني يعجز عن الكلام
كريم: بطلي تسخري مني
عاليا كشرت: انا مش بسخر منك والله انت الي علي طول حاسس بالاهانه من كلامي مش عارفه ليه ،، بس بجد الاوضه حلوه جدا بجد تنفع مهندس ديكور هايل وخصوصا الدبدوب ده فيه شبه كبير منك تعال ناخد معاه كام صوره يله ناخد صوره يله
كريم شدها لحضنه: انتي جايه تاخدي صوره وتمشي
عاليا: لا انا بدور علي مجفف لشعري فممكن تدور معايا ع مكانه
كريم داخ ورجعلها: مش لقيه بس ممكن تاخدي المجفف ده مؤقتا
عاليا : ده بيشتغل ازاي لا انا مستعملتش النوع ده قبل كدا !!!!
كريم راح وحطه بالمشترك ورجعلها: هنا تضغطي علي الزرار ده للهواء البارد وده زرار للهواء السخن بس زيه زي اي استشوار تاني
عاليا اخدته منه ومره واحده رمته عليه: ايه ده اتكهربت
كريم: لانك غبيه حد يمسك الكهرباء وايده مبلوله (ومسك ايدها) ايدك كويسه شغاله خدي ولو تعرفي تستخدميه براحتك مش عايزه بلاش منه خالص
عاليا بقلق: طيب لو كهرباني تاني اعمل ايه
كريم: خلاص البسي عازل
عاليا: مجبتش اي عوازل انا
كريم بملل: خلاص دوريلك علي اي حاجه تنشفي بيها
عاليا كشرت: اروح استخدم الخلاط يعني
كريم زعق: خلاص انشاء الله عن شعرك ما نشف
عاليا: مقدرش اقعد وشعري مبلول
كريم: تمام عاوزاني اعملك ايه اظن اديتك الحل
عاليا ابتسمتله بمعني ردلي الجميل
كريم اخدها للتسريحه بتزمر وشغل المجفف شويه ووقف عن استعماله
عاليا: ايه
كريم: خلصت
عاليا: خلصت ايه انا شعري لسه مبلول
كريم حب يهرب: لحظه نسيت سجايري في الفراند اجبها وارجعلك
عاليا: تمام روح شكلك خرمان وهطلعهم عليا روح وانا هستني عادي روح يله
كريم بصلها وراح وشويه ورجع: ها تمام
عاليا: ايوه نص نص
كريم: لا شعرك جف
عاليا: مش مهم هقعد بقي وامري لله اروح احضرلك الاكل
لسه هتخرج لقت موبيله بيرن وقفت مكانها
كريم بصلها اوي
عاليا: لا لسه محتاجه اجففه اكتر بعدين يجيلي برد ويؤدي لـ التهاب رئوي حاد
كريم مسك دماغه وراح ناحيه المجفف: تعرفي لوحدك
عاليا: لا عنك اقدر اعمله بنفسي انت رد علي موبيلك يله
كريم اخد الموبيل يرد ودخل الفراندا
عاليا قربت من باب الفراندا عايزه تعرف بيكلم مين وشغلت المجفف وقربت اوي من باب التراس ومره واحده صرخت كريم رمي الموبيل وطلع بسرعه لقاها بتحاول تسلك شعرها من المجفف بصعوبه
مسك شعرها: تعال اساعدك عملتي ايه؟؟!!
عاليا: براحه هتقطع شعري
كريم بيسلكه بحنان: مستحيل اقطع ولا خصله واحده منه
عاليا بشك: متاكد ولا هتفكر تمسك المقص
كريم: متقلقيش عمري ما هعمل حاجه انتي متحبهاش (وبوقاحه)بس لو فيه حاجه نفسك اعملهالك مهما طلبتي مش هتاخر
عاليا ضربته جامد
كريم: علي فكره انا متعود الست لما بتضربني ببوسها
وملس علي شعرها بحنان) شوفتي خلصت ولا شعره واحده طلعت
عاليا بهدوء: انا اسفه لاني سبتك وروحت لخالد وشكلك مقهور مني
كريم بغيره حرقته: اه اتقهرت وحسيت بالاهانه واقفلي علي سيرته ويله عشان جعان ومحتاج اخد الدواء وجايه تخرج
كريم شدها بفضول:مقولتليش خالد كان عاوزك ترحيلو ليه؟؟
عاليا: الله مش قولتلي قفلي
كريم: لا غيرت راي عاوز اعرف ردي
عاليا: ابدا كان عاوز ياخد رآي في صنف جديد يضيفه للقايمه
كريم ماسك نفسه ليتعصب: اه شكله بيعزك اوي
عالياحبت تنرفزه: تصدق ولا لمح بلمحه صغيره
كريم بتريقه: اكيد مش عايز يتحطم ويخاف
عاليا بستمتاع بجنونه: ليه يخاف الامر مفهوش الي يخوف
كريم ضغط علي كف ايده: ليه هو لو اعترفلك انه معجب بيكي حتقبلي بأعجابه
عاليا: لا انا قصدي يعـ
كريم: انا الي اقصده لو اعترفلك بحبه ردك حيكون ايه؟؟!!
عاليا مسكت دقنه: حلاقي رد من غير ما اجرحه
كريم نزل ايدها بعنف: طبعا لانه شخص طيب فتحاولي تراعي مشاعره مش كدا
عاليا: لا انا انسانه الي في قلبي علي لساني
كريم: مشاء الله اللسان متفق مع القلب طيب خليني اغير السؤال
عاليا: اسأل
كريم: الليله الي حلمتي بيا فيها اصل سمعت اذا حلمنا بشخص ما ده معناه اننا بنفكر فيه كنتي بتفكري فيا صحيح
عاليا: اممم بفكر كل ليله كل ساعه بفكر مع كل نفس مبسوط
كريم: بجد!
عاليا: بطل بقي
كريم: ردي
عاليا: ايوه ياكريم يا ابن ابو اليسر بفكر فيك لما بفتح عيوني بفكر فيك لما بغمض عيوني بفكر فيك ها مبسوط
كريم بتبسامه واسعه: مبسوط جدا
عاليا: رخم
كريم: الرخم ده حيطلع كل رخامته عليكي
عاليا :دوري بقي
كريم: اتفضلي؟؟!
عاليا ضيقت عيونها: لو واحد محتفظ بمنديل لواحده ده معناه ايه؟؟!!
كريم: معناه انه قلبه مال ليها
عاليا: مين الي ادتهولك بقي
كريم: واحده تافهه كدا
عاليا ضربته في رجله
كريم: طيب صاحبه المنديل قلبها معاه ولا لا
عاليا: روح واسألها بنفسك
كريم: خايف اسألها تخيب ظني
عاليا: لا اتشجع لانها منتظراك طول الوقت بس بعد الاكل عشان ياخد الدواء
......منه محمد.......
قاعدين علي السفره بياكلوا
كريم: عاليا العايله تعنيلك ايه؟؟!!
عاليا: العايله يعني الحب والعلاقات وانت بقيت عايلتي ياكريم
كريم: وبما اني عايلتك رغم اننا مش نفس الدم ده معناه انك بتحبيني مش كدا
عاليا: انت رخم علي فكره
كريم: وانتي لو مجوبتنيش هستنتج انك عشقتيني
عاليا: انت ازاي بتأكلك وشك معاك كدا
كريم: الله طيب ما انتي كمان متبهدله
عاليا: كداب فين
كريم اخد من الصلصه وحطلها علي وشها وفضل يشاور :هنا وهنا وهنا
عاليا: انت بتهزر معايا مش كدا
كريم: تعالي امسحهولك وقرب بشفايفه مسح الصلصه وبعدين ابتسم لانها متنحه )انا دلوقت عرفت انك بتعشقيني بدليل مزقتنيش
ورفعها بين ايديه
عاليا اتعلقت في رقبته:انت واخدني علي فين
كريم بهمس :همسحلك الصلصه الي في كل مكان دي
عاليا:لا نزلني وبطل تضايقني
كريم :بطلي لانك مستمتعه بمضايقتي
...........منه محمد...........
علي التلفون مصممه تعرف مكانه
عاصم: ايوه عرفت مكانه ورايحله اطمن عليه
نهله: لا انا جايه معاك ارجوك انا الوحيده الي هقدر اهدي كريم
عاصم: مفيش داعي يانهله من الافضل خليكي انتي واصدقائك
نهله: بس انا قلقانه لكريم وقلقي زيك بالظبط ارجوك خليني اشوفه بعيني انه بخير وهمشي ع طول
عاصم بضيق: خلاص حاضر هبعتلك العنوان
عاصم بص لـ احمد: مهما حصل لو كسر الدنيا كريم لازم يرجع لبيته
احمد بطاعه: امرك
عاصم : يله نتحرك
........منه محمد........
قدام البيت وقفت عربيه عاصم ونزل منها ووراه احمد ونهله نزلت وراهم من عربيتها وجايه تدخل لقت ايد بتسحبها
نهله بصدمه: خالد انت هنا كنت عارف بمكانه اه نسيت انك قريب من عاليا طبعا بلغتك انت ومبلغتش ابوه طبعا بتقفل طريق الوصول ان اب يجتمع مع ابنه
خالد بهدوء: اتماديتي كتير عاليا رفضت تبلغني مكانه بس انا مشيت وراها لحد هنا
نهله: يبقي كنت عارف انها مع كريم ليه مقولتلناش
خالد: نسيت لكن ممكن تدخلي لحد ما كريم وابوه يوضحولك الامر ليه هي هنا ومعاه
نهله بحده وغيره: عاليا بس الي تقدر تدخل مش كدا بس انا لا مش ده قصدك
خالد: ايوه لان عاليا فرد من العايله دي اما انتي مجرد شخص غريب
نهله سابته ودخلت وهو اضايق لكن اضطر يدخل وراها
........منه محمد.........
عاصم قرب ولسه هيخبط لقاه الباب مفتوح زقه بهدوء ودخل ووراه احمد
عاصم شاف شنطه عاليا: كريم هنا شنطه بنتي اهي
احمد: تمام انا حلف برا واشوفه فينه؟؟!!
عاصم هز دماغه: اوك
نهله قابلت احمد: فين كريم
احمد بتعجب: استاذ خالد كمان هنا؟؟!!
.......منه محمد.......
عاليا اتحركت من حضنه شدها بتملك: رايحه فين؟
عاليا: لازم تاخد دواك
كريم : قلتي ايه
عاليا: تاخد دو
كريم بترها بشفايفه: انتي دوايا
عاليا بتمنعه: كريم بطل انا بتكلم بجد ده معاد الدواء
كريم: اممم طالما مهتميه بيا فلازم اكافئك
عاليا بتحذير: كريم بطل بقي
كريم: لا هكافئك
عاليا ضحكت: كريم بحذرك
عاصم سمع صوتهم اتجه ناحيته وفتح الباب ودخل وعيونه جحظت من محجرها: كريم وعاليا
في نفس الوقت نهله وخالد واحمد جريوا لمصدر الصوت!!!
عاليا بخوف: بابا
عاصم بأمر: البسوا هدومك انتي وهو واطلعولي برا يله لازم نتكلم وبسرعه
نهله مصدومه من المنظر: لالا كريم
عاصم بزعيق: يله الكل يخرج برا واغلق عليهم الباب
تعليقات
إرسال تعليق